ხონის მუნიციპალიტეტის ბიუჯეტიდან სოციალური დახმარების გაცემისა და მიღების წესის დამტკიცების შესახებ

ხონის მუნიციპალიტეტის საკრებულოს

დადგენილება №4

2012 წლის 27 იანვარი

ქ. ხონი

ხონის მუნიციპალიტეტის ბიუჯეტიდან სოციალური დახმარების გაცემისა და მიღების წესის დამტკიცების შესახებ

„ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-2 პუნქტის „ღ“ ქვეპუნქტის და „სოციალური დახმარების შესახებ“ საქართველოს კანონის მე-18 მუხლის შესაბამისად, ხონის მუნიციპალიტეტის საკრებულომ დაადგინა:

    მუხლი 1

დამტკიცდეს ხონის მუნიციპალიტეტის ბიუჯეტიდან სოციალური დახმარების გაცემისა და მიღების წესი თანდართული რედაქციით (დანართი თან ერთვის).

    მუხლი 2

დადგენილება ამოქმედდეს გამოქვეყნებისთანავე.

საკრებულოს თავმჯდომარე           გ . გელენიძე

შეტანილი ცვლილებები:

1. ხონის მუნიციპალიტეტის საკრებულოს 2012 წლის 21 თებერვლის დადგენილება  №7 - ვებგვერდი, 28.02.2012წ.

2. ხონის მუნიციპალიტეტის საკრებულოს 2012 წლის 15 აგვისტოს დადგენილება  №17 - ვებგვერდი, 17.08.2012წ.

3. ხონის მუნიციპალიტეტის საკრებულოს 2012 წლის 22 აგვისტოს დადგენილება  №18 - ვებგვერდი, 27.08.2012წ.

დანართი №1

ხონის მუნიციპალიტეტის ბიუჯეტიდან სოციალური დახმარების გაცემისა და მიღების წესი

 წინამდებარე წესი აწესრიგებს ხონის მუნიციპალიტეტის ბიუჯეტიდან „სოციალური დაცვის“ მუხლში გათვალისწინებული სოციალური დახმარებების დანიშვნასთან და გაცემასთან დაკავშირებულ ურთიერთობებს, განსაზღვრავს სოციალური დახმარებების დანიშვნასა და გაცემაზე უფლებამოსილ უწყებას, ადგენს სოციალური დახმარებების სახეებს, მათი დანიშვნისა და გაცემის ძირითად სახელმძღვანელო პრინციპებს.

თავი I

სოციალური დახმარების სახეები

    მუხლი 1. ფულადი სოციალური დახმარების სახეები

1. ხონის მუნიციპალიტეტის ბიუჯეტში გათვალისწინებულია შემდეგი სახის ფულადი სოციალური დახმარებები:

ა) განსაკუთრებით უმწეო მდგომარეობაში მყოფ მოქალაქეთა ერთჯერადი დახმარება;

ბ) სტიქიით დაზარალებული ოჯახების დახმარება;

გ ) (ამოღებულია – 21.02.2012, №7);

დ) გონებრივი განვითარების ჩამორჩენილობის მქონე, ცერებრალური დამბლით, ონკოლოგიური, ლეიკემიით, ტუბერკულოზით, შაქრიანი დიაბეტით, ბრონქიალური ასთმით, სუნთქვის უკმარისობით, თვალის ატროფიით, ამბლიოპიით დაავადებული შეზღუდული შესაძლებლობების სტატუსის მქონე 18 წლამდე ბავშვთა ოჯახების დახმარება;

ე) იძულებით გადაადგილებულ პირთა – დევნილთა დახმარება;

ვ) ომის ვეტერანთა დახმარება.

ხონის მუნიციპალიტეტის საკრებულოს 2012 წლის 21 თებერვლის დადგენილება  №7 - ვებგვერდი, 28.02.2012წ.

    მუხლი 2. არაფულადი სოციალური დახმარების სახეები

1. ხონის მუნიციპალიტეტის ბიუჯეტში გათვალისწინებულია შემდეგი სახის არაფულადი სოციალური დახმარებ ა :

ა) უკიდურესად შეჭირვებულ, ოჯახის მზრუნველობამოკლებულ პირთა ყოველდღიური ერთჯერადი კვებით უზრუნველყოფა;

ბ) დევნილების ზამთრისთვის სათბობი საშეშე მერქნით უზრუნველყოფა;

გ) ომის ვეტერანებისათვის, მასთან გათანაბრებული პირებისათვის, რეპრესირებულთა და ჩერნობილის საავარიო სამუშაოთა მონაწილეებისთვის სატელეფონო, საკანალიზაციო და წყალმომარაგების ხარჯების დაფინანსება;

დ) იძულებით გადაადგილებულ პირთა ოჯახები, რომელთა სარეიტინგო ქულა 57 000-ს არ აღემატება - საკანალიზაციო, მყარი ნარჩენების გატანის და წყალმომარაგების ხარჯების დაფინანსება.

