საქართველოს მოქალაქის პირადობის ელექტრონული მოწმობისა და საქართველოში მცხოვრები უცხოელის ბინადრობის ელექტრონული მოწმობის (დროებითი და მუდმივი) ფორმებისა და ტექნიკური მახასიათებლების დამტკიცების შესახებ

საქართველოს იუსტიციის მინისტრი ს

ბრძანება №91

2011 წლის 14 ივლისი

ქ. თბილისი

საქართველოს მოქალაქის პირადობის ელექტრონული მოწმობისა და საქართველოში მცხოვრები უცხოელის ბინადრობის ელექტრონული მოწმობის (დროებითი და მუდმივი) ფორმებისა და ტექნიკური მახასიათებლების დამტკიცების შესახებ

 „საქართველოს მოქალაქეთა და საქართველოში მცხოვრებ უცხოელთა რეგისტრაციის, პირადობის (ბინადრობის) მოწმობისა და საქართველოს მოქალაქის პასპორტის გაცემის წესის შესახებ“ საქართველოს კანონის მე-14 მუხლის მე-6 და მე-9 პუნქტების, მე-20 მუხლის მე-2 პუნქტისა და საქართველოს ზოგადი ადმინისტრაციული კოდექსის 61-ე მუხლის შესაბამისად, ვბრძანებ:

1. დამტკიცდეს:

ა) საქართველოს მოქალაქის პირადობის ელექტრონული მოწმობის ფორმა და ტექნიკური მახასიათებლები (დანართი №1);

ბ) საქართველოში მცხოვრები უცხოელის მუდმივი ბინადრობის ელექტრონული მოწმობის ფორმა და ტექნიკური მახასიათებლები (დანართი №2);

გ) საქართველოში მცხოვრები უცხოელის დროებითი ბინადრობის ელექტრონული მოწმობის ფორმა და ტექნიკური მახასიათებლები (დანართი №3).

 2. ძალადაკარგულად გამოცხადდეს „საქართველოს მოქალაქის პირადობის ელექტრონული მოწმობისა და ბინადრობის (დროებითი და მუდმივი) ელექტრონული მოწმობის მახასიათებლების დამტკიცების შესახებ“ საქართველოს იუსტიციის მინისტრის 2010 წლის 5 ივლისის №126 ბრძანება.

3. დაევალოს საჯარო სამართლის იურიდიულ პირს – სამოქალაქო რეესტრის სააგენტოს ამ ბრძანების პირველი პუნქტით გათვალისწინებული დოკუმენტების დასამზადებლად საჭირო ორგანიზაციული ღონისძიებების განხორციელება.

4. ბრძანების შესრულებაზე კონტროლი დაევალოს საქართველოს იუსტიციის მინისტრის მოადგილეს – სამოქალაქო რეესტრის სააგენტოს თავმჯდომარეს – გ.ვაშაძეს.

5. ეს ბრძანება ამოქმედდეს გამოქვეყნებისთანავე.

ზ. ადეიშვილი

დანართი №1

საქართველოს მოქალაქის პირადობის ელექტრონული მოწმობის ფორმა და ტექნიკური მახასიათებლები

    მუხლი 1. საქართველოს მოქალაქის პირადობის ელექტრონული მოწმობა

 1. საქართველოს მოქალაქის პირადობის ელექტრონული მოწმობა (შემდგომში – მოწმობა) უნდა დამზადდეს ლამინირებული პოლიკარბონატის (შეურეველი, სუფთა პოლიკარბონატი) ფირფიტისაგან, მრავალშრიანი ტექნოლოგიით, ბარათის ფირფიტის გამოყენებით, დაწყობილი და ლამინირებული ერთიან „მონო-სხეულად“ სიმხურვალისა და წნევის პირობებში. მოწმობის ფორმატი უნდა შეესაბამებოდეს ISO/IEC 7810 სტანდარტს: ISO/IEC 7810 standard identification cards – Physical characteristics (საიდენტიფიკაციო ბარათები – ფიზიკური მახასიათებლები).

2. ISO/IEC 7810-ის მიხედვით განისაზღვრება ნომინალური ზომები ID-1 ზომის ბარათისთვის: სიგანე: 85,60 მმ (85,47მმ – 85,72მმ, ISO/lEC 7810), სიგრძე: 54,00მმ (53,92მმ – 54,03მმ, ISO/IEC 7810), სისქე: 0,80მმ (0,76მმ – 0,84მმ, ISO/IEC 7810), კუთხე: 3,18მმ (2,88მმ – 3,48მმ, ISO/IEC 7810). მოწმობის კიდის ამობურცვები არ უნდა აღემატებოდეს 0,08მმ მოწმობის ძირითადი ზედაპირიდან.

    მუხლი 2. უსაფრთხოების მახასიათებლები

 1. მოწმობა შეიცავს უსაფრთხოების შემდეგ მახასიათებლებს:

 ა) მოწმობის მასალა: UV dull – ულტრაიისფერი სუბსტრატი, რომელიც გამოსცემს ვიზუალურად შეუმჩნეველ ნათებას ულტრაიისფერი დასხივების გამოყენებისას.

 ბ) უსაფრთხო ბეჭდვა:

 ბ.ა) ორფერიანი გილიოშის (ორნამენტი) უსაფრთხო ფონი. გილიოში არის დაბეჭდილი უსაფრთხოების ხაზები – უნიკალური გადაკვეთების კონტურებითა და გეომეტრიით. გამოყენებულია „შავი ხაზი, თეთრიხაზი“ დიზაინი, რომელიც იცვლება პოზიტიურიდან ნეგატიური გამოსახულებით დოკუმენტის გასწვრივ;

 ბ.ბ) ცისარტყელისებური ბეჭდვა;

 ბ.გ) დაბეჭდილი მიკროტექსტი;

 ბ.დ) ხელოვნური ორთოგრაფიული შეცდომები;

 ბ.ე) ანტისკანირების მექანიზმი;

 ბ.ვ) ართსკრინი;

 ბ.ზ) ხაზის სისქის მოდულაცია.

 გ) მელანი და გამოსახულების შექმნის სხვა საშუალებები:

 გ.ა) ულტრაიისფერი ფლუორესცენტული მელანი – ულტრაიისფერი ფლუორესცენტული მელანი არ არის ხილვადი ჩვეულებრივი განათების პირობებში. ულტრაიისფერი გამოსხივების ქვეშ ლოგო, დიზაინის სტრუქტურა და ტექსტი ხდება ხილვადი ლურჯი, წითელი ან მწვანე/ყვითელი ფერით;

 გ.ბ) შერეული უსაფრთხო მელნები;

 გ.გ.) ჰოლოგრამა;

 გ.დ) ცვალებადი ფერის მელანი;

 გ.ე.) ცვალებადი ფერის მელანი სპეციალური მარკერით;

 გ.ვ) OV dots^​TM მიკროსკოპული მეტალის ნაწილაკები, რომელიც შეიცავს ცვალებად კოდს და ჰოლოგრამულ იმიჯს მაღალი რეზოლუციით. ულტრაიისფერი წერტილის მელანი შეიცავს ამ მიკრონაწილაკებს, რომლებსაც აქვს ოქტაგონის ფორმა, ზომა – 100-120 µm და შეუძლია შეიცავდეს ერთ ალფა-რიცხვით კოდს.

