სამსახურებრივ-საშტატო ცეცხლსასროლი იარაღიდან გასროლილი ტყვია-მასრების საქართველოს შინაგან საქმეთა სამინისტროს ტყვია–მასროთეკაში განსათავსებლად გადაგზავნის წესის დამტკიცების შესახებ

✨ ჰკითხე AI-ს ამ კანონის შესახებ
საქართველოს მინისტრის ბრძანება ძველი რედაქცია სახელმწიფო მმართველობა
მიღების თარიღი
25.02.2014 ბოლო ცვლილება 25.07.2025
გამომცემი ორგანო
საქართველოს შინაგან საქმეთა მინისტრი
ნომერი
№152
სარეგისტრაციო კოდი
120200010.22.034.016286
გამოქვეყნების წყარო
matsne.gov.ge , 26/02/2014
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
ცვლილებები (3)

შემდგომი ცვლილებები (1)

1
„სამსახურებრივ-საშტატო ცეცხლსასროლი იარაღიდან გასროლილი ტყვია-მასრების საქართველოს შინაგან საქმეთა სამინისტროს ტყვია-მასროთეკაში განსათავსებლად გადაგზავნის წესის დამტკიცების შესახებ“ საქართველოს შინაგან საქმეთა მინისტრის 2014 წლის 25 თებერვლის №152 ბრძანებაში ცვლილების შეტანის თაობაზე
25.07.2025

წინა ცვლილებები (2)

2
„სამსახურებრივ-საშტატო ცეცხლსასროლი იარაღიდან გასროლილი ტყვია-მასრების საქართველოს შინაგან საქმეთა სამინისტროს ტყვია-მასროთეკაში განსათავსებლად გადაგზავნის წესის დამტკიცების შესახებ“ საქართველოს შინაგან საქმეთა მინისტრის 2014 წლის 25 თებერვლის №152 ბრძანებაში ცვლილების შეტანის თაობაზე
29.04.2022
3
„სამსახურებრივ-საშტატო ცეცხლსასროლი იარაღიდან გასროლილი ტყვია-მასრების საქართველოს შინაგან საქმეთა სამინისტროს ტყვია–მასროთეკაში განსათავსებლად გადაგზავნის წესის დამტკიცების შესახებ“ საქართველოს შინაგან საქმეთა მინისტრის 2014 წლის 25 თებერვლის №152 ბრძანებაში ცვლილების შეტანის თაობაზე
06.12.2019
26.02.2014 06.12.2019 29.04.2022 25.07.2025

დოკუმენტის ტექსტი

⇄ რედაქციების შედარება
1 +
 

საქართველოს შინაგან საქმეთა მინისტრის

ბრძანება №152

2014 წლის 25 თებერვალი

ქ. თბილისი

 

სამსახურებრივ-საშტატო ცეცხლსასროლი იარაღიდან გასროლილი ტყვია-მასრების საქართველოს შინაგან საქმეთა სამინისტროს ტყვია–მასროთეკაში განსათავსებლად გადაგზავნის წესის დამტკიცების შესახებ
„იარაღის შესახებ“ საქართველოს კანონის მე-20 მუხლის მე-4 პუნქტის, 35-ე მუხლის მე-4 პუნქტის „ბ.გ“ ქვეპუნქტისა და „საქართველოს შინაგან საქმეთა სამინისტროს დებულების დამტკიცების შესახებ“ საქართველოს მთავრობის 2013 წლის 13 დეკემბრის №337 დადგენილებით დამტკიცებული დებულების მე-5 მუხლის მე-2 პუნქტის  „ა“ და „ნ“ ქვეპუნქტების საფუძველზე, ვბრძანებ:

+
მუხლი 1
დამტკიცდეს სამსახურებრივ-საშტატო ცეცხლსასროლი იარაღიდან გასროლილი ტყვია-მასრების საქართველოს შინაგან საქმეთა სამინისტროს ტყვია–მასროთეკაში განსათავსებლად გადაგზავნის თანდართული წესი.
+
მუხლი 2
ბრძანება ამოქმედდეს 2014 წლის 1 მარტიდან.

