საშეშე მერქნის კანონიერების დამადასტურებელი დოკუმენტის ფორმისა და გაცემის წესის შესახებ

სახელმწიფო სარეგისტრაციო კოდი  360.016.000.22.023.007.948

საქართველოს გარემოს დაცვისა და ბუნებრივი რესურსების

მინისტრის ბრძანება №566

2005 წლის 20 დეკემბერი

ქ. თბილისი

საშეშე მერქნის კანონიერების დამადასტურებელი დოკუმენტის ფორმისა და გაცემის წესის შესახებ

"ტყით სარგებლობის ლიცენზიების გაცემის წესისა და პირობების შესახებ დებულების დამტკიცების თაობაზე" საქართველოს მთავრობის 2005 წლის 11 აგვისტოს №132 დადგენილებით (სსმ III, 12.08.2005წ., №94, მუხ. 1066) დამტკიცებული დებულების მე-2 მუხლის მე-4 და მე-5 პუნქტების საფუძველზე, ვბრძანებ:

1. დამტკიცდეს თანდართული დებულება "საშეშე მერქნის კანონიერების დამადასტურებელი დოკუმენტის ფორმისა და გა ცე მის წესის შესახებ".

2. ეს ბრძანება ამოქმედდეს გამოქვეყნებისთანავე.

                                                                                                 გ. პაპუაშვილი

შეტანილი ცვლილებები:

1. საქართველოს გარემოს დაცვისა და ბუნებრივი რესურსების მინისტრის 2006 წლის 17 ნოემბრის

ბრძანება №1242-სსმIII,№161,30.11.2006წ.,მუხ.2202

2. საქართველოს გარემოს დაცვისა და ბუნებრივი რესურსების მინისტრის 2007 წლის 18 სექტემბრის

ბრძანება №1350-სსმIII,№132,21.09.2007წ.,მუხ.1435

დებულება

საშეშე მერქნის კანონიერების დამადასტურებელი დოკუმენტის ფორმისა და გაცემის წესის შესახებ

    მუხლი 1. დებულების რეგულირების სფერო

1. დებულება "საშეშე მერქნის კანონიერების დამადასტურებელი დოკუმენტების ფორმისა და გაცემის წესის შესახებ" (შემდგომში – დებულება) შემუშავებულია "ტყით სარგებლობის ლიცენზიების გაცემის წესისა და პირობების შესახებ დებულების დამტკიცების თაობაზე" საქართველოს მთავრობის 2005 წლის 11 აგვისტოს №132 დადგენილების მოთხოვნათა საფუძველზე.

2. დებულება განსაზღვრავს საშეშე მერქნის კანონიერების დამადასტურებელი დოკუმენტის" (შემდგომში – კანონიერების დოკუმენტი) ფორმასა და მისი გაცემის წესს.

3. კანონიერების დოკუმენტი არის საშეშე მერქნის კანონიერად მიპოვების დამადასტურებელი ერთადერთი საბუთი და მისი სხვა საბუთით შეცვლა დაუშვებელია.

4. კანონიერების დოკუმენტის გარეშე საშეშე მერქნის დამზადება-ტრანსპორტირება აკრძალულია. კანონიერების დოკუმენტი მოქმედებს მხოლოდ საქართველოს ტერიტორიაზე.

5. წინამდებარე დებულება არ ვრცელდება ტყითსარგებლობის გენერალური და ხე-ტყის დამზადების სპეციალური ლიცენზიის საფუძველზე მოპოვებულ ხე-ტყეზე.

     მუხლი 2. კანონიერების დოკუმენტის გაცემაზე უფლებამოსილი ორგანოები და პირები

თავიანთი კომპეტენციის ფარგლებში კანონიერების დოკუმენტის გაცემაზე უფლებამოსილი ორგანოები და პირები არიან:

ა) საქართველოს გარემოს დაცვისა და ბუნებრივი რესურსების  სამინისტროს სახელმწიფო საქვეუწყებო დაწესებულება – სატყეო დეპარტამენტის ტერიტორიული ორგანოს (რეგიონალური სატყეო სამმართველოს) ტყის მცველი (რეინჯერი);

ბ) საქართველოს გარემოს დაცვისა და ბუნებრივი რესურსების  სამინისტროს სახელმწიფო საქვეუწყებო დაწესებულების – დაცული ტერიტორიების ადმინისტრაციის დაცვის სამსახურის უფროსი და უბნის უფროსი კანონმდებლობით დადგენილი წესით;

გ) ადგილობრივი ტყის ფონდის მართვაზე უფლებამოსილი ადგილობრივი თვითმმართველობის შესაბამისი ორგანოები.