 2. ICAO-doc part 3 vol. 1-ის თანახმად, მოწმობას უკანა მხარეს უნდა ჰქონდეს MRZ.

    მუხლი 3. მოწმობის დიზაინი

1. წინა მხარე (სურათი №1).

2. უკანა მხარე (სურათი №2).

3. OVI ფერი – ცვალებადი ფერი: მეწამულიდან (magenta) მწვანეზე (3Z3U02).

4. ჰოლოგრამა გრავირებული იქნება მოწმობაზე, რაც ნიშნავს, რომ ის მოწმობის ნაწილს წარმოადგენს და შეუძლებელია მისი დაზიანება ან შეცვლა. ჰოლოგრამის დიამეტრი: 18მმ.

 5. აღწერილობა (ფსევდოფერები):

 ა) სრული გამოსახულება;

 ბ) სხვადასხვა დახრილობის ეფექტი;

 გ) ლინზის ეფექტი;

 დ) ზომა 50 მიკრონი;

 ე) ზომა 5 მიკრონი;

 ვ) ზომა 100 მიკრონი;

 ზ) მიკრო და ნანოტექსტები;   

 თ) ფარული ლაზერით წაკითხვადი გამოსახულების ჩარჩო;

 ი) ფარული ლაზერით წაკითხვადი გამოსახულების ფართობი.

 6. OV dots^​TM გრავირებული იქნება მოწმობაზე, რაც ნიშნავს რომ ის მოწმობის ნაწილს წარმოადგენს და შეუძლებელია მისი დაზიანება ან შეცვლა. წერტილების ზომა: 100 მიკრონ ოქტაგონი. 19 მიკრონის გარდატეხვითი მიკროტექსტის ასოები GEO; 10 მიკრონის გარდატეხვითი მიკროტექსტის ასოები GEO; 4 მიკრონის ნანოტექსტი GEO.

    მუხლი 4. მოწმობის ინდივიდუალური ნომრის სპეციფიკაცია

 1. მოწმობის ინდივიდუალური ნომერი გრავირებულია (ამოტვიფრულია) როგორც "OCR-B.ttf" 2 მმ ზომის სიმბოლოებით. გამოყენებულია 9-ნიშნა რიცხვი.

 2. მოწმობის ინდივიდუალური ნომრის ნიმუში: 00IA00001. პირველი ორი ციფრი – გამოშვების წელი; შემდეგი ორი სიმბოლო (სერია) – ასოების კომბინაცია (მაგალითად, AA) გარდა კომბინაციებისა PR და TR, შემდეგი (ბოლო) ხუთი ციფრი – რიგითი ნომერი 00001-დან 99999-მდე სერიის ფარგლებში (მაგალითად, 12345), გარდა კომბინაციებისა 666XX, X666X, XXX666.

 

მუხლი 5.  მიკროსქემა

1. მოწმობას გააჩნია მიკროსქემა (ინფორმაციის ელექტრონული მატარებელი) 2 ინტერფეისით (კონტაქტური და უკონტაქტო).

2. მიკროსქემა წარმოადგენს მოწყობილობას – ინფორმაციის ელექტრონულ მატარებელს, რომელიც უნდა აკმაყოფილებდეს ამ მუხლით დადგენილ მოთხოვნებს.

3. მიკროსქემას უნდა ჰქონდეს არანაკლებ EAL5+ სერტიფიკატი ზოგადი კრიტერიუმების შესაბამისად.

4. მიკროსქემის კონტაქტური ინტერფეისი უნდა აკმაყოფილებდეს შემდეგ მინიმალურ მოთხოვნებს:

ა) მიკროსქემა ISO/IEC 7816-ის შესაბამისად უნდა შეიცავდეს კონტაქტური ინტერფეისით წვდომად, სულ მცირე, პროცესორს, კოპროცესორს და FLASH მეხსიერებას. მეხსიერება არ უნდა იყოს 80 კბ-ზე ნაკლები, უნდა გაუძლოს არანაკლებ 5X105 პროგრამულ ციკლს და 10-წლიან მუშაობას. მიკროსქემა უნდა უზრუნველყოფდეს როგორც T=0, ისე T=1 ტრანსმისიის პროტოკოლს. მიკროსქემა უნდა შეიცავდეს მინიმუმ ერთ კრიპტოკოპროცესორს და აგრეთვე უნდა შეიცავდეს PKI კოპროცესორს (RSA, ECC);

ბ) მიკროსქემა უნდა უზრუნველყოფდეს შემდეგ ალგორითმებს:

ბ.ა) RSA – შიფრაცია, დეშიფრაცია, ხელმოწერის შექმნა და დამოწმება;

ბ.ბ) RSA-ს გასაღების გენერაცია 4 კბ-მდე ზომით, სიგრძით 2048 და 4096;

ბ.გ) AES;

ბ.დ) ECC – გასაღებების გენერაცია, შიფრაცია, დეშიფრაცია, ხელმოწერის შექმნა და დამოწმება.

5. მიკროსქემის კონტაქტური ინტერფეისი უნდა აკმაყოფილებდეს შემდეგ მინიმალურ მოთხოვნებს:

ა) მიკროსქემა უნდა შეიცავდეს ISO/IEC 14443 თანახმად, RF ანტენით წვდომად, სულ მცირე, 1 პროცესორს, 1 კრიპტოპროცესორს, FLASH მეხსიერებას და უნიკალურ უცვლელ იდენტიფიკატორს (UID). უკონტაქტო ინტერფეისის მოქმედების მანძილი უნდა იყოს 10 სმ-მდე, ხოლო სიხშირე – 13.56 MHZ. უკონტაქტო ინტერფეისით, სულ მცირე, მხარდაჭერილი უნდა იყოს არანაკლებ 15 პროგრამისა და თითო პროგრამაში არანაკლებ 15 ფაილის არსებობა, პროგრამების კატალოგი და იდენტიფიკატორები;

ბ) მიკროსქემა უნდა იყენებდეს კონფიგურირებად სიმეტრიულ გასაღებს უკონტაქტო ინტერფეისით პროგრამასთან დაშვების კონტროლისათვის და სხვადასხვა გასაღების გამოყენებით უნდა იძლეოდეს დაშვების საშუალებას სხვადასხვა უფლებაზე (კითხვა, ჩაწერა);

გ) მიკროსქემა უნდა იძლეოდეს UID-ზე დაყრდნობით თითოეული ელექტრონული მოწყობისათვის დივერსიფიცირებული გასაღების გამოყენების საშუალებას;

დ) მიკროსქემას უნდა შეეძლოს კომუნიკაცია მონაცემთა სწრაფი გადატანით მინიმუმ 424 კბიტ/წმ;

ე) FLASH მეხსიერება უნდა იყოს არანაკლებ 8 კბ და უნდა უძლებდეს არანაკლებ 5X10^​5 პროგრამულ ციკლსა და 10-წლიან მუშაობას;

ვ) მიკროსქემას უნდა შეეძლოს იდენტიფიკაციისა და შიფრაციის გამოყენება მონაცემთა გადასაცემად AES ალგორითმის გამოყენებით;

ზ) მიკროსქემა უნდა იყენებდეს ანტიკოროზიულ მექანიზმს და დაცული უნდა იყოს ელექტროსტატიკური დამუხტვით დაზიანებისაგან.

