საარჩევნო პროცედურის განსაზღვრის თაობაზე

საქართველოს საარჩევნო ადმინისტრაცია

საქართველოს ცენტრალური საარჩევნო კომისიის

დადგენილება №41/2012

2012 წ ლის 21 სექტემბერი

ქ. თბილისი

საარჩევნო პროცედურის განსაზღვრის თაობაზე

„საქართველოს საარჩევნო კოდექსი“ საქართველოს ორგანული კანონის მე-14 მუხლის მე-3 პუნქტისა და 77-ე მუხლის მე-5 პუნქტის საფუძველზე, საქართველოს ცენტრალური საარჩევნო კომისია ადგენს:

მუხლი 1. ამომრჩეველი კენჭისყრაში მონაწილეობს თუ:

საქართველოს მოქალაქის პირადობის დამადასტურებელ დოკუმენტში მითითებულ პირად ნომერთან ერთად, სრულად ემთხვევა „საქართველოს საარჩევნო კოდექსი” საქართველოს ორგანული კანონის 31-ე მუხლის მე-2 პუნქტით განსაზღვრულ შემდეგ მონაცემთაგან 3 მაინც:

ა) სახელი;

ბ) გვარი;

გ) დაბადების თარიღი (რიცხვი, თვე, წელი);

დ) მისამართი.

მუხლი 2. ეს დადგენილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე-12 კილომეტრი, №6) მისი მიღებიდან 2 კალენდარული დღის ვადაში.

მუხლი 3. ეს დადგენილება ამოქმედდეს გამოქვეყნებისთანავე.

კომისიის თავმჯდომარე                 ზ. ხარატიშვილი

კომისიის მდივანი                გ. მჭედლიძე