საარჩევნო ადმინისტრაციის მოხელეთა სერტიფიცირების დებულების დამტკიცების თაობაზე

საქართველოს საარჩევნო  ადმინისტრაცია

საქართველოს ცენტრალური საარჩევნო კომისიის

დადგენილება №13/2012

2012 წ ლის 9 მარტი

ქ. თბილისი

საარჩევნო ადმინისტრაციის მოხელეთა სერტიფიცირების დებულების დამტკიცების თაობაზე

საქართველოს ორგანული კანონის „საქართველოს საარჩევნო კოდექსი“ მე-14 მუხლის პირველი პუნქტის „ტ” ქვეპუნქტის, 30-ე მუხლის მე-3 პუნქტის, 77-ე მუხლის მე-5 პუნქტისა და საქართველოს ზოგადი ადმინისტრაციული კოდექსის 61-ე მუხლის საფუძველზე, საქართველოს ცენტრალური საარჩევნო კომისია ადგენს:

მუხლი 1. დამტკიცდეს თანდართული „საარჩევნო ადმინისტრაციის მოხელის სერტიფიცირების დებულება”.

მუხლი 2. ძალადაკარგულად გამოცხადდეს „საარჩევნო ადმინისტრაციის მოხელეთა სერტიფიცირების წესის” დებულების დამტკიცებისა და საქართველოს ცენტრალური საარჩევნო კომისიის 2008 წლის 11 თებერვლის №2/2008 დადგენილების ნაწილის ძალადაკარგულად გამოცხადების თაობაზე” საქართველოს ცენტრალური საარჩევნო კომისიის 2009 წლის 23 მარტის №1/2009 დადგენილება.

მუხლი 3. ეს დადგენილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე-12 კილომეტრი, №6) მისი მიღებიდან 2 კალენდარული დღის ვადაში.

მუხლი 4. ეს დადგენილება ამოქმედდეს გამოქვეყნებისთანავე.

კომისიის თავმჯდომარე ზ. ხარატიშვილი

კომისიის მდივანი      გ. მჭედლიძე

დანართი

საარჩევნო ადმინისტრაციის მოხელის სერტიფიცირების დებულება

თავი I

ზოგადი დებულებანი

    მუხლი 1. რეგულირების სფერო

საარჩევნო ადმინისტრაციის მოხელის სერტიფიცირების დებულება (შემდგომში – დებულება) შემუშავებულია საქართველოს ორგანული კანონის „საქართველოს საარჩევნო კოდექსი“ მე-14 მუხლის პირველი პუნქტის „ტ“ ქვეპუნქტის საფუძველზე და განსაზღვრავს საარჩევნო ადმინისტრაციის მოხელის სერტიფიცირების (შემდგომში – სერტიფიცირება) ჩატარების, სერტიფიკატის გაცემისა და მოქმედების ვადის გაგრძელების წესს.

საქართველოს ცენტრალური საარჩევნო კომისიის 2023 წლის 21 მარტის დადგენილება №31/2023 - ვებგვერდი, 21.03.2023წ.

    მუხლი 2. სერტიფიცირების მიზანი

სერტიფიცირების მიზანია საქართველოს მოქალაქის საარჩევნო კანონმდებლობის ცოდნისა და ზოგადი უნარების დადგენა, შემდგომში საარჩევნო ადმინისტრაციის მაღალკვალიფიციური მოხელეების შერჩევის მიზნით.

    მუხლი 3. სერტიფიცირების ჩატარების წესი და ვადები

1. სერტიფიცირების ჩატარებას უზრუნველყოფს საჯარო სამართლის იურიდიული  პირი – საარჩევნო სისტემების განვითარების, რეფორმებისა და სწავლების ცენტრი (შემდგომში – სწავლების ცენტრი) ამ დებულებით განსაზღვრული წესით.

2. საარჩევნო ადმინისტრაციის მოხელის სერტიფიცირების გამოცდების ჩატარებისთვის საქართველოს ცენტრალური საარჩევნო კომისიის (შემდგომში – ცესკო) საინფორმაციო ტექნოლოგიების დეპარტამენტი უზრუნველყოფს:

ა) აუცილებელი კომპიუტერული პროგრამების (გამოცდების ჩაბარების მსურველ პირთა სარეგისტრაციო პროგრამები, გამოცდებზე რეგისტრირებულ პირთა საგამოცდო პროგრამები) ფუნქციონირებას;

ბ) გამოცდების ჩატარების ადგილზე/ადგილებზე აუცილებელი ტექნიკის ფუნქციონირებას;

გ) გამოცდებზე რეგისტრირებული პირების, გამოცდების მონაწილეებისა და სერტიფიკატების მფლობელი პირების მონაცემების ელექტრონული ბაზის შენახვასა და უსაფრთხოებას.

