ქალაქ თბილისის მერიის საჯარო სამართლის იურიდიული პირის - გუდაურის განვითარების ფონდის მიერ გუდაურის სამთო–სათხილამურო კურორტის სეზონის პერიოდში გაწეული მომსახურების საფასურის ოდენობის განმსაზღვრელი ზოგადი წესის დამტკიცების შესახებ

ქალაქ თბილისის მთავრობის

დადგენილება №35.35.1487

 2011 წლის 27 დეკემბერი

ქ. თბილისი

ქალაქ თბილისის მერიის საჯარო სამართლის იურიდიული პირის – გუდაურის განვითარების ფონდის მიერ გუდაურის სამთო-სათხილამურო კურორტის სეზონის პერიოდში გაწეული მომსახურების საფასურის ოდენობის განმსაზღვრელი  ზოგადი წესის დამტკიცების შესახებ

 „საქართველოს დედაქალაქის – თბილისის შესახებ“ საქართველოს კანონის 32^​1 მუხლის მე-4 პუნქტის საფუძველზე,  ქ. თბილისის მთავრობა ადგენს:

1. დამტკიცდეს სამთო-სათხილამურო კურორტ გუდაურში  ქალაქ თბილისის მერიის საჯარო სამართლის იურიდიული პირის – გუდაურის განვითარების ფონდის მიერ გაწეული მომსახურების საფასურის გადახდის წესი  და მისი დანართი.

2. დადგენილება ძალაშია გამოქვეყნებისთანავე.

ქ. თბილისის მერი                                                                                                გ. უგულავა

შეტანილი ცვლილებები:

1. ქალაქ თბილისის მთავრობის    2012 წლის 2 თებერვლის დადგენილება №04.07.86 - ვებგვერდი, 06.02.2012 წ.

 

ქალაქ თბილისის მერიის საჯარო სამართლის იურიდიული პირის – გუდაურის განვითარების ფონდის მიერ გუდაურის სამთო-სათხილამურო კურორტიs სეზონის პერიოდში გაწეული მომსახურებისათვის დაწესებული საფასურის ოდენობ ის განსაზღვრის  წესი

    მუხლი 1. ზოგადი დებულებანი

ეს წესი განსაზღვრავს  ქალაქ თბილისის მერიის საჯარო სამართლის იურიდიული პირის – გუდაურის განვითარების ფონდის (შემდგომში „ფონდი“) მიერ წესდებისა და დელეგირებული უფლებამოსილების ფარგლებში  გაწეული მომსახურებისათვის დაწესებულ ი საფასუ რი ს (შემდგომში – საფასური)  განაკვეთებს და მათი გადახდის ზოგად წესს.

    მუხლი 2. საფასურის ცნება

საფასური არის „ფონდის“მიერ სამთო-სათხილამურო კურორტ გუდაურში    გაწეული მომსახურებისათვის დადგენილი  გადასახდელი.

    მუხლი 3. საფასურის ოდენობის განსაზღვრა

1. საფასური შემოღება და მისი ოდენობის  განსაზღვრა ხდება ამ წესით.

2. ამ წესითა და სხვა ნორმატიული აქტებით პირდაპირ გაუთვალისწინებელი მომსახურებისათვის, თუ მომსახურების განხორციელება არ წარმოადგენს ფონდის ვალდებულებას, საფასურის ოდენობა შეიძლება დადგინდეს შესაბამისი ხელშეკრულებით,    ქ. თბილისის მთავრობის თანხმობის საფუძველზე.

3. ამ წესით დადგენილი საფასური მოიცავს მომსახურების გაწევისათვის საჭირო ყველა პირდაპირ და არაპირდაპირ ხარჯებს (მათ შორის: გადასახადებს).

    მუხლი 4.  საფასურის ოდენობა, სახეები, საფასურის გადახდის წესი და პირობები

1. საფასურის ოდენობა და სახეები დადგენილია ამ წესის დანართის მიხედვით.

2. წესის დანართში ფასები მოცემულია ლარებში, დღგ-ს ჩათვლით.

3. ამ წესის ფარგლებში ფასების ოდენობის განსაზღვრისას მოქმედებს შემდეგი პირობები:

ა) ზრდასრული პირი – 16  წლის და ზევით ასაკის მქონე ფიზიკური პირი.

ბ) ბავშვი – 16 წლამდე ასაკის მქონე ფიზიკური პირი .

    მუხლი 4 ^​1.^​ საფასურისგან განთავისუფლება

1. ამ წესით დადგენილი საფასური სგან თავისუფლდებიან შემდეგი პირები:

ა) სსიპ – გუდაურის განვითარების ფონდის თანამშრომლები და მათი ოჯახის წევრები;

ბ) დაბა გუდაურის საშუალო სკოლის მოსწავლეები და პედაგოგები;

გ) სახელმწიფო დაცვის სპეციალური სამსახურის თანამშრომლები გუდაურის ტერიტრიაზე სამსახურებრივი მოვალეობის შესრულების დროს;

დ) საქართველოს ტექნიკური უნივერსიტეტის ვეტერან მოთხილამურეთა კლუბის წევრები;

ე) საქართველოს სათხილამური ფედერაციის ცენტრალური აპარატის თანამშრომლები და ნაკრების წევრები;

ვ) საქართველოს „სნოუ ბორდის“ ფედერაციის თანამშრომლები და ნაკრების წევრები;

თ) გუდაურის სარეკრეაციო ტერიტორიაზე არსებულ მთაზე მომუშავე ორგანიზაციები.

2. ქ. თბილისის მერიის ოფიციალური მოთხოვნის საფუძველზე, სსიპ – გუდაურის განვითარების ფონდი უფლებამოსილია გარკვეული იურიდიული და ფიზიკური პირები გაათავისუფლოს ამ წესით დადგენილი მომსახურების საფასურისაგან.

3. სსიპ – გუდაურის განვითარების ფონდი უფლებამოსილია გუდაურის სარეკრეაციო ტერიტორიაზე მთაზე მომუშავე ადგილობრივ მწვრთნელებზე განახორციელოს ამ წესით დადგენილი მომსახურების განვადებით სარგებლობა, სეზონურ ბილეთებთან დაკავშირებით.

4. სსიპ – გუდაურის განვითარების ფონდი უფლებამოსილია განახორციელოს სპეციალური მომსახურების კორპორატიული პაკეტების შემუშავება და სხვადასხვა ორგანიზაციებისათვის მათი შეთავაზება.

5. ქ. თბილისის მერიის სისტემის თანამშრომლებისა და მათი ოჯახის წევრებისათვის სეზონის აბონიმენტის საფასური განისაზღვრება 200 (ორასი) ლარის ოდენობით.

ქალაქ თბილისის მთავრობის      2012 წლის 2 თებერვლის დადგენილება №04.07.86 - ვებგვერდი, 06.02.2012 წ.

    მუხლი 5.  საფასურის უკან დაბრუნების წესი

მომსახურების გადახადილი საფასური უკან დაბრუნებას არ ექვემდებარება.

                                                                                                                                          დანართი

გუდაურის სამთო-სათხილამურო კურორტის სეზონური მომსახურების სტანდარტული პაკეტი

ქალაქ თბილისის მთავრობის      2012 წლის 2 თებერვლის დადგენილება №04.07.86 - ვებგვერდი, 06.02.2012 წ.

 

 

Annotate