ზოგადსაგანმანათლებლო დაწესებულებებისათვის სამართლებრივი დახმარების საფასურის დამტკიცების შესახებ

საქართველოს განათლებისა და მეცნიერების მინისტრის

ბრძანება №183/ნ

2011 წლის 8 ნოემბერი

ქ. თბილისი

ზოგადსაგანმანათლებლო დაწესებულებებისათვის სამართლებრივი დახმარების საფასურის დამტკიცების შესახებ

 ,,განათლების ხარისხის განვითარების შესახებ” საქართველოს კანონის მე-3 მუხლის მე-3 პუნქტის ,,ვ ” ქვეპუნქტის საფუძველზე, ვბრძანებ:

1. დამტკიცდეს ზოგადსაგანმანათლებლო დაწესებულებისათვის, „საჯარო სამართლის იურიდიული პირის – განათლების აკრედიტაციის ეროვნული ცენტრის რეორგანიზაციის გზით საჯარო სამართლის იურიდიული პირის – განათლების ხარისხის განვითარების ეროვნული ცენტრის შექმნისა და მისი დებულების დამტკიცების შესახებ” საქართველოს განათლებისა და მეცნიერების მინისტრის 2010 წლის 14 სექტემბრის №89/ნ ბრძანებით დამტკიცებული დებულების მე-11 მუხლის ,,დ ’’, ,,ე ”, ,,ვ ”, ,,ზ ” და ,,თ ” ქვეპუნქტებით გათვალისწინებული სამართლებრივი დახმარების საფასური შემდეგი ოდენობით:

ა) თუ სსიპ – ზოგადსაგანმანათლებლო დაწესებულებაში სწავლობს 200 მოსწავლის ჩათვლით, სამართლებრივი დახმარების საფასური თვეში განისაზღვროს 100 ლარის ოდენობით;

ბ) თუ სსიპ – ზოგადსაგანმანათლებლო დაწესებულებაში სწავლობს 201-დან 600 მოსწავლის ჩათვლით, სამართლებრივი დახმარების საფასური თვეში განისაზღვროს 150 ლარის ოდენობით;

გ) თუ სსიპ – ზოგადსაგანმანათლებლო დაწესებულებაში სწავლობს 601 და მეტი მოსწავლე, სამართლებრივი დახმარების საფასური თვეში განისაზღვროს 200 ლარის ოდენობით;

დ) კერძო სამართლის სამეწარმეო ან არასამეწარმეო (არაკომერციული) იურიდიული პირის ზოგადსაგანმანათლებლო დაწესებულებისათვის – სამართლებრივი დახმარების საფასური თვეში განისაზღვროს 300 ლარის ოდენობით.

საქართველოს განათლებისა და მეცნიერების მინისტრის 2012 წლის 11 მაისის ბრძანება №94/ნ - ვებგვერდი, 14.05.2012წ.

2. ზოგადსაგანმანათლებლო დაწესებულებისათვის „საჯარო სამართლის იურიდიული პირის – განათლების აკრედიტაციის ეროვნული ცენტრის რეორგანიზაციის გზით საჯარო სამართლის იურიდიული პირის – განათლების ხარისხის განვითარების ეროვნული ცენტრის შექმნისა და მისი დებულების დამტკიცების შესახებ” საქართველოს განათლებისა და მეცნიერების მინისტრის 2010 წლის 14 სექტემბრის №89/ნ ბრძანებით დამტკიცებული დებულების მე-11 მუხლის ,,ი“ ქვეპუნქტით გათვალისწინებული შესყიდვების პროცედურებთან დაკავშირებ ული (მათ შორის , კონსულტაცი ებ ის გაწევ ის) მომსახურების საფასური თვეში განისაზღვროს 250 ლარის ოდენობით.

საქართველოს განათლებისა და მეცნიერების მინისტრის 2012 წლის 11 მაისის ბრძანება №94/ნ - ვებგვერდი, 14.05.2012წ.

საქართველოს განათლებისა და მეცნიერების მინისტრის 2012 წლის 13 ივლისის ბრძანება №137/ნ - ვებგვერდი, 16.07.2012წ.

3 . ბრძანება ამოქმედდეს გამოქვეყნებისთანავე.

დ . შაშკინი

შეტანილი ცვლილებები:

1. საქართველოს განათლებისა და მეცნიერების მინისტრის 2012 წლის 11 მაისის ბრძანება №94/ნ - ვებგვერდი, 14.05.2012წ.

2. საქართველოს განათლებისა და მეცნიერების მინისტრის 2012 წლის 13 ივლისის ბრძანება №137/ნ - ვებგვერდი, 16.07.2012წ.