საქართველოს იუსტიციის მინისტრის 2023 წლის 7 ნოემბრის ბრძანება №942 - ვებგვერდი, 07.11.2023 წ.

 

მუხლი 6. ტექნიკური სპეციფიკაცია – ანტენა და მიკროსქემა

1. ანტენის სიხშირეა 13.56 (MHz ISO 14443-ის თანახმად).

2. გამოყენებული მიკროსქემა უნდა იყოს SmartMX3 Dual lnterface.

საქართველოს იუსტიციის მინისტრის 2023 წლის 7 ნოემბრის ბრძანება №942 - ვებგვერდი, 07.11.2023 წ.

 

მუხლი 7. მოწმობის რეკვიზიტები

1. მოწმობა უნდა შეიცავდეს:

ა) სახელს;

ბ) გვარს;

გ) სქესს;

დ) მოქალაქეობას;

ე) დაბადების თარიღს;

ვ) დაბადების ადგილს;

ზ) პირად ნომერს;

თ) ფოტოსურათს;

ი) პირად ხელმოწერას;

კ) მოწმობის გამცემი ორგანოს დასახელებას;

ლ) მოწმობის გაცემის თარიღს;

მ) მოწმობის მოქმედების ვადას;

ნ) ავთენტიფიკაციის სერტიფიკატს;

ო) კვალიფიციური ელექტრონული ხელმოწერის სერტიფიკატს;

პ) აღნიშვნას „სტუდენტი“ – „საქართველოს მოქალაქეთა და საქართველოში მცხოვრებ უცხოელთა რეგისტრაციისა და რეგისტრაციიდან მოხსნის, პირადობის (ბინადრობის) მოწმობის, პასპორტის, სამგზავრო პასპორტისა და სამგზავრო დოკუმენტის გაცემის წესის დამტკიცების შესახებ“ საქართველოს იუსტიციის მინისტრის 2011 წლის 27 ივლისის №98 ბრძანებით დამტკიცებული წესით გათვალისწინებულ უმაღლესი საგანმანათლებლო დაწესებულების იმ სტუდენტზე (შემდგომში – უმაღლესი საგანმანათლებლო დაწესებულების სტუდენტი) გასაცემი მოწმობის შემთხვევაში, რომელსაც შეჩერებული/შეწყვეტილი არ აქვს სტუდენტის სტატუსი;

პ^​1) აღნიშვნას – „შშმ პირი. მკვეთრად გამოხატული“, „შშმ პირი. მნიშვნელოვნად გამოხატული“ ან „შშმ პირი. ზომიერად გამოხატული“ – „საქართველოს მოქალაქეთა და საქართველოში მცხოვრებ უცხოელთა რეგისტრაციისა და რეგისტრაციიდან მოხსნის, პირადობის (ბინადრობის) მოწმობის, პასპორტის, სამგზავრო პასპორტისა და სამგზავრო დოკუმენტის გაცემის წესის დამტკიცების შესახებ“ საქართველოს იუსტიციის მინისტრის 2011 წლის 27 ივლისის №98 ბრძანებით დამტკიცებული წესით გათვალისწინებულ გადამოწმების გარეშე (უვადოდ) დადგენილი შეზღუდული შესაძლებლობის მქონე პირზე გასაცემი მოწმობის შემთხვევაში, რომელსაც შეჩერებული/შეწყვეტილი არ აქვს აღნიშნული სტატუსი;

ჟ) მიკროსქემაზე სტუდენტის სტატუსის შესახებ ინფორმაციას – უმაღლესი საგანმანათლებლო დაწესებულების იმ სტუდენტზე გასაცემი მოწმობის შემთხვევაში, რომელსაც შეჩერებული/შეწყვეტილი არ აქვს სტუდენტის სტატუსი;

რ) მიკროსქემაზე გადამოწმების გარეშე (უვადოდ) დადგენილი შეზღუდული შესაძლებლობის მქონე პირის სტატუსის შესახებ ინფორმაციას – გადამოწმების გარეშე (უვადოდ) დადგენილი შეზღუდული შესაძლებლობის მქონე პირზე გასაცემი მოწმობის შემთხვევაში, რომელსაც შეჩერებული/შეწყვეტილი არ აქვს აღნიშნული სტატუსი.

2. ამ მუხლის პირველი პუნქტის „პ“-„რ“ ქვეპუნქტებით გათვალისწინებული ინფორმაცია კანონმდებლობით დადგენილი წესით შეიძლება დატანილ იქნეს უკვე გაცემულ მოწმობაზეც.

საქართველოს იუსტიციის მინისტრის 2012 წლის 13 ივნისის ბრძანება №97 - ვებგვერდი, 13.06.2012 წ.

საქართველოს იუსტიციის მინისტრის 2012 წლის 25 ივნისის ბრძანება №105 - ვებგვერდი, 25.06.2012 წ.

საქართველოს იუსტიციის მინისტრის 2012 წლის 11 სექტემბრის ბრძანება №157 - ვებგვერდი, 11.09.2012 წ.

საქართველოს იუსტიციის მინისტრის 2018 წლის 28 ივნისის ბრძანება  №313 - ვებგვერდი, 28.06.2018 წ.

საქართველოს იუსტიციის მინისტრის 2021 წლის 10 ივლისის ბრძანება №743 - ვებგვერდი, 10.07.2021 წ.

საქართველოს იუსტიციის მინისტრის 2023 წლის 7 ნოემბრის ბრძანება №942 - ვებგვერდი, 07.11.2023 წ.

სურათი №1

 

 

სურათი №2

 

საქართველოს იუსტიციის მინისტრის 2023 წლის 7 ნოემბრის ბრძანება №942 - ვებგვერდი, 07.11.2023 წ. 

