ფასიანი ქაღალდების საიდენტიფიკაციო ნომრის მოთხოვნის, მინიჭების, ემისიის დამტკიცებული პროსპექტის და საჯარო შეთავაზების თაობაზე შეტყობინების რეგისტრაციის წესის დამტკიცების შესახებ

საქართველოს ეროვნული ბანკის პრეზიდენტის

ბრძანება №73/04

2011 წლის 7 სექტემბერი

ქ. თბილისი

ფასიანი ქაღალდების  საიდენტიფიკაციო ნომრის მოთხოვნის, მინიჭების და ემისიის დამტკიცებული პროსპექტის რეგისტრაციის წესის დამტკიცების შესახებ

 „საქართველოს ეროვნული ბანკის შესახებ“ საქართველოს ორგანული კანონის მე -15 მუხლის პირველი პუნქტის „ზ“ ქვეპუნქტის და 52 -ე მუხლის ,,ვ“ ქვეპუნქტის „ფასიანი ქაღალდების ბაზრის შესახებ“ საქართველოს კანონის მე-4 მუხლის მე-15  პუნქტის საფუძველზე , ვბრძანებ:

1. დამტკიცდეს ,,ფასიანი ქაღალდების საიდენტიფიკაციო ნომრის მოთხოვნის, მინიჭების და ემისიის დამტკიცებული პროსპექტის რეგისტრაციის წესი“;

2. ძალადაკარგულად გამოცხადდეს ,,ფასიანი ქაღალდების საიდენტიფიკაციო ნომრის მოთხოვნის, მინიჭების და ემისიის დამტკიცებული პროსპექტის რეგისტრაციის შესახებ“საქართველოს ფასიანი ქაღალდების ეროვნული კომისიის 2003 წლის 30 ივნისის №34 დადგენილება;

3. ეს ბრძანება ამოქმედდეს გამოქვეყნებისთანავე.

გ. ქადაგიძე

 

ფასიანი ქაღალდების საიდენტიფიკაციო ნომრის მოთხოვნის, მინიჭების და ემისიის დამტკიცებული პროსპექტის რეგისტრაციის წესი

    მუხლი 1. ზოგადი დებულებები

1. ეს წესი განსაზღვრავს:

ა) საქართველოს ეროვნული ბანკის (შემდეგში – ეროვნული ბანკი) მიერ ემიტენტების ემისიის დამტკიცებული პროსპექტის რეგისტრაციის, ფასიანი ქაღალდების საერთაშორისო საიდენტიფიკაციო ნომრის („ფქსსნ“– ISIN) მინიჭების პროცედურებს;

ბ) კერძო შეთავაზებისთვის განკუთვნილი ფასიანი ქაღალდებისათვის ფქსსნ-ის მინიჭების წესს;

გ) ფასიანი ქაღალდების საერთაშორისო საიდენტიფიკაციო ნომრის მოთხოვნის ფორმას და ეროვნულ ბანკში წარსადგენ ინფორმაციას.

2. ეროვნული ბანკის მიერ ფასიანი ქაღალდისთვის მინიჭებული საიდენტიფიკაციო ნომერი ერთდროულად არის როგორც ეროვნული, ასევე საერთაშორისო.

    მუხლი 2. ტერმინთა განმარტება

ა) ფასიანი ქაღალდების საერთაშორისო საიდენტიფიკაციო ნომერი (ფქსსნ -ISIN) –  ეროვნული ბანკის მიერ ფასიანი ქაღალდისთვის მინიჭებული საიდენტიფიკაციო ნომერი, რომლის სტრუქტურაც და შინაარსიც ეფუძნება სტანდარტიზაციის საერთაშორისო ორგანიზაციის (ISO) მიერ დადგენილ მოთხოვნებს და რომელიც წარმოადგენს ამა თუ იმ ემიტენტის ერთ სა და ი მა ვე კლასისა და ნიშან -თვისებების მატარებელი ფასიანი ქაღალდის უნიკალური იდენტიფიცირების საშუალებას;

