ავტოსატრანსპორტო საშუალებათა მინების დამუქების წესისა და იმ სატრანსპორტო საშუალებათა ნუსხის დამტკიცების შესახებ, რომლებიც არ საჭიროებს საქართველოს შინაგან საქმეთა სამინისტროს საპატრულო პოლიციის დეპარტამენტის თანხმობას

საქართველოს შინაგან საქმეთა მინისტრის 2019 წლის 4 დეკემბრის ბრძანება №94 - ვებგვერდი, 04.12.2019წ.

„საგზაო მოძრაობის შესახებ“ საქართველოს კანონის მე-12 მუხლის პირველი პუნქტის „ბ“ ქვეპუნქტის, ამავე მუხლის მე-2 პუნქტის, საქართველოს ადმინისტრაციულ სამართალდარღვევათა კოდექსის 119-ე მუხლის, 314-ე მუხლის მე-7 ნაწილის, „ნორმატიული აქტების შესახებ“ საქართველოს ორგანული კანონის 25-ე მუხლის, „სახელმწიფო ავტოპარკის გადანაწილების, კლასიფიკაციისა და სამსახურებრივი ავტომანქანის შესყიდვის ან ჩანაცვლების წესის დამტკიცების შესახებ“ საქართველოს მთავრობის 2014 წლის 6 თებერვლის №121 დადგენილების მე-6 მუხლისა და „საქართველოს შინაგან საქმეთა სამინისტროს დებულების დამტკიცების შესახებ“ საქართველოს მთავრობის 2013 წლის 13 დეკემბრის №337 დადგენილებით დამტკიცებული დებულების მე-5 მუხლის მე-2 პუნქტის „ა“ და „ნ“ ქვეპუნქტების საფუძველზე, ვბრძანებ:

მუხლი 1

დამტკიცდეს თანდართული რედაქციით ავტოსატრანსპორტო საშუალებათა მინების დამუქების წესი და იმ სატრანსპორტო საშუალებათა ნუსხა, რომლებიც არ საჭიროებს საქართველოს შინაგან საქმეთა სამინისტროს საპატრულო პოლიციის დეპარტამენტის თანხმობას.

მუხლი 2

ძალადაკარგულად გამოცხადდეს საქართველოს შინაგან საქმეთა მინისტრის 2010 წლის 29 ოქტომბრის №917 ბრძანება „ავტოსატრანსპორტო საშუალებათა მინების დამუქების წესისა და იმ სატრანსპორტო საშუალებათა ნუსხის დამტკიცების შესახებ, რომლებიც არ საჭიროებს საქართველოს შინაგან საქმეთა სამინისტროს საპატრულო პოლიციის თანხმობას“ .

მუხლი 3

ბრძანების შესრულების კონტროლი დაევალოს საქართველოს შინაგან საქმეთა სამინისტროს საპატრულო პოლიციის დეპარტამენტს.

მუხლი 3¹

1. 2025 წლის 1 აგვისტომდე საქართველოს ტერიტორიაზე შემოყვანილი იმ ავტოსატრანსპორტო საშუალების მართვისთვის, რომლის მინებიც ბრონირებული და დამუქებულია ავტოსატრანსპორტო საშუალების დამამზადებლის (მწარმოებლის) მიერ, ავტოსატრანსპორტო საშუალების მესაკუთრეს/მფლობელს არ დაეკისრება ადმინისტრაციული პასუხისმგებლობა იმ შემთხვევაში, თუ იგი 2025 წლის 1 სექტემბრამდე საქართველოს შინაგან საქმეთა სამინისტროს საპატრულო პოლიციის დეპარტამენტს წარუდგენს ავტომწარმოებლის მიერ გაცემულ შესაბამის დოკუმენტაციას მინების ქარხნულად ბრონირებისა და დამუქების შესახებ.

2. საპატრულო პოლიციის დეპარტამენტი გასცემს ცნობას ამ მუხლის პირველი პუნქტით გათვალისწინებული დოკუმენტაციის წარდგენის ფაქტის დადასტურების შესახებ.

