ბოლნისის მუნიციპალიტეტის 2012 წლის ადგილობრივი ბიუჯეტიდან სოციალური დახმარების გაცემისა და მიღების წესის დამტკიცების შესახებ

ბოლნისის მუნიციპალიტეტის საკრებულოს

დადგენილება №54

201 1 წ ლის 22 დეკემბერი

ქ. ბოლნისი

ბოლნისის მუნიციპალიტეტის 2012 წლის ადგილობრივი ბიუჯეტიდან სოციალური დახმარების გაცემისა და მიღების წესის დამტკიცების შესახებ

„ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-3 პუნქტის, „ნორმატიული აქტების შესახებ“ საქართველოს კანონის 25-ე მუხლის,  „იძულებით გადაადგილებულ პირთა – დევნილთა შესახებ“, „სამშობლოს დაცვისას დაღუპულთა და ომის შემდეგ გარდაცვლილ მეომართა ხსოვნის უკვდავყოფის შესახებ“, „სოციალური დახმარების შესახებ“ საქართველოს კანონების შესაბამისად,

1. დამტკიცდეს ბოლნისის მუნიციპალიტეტის 2012 წლის ადგილობრივი ბიუჯეტიდან სოციალური დახმარების გაცემისა და მიღების წესი (დანართი 1).

2. ამ დადგენილების ამოქმედებისთანავე ძალადაკარგულად გამოცხადდეს „ბოლნისის მუნიციპალიტეტის 2011 წლის ადგილობრივი ბიუჯეტიდან სოციალური დახმარების გაცემისა და მიღების წესის დამტკიცების შესახებ“ ბოლნისის მუნიციპალიტეტის საკრებულოს 2011 წლის  11 იანვრის №3 დადგენილება.

3. დადგენილება ამოქმედდეს 2012 წლის 1 იანვრიდან.

საკრებულოს თავმჯდომარე                  ნ . საბიაშვილი

შეტანილი ცვლილებები:

1. ბოლნისის მუნიციპალიტეტის საკრებულოს 2012 წლის 16 იანვრის დადგენილება №3 - ვებგვერდი, 23.01.2012 წ.

2. ბოლნისის მუნიციპალიტეტის საკრებულოს 2012 წლის 7 თებერვლის დადგენილება №6 - ვებგვერდი, 10.02.2012 წ.

3. ბოლნისის მუნიციპალიტეტის საკრებულოს 2012 წლის 30 აპრილის დადგენილება №21 - ვებგვერდი, 04.05.2012 წ.

4. ბოლნისის მუნიციპალიტეტის საკრებულოს 2012 წლის 15 ივნისის დადგენილება №23 - ვებგვერდი, 21.06.2012 წ.

 

დანართი 1

ბოლნისის მუნიციპალიტეტის 2012 წლის ადგილობრივი ბიუჯეტიდან სოციალური დახმარების გაცემისა და მიღების წესი

ეს წესი განსაზღვრავს მუნიციპალიტეტის მოსახლეობისათვის ადგილობრივი ბიუჯეტიდან სოციალური დახმარების გაცემისა და მისი მიღების პირობებს, მიმღებთა(ბენეფიციართა) კატეგორიებს, მათ მიერ მუნიციპალიტეტში წარმოსადგენი დოკუმენტაციის სახეებსა და დახმარების სახით გასაცემი თანხის ოდენობებს.

    მუხლი 1. ონკოლოგიური ავადმყოფების სამედიცინო დახმარება

1. 18-დან 60 წლამდე ონკოლოგიურმა პაციენტმა ან მისი ოჯახის სრულწლოვანმა  წევრმა მუნიციპალიტეტში უნდა წარმოადგინოს:

ა) განცხადება მუნიციპალიტეტის გამგებლის სახელზე;

ბ)განმცხადებლის (პაციენტის) პირადობის მოწმობის ასლი;

გ)ცნობა ჯანმრთელობის მდგომარეობის შესახებ (ფორმა) №100;

დ) ცნობა ტეროტორიული ორგანოდან ოჯახის შემადგენლობის შესახებ (იმ შემთხვევაში, თუ განცხადება დაწერილია პაციენტის ოჯახის წევრის მიერ);

ე) ხარჯთაღრიცხვის დოკუმენტი და ანგარიშ-ფაქტურა სამედიცინო დაწესებულებიდან.

