საჯარო ინფორმაციის პროაქტიული გამოქვეყნების წესისა და საჯარო ინფორმაციის ელექტრონული ფორმით მოთხოვნის სტანდარტის დამტკიცების შესახებ

 საქართველოს ცენტრალური საარჩევნო კომისიის 2015 წლის 28 აპრილის დადგენილება № 27/2015 - ვებგვერდი, 28.04.2015წ.

საქართველოს ცენტრალური საარჩევნო კომისიის 2016 წლის 29 იანვრის დადგენილება №12/2016 - ვებგვერდი, 01.02.2016წ.

საქართველოს ცენტრალური საარჩევნო კომისიის 2017 წლის 21 აგვისტოს დადგენილება №28/2017 - ვებგვერდი, 22.08.2017წ.

2.  ამ წესის მოქმედება ვრცელდება საქართველოს ორგანული კანონის „საქართველოს საარჩევნო კოდექსი“ და საქართველოს ზოგადი ადმინისტრაციული კოდექსის 28-ე მუხლის პირველი ნაწილით განსაზღვრულ საჯარო ინფორმაციაზე, რომელიც ღიაა, გარდა კანონით გათვალისწინებული შემთხვევებისა და დადგენილი წესით სახელმწიფო, კომერციული ან პროფესიული საიდუმლოებისთვის ან პერსონალური მონაცემებისთვის მიკუთვნებული ინფორმაციისა.

3. საჯარო ინფორმაციის პროაქტიულად გამოქვეყნება არ ათავისუფლებს ადმინისტრაციას საქართველოს ორგანული კანონით „საქართველოს საარჩევნო კოდექსი“ და საქართველოს ზოგადი ადმინისტრაციული კოდექსით დადგენილი წესით იმავე ან სხვა საჯარო ინფორმაციის გაცემის ვალდებულებისაგან.

საქართველოს ცენტრალური საარჩევნო კომისიის 2019 წლის 27 სექტემბრის დადგენილება №38/2019 - ვებგვერდი, 30.09.2019წ.

2. პროაქტიულ გამოქვეყნებასთან დაკავშირებით, ცესკოს ვებგვერდზე იქმნება შესაბამისი განყოფილება „საჯარო ინფორმაცია”, რომელშიც განთავსდება წინამდებარე წესის მე-5 მუხლით განსაზღვრული ინფორმაცია.

3. პროაქტიულად გამოქვეყნებული საჯარო ინფორმაცია ღიაა და თანაბრად ხელმისაწვდომი ნებისმიერი პირისათვის. დაუშვებელია პროაქტიულად გამოქვეყნებული საჯარო ინფორმაციის მიღებისათვის საფასურის დადგენა, გარდა კანონით გათვალისწინებული შემთხვევებისა.

4. ცესკოს ვებგვერდისა და მასზე განთავსებული ინფორმაციის საავტორო უფლებები დაცულია „საავტორო და მომიჯნავე უფლებების შესახებ” საქართველოს კანონით.

5. ვებგვერდზე განთავსებული პროაქტიული ინფორმაციის გამოყენება თავისუფალია. დაინტერესებულ პირს უფლება აქვს გამოიყენოს ვებგვერდზე განთავსებული ინფორმაცია ვებგვერდის მისამართის სავალდებულო მითითებით.

6. ცესკო უფლებამოსილია, ამ წესის მე-5 მუხლით განსაზღვრულ ინფორმაციასთან ერთად, საკუთარი საქმიანობისა და კომპეტენციის ფარგლებში დამატებით პროაქტიულად გამოაქვეყნოს საზოგადოებრივი ინტერესის შემცველი სხვა საჯარო ინფორმაცია.

2. ცესკო ვალდებულია უზრუნველყოს ელექტრონულად გამოქვეყნებული ინფორმაციის სიზუსტე, ნამდვილობა და პერიოდული განახლება.