 

დანართი №2

საქართველოში მცხოვრები უცხოელის მუდმივი ბინადრობის ელექტრონული მოწმობის ფორმა და ტექნიკური მახასიათებლები

    მუხლი 1. საქართველოში მცხოვრები უცხოელის მუდმივი ბინადრობის ელექტრონული მოწმობა

1. საქართველოში მცხოვრები უცხოელის მუდმივი ბინადრობის ელექტრონული მოწმობა (შემდგომში – მოწმობა) უნდა დამზადდეს ლამინირებული პოლიკარბონატის (შეურეველი, სუფთა პოლიკარბონატი) ფირფიტისაგან, მრავალშრიანი ტექნოლოგიით, ბარათის ფირფიტის გამოყენებით, დაწყობილი და ლამინირებული ერთიან „მონო-სხეულად“ სიმხურვალისა და წნევის პირობებში. მოწმობის ფორმატი უნდა შეესაბამებოდეს ISO/IEC 7810 სტანდარტს: ISO/IEC 7810 standard identification cards – Physical characteristics (საიდენტიფიკაციო ბარათები – ფიზიკური მახასიათებლები).

 2. ISO/IEC 7810-ის მიხედვით განისაზღვრება ნომინალური ზომები ID-1 ზომის ბარათისთვის: სიგანე: 85,60მმ (85,47მმ – 85,72მმ, ISO/lEC 7810), სიგრძე: 54,00მმ (53,92მმ – 54,03მმ, ISO/IEC 7810), სისქე: 0,80მმ (0,76მმ – 0,84მმ, ISO/IEC 7810), კუთხე: 3,18მმ (2,88მმ – 3,48მმ, ISO/IEC 7810). მოწმობის კიდის ამობურცვები არ უნდა აღემატებოდეს 0,08მმ მოწმობის ძირითადი ზედაპირიდან.

    მუხლი 2. უსაფრთხოების მახასიათებლები

 1. მოწმობა შეიცავს უსაფრთხოების შემდეგ მახასიათებლებს:

 ა) მოწმობის მასალა: UV dull – ულტრაიისფერი სუბსტრატი, რომელიც გამოსცემს ვიზუალურად შეუმჩნეველ ნათებას ულტრაიისფერი დასხივების გამოყენებისას.

 ბ) უსაფრთხო ბეჭდვა:

 ბ.ა) ორფერიანი გილიოშის (ორნამენტი) უსაფრთხო ფონი. გილიოში არის დაბეჭდილი უსაფრთხოების ხაზები უნიკალური გადაკვეთების კონტურებითა და გეომეტრიით. გამოყენებულია „შავი ხაზი, თეთრიხაზი“ დიზაინი, რომელიც იცვლება პოზიტიურიდან ნეგატიური გამოსახულებით დოკუმენტის გასწვრივ;

 ბ.ბ) ცისარტყელისებური ბეჭდვა;

 ბ.გ) დაბეჭდილი მიკროტექსტი;

 ბ.დ) ხელოვნური ორთოგრაფიული შეცდომები;

 ბ.ე) ანტისკანირების მექანიზმი;

 ბ.ვ) ართსკრინი;

 ბ.ზ) ხაზის სისქის მოდულაცია.

 გ) მელანი და გამოსახულების შექმნის სხვა საშუალებები:

 გ.ა) ულტრაიისფერი ფლუორესცენტული მელანი – ულტრაიისფერი ფლუორესცენტული მელანი არ არის ხილვადი ჩვეულებრივი განათების პირობებში. ულტრაიისფერი გამოსხივების ქვეშ ლოგო, დიზაინის სტრუქტურა და ტექსტი ხდება ხილვადი ლურჯი, წითელი ან მწვანე/ყვითელი ფერით;

 გ.ბ) შერეული უსაფრთხო მელნები;

 გ.გ.) ჰოლოგრამა;

 გ.დ) ცვალებადი ფერის მელანი;

 გ.ე.) ცვალებადი ფერის მელანი სპეციალური მარკერით;

 გ.ვ) OV dots^​TM მიკროსკოპული მეტალის ნაწილაკები, რომელიც შეიცავს ცვალებად კოდს და ჰოლოგრამულ იმიჯს მაღალი რეზოლუციით. ულტრაიისფერი წერტილის მელანი შეიცავს ამ მიკრონაწილაკებს, რომლებსაც აქვს ოქტაგონის ფორმა, ზომა – 100-120 µm და შეუძლია შეიცავდეს ერთ ალფა-რიცხვით კოდს.

2. ICAO-doc part 3 vol. 1-ის თანახმად, მოწმობას უკანა მხარეს უნდა ჰქონდეს MRZ.

    მუხლი 3. მოწმობის დიზაინი:

1. წინა მხარე (სურათი №3).

2. უკანა მხარე (სურათი №4).

3. OVI ფერი – ცვალებადი ფერი: მეწამულიდან (magenta) მწვანეზე (3Z3U02).

4. ჰოლოგრამა გრავირებული იქნება ბარათზე, რაც ნიშნავს, რომ ის ბარათის ნაწილს წარმოადგენს და შეუძლებელია მისი დაზიანება ან შეცვლა. ჰოლოგრამის დიამეტრი: 18მმ.

5. აღწერილობა (ფსევდოფერები):

ა) სრული გამოსახულება;

ბ) სხვადასხვა დახრილობის ეფექტი;

გ) ლინზის ეფექტი;

დ) ზომა 50 მიკრონი;

ე) ზომა 5 მიკრონი;

ვ) ზომა 100 მიკრონი;

ზ) მიკრო და ნანოტექსტები;    

თ) ფარული ლაზერით წაკითხვადი გამოსახულების ჩარჩო;

ი) ფარული ლაზერით წაკითხვადი გამოსახულების ფართობი.

6. OV dots^​TM გრავირებული იქნება მოწმობაზე, რაც ნიშნავს, რომ ის მოწმობის ნაწილს წარმოადგენს და შეუძლებელია მისი დაზიანება ან შეცვლა. წერტილების ზომა: 100 მიკრონ ოქტაგონი. 19 მიკრონის გარდატეხვითი მიკროტექსტის ასოები GEO; 10 მიკრონის გარდატეხვითი მიკროტექსტის ასოები GEO; 4 მიკრონის ნანოტექსტი GEO.

    მუხლი 4. მოწმობის ინდივიდუალური ნომრის სპეციფიკაცია

1. მოწმობის ინდივიდუალური ნომერი გრავირებულია (ამოტვიფრულია) როგორც "OCR-B.ttf" 2 მმ ზომის სიმბოლოებით. გამოყენებულია 9-ნიშნა რიცხვი.

 2. მოწმობის ინდივიდუალური ნომრის ნიმუში: 00IA00001. პირველი ორი ციფრი – გამოშვების წელი; შემდეგი ორი სიმბოლო (სერია) – ასოების კომბინაცია PR, შემდეგი (ბოლო) ხუთი ციფრი – რიგითი ნომერი 00001-დან 99999-მდე სერიის ფარგლებში (მაგალითად, 12345), გარდა კომბინაციებისა 666XX, X666X, XXX666.