ბ) ფინანსური ინსტრუმენტის კლასიფიკატორი (CFI - Classification of Financial Instruments) – ეროვნული ბანკის მიერ ფასიანი ქაღალდისთვის მინიჭებული კოდი, რომლის სტრუქტურაც და შინაარსიც ეფუძნება სტანდარტიზაციის საერთაშორისო ორგანიზაციის მიერ დადგენილ №10962-ე სტანდარტს;

გ) განმცხადებელი – პირი, რომელიც განაცხადებს ფასიან ი ქაღალდებისათვის ფქსსნ-ის მინიჭების სურვილს;

დ) სათანადო ფასიანი ქაღალდი – ემიტენტის მიერ  კანონმდებლობის შესაბამისად გამოშვებული ფასიანი ქაღალდი;

 

ე) რეგისტრაცია – ემისიის დამტკიცებული პროსპექტის ძირითადი მონაცემების შეტანის პროცედურა ეროვნული ბანკის მიერ წარმოებულ რეესტრში.

    მუხლი 3. ფქსსნ-ის მინიჭება

1. ეროვნული ბანკი ერთსა და იმავე ფქსსნ - ს ანიჭებს სათანადო ფასიანი ქაღალდების ერთსა და იმავე კლასს და , პირიქით , სათანადო ფასიანი ქაღალდების ერ თსა და იმავე კლასს – ერთი და იმავე ფქსსნ - ს .

2. ეროვნულ ბანკს შეუძლია ფქსსნ მიანიჭოს განმცხადებლის მოთხოვნით ან მის გარეშე.

3. ეროვნული ბანკი ფქსსნ-ს ანიჭებს საწარმოს ემისიის პროსპექტის დამტკიცებისას, თუ ამავე კლასის ფასიან ქაღალდებს მანამდე ფქსსნ მინიჭებული არ ჰქონდა. იმ შემთხვევაში, თუ ფქსსნ მანამდე მინიჭებული უკვე ჰქონდა ამავე ფასიანი ქაღალდების კლასს, უკვე მინიჭებული ფქსსნ გამოყენებულ იქნება ამ პროსპექტით გათვალისწინებული ფასიანი ქაღალდებისათვისაც .

4. ფქსსნ-ის მინიჭებასთან ერთად ეროვნული ბანკი ფასიან ქაღალდებს ანიჭებს ფინანსური ინსტრუმენტის კლასიფიკატორს, აღნიშნული კოდი გადაეგზავნება ეროვნული საიდენტიფიკაციო ნომრების სააგენტოთა ასოციაციას .

    მუხლი 4. საწარმოს (კერძო სამართლის იურიდიული პირის) ფასიანი ქაღალდებისათვის ფქსსნ-ს მისანიჭებლად ეროვნულ ბანკში წარსადგენი ინფორმაცია

1. ფქსსნ-ის მინიჭებამდე ეროვნული ბანკი დაადგენს, ფასიანი ქაღალდები სათანადოა თუ არა. ამ მიზნისათვის, ეროვნულ ბანკს ემიტენტმა უნდა მიაწოდოს შემდეგი ინფორმაცია:

ა) ემიტენტის წესდება, ასევე ცვლილებები ემიტენტის წესდებაში, ასეთის არსებობის შემთხვევაში;

ბ) ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან;

გ) ემიტენტის საფირმო სახელწოდება;

დ) საწარმოს წარმომადგენლობაზე უფლებამოსილი პირების სახელები, გვარები და თანამდებობა;

ე) ემიტენტის იურიდიული მისამართი და ფაქტობრივი მისამართი;

ვ) ფასიან ქაღალდებზე ნებისმიერი შეზღუდვა, ასეთის არსებობის შემთხვევაში.