ე) ქ. ხონის ტერიტორიაზე მცხოვრები, 57000 ქულაზე ნაკლები სარეიტინგო ქულის მქონე ოჯახის წყალმომარაგების ხარჯების დაფინანსება.

ხონის მუნიციპალიტეტის საკრებულოს 2012 წლის 21 თებერვლის დადგენილება  №7 - ვებგვერდი, 28.02.2012წ.

თავი II

ერთჯერადი ფულადი სოციალური დახმარების ბენეფიციართა კატეგორიები და მათ მისაღებად საჭირო დოკუმენტაცია

    მუხლი 3. განსაკუთრებით უმწეო მდგომარეობაში მყოფ მოქალაქეთა ოჯახების ერთჯერადი ფულადი დახმარება

განსაკუთრებით უმწეო მგომარეობაში მყოფ მოქალაქეთა ოჯახების მისაღები ფულადი დახმარების ოდენობა განისაზღვროს :

ა) ერთსულიანი ოჯახებისათვის – 30 ლარით ;

ბ) ორსულიანი ოჯახებისათვის – 40 ლარით ;

გ) სამსულიანი ოჯახებისათვის – 50 ლარით ;

დ)ოთხსულიანი და მეტსულიანი ოჯახებისათვის – 100 ლარით ;

ე) ოჯახებისათვის, რომლებიც იმყოფებიან უკიდურესად მძიმე, კრიტიკულ სიტუაციაში, მიუხედავად სულადობისა – 100 ლარით;

ვ) გადაუდებელი სამედიცინო მომსახურეობისათვის ერთჯერადი ფულადი დახმარება – არა უმეტეს 1000(ათასი) ლარი.

2. დახმარების მისაღებად მოქალაქემ ხონის მუნიციპალიტეტის გამგეობაში უნდა წარმოადგინოს:

ა) პირადობის მოწმობის ასლი ;

ბ) ცნობა სოციალური მდგომარეობის შესახებ;

გ) შესაბამისი ტერიტორიული ორგანოს რწმუნებულის შუამდგომლობა ბენეფიციარის ოჯახის სოციალურ-ეკონომიკური მდგომარეობის შესახებ.

აღნიშნული ერთჯერადი ფულადი დახმარებ ა გაიცემა წელიწადში ერთხელ და არ გაიცემა იძულებით გადაადგილებულ პირზე – დევნილზე და სახელმწიფო სოციალური დახმარების მიმღებ ოჯახებზე.

ხონის მუნიციპალიტეტის საკრებულოს 2012 წლის 15 აგვისტოს დადგენილება  №17 - ვებგვერდი, 17.08.2012წ.

    მუხლი 4 . სტიქიით დაზარალებული ოჯახებისათვის ერთჯერადი დახმარება

1. ხანძრებისა და სტიქიური მოვლენების შედეგად უსახლკაროდ დარჩენილი ოჯახების ერთჯერადი ფულადი დახმარება განისაზღვროს არა უმეტეს 1000(ათასი) ლარის ოდენობით.

2. სტიქიის შედეგად დაზარალებულმა მოქალაქემ ხონის მუნიციპალიტეტის გამგეობაში უნდა წარმოადგინოს:

ა) განცხადება გამგებლის სახელზე, დამდგარი ზიანიდან ერთი კვირის ვადაში;

ბ) პირადობის მოწმობის ასლი;

გ) ცნობა ხონის მუნიციპალიტეტის სახანძრო-სამაშველო სამსახურიდან;

დ) ცნობა ჰიდრომეტეოროლოგიის სამსახურიდან (აუცილებლობის შემთხვევაში);

ე) შესაბამისი წერილი ტერიტორიული ორგანოდან.

ხონის მუნიციპალიტეტის საკრებულოს 2012 წლის 15 აგვისტოს დადგენილება  №17 - ვებგვერდი, 17.08.2012წ.

მუხლი 5. (ამოღებულია)

ხონის მუნიციპალიტეტის საკრებულოს 2012 წლის 21 თებერვლის დადგენილება  №7 - ვებგვერდი, 28.02.2012წ.

მუხლი 6. გონებრივი განვითარების ჩამორჩენილობის მქონე ცერებრალური დამბლით, ონკოლოგიური, ლეიკემიით, ტუბერკულოზით, შაქრიანი დიაბეტით, ბრონქიალური ასთმით, სუნთქვის უკმარისობით, თვალის ატროფიით, ამბლიოპიით დაავადებული შეზღუდული შესაძლებლობების სტატუსის მქონე 18 წლამდე ბავშვებთა ოჯახების დახმარება.