2. ანაზღაურება მოხდება უნაღდო ანგარიშსწორების ფორმით სამედიცინო დაწესებულების შესაბამის ანგარიშზე.

3. პაციენტს დახმარება გაეწევა ერთჯერადად:

ა) სტაციონარული მკურნალობისათვის 300 ლარის ოდენობით, 300 ლარიდან ზემოთ 70%-ის ოდენობით, მაგრამ არა უმეტეს 700 ლარისა;

ბ) დიაგნოსტიკური კვლევებისათვის არა უმეტეს 300 ლარით.

4. დახმარება გაიცემა მუნიციპალიტეტის გამგებლის ბრძანებით, მუნიციპალიტეტის გამგეობის ჯანმრთელობის დაცვის, სოციალურ საკითხთა, ვეტერანთა საქმეებისა და მიგრაციის სამსახურ ი ს დასკვნის  საფუძველზე.

ბოლნისის მუნიციპალიტეტის საკრებულოს 2012 წლის 30 აპრილის დადგენილება № 21 - ვებგვერდი, 04.05.2012 წ.

   მუხლი 2. სოციალურად დაუცველი მოსახლეობის სამედიცინო დახმარება

1. სოციალურად დაუცველი მოსახლეობის სამედიცინო უზრუნველყოფის კუთხით დასაფინანსებელ ბენეფიციართა კონტინგენტია:

ა) სიღარიბის ზღვარს მიღმა მცხოვრებლები 70 000 -დან 100 000 ქულამდე და მათი ოჯახის ორსული წევრები , რომელთაც ზემოაღნიშნული სარეიტინგო ქულები მიენიჭათ 2011-2012 წწ. პერიოდში ;

ბ)  სიღარიბის ზღვარს მიღმა მცხოვრები ოჯახების (რომელთაც   გააჩნიათ 70 000  ქულაზე ნაკლები) ის ორსული წევრები,   რომლებიც არ არიან რეგისტრირებული სოციალურად  დაუცველთა ერთიან ბაზაში.

2. პაციენტს დახმარება გაეწევა ერთჯერადად:

ა) სტაციონა რ ული მკურნალობისათვის 300 ლარის ოდენობით, 300 ლარიდან ზემოთ 70%-ის ოდენობით, მაგრამ არა უმეტეს 700 ლარისა.

3. ამ მუხლის 1-ლი პუნქტის „ა“ და „ბ“ ქვეპუნქტებით გათვალისწინებულმა კატეგორიებმა მუნიციპალიტეტში უნდა წარმოადგინონ:

ა) განცხადება მუნიციპალიტეტის გამგებლის სახელზე ;

ბ)განმცხადებლის(პაციენტის) პირადობის მოწმობის ასლი;

გ)სოციალურად დაუცველი ოჯახების მონაცემთა ერთიან ბაზაში რეგისტრაციის მოწმობის ასლი;

დ)ცნობა ჯანმრთელობის მდგომარეობის შესახებ (ფორმა №100);

ე)ცნობა ტერიტორიული ორგანოდან ოჯახის შემადგენლობის შესახებ(იმ შემთხვევაში, თუ განცხადება დაწერილია პაციენტის ოჯახის წევრის მიერ);

ვ)ხარჯთაღრიცხვის დოკუმენტი და ანგარიშ-ფაქტურა სამედიცინო დაწესებულებიდან.

4. ანაზღაურება მოხდება უნაღდო ანგარიშსწორების ფორმით სამედიცინო დაწესებულების შესაბამის ანგარიშზე.

5. დახმარება გაიცემა მუნიციპალიტეტის გამგებლის ბრძანებით, მუნიციპალიტეტის გამგეობის ჯანმრთელობის დაცვის, სოციალურ საკითხთა, ვეტერანთა საქმეებისა და მიგრაციის სამსახურ ი ს  დასკვნის საფუძველზე.

ბოლნისის მუნიციპალიტეტის საკრებულოს 2012 წლის 30 აპრილის დადგენილება № 21 - ვებგვერდი, 04.05.2012 წ.

ბოლნისის მუნიციპალიტეტის საკრებულოს 2012 წლის 15 ივნისის დადგენილება №23 - ვებგვერდი, 21.06.2012 წ.