შენიშვნა: ამ დებულებით დამტკიცებული საშეშე მერქნის კანონიერების დამადასტურებელ დოკუმენტში მითითებული  ტერმინი ,,ტყის მცველი“ მოიცავს ამ მუხლის ,,ა“ და ,,ბ“ ქვეპუნქტებით გათვალისწინებულ თანამდებობის პირებს.

საქართველოს გარემოს დაცვისა და ბუნებრივი რესურსების მინისტრის 2006 წლის 17 ნოემბრის

ბრძანება №1242-სსმIII,№161,30.11.2006წ.,მუხ.2202

საქართველოს გარემოს დაცვისა და ბუნებრივი რესურსების მინისტრის 2007 წლის 18 სექტემბრის

ბრძანება №1350-სსმIII,№132,21.09.2007წ.,მუხ.1435

     მუხლი 3. კანონიერების დოკუმენტის გამცემი ორგანოს უფლება-მოვალეობანი

1. დოკუმენტის გამცემი ორგანო უფლებამოსილია:

ა) გასცეს კანონიერების დოკუმენტი ამ დებულებით დადგენილი წესის შესაბამისად;

ბ) დაადგინოს შესაბამისობა ფაქტობრივად დამზადებულ ხე-ტყესა და კანონიერების დოკუმენტით განსაზღვრულ რაოდენობას შორის;

გ) ტყითმოსარგებლის მიერ ამ დებულებისა და სხვა შესაბამისი სამართლებრივი აქტების მოთხოვნათა დარღვევის შემთხვევაში, კანონმდებლობით დადგენილი წესით გააუქმოს მის მიერ გაცემული კანონიერების დოკუმენტი.

2. დოკუმენტის გამცემი ორგანო ვალდებულია უარი განაცხადოს დოკუმენტის გაცემაზე, თუ:

ა) არ არსებობს ხე-ტყის მოცულობის შესაბამისად ბუნებრივი რესურსით სარგებლობის მოსაკრებლის გადახდის დამადასტურებელი ქვითარი ან სათანადო წესით დადასტურებული შესაბამისი დოკუმენტი;

ბ) დარღვეულია დოკუმენტის ფორმაში დაფიქსირებული მოთხოვნები;

გ) 4 სმ და მეტი დიამეტრის (წვრილი ბოლო) მქონე საშეშე მერქნის შემთხვევაში არ არის დაკოტრილი სიგრძით არა უმეტეს ერთ მეტრამდე.

საქართველოს გარემოს დაცვისა და ბუნებრივი რესურსების მინისტრის 2007 წლის 18 სექტემბრის

ბრძანება №1350-სსმIII,№132,21.09.2007წ.,მუხ.1435

    მუხლი 4. კანონიერების დოკუმენტის მოქმედების ვადა

კანონიერების დოკუმენტის მოქმედების ვადა განისაზღვრება:

 

ა) საშეშე ხე-ტყის ტრანსპორტირებისათვის, მისი ტყიდან გამოტანიდან 24 საათის განმავლობაში;

ბ) სხვა შემთხვევებისათვის დოკუმენტის მოქმედების ვადა წყდება ტყითმოსარგებლის მიერ კანონიერების დოკუმენტში აღნიშნული საშეშე ხე-ტყის სრული ოდენობით მოპოვებისა და ტყიდან გამოტანის მომენტიდან.

    მუხლი 5. საშეშე ხე-ტყის მიღება-ჩაბარების აქტი

1.  ტყითმოსარგებლის მიერ საშეშე ხე-ტყის ტყიდან გამოტანისას აუცილებელია კანონიერების დოკუმენტის გამცემი ორგანოს შესაბამის უფლებამოსილ პირსა და ტყითმოსარგებლეს შორის ჭრაში დანიშნული ზეზე მდგომი საშეშე ხე-ტყის მიღება-ჩაბარების აქტის გაფორმება.

2. მიღება-ჩაბარების აქტის გაფორმებისთანავე კანონიერების დოკუმენტის შესაბამის გრაფაში აღინიშნება ტყიდან გამოტანილი ხე-ტყის ოდენობა, რაც დასტურდება კანონიერების დოკუმენტის გამცემი უფლებამოსილი პირის ბეჭდით.

3. იმ შემთხვევაში, თუ ამ მუხლის მე-2 პუნქტით გათვალისწინებული ხე-ტყის ოდენობა (ან ოდენობების ჯამი) კანონიერების დოკუმენტში აღნიშნულ თავდაპირველი ხე-ტყის ოდენობის ტოლია (ხე-ტყის მიპოვების ნებადართული საერთო ოდენობა) კანონიერების დოკუმენტში კეთდება შესაბამისი აღნიშვნა მის საფუძველზე ხე-ტყის მოპოვების უფლებამოსილების შეწყვეტის თობაზე.  