 

მუხლი 5.  მიკროსქემა

1. მოწმობას გააჩნია მიკროსქემა (ინფორმაციის ელექტრონული მატარებელი) 2 ინტერფეისით (კონტაქტური და უკონტაქტო).

2. მიკროსქემა წარმოადგენს მოწყობილობას – ინფორმაციის ელექტრონულ მატარებელს, რომელიც უნდა აკმაყოფილებდეს ამ მუხლით დადგენილ მოთხოვნებს.

3. მიკროსქემას უნდა ჰქონდეს არანაკლებ EAL5+ სერტიფიკატი ზოგადი კრიტერიუმების შესაბამისად.

4. მიკროსქემის კონტაქტური ინტერფეისი უნდა აკმაყოფილებდეს შემდეგ მინიმალურ მოთხოვნებს:

ა) მიკროსქემა ISO/IEC 7816-ის შესაბამისად უნდა შეიცავდეს კონტაქტური ინტერფეისით წვდომად, სულ მცირე, პროცესორს, კოპროცესორს და FLASH მეხსიერებას. მეხსიერება არ უნდა იყოს 80 კბ-ზე ნაკლები, უნდა უძლებდეს არანაკლებ 5X10^​5 პროგრამულ ციკლს და 10-წლიან მუშაობას. მიკროსქემა უნდა უზრუნველყოფდეს როგორც T=0, ისე T=1 ტრანსმისიის პროტოკოლს. მიკროსქემა უნდა შეიცავდეს მინიმუმ ერთ კრიპტოკოპროცესორს და უნდა შეიცავდეს PKI კოპროცესორს (RSA, ECC);

ბ) მიკროსქემა უნდა უზრუნველყოფდეს შემდეგ ალგორითმებს:

ბ.ა) RSA – შიფრაცია, დეშიფრაცია, ხელმოწერის შექმნა და დამოწმება;

ბ.ბ) RSA-ს გასაღების გენერაცია 4 კბ-მდე (ზომით, სიგრძით 2048 და 4096);

ბ.გ) AES;

ბ.დ) ECC – გასაღების გენერაცია, შიფრაცია, დეშიფრაცია, ხელმოწერის შექმნა და დამოწმება.

5. მიკროსქემის კონტაქტური ინტერფეისი უნდა აკმაყოფილებდეს შემდეგ მინიმალურ მოთხოვნებს:

ა) მიკროსქემა უნდა შეიცავდეს ISO/IEC 14443 თანახმად, RF ანტენით წვდომად, სულ მცირე, 1 პროცესორს, 1 კრიპტოპროცესორს, FLASH მეხსიერებას და უნიკალურ, უცვლელ იდენტიფიკატორს (UID). უკონტაქტო ინტერფეისის მოქმედების მანძილი უნდა იყოს 10 სმ-მდე, ხოლო სიხშირე – 13.56 MHZ. უკონტაქტო ინტერფეისით, სულ მცირე, მხარდაჭერილი უნდა იყოს არანაკლებ 15 პროგრამისა და თითო პროგრამაში არანაკლებ 15 ფაილის არსებობა, პროგრამების კატალოგი და იდენტიფიკატორები;

ბ) მიკროსქემა უნდა იყენებდეს კონფიგურირებად სიმეტრიულ გასაღებს უკონტაქტო ინტერფეისით პროგრამასთან დაშვების კონტროლისათვის, და სხვადასხვა გასაღების გამოყენებით უნდა იძლეოდეს დაშვების საშუალებას სხვადასხვა უფლებაზე (კითხვა, ჩაწერა);

გ) მიკროსქემა უნდა იძლეოდეს UID-ზე დაყრდნობით თითოეული ელექტრონული მოწყობისათვის დივერსიფიცირებული გასაღების გამოყენების საშუალებას;

დ) მიკროსქემას უნდა შეეძლოს კომუნიკაცია მონაცემთა სწრაფი გადატანით მინიმუმ 424 კბიტ/წმ;

ე) FLASH მეხსიერება უნდა იყოს არანაკლებ 8 კბ და უძლებდეს არანაკლებ 5X10^​5 პროგრამულ ციკლს და 10-წლიან მუშაობას;

ვ) მიკროსქემას უნდა შეეძლოს იდენტიფიკაციისა და შიფრაციის გამოყენება მონაცემთა გადასაცემად, AES ალგორითმის გამოყენებით;

ზ) მიკროსქემა უნდა იყენებდეს ანტიკოროზიულ მექანიზმს და დაცული უნდა იყოს ელექტროსტატიკური დამუხტვით დაზიანებისაგან.

საქართველოს იუსტიციის მინისტრის 2023 წლის 7 ნოემბრის ბრძანება №942 - ვებგვერდი, 07.11.2023 წ. 

 

მუხლი 6. ტექნიკური სპეციფიკაცია – ანტენა და მიკროსქემა

1. ანტენის სიხშირეა 13.56 (MHz ISO 14443-ის თანახმად).

2. გამოყენებული მიკროსქემა უნდა იყოს SmartMX3 Dual lnterface.

საქართველოს იუსტიციის მინისტრის 2023 წლის 7 ნოემბრის ბრძანება №942 - ვებგვერდი, 07.11.2023 წ. 

 

    მუხლი 7. მოწმობის რეკვიზიტები

1. მოწმობა უნდა შეიცავდეს:

ა) სახელს;

ბ) გვარს;

გ) სქესს;

დ) მოქალაქეობას;

ე) დაბადების თარიღს;

ვ) დაბადების ადგილს;

ზ) პირად ნომერს;

თ) ფოტოსურათს;

ი) პირად ხელმოწერას;

კ) მოწმობის გამცემი ორგანოს დასახელებას;

ლ) მოწმობის გაცემის თარიღს;

მ) მოწმობის მოქმედების ვადას;

ნ) ავთენტიფიკაციის სერტიფიკატს;

ო) კვალიფიციური ელექტრონული ხელმოწერის სერტიფიკატს;

პ) აღნიშვნას „სტუდენტი“ – „საქართველოს მოქალაქეთა და საქართველოში მცხოვრებ უცხოელთა რეგისტრაციისა და რეგისტრაციიდან მოხსნის, პირადობის (ბინადრობის) მოწმობის, პასპორტის, სამგზავრო პასპორტისა და სამგზავრო დოკუმენტის გაცემის წესის დამტკიცების შესახებ“ საქართველოს იუსტიციის მინისტრის 2011 წლის 27 ივლისის №98 ბრძანებით დამტკიცებული წესით გათვალისწინებულ უმაღლესი საგანმანათლებლო დაწესებულების იმ სტუდენტზე (შემდგომში – უმაღლესი საგანმანათლებლო დაწესებულების სტუდენტი) გასაცემი მოწმობის შემთხვევაში, რომელსაც შეჩერებული/შეწყვეტილი არ აქვს სტუდენტის სტატუსი;