3. სერტიფიცირება ტარდება წელიწადში ერთხელ მაინც. ჩატარების ვადები და ადგილი/ადგილები განისაზღვრება ცესკოს განკარგულებით.

4. ინფორმაცია სასერტიფიკაციო გამოცდის ჩატარების შესახებ და საგამოცდო ტესტები (პასუხებით) ქვეყნდება ცესკოსა და სწავლების ცენტრის ოფიციალურ ვებგვერდებზე (www.cesko.ge; www.electionreforms.ge).

5. ინკლუზიური საარჩევნო გარემოს ხელშეწყობისთვის, ცესკოს განკარგულებით დამტკიცებული ტესტები (პასუხებით) ასევე ითარგმნება საქართველოში მცხოვრები ეთნიკური უმცირესობებისთვის გასაგებ ენებზე. თარგმნილი საგამოცდო ტესტები მოწმდება ნოტარიული წესით ან ითარგმნება სპეციალურად ამ მიზნით შექმნილ ადმინისტრაციულ ორგანოში. თარგმნილი ორენოვანი ტესტები ასევე ქვეყნდება ცესკოსა და სწავლების ცენტრის ოფიციალურ ვებგვერდებზე და უცვლელი ფორმით გამოიყენება სასერტიფიკაციო გამოცდის ჩატარებისას.

6.  ცესკოს განკარგულებით დამტკიცებული ტესტებისა და თარგმნილი ტესტების რედაქციებს შორის სხვაობის არსებობის შემთხვევაში, უპირატესობა ენიჭება დამტკიცებული ტესტების რედაქციებს. გამოცდის შედეგების გასაჩივრების შემთხვევაში, საჩივრის განხილვა წარმოებს ცესკოს განკარგულებით დამტკიცებული ტესტების რედაქციის საფუძველზე.

საქართველოს ცენტრალური საარჩევნო კომისიის 2016 წლის 26 დეკემბრის დადგენილება №74/2016 - ვებგვერდი, 26.12.2016წ.

საქართველოს ცენტრალური საარჩევნო კომისიის 2017 წლის 8 აგვისტოს დადგენილება №25/2017 - ვებგვერდი, 09.08.2017წ.

საქართველოს ცენტრალური საარჩევნო კომისიის 2019 წლის 19 სექტემბრის დადგენილება №35/2019 - ვებგვერდი, 20.09.2019წ.

საქართველოს ცენტრალური საარჩევნო კომისიის 2023 წლის 21 მარტის დადგენილება №31/2023 - ვებგვერდი, 21.03.2023წ.

საქართველოს ცენტრალური საარჩევნო კომისიის 2025 წლის 17 იანვრის დადგენილება №5/2025 - ვებგვერდი, 17.01.2025წ.

საქართველოს ცენტრალური საარჩევნო კომისიის 2025 წლის 11 მარტის დადგენილება №12/2025 - ვებგვერდი, 11.03.2025წ.

    მუხლი 4. სასერტიფიკაციო გამოცდის ჩაბარების უფლების მქონე პირები

სასერტიფიკაციო გამოცდის ჩაბარების უფლება ეძლევა საქართველოს ქმედუნარიან მოქალაქეს.

 

თავი II

სასერტიფიკაციო გამოცდის ჩაბარების მსურველთა რეგისტრაცია

    მუხლი 5. რეგისტრაციის ფორმა და ვადა

1. სასერტიფიკაციო გამოცდისათვის რეგისტრაცია ხორციელდება ელექტრონული ფორმით.

2. ელექტრონული ფორმით რეგისტრაცია ითვალისწინებს სწავლების ცენტრის ოფიციალურ ვებ-გვერდზე განთავსებული ელექტრონული განაცხადის შევსებას. ივსება განაცხადის შემდეგი ველები:

ა) გვარი, სახელი;

ბ) პირადი ნომერი (საქართველოს მოქალაქის პირადობის დამადასტურებელი მოწმობის/ საქართველოს მოქალაქის პასპორტის მიხედვით);

გ) დაბადების თარიღი;

დ) მისამართი (რეგისტრაციის ადგილის მიხედვით; იძულებით გადაადგილებული პირის შემთხვევაში – ფაქტობრივი მისამართი);

დ^​1) სერტიფიცირების გამოცდის ადგილი, სადაც მოქალაქეს სურს სერტიფიცირების გამოცდის ჩაბარება;

ე) სქესი;

ვ) საკონტაქტო ინფორმაცია – ტელეფონი, ელ-ფოსტა (არასავალდებულო ველი);

ზ) სასერტიფიკაციო გამოცდის ჩაბარების მსურველის თანხმობა სასერტიფიკაციო გამოცდაზე დადებითი შეფასების მიღების შემთხვევაში ამ მუხლის მე-2 პუნქტის „ა”, „გ”, „დ”, „ე” და „ვ” ქვეპუნქტებით განსაზღვრული პერსონალური მონაცემების დამუშავებასა და გაცემაზე, ასეთი ინფორმაციის საარჩევნო რეგისტრაციის მქონე პარტიის ან ცესკოში რეგისტრირებული ადგილობრივი დამკვირვებელი ორგანიზაციის მიერ სწავლების ცენტრიდან წერილობით გამოთხოვის შემთხვევაში.

