სატრანსპორტო საშუალებებზე სპეციალური სიგნალების დაყენება-გამოყენებისა და ოპერატიული ან სპეციალური სამსახურის ავტომობილებისათვის სპეციალური შეფერილობის გამოყენების წესის დამტკიცების თაობაზე

ვბრძანებ:

დაყენება-გამოყენებისა და ოპერატიული ან სპეციალური სამსახურის

ავტომობილებისათვის სპეციალური შეფერილობის გამოყენების წესი

ა) ოპერატიული სამსახურები – საქართველოს შინაგან საქმეთა სამინისტროს,  საქართველოს თავდაცვის სამინისტროს, საქართველოს სახელმწიფო უსაფრთხოების სამსახურის, სახელმწიფო დაცვის სპეციალური სამსახურისა და საქართველოს დაზვერვის სამსახურის ოპერატიული დანაყოფები;

ბ) სპეციალური სამსახურები – საქართველოს შინაგან საქმეთა სამინისტროს მმართველობაში მოქმედი საჯარო სამართლის იურიდიული პირები, საქართველოს ფინანსთა სამინისტროს საგამოძიებო სამსახური, საქართველოს ფინანსთა სამინისტროს მმართველობის სფეროში შემავალი საჯარო სამართლის იურიდიული პირი – შემოსავლების სამსახური, სახელმწიფო ინსპექტორის სამსახურის საგამოძიებო დეპარტამენტი, საქართველოს იუსტიციის სამინისტროს მმართველობის სფეროში მოქმედი სახელმწიფო საქვეუწყებო დაწესებულება − სპეციალური პენიტენციური სამსახურის შესაბამისი დანაყოფები, საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის „აღსრულების ეროვნული ბიუროს“ აღსრულების პოლიცია, საქართველოს გარემოსა და ბუნებრივი რესურსების დაცვის სამინისტროს მმართველობის სფეროში შემავალი საჯარო სამართლის იურიდიული პირი – ეროვნული სატყეო სააგენტო, საქართველოს გარემოსა და ბუნებრივი რესურსების დაცვის სამინისტროს მმართველობის სფეროში შემავალი სახელმწიფო საქვეუწყებო დაწესებულება – გარემოსდაცვითი ზედამხედველობის დეპარტამენტი, ჯანმრთელობის დაცვის (სასწრაფო სამედიცინო დახმარების) სპეციალური სამსახურები, სამაშველო-ხანძარსაწინააღმდეგო სამსახურები, საინკასაციო სამსახურები, ქ. თბილისის მუნიციპალიტეტის მერიის ზედამხედველობის საქალაქო სამსახურის ლანდშაფტურ-სარეკრეაციო ტერიტორიების დაცვის განყოფილება, ქ. თბილისის მუნიციპალიტეტის მერიის საჯარო სამართლის იურიდიული პირი – ცხოველთა მონიტორინგის სააგენტო, სამშენებლო-სარემონტო ან დასასუფთავებელი სამუშაოების განმახორციელებელი სამსახურები, შპს „თბილისი ენერჯი“;

გ) სპეციალური სიგნალები – ნარინჯისფერი, ყვითელი, ლურჯი ან ლურჯი და წითელი ფერის  ციმციმა სიგნალი, სპეციალური ხმამაღლამოლაპარაკე ხელსაწყო ან სპეციალური ხმოვანი სიგნალი;

დ) სპეციალური შეფერილობა – შეფერილობა, რომელსაც იყენებენ ოპერატიული ან სპეციალური სამსახურები მათზე რეგისტრირებულ სატრანსპორტო საშუალებებზე და რომელიც განასხვავებს ასეთ სატრანსპორტო საშუალებებს სხვა სატრანსპორტო საშუალებებისაგან;

ე) თანხმობა – საქართველოს შინაგან საქმეთა სამინისტროს თანხმობა სამსახურებრივი უფლებამოსილების განხორციელებისას უკიდურესი აუცილებლობის მდგომარეობაში სატრანსპორტო საშუალებებზე სპეციალური სიგნალების დაყენება-გამოყენებისა და ოპერატიული ან სპეციალური სამსახურის ავტომობილისათვის სპეციალური შეფერილობის გამოყენების თაობაზე, რომელიც დასტურდება შესაბამისი დოკუმენტით.

1^​1. საქართველოს შინაგან საქმეთა სამინისტროს მმართველობის სფეროში მოქმედი საჯარო სამართლის იურიდიული პირის – დაცვის პოლიციის დეპარტამენტის შემთხვევაში თანხმობა გაიცემა მხოლოდ საინკასაციო საქმიანობის, სახიფათო, არაგაბარიტული (მსხვილგაბარიტიანი) ან ზენორმატიული (მძიმეწონიანი) ტვირთის, აგრეთვე არაგაბარიტული (მსხვილგაბარიტიანი) ან ზენორმატიული (მძიმეწონიანი) სატრანსპორტო საშუალების  გაცილება/გადატანისა ან სიგნალ „განგაშზე“ რეაგირების  განმახორციელებელ ავტოსატრანსპორტო საშუალებებზე.