პ^​1) აღნიშვნას - „შშმ პირი. მკვეთრად გამოხატული“, „შშმ პირი. მნიშვნელოვნად გამოხატული“ ან „შშმ პირი. ზომიერად გამოხატული“ – „საქართველოს მოქალაქეთა და საქართველოში მცხოვრებ უცხოელთა რეგისტრაციისა და რეგისტრაციიდან მოხსნის, პირადობის (ბინადრობის) მოწმობის, პასპორტის, სამგზავრო პასპორტისა და სამგზავრო დოკუმენტის გაცემის წესის დამტკიცების შესახებ“ საქართველოს იუსტიციის მინისტრის 2011 წლის 27 ივლისის №98 ბრძანებით დამტკიცებული წესით გათვალისწინებულ გადამოწმების გარეშე (უვადოდ) დადგენილი შეზღუდული შესაძლებლობის მქონე პირზე გასაცემი მოწმობის შემთხვევაში, რომელსაც შეჩერებული/შეწყვეტილი არ აქვს აღნიშნული სტატუსი;

ჟ) მიკროსქემაზე სტუდენტის სტატუსის შესახებ ინფორმაციას – უმაღლესი საგანმანათლებლო დაწესებულების იმ სტუდენტზე გასაცემი მოწმობის შემთხვევაში, რომელსაც შეჩერებული/შეწყვეტილი არ აქვს სტუდენტის სტატუსი;

რ) მიკროსქემაზე გადამოწმების გარეშე (უვადოდ) დადგენილი შეზღუდული შესაძლებლობის მქონე პირის სტატუსის შესახებ ინფორმაციას – გადამოწმების გარეშე (უვადოდ) დადგენილი შეზღუდული შესაძლებლობის მქონე პირზე გასაცემი მოწმობის შემთხვევაში, რომელსაც შეჩერებული/შეწყვეტილი არ აქვს აღნიშნული სტატუსი.

2.  ამ მუხლის პირველი პუნქტის „პ“-„რ“ ქვეპუნქტებით გათვალისწინებული ინფორმაცია კანონმდებლობით დადგენილი წესით შეიძლება დატანილ იქნეს უკვე გაცემულ მოწმობაზეც.

საქართველოს იუსტიციის მინისტრის 2012 წლის 13 ივნისის ბრძანება №97 - ვებგვერდი, 13.06.2012 წ.

საქართველოს იუსტიციის მინისტრის 2012 წლის 25 ივნისის ბრძანება №105 - ვებგვერდი, 25.06.2012 წ.

საქართველოს იუსტიციის მინისტრის 2012 წლის 11 სექტემბრის ბრძანება №157 - ვებგვერდი, 11.09.2012 წ.

საქართველოს იუსტიციის მინისტრის 2018 წლის 28 ივნისის ბრძანება  №313 - ვებგვერდი, 28.06.2018 წ.

საქართველოს იუსტიციის მინისტრის 2021 წლის 10 ივლისის ბრძანება №743 - ვებგვერდი, 10.07.2021 წ.

საქართველოს იუსტიციის მინისტრის 2023 წლის 7 ნოემბრის ბრძანება №942 - ვებგვერდი, 07.11.2023 წ. 

 

სურათი №3

 

სურათი №4

 

 

საქართველოს იუსტიციის მინისტრის 2023 წლის 7 ნოემბრის ბრძანება №942 - ვებგვერდი, 07.11.2023 წ.

დანართი №3

საქართველოში მცხოვრები უცხოელის დროებითი ბინადრობის ელექტრონული მოწმობის ფორმა და ტექნიკური მახასიათებლები

    მუხლი 1. საქართველოში მცხოვრები უცხოელის დროებითი ბინადრობის ელექტრონული მოწმობა

1. საქართველოში მცხოვრები უცხოელის დროებითი ბინადრობის ელექტრონული მოწმობა (შემდგომში – მოწმობა) უნდა დამზადდეს ლამინირებული პოლიკარბონატის (შეურეველი, სუფთა პოლიკარბონატი) ფირფიტისაგან, მრავალშრიანი ტექნოლოგიით, ბარათის ფირფიტის გამოყენებით, დაწყობილი და ლამინირებული ერთიან „მონო-სხეულად“ სიმხურვალისა და წნევის პირობებში. მოწმობის ფორმატი უნდა შეესაბამებოდეს ISO/IEC 7810 სტანდარტს: ISO/IEC 7810 standard identification cards – Physical characteristics (საიდენტიფიკაციო ბარათები – ფიზიკური მახასიათებლები).

2. ISO/IEC 7810 -ის მიხედვით განისაზღვრება ნომინალური ზომები ID-1 ზომის ბარათისთვის: სიგანე: 85,60მმ (85,47მმ – 85,72მმ, ISO/lEC 7810), სიგრძე: 54,00მმ (53,92მმ – 54,03მმ, ISO/IEC 7810), სისქე: 0,80მმ (0,76მმ – 0,84მმ, ISO/IEC 7810), კუთხე: 3,18მმ (2,88მმ – 3,48მმ, ISO/IEC 7810). მოწმობის კიდის ამობურცვები არ უნდა აღემატებოდეს 0,08მმ მოწმობის ძირითადი ზედაპირიდან.

    მუხლი 2. უსაფრთხოების მახასიათებლები

 1. მოწმობა შეიცავს უსაფრთხოების შემდეგ მახასიათებლებს:

 ა) მოწმობის მასალა: UV dull – ულტრაიისფერი სუბსტრატი, რომელიც გამოსცემს ვიზუალურად შეუმჩნეველ ნათებას ულტრაიისფერი დასხივების გამოყენებისას;

 ბ) უსაფრთხო ბეჭდვა:

 ბ.ა) ორფერიანი გილიოშის (ორნამენტი) უსაფრთხო ფონი. გილიოში არის დაბეჭდილი უსაფრთხოების ხაზები – უნიკალური გადაკვეთების კონტურებითა და გეომეტრიით. გამოყენებულია „შავი ხაზი, თეთრი-ხაზი“ დიზაინი, რომელიც იცვლება პოზიტიურიდან ნეგატიური გამოსახულებით დოკუმენტის გასწვრივ;

 ბ.ბ) ცისარტყელისებური ბეჭდვა;

 ბ.გ) დაბეჭდილი მიკროტექსტი;

 ბ.დ) ხელოვნური ორთოგრაფიული შეცდომები;

 ბ.ე) ანტი-სკანირების მექანიზმი;

 ბ.ვ) ართსკრინი;

 ბ.ზ) ხაზის სისქის მოდულაცია.

 გ) მელანი და გამოსახულების შექმნის სხვა საშუალებები:

 გ.ა) ულტრაიისფერი ფლუორესცენტული მელანი – ულტრაიისფერი ფლუორესცენტული მელანი არ არის ხილვადი ჩვეულებრივი განათების პირობებში. ულტრაიისფერი გამოსხივების ქვეშ ლოგო, დიზაინის სტრუქტურა და ტექსტი ხდება ხილვადი ლურჯი, წითელი ან მწვანე/ყვითელი ფერით.