3. საჯარო ინფორმაცია ვებგვერდზე უნდა განთავსდეს იმგვარად, რომ შესაძლებელი იყოს განთავსებული ინფორმაციის ჩამოტვირთვა, ამობეჭდვა და კოპირება ინფორმაციის დაკარგვის ან/და დაზიანების გარეშე.

2.  ინფორმაციის მიწოდების დროულობასა და უტყუარობაზე პასუხისმგებელია ინფორმაციის მიმწოდებელი, ცესკოს სტრუქტურულ ერთეულებში ამისათვის განსაზღვრული პასუხისმგებელი პირები, ხოლო ვებგვერდზე დროულ და შესაბამის განყოფილებაში განთავსებაზე – ცესკოს სტრატეგიული კომუნიკაციების დეპარტამენტი; ასევე, საჭიროების შემთხვევაში, საინფორმაციო ტექნოლოგიების დეპარტამენტი.

3. პროაქტიული ინფორმაციის განთავსებაზე კონტროლს ახორციელებს სტრატეგიული კომუნიკაციების დეპარტამენტის უფროსის მიერ განსაზღვრული თანამშრომელი, რომელიც ახორციელებს სტრუქტურული ერთეულებისაგან განახლებული ინფორმაციის მიღებას და ვებგვერდზე მის განთავსებას.

4. შესაბამის სტრუქტურულ ერთეულებში პროაქტიულად ინფორმაციის გამოსაქვეყნებლად მიწოდებაზე პასუხისმგებელია, შესაბამისი დეპარტამენტის  უფროსის მიერ განსაზღვრული თანამშრომელი.

5. პროაქტიულ ინფორმაციას ვებგვერდზე განსათავსებლად სტრატეგიული კომუნიკაციების დეპარტამენტს პასუხისმგებელი პირები აწვდიან PDF ფორმატში.

6. ცესკოს სტრატეგიული კომუნიკაციების დეპარტამენტის მიერ პერიოდულად ქვეყნდება ცესკოს სატელეფონო/საინფორმაციო ცენტრში შემოსული ზარებისა და „ონლაინჩათის“ მომსახურების შესახებ სტატისტიკურ მონაცემები.

7. ცესკოს სტრატეგიული კომუნიკაციების დეპარტამენტის მიერ ყოველწლიურად ქვეყნდება ეთნიკური უმცირესობებისა და შეზღუდული შესაძლებლობის მქონე პირთა მიმართ განხორციელებული საქმიანობის შესახებ ანგარიში.

1. (ამოღებულია - 31.05.2021, №14/2021).

2. იურიდიული დეპარტამენტი:

ა) ცესკოს ვებგვერდზე განთავსებულ საკანონმდებლო აქტებში შესულ ცვლილებებთან და დამატებებთან დაკავშირებით, აქტების კონსოლიდირებულ ვარიანტებს – პერიოდულად;

ბ)  საჩივრების რეესტრს (საჩივრების რეესტრის ადმინისტრირებას ახორციელებს იურიდიული დეპარტამენტის სამართლებრივი უზრუნველყოფის განყოფილება, საარჩევნო პროცესების მართვის დეპარტამენტთან ერთად) – საარჩევნო პერიოდში;

გ) განცხადება/საჩივრის სარეკომენდაციო ფორმას – გამოცემიდან 24 საათის განმავლობაში;

დ) საქართველოს პარლამენტისათვის, საქართველოს პრეზიდენტისა და საქართველოს პრემიერ-მინისტრისათვის წარდგენილ საქართველოს ზოგადი ადმინისტრაციული კოდექსის 49-ე მუხლით გათვალისწინებულ ყოველწლიურ ანგარიშს – ქვეყნდება ყოველწლიურად;

ე) საჭიროების შემთხვევაში მომზადებულ სახელმძღვანელო ინსტრუქციებს – მიღებიდან 48 საათის განმავლობაში.

3. (ამოღებულია - 31.05.2021, №14/2021).