2. თუ ემიტენტი ფქსსნ-ის მინიჭების თაობაზე განცხადებით მიმართავს ეროვნულ ბანკს საბოლოო პროსპექტის დამტკიცებიდან არა უგვიანეს 1 თვისა და აღნიშნული განცხადებით ის ითხოვს ბოლო პროსპექტით დამტკიცებული ფასიანი ქაღალდებისათვის ნომრის მინიჭებას, მას არ სჭირდება დამატებით იმ ინფორმაციის წარდგენა, რომელიც უკვე მოცემულია აღნიშნულ საბოლოო პროსპექტში.

3. ფასიანი ქაღალდების შესახებ კანონმდებლობის მიზნებიდან გამომდინარე, ეროვნულ ბანკს შეუძლია უარი განაცხადოს ფქსსნ -ის მინიჭებაზე.

4. თუ განმცხადებელი არის ამ წესის მე-5 მუხლის პირველი პუნქტის  „ბ“, „გ“, „დ“, „ე“, „ვ“ და „ზ“ ქვეპუნქტებით განსაზღვრული პირი, მაშინ მან დამატებით უნდა წარმოადგინოს ემიტენტის წარმომადგენლობაზე უფლებამოსილი პირის მიერ ხელმოწერილი თანხმობა, რომ აღნიშნულ პირს ენიჭება უფლება გამოითხოვოს საიდენტიფიკაციო ნომერი.

5. საქართველოში საჯარო შეთავაზებისათვის განკუთვნილი ფასიანი ქაღალდები, რომლებიც გამოშვებულია იმ ემიტენტის მიერ, რომლის ფასიანი ქაღალდებიც დაშვებულია სავაჭროდ აღიარებულ საფონდო ბირჟაზე, არ საჭიროებს ეროვნული ბანკის მიერ ხელახლა ეროვნული საიდენტიფიკაციო ნომრის მინიჭებას, თუ მათ უკვე გააჩნიათ საერთაშორისო საიდენტიფიკაციო ნომერი.

6. საქართველოში საჯარო შეთავაზებისათვის განკუთვნილი ფასიანი ქაღალდები საჭიროებს ეროვნული ბანკის მიერ ეროვნული საიდენტიფიკაციო ნომრის მინიჭებას, თუ მათი საჯარო შეთავაზება უნდა განახორციელოს ემიტენტმა, რომლის ქაღალდებიც დაშვებულია აღიარებულ საფონდო ბირჟაზე, მაგრამ საქართველოში საჯარო შეთავაზების გზით უშვებს ახალი კლასის ფასიანი ქაღალდების ემისიას, რომელსაც არ გააჩნია საერთაშორისო საიდენტიფიკაციო ნომერი. აღნიშნულ შემთხვევაში ეროვნულ ბანკს შეუძლია მოითხოვოს დამატებითი ინფორმაცია ემიტენტის მნიშვნელოვანი წილის მფლობელების შესახებ ან/და ინფორმაცია გამოსაშვები ფასიანი ქაღალდების შესახებ. კერძოდ, გამოსაშვები ფასიანი ქაღალდების კლასი და რაოდენობა.

7. განცხადების საქართველოს ეროვნული ბანკისათვის წარდგენიდან 10 დღის განმავლობაში საქართველოს ეროვნული ბანკი განიხილავს მას და ანიჭებს ფასიან ქაღალდებს საიდენტიფიკაციო ნომერს, თუ წარმოდგენილი განცხადება აკმაყოფილებს დადგენილ მოთხოვნებს.

