ფუნქც. კოდი დასახელება 2011 ფაქტი 2012 გეგმა 2013 გეგმა

ხაშურის მუნიციპალიტეტის საკრებულოს 2013 წლის 14 იანვრის დადგენილება №4 - ვებგვერდი, 18.01.2013წ.

  განისაზღვროს მუნიციპალიტეტის ბიუჯეტის ფინანსური აქტივების ცვლილება   -911,4  ათასი ლარის ოდენობით.

ხაშურის მუნიციპალიტეტის საკრებულოს 2013 წლის 14 იანვრის დადგენილება № 4 - ვებგვერდი, 18.01.2013წ.

ხაშურის მუნიციპალიტეტის საკრებულოს 2013 წლის 14 იანვრის დადგენილება № 4 - ვებგვერდი, 18.01.2013წ.

1. თავდაცვა , საზოგადოებრივი წესრიგი და უსაფრთხოება

  წყალდიდობის, სახანძრო და სხვა უბედური შემთხვევების პრევენციის მიზნით აუცილებელია სახანძრო დაცვის სამსახურის თანამშრომელთა სახანძრო  ტექნიკური ინვენტარით უზრუნველყოფა. პერსონალისათვის სათანადო ხარისხის ინდივიდუალური და ჯგუფური წვრთნების ჩატარება და პროფესიული დონის ამაღლება, კომუნალური პირობების გაუმჯობესება. არსებული რესურსებისა და მოთხოვნების გათვალისწინებით სპეციალური ტანსაცმლით უზრუნველყოფა, რაც აუცილებელია მაშველების ოპერატიული მოქმედებისათვის.

საქართველოს შეიარაღებული ძალების საბრძოლო მზადყოფნის ამაღლებისათვის ხაშურის მუნიციპალიტეტში ხორციელდება წვევამდელთა აღრიცხვა და მათი გაწვევის პუნქტებამდე ტრანსპორტირების უზრუნველყოფა.

1.1. საგანგებო სიტუაციების მართვა ( პროგრამული კოდი 02 01)

გამოწვეული წყალდიდობის, სახანძრო და სხვა უბედური შემთხვევების პრევენციის მიზნით სახანძრო დაცვის სამსახურის კომუნალური პირობების გაუმჯობესება. არსებული რესურსებისა და მოთხოვნების გათვალისწინებით სახანძრო და სამაშველო ტექნიკური ინვენტარითა და სპეციალური სატრანსპორტო საშუალებით   უზრუნველყოფა, რაც აუცილებელია მაშველების ოპერატიული მოქმედებისათვის.

1.2   საზოგადოებრივი წესრიგისა და უსაფრთხოების ხელშეწყობა ( პროგრამული კოდი 02 02)

ხაშურის მუნიციპალიტეტი უზრუნველყოფს 2012 წელში აღებული ვალდებულების დაფარვას, რაც გამოიხატება კომუნალური ხარჯების ანაზღაურებაში. 

1.3.  ქვეყნის თავდაცვისუნარიანობის ამაღლების ხელშეწყობა ( პროგრამული კოდი 02 03)

საქართველოს შეიარაღებული ძალების საბრძოლო მზადყოფნის ამაღლებისათვის ხაშურის მუნიციპალიტეტში ხორციელდება წვევამდელთა აღრიცხვა და მათი გაწვევის პუნქტებამდე ტრანსპორტირების უზრუნველყოფა.

2. ინფრასტრუქტურის მშენებლობა , რეაბილიტაცია და ექსპლოატაცია ( პროგრამული კოდი 03 00)

მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალური ინფრასტრუქტურის შემდგომი გაუმჯობესება და აღნიშნული მიმართულება ბიუჯეტის ერთ-ერთი მთავარ პრიორიტეტია. პრიორიტეტის ფარგლებში გაგრძელდება საგზაო ინფრასტრუქტურის მშენებლობა-რეაბილიტაცია. მნიშვნელოვანი როლი ენიჭება კომუნალური ინფრასტრუქტურის განვითარებას, რომლის ფარგლებშიც დაგეგმილია: სანიტარული დასუფთავება, საყოფაცხოვრებო ნარჩენების გატანა,  მაწანწალა ცხოველებთან და მღრღნელებთან ბრძოლა. მუნიციპალური ინფრასტრუქტურის მშენებლობისა და რეაბილიტაციის გარდა პრიორიტეტის ფარგლებში განხორციელდება არსებული ინფრასტრუქტურის მოვლა-შენახვა და დაფინანსდება მის ექსპლოატაციასთან დაკავშირებული ხარჯები.

2.1. გზების მშენებლობის , რეკონსტრუქციისა და მოვლა - შენახვის ხარჯები ( პროგრამული კოდი 03 01 01)   

დიდთოვლობის შედეგად მოსალოდნელი გართულებების თავიდან აცილების მიზნით, ტრანპორტისა და ქვეითად მოსიარულეთა უსაფრთხო გადაადგილებისათვის განხორციელდება ქალაქ ხაშურში ცენტრალური ქუჩების, ადგილობრივი მნიშვნელობის გზების და მუნიციპალიტეტის დასახლებასთან დამაკავშირებელი შიდა გზების გაწმენდა თოვლის საფარისაგან.

საგზაო ინფრასტრუქტურის რეაბილიტაციის მიზნით დაგეგმილია სატრანსპორტო საშუალების (ტრაქტორის) შესყიდვა. დაგეგმილია ქალაქ ხაშურში კ. ტაბატაძის ქუჩის, ბორჯომის ქუჩაზე 9 სართულიანი ბინის მიმდებარედ შემავალი ცხვირაშვილის ქუჩის, 9 აპრილის ქუჩის, თამარ მეფის ქუჩის ტროტუარების, ვაჩნაძის ქუჩის ასფალტირების სამუშაოები,  რუსთაველის ქუჩისა და მიწისქვეშა გადასასვლელის კეთილმოწყობა. ქალაქ ხაშურში ასფალტირებულ ქუჩებზე  ავტოტრანსპორტის მოძრაობის სიჩქარის შემზღუდავი ბარიერებისა (ე.წ. ,,მწოლიარე პოლიციელი") და საგზაო ნიშნების მოწყობა.

