საქართველოს თავდაცვის სამინისტროს ფინანსების მართვის დეპარტამენტის დებულების დამტკიცების შესახებ

საქართველოს თავდაცვის მინისტრის

ბრძანება №635

2011 წლის 16 აგვისტო

ქ. თბილისი

საქართველოს თავდაცვის სამინისტროს ფინანსების მართვის დეპარტამენტის დებულების დამტკიცების შესახებ

,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-18 მუხლის მე-2 პუნქტისა და „საქართველოს თავდაცვის სამინისტროს დებულების დამტკიცების შესახებ“ საქართველოს პრეზიდენტის 2004 წლის 5 აპრილის № 119 ბრძანებულების მე-3 მუხლის მე-3 პუნქტის „პ“ ქვეპუნქტის შესაბამისად, ვბრძანებ:

მუხლი 1. დამტკიცდეს საქართველოს თავდაცვის სამინისტროს ფინანსების მართვის დეპარტამენტის თანდართული დებულება.

მუხლი 2. ბრძანება ძალაშია გამოქვეყნებისთანავე.

ბ. ახალაია

შეტანილი ცვლილებები:

1. საქართველოს თავდაცვის მინისტრის 2012 წლის 27 ივლისის ბრძანება №647 - ვებგვერდი, 27.07.2012წ.

 

საქართველოს თავდაცვის სამინისტროს ფინანსების მართვის დეპარტამენტის

დებულება

თავი I

ზოგადი დებულებანი

       მუხლი 1

  საქართველოს თავდაცვის სამინისტროს ფინანსების მართვის დეპარტამენტი (შემდგომში – დეპარტამენტი) წარმოადგენს საქართველოს თავდაცვის სამინისტროს (შემდგომში – სამინისტრო) სტრუქტურულ ქვედანაყოფს.

    მუხლი 2

დეპარტამენტი თავის საქმიანობაში ხელმძღვანელობს საქართველოს კონსტიტუციით, საქართველოს საერთაშორისო ხელშეკრულებებითა და შეთანხმებებით, საქართველოს სხვა საკანონმდებლო და კანონქვემდებარე ნორმატიული აქტებით, საქართველოს თავდაცვის მინისტრის ინდივიდუალური ადმინისტრაციულ-სამართლებრივი აქტებითა და წინამდებარე დებულებით.

    მუხლი 3

დეპარტამენტი ანგარიშვალდებულია საქართველოს თავდაცვის მინისტრისა (შემდგომში – მინისტრი) და დეპარტამენტის კურატორი მინისტრის მოადგილის წინაშე.

    მუხლი 4 .

დეპარტამენტი:

შეისწავლის სამინისტროს მიერ გასატარებელი საფინანსო პოლიტიკის ძირითად მიმართულებებს და შეიმუშავებს სამინისტროს საფინანსო პოლიტიკას; ახორციელებს საერთაშორისო პროგრამების ფინანსურ დაგეგმვას და შესრულებას; ახორციელებს დამტკიცებული ბიუჯეტის მიზნობრივ ხარჯვასა და მისი შესრულების ანალიზს; სამინისტროს სამოქალაქო ოფისისა და საქართველოს შეიარაღებული ძალების გაერთიანებული შტაბის შესაბამისი მოთხოვნების საფუძველზე შეიმუშავებს თავდაცვის ბიუჯეტის პროექტს; უზრუნველყოფს სამინისტროს, საქართველოს შეიარაღებული ძალების გაერთიანებული შტაბისა და ჯარის სახეობის სტრუქტურული ქვედანაყოფების (შემდგომში – სამინისტროს სტრუქტურული ქვედანაყოფები) მიხედვით ფინანსური უზრუნველყოფის სისტემის შემუშავებასა და ცენტრალიზებული წესით, სამინისტროს სტრუქტურული ქვედანაყოფების მიერ შედგენილი დოკუმენტაციის ა და რეკვიზიტების მიხედვით შესაბამის ანგარიშსწორებას.