2. საქართველოს შინაგან საქმეთა მინისტრისა და საქართველოს სახელმწიფო უსაფრთხოების სამსახურის უფროსის შესაბამისი ინდივიდუალური ადმინისტრაციულ-სამართლებრივი აქტებით განისაზღვრება იმ თანამდებობათა ჩამონათვალი, რომელთა სარგებლობაში არსებულ სატრანსპორტო საშუალებებზეც შეიძლება გაიცეს სპეციალური სიგნალების დაყენება-გამოყენების თანხმობა. აღნიშნული თანხმობის მისაღებად საქართველოს შინაგან საქმეთა სამინისტროს საპატრულო პოლიციის დეპარტამენტს უნდა წარედგინოს მხოლოდ უფლებამოსილი თანამდებობის პირის მიმართვა და სატრანსპორტო საშუალების სარეგისტრაციო მოწმობის ასლი, ხოლო საქართველოს სახელმწიფო უსაფრთხოების სამსახურის სისტემის უფლებამოსილმა მოსამსახურემ დამატებით უნდა წარადგინოს ამ პუნქტით გათვალისწინებული საქართველოს სახელმწიფო უსაფრთხოების სამსახურის უფროსის შესაბამისი ინდივიდუალური ადმინისტრაციულ-სამართლებრივი აქტის ასლი (შენიშვნა: ამ პუნქტის მოქმედება არ ვრცელდება საქართველოს შინაგან საქმეთა სამინისტროს ოპერატიული და სპეციალური სამსახურების ავტოსატრანსპორტო საშუალებებზე, რომლებზეც ვრცელდება სპეციალური სიგნალების დაყენება-გამოყენების ზოგადი წესი).

3. საქართველოს გარემოსა და ბუნებრივი რესურსების დაცვის სამინისტროს მმართველობის სფეროში შემავალ საჯარო სამართლის იურიდიულ პირზე – ეროვნულ სატყეო სააგენტოზე, საქართველოს ფინანსთა სამინისტროს საგამოძიებო სამსახურსა და ქ. თბილისის მუნიციპალიტეტის მერიის ზედამხედველობის საქალაქო სამსახურის ლანდშაფტურ-სარეკრეაციო ტერიტორიის დაცვის განყოფილებაზე რეგისტრირებულ სპეციალური დანიშნულების ავტოსატრანსპორტო საშუალებებზე გაიცემა მხოლოდ ლურჯი ფერის ციმციმა სიგნალის დაყენება-გამოყენების თანხმობა.

4. საქართველოს გარემოსა და ბუნებრივი რესურსების დაცვის სამინისტროს მმართველობის სფეროში შემავალ სახელმწიფო საქვეუწყებო დაწესებულება – გარემოსდაცვითი ზედამხედველობის დეპარტამენტსა და საქართველოს ფინანსთა სამინისტროს მმართველობის სფეროში შემავალ საჯარო სამართლის იურიდიულ პირ – შემოსავლების სამსახურზე რეგისტრირებულ სპეციალური დანიშნულების ავტოსატრანსპორტო საშუალებებზე გაიცემა ლურჯი ფერის ციმციმა სიგნალის, სპეციალური ხმოვანი სიგნალისა და სპეციალური ხმამაღლამოლაპარაკე ხელსაწყოს დაყენება-გამოყენების თანხმობა.

5. საქართველოს იუსტიციის სამინისტროს მმართველობის სფეროში მოქმედი სახელმწიფო საქვეუწყებო დაწესებულება − სპეციალური პენიტენციური სამსახურის შესაბამის დანაყოფებზე რეგისტრირებულ სპეციალური დანიშნულების ავტოსატრანსპორტო საშუალებაზე გაიცემა სპეციალური ლურჯი ან ლურჯი და წითელი ფერის ციმციმა სიგნალისა და ხმამაღლამოლაპარაკე ხელსაწყოს დაყენება-გამოყენების თანხმობა.

5^​1. საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის „აღსრულების ეროვნული ბიუროს“ აღსრულების პოლიციაზე რეგისტრირებულ ავტოსატრანსპორტო საშუალებაზე გაიცემა სპეციალური ლურჯი და წითელი ფერის ციმციმა სიგნალის, ხმოვანი სიგნალისა და ხმამაღლამოლაპარაკე ხელსაწყოს დაყენება-გამოყენების თანხმობა.