2.2. თვითმმართველობის ტერიტორიაზე საგზაო მოძრაობის დაგეგმარების და საგზაო ნიშნების მოწესრიგების ხარჯები ( პროგრამული კოდი   03 01 02)

ხაშურის მუნიციპალიტეტის დასახლებებში, უპირველეს ყოვლისა, ქალაქ ხაშურში და დაბა სურამში არსებულ ცენტრალურ ქუჩებზე საგზაო მოძრაობის ოპტიმალური გეგმის შემუშავება და შესაბამისი საგზაო ნიშნების დამონტაჟება-მოწყობა, რაც ხელს შეუწყობს სატრანსპორტო ნაკადებისაგან დასახლებების განტვირთვას.   

  2.3. კომუნალური ინფრასტრუქტურის მშენებლობა , რეაბილიტაცია და ექსპლოატაცია ( პროგრამული კოდი   03 02)

  კომუნალური მეურნეობის განვითარება, რომლის ფარგლებშიც მომდევნო წლების განმავლობაში იგეგმება  სანიტარიული პირობების გაუმჯობესება,  გარე განათების სისტემების მოწყობა, დაგეგმილია მრავალბინიანი საცხოვრებელი სახლების დაზიანებული სახურავების რეაბილიტაცია. აღნიშნული პროექტების განხორციელება ხელს შეუწყობს მოქალაქეთა საყოფაცხოვრებო პირობების გაუმჯობესებას.

2.3.1. გარე განათების მოწყობა , რეაბილიტაცია და ექსპლოატაცია ( პროგრამული კოდი   03 02 01)

მოსახლეობის კომფორტული და უსაფრთხო გადაადგილებისათვის აუცილებელ პირობას წარმოადგენს მუნიციპალიტეტის გარე განათება, ქვეპროგრამის ფარგლებში დაფინანსდება გარე განათების არსებული ქსელის ექსპლოატაცია და მოვლა-შენახვა, რაც მოიცავს გარე განათების ობიექტების კვების უზრუნველყოფისა და მართვის სისტემების მწყობრიდან გამოსული ელემენტების ამოცვლა-დამონტაჟებას და ჩამრთველის პუნქტების შეკეთებას. აღნიშნული სამუშაოების ხელშეწყობის მიზნით დაგეგმილია სატრანსპორტო საშუალების  შესყიდვა,

2.3.2. დასუფთავების ღონისძიებები ( პროგრამული კოდი   03 02 02)

ქვეპროგრამის ფარგლებში დაგეგმილია ქალაქ ხაშურში და დაბა სურამში ცენტრალური ქუჩების დაგვა-დასუფთავება, ბორდიურებისა და კიუვეტების გაწმენდა, ხაშურის მუნიციპალიტეტზე გამავალი გზატკეცილის მიმდებარე ტერიტორიების გასუფთავება, ქალაქ ხაშურის, დაბა სურამის, სოფლების: ქვიშხეთის,  ტაშისკრის,  ცხრამუხის, ოსიაურის,  გომის, ვაყის, ალის, ხცისის ტერიტორიიდან საყოფაცხოვრებო ნარჩენების გატანა. დაგეგმილია აგრეთვე მუნიციპალიტეტის ტერიტორიაზე გადამდებ დაავადებათა გავრცელების საწინააღმდეგო ღონისძიებათა გატარება იმ ცხოველების მიმართ, რომლებიც საფრთხეს უქმნიან საზოგადოების ჯანმრთელობას (მაწანწალა ცხოველების იზოლირება და მოვლა–პატრონობა). აღნიშნული ღონისძიებების ხელშეწყობის მიზნით დაგეგმილია ცხოველებისათვის საჭირო ფართის მოწყობა და ავტოტრანსპორტის შესყიდვა, ხოლო დასუფთავების ღონისძიებების გაუმჯობესების მიზნით ნაგავშემკრები ავტომანქანისა და სანაგვე ურნების შესყიდვა.

2.3.3. საკანალიზაციო სისტემების მოწყობა და რეაბილიტაცია ( პროგრამული კოდი     03 02 03)

კომუნალური მეურნეობის განვითარება, რომლის ფარგლებშიც მიმდინარე წლის განმავლობაში იგეგმება დაბა სურამის და   ქალაქ ხაშურის ტერიტორიაზე საკანალიზაციო სისტემების მშენებლობა. ასევე განხორციელდება 2012 წელში შესრულებული ინფრასტრუქტურული პროექტების დაფინასება.

2.3.4. წყლის სისტემების რეაბილიტაცია  ( პროგრამული კოდი   03 02 05)

 წყალმომარაგების უზრუნველყოფის მიზნით დაგეგმილია, წყლის ტუმბოების მიერ მოხმარებული ელექტროენერგიის ღირებულების გადახდა. განხორცილედება სოფელ ფლევში სასმელი  წყლის სისტემის მოწყობის დამტებითი სამუშაოები. ასევე განხორციელდება 2012 წელში შესრულებული ინფრასტრუქტურული პროექტების დაფინასება.

2.3.5. მდინარეების , არხების რეაბილიტაციისა და გაწმენდის ღონიძიებები ( პროგრამული კოდი   03 02 07)

წვიმების შედეგად მოსალოდნელი გართულებების თავიდან აცილების მიზნით დაგეგმილია ქალაქ ხაშურში მდინარე შოლას კალაპოტის წმენდის ღონიძიებები.