      მუხლი 5

  დეპარტამენტს აქვს ბეჭედი წარწერით – „საქართველოს თავდაცვის სამინისტროს ფინანსების მართვის დეპარტამენტი“ქართულ ენაზე, საქართველოს გერბის გამოსახულებით.

საქართველოს თავდაცვის მინისტრის 2012 წლის 27 ივლისის ბრძანება № 647 - ვებგვერდი, 27.07.2012 წ.

თავი II

დეპარტამენტის ამოცანები და ფუნქციები

     მუხლი 6 .

დეპარტამენტის ამოცანები და ფუნქციებია:

ა) სამინისტროს მიერ გასატარებელი საფინანსო პოლიტიკის ძირითადი მიმართულებების შესწავლა და სამინისტროს საფინანსო პოლიტიკის შემუშავება;

 ბ) სამინისტროს პრიორიტეტებისა და სტრუქტურული ქვედანაყოფების მოთხოვნების საფუძველზე თავდაცვის ბიუჯეტის პროექტის შემუშავება და შესაბამის უწყებებში განსახილველად წარდგენა;

 გ) სამინისტროს დამტკიცებული ბიუჯეტის კვარტალური განწერა;

 დ) საერთაშორისო პროგრამების, საერთაშორისო წვრთნებისა და სხვა საერთაშორისო ღონისძიებების ფინანსურ დაგეგმვაში მონაწილეობა;

 ე) ნატო-სთან პა რ ტნიორობის კუთხით დეპარტამენტის საქმიანობის ფარგლებში განხორციელებული ღონისძიებების შესახებ შესაბამისი ანგარიშების მომზადება;

 ვ) სამინისტროს სტრუქტურული ქვედანაყოფების ფინანსური უზრუნველყოფა;

 ზ) სამინისტროს დამტკიცებული ბიუჯეტის აღსრულება;

 თ) სამინისტროს სტრუქტურული ქვედანაყოფების მიხედვით ფინანსური უზრუნველყოფის სისტემის შემუშავება და ცენტრალიზებული წესით, სამინისტროს სტრუქტურული ქვედანაყოფების მიერ შედგენილი დოკუმენტაციის საფუძველზე, შესაბამისი რეკვიზიტების მიხედვით ანგარიშსწორების უზრუნველყოფა;

ი) სამინისტროს სამოქალაქო ოფისისა და სხვა სტრუქტურული ქვედანაყოფების ფულადი უზრუნველყოფა და სალარო ოპერაციების წარმოება;

კ) სახაზინო და საბანკო ოპერაციების წარმოება კანონმდებლობის შესაბამისად;

ლ) დაწესებულ ვადებში სამინისტროს სტრუქტურული ქვედანაყოფების საფინანსო ანგარიშგების გამოთხოვა, განხილვა და ნაერთი ბალანსის შედგენა და წარდგენა;

მ) სამინისტროს სტრუქტურული ქვედანაყოფებიდან საქართველოს სახელმწიფო ბიუჯეტით განსაზღვრული ღონისძიებების შესრულების შესახებ კანონმდებლობით დადგენილი ანგარიშგების მომზადების მიზნით, საჭირო ინფორმაციის გამოთხოვა. ანგარიშგების მომზადება და შესაბამის უწყებებში წარდგენა;

ნ) სამინისტროს სტრუქტურულ ქვედანაყოფებთან ერთად, სამინისტროს მმართველობის სფეროში მოქმედი საჯარო და კერძო სამართლის იურიდიული პირების, დებულებების წესდებების, ბიუჯეტებისა და საშტატო განრიგების პროექტების განხილვა და სამინისტროს ხელმძღვანელობის დავალების შემთხვევაში მათ მიერ მიღებული შემოსავლების ანალიზი;

ო ) კომპეტენციის ფარგლებში სამინისტროს სტრუქტურული ქვედანაყოფების უზრუნველყოფა საფინანსო-ეკონომიკურ საკითხებთან დაკავშირებული ნორმატიული ბაზით;

პ ) (ამოღებულია - 27.07.2012, №647);

ჟ ) კომპეტენციის ფარგლებში კანონის პროექტებისა და სხვა სამართლებრივი აქტების შემუშავებაში მონაწილეობა;

რ ) განახორციელოს კანონით მინიჭებული სხვა უფლებამოსილებანი.

