მცხეთის მუნიციპალიტეტის ტერიტორიაზე ადგილობრივი გადასახადის – ქონების გადასახადის შემოღების შესახებ

მცხეთის მუნიციპალიტეტის საკრებულოს

დ ა დ გ ე ნ ი ლ ე ბ ა № 8

2012 წლის 6 თებერვალი

ქ. მცხეთა

მცხეთის მუნიციპალიტეტის ტერიტორიაზე ადგილობრივი გადასახადის – ქონების გადასახადის შემოღების შესახებ

  ,,ადგილობრივი თვითმმართველობის შესახებ ” საქართველოს ორგანული კანონის მე-16 მუხლის მე-2 პუნქტის ,,ბ’’ ქვეპუნქტის, 22-ე მუხლის პირველი პუნქტის ,,მ’’ ქვეპუნქტის,  39- ე მუხლის მე-3 პუნქტის ,,გ’’ ქვეპუნქტის, საქართველოს საგასახადო კოდექსის XXIX თავისა და ,,სასოფლო-სამეურნეო დანიშნულების მიწაზე ქონების გადასახადის წლიური საბაზისო განაკვეთების დამტკიცების თაობაზე’’ საქართველოს მთავრობის 2010 წლის 23 დეკემბრის №394 დადგენილების შესაბამისად,

 მცხეთის მუნიციპალიტეტის საკრებულო    ა დ გ ე ნ ს :

მუხლი 1 . შემოღებულ იქნეს მცხეთის მუნიციპალიტეტის ტერიტორიაზე ადგილობრივი გადასახადი – ქონების გადასახადი და დადგინდეს მისი განაკვეთები:

1. რეზიდენტი საწარმოებისა და ორგანიზაციებისათვის ქონების გადასახადი შეადგენს:

ა) რეზიდენტი საწარმოსათვის/ ორგანიზაციისათვის – მის ბალანსზე                                                                         ძირითად საშუალებად აღრიცხულ აქტივებზე, დაუმონტაჟებელ მოწყობილობებზე, დაუმთავრებელ მშენებლობაზე და არამატერიალურ აქტივებზე, აგრეთვე მის მიერ ლიზინგით გაცემულ ქონებაზე –საშუალო წლიური საბალანსო ნარჩენი ღირებულების 1%-ს.

ბ)    არარეზიდენტი საწარმოსათვის – საქართველოს ტერიტორიაზე არსებულ მის ბალანსზე ძირითად საშუალებად აღრიცხულ აქტივებზე, დაუმონტაჟებელ მოწყობილობებზე, დაუმთავრებელ მშენებლობაზე, არამატერიალურ აქტივებზე, ლიზინგით გაცემულ ქონებაზე, მ.შ. იჯარის, ქირის, უზუფრუქტის ან სხვა ამგვარი სახის ხელშეკრულების საფუძველზე გაცემულ არსებულ ქონებაზე –საშუალო წლიური საბალანსო ნარჩენი ღირებულების 1%-ს.

2. ფიზიკური პირისათვის ქონების გადასახადით დაბეგვრის ობიექტია მის საკუთრებაში არსებული:

ა) მიწა, გარდა ფიზიკური პირის საკუთრებაში არსებული მიწის ნაკვეთისა, რომელზედაც დამაგრებულია ამავე ფიზიკური პირის საკუთრებაში მყოფი უძრავი ქონება;

ბ) უძრავი ქონება (მ.შ. დაუმთავრებელი მშენებლობა, შენობა-ნაგებობა ან მათი ნაწილი), იახტები (კატარღები), შვეულმფრენები, თვითმფრინავები ;

გ) არარეზიდენტისაგან ლიზინგით მიღებული ქონება;

დ) ეკონომიკური საქმიანობის განხორციელების შემთხვევაში მის ბალანსზე ძირითად საშუალებად აღრიცხული აქტივები, დაუმონტაჟებელი მოწყობილობები და არამატერიალური აქტივები, აგრეთვე მის მიერ ლიზინგით გაცემული ქონება.

