საომარ მდგომარეობასთან დაკავშირებული ღონისძიებების დაფინანსების შესახებ

 საქართველოს მთავრობ ი ს

განკარგულება№529

2008 წლის 9 აგვისტო

ქ. თბილისი

საომარ მდგომარეობასთან დაკავშირებული ღონისძიებების დაფინანსების შესახებ

2008 წლის 9 აგვისტოს საქართველოში გამოცხადებულ საომარ მდგომარეობასთან დაკავშირებული სახელმწიფოებრივი და საზოგადოებრივი საჭიროების ღონისძიებათა დაფინანსების მიზნით:

1. „საქართველოს საბიუჯეტო სისტემის შესახებ“საქართველოს კანონის მე-13 მუხლის შესაბამისად „საქართველოს 2008 წლის სახელმწიფო ბიუჯეტის შესახებ“საქართველოს კანონით გათვალისწინებული საქართველოს მთავრობის სარეზერვო ფონდიდან საქართველოს ფინანსთა სამინისტროს (ნ. გილაური) გამოეყოს 8 000 000 (რვა მილიონი) ლარი;

2. „სახელმწიფო შესყიდვების შესახებ“საქართველოს კანონის მე-10 მუხლის მე-3 პუნქტის ,,ე” ქვეპუნქტის შესაბამისად საქართველოს ფინანსთა სამინისტრომ საქონლისა და მომსახურების შესყიდვა განახორციელოს ერთ პირთან მოლაპარაკების გზით.

3. „საქართველოს საბიუჯეტო სისტემის შესახებ“საქართველოს კანონის 36-ე მუხლის მე-4 პუნქტის თანახმად საქართველოს ფინანსთა სამინისტროს 2008 წლის სახელმწიფო ბიუჯეტის ორგანიზაციულ კლასიფიკაციას დაემატოს ორგანიზაციული კოდი „25 16 – საომარ მდგომარეობასთან დაკავშირებული ღონისძიებების დაფინანსების ხარჯები“.

4. განკარგულება ძალაშია ხელმოწერის დღიდან.

 პრემიერ-მინისტრი  ვ. გურგენიძე