 


შინაგან საქმეთა მინისტრიალექსანდრე ჭიკაიძე
+



დანართი
სამსახურებრივ-საშტატო ცეცხლსასროლი იარაღიდან გასროლილი

ტყვია-მასრების საქართველოს შინაგან საქმეთა სამინისტროს

ტყვია-მასროთეკაში განსათავსებლად გადაგზავნის წესი


+
მუხლი 1
ეს წესი განსაზღვრავს საქართველოს თავდაცვის სამინისტროს, საქართველოს ფინანსთა სამინისტროს, საქართველოს იუსტიციის სამინისტროს, საქართველოს სახელმწიფო უსაფრთხოების სამსახურის, სპეციალური საგამოძიებო სამსახურის, საქართველოს პროკურატურის, აგრეთვე აღნიშნულ სამინისტროებსა და სამსახურებში შემავალი საქვეუწყებო დაწესებულებებისა და საჯარო სამართლის იურიდიული პირების კუთვნილი სამსახურებრივ-საშტატო ცეცხლსასროლი იარაღიდან გასროლილი ტყვია-მასრების საქართველოს შინაგან საქმეთა სამინისტროს (შემდგომში – სამინისტრო) საექსპერტო-კრიმინალისტიკური დეპარტამენტისთვის ტყვია-მასროთეკაში განსათავსებლად გადაგზავნის წესსა და პირობებს.

საქართველოს შინაგან საქმეთა მინისტრის 2019 წლის 6 დეკემბრის ბრძანება №97 - ვებგვერდი, 09.12.2019წ.

საქართველოს შინაგან საქმეთა მინისტრის 2022 წლის 29 აპრილის ბრძანება №42 - ვებგვერდი, 02.05.2022წ.

+
მუხლი 2
ამ წესში გამოყენებულ ტერმინებს აქვს შემდეგი მნიშვნელობა:

ა) უწყება – საქართველოს თავდაცვის სამინისტრო, საქართველოს ფინანსთა სამინისტრო, საქართველოს იუსტიციის სამინისტრო, საქართველოს სახელმწიფო უსაფრთხოების სამსახური, სპეციალური საგამოძიებო სამსახური, საქართველოს პროკურატურა, აგრეთვე აღნიშნულ სამინისტროებსა და სამსახურებში შემავალი საქვეუწყებო დაწესებულებები და საჯარო სამართლის იურიდიული პირები;

ბ) სამსახურებრივ-საშტატო ცეცხლსასროლი იარაღი – უწყების კუთვნილი მოკლელულიანი ცეცხლსასროლი იარაღი (პისტოლეტი ან რევოლვერი).

საქართველოს შინაგან საქმეთა მინისტრის 2019 წლის 6 დეკემბრის ბრძანება №97 - ვებგვერდი, 09.12.2019წ.

საქართველოს შინაგან საქმეთა მინისტრის 2022 წლის 29 აპრილის ბრძანება №42 - ვებგვერდი, 02.05.2022წ.

+
მუხლი 3
1. უწყება ვალდებულია ამ წესის შესაბამისად უზრუნველყოს კუთვნილი სამსახურებრივ-საშტატო ცეცხლსასროლი იარაღიდან გასროლილი ტყვია-მასრების სამინისტროს საექსპერტო-კრიმინალისტიკური დეპარტამენტთვის ტყვია-მასროთეკაში განსათავსებლად გადაგზავნა.

2. სამინისტროს საექსპერტო-კრიმინალისტიკური დეპარტამენტთვის ტყვია-მასროთეკაში განსათავსებლად გადასაგზავნი ტყვია-მასრების მიღების მიზნით, უწყება ახორციელებს სამსახურებრივ-საშტატო ცეცხლსასროლი იარაღიდან ექსპერიმენტულ გასროლას.

3. უწყების კუთვნილი სამსახურებრივ-საშტატო ცეცხლსასროლი იარაღიდან ექსპერიმენტული გასროლის შედეგად ამოღებული ტყვია-მასრების გადაგზავნა წარმოებს სამინისტროს საექსპერტო-კრიმინალისტიკური დეპარტამენტის ტყვია-მასროთეკაში.

4. ექსპერიმენტულ გასროლამდე, იარაღზე ან ვაზნაზე რაიმე სახის მექანიკური დაზიანების ან დეფორმაციის გამოვლენის, აგრეთვე ვაზნის კალიბრის იარაღის კალიბრთან შესაბამისობის დადგენის მიზნით, უწყების უფლებამოსილი პირი ვალდებულია იარაღი და ვაზნა  დაათვალიეროს ვიზუალურად.

5. აკრძალულია ექსპერიმენტული გასროლისას უცხო პირის დასწრება.

6. სამსახურებრივ-საშტატო ცეცხლსასროლი იარაღიდან ექსპერიმენტული გასროლა ხდება სპეციალურ ტყვიამჭერში. ექსპერიმენტული გასროლის შედეგად მიღებული ტყვიები და მასრები (3 ცალი ტყვია და 3 ცალი მასრა) თავსდება შესაბამის კონტეინერში (კოლოფი, პაკეტი) და ილუქება. ტყვია-მასრების კონტეინერში მოთავსებისას გამორიცხული უნდა იყოს მათი შემთხვევით შეცვლა სხვა იარაღიდან გასროლილი ტყვია-მასრებით.