      მუხლი 3. უფასო მედიკამენტებით უზრუნველყოფა

1.ქრონიკული დაავადებების მქონე მოსახლეობის (რომლებიც აღრიცხვაზე იმყოფებიან ბოლნისის მოზრდილთა რაიპოლიკლინიკაში) უფასო მედიკამენტებით უზრუნველყოფის კუთხით დასაფინანსებელ ბენეფიციართა კონტინგენტია:

ა) მუნიციპალიტეტში მცხოვრები ეპილეფსიით დაავადებული პაციენტები, რომელთა სარეიტინგო ქულა არ აღემატება 100 000-ს;

ბ) მუნიციპალიტეტში მცხოვრები პარკინსონიზმით დაავადებული პაციენტები, რომელთა სარეიტინგო ქულა არ აღემატება 100 000-ს;

გ) მუნიციპალიტეტში მცხოვრები ბრონქიალური ასთმით დაავადებული პაციენტები, რომელთა სარეიტინგო ქულა არ აღემატება 100 000-ს;

დ) მუნიციპალიტეტში მცხოვრები ონკოლოგიური დაავადებებით დაავადებული პაციენტები, რომელთა სარეიტინგო ქულა არ აღემატება 100 000-ს.

ე) ზემოთ ჩამოთვლილი ქრონიკული დაავადებებით დაავადებული მუნიციპალიტეტის ტერიტორიაზე მცხოვრები იძულებით გადაადგილებული პირები – დევნილები.

2. პროგრამაში მონაწილეობის მსურველმა პაციენტმა ან მისი ოჯახის სრულწლოვანმა წევრმა, მუნიციპალიტეტში უნდა წარმოადგინოს:

ა) განცხადება მუნიციპალიტეტის გამგებლის სახელზე ;

ბ)განმცხადებლის(პაციენტის) პირადობის მოწმობის ასლი;

გ)ცნობა ჯანმრთელობის მდგომარეობის შესახებ (ფორმა №100 განახლებული);

დ) ცნობა ტერიტორიული ორგანოდან ოჯახის შემადგენლობის შესახებ (იმ შემთხვევაში, თუ განცხადება დაწერილია პაციენტის ოჯახის წევრის მიერ);

ე)ხარჯთაღრიცხვის დოკუმენტი და ანგარიშ-ფაქტურა სამედიცინო დაწესებულებიდან.

ვ) იძულებით გადაადგილებული პირის – დევნილის მოწმობის ასლი.

3. ანაზღაურება მოხდება უნაღდო ანგარიშსწორების ფორმით შესაბამამისი აფთიაქის საბანკო ანგარიშზე.

4. დახმარება გაიცემა მუნიციპალიტეტის გამგებლის ბრძანებით, მუნიციპალიტეტის გამგეობის ჯანმრთელობის დაცვის, სოციალურ საკითხთა, ვეტერანთა საქმეებისა და მიგრაციის სამსახურ ი ს დასკვნის საფუძველზე.

ბოლნისის მუნიციპალიტეტის საკრებულოს 2012 წლის 7 თებერვლის დადგენილება № 6 - ვებგვერდი, 10.02. 2012 წ.

    მუხლი 4. (ამოღებულია - 30.04.2012, №21)

ბოლნისის მუნიციპალიტეტის საკრებულოს 2012 წლის 30 აპრილის დადგენილება № 21 - ვებგვერდი, 04.05.2012 წ.

    მუხლი 5. ფსორიაზით დაავადებული პირების დახმარება

1. ფსორიაზით დაავადებული სოციალურად დაუცველი პირების, რომელთა სარეიტინგო ქულა არ აღემატება 100 000-სს და ფსორიაზით დაავადებული იძულებით გადაადგილებული პირების დახმარება მოხდება ერთჯერადად, არა უმეტეს 700(შვიდასი) ლარის ოდენობით.

2. მუნიციპალიტეტში წარმოსადგენი დოკუმენტებია:

ა) განცხადება მუნიციპალიტეტის გამგებლის სახელზე;

ბ) გამცხადებლის(პაციენტის) პირადობის მოწმობის ასლი;

გ) ცნობა ჯანმრთელობის მდგომარეობის შესახებ;

დ) ექიმის დანიშნულების საფუძველზე, ცნობა აფთიაქიდან მედიკამენტების ჩამონათვალის, ღირებულებისა და საბანკო ანგარიშის შესახებ, რომელზედაც განხორციელდება გადარიცხვა;

ე) სოციალურად დაუცველი ოჯახების მონაცემთა ერთიან ბაზაში რეგისტრაციის ამონაწერი;

ზ) იძულებით გადაადგილებული პირის  დამადასტურებელი მოწმობის ასლი .