2.3.6. ნაპირსამაგრი ნაგებობების მოწყობა , რეაბილიტაცია და ექსპლუატაცია ( პროგრამული კოდი   03 02 08)

დაგეგმილია ქალაქ ხაშურში მდინარე სურამულას ნაპირსამაგრი (ბეტონის კედლის) მოწყობა-რეაბილიტაცია.

2.3.7. ბინათმშენებლობა ( საცხოვრებელი სახლების სახურავების რეაბილიტაცია ) ( პროგრამული კოდი 03 02 10)

მოქალაქეთა საყოფაცხოვრებო პირობების გაუმჯობესების მიზნით დაგეგმილია მრავალბინიანი საცხოვრებელი სახლის დაზიანებული სახურავისა  და გარე ფასადის სარეაბილიტაციო სამუშაოები.

2.4. სოფლის მხარდაჭერის პროგრამის ფარგლებში განსახორციელებელი ღონისძიებები ( პროგრამული კოდი   03 03)

სოფლის მხარდაჭერის პროგრამის ფარგლეში,  2012 წელს მიღებული და აუთვისებელი ნაშთით, შესაბამისი სოფლის მოსახლეობის გადაწყვეტილების საფუძველზე, განხორციელდება დაგეგმილი ინფრასტრუქტურული ღონისძიებები და ასევე  2012 წელში შესრულებული პროექტების   დაფინასება. ამასთანავე  განხორციელდება 2013 წელში გამოყოფილი სოფლის მხარდაჭერის პროგრამის ფარგლებში, ხაშურის მუნიციპალიტეტის დასახლებებში  სოფლის პირველი რიგი სოციალურ-ეკონომიკური პროექტები.

2.5.  კეთილმოწყობის სამუშაოები ( პროგრამული კოდი   03 04)

 მნიშვნელოვანი როლი ენიჭება მუნიციპალიტეტის კეთილმოწყობას და მისი იერსახის გაუმჯობესებას, რომლის ფარგლებშიც დაგეგმილია ქალაქ ხაშურის გამწვანების და მწვანე ნარგავების მოვლა-შენახვის მიზნით გასატარებელი ღონისძიებები,  სხვადასხვა   სადღესასწაულო დღეების დროს  ქალაქ ხაშურის გაფორმებითი ღონისძიებების უზრუნველყოფა.

2.5.1. ქალაქის გამწვანების და მწვანე ნარგაობების მოვლა - შენახვის მიზნით გასატარებელი ღონისძიებები ( პროგრამული კოდი   03 04 01)

ქვეპროგრამის ფარგლებში განხორციელდება ქალაქ ხაშურში არსებული სკვერების  მოვლა-პატრონობა, რაც მოიცავს: დეკორატიული ბორდ-ბუჩქების გასუფთავებას ხმელი და ზედმეტი ტოტებისაგან,  ნიადაგის დაბარვას და გასწორება-გაფხვიერებას ფოცხით, ტერიტორიის დაგვა-დასუფთავებას და ნაგვის გატანას, გაზონების და ბალახების გათიბვას ცელით და გატანას, ქალაქ ხაშურში  არსებული   ხეების მოჭრა-გადაბელვას.

2.5.2. დასასვენებელი პარკების კეთილმოწყობა ( პროგრამული კოდი   03 04 02)

ქალაქ ხაშურში თამარ მეფის ქუჩაზე 2012 წელში შესრულდა დასასვენებელი სკვერის მოწყობის სამუშაოები და  განხორციელდება აღნიშნული პროექტების   დაფინანსება.

  2.5.3.   სასოფლო და არასასოფლო მეურნეობის მიწის ნაკვეთების პროექტებისათვის   საკადასტრო და აზომვითი სამუშაოების ჩატარების უზრუნველყოფა ( პროგრამული კოდი   03 04 03)

ქვეპროგრამის ფარგლებში დაგეგმილია ხაშურის მუნიციპალიტეტის საკუთრებაში ან სახელმწიფო საკუთრებაში არსებული სასოფლო-სამეურნეო დანიშნულების და არასასოფლო-სამეურნეო დანიშნულების მიწის ნაკვეთებისა და შენობა-ნაგებობების კანონმდებლობით დადგენილი წესით საჯარო რეესტრში რეგისტრაციისათვის, ასევე შენობა-ნაგებობების საამშენებლო და მათი ექსპლუატაციისათვის აუცილებელი ტექნიკური დოკუმენტაციის მომზადების უზრუნველყოფა.

2.5.4.  მუნიციპალიტეტის დასახლებაში სასაფლაოების მოწყობისა და მოვლის ღონისძიებები ( პროგრამული კოდი   03 04 06)

ქვეპროგრამის ფარგლებში განხორციელდება ხაშურის მუნიციპალიტეტის დასახლებაში სასაფლაოების მოვლა-პატრონობის უზრუნველყოფისა და სარიტუალო მომსახურების გაუმჯობესების ხელშეწყობა, რაც გულისხმობს სასაფლაოს ტერიტორიის დასუფთავებას, ავარიული ხე–მცენარეების მოჭრა-გადაბელვას, მისასვლელი გზების მოხრეშვა-დაპროფილებას და სხვა კეთილმოწყობის სამუშაოებს.

2.5.5. სამშენებლო სამუშაოების ზედამხედველობის , საპროექტო სახარჯთაღრიცხვო დოკუმენტაციისა და ექსპერტიზის ხარჯები ( პროგრამული კოდი 03 04 07)

ხაშურის მუნიციპალიტეტის მიერ დაგეგმილი პროგრამების ფარგლებში, ასევე დაფინანსების სხვა წყაროებიდან მიღებული შემოსავლების ფარგლებში განსახორციელებელი სამშენებლო-სარეაბილიტაციო მშენებლობისათვის შესაბამისი საპროექტო-სახარჯთაღრიცხვო დოკუმენტაციის შესადგენად, ზედამხედველობისა და საექსპერტო მომსახურებისათვის მოხდება საჭირო მომსახურების შესყიდვა.

