თამბაქოს პროდუქციის კოლოფზე მისათითებელი სამედიცინო გაფრთხილების განსაზღვრის შესახებ

სახელმწიფო სარეგისტრაციო კოდი 470.230.000.22.035.009.535

საქართველოს შრომის, ჯანმრთელობისა და სოციალური დაცვის

მინისტრის   

ბრძანება №294/ნ

2006 წლის 3 ნოემბერი

ქ. თბილისი

თამბაქოს პროდუქციის კოლოფზე მისათითებელი სამედიცინო გაფრთხილების განსაზღვრის შესახებ

,,საქართველოში თამბაქოს კონტროლის შესახებ“ საქართველოს კანონის მე-6 მუხლის პირველი პუნქტის ,,ბ“ ქვეპუნქტის შესაბამისად, ვბრძანებ:

1. საქართველოში რეალიზაციისთვის განკუთვნილ ყოველი თამბაქოს კოლოფზე უნდა განთავსდეს სამედიცინო გაფრთხილება თამბაქოს მოწევის მავნებლობის შესახებ.

2. სამედიცინო გაფრთხილება შეიძლება იყოს შემდეგი სახის:

ა) ,,მოწევა კლავს“;

ბ) ,,მწეველები კვდებიან უფრო ადრე“;

გ) ,,მოწევა იწვევს გულსისხლძარღვთა დაავადებებს“;

დ) ,,მოწევა იწვევს ფილტვის კიბოს“;

ე) ,,მოწევა იწვევს ორსულთა პათოლოგიებს“;

ვ) ,,დაიცავით ბავშვები: ნუ აიძულებთ მათ ისუნთქონ თამბაქოს კვამლი“;

ზ) ,,თამბაქოს შემადგენლობაში შედის ნიკოტინი, რომელიც იწვევს ძლიერ დამოკიდებულებას (მიჩვევას), ნუ დაიწყებთ მოწევას“;

თ) ,,მოწევაზე თავის დანებება ამცირებს გულისა და ფილტვების სასიკვდილო დაავადებათა განვითარების რისკს“;

ი) ,,მოწევა იწვევს ნელ და მტანჯველ სიკვდილს“;

კ) ,,მოწევა იწვევს ორგანიზმის ნაადრევ დაბერებას“;

ლ) ,,მოწევა არის მამაკაცებში იმპოტენციისა და ქალებში უშვილობის ერთ-ერთი ძირითადი მიზეზი“;

მ) ,,თამბაქოს კვამლი შეიცავს მრავალ მომწამვლელ ნივთიერებას, მათ შორის ბენზოლს, ფორმალ-დეჰიდებს, ციანმჟავას“;

ნ) ,,მოწევა მოქმედებს სპერმასა და შვილოსნობის უნარზე, იწვევს იმპოტენციას და ამცირებს ჩასახვის უნარს“;

ო) ,,მოწევა ორსულობის დროს იწვევს ნაყოფის პათოლოგიებს“.

3. თამბაქოს კოლოფზე განსათავსებლად მწარმოებელი და/ან იმპორტიორი უფლებამოსილია თავად აირჩიოს ამ ბრძანების მე-2 პუნქტით გათვალისწინებული სამედიცინო გაფრთხილებების ნიმუშებიდან ერთ-ერთი.

4. ამ ბრძანების ამოქმედებამდე საქართველოში რეალიზაციისათვის განკუთვნილი თამბაქოს პროდუქციაზე არსებული სამედიცინო გაფრთხილების ტექსტები შესაბამისობაში იქნეს მოყვანილი ამ ბრძანებით განსაზღვრულ სამედიცინო გაფრთხილებების ტექსტებთან არა უგვიანეს 2010 წლის 1 იანვრისა.

საქართველოს შრომის, ჯანმრთელობისა და სოციალური დაცვის მინისტრის 2007 წლის 11 ივლისი ს ბრძანება №214/ნ-სსმIII,№100,13.07.2007წ.,მუხ.1087

საქართველოს შრომის, ჯანმრთელობისა და სოციალური დაცვის მინისტრის 2008 წლის 20 ნოემბრის ბრძანება №249/ნ-სსმIII,№168,27.11.2008წ.,მუხ.1710

5. ეს ბრძანება ამოქმედდეს გამოქვეყნებიდან მე-15 დღეს.

ლ. ჭიპაშვილი

შეტანილი ცვლილებები:

1. საქართველოს შრომის, ჯანმრთელობისა და სოციალური დაცვის მინისტრის 2007 წლის 11 ივლისი ს ბრძანება №214/ნ-სსმIII,№100,13.07.2007წ.,მუხ.1087

2. საქართველოს შრომის, ჯანმრთელობისა და სოციალური დაცვის მინისტრის 2008 წლის 20 ნოემბრის ბრძანება №249/ნ-სსმIII,№168,27.11.2008წ.,მუხ.1710

3.ძალადაკარგულია-საქართველოს შრომის, ჯანმრთელობისა და სოციალური დაცვის მინისტრის 2009 წლის 27 მარტის ბრძანება №122/ნ-სსმIII,№39,30.03.2009წ.,მუხ.431(ამოქმედდეს 2010 წლის 1 იანვრიდან)

 

Annotate