საქართველოს მოსახლეობის აღწერის საკოორდინაციო სამთავრობო კომისიის შექმნის შესახებ

საქართველოს მთავრობის

დადგენილება №157

2012 წლის 30 აპრილი

ქ. თბილისი

საქართველოს მოსახლეობის აღწერის საკოორდინაციო სამთავრობო კომისიის შექმნის შესახებ

მუხლი 1. „ოფიციალური სტატისტიკის შესახებ“ საქართველოს კანონის 21‑ე მუხლის შესაბამისად, საქართველოს მოსახლეობის აღწერის მომზადებისა და ჩატარების საკითხების ოპერატიულად გადაწყვეტის, აგრეთვე აღმასრულებელი ხელისუფლების ორგანოების შეთანხმებული მოქმედების უზრუნველსაყოფად შეიქმნას მოსახლეობის აღწერის საკოორდინაციო სამთავრობო კომისია (შემდგომში‑კომისია) შემდეგი შემადგენლობით:

დავით ნარმანია –  საქართველოს რეგიონული განვითარებისა და ინფრასტრუქტურის მინისტრი, კომისიის თავმჯდომარე

ნოდარ ხადური –  საქართველოს ფინანსთა მინისტრი, კომისიის თავმჯდომარის მოადგილე

ზაზა ჭელიძე   –  სსიპ – საქართველოს სტატისტიკის ეროვნული სამსახურის აღმასრულებელი დირექტორი, კომისიის თავმჯდომარის მოადგილე

თეა წულუკიანი –  საქართველოს იუსტიციის მინისტრი

ირაკლი ალასანია –  საქართველოს თავდაცვის მინისტრი

დავით კირვალიძე  –  საქართველოს სოფლის მეურნეობის მინისტრი

გიორგი ხელაია –  საქართველოს საგარეო საქმეთა მინისტრის მოადგილე

ლევან ყიფიანი –  საქართველოს სპორტისა და ახალგაზრდობის  საქმეთა მინისტრი

სოზარ სუბარი –  საქართველოს  სასჯელაღსრულების, პრობაციისა და იურიდიული დახმარების საკითხთა მინისტრი

ირაკლი ღარიბაშვილი –  საქართველოს შინაგან საქმეთა მინისტრი

დავით დარახველიძე    საქართველოს ოკუპირებული ტერიტორიებიდან იძულებით გადაადგილებულპირთა, განსახლებისა და ლტოლვილთა მინისტრი

გიორგი კვირიკაშვილი   – საქართველოს ეკონომიკისა და მდგარადი განვითარების მინისტრი

გიორგი მარგველაშვილი   საქართველოს განათლებისა და მეცნიერების მინისტრი, ვიცე‑პრემიერი

დავით სერგეენკო – საქართველოს შრომის, ჯანმრთელობისა და სოციალური დაცვის მინისტრი

კონსტანტინე  სურგულაძე   – საქართველოს სახელმწიფო მინისტრი დიასპორის საკითხებში

პაატა ზაქარეიშვილი  – საქართველოს სახელმწიფო მინისტრი რეინტეგრაციის საკითხებში

გიორგი ბარამია   – აფხაზეთის ავტონომიური რესპუბლიკის მთავრობის თავმჯდომარე

არჩილ ხაბაძე    –აჭარის ავტონომიური რესპუბლიკის მთავრობის თავმჯდომარე

გიორგი უგულავა   – ქალაქ თბილისის მერი

ლევან სამადაშვილი    – სსიპ – სახელმწიფო სერვისების განვითარების სააგენტოს თავმჯდომარე

თენგიზ ცეკვავა   – სსიპ – საქართველოს სტატისტიკის ეროვნული სამსახურის აღმასრულებელი დირექტორის მოადგილე

ეკატერინე კერესელიძე  – სსიპ – საჯარო რეესტრის ეროვნული სააგენტოს თავმჯდომარე

ზურაბ ხარატიშვილი   – საქართველოს ცენტრალური საარჩევნო კომისიის თავმჯდომარე

პაატა შავიშვილი       – სსიპ – საქართველოს სტატისტიკის ეროვნული სამსახურის მოსახლეობის აღწერისა და დემოგრაფიის სამმართველოს უფროსის დროებით მოვალეობის შემსრულებელი, კომისიის პასუხისმგებელი მდივანი.