2.5.6.  ქალაქ ხაშურში შადრევნის რეაბილიტაცია (( პროგრამული კოდი   03 04 08 )

დაგეგმილია ქალაქ ხაშურში მდებარე შადრევნის სარეაბილიტაციო სამუშოაები.

  2.5.7. ქალაქგაფორმებითი ღონისძიებები ( პროგრამული კოდი   03 04 09 )

ქვეპროგრამის ფარგლებში დაგეგმილია სხვადასხვა ღირსშესანიშნავი სადღესასწაულო დღეების დროს ქალაქგაფორმებითი ღონისძიებების უზრუნველყოფა.

3.  განათლება   ( პროგრამული კოდი  04 00)

სკოლამდელი განათლება წარმოადგენს მუნიციპალიტეტის ერთ-ერთ პრიორიტეტს, რომლის ფარგლებშიც განხორციელდება საბავშვო ბაღების ფუნქციონირებისათვის საჭირო ხარჯების დაფინანსება. პროგრამა მიმართულია თანამედროვე ტიპის სკოლამდელი აღზრდის დაწესებულებების ჩამოყალიბებისა და განვითარების მხარდასაჭერად. ასევე  მნიშვნელოვანია შესაძლებელი იყოს შეზღუდული შესაძლებლობების მქონე მოსწავლეებისათვის საშუალო ზოგადი განათლების მიღების  ხელმისაწვდომობა

3.1. სკოლამდელი განათლების დაფინანსება   ( პროგრამული კოდი   04 01)

მუნიციპალიტეტში ფუნქციონირებს 12 საბავშვო ბაღი, სადაც განათლებას იღებს 1064 ბავშვი.  ხაშურის მუნიციპალიტეტის ტერიტორიაზე, სკოლამდელი აღზრდის დაწესებულებების აღსაზრდელთა  თანადაფინანსება თითოეულ ბავშვზე შეადგენს 50 ლარს. ადგილობრივი თვითმმართველობა აღნიშნული პროგრამით ხელს უწყობს დაწესებულებებში დასაქმებულთა სტაბილური შრომის ანაზღაურებას და კვებისა და მატერიალური ბაზის გაუმჯობესებას,  რაც მთლიანობაში მშობელთა მიერ გადასახადის სახით გადახდილ თანხებთან ერთად უზრუნველყოფს აღნიშნული დაწესებულებების ფუნქციონირებისათვის სასიცოცხლო და უცილებელი მატერიალური და ფინანსური ბაზის შექმნას.  მუნიციპალიტეტის სოფლებში (ვაყა, ხცისი, ნაბახტევი, ფლევი, ქვიშხეთი, ტეზერი, ჩუმათელეთი, ბიჯნისი, წაღვლი, წრომი) ფუნქციონირებს ალტერნატიული  სააღმზრდელო ჯგუფები, დაგეგმილია ქალაქ ხაშურში №1 საბავშვო ბაღის რეაბილიტაცია.

3.2. საჯარო სკოლების დაფინანსება   ( პროგრამული კოდი   04 02)

შეზღუდული შესაძლებლობების მქონე მოსწავლეთა საშუალო ზოგადი განათლების მიღების ხელმისაწვდომობის მიზნით მუნიციპალიტეტის ტერიტორიაზე მდებარე საჯარო სკოლებში ფინანსდება პედაგოგთა შრომის ანაზღაურება იმ მოსწავლეების ბინაზე სწავლებისათვის, რომლებსაც ავადმყოფობის გამო ან სხვა საპატიო მიზეზით არ შეუძლიათ სასწავლო პროცესში მონაწილეობის მიღება.

3.3. შემოქმედ ბავშვთა განვითარების ხელშეწყობის ღონისძიებები ( პროგრამული კოდი   04 03)

აღნიშნული პროგრამა ხელს უწყობს შემოქმედებითი ნიჭით დაჯილდოვებული ბავშვებისა და მოზარდების გამოვლენას და მათ მოზიდვას საგანმანათლებლო სახელოვნებო სივრცეში, მოსწავლე ახალგაზრდობის დაინტერესებას ხელოვნების სხვადასხვა დარგებით, სასწავლო პროცესების ხელშეწყობის მიზნით შესაბამისი წრეების ფუნქციონირების უზრუნველყოფა, საბავშვო მუსიკალური თეატრ-სტუდიის ჩამოყალიბებისათვის ხელშეწყობა, შემოქმედი ბავშვების მიერ ხალხური ხელოვნების დარგების განვითარების ხელშეწყობა-პოპულარიზაცია, პროგრამა მოიცავს დასაქმებულთა შრომის ანაზღაურებას და ფუნქციონირებისათვის უცილებელ მატერიალურ და ფინანსურ მხარდაჭერას.

 4.   კულტურა , რელიგია , ახალგაზრდობის ხელშეწყობა და სპორტი   ( პროგრამული კოდი   05 00)

მუნიციპალიტეტის ერთ-ერთ მნიშვნელოვან პრიორიტეტს წარმოადგენს სპორტული და კულტურული ღონისძიებების ხელშეწყობა, მომავალი თაობის აღზრდის მიმართულებით, განათლების საჭირო პირობებით უზრუნველყოფა, რაც ხელს შეუწყობს მოსწავლე-ახალგაზრდობის ჩაბმას სპორტის სხვადასხვა სახეობებში და ჯანსაღი ცხოვრების წესის დამკვიდრებას.

4.1. სპორტის განვითარების ხელშეწყობა ( პროგრამული კოდი   05 01)

პროგრამის ფარგლებში დაფინანსება  სპორტული სკოლები და სპორტული ღონისძიებები, ასევე   არსებული ინფრასტრუქტურის მოვლა-შენახვა.