საქართველოს თავდაცვის მინისტრის 2012 წლის 27 ივლისის ბრძანება № 647 - ვებგვერდი, 27.07.2012 წ.

თავი III

დეპარტამენტის ხელმძღვანელობა

      მუხლი 7

დეპარტამენტს ხელმძღვანელობს დეპარტამენტის უფროსი, რომელსაც თანამდებობაზე ნიშნავს და თანამდებობიდან ათავისუფლებს მინისტრი.

საქართველოს თავდაცვის მინისტრის 2012 წლის 27 ივლისის ბრძანება № 647 - ვებგვერდი, 27.07.2012 წ.

    მუხლი 8 . დეპარტამენტის უფროსი:

ა ) წარმართავს და ხელმძღვანელობს დეპარტამენტზე დაკისრებული ფუნქციების შესრულებას და იღებს გადაწყვეტილებებს დეპარტამენტს მიკუთვნებულ საკითხებზე;

ბ) დეპარტამენტის თანამშრომლებზე ფუნქციების გადანაწილებისა და მის კომპეტენციას მიკუთვნებულ საკითხებზე უფლებამოსილების მინიჭების მიზნით, განსაზღვრავს დეპარტამენტის მოსამსახურეების უფლება- მოვალეობებს, აძლევს მათ შესასრულებლად სავალდებულო მითითებებსა და დავალებებს;

გ ) ხელს აწერს დეპარტამენტში მომზადებულ დოკუმენტებს;

დ ) უფლებამოსილია თავისი კომპეტენციის ფარგლებში, სამინისტროს სტრუქტურული ქვედანაყოფების მიერ შედგენილი დოკუმენტაციის საფუძველზე, შესაბამისი რეკვიზიტების მიხედვით განახორციელოს ფინანსური ოპერაციები, გამოსცეს მითითებები, ხელი მოაწეროს საბანკო და სხვა ფინანსური და ადმინისტრაციული სახის დოკუმენტებს;

ე ) უფლებამოსილია ვიზირება გაუკეთოს დეპარტამენტში, სამინისტროს სტრუქტურული ქვედანაყოფებიდან შემოსულ ყველა სახის დოკუმენტაციას, პირობების ჩანაწერის სისწორის მხრივ;

ვ ) სამინისტროს ხელმძღვანელობას წარუდგენს წინადადებებს დეპარტამენტის სტრუქტურის, შტატების, მუშაობის ორგანიზაციის, დეპარტამენტის თანამშრომელთა წახალისების ან მათთვის დისციპლინური პასუხისმგებლობის დაკისრების შესახებ;

ზ ) დეპარტამენტის მოხელეთა კვალიფიკაციის ამაღლების მიზნით შუამდგომლობს სამინისტროს ხელმძღვანელობასთან;

თ ) შუამდგომლობს იმ ფინანსური სახსრებისა და მატერიალური საშუალებების გამოყოფის თაობაზე, რომლებიც საჭიროა დეპარტამენტის ამოცანების შესასრულებლად;

ი ) უფლებამოსილია დადგენილი წესით, მინისტრის მიერ დამტკიცებული შეიარაღებისა და ტექნიკის ტაბელის გათვალისწინებით, მიიღოს ყველა სახის საკომუნიკაციო, სატრანსპორტო და ორგანიზაციულ-ტექნიკური საშუალებები;

კ ) უფლებამოსილია მოითხოვოს და მიიღოს ყველა საჭირო ინფორმაცია სამინისტროს სტრუქტურული ქვედანაყოფებიდან;

ლ ) უფლებამოსილია დეპარტამენტის უფროსის მოადგილეს მიანიჭოს უფლებამოსილება ფუნქციონალური გადანაწილებისა და მის კომპეტენციას მიკუთვნებულ საკითხებზე;

მ ) ასრულებს ამ დებულებით, მინისტრის ან კურატორი მინისტრის მოადგილის მიერ განსაზღვრულ სხვა ამოცანებს;

ნ ) აწარმოებს ურთიერთობებს სამინისტროს სტრუქტურულ ქვედანაყოფებთან, სხვა ადმინისტრაციულ ორგანოებთან;

ო ) განახორციელოს კანონით მინიჭებული სხვა უფლებამოსილებანი.