    მუხლი 5. ეროვნული ბანკის მიერ ინფორმაციის მოთხოვნა

1. ფქსსნ-ის მინიჭების შესახებ განმცხადებელმა ეროვნულ ბანკს უნდა წარუდგინოს ამ წესის მე-4 მუხლით გათვალისწინებული ინფორმაცია, თუ იგი არის:

ა) ემიტენტი, თავის ფასიან ქაღალდებთან დაკავშირებით;

ბ) ფასიანი ქაღალდების რეგისტრატორი, იმ ფასიან ქაღალდებთან დაკავშირებით, რომელთა რეგისტრატორულ მომსახურებას ეწევა;

გ) ფასიანი ქაღალდების რეგისტრირებული მესაკუთრე, ფასიანი ქაღალდების იმ კლასთან დაკავშირებით, რომლის 1%-ს ან მეტის რეგისტრირებული მესაკუთრე არის;

დ) საბროკერო კომპანია, რომელიც მოქმედებს ამ მუხლის „გ“ ქვეპუნქტში აღნიშნული პირის ინტერესებისათვის;

ე) ფასიანი ქაღალდების ცენტრალური დეპოზიტარი;

ვ) საფონდო ბირჟა;

ზ) ეროვნული საიდენტიფიკაციო ნომრების სააგენტოთა ასოციაციის წევრი ან პარტნიორი ორგანიზაცია.

2. განმცხადებლის მიერ ამ წესით გათვალისწინებული დოკუმენტები და მონაცემები შეიძლება წარდგენილ იქნეს როგორც ორიგინალის, ასევე სანოტარო წესით დამოწმებული ასლის სახით.

    მუხლი 6. ფქსსნ-ის ფორმულა ემიტენტების მიერ გამოშვებული ფასიანი ქაღალდებისთვის

1. ფქსსნმიენიჭება GE-S-CCC-T-nnnn-k ფორმულისმიხედვით , სადაც :

GE= „საქართველოს“ აღმნიშვნელი ორი ანბანური ნიშანი;

S= ციფრი 0-დან 9-ის ჩათვლით, რომლითაც განისაზღვრება ფასიანი ქაღალდის ძირითადი სახეები;

CCC= ციფრი 0-დან 9-ის ჩათვლით, რომლებითაც განისაზღვრება ფასიანი ქაღალდის ძირითადი ნიშნები;

T= ციფრი 0-დან 9-ის ჩათვლით, რომლითაც განისაზღვრება ფასიანი ქაღალდის ვადა ან ხანგრძლივობა;

nnnn= ეროვნული ბანკის მიერ თითოეული ემიტენტისათვის მინიჭებული რიგითი ნომერი;

k= საკონტროლო ციფრი, რომელიც გამოითვლება „modulos 10 double-add-double“ ფორმულის სახით.

2. ამ ფორმულაში მოცემული ასოები აღნიშნავენ ადგილს, სადაც ასოები და ციფრები განლაგდება ნომრის მისანიჭებელი ფასიანი ქაღალდების ნიშანთა მიხედვით.

 

3. „GE“ ასოების ადგილას დაიწერება ინგლისური ანბანის ორი ასო „GE“, რაც „საქართველოს“ აღნიშნავს.

 

4. ასო „S“-ის ადგილას ჩაიწერება რომელიმე რიცხვი 0-დან 9-მდე, რომელიც ფასიანი ქაღალდების ძირითად სახეს შემდეგნაირად აღნიშნავს:

 

 

5. „C“ - ის თითოეულ სამ ადგილას ჩაიწერება რიცხვი 0-დან 9-მდე, რომელიც მიუთითებს ფასიანი ქაღალდის ძირითად ნიშანზე. ამდენად, შეიძლება აღინიშნოს ფასიანი ქაღალდის სამ ნიშნამდე შემდეგის გათვალისწინებით:

 

 

თუ ფასიან ქაღალდს აქვს ამ პუნქტში ჩამოთვლილი მახასიათებლების სამზე მეტი ნიშანი, მაშინ ნიშნები ენიჭება რიგითობის მიხედვით დაწყებული ერთიდან დამთავრებული ნულის ჩათვლით.