3. ამ მუხლის პირველი პუნქტით გათვალისწინებულ ვადაში შესაბამისი დოკუმენტაციის საპატრულო პოლიციის დეპარტამენტისთვის წარუდგენლობა გამოიწვევს საქართველოს კანონმდებლობით გათვალისწინებულ პასუხისმგებლობას.

საქართველოს შინაგან საქმეთა მინისტრის 2025 წლის 24 ივლისის ბრძანება №60 - ვებგვერდი, 24.07.2025წ.

მუხლი 4

ბრძანება ამოქმედდეს 2014 წლის 1 მარტიდან.

შინაგან საქმეთა მინისტრი ალექსანდრე ჭიკაიძე

დანართი

ავტოსატრანსპორტო საშუალებათა მინების დამუქების წესი და იმ სატრანსპორტო საშუალებათა ნუსხა, რომლებიც არ საჭიროებს საქართველოს შინაგან საქმეთა სამინისტროს საპატრულო პოლიციის დეპარტამენტის თანხმობას

მუხლი 1. რეგულირების სფერო

1. ეს წესი განსაზღვრავს საქართველოს ტერიტორიაზე მოძრავი ავტოსატრანსპორტო საშუალებების მინების დამუქებისა და მათი გამოყენების სამართლებრივ მექანიზმებს.

2. ამ წესის მოქმედება არ ვრცელდება სატრანსპორტო საშუალების უკანა საქარე მინაზე და საბარგულის მხარეს განთავსებულ უკანა გვერდით მინებზე, აგრეთვე მსუბუქ ავტოსატრანსპორტო საშუალებაში მგზავრთა გადასაყვანი მესამე და მეტი რიგის არსებობის შემთხვევაში – მესამე და მეტი რიგის მინებზე.

3. (ამოღებულია - 26.03.2024, №14).

საქართველოს შინაგან საქმეთა მინისტრის 2024 წლის 26 მარტის ბრძანება №14 - ვებგვერდი, 27.03.2024წ.

მუხლი 2. ტერმინთა განმარტებები

ამ წესში გამოყენებულ ტერმინებს აქვს შემდეგი მნიშვნელობა:

ა) დამუქებული მინები – ავტოსატრანსპორტო საშუალების მინების შუქგამტარობის შემცირება წინა გვერდითა მინებზე 60%-ზე მეტი ოდენობით, მძღოლის უკან მსხდომი მგზავრების მხარეს განთავსებულ გვერდითა მინებზე 75%-ზე მეტი ოდენობით, ხოლო წინა საქარე მინაზე 30%-ზე მეტი ოდენობით, ავტოსატრანსპორტო საშუალების დამამზადებლის (მწარმოებლის) მიერ;

ბ) სპეციალური სამსახურები – საქართველოს შინაგან საქმეთა სამინისტროს შესაბამისი დანაყოფები; საქართველოს თავდაცვის სამინისტროს შესაბამისი დანაყოფები; საქართველოს სახელმწიფო უსაფრთხოების სამსახურის შესაბამისი დანაყოფები; საქართველოს დაზვერვის სამსახურის შესაბამისი დანაყოფები; სახელმწიფო დაცვის სპეციალური სამსახურის შესაბამისი დანაყოფები; საქართველოს პროკურატურა; საქართველოს პარლამენტი; საქართველოს ფინანსთა სამინისტროს შესაბამისი დანაყოფები, რომლებიც ახორციელებენ ოპერატიულ-სამძებრო და საგამოძიებო საქმიანობას; საქართველოს იუსტიციის სამინისტროს გენერალური ინსპექციის შესაბამისი დანაყოფები, რომლებიც ახორციელებენ ოპერატიულ-სამძებრო და საგამოძიებო საქმიანობას; საქართველოს იუსტიციის სამინისტროს მმართველობის სფეროში მოქმედი სახელმწიფო საქვეუწყებო დაწესებულება – სპეციალური პენიტენციური სამსახურის შესაბამისი დანაყოფები; ჯანმრთელობის დაცვის შესაბამისი სამსახურები; საინკასაციო სამსახურები;

გ) თანხმობა – საქართველოს შინაგან საქმეთა სამინისტროს საპატრულო პოლიციის დეპარტამენტის წერილობითი თანხმობა საქართველოს ტერიტორიაზე ავტოსატრანსპორტო საშუალებების მინების დამუქებისა და მათი გამოყენების თაობაზე, რაც დასტურდება შესაბამისი დოკუმენტით.