საქართველოს მთავრობის 201 2 წლის 26 ივნისის დადგენილება №298 - ვებგვერდი,27.07.2012წ.

საქართველოს მთავრობის 2013 წლის 15 თებერვლის დადგენილება №28 – ვებგვერდი, 19.02.2013წ.

მუხლი 2 . ეთხოვოს გაეროს მოსახლეობის ფონდის საქართველოს წარმომადგენლობას კომისიის მუშაობაში მონაწილეობის მისაღებად წარმოადგინოს თავისი წარმომადგენელი, აგრეთვე საჭიროების შემთხვევაში, კომისიის მუშაობაში მონაწილეობის მისაღებად მოწვეულ იქნენ სსიპ – საქსტატის საბჭოს წევრები ან/და დემოგრაფები.

საქართველოს მთავრობის 2013 წლის 15 თებერვლის დადგენილება №28 – ვებგვერდი, 19.02.2013წ.

მუხლი 3. კომისიამ საქართველოს მთავრობის სხდომებზე პერიოდულად წარადგინოს ინფორმაცია მოსახლეობის აღწერასთან დაკავშირებული ღონისძიებების მიმდინარეობის შესახებ.

მუხლი 4. დამტკიცდეს საქართველოს მოსახლეობის აღწერის საკოორდინაციო სამთავრობო კომისიის თანდართული დებულება.

მუხლი 5. დადგენილება ამოქმედდეს გამოქვეყნებისთანავე.

პრემიერ -მინისტრი  ნ . გილაური

შეტანილი ცვლილებები:

1. საქართველოს მთავრობის 2012 წლის 26 ივნისის დადგენილება №298 - ვებგვერდი, 27.07.2012წ.

2. საქართველოს მთავრობის 2013 წლის 15 თებერვლის დადგენილება №28 – ვებგვერდი, 19.02.2013წ.

მოსახლეობის აღწერის საკოორდინაციო სამთავრობო კომისიის დებულება

    მუხლი 1. ზოგადი დებულებები

1. მოსახლეობის აღწერის საკოორდინაციო სამთავრობო კომისია (შემდგომში – კომისია) არის სათათბირო ორგანო, რომელიც იქმნება ქვეყანაში მოსახლეობის აღწერის თარიღის განსაზღვრის, მოსამზადებელი სამუშაოების შესრულების, მისი ორგანიზებულად ჩატარების, წამოჭრილი საკითხებისა და პრობლემების ოპერატიულად გადაწყვეტის უზრუნველსაყოფად.

2. კომისია თავისი საქმიანობისას ხელმძღვანელობს საქართველოს კონსტიტუციით, საქართველოს პრეზიდენტისა და საქართველოს მთავრობის აქტებით, მოქმედი კანონმდებლობით და ამ დებულებით.

საქართველოს მთავრობის 2013 წლის 15 თებერვლის დადგენილება №28 – ვებგვერდი, 19.02.2013წ.

    მუხლი 2. კომისიის ძირითადი ამოცანები

კომისიის ძირითადი ამოცანებია:

ა) აღმასრულებელი ხელისუფლების დაწესებულებებისა და ადმინისტრაციულ-ტერიტორიულ ერთეულებში შექმნილი საკოორდინაციო კომისიების მონაწილეობისა და საქმიანობის კოორდინაცია აღწერასთან დაკავშირებული ღონისძიებების მომზადებ ა სა და განხორციელებ აში ;

ბ) აღწერის ორგანიზებისათვის ხელშეწყობა და ამ მიზნით სათანადო დასკვნებისა და რეკომენდაციების შემუშავება;

გ) აღწერასთან დაკავშირებული ღონისძიებების განხორციელების პროცესში წარმოქმნილი სირთულეებისა და პრობლემების შესწავლა და გადაწყვეტილებების ოპერატიულად მიღება;

დ) პერიოდულად თითოეულ ადმინისტრაციულ-ტერიტორიულ ერთეულში აღწერასთან დაკავშირებული ღონისძიებების მიმდინარეობის შესახებ ინფორმაციის მოსმენა, ღონისძიებების დასახვა ხარვეზების სასწრაფოდ აღმოსაფხვრელად;

ე) აღწერის შედეგების კონტროლის მიზნით შესაბამისი ღონისძიებების დაგეგმვა-განხორციელება.