1. გონებრივი განვითარების ჩამორჩენილობის მქონე ცერებრალური დამბლით, ონკოლოგიური, ლეიკემიით, ტუბერკულოზით, შაქრიანი დიაბეტით, ბრონქიალური ასთმით, სუნთქვის უკმარისობით, თვალის ატროფიით, ამბლიოპიით დაავადებული შეზღუდული შესაძლებლობების სტატუსის მქონე 18 წლამდე ბავშვების ერთჯერადი ფულადი დახმარება განისაზღვროს ერთ სულზე 200 ლარის ოდენობით.

2. დახმარების მისაღებად მოქალაქემ ხონის მუნიციპალიტეტის გამგეობაში უნდა წარმოადგინოს:

ა) განცხადება გამგებლის სახელზე;

ბ) განმცხადებლის პირადობის ასლი;

გ) დახმარების მიმღების (ბენეფიციარის) პირადობის (ან დაბადების) მოწმობის ასლი;

დ) ცნობა ჯანმრთელობის მდგომარეობის შესახებ ( ფორმა №100).

    მუხლი 7. იძულებით გადაადგილებულ პირთა – დევნილთა დახმარება

1. იძულებით გადაადგილებულ პირთა – დევნილთა დახმარების მუნიციპალური ითვალისწინებს იძულებით გადაადგილებული პირის – დევნილის გარდაცვალების შემთხვევაში, სარიტუალო ხარჯის სახით, გარდაცვლილის ოჯახზე ერთჯერადი ფულადი დახმარების გაცემა ს 100 ლარის ოდენობით .

2. დახმარების მისაღებად მოქალაქემ ხონის მუნიციპალიტეტის გამგეობაში უნდა წარმოადგინოს:

ა) წერილობითი განცხადება;

ბ) განმცხადებლის პირადობის მოწმობა (ასლი);

გ) იძულებით გადაადგილებული პირის – დევნილის დამადასტურებელი საბუთი (ასლი);

დ) იძულებით გადაადგილებული პირის – დევნილის გარდაცვალების ცნობა იძულებით გადაადგილებული პირის – დევნილის გარდაცვალების შემთხვევაში.

3 . დახმარება გაიცემა ხონის მუნიციპალიტეტის გამგებლის ბრძანების საფუძველზე.

    მუხლი 8. ომის ვეტერანთა დახმარება

1. საქართველოს თავისუფლებისა და ტერიტორიული მთლიანობისათვის ბრძოლის მონაწილის ან მეორე მსოფლიო ომის ვეტერანის გარდაცვალების შემთხვევაში, დაღუპული ომის მონაწილის (ვეტერანის) ოჯახ ი ს ერთჯერადი ფულადი დახმარება განისაზღვროს 250 ლარის ოდენობით.

2. დახმარების მისაღებად მოქალაქემ ხონის მუნიციპალიტეტის გამგეობაში უნდა წარმოადგინოს:

ა) წერილობითი განცხადება;

ბ) გარდაცვლილი ომის მონაწილის პლასტიკური ბარათი (ასლი) ან ცნობა სოციალური მომსახურების სააგენტოს ხონის განყოფილებიდან, რომ გარდაცვლილი იყო ომის მონაწილე პენსიონერი;

გ) დაღუპული ომის მონაწილის (ვეტერანის) გარდაცვალების მოწმობა;

დ) განმცხადებლის პირადობის მოწმობა (ასლი).

3. ამ წესის მიზნებისთვის პირის „ოჯახის წევრებად“ ჩაითვლება: ა) მშობელი (მშვილებელი); ბ) შვილი (ნაშვილები); გ) მეუღლე; დ) და-ძმა; ე) ბებია-პაპა; რომლებიც ეწევიან საერთო მეურნეობას.

4 . დახმარება გაიცემა ხონის მუნიციპალიტეტის გამგებლის ბრძანების საფუძველზე.

    მუხლი 8 ^​1. გადაუდებელი სამედიცინო მომსახურებისათვის ერთჯერადი ფულადი დახმარება

1. გადაუდებელი სამედიცინო მომსახურებისათვის ერთჯერადი ფულადი დახმარება ითვალისწინებს მოქალაქეებისათვის ერთჯერადი ფულადი დახმარების გაწევას – არა უმეტეს 1000(ათასი) ლარის ოდენობით.

2. დახმარების მისაღებად მოქალაქემ უნდა წარმოადგინოს:

ა) განცხადება გამგებლის სახელზე;

ბ) პირადობის მოწმობის ასლი;

გ) ცნობა ჯანმრთელობის შესახებ (ფორმა 100);

დ) შესაბამისი ტერიტორიული ორგანოს რწმუნებულის შუამდგომლობა.