4. საფინანსო დეპარტამენტი:

ა) ცესკო სახელმწიფო შესყიდვების წლიური გეგმის შესახებ – ქვეყნდება ყოველწლიურად;

ბ) ცესკოს მიერ სახელმწიფო შესყიდვების წლიური გეგმის ფარგლებში განხორციელებული სახელმწიფო შესყიდვების შესახებ – მიმწოდებლის, შესყიდვის ობიექტის, შესყიდვის საშუალებისა და ხელშეკრულების ღირებულების მითითებით - ქვეყნდება კვარტალურად;

გ) გადაუდებელი აუცილებლობით ცესკოს მიერ განხორციელებული სახელმწიფო შესყიდვების შესახებ - ქვეყნდება კვარტალურად;

დ) ცესკოს თანამდებობის პირებზე, წევრებზე, თანამშრომლებზე გაცემული სარგოს, დანამატებისა და პრემიების კვარტალური ოდენობების შესახებ (ჯამურად) – ქვეყნდება კვარტალურად;

ე) ცესკოს თანამშრომელთა ოფიციალური და სამუშაო ვიზიტებისათვის გაწეული სამივლინებო ხარჯების შესახებ (ჯამურად) (ცალკე – ქვეყნის შიგნით და ცაკლე – ქვეყნის გარეთ განხორციელებული მივლინებებისათვის) – ქვეყნდება კვარტალურად;

ვ) ცესკოს ბალანსზე რიცხული ავტოსატრანსპორტო საშუალებების შესახებ – მოდელის მითითებით – ქვეყნდება ყოველწლიურად;

ზ) ცესკოს მიერ საწვავის მოხმარებაზე გაწეული ხარჯის შესახებ (ჯამურად) – ქვეყნდება ყოველწლიურად;

თ) ცესკოს ბალანსზე რიცხული ავტოსატრანსპორტო საშუალებების ტექნიკურ მომსახურებაზე გაწეული ხარჯების შესახებ (ჯამურად) – ქვეყნდება ყოველწლიურად;

ი) ცესკოს მიერ სატელეკომუნიკაციო მომსახურების შესყიდვაზე გაწეული ხარჯების შესახებ –ქვეყნდება ყოველწლიურად;

კ) ცესკოს მიერ გაწეული წარმომადგენლობითი ხარჯების შესახებ – ქვეყნდება ყოველწლიურად.

5. (ამოღებულია - 27.09.2019, №38/2019).

6. (ამოღებულია - 17.01.2025, №3/2025).

7. ადამიანური რესურსების მართვისა და შრომის უსაფრთხოების დეპარტამენტი:

ა) საარჩევნო ადმინისტრაციის თანამდებობრივ ხეს (სტრუქტურას) – ცესკოს დადგენილების/განკარგულების მიღებიდან 24 საათის განმავლობაში;

ბ) ცესკოს აპარატის დეპარტამენტების დებულებებს – გამოცემიდან 24 საათის განმავლობაში; ცვლილებების/დამატებების შეტანის შემთხვევაში – გამოცემიდან 24 საათის განმავლობაში;

გ) (ამოღებულია - 17.01.2025, №3/2025);

დ) ცესკოს აპარატში ვაკანტურ თანამდებობაზე კონკურსის გამოცხადების შესახებ განცხადებას – შესარჩევი კონკურსის გამოცხადებისთანავე;

ე) ცესკოს აპარატის კონკურსში მონაწილე კონკურსანტთა სიას – საბუთების მიღების ვადის ამოწურვიდან 5 დღის ვადაში;

ვ) ცესკოს აპარატის შესარჩევი კონკურსის II ტურში (გასაუბრება) მონაწილე კანდიდატთა სიას – საკონკურსო კომისიის გადაწყვეტილების მიღებიდან 24 საათის განმავლობაში;

ზ) (ამოღებულია - 10.01.2023, №1/2023)

თ) ცესკოს აპარატში კონკურსის შედეგად შერჩეული კანდიდატის შესახებ ინფორმაციას – საკონკურსო კომისიის გადაწყვეტილების მიღებიდან 24 საათის განმავლობაში;