3. ელექტრონული ფორმით რეგისტრაციას ახორციელებს სასერტიფიკაციო გამოცდის სამდივნო მე-6 მუხლის მე-5-მე-7 პუნქტებით განსაზღვრული წესით ან უშუალოდ სასერტიფიკაციო გამოცდის ჩაბარების მსურველი (დისტანციური რეგისტრაცია) მე-7 მუხლით დადგენილი წესის შესაბამისად. 

4. სასერტიფიკაციო გამოცდის მონაწილეთა რეგისტრაციის დაწყებისა და დასრულების ვადები განისაზღვრება ცესკოს განკარგულებით. დადგენილი ვადის ამოწურვის შემდეგ რეგისტრაცია აღარ განხორციელდება.

საქართველოს ცენტრალური საარჩევნო კომისიის 2016 წლის 19 იანვრის დადგენილება №10/2016 - ვებგვერდი, 20.01.2016წ.

საქართველოს ცენტრალური საარჩევნო კომისიის 2018 წლის 14 მარტის დადგენილება №18/2018 - ვებგვერდი, 14.03.2018წ.

საქართველოს ცენტრალური საარჩევნო კომისიის 2023 წლის 21 მარტის დადგენილება №31/2023 - ვებგვერდი, 21.03.2023წ.

 

მუხლი 6. სასერტიფიკაციო გამოცდის სამდივნო

1. სერტიფიცირების გამოცდის ორგანიზებულად ჩატარების მიზნით იქმნება სერტიფიცირების გამოცდის სამდივნო (შემდგომში – სამდივნო), რომლის შემადგენლობა მტკიცდება სწავლების ცენტრის დირექტორის ბრძანებით. სამდივნოს უფლებამოსილების ვადა წყდება სერტიფიცირების გამოცდის დასრულებისთანავე.

2. ამ მუხლის პირველი პუნქტით გათვალისწინებულ სამდივნოში შედიან სწავლების ცენტრის დირექტორის მიერ განსაზღვრული სწავლების ცენტრის თანამშრომლები და ცესკოს საარჩევნო პროცესების მართვის დეპარტამენტის უფროსის მიერ განსაზღვრული საოლქო საარჩევნო კომისიის ის წევრები, რომლებიც არჩეული არიან 5 წლის ვადით. სწავლების ცენტრის დირექტორი ამ პუნქტით განსაზღვრულ საოლქო საარჩევნო კომისიის წევრებთან დებს შრომით ხელშეკრულებებს.

3. სამდივნოს ხელმძღვანელობს მისი შემადგენლობიდან სწავლების ცენტრის დირექტორის ბრძანებით განსაზღვრული პირი.

4. სამდივნოს ფუნქციებია ამ დებულებით განსაზღვრული წესის შესაბამისად:

ა) სასერტიფიკაციო გამოცდის ჩაბარების მსურველთა საბუთების მიღება და რეგისტრაცია;

ბ) სასერტიფიკაციო გამოცდაზე დაშვების მიზნით გამოცდის დღეს გამოსაცდელთა იდენტიფიცირება;

გ) საჯაროობის უზრუნველყოფის მიზნით სასერტიფიკაციო გამოცდაზე დამკვირვებლების აკრედიტაცია;

დ) სასერტიფიკაციო გამოცდის მიმდინარეობაზე ზედამხედველობის განხორციელება;

ე) სხვა ორგანიზაციული საკითხების მოწესრიგება.

5. სასერტიფიკაციო გამოცდისათვის რეგისტრაციის მიზნით სასერტიფიკაციო გამოცდის ჩაბარების მსურველმა სამდივნოს უნდა წარუდგინოს საქართველოს მოქალაქის პირადობის დამადასტურებელი მოწმობა ან საქართველოს მოქალაქის პასპორტი. საბუთის წარუდგენლობის შემთხვევაში პირი არ გატარდება რეგისტრაციაში.

6. სასერტიფიკაციო გამოცდის ჩაბარების მსურველის დასარეგისტრირებლად სამდივნო წარმოდგენილი საბუთის საფუძველზე უზრუნველყოფს მე-5 მუხლის მე-2 პუნქტით გათვალისწინებული ელექტრონული განაცხადის შევსებას.