 

6. „T“- ის ადგილას ჩაიწერება ერთი ციფრი 0-დან 9-მდე ფასიანი ქაღალდის ვადის ან ხანგრძლივობის აღსანიშნავად შემდეგის გათვალისწინებით:

 

 

7. „nnnn“- ის ადგილას ჩაიწერება ეროვნული ბანკის მიერ თითოეული ემიტენტისათვის მინიჭებული რიგითი ნომერი.

 

8. „k“-ს ადგილას ჩაიწერება ერთნიშნა რიცხვი, რომელიც გამოითვლება „modulos 10 double-plus-double“ სახის ფორმულის სტანდარტული საკონტროლო ციფრის გამოყენებით, რაც განისაზღვრება სტანდარიტიზაციის საერთაშორისო ორგანიზაციის (ISO) 6166:1994 სტანდარტის 1 ტექნიკურ ჩამონათვალში.

     მუხლი 7. ფორმულა ემისიის პროსპექტის რეგისტრაციისათვის

ემისიის პროსპექტს მიენიჭება ნომერი ISIN-R-EE ფორმულის მიხედვით, სადაც:

ISIN = ფასიანი ქაღალდის საერთაშორისო საიდენტიფიკაციო ნომერია;

R = ა) საქართველოს ეროვნული ბანკის მიერ რეგისტრირებული ემისიის შემთხვევაში არის 1;

=  ბ) საქართველოს ფასიანი ქაღალდების ეროვნული კომისიის, საქართველოს ფინანსური მონიტორინგისა და საქართველოს საფინანსო ზედამხედველობის სააგენტოს მიერ რეგისტრირებული ემისიის შემთხვევაში არის 0;

= გ) 2003 წლამდე საქართველოს ქონების მართვის სამინისტროს მიერ, ხოლო 2003 წლის შემდეგ შესაბამისი უფლებამონაცვლე სამინისტროს მიერ რეგისტრირებული ემისიის შემთხვევაში არის 9;

= დ) სხვა ქვეყნების შესაბამისი მარეგულირებელი ორგანოების მიერ რეგისტრირებული ემისიების შემთხვევაში არის 5.

EE = წარმოადგენს ემისიის რიგით ნომერს კონკრეტული ემიტენტისათვის.

    მუხლი 8. ჩანაწერი და შეტყობინება

1. ეროვნული ბანკი  ფქსსნ-ის მინიჭებისთანავე, მას დაუყოვნებლივ შეიტანს ეროვნული ბანკის ოფიციალურ ჩანაწერებში. ადმინისტრაციული წარმოების გასაიოლებლად ეროვნულმა ბანკმა შეიძლება ფქსსნ „GE“ თავსართის გარეშე ჩაწეროს, მაგრამ ამგვარად ჩაწერილი ფქსსნ-ის წაკითხვა უნდა მოხდეს ისე, როგორც ფქსსნ „GE“ თავსართი.

2. მინიჭებიდან 3 დღის ვადაში ეროვნული ბანკი ფქსსნ-ს აცნობებს მოცემული ფასიანი ქაღალდების ემიტენტს, საქართველოს საფონდო ბირჟას და განმცხადებელს, ასეთის  არსებობის შემთხვევაში.

    მუხლი 9. არსებულ ნომერთა შეცვლა

ახალი ნომრების მისანიჭებლად საჭიროა:

ა) ეროვნული ბანკის ოფიციალურ ჩანაწერებში ცვლილების შეტანა, რათა ნაჩვენები იქნეს ძველი ნომრის გაუქმება და მის ნაცვლად ახალი ნომრის მინიჭება;

ბ) შეტყობინების გაგზავნა მოცემული ფასიანი ქაღალდების გამომშვები ემიტენტისათვის, საქართველოს საფონდო ბირჟისა და იმ ფასიანი ქაღალდების რეგისტრატორისათვის, რომელიც ამ ფასიანი ქაღალდების რეესტრს აწარმოებს.

Annotate