ხონის მუნიციპალიტეტის საკრებულოს 2012 წლის 22 აგვისტოს დადგენილება  №1 8 - ვებგვერდი, 27 .08.2012წ.

თავი III

სოციალური დახმარების დანიშვნისა და გაცემის ორგანიზება და ადმინისტრირება

    მუხლი 9. სოციალური დახმარების დანიშვნისა და გაცემის ორგანიზებაზე პასუხისმგებელი სტრუქტურა

1. ა) ხონის მუნიციპალიტეტის მოსახლეობის სოციალური დაცვის ღონისძიებათა მუნიციპალური პროგრამით გათვალისწინებული სოციალური დახმარებების დანიშვნისა და გაცემის ორგანიზებას უზრუნველყოფს გამგეობის მიერ შექმნილი დროებითი კომისია და გამგეობის შესაბამისი სამსახურები;

ბ) დროებითი კომისია იქმნება გამგებლის შესაბამისი ბრძანების საფუძველზე.

2. ხონის მუნიციპალიტეტის გამგეობის შრომის, საზოგადოებრივი ჯანმრთელობისა და სოციალური დახმარების, ვეტერანთა, ლტოლვილთა და იძულებით გადაადგილებულ პირთა საქმიანობის სამსახური პასუხისმგებელია მუნიციპალური დახმარების მიმღებთა (ბენეფიციართა) სიების კომპიუტერულ დამუშავებაზე.

    მუხლი 1 0. ბენეფიციარის მიერ სოციალური დახმარების დასანიშნად ან მისაღებად საჭირო დოკუმენტაციის წარდგენა

1. სოციალური დახმარების დასანიშნად ან მისაღებად ბენეფიციარი წერილობითი განცხადებით მიმართავს და შესაბამის დოკუმენტაციას წარუდგენს ხონი ს მუნიციპალიტეტის გამგეობას.

2. გამგეობა უზრუნველყოფს სოციალური დახმარების მთხოვნელთა განცხადებების რეგისტრაციაში გატარებას დადგენილი წესის შესაბამისად .

3. გამგეობაში შემოსული ყველა განცხადება თანდართული დოკუმენტაციითურთ, მათ შესასწავლად და სოციალური დახმარების გაცემის საკითხზე დას კ ვნის მოსამზადებლად, ეგზავნება სამსახურს.

    მუხლი 1 1. სოციალური სამსახურის მიერ განცხადებების განხილვა

1. გამგეობაში შემოსულ განცხადებებს სამსახური განიხილავს კომისიური წესით.

2. საჯაროობის პრინციპის დაცვის უზრუნველყოფის მიზნით, სამსახურის მიერ სოციალური დახმარებების გაცემის საკითხთა განხილვაში შეიძლება მონაწილეობა მიიღონ დაინტერესებული მასობრივი ინფორმაციის საშუალებებისა და საზოგადოებრივი ორგანიზაციების წარმომადგენლებმა.

    მუხლი 1 2. სოციალური დახმარებების გაცემის კომისიის მიერ გადაწყვეტილების მიღება

1. კომისია დახმარების გაცემის საკითხის განხილვისას ხელმძღვანელობს საქართველოს ზოგადი ადმინისტრაციული კოდექსის VI თავით გათვალისწინებული მარტივი ადმინისტრაციული წარმოებით.

2. სოციალური დახმარების გაცემის საკითხის გადაწყვეტა ხდება ინდივიდუალურად, ყოველი კონკრეტული შემთხვევის არსებითად და ყოველმხრივ შესწავლის საფუძველზე.

    მუხლი 1 3. სოციალური დახმარების გაცემის შესახებ საბოლოო გადაწყვეტილების მიღება

1. სოციალური დახმარების გაცემის შესახებ საბოლოო გადაწყვეტილების მიღება ხდება დროებითი კომისიის ოქმის (დასკვნის) საფუძველზე, მუნიციპალიტეტის გამგებელი გამოსცემს შესაბამის ბრძანებას.

2. გამგებლის ბრძანებით განისაზღვრება ბენეფიციართა პერსონალური შემადგენლობა და ინიშნება სოციალური დახმარება.

    მუხლი 1 4. ერთჯერადი ფულადი დახმარების გაცემა

1. გამგებლის ბრძანების ასლი, რომლითაც დამტკიცებულია ბენეფიციართა პერსონალური შემადგენლობა და დანიშნულია სოციალური დახმარება, იგზავნება გამგეობის ბუღალტერიაში, რომელიც უზრუნველყოფს ფულადი დახმარების სათანადო წესით გაცემას.

Annotate