საქართველოს შინაგან საქმეთა მინისტრის 2015 წლის 14 სექტემბრის ბრძანება №681 - ვებგვერდი, 15.09.2015წ.

საქართველოს შინაგან საქმეთა მინისტრის 2020 წლის 9 იანვრის ბრძანება №1 - ვებგვერდი, 09.01.2020წ.

საქართველოს შინაგან საქმეთა მინისტრის 2022 წლის 29 აპრილის ბრძანება №43 - ვებგვერდი, 02.05.2022წ.

საქართველოს შინაგან საქმეთა მინისტრის 2024 წლის 2 ივლისის ბრძანება №47 - ვებგვერდი, 02.07.2024წ.

მუხლი 3. სატრანსპორტო საშუალებები, რომლებიც არ საჭიროებენ საქართველოს შინაგან საქმეთა სამინისტროს საპატრულო პოლიციის დეპარტამენტის თანხმობას

1. საქართველოს ტერიტორიაზე იმ ავტოსატრანსპორტო საშუალების მოძრაობა, რომლის მინების შუქგამტარობის შემცირება არ აღემატება წინა გვერდითა მინებზე 60%-ს, ხოლო მძღოლის უკან მსხდომი მგზავრების მხარეს განთავსებულ გვერდითა მინებზე – 75%-ს, არ საჭიროებს საქართველოს შინაგან საქმეთა სამინისტროს საპატრულო პოლიციის დეპარტამენტის თანხმობას.

2. სატრანსპორტო საშუალების წინა საქარე მინაზე შუქგამტარობის შემცირება აკრძალულია, გარდა ამ მუხლის მესამე პუნქტით გათვალისწინებული შემთხვევისა.

3. საქართველოს შინაგან საქმეთა სამინისტროს საპატრულო პოლიციის დეპარტამენტის თანხმობას არ საჭიროებს იმ ავტოსატრანსპორტო საშუალების მოძრაობა, რომლის წინა საქარე მინაზე შუქგამტარობა შემცირებულია ავტოსატრანსპორტო საშუალების დამამზადებლის (მწარმოებლის) მიერ და შუქგამტარობის შემცირება არ აღემატება 30%-ს.

მუხლი 4. ავტოსატრანსპორტო საშუალების მინების დამუქებისა და მათი გამოყენების თაობაზე თანხმობის გაცემა

1. აკრძალულია იმ ავტოსატრანსპორტო საშუალების საქართველოს ტერიტორიაზე მოძრაობა, რომლის მინები დამუქებულია და არ გააჩნია საქართველოს შინაგან საქმეთა სამინისტროს საპატრულო პოლიციის დეპარტამენტის შესაბამისი თანხმობა, ან სატრანსპორტო საშუალების მოძრაობა, რომლის მინების შუქგამტარობა შეზღუდულია ფარდით ან სხვა ამგვარი საშუალებით.

2. საქართველოს შინაგან საქმეთა სამინისტროს საპატრულო პოლიციის დეპარტამენტის მიერ სატრანსპორტო საშუალებებზე დამუქებული მინების გამოყენების თანხმობა გაიცემა:

ა) ამ წესის №1 დანართით განსაზღვრული პირების სარგებლობაში არსებულ ავტოსატრანსპორტო საშუალებებზე;

ბ) ამ წესის №2 დანართით განსაზღვრულ სპეციალური სამსახურების მფლობელობაში არსებულ სპეციალური დანიშნულების ავტოსატრანსპორტო საშუალებებზე.

