ახმეტის მუნიციპალიტეტის გამგეობის იურიდიული სამსახურის დებულების დამტკიცების შესახებ

ახმეტის მუნიციპალიტეტის საკრებულოს

დადგენილება №21

2011 წლის 20 ივლისი

  ქ. ახმეტა

ახმეტის მუნიციპალიტეტის გამგეობის იურიდიული სამსახურის დებულების დამტკიცების შესახებ

 ,,ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის ,,თ“ ქვეპუნქტის და 43-ე მუხლის მე-2 პუნქტის, ,,ნორმატიული აქტების შესახებ“ საქართველოს კანონის მე-20 მუხლის შესაბამისად, ახმეტის მუნიციპალიტეტის საკრებულო ადგენს:

 1. დამტკიცდეს ,,ახმეტის მუნიციპალიტეტის გამგეობის იურიდიული სამსახურის დებულება“(თან ერთვის)

 2. დადგენილება ამოქმედდეს 2011 წლის 1 აგვისტოდან.

  საკრებულოს თავმჯდომარ ე ა. მაილაშვილი

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

ახმეტის მუნიციპალიტეტის გამგეობის იურიდიული სამსახურის დებულება

 1. ახმეტის მუნიციპალიტეტის გამგეობის იურიდიული სამსახური

  ახმეტის მუნიციპალიტეტის გამგეობის იურიდიული სამსახური (ტექსტში შემდგომ – სამსახური) არის გამგეობის სტრუქტურული ერთეული, რომელიც უზრუნველყოფს საკრებულოს და გამგეობის სამართლებრივ მომსახურებას, მუნიციპალიტეტის სამართლებრივი ინტერესების დაცვას სასამართლოში, აგრეთვე სახელმწიფო ორგანოებთან, ფიზიკურ და იურიდიულ პირებთან ურთიერთობებისას.

 2. სამსახური თავის საქმიანობას წარმართავს საქართველოს მოქმედი კანონმდებლობის, ახმეტის მუნიციპალიტეტის გამგეობის დებულების, ამ დებულებისა და ახმეტის მუნიციპალიტეტის სხვა სამართლებრივი აქტების შესაბამისად.

 3. სამსახურის საშტატო განრიგი და მოსამსახურეთა თანამდებობრივი სარგოები განისაზღვრება გამგეობის საშტატო ნუსხით.

 4. სამსახურის ადგილსამყოფელია: ქ. ახმეტა, ჩოლოყაშვილის ქ. №49.

      მუხლი 2. სამსახურის საქმიანობის სამართლებრივი საფუძვლები

 სამსახურის საქმიანობის სამართლებრივი საფუძვლებია: საქართველოს კონსტიტუცია, საქართველოს ორგანული კანონი ,,ადგილობრივი თვითმმართველობის შესახებ“, საქართველოს სხვა საკანონმდებლო აქტები, ახმეტის მუნიციპალიტეტის საკრებულოს რეგლამენტი, გამგეობის დებულება და სხვა დებულება.

      მუხლი 3. სამსახურის ფუნქციები

 სამსახური დადგენილი წესით უზრუნველყოფს:

 ა) საკრებულოს თავმჯდომარე საკრებულოს წევრების, გამგებლის, მუნიციპალური სამსახურებისა და ტერიტორიული ორგანოების იურიდიულ კონსულტირებას, სამართლებრივი დასკვნების მომზადებას;

 ბ) საკრებულოსა და გამგეობაში შემუშავებული სამართლებრივი აქტების პროექტების, ადმინისტრაციული ხელშეკრულებებისა და სხვა დოკუმენტების სამართლებრივ გამართულობას, მათ შესაბამისობას მოქმედ კანონმდებლობასთან;

 გ) მუნიციპალიტეტის სამართლებრივი ინტერესების დაცვას სასამართლოში, სამართლებრივ ურთიერთობებში სახელმწიფო ორგანოებთან, ფიზიკურ და იურიდიულ პირებთან;

 დ) მოქმედი კანონმდებლობით განსაზღვრული სხვა ფუნქციების განხორციელებას.