3. ანაზღაურება მოხდება უნაღდო ანგარიშსწორების ფორმით შესაბამამისი აფთიაქის საბანკო ანგარიშზე.

4. დახმარება გაიცემა მუნიციპალიტეტის გამგებლის ბრძანებით, მუნიციპალიტეტის გამგეობის ჯანმრთელობის დაცვის, სოციალურ საკითხთა, ვეტერანთა საქმეებისა და მიგრაციის სამსახურ ი ს დასკვნის საფუძველზე.

    მუხლი 6. ლეიშმანიოზით დაავადებული ბავშვების დახმარება

1. ლეიშმანიოზით დაავადებული ბავშვების დახმარება მოხდება ერთჯერადად:

ა) სტაციონარული მკურნალობისათვის 300 ლარის ოდენობით, 300 ლარიდან ზემოთ 70%-ის ოდენობით, მაგრამ არა უმეტეს 700 ლარისა.

2. მუნიციპალიტეტში წრმოსადგენი დოკუმენტებია:

ა) განცხადება მუნიციპალიტეტის გამგებლის სახელზე;

ბ) განმცხადებლის(პაციენტის) პირადობის მოწმობის ასლი;

გ) ცნობა ჯანმრთელობის მდგომარეობის შესახებ;

დ) ექიმის დანიშნულების საფუძველზე, ცნობა სამედიცინო დაწესებულებიდან პაციენტის მკურნალობის, მისი ღირებულებისა და საბანკო ანგარიშის შესახებ, რომელზედაც განხორციელდება გადარიცხვა.

3. ანაზღაურება მოხდება უნაღდო ანგარიშსწორების ფორმით სამედიცინო დაწესებულების საბანკო ანგარიშზე.

4. დახმარება გაიცემა მუნიციპალიტეტის გამგებლის ბრძანებით, მუნიციპალიტეტის გამგეობის ჯანმრთელობის დაცვის, სოციალურ საკითხთა, ვეტერანთა საქმეებისა და მიგრაციის სამსახურ ი ს  დასკვნის საფუძველზე.

 

   მუხლი 7. სტუდენტებისა და სპორტსმენების დახმარება

  1. ყოველთვიური  ფულადი  დახმარება 50 (ორმოცდაათი) ლარის ოდენობით გაეწევათ შემდეგი კატეგორიის სტუდენტებს:
   ა) მარჩენალდაკარგული ოჯახებიდან და  სწავლობენ აკრედიტებულ უმაღლეს  სასწავლებელში;
  ბ) იძულებით გადაადგილებული ოჯახებიდან და სწავლობენ აკრედიტებულ უმაღლეს  სასწავლებელში;
  გ)  სოციალურად დაუცველი მრავალშვილიანი ოჯახებიდან და სწავლობენ აკრედიტებულ უმაღლეს  სასწავლებელში;
      2. ყოველთვიური ფულადი დახმარება გაეწევათ შემდეგი კატეგორიის  სპორტსმენებს:
 ა) ინდივიდუალურ სახეობებში საქართველოს ჩემპიონებს, რომლებიც პარალელურად არიან საერთაშორისო ტურნირების გამარჯვებულები და ირიცხებიან ეროვნული ნაკრების წევრებად - 150 (ას ორმოცდაათი) ლარის ოდენობით;
   ბ) ინდივიდუალურ სახეობებში საქართველოს ჩემპიონატის პრიზიორებს, რომლებმაც პარალელურად საერთაშორისო ჩემპიონატებში დაიკავეს საპრიზო ადგილები - 50 (ორმოცდაათი) ლარის ოდენობით.

 3. დახმარება გაიცემა ბოლნისის რესურსცენტრისა და კულტურის,  სპორტისა და ახალგაზრდულ საქმეთა სამსახურის მიერ წარმოდგენილი სიების საფუძველზე.

 4. ანაზღაურება მოხდება უნაღდო ანგარიშსწორების ფორმით ბანკში გახსნილ პირად ანგარიშზე.