4.1.1.  სპორტული ღონისძიებების დაფინანსება ( პროგრამული კოდი   05 01 01)

პროგრამის ფარგლებში დაგეგმილია სპორტული ღონისძიებების ჩატარება სხვადასხვა სახეობებში (ფეხბურთი, კალათბურთი, ქართული ჭიდაობა, ჭიდაობა-ძიუდო, ჭიდაობა-სამბო, თავისუფალი ჭიდაობა, რაგბი, ჭადრაკი, ჩოგბურთი, ძალოსნობა, ბერძნულ-რომაული ჭიდაობა), მასობრივ სპორტულ ღონისძიებებში და ჩემპიონატებში მუნიციპალიტეტის წარმომადგენელთა მონაწილეობის მიღება,  მუნიციპალიტეტში სპორტული ღონისძიებების ჩატარება; რესპუბლიკურ ტურნირებზე სპორტსმენთა მივლინება; სასწავლო საწრთვნელი და ფიზიკური მომზადებისათვის შეკრებების მოწყობა; სპორტსმენთა წახალისება; სპორტული ღონისძიებებისათვის მატერიალურ-ტექნიკური ხელშეწყობა; ხაშურის მუნიციპალიტეტის ტერიტორიაზე მდებარე სოფლებში სპორტის ეროვნული და პოპულარული სახეობების განვითარების ხელშეწყობა; ხაშურის მუნიციპალიტეტში მოქმედი სპორტული მოედნების მოვლა-პატრონობა, ტერიტორიების და მათზე განლაგებული ნაგებობების სადღეღამისო დაცვის უზრუნველყოფა და დასუფთავების ღონისძიებები; 

4.1.2. სპორტული სკოლების ხელშეწყობა  ( პროგრამული კოდი 05 01 02) 

სპორტული სკოლა დაკომპლექტებული არის 869 ბავშვით და სწავლება მიმდინარეობს სპორტის სხვადასხვა სახეობაში (ფეხბურთი, კალათბურთი, ქართული ჭიდაობა, ჭიდაობა-ძიუდო, ჭიდაობა-სამბო, თავისუფალი ჭიდაობა, ჭადრაკი, ჩოგბურთი, ძალოსნობა, მძლეოსნობა, რაგბი, ბერძნულ-რომაული ჭიდაობა), ინტენსიური წვრთნის პროცესი, რაც იქნება ახალგაზრდა თაობის ცხოვრების ჯანსაღი წესის დამკვიდრების და ფიზიკური სრულყოფის საფუძველი.

4.2. კულტურის განვითარების ხელშეწყობა ( პროგრამული კოდი 05 02)

პროგრამის ფარგლებში დაფინანსება სახელოვნებო სკოლები, ბიბლიოთეკები,  კულტურის ცენტრები, მუზეუმები, კულტურული  და ახალგაზრდული პროგრამები, რაც გავლენას მოახდენს ახალგაზრდობის  გემოვნების დახვეწაზე  და მუსიკალური შესაძლებლობების გამოვლენაზე და ასევე   მუნიციპალიტეტის მოსახლეობის დადებითი განწყობის შექმნას დღესასწაულების მიმართ.   

4.2.1.   კულტურული ღონისძიებების დაფინანსება   ( პროგრამული კოდი 05 02 01)

პროგრამის ფარგლებში დაფინანსდება სხვადასხვა ღონისძიებები, რომლებიც ხელს შეუწყობს ახალგაზრდა თაობის ჩართვას მუნიციპალიტეტის ყოველდღიურ საქმიანობასა და მის განვითარებაში. პროგრამის ფარგლებში დაფინანსდება შემდეგი ღონისძიებები:

3 მარტს   და  8 მარტს დედის დღის და ქალთა საერთაშორისო დღისადმი მიძღვნილი ღონისძიებები;

9 აპრილისადმი მიძღვნილი ღონისძიების მოწყობა;

9 მაისის  დიდ II მსოფლიოომში გამარჯვების 66 წლისთავისადმი მიძღვნილი ღონისძიებები;

ბავშვთა და მოზარდთა კლასიკური მუსიკის რესპუბლიკურ ფესტივალში ,,იპოვე შენი ვარსკვლავი” მონაწილეობა;

სასწავლო წლის დასრულებისა  და ახალი სასწავლო წლის დაწყებასთან დაკავშირებით კულტურული ღონისძიების ჩატარება-ორგანიზება;

ფოლკლორის განვითარების ხელშეწყობის  ღონისძიებები;

ქ. ნოვოგრად-ვოლინსკში ქართველი და უკრაინელი ხალხების მეგობრობის დღესასწაულში ხაშურის ინტელიგენციის მონაწილეობა;

ქართველი და უკრაინელი ხალხების მეგობრობის დღესასწაულის „ლესიაობის” ჩატარება-ორგანიზებასთან დაკავშირებული ხარჯები;

ბავშვთა და მოზარდთა კლასიკური მუსიკის რესპუბლიკურ ფესტივალ ,,მომავლის ვარსკვლავებში” მონაწილეობის უზრუნველყოფა;

2008 წლის 8 აგვისტოს, საქართველო-რუსეთის ომის ხსოვნის კვირეულთან დაკავშირებული ღონისძიების ორგანიზება;

ქართული ხელოვნების დღეები;

ანიმაციური ფილმების საერთაშორისო ფესტივალი ,,თოფუზი“ ჩატარება-ორგანიზება;

ადგილობრივი, რეგიონალური და რესპუბლიკური დონის სხვადასხვა კულტურული ღონისძიებებში მონაწილეობის უზრუნველყოფა;

შობა-ახალი წლისადმი მიძღვნილი ღონისძიებების ორგანიზება.