3. საქართველოს შინაგან საქმეთა მინისტრისა და საქართველოს სახელმწიფო უსაფრთხოების სამსახურის უფროსის შესაბამისი ინდივიდუალური ადმინისტრაციულ-სამართლებრივი აქტებით განისაზღვრება იმ თანამდებობათა ჩამონათვალი, რომელთა სარგებლობაში არსებულ სატრანსპორტო საშუალებებზეც შეიძლება გაიცეს დამუქებული მინების გამოყენების თანხმობა.

3¹. ამ მუხლის მე-2 პუნქტის „ა“ ქვეპუნქტითა და მე-3 პუნქტით გათვალისწინებულ შემთხვევებში თანხმობის მისაღებად საქართველოს შინაგან საქმეთა სამინისტროს საპატრულო პოლიციის დეპარტამენტს უნდა წარედგინოს მხოლოდ უფლებამოსილი თანამდებობის პირის მიმართვა და სატრანსპორტო საშუალების სარეგისტრაციო მოწმობის ასლი, საქართველოს პარლამენტის წევრის სახელზე საკუთრების უფლებით რეგისტრირებული ავტოსატრანსპორტო საშუალების შემთხვევაში, ასევე, წარდგენილ უნდა იქნეს საქართველოს პარლამენტის მიერ გაცემული სპეციალური საშვის ასლი, ხოლო საქართველოს სახელმწიფო უსაფრთხოების სამსახურის სისტემის უფლებამოსილმა მოსამსახურემ დამატებით უნდა წარადგინოს ამ მუხლის მე-3 პუნქტით გათვალისწინებული საქართველოს სახელმწიფო უსაფრთხოების სამსახურის უფროსის შესაბამისი ინდივიდუალური ადმინისტრაციულ-სამართლებრივი აქტის ასლი.

4. ამ მუხლის მე-2 პუნქტის „ბ“ ქვეპუნქტით გათვალისწინებულ შემთხვევაში, თანხმობის მიღების მიზნით, დაინტერესებულმა უფლებამოსილმა პირმა საპატრულო პოლიციის დეპარტამენტს უნდა მიმართოს წერილობითი ფორმით, რომელშიც უნდა აღინიშნოს:

ა) იმ ავტოსატრანსპორტო საშუალების მონაცემები (მარკა, მოდელი, სახელმწიფო ნომერი), რომელიც ისარგებლებს დამუქებული მინებით;

ბ) ავტოსატრანსპორტო საშუალებაზე მინების დამუქების საჭიროების დასაბუთება;

გ) ინფორმაცია იმის თაობაზე, რომ სატრანსპორტო საშუალება გამოიყენება სპეციალური დანიშნულების მიზნით.

5. წერილობით მიმართვას უნდა დაერთოს ავტოსატრანსპორტო საშუალების სარეგისტრაციო მოწმობის ასლი.

6. საქართველოს შინაგან საქმეთა სამინისტროს საპატრულო პოლიციის დეპარტამენტი თანხმობას გასცემს წერილობითი მიმართვიდან 10 კალენდარული დღის ვადაში.

7. თანხმობა გაიცემა ერთი წლის ვადით.

8. განსაკუთრებულ შემთხვევებში თანხმობა შეიძლება გაიცეს იმ სატრანსპორტო საშუალებებზეც, რომლებიც არ არის განსაზღვრული ამ წესის მე-4 მუხლის მე-2 და მე-3 პუნქტებით, სამინისტროს გენერალური ინსპექციის თანხმობის შემთხვევაში.

9. საქართველოს შინაგან საქმეთა სამინისტროს სისტემაში თანხმობის გაცემის დამატებითი მოთხოვნები შეიძლება განისაზღვროს საქართველოს შინაგან საქმეთა მინისტრის ინდივიდუალური ადმინისტრაციულ-სამართლებრივი აქტით.

საქართველოს შინაგან საქმეთა მინისტრის 2014 წლის 18 სექტემბრის ბრძანება №716 - ვებგვერდი, 19.09.2014წ.