 5. დახმარება გაიცემა მუნიციპალიტეტის გამგებლის ბრძანებით,  მუნიციპალიტეტის გამგეობის ჯანმრთელობის დაცვის, სოციალურ საკითხთა, ვეტერანთა საქმეებისა და მიგრაციის დასკვნის საფუძველზე.

ბოლნისის მუნიციპალიტეტის საკრებულოს 2012 წლის 15 ივნისის დადგენილება №23 - ვებგვერდი, 21.06.2012 წ.

    მუხლი 8. შეზღუდული შესაძლებლობების მქონე პირების და ოჯახებში რეინტეგრირებული ბავშვების დახმარება

1. ყოველთვიური მატერიალური დახმარება გაეწევათ შემდეგ კატეგორიებს:

ა) შეზღუდული შესაძლებლობების მქონე პირველი და მეორე ჯგუფის უსინათლო ინვალიდებს  30 ლარის ოდენობით;

ბ) ოჯახებში რეინტეგრირებულ თითოეულ ბავშვს 50 ლარის ოდენობით;

გ) შეზღუდული შესაძლებლობების მქონე პირებს, ვინც ვერ ახერხებს დამოუკიდებლად გადაადგილებას, არ გააჩნიათ იურიდიული მარჩენალი და საჭიროებენ მომვლელის დახმარებას  _  250 ლარის ოდენობით;

2. პირველი  და  მე-2 ჯგუფის ინვალიდებს სტაციონარში მოთავსების შემთხვევაში დახმარება გაეწევათ ერთჯერადად, სტაციონარში მკურნალობისათვის 300 ლარის ოდენობით, 300 ლარიდან ზემოთ  70 %-ის ოდენობით, მაგრამ არა უმეტეს 700 ლარისა.

3. ოჯახის წარმომადგენელმა (მეურვემ/მზრუნველმა) მუნიციპალიტეტში უნდა წარმოადგინოს შემდეგი დოკუმენტაცია:

ა) განცხადება მუნიციპალიტეტის გამგებლის სახელზე;

ბ) განმცხადებლის პირადობის მოწმობის ასლი;

გ) შეზღუდული შესაძლებლობების პირის დამადასტურებელი მოწმობის ასლი (ამონაწერი სოციალური მომსახურების სააგენტოდან);

დ) ბანკში გახსნილი პირადი ანგარიშის მონაცემები;

ე)ცნობა ჯანმრთელობის მდგომარეობის შესახებ (ფორმა 100);

ვ) ექიმის დანიშნულების საფუძველზე, ცნობა სამედიცინო დაწესებულებიდან პაციენტის მკურნალობის, მისი ღირებულებისა და საბანკო ანგარიშის შესახებ, რომელზედაც განხორციელდება გადარიცხვა.

4. ანაზღაურება მოხდება უნაღდო ანგარიშსწორების ფორმით ბანკში გახსნილ პირად ანგარიშზე ან/და შესაბამისი სამედიცინო დაწესებულების საბანკო ანგარიშზე.

5. დახმარება გაიცემა მუნიციპალიტეტის გამგებლის ბრძანებით, მუნიციპალიტეტის გამგეობის ჯანმრთელობის დაცვის სოციალურ საკითხთა, ვეტერანთა საქმეებისა და მიგრაციის დასკვნის საფუძველზე.

ბოლნისის მუნიციპალიტეტის საკრებულოს 2012 წლის 16 იანვრის დადგენილება № 3 - ვებგვერდი, 23.01.2012 წ.

    მუხლი 9. მიცვალებულთა სარიტუალო მომსახურება

1. მუნიციპალიტეტის ბიუჯეტიდან ანაზღაურდება შემდეგი სახის სარიტუალო მომსახურება:

ა) მუნიციპალიტეტში რეგისტრირებულ მიცვალებულ ვეტერანთა (მეორე მსოფლიო ომის მონაწილეთა, კოდი 100) სარიტუალო მომსახურება;

ბ) მუნიციპალიტეტში რეგისტრირებულ საქართველოს ტერიტორიული მთლიანობისათვის მებრძოლ მიცვალებულთა (კოდი 300) სარიტუალო მომსახურება;

გ) მუნიციპალიტეტში რეგისტრირებულ ავღანეთის ომის მონაწილე მიცვალებულთა (კოდი 200) სარიტუალო მომსახურება;

დ) მუნიციპალიტეტში რეგისტრირებულ იძულებით გადაადგილებულ მიცვალებულთა სარიტუალო მომსახურება;

ე) მემკვიდრის გარეშე დარჩენლი მარტოხელა მოქალაქეების სარიტუალო მომსახურება.