საქართველოს თავდაცვის მინისტრის 2012 წლის 27 ივლისის ბრძანება № 647 - ვებგვერდი, 27.07.2012 წ.

      მუხლი 9

1. დეპარტამენტის უფროსს ჰყავს ერთი მოადგილე, რომელსაც თანამდებობაზე ნიშნავს და თანამდებობიდან ათავისუფლებს მინისტრი.

 2. დეპარტამენტის უფროსის დროებით არყოფნის შემთხვევაში მის უფლება-მოვალეობებს ახორციელებს დეპარტამენტის უფროსის მოადგილე.

საქართველოს თავდაცვის მინისტრის 2012 წლის 27 ივლისის ბრძანება № 647 - ვებგვერდი, 27.07.2012 წ.

თავი IV

დეპარტამენტის სტრუქტურული ქვედანაყოფები და მათი ფუნქციები

       მუხლი 10

 1. დეპარტამენტის სტრუქტურული ქვედანაყოფებია:

 ა) ადმინისტრაციული სამმართველო;

 ბ ) საბიუჯეტო სამმართველო;

 ბ .ა)   საბიუჯეტო დაგეგმვის განყოფილება;

 ბ .ბ)  საერთაშორისო ფინანსური უზრუნველყოფის დაგეგმვის, პროგრამირებისა და ბიუჯეტირების განყოფილება;

 გ ) საფინანსო სამმართველო;

 გ .ა) ფულადი უზრუნველყოფის განყოფილება;

 გ .ბ) საოპერაციო განყოფილება;

 გ .გ) სამინისტროს ცენტრალური ბუღალტერია.

       მუხლი 11

  ადმინისტრაციული სამმართველოს ფუნქციებია:

 ა) დეპარტამენტის ყოველდღიური საქმიანობის კოორდინაცია და საქმიანობის ორგანიზება;

 ბ) დეპარტამენტში შემოსული დოკუმენტაციის დროულად შესრულების კოორდინაცია. მათი შესრულების შესახებ მოხსენებების მომზადება;

 გ) დეპარტამენტში სამართლებრივი აქტების პროექტების მომზადება;

 დ) დეპარტამენტის მატერიალურ-ტექნიკური საშუალებებით უზრუნველყოფის ორგანიზება;

 ე) განახორციელოს კანონით მინიჭებული სხვა უფლებამოსილებანი.

    მუხლი 12 . საბიუჯეტო სამმართველოს ფუნქციებია:

ა) სამინისტროს პრიორიტეტებისა და სტრუქტურული ქვედანაყოფების მოთხოვნების საფუძველზე თავდაცვის ბიუჯეტის პროექტის შემუშავება და შესაბამის უწყებებში განსახილველად წარდგენა;

ბ) სამინისტროს დამტკიცებული ბიუჯეტის კვარტალური განწერა;

გ) სამინისტროს სტრუქტურულ ქვედანაყოფებთან ერთად, სამინისტროს მმართველობის სფეროში მოქმედი საჯარო და კერძო სამართლის იურიდიული პირების – დებულებების, წესდებების, ბიუჯეტებისა და საშტატო განრიგების პროექტების განხილვა და სამინისტროს ხელმძღვანელობის დავალების შემთხვევაში მათ მიერ მიღებული შემოსავლების ანალიზი;

დ) საერთაშორისო პროგრამების, საერთაშორისო წვრთნებისა და სხვა საერთაშორისო ღონისძიებების ფინანსურ დაგეგმვაში მონაწილეობა;

ე) ნატო-სთან პა რ ტნიორობის კუთხით, დეპარტამენტის საქმიანობის ფარგლებში განხორციელებული ღონისძიებების შესახებ შესაბამისი ანგარიშების მომზადება;

ვ) კომპეტენციის ფარგლებში, დაგეგ მ ვის, პროგრამირებისა და ბიუჯეტირების სისტემის დანერგვისა და აღსრულების პროცესის კოორდინაცია და შესაბამისი პროცედურების შესრულება;

ზ) განახორციელოს კანონით მინიჭებული სხვა უფლებამოსილებანი.