7. სამდივნოში რეგისტრაციის პროცედურის გავლის შემდეგ გამოცდის ჩაბარების მსურველს ადგილზე ეძლევა სარეგისტრაციო ბარათი მისი რეგისტრაციის ნომრის, გამოცდაზე გამოცხადების თარიღის, დროისა და ადგილის მითითებით.

საქართველოს ცენტრალური საარჩევნო კომისიის 2023 წლის 21 მარტის დადგენილება №31/2023 - ვებგვერდი, 21.03.2023წ.

    მუხლი 7. დისტანციური რეგისტრაცია

1. დისტანციური რეგისტრაცია ითვალისწინებს უშუალოდ სასერტიფიკაციო გამოცდის ჩაბარების მსურველის მიერ მე-5 მუხლის მე-2 პუნქტით გათვალისწინებული ელექტრონული განაცხადის შევსებას.

2. შევსებული ელექტრონული განაცხადის გაგზავნისთანავე სასერტიფიკაციო გამოცდის ჩაბარების მსურველი ავტომატურ რეჟიმში ელექტრონულად იღებს შეტყობინებას (სარეგისტრაციო ბარათს) მისი რეგისტრაციის ნომრის, გამოცდაზე გამოცხადების თარიღის, დროისა და ადგილის მითითებით.

თავი III

სასერტიფიკაციო გამოცდა

    მუხლი 8. სასერტიფიკაციო გამოცდის ჩატარების მეთოდი

1. სასერტიფიკაციო გამოცდა ტარდება ერთ ტურად. განაცხადების რაოდენობის გათვალისწინებით გამოსაცდელთა მიღება შეიძლება მოხდეს ნაკადებად.

2. სასერტიფიკაციო გამოცდა ტარდება ელექტრონული ტესტირების მეთოდით.

3. საგამოცდო ტესტების მომზადებას უზრუნველყოფს სწავლების ცენტრი. ცესკო განკარგულებით ამტკიცებს საგამოცდო ტესტებს შესაბამისი პასუხებით, რომლებიც უცვლელი ფორმით გამოიყენება სასერტიფიკაციო გამოცდის ჩატარებისას. საგამოცდო ტესტები ცესკოს წარედგინება მოთხოვნიდან არაუგვიანეს 14 სამუშაო დღის ვადაში.

4. საგამოცდო ტესტი არის კითხვა ოთხი სავარაუდო პასუხით. სავარაუდო პასუხებიდან ერთი პასუხი არის სწორი.

5. საგამოცდო ტესტების შერჩევა ხორციელდება ელექტრონულ პროგრამაში ავტომატურად, შემთხვევითი შერჩევის მეთოდით.

6. ამ მუხლის მე-5 პუნქტით გათვალისწინებული წესით თითოეული გამოსაცდელისათვის შეირჩევა 24 საგამოცდო ტესტი, რომელიც მოიცავს:

ა) საქართველოს კონსტიტუციიდან – 3 კითხვას;

ბ) საქართველოს ორგანული კანონიდან „საქართველოს საარჩევნო კოდექსი“ – 14 კითხვას;

გ) ცესკოს ნორმატიული აქტებიდან, რომლებიც განსაზღვრავენ კენჭისყრის/არჩევნების ელექტრონული საშუალებების გამოყენებით ჩატარების წესსა და პირობებს – 3 კითხვას;

დ) საქართველოს ცენტრალური საარჩევნო კომისიის რეგლამენტიდან – 1 კითხვას;

ე) საოლქო საარჩევნო კომისიის რეგლამენტიდან – 1 კითხვას.

ვ) საქართველოს საარჩევნო ადმინისტრაციის მოხელეთა ეთიკის კოდექსიდან – 1 კითხვას;

ზ) ცესკოს წევრებისა და საოლქო საარჩევნო კომისიების არჩეულ წევრთა შრომით ურთიერთობასთან დაკავშირებული და სამსახურებრივი შეუთავსებლობის საკითხებიდან – 1 კითხვას.

    მუ ხლი 9. სასერტიფიკაციო გამოცდაზე გამოცხადება და გამოცდაზე დაშვება

1.  გამოსაცდელი სერტიფიცირების გამოცდაზე დაიშვება მხოლოდ ერთხელ სარეგისტრაციო ბარათში მითითებული თარიღის, დროის და გამოცდის ჩაბარების ადგილის მიხედვით.

2. გამოსაცდელი, რ ომელიც არ გამოცხადდება გამოცდაზე ან დაგვიანებით გამოცხადდება, მოიხსნება გამოცდიდან.

3. გამოსაცდელმა სასერტიფიკაციო გამოცდაზე გამოცხადებისას თან უნდა იქონიოს საქართველოს მოქალაქის პირადობის დამადასტურებელი მოწმობა ან საქართველოს მოქალაქის პასპორტი. აღნიშნული საბუთის წარუდგენლობის შემთხვევაში პირი არ დაიშვება გამოცდაზე.