5^​2. ქ. თბილისის მუნიციპალიტეტის მერიის საჯარო სამართლის იურიდიულ პირ – ცხოველთა მონიტორინგის სააგენტოზე რეგისტრირებულ სპეციალური დანიშნულების ავტოსატრანსპორტო საშუალებებზე გაიცემა მხოლოდ ლურჯი ფერის ციმციმა სიგნალისა და ხმოვანი სიგნალის დაყენება-გამოყენების თანხმობა.

5^​3. სახელმწიფო ინსპექტორის სამსახურის საგამოძიებო დეპარტამენტზე რეგისტრირებულ ავტოსატრანსპორტო საშუალებებზე გაიცემა მხოლოდ ლურჯი ფერის ციმციმა სიგნალისა და სპეციალური ხმოვანი სიგნალის დაყენება-გამოყენების თანხმობა.

5^​4. შპს „თბილისი ენერჯი“-ზე რეგისტრირებულ სპეციალური დანიშნულების ავტოსატრანსპორტო საშუალებებზე გაიცემა მხოლოდ ლურჯი ფერის ციმციმა სიგნალის, ხმოვანი სიგნალისა და ხმამაღლამოლაპარაკე ხელსაწყოს დაყენება-გამოყენების თანხმობა.

6. ნარინჯისფერი ან ყვითელი ფერის ციმციმა სიგნალის დაყენება-გამოყენების თანხმობა გაიცემა იმ სამსახურის ავტოსატრანსპორტო საშუალებაზე, რომელიც გზაზე ასრულებს სამშენებლო, სარემონტო ან დასასუფთავებელ სამუშაოებს, ან გადააქვს სახიფათო, არაგაბარიტული (მსხვილგაბარიტიანი) ან ზენორმატიული (მძიმეწონიანი) ტვირთი, ან გადაადგილდება არაგაბარიტული (მსხვილგაბარიტიანი) ან ზენორმატიული (მძიმეწონიანი) სატრანსპორტო საშუალებით.

7. საქართველოს შინაგან საქმეთა სამინისტროს სისტემაში თანხმობის გაცემის დამატებითი მოთხოვნები შეიძლება განისაზღვროს საქართველოს შინაგან საქმეთა მინისტრის  ინდივიდუალური ადმინისტრაციულ-სამართლებრივი აქტით.

2. სპეციალურ სიგნალებს ოპერატიული ან სპეციალური სამსახურები იყენებენ  მხოლოდ ოპერატიული ან სპეციალური დანიშნულების სატრანსპორტო საშუალებით სამსახურებრივი დავალების შესრულების დროს, უკიდურესი აუცილებლობის მდგომარეობაში.

3. სპეციალური სიგნალების გამოყენება ნიშნავს მათ მოყვანას მუშა მდგომარეობაში.

4. სპეციალური სიგნალების გამოყენებისას ოპერატიული ან სპეციალური სამსახურის სატრანსპორტო საშუალების მძღოლის და საგზაო მოძრაობის სხვა მონაწილის უფლებები და მოვალეობები განისაზღვრება „საგზაო მოძრაობის შესახებ“ საქართველოს კანონის 51-ე მუხლით. 

2. სპეციალური შეფერილობა კეთდება შესაბამისი სამსახურის მიერ დადგენილი სპეციალური შეფერილობის მოთხოვნების შესაბამისად.

2. თანხმობის გაცემა ხდება უფლებამოსილი სახელმწიფო ორგანოს/დანაყოფის ხელმძღვანელის მოტივირებული წერილობითი მომართვის საფუძველზე.

3. მომართვას თან უნდა დაერთოს:

ა) მონაცემები იმ სატრანსპორტო საშუალების (სატრანსპორტო საშუალების მარკა, სახელმწიფო ნომერი და მისი გამოყენების დანიშნულება) შესახებ, რომლებიც ისარგებლებენ სპეციალური სიგნალებითა და სპეციალური შეფერილობის მქონე სატრანსპორტო საშუალებებით;

ბ) ავტოსატრანსპორტო საშუალების სარეგისტრაციო მოწმობის ასლი;

გ) წერილობითი დასაბუთება სპეციალური სიგნალების გამოყენების აუცილებლობის შესახებ;

დ) ინფორმაცია იმის თაობაზე, რომ სატრანსპორტო საშუალება გამოიყენება ოპერატიული ან სპეციალური დანიშნულების მიზნით.

4. თანხმობის გაცემა ხდება შუამდგომლობის დაყენებიდან 10 დღის ვადაში.  

2. ავტოსატრანსპორტო საშუალების მფლობელი ახორციელებს სპეციალური სიგნალების დემონტაჟს და სპეციალური შეფერილობის გაუქმებას, რის შესახებაც დგება ერთობლივი ოქმი საპატრულო პოლიციის დეპარტამენტისა და შესაბამისი ოპერატიული ან სპეციალური სამსახურის წარმომადგენლების მონაწილეობით.