      მუხლი13 . საფინანსო სამმართველოს ძირითადი ფუნქციებია:

ა) სამინისტროს სტრუქტურული ქვედანაყოფების ფინანსური უზრუნველყოფა;

ბ) სამინისტროს დამტკიცებული ბიუჯეტის აღსრულება;

გ) დაწესებულ ვადებში სამინისტროს სტრუქტურული ქვედანაყოფების საფინანსო ანგარიშგების გამოთხოვა, განხილვა და ნაერთი ბალანსის შედგენა და წარდგენა;

დ) სამინისტროს სტრუქტურული ქვედანაყოფებიდან საქართველოს სახელმწიფო ბიუჯეტით განსაზღვრული ღონისძიებების შესრულების შესახებ კანონმდებლობით დადგენილი ანგარიშგების მომზადების მიზნით, საჭირო ინფორმაციის გამოთხოვა. ანგარიშგების მომზადება და შესაბამის უწყებებში წარდგენა;

ე) ბიუჯეტის შედგენის პროცესში მონაწილეობის მიღება;

ვ) სამინისტროს სამოქალაქო ოფისისა და სხვა სტრუქტურული ქვედანაყოფების ფულადი უზრუნველყოფა და სალარო ოპერაციების წარმოება;

ზ) სახაზინო და საბანკო ოპერაციების წარმოება კანონმდებლობის შესაბამისად;

თ) სამინისტროს სტრუქტურული ქვედანაყოფების მიხედვით ფინანსური უზრუნველყოფის სისტემის შემუშავება და ცენტრალიზებული წესით, სამინისტროს სტრუქტურული ქვედანაყოფების მიერ შედგენილი დოკუმენტაციის საფუძველზე, შესაბამისი რეკვიზიტების მიხედვით ანგარიშსწორების უზრუნველყოფა;

ი) კომპეტენციის ფარგლებში, სამინისტროს სტრუქტურული ქვედანაყოფების უზრუნველყოფა საფინანსო-ეკონომიკურ საკითხებთან დაკავშირებული ნორმატიული ბაზით;

კ) განახორციელოს კანონით მინიჭებული სხვა უფლებამოსილებანი.

    მუხლი 14

1. სამმართველოს ხელმძღვანელობს სამმართველოს უფროსი, რომელსაც თანამდებობაზე ნიშნავს და თანამდებობიდან ათავისუფლებს მინისტრი.

2. სამმართველოს უფროსი:

ა) ხელმძღვანელობს და წარმართავს სამმართველოს საქმიანობას და პასუხისმგებელია სამმართველოზე დაკისრებული ამოცანებისა და ფუნქციების შესრულებაზე;

ბ) ანაწილებს მოვალეობებს სამმართველოს თანამშრომლებზე, აძლევს მათ მითითებებს და დავალებებს, ახორციელებს კონტროლს თანამშრომელთა მიერ დაკისრებული ფუნქცია-მოვალეობების შესრულებაზე;

გ) კომპეტენციის ფარგლებში ვიზირებას უკეთებს დეპარტამენტში, სამმართველოში მომზადებულ დოკუმენტებს;

დ) თავისი კომპეტენციის ფარგლებში, ხელმძღვანელობს სამმართველოს თანამშრომელთა კვალიფიკაციის ამაღლებას და გადამზადებას;

ე) ანგარიშს წარუდგენს დეპარტამენტის უფროსს სამმართველოს საქმიანობის შესახებ.

საქართველოს თავდაცვის მინისტრის 2012 წლის 27 ივლისის ბრძანება № 647 - ვებგვერდი, 27.07.2012 წ.

 

 

 

 

Annotate