 გ.ბ) შერეული უსაფრთხო მელნები;

 გ.გ) ჰოლოგრამა;

 გ.დ) ცვალებადი ფერის მელანი;

 გ.ე) ცვალებადი ფერის მელანი სპეციალური მარკერით;

 გ.ვ) OV dots^​TM მიკროსკოპული მეტალის ნაწილაკები, რომელიც შეიცავს ცვალებად კოდს და ჰოლოგრამულ იმიჯს მაღალი რეზოლუციით. ულტრაიისფერი წერტილის მელანი შეიცავს ამ მიკრონაწილაკებს, რომლებსაც აქვს ოქტაგონის ფორმა, ზომა -100-120 µm და შეუძლია შეიცავდეს ერთ ალფა-რიცხვით კოდს.

2. ICAO-doc part 3 vol. 1-ის თანახმად, მოწმობას უკანა მხარეს უნდა ჰქონდეს MRZ.

    მუხლი 3. მოწმობის დიზაინი

1. წინა მხარე (სურათი 5).

2. უკანა მხარე (სურათი 6).

3. OVI ფერი – ცვალებადი ფერი: მეწამულიდან (magenta) მწვანეზე (3Z3U02).

4. ჰოლოგრამა გრავირებული იქნება მოწმობაზე, რაც ნიშნავს რომ ის მოწმობის ნაწილს წარმოადგენს და შეუძლებელია მისი დაზიანება ან შეცვლა. ჰოლოგრამის დიამეტრი: 18მმ.

5. აღწერილობა (ფსევდოფერები):

ა) სრული გამოსახულება;

ბ) სხვადასხვა დახრილობის ეფექტი;

გ) ლინზის ეფექტი;

დ) ზომა 50 მიკრონი;

ე) ზომა 5 მიკრონი;

ვ) ზომა 100 მიკრონი;

ზ) მიკრო და ნანოტექსტები;

თ) ფარული ლაზერით წაკითხვადი გამოსახულების ჩარჩო;

ი) ფარული ლაზერით წაკითხვადი გამოსახულების ფართობი.

6. OV dots^​TM გრავირებული იქნება მოწმობაზე, რაც ნიშნავს, რომ ის მოწმობის ნაწილს წარმოადგენს და შეუძლებელია მისი დაზიანება ან შეცვლა. წერტილების ზომა: 100 მიკრონ ოქტაგონი. 19 მიკრონის გარდატეხვითი მიკროტექსტის ასოები GEO; 10 მიკრონის გარდატეხვითი მიკროტექსტის ასოები GEO; 4 მიკრონის ნანოტექსტი GEO.

    მუხლი 4. მოწმობის ინდივიდუალური ნომრის სპეციფიკაცია

1. მოწმობის ინდივიდუალური ნომერი გრავირებულია (ამოტვიფრულია) როგორც "OCR-B.ttf" 2 მმ ზომის სიმბოლოებით. გამოყენებულია 9-ნიშნა რიცხვი.

2. მოწმობის ინდივიდუალური ნომრის ნიმუში: 00IA00001. პირველი ორი ციფრი – გამოშვების წელი; შემდეგი ორი სიმბოლო (სერია) – ასოების კომბინაცია TR, შემდეგი (ბოლო) ხუთი ციფრი – რიგითი ნომერი 00001-დან 99999-მდე სერიის ფარგლებში (მაგალითად, 12345), გარდა კომბინაციებისა 666XX, X666X, XXX666.

 

მუხლი 5. მიკროსქემა

1. მოწმობას გააჩნია მიკროსქემა (ინფორმაციის ელექტრონული მატარებელი) 2 ინტერფეისით (კონტაქტური და უკონტაქტო).

2. მიკროსქემა წარმოადგენს მოწყობილობას – ინფორმაციის ელექტრონულ მატარებელს, რომელიც უნდა აკმაყოფილებდეს ამ მუხლით დადგენილ მოთხოვნებს.

3. მიკროსქემას უნდა ჰქონდეს არანაკლებ EAL5+ სერტიფიკატი ზოგადი კრიტერიუმების შესაბამისად.

4. მიკროსქემის კონტაქტური ინტერფეისი უნდა აკმაყოფილებდეს შემდეგ მინიმალურ მოთხოვნებს:

ა) მიკროსქემა ISO/IEC 7816-ის შესაბამისად, უნდა შეიცავდეს კონტაქტური ინტერფეისით წვდომად, სულ მცირე, პროცესორს, კოპროცესორს და FLASH მეხსიერებას. მეხსიერება არ უნდა იყოს 80 კბ-ზე ნაკლები, უნდა გაუძლოს არანაკლებ 5X10^​5 პროგრამულ ციკლს და 10-წლიან მუშაობას. მიკროსქემა უნდა უზრუნველყოფდეს როგორც T=0, ისე T=1 ტრანსმისიის პროტოკოლს. მიკროსქემა უნდა შეიცავდეს მინიმუმ ერთ კრიპტოკოპროცესორს და აგრეთვე უნდა შეიცავდეს PKI კოპროცესორს (RSA, ECC);

ბ) მიკროსქემა უნდა უზრუნველყოფდეს შემდეგ ალგორითმებს;

ბ.ა) RSA – შიფრაცია, დეშიფრაცია, ხელმოწერის შექმნა და დამოწმება;

ბ.ბ) RSA-ს გასაღების გენერაცია 4 კბ-მდე (ზომით, სიგრძით 2048 და 4096);

ბ.გ) AES;

ბ.დ) ECC – გასაღებების გენერაცია, შიფრაცია, დეშიფრაცია, ხელმოწერის შექმნა და დამოწმება.

5. მიკროსქემის კონტაქტური ინტერფეისი უნდა აკმაყოფილებდეს შემდეგ მინიმალურ მოთხოვნებს:

ა) მიკროსქემა უნდა შეიცავდეს ISO/IEC 14443 თანახმად, RF ანტენით წვდომად, სულ მცირე, პროცესორს, სულ ცოტა 1 კრიპტოპროცესორს, FLASH მეხსიერებას და უნიკალურ უცვლელ იდენტიფიკატორს (UID). უკონტაქტო ინტერფეისის მოქმედების მანძილია 10 სმ-მდე, ხოლო სიხშირე – 13.56 MHZ. უკონტაქტო ინტერფეისით, სულ მცირე, მხარდაჭერილი უნდა იყოს არანაკლებ 15 პროგრამისა და თითო პროგრამაში არანაკლებ 15 ფაილის არსებობა, პროგრამების კატალოგი და იდენტიფიკატორები;