      მუხლი 4. სამსახურის სტრუქტურა

  სამსახური შედგება:

 ა) სამსახურის უფროსი;

 ბ) წამყვანი სპეციალისტი იურიდიულ საკითხებში;

 გ) სპეციალისტი იურიდიულ საკითხებში.

       მუხლი 5. სამსახურის მართვა

 1. სამსახურს ხელმძღვანელობს უფროსი, რომელსაც „ადგილობრივი თვითმმართველობის შესახებ“ საქართველოს ორგანული კანონის, ,,საჯარო სამსახურის შესახებ“ საქართველოს კანონისა და ამ დებულების შესაბამისად, თანამდებობაზე ნიშნავს და თანამდებობიდან ათავისუფლებს გამგებელი.

 2. სამსახურის უფროსის არყოფნის შემთხვევაში, გამგებლის დავალებით, მის ფუნქციებს ახორციელებს სამსახურის წამყვანი სპეციალისტი.

 3. სამსახურის უფროსი კანონმდებლობით დადგენილი წესით;

 ა) წარმართავს სამსახურის საქმიანობას და პასუხისმგებელია ამ სტრუქტურული ერთეულისათვის დაკისრებული მოვალეობების შესრულებაზე;

 ბ) წარუდგენს გამგებელს წინადადებებს სამსახურის თანამშრომელთა შორის ფუნქციების განაწილების შესახებ;

 გ) წარუდგენს საკრებულოს თავმჯდომარეს/გამგებელს წინადადებებს სამსახურის საკადრო საკითხებთან დაკავშირებით, მოსამსახურეთა წახალისების და მათთვის დისციპლინური პასუხიმგებლობის დაკისრების, სამსახურებრივი მივლინებების, კვალიფიკაციის ამაღლებისა და სწავლების შესახებ;

 დ) საკრებულოს თავმჯდომარის/გამგებლის დავალებით წარმოადგენს და იცავს მუნიციპალიტეტის ინტერესებს სასამართლოში, სახელმწიფო ორგანოებთან და სხვა პირებთან სამართლებრივ ურთიერთობებში;

 ე) სამსახურში შემოსულ საკითხებს ანაწილებს განსახილველად სამსახურის თანამშრომელთა შორის;

 ვ) უშუალოდ იხილავს მუნიციპალიტეტის საჯარო მოხელეთა სამსახურებრივი საქმიანობიდან გამომდინარე შეტანილ საჩივრებს და წარდგინებებს, წარუდგენს საკრებულოს თავმჯდომარეს/გამგებელს შესაბამის დასკვნას;

 ზ) წარუდგენს საკრებულოს თავმჯდომარეს/გამგებელს სამსახურის მიერ მომზადებულ საკითხებს, წინადადებებს, დასკვნებს და რეკომენდაციებს;

 თ) საკრებულოს თავმჯდომარის/გამგებლის კონკრეტული დავალებით, უშუალოდ უძღვება სამსახურის წარმოებაში არსებულ საქმეზე გამართულ ადმინისტრაციულ მოსმენას;

 ი) უშუალოდ ითანხმებს მუნიციპალიტეტის საქმიანობიდან გამომდინარე ხელშეკრულების პროექტებს;

 კ) ამზადებს და ითანხმებს მუნიციპალიტეტის სამართლებრივი აქტების პროექტებს;

 ლ) სამართლებრივ საკითხებზე კონსულტაციებს უწევს საკრებულოს  თავმჯდომარეს, გამგებელს, გამგებლის მოადგილეს, სტრუქტურული ერთეულების, ასევე გამგეობის ტერიტორიული ორგანოების ხელმძღვანელებს;