4.2.2.   სახელოვნებო სკოლები ( პროგრამული კოდი 05 02 02)

ხაშურის მუნიციპალიტეტის ტერიტორიაზე სკოლისგარეშე სახელოვნებო საგანმანათლებლო სფეროში ფუნქციონირებს სამი სამუსიკო სკოლა,  სასწავლო პროცესს გადის 461 მოსწავლე. პროგრამა ხელს უწყობს, მოსწავლეთა მიერ მუსიკალური განათლების მიღებას სრული კურსით და პედაგოგთა ხელფასების სტაბილურად გაცემას, რაც მთლიანობაში მშობელთა მიერ სწავლების გადასახადის სახით გადახდილ თანხებთან ერთად უზრუნველყოფს აღნიშნული დაწესებულებების ფუნქციონირებისათვის აუცილებელი მატერიალური და ფინანსური ბაზის შექმნას. დაგეგმილია ხაშურის სამუსიკო სკოლის შენობის კაპიტალური შეკეთების სამუშოაები.

  4.2.3. ბიბლიოთეკების ხელშეწყობა ( პროგრამული კოდი 05 02 03)

პროგრამის ფარგლებში ხორციელდება მუნიციპალიტეტში მცხოვრები მკითხველის სწრაფი და სრული დაკმაყოფილება მათთვის საჭირო ინფორმაციითა და საბიბლიოთეკო დოკუმენტებით. ბიბლიოთეკის კულტურულ ფასეულობათა შენარჩუნების, გამდიდრების, რეგისტრაციისა და მათი საგანგებო რეჟიმით დაცვის ხელშეწყობა. ბიბლიოთეკის მატერიალურ-ტექნიკური ბაზის განმტკიცება და ამ მიმართულებით წარმოდგენილი სპეციალური პროგრამების მხარდაჭერა,  წიგნადი ფონდის შევსება თანამედროვე ლიტერატურით.

  4.2.4.  კულტურის ცენტრების ხელშეწყობა ( პროგრამული კოდი 05 02 04)

ახალგაზრდობის ქუჩის მავნე ჩვევებისაგან ჩამოშორების, მათი გემოვნების დახვეწისა და ინტელექტუალური შესაძლებლობების ზრდის მიზნით განხორციელდება კულტურული ღონისძიებები რაც ხელს შეუწყობს ხელოვნების სხვადასხვა ჟანრის პოპულარიზაციას,  ფოლკლორის განვითარების ხელშეწყობას, კულტურული და საგანმანათლებლო დონის ამაღლებას, ნიჭიერი შემსრულებლების გამოვლენას, მათ ხელშეწყობასა და წახალისებას,  თანამედროვე მუსიკის კონცერტების მოწყობას.

4.2.5. მუზეუმების ხელშეწყობა ( პროგრამული კოდი 05 02 05)

პროგრამის ფარგლებში განხორციელდება კულტურული მემკვიდრეობის გამოვლენა,  შეგროვება, აღრიცხვა, შესწავლა, ექსპონირება და პოპულარიზაცია,  საზოგადოებისა და სახელმწიფოს ისტორიულ განვითარებასთან, აგრეთვე ცალკეული მხარის, კერძოდ შიდა ქართლის მხარის ისტორიასთან დაკავშირებული მასალების შეგროვება და დაცვა. სამუზეუმო კატალოგების, ბიბლიოგრაფიების, სამეცნიერო-კვლევითი მასალების შედგენა და პუბლიკაცია.

4.2.6. ახალგაზრდული პროგრამების დაფინანსება ( პროგრამული კოდი 05 03)

პროგრამის ფარგლებში დაფინანსდება სხვადასხვა ღონისძიებები, რომლებიც ხელს შეუწყობს ახალგაზრდა თაობის ჩართვას მუნიციპალიტეტის ყოველდღიურ საქმიანობასა და მის განვითარებაში. პროგრამის ფარგლებში დაფინანსდება შემდეგი ღონისძიებები:

ინტელექტუალური პროგრამების  ( ,,ბიგ რაუნდი“,  ,,პატარა ინტელექტუალები“, შემოქმედებით შემეცნებითი კონკურსი ,,ლიბო“ ) ხელშეწყობა და მხარდაჭერა;

პროექტ ,,საზოგადოებრივი პროკურატურის” ფარგლებში დაგეგმილი ღონისძიებები;

ადგილობრივი, რეგიონალური და რესპუბლიკური დონის სხვადასხვა ახალგაზრდული ღონისძიებები.

5.   მოსახლეობის ჯანმრთელობის დაცვა და სოციალური უზრუნველყოფა ( პროგრამული კოდი 06 00)

მოსახლეობის გეგმიური და გადაუდებელი საოპერაციო ხარჯების, მშობიარობის თანადაფინანსება, შეჭირვებულთათვის უფასო სასადილოთი მომსახურების უზრუნველყოფა, სასწავლო დაწესებულებებში შეღავათების დაწესება, ომის ვეტერანებს გადაეცემათ ერთჯერადი ფულადი დახმარება, დაფინანსდება იძულებით გადაადგილებულთა და ომის ვეტერანთა დაკრძალვის ხარჯები და ასევე გატარდება პრევენციული ღონისძიებები ინფექციურ დაავადებათა თავიდან აცილების მიზნით.

5.1. საზოგადოებრივი ჯანდაცვის მომსახურება   ( პროგრამული კოდი 06 01)

პროგრამის ფარგლებში განხორციელდება პრევენციული და ეპიდემოლოგიური ღონისძიებები ეპიდსაშიშროებისას, მუნიციპალიტეტის ტერიტორიაზე პირველადი ეპიდკვლევების ხელშეწყობა, მუნიციპალიტეტის ტერიტორიაზე დაავადებების პრევენციის მიზნით დერატიზაციის, დეზინსექციისა და დეზინფექციის ღონისძიებათა ორგანიზება და კონტროლი, პროფილაქტიკური აცრების ეროვნული კალენდრით განსაზღვრული იმუნოპროფილაქტიკისათვის მოწოდებული მასალების მიღების, შენახვის და განაწილების უზრუნველყოფა, მუნიციპალიტეტის დასახლებულ პუნქტებში სეზონურად ქუჩების, სკვერების, სასაფლაოების მიმდებარე ტერიტორიების სანიტარული მდგომარეობის მასობრივი დათვალიერების ორგანიზება, ქალაქის ნაგავსაყრელისა და ნაგვის შესაგროვებელი კონტეინერების სანიტარულ  ნორმებთან შესაბამისობაზე სისტემატური კონტროლის დაწესება, საჭიროების შემთხვევაში დერატიზაციის, დეზინსექციისა და დეზინფექციის სამუშაოთა ორგანიზება.