7. დალუქული კონტეინერის შესახებ დგება დოკუმენტი, რომელშიც აღინიშნება:

ა) უწყების დასახელება;

ბ) სამსახურებრივ-საშტატო ცეცხლსასროლი იარაღის მარკა/მოდელი, კალიბრი, საიდენტიფიკაციო ნომერი;

გ) კონტეინერის ან/და ლუქის ნომერი.

8. დალუქული კონტეინერები ამ მუხლის მე-7 პუნქტით განსაზღვრულ დოკუმენტებთან ერთად ტყვია-მასროთეკაში განთავსების მიზნით ბარდება სამინისტროს საექსპერტო-კრიმინალისტიკურ დეპარტამენტს, რის შესახებაც ფორმდება მიღება-ჩაბარების აქტი.

საქართველოს შინაგან საქმეთა მინისტრის 2019 წლის 6 დეკემბრის ბრძანება №97 - ვებგვერდი, 09.12.2019წ.

+
მუხლი 4
ტყვია-მასროთეკაში განთავსების მიზნით ექსპერიმენტულ გასროლას და გასროლის შედეგად ტყვია-მასრების ამოღებას არ ექვემდებარება:

ა) გაუმართავი სამსახურებრივ-საშტატო ცეცხლსასროლი იარაღი;

ბ) იარაღი, რომელიც არ შეესაბამება ამ წესის მე-2 მუხლის „ბ“ ქვეპუნქტით განსაზღვრულ იარაღის სახეობას ან ტიპს;

გ) უწყების მოსამსახურის საკუთრებაში არსებული იარაღი, რომელსაც „იარაღის შესახებ“ საქართველოს კანონის მე-10 მუხლის მე-2 პუნქტით განსაზღვრული წესით მიენიჭა სამსახურებრივ-საშტატო ცეცხლსასროლი იარაღის სტატუსი;

დ) უწყების კუთვნილი სამხედრო-საბრძოლო იარაღი.

+
მუხლი 5
1. უწყება ვალდებულია წერილობით აცნობოს სამინისტროს საექსპერტო-კრიმინალისტიკურ დეპარტამენტს ტყვია-მასროთეკაში განსათავსებლად გადასაცემი ტყვია-მასრების რაოდენობა.

2. ამ მუხლის პირველი პუნქტით განსაზღვრული წერილობითი დოკუმენტის მიღების შემდეგ, უწყების მიერ გადასაცემი ტყვია-მასრების რაოდენობის შესაბამისად, სამინისტროს საექსპერტო-კრიმინალისტიკური დეპარტამენტი ადგენს ტყვია-მასრების გადაცემის განრიგს. ტყვია-მასრების რაოდენობის გათვალისწინებით, დასაშვებია მათი ეტაპობრივი გადაცემა.

3. სამინისტროს საექსპერტო-კრიმინალისტიკური დეპარტამენტი ვალდებულია, შედგენილი განრიგის შესაბამისად, მაგრამ ტყვია-მასრების გადაცემამდე არანაკლებ 30 კალენდარული დღით ადრე, წერილობით აცნობოს უწყებას:

ა) ტყვია-მასრების გადაცემისათვის განსაზღვრული დრო (რიცხვი, თვე, წელი);

ბ) ტყვია-მასრების ეტაპობრივად გადაცემის მოთხოვნის შემთხვევაში, თითოეულ ეტაპზე გადასაცემი ტყვია-მასრების რაოდენობა.

4. უწყებას უფლება აქვს სამინისტროს საექსპერტო-კრიმინალისტიკურ დეპარტამენტს წერილობით სთხოვოს შესაბამისი განრიგით განსაზღვრული დროის გადავადება, მაგრამ არაუმეტეს 3 კალენდარული თვისა.

საქართველოს შინაგან საქმეთა მინისტრის 2019 წლის 6 დეკემბრის ბრძანება №97 - ვებგვერდი, 09.12.2019წ.


Annotate

როგორ დავიმოწმოთ

საქართველოს მინისტრის ბრძანება „სამსახურებრივ-საშტატო ცეცხლსასროლი იარაღიდან გასროლილი ტყვია-მასრების საქართველოს შინაგან საქმეთა სამინისტროს ტყვია–მასროთეკაში განსათავსებლად გადაგზავნის წესის დამტკიცების შესახებ“, №152, 25.02.2014, სარეგისტრაციო კოდი 120200010.22.034.016286 (კონსოლიდირებული რედაქცია 29.04.2022). ხელმისაწვდომია: https://legali.ge/law/2245705-2/