ხულოს მუნიციპალიტეტის საკრებულოში სტაჟირების გავლის წესის დამტკიცების შესახებ

ხულოს მუნიციპალიტეტის საკრებულოს

დადგენილება №20

2012 წლი ს 27 აპრილი

დაბა ხულო

ხულო ს მუნიციპალიტეტის საკრებულოში სტაჟირების გავლის წესის დამტკიცების შესახებ

„ადგილობრივი თვითმმართველობის შესახებ“ საქართველოს ორგანული კანონის 22-ე და 43-ე მუხლების შესაბამისად, ხულოს მუნიციპალიტეტის საკრებულომ დაადგინა:

    მუხლი 1.

დამტკიცდეს ხულოს მუნიციპალიტეტის საკრებულოში სტაჟირების გავლის წესი , დანართი №1-ის შესაბამისად.

    მუხლი 2.  

დამტკიცდეს ხულოს მუნიციპალიტეტის საკრებულოში სტაჟირების გავლის დამადასტურებელი სერტიფიკატის ფორმა , დანართი №2-ის შესაბამისად.

    მუხლი 3.   

დადგენილება ძალაშია გამოქვეყნებისთანავე.

 

საკრებულოს თავმჯდომარე                                  ნ. თავართქილაძე         

დანართი №1

 ხულოს მუნიციპალიტეტის საკრებულოში სტაჟირების გავლის წესი

თავი I

ზოგადი დებულებანი

    მუხლი 1

1. წინამდებარე წესი განსაზღვრავს ხულოს მუნიციპალიტეტის საკრებულოში სტაჟირების გავლის წესსა და პირობებს.

2. ხულოს მუნიციპალიტეტის საკრებულოს მიზანია აღნიშნული წესის საფუძველზე უზრუნველყოს მაღალკვალიფიციური კადრების მომზადებისათვის, მათი პროფესიული ცოდნის გაღრმავებისათვის, პრაქტიკული უნარ-ჩვევების გამომუშავებისა და სრულყოფისათვის საჭირო პირობების შექმნა.

    მუხლი 2

  ამ წესში გამოყენებულ ტერმინებს აქვთ შემდეგი მნიშვნელობა:

 ა) სტაჟირება – ხულოს მუნიციპალიტეტის საკრებულოში ამ წესით გათვალისწინებული საქმიანობა, რომელიც არ ანაზღაურდება;

 ბ) სტაჟიორი – პირი, რომელიც ამ წესის შესაბამისად გადის სტაჟირებას ხულოს მუნიციპალიტეტის საკრებულოში;

 გ) კანდიდატი – პირი, რომელიც ხულოს მუნიციპალიტეტის საკრებულოში წარადგენს განაცხადს სტაჟირების გავლის შესახებ;

 დ) უშუალო ხელმძღვანელი – ხულოს მუნიციპალიტეტის საკრებულოს თავმჯდომარის მიერ ამ წესის შესაბამისად განსაზღვრული პირი, რომელიც სტაჟირების მთელ პერიოდში ხელმძღვანელობს სტაჟიორის საქმიანობას.

თავი II

სტაჟიორის სტატუსი

    მუხლი 3

1. სტაჟიორად მიიღება მხოლოდ უმაღლესი განათლების მქონე პირი ან უმაღლესი სასწავლებლის დამამთავრებელი კურსის სტუდენტი შესაბამისი სპეციალობის მიხედვით.

2. კანდიდატი სტაჟირების გავლისათვის უნდა აკმაყოფილებდეს შემდეგ აუცილებელ მოთხოვნებს:

 ა) იყოს საქართველოს ქმედუნარიანი მოქალაქე;

 ბ) სრულყოფილად ფლობდეს საქართველოს სახელმწიფო ენას;

 გ) ფლობდეს კომპიუტერულ საოფისე პროგრამებს;

 დ)    იცოდეს ,,ადგილობრივი თვითმმართველობის შესახებ“ საქართველოს ორგანული კანონი და „ხულოს მუნიციპალტეტის საკრებულოს დებულების (რეგლამენტის) დამტკიცების შესახებ” ხულოს მუნიციპალიტეტის საკრებულოს 2010 წლის 26 აგვისტოს №15 დადგენილება.

    მუხლი 4

1. კანდიდატმა უნდა წარმოადგინოს:

 ა) განცხადება ხულოს მუნიციპალიტეტის საკრებულოს თავმჯდომარის სახელზე;

 ბ) პირადობის დამადასტურებელი დოკუმენტის ასლი;

 გ) დიპლომის ასლი ან ცნობა უმაღლესი სასწავლებლიდან;

 დ) ავტობიოგრაფია (CV, რეზიუმე);

 ე) ორი ფოტოსურათი (3X4).

 2. განცხადების წარდგენიდან არა უგვიანეს ორი კვირისა კანდიდატი გასაუბრებას გადის ხულოს მუნიციპალიტეტის საკრებულოს თავმჯდომარესთან, თავმჯდომარის მოადგილესთან, აპარატის უფროსთან და აპარატის მთავარ სპეციალისტთან იურიდიულ საკითხებში ამ დადგენილების მე-3 მუხლის მე-2 პუნქტის ,,დ“ ქვეპუნქტში მითითებული სამართლებრივი აქტების ირგვლივ.

3. კანდიდატის სტაჟიორად მიღების ან მიღებაზე უარის თქმის შესახებ გადაწყვეტილებას იღებს საკრებულოს თავმჯდომარე, დადებითი გადაწყვეტილების მიღების შემთხვევაში საკრებულოს თავმჯდომარე განსაზღრავს სტაჟიორის უშუალო ხელმძღვანელის ვინაობას.

