„საქართველოს საგარეო დაზვერვის სპეციალური სამსახურის სამხედრო მოსამსახურეთათვის სოციალური დაცვის დამატებითი ღონისძიებებისა და შეღავათების განსაზღვრის შესახებ“

                                                                       

                                                                                        რეგისტრირებულია საქართველოს იუსტიციის სამინისტროში

                                                                                        სარეგისტრაციო კოდი 130.060.000.43.048.010.769

საქართველოს საგარეო დაზვერვის სპეციალური სამსახურის უფროსის

ბრძანება №23

2007 წლის 20 აგვისტო

ქ. თბილისი

საქართველოს საგარეო დაზვერვის სპეციალური სამსახურის სამხედრო მოსამსახურეთათვის სოციალური დაცვის დამატებითი ღონისძიებებისა და შეღავათების განსაზღვრის შესახებ

„საქართველოს საგრეო დაზვერვის სპეციალური სამსახურის დებულების დამტკიცების შესახებ“ საქართველოს პრეზიდენტის 2005 წლის 24 იანვრის №45 ბრძანებულებით დამტკიცებული დებულების მე-15 მუხლის ,,შ“ ქვეპუნქტისა და მე-18 მუხლის მე-2 პუნქტის საფუძველზე, საქართველოს საგარეო დაზვერვის სპეციალური სამსახურის თანამშრომელთათვის სოციალური დაცვის დამატებითი ღონისძიებებისა და შეღავათების განსაზღვრის მიზნით, ვბრძანებ:

1. სამხედრო მოსამსახურეებს, დადგენილი ნორმით, სამსახურისათვის გამოყოფილი ასიგნინებიდან მიეცეთ სასურსათო ულუფა ან შესაბამისი ფულადი კომპენსაცია.

2. სამხედრო მოსამსახურეების სასურსათო უზრუნველყოფის ნორმის ღირებულება განისაზღვროს 70 ლარით.

საქართველოს საგარეო დაზვერვის სპეციალური სამსახურის უფროსის 2008 წლის 30 იანვრის ბრძანება №3-სსმIII, №19, 07.02.2008წ., მუხ.229

3. სამხედრო მოსამსახურეებს წოდებრივი სარგო განისაზღვროთ დანართი №1 მიხედვით.

4. სამხედრო მოსამსახურეებს წლიური საბიუჯეტო კანონით, სამსახურისათვის გათვალისწინებული ასიგნებების ფარგლებში, შეიძლება მიეცეთ ფულადი ჯილდო (პრემია), აგრეთვე ერთჯერადი დახმარება (ერთი თვის თანამდებობრივი და წოდების სარგოების ჯამის ოდენობით).

5. კადრების განკარგულებაში ყოფნის პერიოდში სამხედრო მოსამსახურეებს შეუნარჩუნდეთ თანმდებობრივი სარგო, ბოლო დაკავებული თანამდებობის შესაბამისად, არა უმეტეს ერთი თვისა, მეორე კატეგორიით.

6. სამხედრო მოსამსახურეებს, რომლებიც დათხოვნილი არიან სამსახურიდან ზღვრული ასაკის მიღწევის, რეორგანიზაციისა და შტატების შემცირებასთან დაკავშირებით, მიეცეთ ერთჯერადი (გამოსასვლელი) დახმერება თანამდებობრივი სარგოების ერთმაგი ოდენობით.

7. სამხედრო მოსამსახურეებს, რომლებიც დათხოვნილი არიან სამსახურიდან პირადი განცხადების (სურვილის) საფუძველზე და საქართველოს ძალოვან სტრუქტურებში ნამსახურები აქვთ არანაკლებ 10 წლისა, სამსახურის უფროსის გადაწყვეტილებით შეიძლება მიეცეთ ერთჯერადი (გამოსასვლელი) დახმარება თანამდებობრივი სარგოს არა უმეტეს ორმაგი ოდენობისა.

8. სამხედრო მოსამსახურე, რომელიც სამსახურებრივ მოვალეობის შესრულებისათვის იყენებს სახელმწიფო ან პირად საკუთრებაში არსებულ სატრანსპორტო საშუალებას (მათ შორის სამსახურებრივ მივლინების დროს), მათი საწვავით უზრუნველყოფა განხორციელდეს თვეში არა უმეტეს 300 ლიტრისა.

9. სამხედრო მოსამსახურეებს აქვთ პროფესიული განათლების მიღების, სამხერდო და სხვა სასწავლო დაწესებულებაში შესვლის, მომზადების, გადამზადების, კვალიფიკაციის ამაღლების კურსებზე სწავლის უფლება. სწავლების ანაზღაურების ხარჯები შესაძლებელია ანაზღაურდეს ნაწილობრივ ან მთლიანად წლიური საბიუჯეტო კანონით სამსახურისათვის გათვალისწინებული ასიგნებების ფარგლებში.

91. სამხედრო მოსამსახურეებს მიეცეთ უფლება სამსახურის უფროსის მიერ დადგენილი წესის მიხედვით ინდივიდუალურად გააფორმონ ხელშეკრულება შესაბამის სადაზღვევო კომპანიასთან. დაზღვევის ხარჯები ანაზღაურდეს მთლიანად წლიური საბიუჯეტო კანონით სამსახურისათვის გათვალისწინებული ასიგნებების ფარგლებში.

საქართველოს საგარეო დაზვერვის სპეციალური სამსახურის უფროსის 2007 წლის 19 დეკემბრის ბრძანება №41-სსმIII, №183, 25.12.2007წ., მუხ.2050

10. ბრძანება ამოქმედდეს გამოქვეყნებისთანავე.

სამსახურის უფროსის მოვალეობის

შემსრულებელი                  

გ. გაბუნია

შეტანილი ცვლილებები:

1. საქართველოს საგარეო დაზვერვის სპეციალური სამსახურის უფროსის 2007 წლის 19 დეკემბრის ბრძანება №41-სსმIII, №183, 25.12.2007წ., მუხ.2050

2. საქართველოს საგარეო დაზვერვის სპეციალური სამსახურის უფროსის 2008 წლის 30 იანვრის ბრძანება №3-სსმIII, №19, 07.02.2008წ., მუხ.229

       დ ანართი №1

საქართველოს საგარეო დაზვერვის სპეციალური სამსახურის მოსამსახურეთა წოდებრივი სარგოს ყოველთვიური განაკვეთები

№	სამხედრო წოდება	წოდებრივი სარგოს ყოველთვიური განაკვეთები (ლარებში)
1	გენერალ-ლეიტენანტი	480
2	გენერალ-მაიორი	360
3	პოლკოვნიკი	290
4	ვიცე-პოლკოვნიკი	220
5	მაიორი	150
6	კაპიტანი	80
7	უფროსი ლეიტენანტი	60
8	ლეიტენანტი	50
9	უმცროსი ლეიტენანტი	30
10	მასტერ-სერჟანტი, ზემდეგი	25
11	უფროსი სერჟანტი	20
12	სერჟანტი	15
13	უმცროსი სერჟანტი	12
14	კაპრალი	8

საქართველოს საგარეო დაზვერვის სპეციალური სამსახურის უფროსის 2008 წლის 30 იანვრის ბრძანება №3-სსმIII, №19, 07.02.2008წ., მუხ.229

 

Annotate