5.2. მოსახლეობის სოციალური უზრუნველყოფა ( პროგრამული კოდი 06 04)

პროგრამის ფარგლებში ხორციელდება მოსახლეობის გეგმიური და გადაუდებელი საოპერაციო ხარჯების თანადაფინანსება, მშობიარობის თანადაფინანსება, შეჭირვებულთათვის უფასო სასადილოთი მომსახურების უზრუნველყოფა, სასწავლო დაწესებულებებში შეღავათების დაწესება, ომის ვეტერანებს, ომში დაღუპულთა და ომის შემდგომ გარდაცვლილ მეომართა ოჯახებს გადაეცემათ ერთჯერადი ფულადი დახმარება, დაფინანსდება იძულებით გადაადგილებულთა და ომის ვეტერანთა სარიტუალო ხარჯები

5.2.1.   ასი და მეტი წლის უხუცესთა დახმარების პროგრამა ( პროგრამული კოდი 06 04 02)

მუნიციპალიტეტის ტერიტორიაზე მცხოვრებ 100 და მეტი წლის უხუცესთა ფინანსური დახმარება წელიწადში200 ლარის ოდენობით და მედიკამენტოზური უზრუნველყოფა 100 ლარის ფარგლებში.

5.2.2. ოჯახებისა და ბავშვების სოციალური დაცვის უზრუნველყოფა   ( პროგრამულიკოდი 06 04 03)

პროგრამა ვრცელდება ხაშურის მუნიციპალიტეტის ტერიტორიაზე მცხოვრებ და სსიპ ხაშურის #2 საჯარო სკოლაში ჩარიცხულ შეზღუდული შესაძლებლობების მქონე მოსწავლეებზე. მოსწავლეების უწყვეტი აღზრდისა და სწავლების პროცესი ხელს შეუწყობს მათ სოციალურ-საყოფაცხოვრებო და შრომით ადაპტაციას, აღნიშნული დაფინანსება მოიცავს მოსწავლეთა სატრანსპორტო მომსახურეობას, პედაგოგთა და მომსახურე პერსონალთა შრომის ანაზღაურებას.

პროგრამა ითვალისწინებს ხაშურის თვითმმართველ ერთეულში მცხოვრები მრავალშვილიანი დედების ერთჯერად ფინანსურ დახმარებას. 2012-2013 წლებში დაბადებულ მეოთხე შვილზე დედას მიეცემა 400 ლარი; მე–5 შვილზე –500 ლარი; მე-6-ე, მე-7-ე და ა.შ. შვილზე - 600 ლარი.

  5.2.3.   სახელოვნებო სკოლებსა და სკოლამდელი აღზრდის დაწესებულებებში აღსაზრდელთა უფასო მომსახურების პროგრამა   ( პროგრამული კოდი 06 04 04)

მოქალაქეთა სოციალური მდგომარეობის გაუმჯობესების მიზნით საბავშვო ბაღებში რეგისტრირებული აღსაზრდელებისა და სახელოვნებო   სკოლებში რეგისტრირებული მოსწავლეების   მშობელთა მიერ ყოველთვიური სავალდებულო გადასახდელისაგან გათავისუფლება, აღნიშნული პროგრამა მოიცავს ლტოლვილებსა და სოციალურად დაუცველ ოჯახებს, რომელთა სარეიტინგო ქულაა 0-დან 70 000-მდე.

5.2.4.   ტერიტორიული მთლიანობისათვის მებრძოლთა , ომის ვეტერანთა ერთჯერადი დახმარებები . ომში დაღუპულთა და ომის შემდგომ გარდაცვლილ მეომართა ხსოვნის უკვდავ ყოფის ხარჯები   ( პროგრამული კოდი 06 04 06)

ფაშიზმზე გამარჯვების დღესთან (9 მაისი) დაკავშირებით, მუნიციპალიტეტის ტერიტორიაზე რეგისტრირებულ მეორე მსოფლიო ომის მონაწილეებისა და ინვალიდების სოციალური დახმარება, საქართველოს დამოუკიდებლობის დღესთან (26 მაისი) დაკავშირებით, მუნიციპალიტეტის ტერიტორიაზე რეგისტრირებულ საქართველოს თავისუფლებისა და ტერიტორიული მთლიანობისათვის მებრძოლ ომის ინვალიდებისა და ომში დაღუპულთა ოჯახების სოციალური დახმარება, რომელიც გაიცემა ერთჯერადად, 200 ლარის ოდენობით.

  5.2.5.  საომარი მოქმედებების შედეგად დევნილთა ყოფა – ცხოვრების პირობების მოწესრიგებისა და მათი სოციალური დაცვის ღონისძიებები   ( პროგრამული კოდი 06 04 07)

საომარი მოქმედების შედეგად დაზარალებული,  კომპაქტურად ჩასახლებული დევნილების ყოფა-ცხოვრების პირობების გაუმჯობესების მიზნით, საცხოვრებელ შენობებში დერეფნების განათებისათვის და წყლის ტუმბოებისათვის მიწოდებული ელექტროენერგიის ღირებულების დაფარვა. განხორციელდება ქალაქ ხაშურში რუსთაველის ქ. #38–ში  მდებარე ,,ყოფილი საავადმყოფოს“ შენობის გაზიფიცირებისა და  წყალმომარაგების სამშენებლო სამუშაოების თანადაფინანსება

5.2.6.   სარიტუალო მომსახურება    ( პროგრამული კოდი 06 04 08)

მუნიციპალიტეტში რეგისტრირებულ იძულებით გადაადგილებულ პირებზე, „სამშობლოს დაცვისას დაღუპულთა და ომის შემდეგ გარდაცვლილ მეომართა ხსოვნის უკვდავყოფის შესახებ“  და „საქართველოს ტერიტორიული მთლიანობისათვის, თავისუფლებისა და დამოუკიდებლობისათვის დაღუპულ, უგზო–უკვლოდ დაკარგულ, მიღებული ჭრილობების შედეგად გარდაცვლილთა ოჯახების სოციალური დაცვის შესახებ“ საქართველოს კანონით განსაზღვრულ პირებზე, უპატრონო მიცვალებულებზე. დაკრძალვის ხარჯებისათვის   თანხა გაიცემა 250 ლარის ოდენობით.