ბ) მიკროსქემა უნდა იყენებდეს კონფიგურირებად სიმეტრიულ გასაღებს უკონტაქტო ინტერფეისით პროგრამასთან დაშვების კონტროლისათვის და სხვადასხვა გასაღების გამოყენებით უნდა იძლეოდეს დაშვების საშუალებას სხვადასხვა უფლებაზე (კითხვა, ჩაწერა);

გ) მიკროსქემა უნდა იძლეოდეს UID-ზე დაყრდნობით თითოეული ელექტრონული მოწყობისათვის დივერსიფიცირებული გასაღების გამოყენების საშუალებას;

დ) მიკროსქემას უნდა შეეძლოს კომუნიკაცია მონაცემთა სწრაფი გადატანით მინიმუმ 424 კბიტ/წმ;

ე) FLASH მეხსიერება უნდა იყოს არანაკლებ 8 კბ და გაუძლოს არანაკლებ 5X10^​5 პროგრამულ ციკლს და 10-წლიან მუშაობას;

ვ) მიკროსქემას უნდა შეეძლოს იდენტიფიკაციისა და შიფრაციის გამოყენება მონაცემთა გადასაცემად, AES ალგორითმის გამოყენებით;

ზ) მიკროსქემა უნდა იყენებდეს ანტიკოროზიულ მექანიზმს. იგი დაცული უნდა იყოს ელექტროსტატიკური დამუხტვით დაზიანებისაგან.

საქართველოს იუსტიციის მინისტრის 2023 წლის 7 ნოემბრის ბრძანება №942 - ვებგვერდი, 07.11.2023 წ.

 

მუხლი 6. ტექნიკური სპეციფიკაცია – ანტენა და მიკროსქემა

1. ანტენის სიხშირეა 13.56 MHz ISO 14443-ის თანახმად.

2. გამოყენებული მიკროსქემა იქნება SmartMX Dual lnterface

საქართველოს იუსტიციის მინისტრის 2023 წლის 7 ნოემბრის ბრძანება №942 - ვებგვერდი, 07.11.2023 წ.

    მუხლი 7. მოწმობის რეკვიზიტები

1. მოწმობა უნდა შეიცავდეს:

ა) სახელს;

ბ) გვარს;

გ) სქესს;

დ) მოქალაქეობას;

ე) დაბადების თარიღს;

ვ) დაბადების ადგილს;

ზ) პირად ნომერს;

თ) ფოტოსურათს;

ი) პირად ხელმოწერას;

კ) მოწმობის გამცემი ორგანოს დასახელებას;

ლ) მოწმობის გაცემის თარიღს;

მ) მოწმობის მოქმედების ვადას;

ნ) ავთენტიფიკაციის სერტიფიკატს;

ო) კვალიფიციური ელექტრონული ხელმოწერის სერტიფიკატს;

პ) აღნიშვნას „სტუდენტი“ – „საქართველოს მოქალაქეთა და საქართველოში მცხოვრებ უცხოელთა რეგისტრაციისა და რეგისტრაციიდან მოხსნის, პირადობის (ბინადრობის) მოწმობის, პასპორტის, სამგზავრო პასპორტისა და სამგზავრო დოკუმენტის გაცემის წესის დამტკიცების შესახებ“ საქართველოს იუსტიციის მინისტრის 2011 წლის 27 ივლისის №98 ბრძანებით დამტკიცებული წესით გათვალისწინებულ უმაღლესი საგანმანათლებლო დაწესებულების იმ სტუდენტზე (შემდგომში – უმაღლესი საგანმანათლებლო დაწესებულების სტუდენტი) გასაცემი მოწმობის შემთხვევაში, რომელსაც შეჩერებული/შეწყვეტილი არ აქვს სტუდენტის სტატუსი;

პ^​1) აღნიშვნას - „შშმ პირი. მკვეთრად გამოხატული“, „შშმ პირი. მნიშვნელოვნად გამოხატული“ ან „შშმ პირი. ზომიერად გამოხატული“ – „საქართველოს მოქალაქეთა და საქართველოში მცხოვრებ უცხოელთა რეგისტრაციისა და რეგისტრაციიდან მოხსნის, პირადობის (ბინადრობის) მოწმობის, პასპორტის, სამგზავრო პასპორტისა და სამგზავრო დოკუმენტის გაცემის წესის დამტკიცების შესახებ“ საქართველოს იუსტიციის მინისტრის 2011 წლის 27 ივლისის №98 ბრძანებით დამტკიცებული წესით გათვალისწინებულ გადამოწმების გარეშე (უვადოდ) დადგენილი შეზღუდული შესაძლებლობის მქონე პირზე გასაცემი მოწმობის შემთხვევაში, რომელსაც შეჩერებული/შეწყვეტილი არ აქვს აღნიშნული სტატუსი;

ჟ) უკონტაქტო მიკროსქემაზე სტუდენტის სტატუსის შესახებ ინფორმაციას – უმაღლესი საგანმანათლებლო დაწესებულების იმ სტუდენტზე გასაცემი მოწმობის შემთხვევაში, რომელსაც შეჩერებული/შეწყვეტილი არ აქვს სტუდენტის სტატუსი;

რ) უკონტაქტო მიკროსქემაზე გადამოწმების გარეშე (უვადოდ) დადგენილი შეზღუდული შესაძლებლობის მქონე პირის სტატუსის შესახებ ინფორმაციას – გადამოწმების გარეშე (უვადოდ) დადგენილი შეზღუდული შესაძლებლობის მქონე პირზე გასაცემი მოწმობის შემთხვევაში, რომელსაც შეჩერებული/შეწყვეტილი არ აქვს აღნიშნული სტატუსი.

2. ამ მუხლის პირველი პუნქტის „პ“-„რ“ ქვეპუნქტებით გათვალისწინებული ინფორმაცია კანონმდებლობით დადგენილი წესით შეიძლება დატანილ იქნეს უკვე გაცემულ მოწმობაზეც.

საქართველოს იუსტიციის მინისტრის 2012 წლის 13 ივნისის ბრძანება №97 - ვებგვერდი, 13.06.2012 წ.

საქართველოს იუსტიციის მინისტრის 2012 წლის 25 ივნისის ბრძანება №105 - ვებგვერდი, 25.06.2012 წ.

საქართველოს იუსტიციის მინისტრის 2012 წლის 11 სექტემბრის ბრძანება №157 - ვებგვერდი, 11.09.2012 წ.

საქართველოს იუსტიციის მინისტრის 2018 წლის 28 ივნისის ბრძანება  №313 - ვებგვერდი, 28.06.2018 წ.

საქართველოს იუსტიციის მინისტრის 2021 წლის 10 ივლისის ბრძანება №743 - ვებგვერდი, 10.07.2021 წ.

სურათი №5

 

სურათი №6

საქართველოს იუსტიციის მინისტრის 2023 წლის 7 ნოემბრის ბრძანება №942 - ვებგვერდი, 07.11.2023 წ.

 

Annotate