2. მუნიციპალიტეტში წარმოსადგენი დოკუმენტაცია:

ა) დაკრძალვის ხარჯის მიმღები პირის განცხადება მუნიციპალიტეტის გამგებლის სახელზე;

ბ) განმცხადებლის პირადობის მოწმობის ასლი;

გ) ცნობა სოციალური მომსახურების ბოლნისის განყოფილებიდან გარდაცვლილის ოჯახის შემადგენლობისა და სოციალური მდგომარეობის შესახებ;

დ) იძულებით გადაადგილებული პირის მოწმობის ასლი;

ე) ცნობა ტერიტორიული ორგანოდან გარდაცვლილის უპატრონობის შესახებ;

ვ) მიცვალებული ვეტერანის მოწმობის ასლი;

ზ) განმცხადებლის საბანკო ანგარიში;

თ) თანხა გაიცემა 250 (ორას ორმოცდაათი) ლარის ოდენობით.

3. ანაზღაურება მოხდება უნაღდო ანგარიშსწორების ფორმით ბანკში გახსნილ პირად ანგარიშზე.

4. დახმარება გაიცემა მუნიციპალიტეტის გამგებლის ბრძანებით, მუნიციპალიტეტის გამგეობის ჯანმრთელობის დაცვის, სოციალურ საკითხთა, ვეტერანთა საქმეებისა და მიგრაციის სამსახურ ი ს დასკვნის საფუძველზე.

    მუხლი 10. დედ-მამით ობოლი ბავშვების დახმარება

1. დედ-მამით ობოლ პაციენტს დახმარება გაეწევა ერთჯერადად:

ა) სტაციონარული მკურნალობისათვის – 300 ლარის ოდენობით, 300 ლარიდან ზემოთ – 70%-ის ოდენობით, მაგრამ არა უმეტეს 700 ლარისა.

2. დედ-მამით ობოლი ბავშვის მეურვემ მუნიციპალიტეტში უნდა წარმოადგინოს:

ა) განცხადება მუნიციპალიტეტის გამგებლის სახელზე ;

ბ)პირადობის მოწმობის ასლი;

გ) ცნობა სოციალური მომსახურების სააგენტოს განყოფილებიდან ბავშვის მეურვის ვინაობის შესახებ;

დ) ცნობა ტერიტორიული ორგანოდან ბავშვის და მისი მეურვის ფაქტობრივი საცხოვრებელი ადგილის შესახებ;

ე) ცნობა ჯანმრთელობის მდგომარეობის შესახებ;

ვ) ექიმის დანიშნულების საფუძველზე, ცნობა სამედიცინო დაწესებულებიდან პაციენტის მკურნალობის, მისი ღირებულებისა და საბანკო ანგარიშის შესახებ, რომელზედაც განხორციელდება გადარიცხვა;

ზ) ბავშვის ან/და ბავშვების დაბადების მოწმობების ასლები.

3. ანაზღაურება მოხდება უნაღდო ანგარიშსწორების ფორმით შესაბამისი სამედიცინო დაწესებულების საბანკო ანგარიშზე.

4. დახმარება გაიცემა მუნიციპალიტეტის გამგებლის ბრძანებით, მუნიციპალიტეტის გამგეობის ჯანმრთელობის დაცვის, სოციალურ საკითხთა, ვეტერანთა საქმეებისა და მიგრაციის სამსახურ ი ს  დასკვნის საფუძველზე.

 

    მუხლი 11. 2008 წლის აგვისტოს თვეში რუსეთის აგრესიის შედეგად იძულებით გადაადგილებულ ოჯახთა სოციალური დახმარება

1. მუნიციპალიტეტის ბიუჯეტიდან ანაზღაურდება მხოლოდ კომპაქტურად დასახლებული იძულებით გადაადგილებული ოჯახების კომუნალური ხარჯები (წყალი,დენი, ბუნებრივი აირი).