ი) ინფორმაციას ცესკოს აპარატში სტაჟიორთა მისაღები კონკურსის გამოცხადების შესახებ –ცესკოს თავმჯდომარის ბრძანების გამოცემიდან 24 საათის განმავლობაში;

კ) ცესკოს აპარატში სტაჟირების მსურველთათვის განაცხადის ფორმას – სტაჟიორთა მისაღები კონკურსის გამოცხადებისთანავე;

ლ) ინფორმაცია ცესკოს თავმჯდომარის, მოადგილეების, მდივნის და წევრების შესახებ: სახელი, გვარი, ბიოგრაფიული მონაცემები – განახლდება ცვლილების შემთხვევაში;

მ) ცესკოს აპარატის უფროსის, დეპარტამენტების, განყოფილებების (სტრუქტურული ერთეულების) უფროსების, მენეჯერების შესახებ, ასევე ცესკოს თავმჯდომარის მრჩევლის, ცესკოს ხელმძღვანელი პირების თანაშემწეების შესახებ: სახელი, გვარი – განახლდება ცვლილების შემთხვევაში;

ნ) საოლქო საარჩევნო კომისიების მუდმივი წევრების შესახებ: სახელი, გვარი – განახლდება ცვლილების შემთხვევაში;

ო) საოლქო საარჩევნო კომისიების დროებითი წევრების შესახებ: სახელი, გვარი – ქვეყნდება არჩევნების პერიოდში;

პ) ცესკოს მისამართის, კანცელარიის ელექტრონული მისამართის, ტელეფონის ნომრის შესახებ – განახლდება ცვლილების შემთხვევაში;

ჟ) საოლქო საარჩევნო კომისიების მისამართის, ელექტრონული ფოსტის მისამართის, ტელეფონის ნომრის შესახებ – განახლდება ცვლილების შემთხვევაში;

რ) საჯარო ინფორმაციის ხელმისაწვდომობის უზრუნველყოფასა და ინფორმაციის პროაქტიულ გამოქვეყნებაზე პასუხისმგებელი პირის სახელის, გვარისა და ცესკოს მდივნის აპარატის საქმისწარმოების განყოფილების ოფიციალური ელექტრონული ფოსტის შესახებ – განახლდება ცვლილების შემთხვევაში;

ს) ინფორმაციას პოლიტიკური პარტიების მიერ საოლქო საარჩევნო კომისიის წევრების დანიშვნის შესახებ – დანიშვნიდან 5 კალენდარული დღის ვადაში;

ტ) ცესკოს მიერ შესრულებული სამუშაოს შესახებ ანგარიშს – ყოველწლიურად;

უ) ცესკოს სტრატეგიას და სამოქმედო გეგმას – პერიოდულად;

ფ) ცესკოს მიერ არჩევნების დროს შესრულებული სამუშაოს შესახებ ანგარიშს – ყოველი არჩევნების შედეგების შეჯამებიდან 60 დღის ვადაში.

8. ინფორმაციული უსაფრთხოების მენეჯერი:

ინფორმაციული უსაფრთხოების პოლიტიკის დოკუმენტი – დამტკიცებიდან ერთი კვირის ვადაში.

9. საარჩევნო პროცესების მართვის დეპარტამენტი:

ა) საარჩევნო უბნების საზღვრების შესახებ ინფორმაციას (ასეთის არსებობის შემთხვევაში) – მიღებისთანავე;

ბ) ამომრჩეველთა რაოდენობის შესახებ – პერიოდულად;

გ) ამომრჩეველთა ერთიან სიას – პერიოდულად;

დ) ამომრჩეველთა რაოდენობას ოლქების მიხედვით – პერიოდულად;

ე) საარჩევნო უბნების ნომრების, საუბნო საარჩევნო კომისიების მისამართების, საკონტაქტო ტელეფონის ნომრების შესახებ ინფორმაციას (ასეთის არსებობის შემთხვევაში) – მიღებისთანავე;