    მუხლი 3. კომისიის უფლებამოსილებანი

კომისია უფლებამოსილია:

ა) თავის კომპეტენციას მიკუთვნებულ საკითხებთან დაკავშირებით საქართველოს პრეზიდენტსა და საქართველოს მთავრობას წარუდგინოს სამართლებრივი აქტების პროექტები;

ბ) დაამტკიცოს მოსახლეობის საყოველთაო აღწერის პროგრამა და მეთოდოლოგია;

გ) თავის კომპეტენციას მიკუთვნებულ საკითხებთან დაკავშირებით მოითხოვოს ყველა სახის საჭირო ინფორმაცია საქართველოს სამთავრობო დაწესებულებებისაგან, უწყებებისა და სხვა ორგანიზაციებისაგან;

დ) საჭიროების შემთხვევაში სხდომაზე მოიწვიოს სამინისტროების, უწყებების და ორგანიზაციების დაინტერესებული და პაუხისმგებელი პირები, აგრეთვე დამოუკიდებელი ექსპერტები.

საქართველოს მთავრობის 2013 წლის 15 თებერვლის დადგენილება №28 – ვებგვერდი, 19.02.2013წ.

    მუხლი 4. კომისიის თავმჯდომარე და კომისიის პასუხისმგებელი მდივანი

1. კომისიის თავმჯდომარე:

ა) ხელმძღვანელობს კომისიის საქმიანობას;

ბ) ამტკიცებს კომისიის სამუშაო განრიგს;

გ) იწვევს და წარმართავს კომისიის სხდომებს;

დ) ქმნის უწყებათაშორის სამუშაო ჯგუფებს;

ე) წარმოადგენს კომისიას მესამე პირთან ურთიერთობაში.

2. კომისიის პასუხისმგებელი მდივანი:

ა) უზრუნველყოფს კომისიის სხდომის გამართვის ორგანიზებას;

ბ) პასუხისმგებელია კომისიის სხდომის ოქმის სწორად და ზუსტად შედგენის, სხდომათა მასალების შენახვისა და დაცვისათვის.

    მუხლი 5. კომისიის სხდომის ჩატარების წესი

1. კომისიის სხდომა იმართება პერიოდულად, სულ ცოტა სამ თვეში ერთხელ მაინც , კომისიის თავმჯდომარის გადაწყვეტილებით ან საჯარო სამართლის იურიდიული პირის – საქართველოს სტატისტიკის ეროვნული სამსახურის წინადადებით, დამტკიცებული დღის წესრიგის მიხედვით.

2. კომისიის სხდომას ხელმძღვანელობს თავმჯდომარე, ხოლო მისი არყოფნის შემთხვევაში, მისი დავალების შესაბამისად, – ერთ-ერთი მოადგილე.

3. სხდომა უფლებამოსილია მიიღოს გადაწყვეტილება, თუ მას ესწრება კომისიის წევრთა ნახევარზე მეტი.

4. კომისიის სხდომაზე გადაწყვეტილება მიიღება დამსწრეთა უბრალო უმრავლესობით, მაგრამ არანაკლებ კომისიის შემადგენლობის ერთი მესამედის თანხმობით.

5. კომისიის გადაწყვეტილება აისახება სხდომის ოქმში, რომელსაც ხელს აწერენ სხდომის თავმჯდომარე და კომისიის პასუხისმგებელი მდივანი. ოქმში უნდა აისახოს კომისიის ნებისმიერი წევრის კენჭისყრაში მონაწილეობის შესახებ თავშეკავების ან უარის თქმის მიზეზი (თუ კომისიის წევრი ამის შესახებ სხდომაზე განაცხადებს), აგრეთვე – სხდომაზე გამოთქმული ყველა განსხვავებული აზრი.

    მუხლი 6. დებულებაში ცვლილებებისა და დამატებების შეტანის წესი

კომისიის დებულებაში ცვლილებები სა და დამატებები ს შეტანა ხდება მოქმედი კანონმდებლობი თ დადგენილი წესის შესაბამისად .

 

Annotate