მუხლი 5. თანხმობის გაუქმების საფუძვლები

1. საქართველოს შინაგან საქმეთა სამინისტროს საპატრულო პოლიციის დეპარტამენტის მიერ გაცემული თანხმობა უქმდება, თუ:

ა) გასხვისდება ავტოსატრანსპორტო საშუალება;

ბ) გაუქმდება ავტოსატრანსპორტო საშუალების მინების დამუქების საფუძველი.

2. ამ მუხლის პირველი პუნქტით განსაზღვრული გარემოებების წარმოშობის შემთხვევაში წერილობითი ფორმით უნდა ეცნობოს საქართველოს შინაგან საქმეთა სამინისტროს საპატრულო პოლიციის დეპარტამენტს, ხოლო ავტოსატრანსპორტო საშუალების მინების დამუქების თანხმობა გაუქმდეს დაუყოვნებლივ.

მუხლი 6. ავტოსატრანსპორტო საშუალებათა მინების დამუქების შემოწმება

ავტოსატრანსპორტო საშუალების დამუქებული მინების შუქგამტარობის შემოწმება ხორციელდება საქართველოს შინაგან საქმეთა სამინისტროს საპატრულო პოლიციის დეპარტამენტის მიერ, მინების შუქგამტარობის განმსაზღვრელი ხელსაწყოს მეშვეობით.

დანართი N1

იმ პირთა ნუსხა, რომელთა სარგებლობაში არსებულ ავტოსატრანსპორტო საშუალებებზეც შეიძლება გაიცეს დამუქებული მინების გამოყენების თანხმობა

1. საქართველოს პრეზიდენტი.

2. საქართველოს პრემიერ-მინისტრი.

3. საქართველოს პარლამენტის თავმჯდომარე და მისი მოადგილეები.

4. პარლამენტის კომიტეტებისა და საპარლამენტო ფრაქციების თავმჯდომარეები.

4¹. საქართველოს პარლამენტის აპარატის ბალანსზე რიცხული ავტოსატრანსპორტო საშუალება, რომლითაც სარგებლობს საქართველოს პარლამენტის წევრი.

4². საქართველოს პარლამენტის წევრის სახელზე საკუთრების უფლებით რეგისტრირებული ავტოსატრანსპორტო საშუალება, რომელზედაც გაცემულია საქართველოს პარლამენტის სპეციალური საშვი (არაუმეტეს ერთი ავტოსატრანსპორტო საშუალებისა).

5. საქართველოს მინისტრი და მისი მოადგილეები.

6. საქართველოს სახელმწიფო მინისტრი და მისი მოადგილეები.

7. ეროვნული უსაფრთხოების საბჭოს აპარატის უფროსი და მისი მოადგილე.

8. სახელმწიფო დაცვის სპეციალური სამსახურის უფროსი და მისი მოადგილეები.

9. საქართველოს დაზვერვის სამსახურის უფროსი და მისი მოადგილეები.

9¹. საქართველოს სახელმწიფო უსაფრთხოების სამსახურის უფროსი და მისი მოადგილეები.

10. საქართველოს პრეზიდენტის ადმინისტრაციის უფროსი.

11. საქართველოს მთავრობის ადმინისტრაციის უფროსი და მისი მოადგილეები.

11¹. საქართველოს მთავრობის ადმინისტრაციის სტრატეგიული კომუნიკაციების დეპარტამენტის, ეფექტიანობის დეპარტამენტისა და პროტოკოლის სამსახურის უფროსები.

12. საქართველოს პარლამენტის აპარატის უფროსი.

13. საქართველოს გენერალური პროკურორი და მისი მოადგილეები, ქ. თბილისის პროკურორი და საქართველოს გენერალური პროკურატურის დეპარტამენტების პროკურორები.

13¹. (ამოღებულია - 24.07.2025, №60).

14. თავდაცვის ძალების მეთაური, თავდაცვის ძალების მეთაურის პირველი მოადგილე, მოადგილე – გენერალური შტაბის უფროსი და მოადგილე.

15. საქართველოს იუსტიციის სამინისტროს გენერალური ინსპექციის უფროსი და მოადგილე.