2. დახმარება გაიცემა უნაღდო ანგარიშსწორების ფორმით, შესაბამისი ორგანიზაციების საბანკო ანგარიშზე, მუნიციპალიტეტის გამგებლის ბრძანებით, მუნიციპალიტეტის გამგეობის ჯანმრთელობის დაცვის, სოციალურ საკითხთა, ვეტერანთა საქმეებისა და მიგრაციის სამსახურ ი ს დასკვნის საფუძველზე.

    მუხლი 12. საქართველოს თავისუფლებისა და ტერიტორიული მთლიანობისათვის მებრძოლთა (ვეტერან თა) ოჯახების სოციალური დახმარება

1. მუნიციპალიტეტის ბიუჯეტიდან ანაზღაურდება სოციალური დახმარება შემდეგი კატეგორიის მებრძოლთა ოჯახებისათვის:

ა) საქართველოს თავისუფლებისა და ტერიტორიული მთლიანობისათვის ბრძოლის მონაწილეები (კოდი 300);

ბ) საქართველოს თავისუფლებისა და ტერიტორიული მთლიანობისათვის ომის შემდეგ და ომის პერიოდში  გარდაცვლილთა ოჯახები ( კოდი 500; 501; 600;);

გ) მეორე მსოფლიო ომის მონაწილეები (კოდი 100);

დ) ავღანეთის ომის მონაწილეები (კოდი 200);

ე) ინვალიდი, დევნილი, ვეტერანი მეომრების ოჯახები.

2. ამ მუხლის 1-ლი პუნქტის „ბ” და „ე” ქვეპუნქტებით გათვალისწინებული კატეგორიები დახმარებას მიიღებენ:

ა) სოხუმის დაცემის დღეს – 27 სექტემბრისათვის ერთჯერადად 100 ლარის ოდენობით;

ბ) სტაციონა რ უ ლ ი მკურნალობისათვის 300 ლარის ოდენობით, 300 ლარიდან ზემოთ – 70%-ის ოდენობით, მაგრამ არა უმეტეს 700 ლარისა.

 3. ამ მუხლის 1-ლი პუნქტის „გ“ ქვეპუნქტით გათვალისწინებული კატეგორია დახმარებას მიიღებს:

ა) ფაშიზმზე გამრჯვების დღის 9 მაისისათვის ერთჯერადად 100 ლარის ოდენობით.

ბ) სტაციონალური მკურნალობისათვის 300 ლარის ოდენობით, 300 ლარიდან ზემოთ – 70%-ის ოდენობით, მაგრამ არა უმეტეს 700 ლარისა;

4. ამ მუხლის 1-ლი პუნქტის „ა” და „დ” ქვეპუნქტებით გათვალისწინებული კატეგორიები დახმარებას მიიღებენ სტაციონა რ უ ლ ი მკურნალობისათვის 300 ლარის ოდენობით, 300 ლარიდან ზემოთ -70%-ის ოდენობით, მაგრამ არა უმეტეს 700 ლარისა.

5. მუნიციპალიტეტში წარსადგენი დოკუმენტებია:

ა) განცხადება მუნიციპალიტეტის გამგებლის სახელზე;

ბ) პირადობის მოწმობის ასლი;

გ) იძულებით გადაადგილებული პირის დამადასტურებელი მოწმობის ასლი;

დ) დიდი სამამულო ომის ვეტერანის დამადასტურებელი მოწმობის ასლი;

ე) ავღანეთის ომის ვეტერანის დამადასტურებელი მოწმობის ასლი;

ვ) საქართველოს სამხედრო ძალებისა და ომის ვეტერანის მოწმობის ასლი ;

ზ) ბანკში გახსნილი პირადი ანგარიშის მონაცემები;

თ) ცნობა ტერიტორიული ორგანოდან ოჯახის შემადგენლობის შესახებ;

ი ) ბანკში გახსნილი პირადი ანგარიშის მონაცემები;

კ) ცნობა ჯანმრთელობის მდგომარეობის შესახებ;

ლ) ექიმის დანიშნულების საფუძველზე, ცნობა სამედიცინო დაწესებულებიდან პაციენტის მკურნალობის, მისი ღირებულებისა და საბანკო ანგარიშის შესახებ, რომელზედაც განხორციელდება გადარიცხვა.