4. სასერტიფიკაციო გამოცდაზე დაშვების მიზნით სამდივნოს წევრი უზრუნველყოფს გამოსაცდელის:

ა) იდენტიფიცირებას წარმოდგენილი საბუთისა და ელექტრონულ ბაზაში არსებული მონაცემების საფუძველზე;

ბ) ფოტოსურათის გ ადაღებას;

გ) ხელმოწერის დაფიქსირებას სპეციალური ხელსაწყოს საშუალებით ან მატერიალური ფორმით მომზადებულ გამოსაცდელთა აღრიცხვის დოკუმენტში.

5. იდენტიფიცირების პროცედურის დასრულების შემდეგ სამდივნოს წევრს გამოსაცდელი შეჰყავს საგამოცდო ოთახში და უთითებს მისთვის განკუთვნილ ადგილს.

საქართველოს ცენტრალური საარჩევნო კომისიის 2023 წლის 21 ნოემბრის დადგენილება №58/2023 - ვებგვერდი, 22.11.2023 წ.

    მუხლი 10. სავალდებულო ინსტრუქტაჟი გამოცდის დაწყებამდე

1. გამოცდის დაწყებამდე გამოსაცდელებს განემარტებათ ელექტრონული პროგრამის მოხმარების წესი, ტესტების ამოხსნის მეთოდიკა და გამოცდების ჩატარების სხვა წესები.

2. გამოცდების ჩატარების წესების დარღვევის შემთხვევაში გამოსაცდელი მოიხსნება გამოცდიდან, რის შესახებაც დგება ოქმი. გამოსაცდელის ნამუშევარი შეფასდება უარყოფითად.

3. დარღვევის შესახებ ოქმში მითითებული უნდა იყოს:

ა) დამრღვევის სახელი, გვარი;

ბ) დარღვევის თარიღი და დრო (რიცხვი, თვე, წელი, საათი, წუთი);

გ) დარღვევის შინაარსი;

გ^​1) დარღვევის ჩადენის ადგილი;

დ) დარღვევის აღმომჩენის/აღმომჩენთა ხელმოწერა/ხელმოწერები;

ე) დამრღვევის ხელმოწერა (თუ დამრღვევმა უარი განაცხადა ოქმის ხელმოწერაზე, ამის შესახებ ოქმის შემდგენი პირის მიერ დგება სპეციალური აღნიშვნა).

საქართველოს ცენტრალური საარჩევნო კომისიის 2023 წლის 21 მარტის დადგენილება №31/2023 - ვებგვერდი, 21.03.2023წ.

    მუხლი 11. სასერტიფიკაციო გამოცდის პროცესი

1. გამოცდის დასაწყებად ელექტრონულ პროგრამაში ავტორიზაციისათვის გამოსაცდელს კომპიუტერში შეჰყავს პირადი ნომერი საქართველოს მოქალაქის პირადობის დამადასტურებელი მოწმობის მიხედვით.

2. პროგრამაში ავტორიზაციის შემდეგ პროგრამა ავტომატურად შემთხვევითი შერჩევის მეთოდით აგენერირებს იმ კითხვებს, რომლებზეც გამოსაცდელმა უნდა გასცეს პასუხი.

3.  გამოსაცდელმა მონიტორზე გამოტანილი საგამოცდო ტესტის ოთხი სავარაუდო პასუხიდან უნდა აირჩიოს და დააფიქსიროს მხოლოდ ერთი პასუხი.

4. სასერტიფიკაციო გამოცდის ხანგრძლივობა შეადგენს ერთ საათს. პროგრამა ავტომატურად აკონტროლებს გამოცდის დროს, ჩართულია დროის უკუათვლა.

5. გამოცდის მიმდინარეობისას გამოსაცდელს ეკრძალება საგამოცდო დარბაზის დატოვება. აღნიშნული წესის დარღვევის შემთხვევაში გამოსაცდელი მოიხსნება გამოცდიდან მე-10 მუხლის მე-2 და მე-3 პუნქტებით დადგენილი წესის შესაბამისად.

საქართველოს ცენტრალური საარჩევნო კომისიის 2023 წლის 2 აგვისტოს დადგენილება №46/2023 - ვებგვერდი, 03.08.2023 წ. 

    მუხლი 12. დამხმარე მასალისა და ტექნიკური საშუალებების გამოყენების აკრძალვა

1. სასერტიფიკაციო გამოცდის განმავლობაში გამოსაცდელს ეკრძალება:

ა) ნორმატიული აქტების, კანონთა კომენტარების, სახელმძღვანელოების, ჩანაწერების ან სხვა ანალოგიური მასალის გამოყენება;

ბ) ტექნიკური საშუალებების, მათ შორის, მობილური ტელეფონის შეტანა, გამოყენება;

გ) გადალაპარაკება, დახმარების გაწევა ან მიღება, სხვა პირისათვის რაიმე ფორმით ხელის შეშლა.