15¹. საქართველოს იუსტიციის სამინისტროს მმართველობის სფეროში მოქმედი სახელმწიფო საქვეუწყებო დაწესებულება – სპეციალური პენიტენციური სამსახურის გენერალური დირექტორი, პირველი მოადგილე და მოადგილე, პენიტენციური დეპარტამენტის დირექტორი და მოადგილე, პენიტენციური დაწესებულების დირექტორი.

16. საქართველოს ფინანსთა სამინისტროს საგამოძიებო სამსახურის უფროსი და მისი მოადგილეები.

17. სახელმწიფო რწმუნებული.

18. საქართველოს საკონსტიტუციო სასამართლოს თავმჯდომარე.

19. საქართველოს უზენაესი სასამართლოს თავმჯდომარე.

20. თბილისის საქალაქო სასამართლოს თავმჯდომარე.

21. საქართველოს იუსტიციის უმაღლესი საბჭოს თავმჯდომარე.

22. სისხლის სამართლის საქმის განმხილველი მოსამართლე.

23. საქართველოს ეროვნული ბანკის პრეზიდენტი.

24. საქართველოს ცენტრალური საარჩევნო კომისიის თავმჯდომარე.

25. გენერალური აუდიტორი.

26. ქალაქ თბილისის მუნიციპალიტეტის მერი.

27. სსიპ – ლევან სამხარაულის სახელობის სასამართლო ექსპერტიზის ეროვნული ბიუროს უფროსი.

28. სსიპ – საქართველოს ფინანსური მონიტორინგის სამსახურის უფროსი.

დანართი N2

სპეციალური სამსახურების მფლობელობაში არსებული იმ სპეციალური დანიშნულების ავტოსატრანსპორტო საშუალებების ნუსხა, რომლებზედაც გაიცემა დამუქებული მინების გამოყენების თანხმობა

სატრანსპორტო საშუალება, რომელიც აღჭურვილია ოპერატიულ-ტექნიკური, სადაზვერვო, კონტრსადაზვერვო ან/და საბრძოლო დანიშნულების მქონე სპეციალური ტექნიკით/აპარატურით. სატრანსპორტო საშუალება, რომელიც გამოიყენება ან შეიძლება გამოყენებულ იქნეს სპეციალური ღონისძიების (სადაზვერვო ან/და საბრძოლო დავალების შესრულება, თავდასხმის მოგერიება, განაღმვა) ან სპეციალური ოპერაციის ჩატარების დროს (მძევლების გათავისუფლება, დანაშაულებრივი დაჯგუფების განეიტრალება და ა.შ.). სატრანსპორტო საშუალება, რომლის მოსარგებლე პირის დაცვასაც უზრუნველყოფს სახელმწიფო. სატრანსპორტო საშუალება, რომელიც სახელმწიფო დაცვის სპეციალური სამსახურის მიერ განკუთვნილია ესკორტის, პირადი დაცვის ან/და ოპერატიული უზრუნველყოფის, აგრეთვე დაგეგმილი ღონისძიების ან/და ობიექტის დაცვის მიზნებისათვის. სატრანსპორტო საშუალება, რომელიც განკუთვნილია სასწრაფო-სამედიცინო, ინკასაციის მომსახურებისთვის. სატრანსპორტო საშუალება, რომელიც გამოიყენება სადაზვერვო-ოპერატიული საქმიანობისათვის. სატრანსპორტო საშუალება, რომლითაც ხორციელდება ბრალდებულთა/მსჯავრდებულთა გაყვანა-გადაყვანა და გაცილება. სატრანსპორტო საშუალება, რომელიც განკუთვნილია საქართველოს პარლამენტში სტუმრად მყოფი სხვა სახელმწიფოთა დელეგაციების მომსახურებისთვის.