ვ) საუბნო საარჩევნო კომისიის მიერ კენჭისყრის შედეგების შემაჯამებელ ოქმებს – შესაბამისი კომისიებიდან მიღებისთანავე;

ზ) არჩევნებისა და რეფერენდუმის/პლებისციტის შედეგების შემაჯამებელ ოქმებს – არჩევნების საბოლოო შედეგების შეჯამებიდან 5 დღის ვადაში;

თ) არჩევნების შედეგების შესახებ, თითოეული საარჩევნო უბნის მიხედვით – არჩევნების საბოლოო შედეგის შეჯამებისთანავე;

ი) იმ შენობა-ნაგებობების ჩამონათვალის შესახებ, სადაც აკრძალულია საარჩევნო პლაკატების გაკვრა, აგრეთვე იმ შენობა-ნაგენობათა ჩამონათვალი, სადაც დასაშვებია/აკრძალულია საარჩევნო შეხვედრებისა და ღონისძიებების ჩატარება – ცენტრალური საარჩევნო კომისიისათვის გადმოცემიდან 2 დღის ვადაში;

კ) რეგისტრირებული პარტიების სიას, აგრეთვე იმ პარტიების, რომელთაც უარი ეთქვათ რეგისტრაციაზე ან რომელთა რეგისტრაციაც გაუქმდა – პერიოდულად, მაგრამ არჩევნების დღემდე არაუგვიანეს 30-ე დღისა;

ლ) წარდგენილ კანდიდატთა სიას – წარდგენის ვადის ამოწურვიდან 2 დღის ვადაში;

მ) ცესკოს თავმჯდომარის განკარგულებას – არაუგვიანეს გამოცემის მომდევნო დღისა;

ნ) ცესკოს მდივნის განკარგულებებს – არაუგვიანეს გამოცემის მომდევნო დღისა;

ო) ცნობას საქართველოს პრეზიდენტობის კანდიდატის რეგისტრაციის შესახებ – რეგისტრაციიდან არაუგვიანეს მე-6 დღისა;

პ) ინფორმაციას საარჩევნო სუბიექტების მიერ ცესკოში/საოლქო საარჩევნო კომისიებში დანიშნული წარმომადგენლების შესახებ – გადაწყვეტილების მიღებიდან 48 საათში.

ჟ) მაჟორიტარულ საარჩევნო ოლქში რეგისტრირებულ კანდიდატთა შესახებ ინფორმაციას, მათი რეგისტრაციიდან/რეგისტრაციის გაუქმებიდან 3 დღის ვადაში, მაგრამ კენჭისყრამდე არაუგვიანეს მე-20 დღისა;

რ) საოლქო საარჩევნო კომისიის მიერ კანდიდატის არჩევნებიდან მოხსნის შესახებ – ინფორმაციის მიღებისთანავე;

ს) საოლქო და საუბნო საარჩევნო კომისიებიდან შემოსულ ყველა სახის განცხადებას/საჩივარს და შესაბამის გადაწყვეტილებებს – არსებული წესის შესაბამისად;

ს^​1) საოლქო საარჩევნო კომისიებში ვაკანტურ თანამდებობაზე კონკურსის გამოცხადების შესახებ განცხადებას – შესარჩევი კონკურსის გამოცხადებისთანავე;

ს^​2) საოლქო საარჩევნო კომისიის წევრის შესარჩევ კონკურსში მონაწილე კანდიდატთა სიას – საბუთების მიღების ვადის ამოწურვიდან 5 დღის ვადაში;

ს^​3) საოლქო საარჩევნო კომისიებში კონკურსის შედეგად არჩეული კანდიდატის შესახებ ინფორმაციას – გადაწყვეტილების მიღებიდან 24 საათის განმავლობაში;

ტ) საოლქო საარჩევნო კომისიებში სტაჟიორობის კანდიდატთა სიას – განაცხადების მიღების ვადის ამოწურვიდან 2 დღის განმავლობაში;