2. ამ მუხლის პირველი პუნქტით გათავლისწინებული წესების დარღვევის შემთხვევაში გამოსაცდელი მოიხსნება გამოცდიდან მე-10 მუხლის მე-2 და მე-3 პუნქტებით დადგენილი წესის შესაბამისად.

3. გამოსაცდელს მოთხოვნისამებრ შეიძლება გადაეცეს საწერი თაბახის ფურცელი და კალამი.

    მუხლი 13. სასერტიფიკაციო გამოცდის შედეგები

1. ყოველ საგამოცდო ტესტზე სწორი პასუხი ფასდება – 1 ქულით, ხოლო არასწორი პასუხი – 0 ქულით.

2. მონიტორზე აისახება საგამოცდო ტესტებზე გაცემული სწორი და არასწორი პასუხების რაოდენობა.

3.  დადებითი შეფასების მისაღებად გამოსაცდელმა უნდა დააგროვოს 15 ქულა. გამსვლელი ქულის მიღებისას, გამოსაცდელს, მოთხოვნის შემთხვევაში, ადგილზე გადაეცემა გამოცდის შედეგების ამსახველი საინფორმაციო ბარათი, სერტიფიცირებული პირის მონაცემები კი დაუყოვნებლივ აისახება ცესკოსა და სწავლების ცენტრის ვებგვერდებზე განთავსებულ სერტიფიკატის მფლობელ პირთა საჯარო პლატფორმაზე, რომელშიც მოქალაქეს შეუძლია გვარისა და პირადი ნომრის მითითებით საკუთარი მონაცემების გადამოწმება და ელექტრონული სერტიფიკატის ამობეჭდვა.

4. სერტიფიცირებულ პირთა შესახებ ინფორმაციის ხელმისაწვდომობის მიზნით, სწავლების ცენტრი აღჭურვილია შესაბამის მონაცემთა ელექტრონულ ბაზაზე წვდომისა და მონაცემების დამუშავების უფლებამოსილებით. სწავლების ცენტრი ამ დებულების მე-5 მუხლის მე-2 პუნქტის „ზ“ ქვეპუნქტის საფუძველზე ამუშავებს და გასცემს სერტიფიკატის მფლობელის პერსონალურ მონაცემებს, ასეთი ინფორმაციის საარჩევნო რეგისტრაციის მქონე პარტიის ან ცესკოში რეგისტრირებული ადგილობრივი დამკვირვებელი ორგანიზაციის მიერ წერილობით გამოთხოვის შემთხვევაში.

5) სერტიფიკატის მფლობელი უფლებამოსილია ამ მუხლის მე-4 პუნქტით განსაზღვრული მიზნისთვის მიმართოს სწავლების ცენტრს, რომელსაც უნდა წარუდგინოს:

ა) წერილობითი თანხმობა სწავლების ცენტრის მიერ მე-5 მუხლის მე-2 პუნქტის „ზ” ქვეპუნქტით განსაზღვრული პერსონალური მონაცემების დამუშავებასა და გაცემაზე;

ბ) საქართველოს მოქალაქის პირადობის მოწმობის ან საქართველოს მოქალაქის პასპორტის ასლი.

საქართველოს ცენტრალური საარჩევნო კომისიის 2016 წლის 26 დეკემბრის დადგენილება №74/2016 - ვებგვერდი, 26.12.2016წ.

საქართველოს ცენტრალური საარჩევნო კომისიის 2018 წლის 14 მარტის დადგენილება №18/2018 - ვებგვერდი, 14.03.2018წ.

საქართველოს ცენტრალური საარჩევნო კომისიის 2023 წლის 21 მარტის დადგენილება №31/2023 - ვებგვერდი, 21.03.2023წ.

    მუხლი 14. სასერტიფიკაციო გამოცდის შედეგების გასაჩივრება

1. სასერტიფიკაციო გამოცდის შედეგების გასაჩივრების შემთხვევაში გამოსაცდელს მოთხოვნის შესაბამისად გადაეცემა ელექტრონული პროგრამიდან ამობეჭდილი ნამუშევარი.

2. სასერტიფიკაციო გამოცდის შედეგები შეიძლება გასაჩივრდეს ცესკოში საქართველოს ზოგადი ადმინისტრაციული კოდექსით დადგენილ ვადაში და წესით.