საქართველოს გარემოს დაცვისა და ბუნებრივი რესურსების მინისტრის 2007 წლის 18 სექტემბრის

ბრძანება №1350-სსმIII,№132,21.09.2007წ.,მუხ.1435

    მუხლი 6. კანონიერების დოკუმენტის გაცემის საფუძვლები

კანონიერების დოკუმენტის გაცემის საფუძველი შეიძლება იყოს პირის განცხადება საშეშე მერქნის მოპოვებაზე და ბუნებრივი რესურსით სარგებლობის მოსაკრებლის გადახდის დამადასტურებელი დოკუმენტი, რომლის ოდენობა და გადახდის წესი განსაზღვრულია "ბუნებრივი რესურსებით სარგებლობისათვის მოსაკრებლების შესახებ" საქართველოს კანონით.

    მუხლი 7. კანონიერების დოკუმენტის გაცემა

1. კანონიერების დოკუმენტი გაიცემა უშუალოდ ტყით მოსარგებლეზე ტყეკაფში ხე-ტყის დამზადების დაწყებამდე.

2. კანონიერების დამადასტურებელი დოკუმენტი ივსება სამ ეგზემპლარად, საიდანაც პირველი პირი გაიცემა ტყითმოსარგებლეზე, მეორე – ტყის მცველზე, ხოლო მესამე კი რჩება მის გამცემ ორგანოში.

    მუხლი 8.  კანონიერების დოკუმენტის დაკარგვა ან დაზიანება

1. კანონიერების დოკუმენტის დაკარგვის ან დაზიანების შემთხვევაში, მისი მფლობელი მიმართავს კანონიერების დოკუმენტის გამცემ ორგანოს წეწრილობითი განცხადებით დუბლიკატის გაცემის თაობაზე.

2. კანონიერების დოკუმენტის გამცემი ორგანო განცხადების რეგისტრაციიდან ორი სამუშაო დღის ვადაში გასცემს დაკარგული ან დაზიანებული კანონიერების დოკუმენტის დუბლიკატს, რომელსაც ზედა მარჯვენა კუთხეში უკეთდება აღნიშვნა "დუბლიკატი" რომლის ფორმა დადგენილია წინამდებარე დებულების დანართი 2-ით.

3. კანონიერების დოკუმენტის დაზიანების შემთხვევაში, დუბლიკატის გაცემის აუცილებელ პირობას წარმოადგენს კანონიერების დოკუმენტის გამცემ ორგანოში დაზიანებული დოკუმენტის წარმოდგენა. დუბლიკატის გაცემის შემთხვევაში დაზიანებული დოკუმენტი ექვემდებარება ჩამორთმევასა და დადგენილი წესით განადგურებას.

4. კანონიერების დოკუმენტის დუბლიკატს გააჩნია იგივე იურიდიული ძალა, რაც დედანს.

    მუხლი 9. კანონიერების დოკუმენტის ფორმა

1. კანონიერების დოკუმენტის ფორმა წარმოადგენს მე-3 კატეგორიის "მარტივი ტიპის" მკაცრი აღრიცხვის ფორმას, რომლის შემუშავების, დამზადებისა და გამოყენების სამართლებრივ საფუძვლებს ადგენს "მკაცრი აღიცხვის ფორმების შესახებ" საქართველოს კანონი.

2. კანონიერების დოკუმენტების ფორმა დადგენილია წინამდებარე დებულების დანართი 1-ით.

    მუხლი 10. კანონიერების დოკუმენტის შევსების წესი

1. კანონიერების დოკუმენტის ფორმა ივსება ქართულ ენაზე, გარკვევით, ბურთულიანი მელნის კალმით და სავალდებულოა ყველა რეკვიზიტის შევსება, გარდა ამ მუხლის მე-3 პუნქტით გათვალისწინებული შემთხვევისა. მასში ნებისმიერი ჩანაწერის გადასწორება დასტურდება ამ დებულების მე-2 მუხლით განსაზღრული უფლებამოსილი ორგანოს შესაბამისი უფლებამოსილი პირის ხელმოწერით.

2. კანონიერების დოკუმენტებში ასახული მონაცემების რეალობაზე პასუხისმგებლობა ეკისრება მის გამცემ პირს.