3. ფიზიკური პირის დასაბეგრ ქონებაზე გადასახადის წლიური განაკვეთი დიფერენცირებულია გადასახადის გადამხდელის ოჯახის მიერ საგადასახადო წლის განმავლობაში მიღებული შემოსავლების მიხედვით და განისაზღვრება შემდეგი ოდენობით :

ა) 100.000 ლარამდე შემოსავლის მქონე ოჯახებისათვის საგადასახადო პერიოდის ბოლოსთვის დასაბეგრი ქონების საბაზრო ღირებულების 0,08 პროცენტი ;

ბ) 100.000 ლარისა და მეტი შემოსავლების მქონე ოჯახებისათვის – საგადასახადო პერიოდის ბოლოსთვის დასაბეგრი ქონების საბაზრო ღირებულების 0,9 პროცენტი.

4. სასოფლო-სამეურნეო დანიშნულების მიწაზე ქონების გადასახადი შეადგენს:

სასოფლო-სამეურნეო მიწაზე ქონების გადასახადის განაკვეთი   (ლარი/ჰა)
სახნავი და სხვა მიწებისთვის 1ჰა(კარგი,მწირი)		საკარმიდამო 1ჰა (კარგი,მწირი)		სათიბები 1 ჰა		საძოვრები 1 ჰა		ყოფილი საკოლმე- ურნეო და საბჭოთა მეურნეო- ბის ტყეები  20 ლ.	ბუნებრივი რესურსები     3 ლ.
კარგი   82 ლ	მწირი   82ლ	კარგი   82 ლ	მწირი     82ლ	20 ლ	გაკულტუ - რებული      20ლ	16 ლ	გაკულტუ - რებული      16 ლ

 

5. არასასოფლო-სამეურნეო დანიშნულების მიწაზე ქონების გადასახადი შეადგენს :

ა) არასასოფლო-სამეურნეო დანიშნულების 1 კვ.მ. მიწაზე ქონების გადასახადი მცხეთის მუნიციპალიტეტის მთელს ტერიტორიაზე შეადგენს 0.24 ლარს, გარდა ქ. მცხეთისა.

ქონების გადასახადი გაანგარიშებულია შემდეგნაირად: საბაზისო განაკვეთი 0,24 ლარი × 1 კოეფიციენტზე = 0,24 ლ.

ბ) ქ. მცხეთაში არასასოფლო -სამეურნეო დანიშნულების მიწის გადასახადი 1. კვ.მ.-ზე შეადგენს 0.288 ლარს. ქონების გადასახადი გაანგარიშებულია შემდეგნაირად: საბაზისო განაკვეთი 0,24 ლარი×1,2 კოეფიციენტზე = 0,288 ლ.

6. ტყის მიწებისათვის, რომლებიც გამოიყენება სასოფლო-სამეურნეო დანიშნულებით, ქონების გადასახადი ერთ ჰექტარზე წელიწადში შეადგენს 41 ლარს კარგი მიწისთვის, ხოლო 32 ლარს მწირი მიწისთვის.

7. ბუნებრივი რესურსებით მოსარგებლე პირისათვის, შესაბამისი ლიცენზიის გაცემის საფუძველზე გამოყოფილ მიწაზე ქონების გადასახადი ერთ ჰექტარზე შეადგენს წელიწადში 3 ლარს.

8. მცხეთის მუნიციპალიტეტის ტერიტორიაზე ქონების გადასახადისაგან გათავისუფლდნენ ფიზიკური პირები, თუ ამ პირის ოჯახის მიერ მიმდინარე კალენდარული წლის წინა წლის განმავლობაში მიღებული შემოსავლები არ აღემატება 40 000 ლარს.

მუხლი 3. ძალადაკარგულად გამოცხადდეს ,,მცხეთის მუნიციპალიტეტის ტერიტორიაზე ,,ადგილობრივი გადასახადის – ქონების გადასახადის შემოღების შესახებ’’ მცხეთის მუნიციპალიტეტის საკრებულოს 2011 წლის 30 მარტის №31 დადგენილება.

მუხლი 4. დადგენილება ამოქმედდეს გამოქვეყნებისთანავე.

   საკრებულოს თავმჯდომარე                                       ა. კალანდაძე