 მ) წარმოადგენს სამსახურს გამგეობის სტრუქტურულ ერთეულებთან და ტერიტორიულ ორგანოებთან ურთიერთობისას;

 ნ) ესწრება საკრებულოს თავმჯდომარის, გამგებლის თათბირებს, ასევე, საჭიროების შემთხვევაში, საკრებულოს სხდომებს;

 ო) საკრებულოს თავმჯდომარეს/გამგებელს პერიოდულად წარუდგენს ანგარიშს სამსახურის მიერ შესრულებულ სამუშაოთა შესახებ;

 პ) საკუთარი ინიციატივით, საკრებულოს თავმჯდომარის/გამგებლის დავალებით უშუალოდ ახორციელებს სამსახურის კომპეტენციას მიკუთვნებულ უფლებამოსილებას;

 ჟ) ახორციელებს კანონმდებლობით გათვალისწინებულ სხვა ამოცანებს და უფლება-მოვალეობებს.

 4. სამსახურის უფროსი ანგარიშვალდებულია საკრებულოს თავმჯდომარისა და გამგებლის წინაშე.

 5. სამსახურის საქმიანობაზე სამსახურებრივ ზედამხედველობას ახორციელებს გამგებელი.

 6. სამსახურის მოხელეთა თანამდებობაზე დანიშვნა და გათავისუფლება ხორციელდება ,,ადგილობრივი თვითმმართველობის შესახებ“ საქართველოს ორგანული კანონისა და ,,საჯარო სამსახურის შესახებ“საქართველოს კანონის შესაბამისად.

     მუხლი 6. სამსახურის თანამშრომელთა უფლება-მოვალეობები

1. სამსახურის თანამშრომლებს უფლება აქვთ:

ა) უშუალო ხელმძღვანელს წარუდგინონ წინადადებები სამსახურის საქმიანობის სრულყოფის თაობაზე;

ბ) მიიღონ მათი საქმიანობისათვის აუცილებელი კონსულტაციები, სამართლებრივი აქტები, საინფორმაციო და სხვა მასალები;

გ) დააყენონ უშუალო ხელმძღვანელის წინაშე საკითხი მოსამსახურეთა ფუნქციური მოვალეობების შესრულებისათვის საჭირო პირობების უზრუნველყოფის შესახებ;

დ) დადგენილი წესით ისარგებლონ ორგანიზაციული, საინფორმაციო-საკომუნიკაციო ტექნიკით, სხვა შესაბამისი ტექნიკური საშუალებებით;

ე) ისარგებლოს ,,საჯარო სამსახურის შესახებ“ საქართველოს კანონით გათვალისწინებული საჯარო მოსამსახურის სხვა უფლებებითა და გარანტიებით.

 სამსახურის თანამშრომლები ვალდებულნი არიან:

ა) ზუსტად შეასრულონ და დაიცვან საქართველოს კანონმდებლობით განსაზღვრული მოვალეობანი;

ბ) დროულად და სრულყოფილად შეასრულონ უშუალო და ზემდგომი ხელმძღვანელების დავალებები;

გ) შესაბამისი საფუძვლის არსებობისას დაიცვან საიდუმლოების რეჟიმი;

დ) იზრუნონ საკუთარი პროფესიული მომზადების დონის ასამაღლებლად;

ე) განუხრელად შეასრულონ შრომის შინაგანაწესით დადგენილი მოთხოვნები;

ვ) გაუფრთხილდნენ მათ სარგებლობაში არსებულ საინფორმაციო-საკომუნიკაციო ტექნიკას, ინვენტარსა და სხვა ქონებას.

       მუხლი 7. სამსახურის დებულებაში ცვლილებების და დამატებების შეტანა

 ამ დებულებაში ცვლილებების და დამატებების შეტანა ხდება „ადგილობრივი თვითმმართველობის შესახებ“ საქართველოს ორგანული კანონისა და „ნორმატიული აქტების შესახებ“ საქართველოს კანონის შესაბამისად.