უ) საოლქო საარჩევნო კომისიებში სტაჟიორებად დანიშნულ პირთა სიას – ოლქის თავმჯდომარის განკარგულების მიღებიდან 5 დღის განმავლობაში;

ფ) სხვა სახელმწიფოში შექმნილი საარჩევნო უბნებისა და მისამართების შესახებ – მიღებისთანავე;

ქ) გამონაკლის შემთხვევაში შექმნილი საარჩევნო უბნების ჩამონათვალს ოლქების მიხედვით – მიღებისთანავე;

ღ) საუბნო საარჩევნო კომისიის წევრთა სიას – პერიოდულად, ცვლილებების შესაბამისად;

ყ) საოლქო საარჩევნო კომისიის მიერ კენჭისყრის შედეგების შემაჯამებელ ოქმებს – შესაბამისი კომისიებიდან მიღებისთანავე;

შ) გენდერულ სტატისტიკას – წინამდებარე წესის მე-6 მუხლის მე-4 პუნქტით გათვალისწინებულ ვადაში.

10. ცესკოს მდივნის აპარატი:

ა) ცესკოს დადგენილებას – მიღებიდან 24 საათის განმავლობაში;

ბ) ცესკოს განკარგულებას – არაუგვიანეს გამოცემის მომდევნო დღისა;

გ) ცესკოს სხდომის ოქმს -– ხელმოწერისთანავე.

1. კვარტალურად გამოსაქვეყნებელი ინფორმაცია ქვეყნდება კვარტალის დასრულებიდან 1 თვის ვადაში.

2. ყოველწლიურად გამოსაქვეყნებელი ინფორმაცია – წლის დასრულებიდან 3 თვის ვადაში.

3. სამართლებრივ აქტში/აქტებში ცვლილების შეტანის შემთხვევაში – ცვლილების ძალაში შესვლიდან 10 დღის ვადაში.

4. საარჩევნო პერიოდში არსებული ინფორმაცია, აღნიშნული ინფორმაციის დადგენის კანონით გათვალისწინებული ვადების ამოწურვიდან 5 დღის ვადაში, ხოლო საბოლოო სახით, არჩევნების შედეგების ცესკოს შემაჯამებელი ოქმის შედგენიდან 1 თვის ვადაში.

საქართველოს ცენტრალური საარჩევნო კომისიის 2016 წლის 29 იანვრის დადგენილება №12/2016 - ვებგვერდი, 01.02.2016წ.

საქართველოს ცენტრალური საარჩევნო კომისიის 2017 წლის 21 აგვისტოს დადგენილება №28/2017 - ვებგვერდი, 22.08.2017წ.

2. მოთხოვნილი საჯარო ინფორმაცია გაიცემა დაინტერესებული მხარის მიერ განცხადებაში მითითებულ ელ-ფოსტაზე გაგზავნით ან მისივე მოთხოვნით კომპაქტურ დისკზე ჩაწერით.

3. თუ დაინტერესებული მხარის მიერ მოთხოვნილი ინფორმაცია მისი მოცულობიდან გამომდინარე შეუძლებელია გაგზავნილ იქნეს ელექტრონულად, მაშინ ცესკო იტოვებს უფლებას მხარის თანხმობის შემთხვევაში განახორციელოს მისი კომპაქტურ დისკზე ჩაწერა და მხარეს გადაახდევინოს „საჯარო ინფორმაციის ასლის გადაღების მოსაკრებლის შესახებ” საქართველოს კანონის თანახმად განსაზღვრული ოდენობა.

2. ამ მუხლის პირველი პუნქტით დადგენილი წესების დარღვევით წარდგენილი განცხადება არ განიხილება.

საქართველოს ცენტრალური საარჩევნო კომისიის 2021 წლის 22 მარტის დადგენილება №4/2021 - ვებგვერდი, 23.03.2021წ.