4. სტაჟირების ვადა არ უნდა აღემატებოდეს სამ თვეს.

5.  ხულოს მუნიციპალიტეტის საკრებულოში სტაჟიორთა რაოდენობა არ უნდა აღემატებოდეს სამ ერთეულს.

6. სტაჟიორის სამუშაო პერიოდი განისაზღვრება 11 სთ-დან 15 სთ-მდე.

თავი III

სტაჟიორის უფლებები და ვალდებულებები

    მუხლი 5

 სტაჟიორს უფლება აქვს:

1. გაეცნოს სტაჟირებისთვის საჭირო დოკუმენტაციას და სხვა მასალებს, ისარგებლოს სათანადო სამეცნიერო და ანალიტიკური ინფორმაციით.

2. დაესწროს საკრებულოს საჯარო სხდომებს, მონაწილეობა მიიღოს მათ ორგანიზაციულ-ტექნიკურ უზრუნველყოფაში.

    მუხლი 6

 სტაჟიორი ვალდებულია:

1. გაეცნოს და იხელმძღვანელოს იმ ნორმატიული აქტებით, რომლებიც აწესრიგებ ს და განსაზღვრავ ს ხულოს მუნიციპალიტეტის საკრებულოს უფლებამოსილებებს, დაიცვას შრომის კანონმდებლობით და შინაგანაწესით დადგენილი ნორმები.

2. გაეცნოს საკრებულოს მუშაობის სპეციფიკას, საქმიანობის სფეროს, საზედამხედველო და ორგანიზაციულ საქმიანობას, სხვადასხვა საკითხების მომზადებისა და დოკუმენტების შედგენის პრაქტიკას; თანამშრომელთა ცოდნა და გამოცდილება გამოიყენოს მასზე დაკისრებული მოვალეობის შესრულებისათვის.

3.  უშუალო ხელმძღვანელის მითითებით შეასრულოს სამსახურის საქმიანობასთან დაკავშირებული კონკრეტული დავალებები.

4. გაეცნოს ხულოს მუნიციპალიტეტის საკრებულოს მიერ მიღებულ დადგენილებას ,,ხულოს მუნიციპალიტეტის საკრებულოში სტაჟირების გავლის წესის შესახებ“.

თავი IV

ხულოს მუნიცი პ ალიტეტის საკრებულოს ვალდებულება სტაჟიორის მიმართ

    მუხლი 7

 ხულოს მუნიციპალიტეტის საკრებულო სტაჟიორს უქმნის სათანადო პირობებს პროფესიული უნარ-ჩვევებისა და პრაქტიკული გამოცდილების შესაძენად.

  მუხლი 8

სტაჟიორის უშუალო ხელმძღვანელი ვალდებულია:

 ა) პირადად გაუწიოს ზედამხედველობა სტაჟიორის საქმიანობას;

 ბ) პერიოდულად მიაწოდოს სტაჟიორს სასწავლო თემატიკა, მისცეს დავალებები და უზრუნველყოს შესაბამისი ინფორმაციით;

 გ) ხელი შეუწყოს სტაჟიორს მისთვის დაკისრებული მოვალეობების შესრულებაში.

თავი V

სტაჟირების სხვა პირობები, სტაჟირების დასრულება და სერტიფიკატის გაცემა

    მუხლი 9

1. სტაჟირების შეწყვეტის საფუძველია:

 ა) სტაჟირების პერიოდში არასაპატიო მიზეზით 5 დღის განმავლობაში ან სტაჟირების ვადის 1/4-ის განმავლობაში სტაჟირების გავლის ადგილას გამოუცხადებლობა;

 ბ) დავალებების შეუსრულებლობა ან არაჯეროვანი შესრულება;

 გ) პირადი განცხადება;

 დ) სტაჟირების ვადის გასვლა (სტაჟირების დასრულება).

2. სტაჟირების შეწყვეტის შესახებ გადაწყვეტილებას იღებს საკრებულოს მუნიციპალიტეტის საკრებულოს თავმჯდომარე სტაჟიორის უშუალო ხელმძღვანელის რეკომენდაციის საფუძველზე.

3.  სტაჟირების პროცედურის საერთო კოორდინაციას ახორციელებს ხულოს მუნიციპალიტეტის საკრებულოს აპარატის უფროსი, რომელიც იბარებს კანდიდატთა საბუთებს და უზრუნველყოფს ყველა საჭირო დოკუმენტის მომზადებას.

    მუხლი 10

1. სტაჟირების დასრულების შემდგომ სტაჟიორის მიერ შეძენილ ცოდნასა და პრაქტიკულ უნარ-ჩვევებს აფასებს ხულოს მუნიციპალიტეტის საკრებულოს თავმჯდომარე, სტაჟიორის უშუალო ხელმძღვანელის რეკომენდაციის საფუძველზე.

2. სტაჟირების შედეგები შეიძლება შეფასდეს დადებითად ან უარყოფითად.

3. სტაჟირების შედეგების დადებითად შეფასების შემთხვევაში გაიცემა შესაბამისი სერტიფიკატი.

 

 

                                                                                                          დანართი №2                                                                                                          

ხულოს მუნიციპალიტეტის საკრებულოში სტაჟირების გავლის დამადასტურებელი

 

 

სერტიფიკატი

 

 

 

 

 

სერტიფიკატი ეძლევა

 

 

–––––––––––––––––––––––––––––––––––––––

სახელი, გვარი

ხულო ს მუნიციპალიტეტის საკრებულოში სტაჟირების

წარმატებით დასრულებისათვის

–––––––––––––––––––––––––––––––––    ––––––––––––––––––––

ხელმოწერა                                        თარიღი