თავი IV

სასერტიფიკაციო გამოცდის საჯაროობა

    მუხლი 15. სასერტიფიკაციო გამოცდის მიმდინარეობაზე ზედამხედველობა

1. სასერტიფიკაციო გამოცდის მიმდინარეობაზე საჯაროობის უზრუნველყოფის მიზნით, გამოცდაზე დამკვირვებლებად დაიშვებიან სამდივნოს მიერ აკრედიტებული ადგილობრივი და საერთაშორისო დამკვირვებელი ორგანიზაციების წარმომადგენლები, რომლებიც უნდა აკმაყოფილებდნენ დამკვირვებელი ორგანიზაციებისათვის და დამკვირვებლებისთვის საქართველოს ორგანული კანონით „საქართველოს საარჩევნო კოდექსი” დადგენილ მოთხოვნებს. ამ მოთხოვნებთან შესაბამისობის გადამოწმებას, სამდივნოს მიმართვის საფუძველზე, ახდენს ცესკოს საარჩევნო პროცესების მართვის დეპარტამენტი, ხოლო აკრედიტაციის პროცედურა გრძელდება გადამოწმების შედეგად მიღებული შედეგების შესაბამისად.

2. აკრედიტაციის მიზნით, დაინტერესებულმა ორგანიზაციებმა განცხადებით უნდა მიმართონ სამდივნოს, რომელიც გასცემს შესაბამის სააკრედიტაციო მოწმობებს.

3. აკრედიტაციის დაწყებისა და დასრულების ვადები განისაზღვრება ცესკოს განკარგულებით. დადგენილი ვადის გასვლის შემდეგ აკრედიტაცია აღარ ხორციელდება.

4. აკრედიტირებული დამკვირვებლების რაოდენობის გათვალისწინებით გამოცდის ჩატარებამდე 2 სამუშაო დღით ადრე შეიძლება ჩატარდეს წილისყრა საგამოცდო დარბაზში დამკვირვებლების დაშვების რიგითობის განსაზღვრის მიზნით.

5. საგამოცდო დარბაზში დაიშვება არა უმეტეს სამი დამკვირვებლისა. ერთი და იმავე ორგანიზაციიდან საგამოცდო დარბაზში დაიშვება მხოლოდ ერთი დამკვირვებელი, გარდა იმ შემთხვევისა, თუ აკრედიტაცია გაიარა მხოლოდ ერთმა ორგანიზაციამ.

6. გამოცდის მიმდინარეობაზე დაკვირვების პროცესში დარღვევის აღმოჩენის შემთხვევაში, დამკვირვებელმა უნდა მიმართოს სამდივნოს წარმომადგენელს შესაბამისი რეაგირებისათვის.

7. დამკვირვებელს ეკრძალება საგამოცდო პროცესში ჩარევა. გამოცდის ჩატარების წესების დარღვევის შემთხვევაში დამკვირვებელი დათხოვნილი იქნება საგამოცდო დარბაზიდან, რის შესახებ აც დგება ოქმი მე-10 მუხლის მე-3 პუნქტით დადგენილი წესის შესაბამისად.

8. ცესკოს იურიდიული დეპარტამენტის შიდა აუდიტისა და მანდატურის განყოფილება უფლებამოსილია დააკვირდეს სერტიფიცირების პროცესთან დაკავშირებულ ყველა ეტაპს, მათ შორის, გამოითხოვოს და მიიღოს მისთვის საჭირო ყველა ინფორმაცია.

საქართველოს ცენტრალური საარჩევნო კომისიის 2016 წლის 19 იანვრის დადგენილება №10/2016 - ვებგვერდი, 20.01.2016წ.

საქართველოს ცენტრალური საარჩევნო კომისიის 2023 წლის 21 მარტის დადგენილება №31/2023 - ვებგვერდი, 21.03.2023წ.

საქართველოს ცენტრალური საარჩევნო კომისიის 2024 წლის 22 მარტის დადგენილება №8/2024 - ვებგვერდი, 22.03.2024წ.

საქართველოს ცენტრალური საარჩევნო კომისიის 2025 წლის 17 იანვრის დადგენილება №5/2025 - ვებგვერდი, 17.01.2025წ.

    მუ ხლი 16. საგამოცდო დარბაზში ყოფნის უფლება

1. საგამოცდო დარბაზში დაიშვებიან მხოლოდ გამოსაცდელები, გამოცდის სამდივნოს წევრები, სწავლების ცენტრის დირექტორი, სწავლების ცენტრის დირექტორის მოადგილე, ცესკოს იურიდიული, მათ შორის, შიდა აუდიტისა და მანდატურის განყოფილების, საარჩევნო პროცესების მართვისა და საინფორმაციო ტექნოლოგიების დეპარტამენტების თანამშრომლები, აკრედიტებული დამკვირვებლები, ცესკოს წევრები და ცესკოს მიერ 5 წლის ვადით არჩეული საოლქო საარჩევნო კომისიის წევრები.

2. საგამოცდო დარბაზში ყოფნის უფლების მქონე პირები (გარდა გამოსაცდელებისა) უნდა ატარებდნენ შესაბამის სამკერდე მოწმობებს.