5.2.7. უმწეო მდგომარეობაში მყოფ მოქალაქეთა უფასო სასადილოთი უზრუნველყოფა    ( პროგრამული კოდი 06 04 11)

მუნიციპალიტეტის ტერიტორიაზე მცხოვრებ უკიდურესად მძიმე სოციალურ-ეკონომიური მდგომარეობის მქონე 170 მოქალაქის უფასო სასადილოთი, სამკომპონენტიანი სადილით უფასო კვება.

5.2.8. სოციალურად დაუცველი პირების საცხოვრებელი პირობებით უზრუნველყოფა ( პროგრამული კოდი 06 04 12)

მუნიციპალიტეტის ტერიტორიაზე მცხოვრები მრავალშვილიანი (ოთხი და მეტი შვილი), სოციალურად დაუცველი და სტიქიური უბედურების შედეგად დაზარალებული ოჯახების საცხოვრებელი პირობების გაუმჯობესების მიზნით სხვადასხვა სამშენებლო მასალებით უზრუნველყოფისათვის ფინანსური დახმარება.

5.2.9. მთიანი სოფლების საჯარო სკოლების პედაგოგების უფასო მგზავრობის უზრუნველყოფა

( პროგრამული კოდი 06 04 13)

პროგრამა მოიცავს  ქალაქ ხაშურში მცხოვრები, მთიან სოფლებში დასაქმებული პედაგოგების სოციალური პირობების გაუმჯობესებისა და სამუშაო ადგილებზე მათი დამაგრების ხელშეწყობის მიზნით მგზავრობის ღირებულების ანაზღაურებას.

  5.2.10.   მოქალაქეთა სოციალური დახმარება ( პროგრამული კოდი 06 04 14)

ქვეპროგრამით გათვალისწინებული დახმარება ვრცელდება მუნიციპალიტეტის ტერიტორიაზე მცხოვრებ შემდეგ მოქალაქეებზე:

ონკოლოგიურ  ავადმყოფებზე;

სოციალურად დაუცველ მშობიარეებზე;

ქრონიკული (ეპილეფსიით, პარკინსონიზმით, ონკოლოგიური) დაავადების მქონე ავადმყოფებზე; 

 ცერებრალური დამბლითა და სქოლიოზით დაავადებულ ბავშვებზე;

შეზღუდული შესაძლებლობის მქონე I და II ჯგუფის უსინათლო პირები და შეზღუდული შესაძლებლობის მქონე პირები, რომლებიც დამოუკიდებლად გადაადგილებას ვერ ახერხებენ (შეზღუდული შესაძლებლობის მქონე პირის ეტლით მოსარგებლე ან მწოლიარე);

მუნიციპალიტეტის ტერიტორიაზე მცხოვრებ 18 წლამდე ასაკის დედ-მამით ობოლ ბავშვებზე და მოზარდებზე;

ენდოკრინოლოგიური (ჩიყვი) დაავადების მქონე ბავშვებზე;

რევმატიული დაავადებების (რეაქტიული ართრიტის მწვავე ფორმა; რევმატოიდული პოლიართრიტის ქრონიკული ფორმის გამწვავება; ჰემორაგიული ვასკულიტი; სისტემური წითელი მგლურა) მქონე ავადმყოფებზე;

მუნიციპალიტეტის ტეტირორიაზე მცხოვრებ   ფენილკეტონურიით დაავადებულ მოქალაქეებზე;

ხელმოკლე სტუდენტებზე.

ხაშურის მუნიციპალიტეტის საკრებულოს 2013 წლის 14 იანვრის დადგენილება № 4 - ვებგვერდი, 18.01.2013წ.

ხაშურის მუნიციპალიტეტის საკრებულოს 2013 წლის 8 თებერვლის დადგენილება № 7 - ვებგვერდი, 13.02.2013წ.

ხაშურის მუნიციპალიტეტის საკრებულოს 2013 წლის 15 მარტის დადგენილება №30 – ვებგვერდი, 20.03.2013წ.

ხაშურის მუნიციპალიტეტის საკრებულოს 2013 წლის 22 მარტის დადგენილება №3 2 - ვებგვერდი, 26.03.2013წ. .

ხაშურის მუნიციპალიტეტის საკრებულოს 2013 წლის 11 აპრილის დადგენილება № 34 - ვებგვერდი, 17.04.2013წ.

ხაშურის მუნიციპალიტეტის საკრებულოს 2013 წლის 19 აპრილის დადგენილება № 3 5 - ვებგვერდი, 29.04.2013წ.

ხაშურის მუნიციპალიტეტის საკრებულოს 2013 წლის 1 მაისის დადგენილება № 38 - ვებგვერდი, 08.05.2013წ.

ხაშურის მუნიციპალიტეტის საკრებულოს 2013 წლის 29 მაისის დადგენილება № 39- ვებგვერდი, 31.05.2013წ.

ხაშურის მუნიციპალიტეტის საკრებულოს 2013 წლის 14 ივნისის დადგენიელბა № 44 - ვებგვერდი, 18.06.2013წ.