3. კანონიერების დოკუმენტის რეკვიზიტები: ,,სატყეოს უფროსი“ და ,,სატყეო მეურნეობის დირექტორი“ არ ივსება.

საქართველოს გარემოს დაცვისა და ბუნებრივი რესურსების მინისტრის 2007 წლის 18 სექტემბრის

ბრძანება №1350-სსმIII,№132,21.09.2007წ.,მუხ.1435

    მუხლი 11. კანონიერების დოკუმენტის აღრიცხვის მოთხოვნები

1. კანონიერების დოკუმენტის მიღების, გაცემისა და ხარჯვის რეგისტრაცია წარმოებს ზონარგაყრილ, დანომრილ და დალუქულ ჟურნალში, დოკუმენტის გამცემ ორგანოში.

2. გაუქმებული ან დაზიანებული კანონიერების დოკუმენტები ექვემდებარება კანონიერების დოკუმენტის გამცემ შესაბამის ორგანოს შესაბამის ჟურნალში სათანადო აღნიშვნას.

    მუხლი 12. დებულებაში ცვლილებებისა და დამატებების შეტანა

წინამდებარე დებულებაში ცვლილებები და დამატებები შეიტანება საქართველოს გარემოს დაცვისა და ბუნებრივი რესურსების მინისტრის მიერ კანონმდებლობით დადგენილი წესით.

 

დანართი 1

 

 

საშეშე მერქნის კანონიერების დამადასტურებელი დოკუმენტი

 

№ 000000

გაცემის თარიღი „_______” „________________________” 200___ წ.

 

სატყეო მეურნეობა ___________________________________ სატყეო _________________________

 

ნება ეძლევა ____________________________________________________________________________ 

(ტყითმოსარგებლის დასახელება)

დაამზადოს და გამოზიდოს ________________________________________________________________

                                                                                  (საშეშე მერქნის მოცულობა კუბ. მეტრებში)

ჭრის წესი_____________________________________________________________________ ტყეკაფში

 

 

გადახდილი თანხა ________________________________________________________________________

                                    (საგადასახადო დავალების ან სალაროს შემოსავლის ორდერის №, თარიღი)

 

ბ.ა.

 

დამზადება-გამოზიდვის ვადა _____________________________________________________________

 

სატყეოს უფროსი _________________________________________________________________________

 

ზეზეური ხის გაცემისა და ხანძარსაწინააღმდეგო უსაფრთხოების წესებს გავეცანი

 

ტყით მოსარგებლე _______________________________________________________________________

 

სატყეო მეურნეობის დირექტორი ____________________________________________________________

 

ზეზეური ხის გაცემისა და ხანძარსაწინააღმდეგო უსაფრთხოების წესები დაცულია

ტყიდან ტრანსპორტირების თარიღი __________________________________ 200________ წ.

                                            ტყის მცველი ____________________________________________

 

მოპოვების უფლებამოსილება შეწყვეტილია  „______” „______________” 200_______ წ-დან.

 

 

                                                                                         დანართი 2    

                                                                                       დუბლიკატი

 

საშეშე მერქნის კანონიერების დამადასტურებელი დოკუმენტი

 

№ 000000

გაცემის თარიღი „_______” „___________________________” 200___ წ.

 

სატყეო მეურნეობა ______________________________________ სატყეო ________________________

ნება ეძლევა _______________________________________________________________________________ 

                                                                              (ტყითმოსარგებლის დასახელება)

დაამზადოს და გამოზიდოს ________________________________________________________________

                                 (საშეშე მერქნის მოცულობა კუბ. მეტრებში)

ჭრის წესი __________________________-_______________________________________ ტყეკაფში

 

 

გადახდილი თანხა ________________________________________________________________________

                                        (საგადასახადო დავალების ან სალაროს შემოსავლის ორდერის №, თარიღი)

 

ბ.ა.

დამზადება-გამოზიდვის ვადა ______________________________________________________________

                       სატყეოს უფროსი ______________________________________________________________

 

ზეზეური ხის გაცემისა და ხანძარსაწინააღმდეგო უსაფრთხოების წესებს გავეცანი

 

ტყით მოსარგებლე ________________________________________________________________________

 

სატყეო მეურნეობის დირექტორი __________________________________________________________

 

ზეზეური ხის გაცემისა და ხანძარსაწინააღმდეგო უსაფრთხოების წესები დაცულია

ტყიდან ტრანსპორტირების თარიღი ____________________________________ 200_________ წ.

ტყის მცველი ________________________________________________________

 

მოპოვების უფლებამოსილება შეწყვეტილია  „______” „_____________” 200______ წ-დან.

 

 

Annotate