6. ანაზღაურება მოხდება უნაღდო ანგარიშსწორების ფორმით ბანკში გახსნილ პირად ანგარიშზე ან/და შესაბამისი სამედიცინო დაწესებულების საბანკო ანგარიშზე.

7. დახმარება გაიცემა მუნიციპალიტეტის გამგებლის ბრძანებით, მუნიციპალიტეტის გამგეობის ჯანმრთელობის დაცვის, სოციალურ საკითხთა, ვეტერანთა საქმეებისა და მიგრაციის სამსახურ ი ს დასკვნის საფუძველზე.

    მუხლი 13. იძულებით გადაადგილებულ პირთა სამ ე დიცინო მომსახურება

1. მუნიციპალიტეტის ბიუჯეტიდან ანაზღაურდება ერთჯერადად იძულებით გადაადგილებულ პირთა და მათი ოჯახის ორსული წევრების სამედიცინო (სტაციონარული) მომსახურება 300 ლარის ოდენობით, 300 ლარიდან ზემოთ 70%- ის ოდენობით, მაგრამ არა უმეტეს 700 ლარისა;

2. მუნიციპალიტეტში წარსადგენი დოკუმენტებია:

ა) განცხადება მუნიციპალიტეტის გამგებლის სახელზე;

ბ)პირადობის მოწმობის ასლი;

გ) იძულებით გადაადგილებული პირის დამადასტურებელი მოწმობის ასლი;

დ) ცნობა ჯანმრთელობის მდგომარეობის შესახებ;

ე) ექიმის დანიშნულების საფუძველზე, ცნობა სამედიცინო დაწესებულებიდან პაციენტის მკურნალობის, მისი ღირებულებისა და საბანკო ანგარიშის შესახებ, რომელზედაც განხორციელდება გადარიცხვა;

ვ) ცნობა ტერიტორიული ორგანოდან ოჯახის შემადგენლობის შესახებ;

ზ) ქორწინების მოწმობის ასლი.

3. ანაზღაურება მოხდება უნაღდო ანგარიშსწორების ფორმით შესაბამისი სამედიცინო დაწესებულების საბანკო ანგარიშზე.

4. დახმარება გაიცემა მუნიციპალიტეტის გამგებლის ბრძანებით, მუნიციპალიტეტის გამგეობის ჯანმრთელობის დაცვის, სოციალურ საკითხთა, ვეტერანთა საქმეებისა და მიგრაციის სამსახურ ი ს დასკვნის საფუძველზე.

    მუხლი 14. ერთჯერადი სოციალური(ფულადი) დახმარება

1. მუნიციპალიტეტში მცხოვრები ოჯახების, რომელნიც ამ წესში მოყვანილ არც ერთ კატეგორიას არ მიეკუთვნება და დახმარების თხოვნის მომენტში სხვადასხვა მიზეზების გამო განიცდიან უკიდურეს გასაჭირს, დახმარების საკითხს განიხილავს და განკარგულებას გამოსცემს მუნიციპალიტეტის საკრებულო, მუნიციპალიტეტის გამგეობის ჯანმრთელობის დაცვის, სოციალურ საკითხთა, ვეტერანთა საქმეებისა და მიგრაციის სამსახურ ი ს, შესაბამისი ტერიტორიული ორგანოს ერთობლივი დასკვნისა და გამგებლის წერილობით მომართვის საფუძველზე.

2. დახმარების ოდენობა წარმოდგენილი იქნება მუნიციპალიტეტის გამგეობის ჯანმრთელობის დაცვის, სოციალურ საკითხთა, ვეტერანთა საქმეებისა და მიგრაციის სამსახურ ი ს დასკვნასა და გამგებლის წერილობით მომართვაში.

3. ოჯახმა, რომელიც დახმარების გაცემის მომენტში განიცდის ეკონომიურ სიდუხჭირეს, მუნიციპალიტეტში უნდა წარმოადგინოს:

ა) განცხადება მუნიციპალიტეტის გამგებლის სახელზე;

ბ) პირადობის მოწმობის ასლი;

გ) ბანკში გახსნილი პირადი ანგარიშის მონაცემები.

4. ანაზღაურება მოხდება უნაღდო ანგარიშსწორების ფორმით ბანკში გახსნილ პირად ანგარიშზე ან/და შესაბამისი სამედიცინო დაწესებულების საბანკო ანგარიშზე.

 

Annotate