ა) ინფორმაციის მომთხოვნის მისივე დისკეტაზე ან კომპაქტურ დისკზე ინფორმაციის ჩაწერისას; ასევე მეხსიერების ბარათზე ჩაწერისას;

ბ) საჯარო ინფორმაციის ელექტრონული ფოსტით გაგზავნისას;

გ) ფიზიკური პირებისათვის საჯარო დაწესებულებაში მათზე არსებული პერსონალური მონაცემების ასლის გადაღებისას.

2. საჯარო ინფორმაციის ასლის გადაღების მოსაკრებლის ოდენობა განსაზღვრულია „საჯარო ინფორმაციის ასლის გადაღების მოსაკრებლის შესახებ” საქართველოს კანონით.

2. ელექტრონულად მოთხოვნილი ინფორმაციის დამუშავება/მომზადების შემდგომ, კომისიის მდივანი წერილობითი სახით ადასტურებს ინფორმაციის გაცემას ან უარს აცხადებს ინფორმაციის გაცემაზე, რაც „საქართველოს საარჩევნო კოდექსი” საქართველოს ორგანული კანონითა და საქართველოს ზოგადი ადმინისტრაციული კოდექსით დადგენილი ვადების დაცვით ელექტრონულად ეცნობება განმცხადებელს ცესკოს მდივნის აპარატის საქმისწარმოების განყოფილების თანამშრომლის მიერ. ცესკოს უარი საჯარო ინფორმაციის გაცემაზე განმცხადებელს უნდა ეცნობოს დაუყოვნებლივ.

3. ცესკო ვალდებულია გასცეს ელექტრონული ფორმით მოთხოვნილი საჯარო ინფორმაცია, დაუყოვნებლივ ან არაუგვიანეს 10 დღისა, თუ საჯარო ინფორმაციის მოთხოვნაზე პასუხის გაცემა მოითხოვს:

ა) სხვა დასახლებულ პუნქტში არსებული მისი სტრუქტურული ქვედანაყოფიდან ან სხვა საჯარო დაწესებულებიდან ინფორმაციის მოძიებასა და დამუშავებას;

ბ) მნიშვნელოვანი მოცულობის ერთმანეთთან დაუკავშირებელი ცალკეული დოკუმენტების მოძიებასა და დამუშავებას;

გ) სხვა დასახლებულ პუნქტში არსებულ მის სტრუქტურულ ქვედანაყოფთან ან სხვა საჯარო დაწესებულებასთან კონსულტაციას.

4. თუ საჯარო ინფორმაციის გაცემისათვის საჭიროა 10 დღიანი ვადა, ცესკო ვალდებულია მოთხოვნისთანავე აცნობოს ამის შესახებ განმცხადებელს.

4^​1. არჩევნების შესახებ ინფორმაციასა და საარჩევნო დოკუმენტაციას ამზადებს შესაბამისი დეპარტამენტი და გასცემს მისი მოთხოვნიდან 2 დღის ვადაში, ხოლო თუ აღნიშნული ინფორმაციის გაცემა მეტ დროს მოითხოვს – საქართველოს ზოგადი ადმინისტრაციული კოდექსით დადგენილი წესით (გარდა იმ სამართლებრივი აქტებისა, რომელთა გასაჩივრების ვადა განსაზღვრულია საქართველოს ორგანული კანონის „საქართველოს საარჩევნო კოდექსი” 77-ე მუხლით).

5. მოთხოვნილი ელექტრონული საჯარო ინფორმაციის გაცემისათვის საჭირო ვადები აითვლება განცხადების ცესკოს მდივნის აპარატის საქმისწარმოების განყოფილების ოფიციალურ ელექტრონულ მისამართზე (http://publicinfo@cec.gov.ge) შემოსვლისა და მისი კანცელარიაში რეგისტრაციის მომდევნო სამუშაო დღიდან.

საქართველოს ცენტრალური საარჩევნო კომისიის 2021 წლის 22 მარტის დადგენილება №4/2021 - ვებგვერდი, 23.03.2021წ.