საქართველოს ცენტრალური საარჩევნო კომისიის 2023 წლის 21 მარტის დადგენილება №31/2023 - ვებგვერდი, 21.03.2023წ.

საქართველოს ცენტრალური საარჩევნო კომისიის 2025 წლის 17 იანვრის დადგენილება №5/2025 - ვებგვერდი, 17.01.2025წ.

თავი V

სერტიფიკატი

    მუხლი 17. სერტიფიკატის ფორმა და მოქმედების ვადა

1. სერტიფიკატის ფორმას განკარგულებით ამტკიცებს ცესკო.

2. სერტიფიკატის მოქმედების ვადა განისაზღვრება გამოცდის ჩაბარებიდან 5 წლის ვადით.

3. სერტიფიკატი ძალას კარგავს, თუ სერტიფიკატის მფლობელი სასერტიფიკაციო გამოცდის ჩაბარებიდან 5 წლის განმავლობაში ან ამ პუნქტში ჩამოთვლილ ადმინისტრაციულ ორგანოებში, საშტატო ნუსხით გათვალისწინებულ პოზიციაზე, შრომითი ურთიერთობის შეწყვეტიდან 5 წლის ვადაში არ დაიწყებს საქმიანობას:

ა) საქართველოს ცენტრალურ საარჩევნო კომისიის წევრად ან ამავე კომისიის აპარატში, საშტატო ნუსხით გათვალისწინებულ პოზიციაზე;

ბ) ავტონომიური რესპუბლიკის უმაღლესი საარჩევნო კომისიის წევრად ან ამავე კომისიის აპარატში, საშტატო ნუსხით გათვალისწინებულ პოზიციაზე;

გ) საოლქო საარჩევნო კომისიის წევრად;

დ) საჯარო სამართლის იურიდიული პირი – საარჩევნო სისტემების განვითარების, რეფორმებისა და სწავლების ცენტრში, საშტატო ნუსხით გათვალისწინებულ პოზიციაზე.

3​^​1. ამ მუხლის მე-3 პუნქტით განსაზღვრულ შემთხვევაში, სერტიფიკატის მფლობელი უფლებამოსილია სერტიფიკატის მოქმედების ვადის გაგრძელების მიზნით მიმართოს სწავლების ცენტრს, რომელსაც უნდა წარუდგინოს:

ა) განცხადება სერტიფიკატის მოქმედების ვადის გაგრძელების მოთხოვნით;

ბ) საქართველოს მოქალაქის პირადობის მოწმობის ან საქართველოს მოქალაქის პასპორტის ასლი;

გ) ამ მუხლის მე-3 პუნქტის „ა“–„დ“ ქვეპუნქტებით გათვალისწინებული შრომითი საქმიანობის დამადასტურებელი დოკუმენტი/ცნობა.

3^​2. სერტიფიკატის მოქმედების ვადა განისაზღვრება:

ა) სერტიფიკატის ვადის ამოწურვიდან 5 წლის ვადით, თუ პირი ეწევა შრომით ურთიერთობას ამ მუხლის მე-3 პუნქტით განსაზღვრულ ადმინისტრაციულ ორგანოებში;

ბ) ამ მუხლის მე-3 პუნქტით განსაზღვრულ ადმინისტრაციულ ორგანოებში შრომითი ურთიერთობის შეწყვეტის შემთხვევაში, შეწყვეტიდან 5 წლის ვადით.

3^​3. სერტიფიკატის მოქმედების ვადის გაგრძელებისას სერტიფიცირებული პირის მონაცემები დაუყოვნებლივ აისახება ცესკოსა და სწავლების ცენტრის ვებგვერდებზე განთავსებულ სერტიფიკატის მფლობელ პირთა საჯარო პლატფორმაზე, რომელშიც მოქალაქეს საკუთარი მონაცემების გადამოწმება და ელექტრონული სერტიფიკატის ამობეჭდვა შეუძლია გვარისა და პირადი ნომრის მითითებით.

4. (ამოღებულია - 15.05.2012, №19/2012).

საქართველოს ცენტრალური საარჩევნო კომისიის 2012 წლის 15 მაისის დადგენილება №19/2012 - ვებგვერდი, 16.05.2012წ.

საქართველოს ცენტრალური საარჩევნო კომისიის 2023 წლის 21 მარტის დადგენილება №31/2023 - ვებგვერდი, 21.03.2023წ.

    მუხლი 18. (ამოღებულია)

საქართველოს ცენტრალური საარჩევნო კომისიის 2023 წლის 21 მარტის დადგენილება №31/2023 - ვებგვერდი, 21.03.2023წ.

თავი VI

გარდამავალი და დასკვნითი დებულებები

    მუხლი 19. დასკვნითი დებულება

ამ დებულებაში ცვლილებებისა და დამატებების შეტანა ხდება ცესკოს დადგენილებით.

Annotate