გამოსვლა შენახვა

Annotate

როგორ დავიმოწმოთ

საქართველოს მინისტრის ბრძანება „ავტოსატრანსპორტო საშუალებათა მინების დამუქების წესისა და იმ სატრანსპორტო საშუალებათა ნუსხის დამტკიცების შესახებ, რომლებიც არ საჭიროებს საქართველოს შინაგან საქმეთა სამინისტროს საპატრულო პოლიციის დეპარტამენტის თანხმობას“, №165, 28.02.2014, სარეგისტრაციო კოდი 310060000.22.034.016289 (კონსოლიდირებული რედაქცია 24.07.2025). ხელმისაწვდომია: https://legali.ge/law/2259638-8/

შემდგომი ცვლილებები (1)

წინა ცვლილებები (8)

დოკუმენტის ტექსტი

მუხლი 31🔗

მუხლი 1. რეგულირების სფერო 🔗

მუხლი 2. ტერმინთა განმარტებები 🔗

მუხლი 4. ავტოსატრანსპორტო საშუალების მინების დამუქებისა და მათი გამოყენების თაობაზე თანხმობის გაცემა 🔗

მუხლი 5. თანხმობის გაუქმების საფუძვლები🔗

მუხლი 6. ავტოსატრანსპორტო საშუალებათა მინების დამუქების შემოწმება🔗

მუხლი 1🔗

მუხლი 2🔗

მუხლი 3🔗

მუხლი 31🔗

მუხლი 4🔗

მუხლი 1. რეგულირების სფერო🔗

მუხლი 1. რეგულირების სფერო🔗

მუხლი 2. ტერმინთა განმარტებები🔗

მუხლი 2. ტერმინთა განმარტებები🔗

მუხლი 4. ავტოსატრანსპორტო საშუალების მინების დამუქებისა და მათი გამოყენების თაობაზე თანხმობის გაცემა 🔗

მუხლი 5. თანხმობის გაუქმების საფუძვლები🔗

მუხლი 5. თანხმობის გაუქმების საფუძვლები 🔗

მუხლი 6. ავტოსატრანსპორტო საშუალებათა მინების დამუქების შემოწმება🔗

მუხლი 6. ავტოსატრანსპორტო საშუალებათა მინების დამუქების შემოწმება🔗

როგორ დავიმოწმოთ

შემდგომი ცვლილებები (1)

წინა ცვლილებები (8)

დოკუმენტის ტექსტი

მუხლი 31🔗

მუხლი 1. რეგულირების სფერო🔗

მუხლი 2. ტერმინთა განმარტებები🔗

მუხლი 4. ავტოსატრანსპორტო საშუალების მინების დამუქებისა და მათი გამოყენების თაობაზე თანხმობის გაცემა🔗

მუხლი 5. თანხმობის გაუქმების საფუძვლები🔗

მუხლი 6. ავტოსატრანსპორტო საშუალებათა მინების დამუქების შემოწმება🔗

მუხლი 1🔗

მუხლი 2🔗

მუხლი 3🔗

მუხლი 31🔗

მუხლი 4🔗

მუხლი 1. რეგულირების სფერო🔗

მუხლი 1. რეგულირების სფერო🔗

მუხლი 2. ტერმინთა განმარტებები🔗

მუხლი 2. ტერმინთა განმარტებები🔗

მუხლი 4. ავტოსატრანსპორტო საშუალების მინების დამუქებისა და მათი გამოყენების თაობაზე თანხმობის გაცემა🔗

მუხლი 5. თანხმობის გაუქმების საფუძვლები🔗

მუხლი 5. თანხმობის გაუქმების საფუძვლები🔗

მუხლი 6. ავტოსატრანსპორტო საშუალებათა მინების დამუქების შემოწმება🔗

მუხლი 6. ავტოსატრანსპორტო საშუალებათა მინების დამუქების შემოწმება🔗

როგორ დავიმოწმოთ

მუხლი 1. რეგულირების სფერო 🔗

მუხლი 2. ტერმინთა განმარტებები 🔗

მუხლი 4. ავტოსატრანსპორტო საშუალების მინების დამუქებისა და მათი გამოყენების თაობაზე თანხმობის გაცემა 🔗

მუხლი 4. ავტოსატრანსპორტო საშუალების მინების დამუქებისა და მათი გამოყენების თაობაზე თანხმობის გაცემა 🔗

მუხლი 5. თანხმობის გაუქმების საფუძვლები 🔗