2015 წლის ბუნებრივი გაზის ბალანსის დამტკიცების შესახებ

„ელექტროენერგეტიკისა და ბუნებრივი გაზის შესახებ” საქართველოს კანონის მე-3 მუხლის მე-3 პუნქტის „ბ” ქვეპუნქტის და ,,ნორმატიული აქტების შესახებ“ საქართველოს  კანონის მე-13 მუხლის საფუძველზე, ვბრძანებ:

1. დამტკიცდეს თანდართული „2015 წლის ბუნებრივი გაზის ბალანსი”. 

2. ბუნებრივი გაზის სექტორის მდგრადობის, სტაბილურობისა და საიმედო ფუნქციონირების უზრუნველყოფის მიზნით ბუნებრივი გაზის ტრანსპორტირების ლიცენზიანტი უფლებამოსილია დამოუკიდებლად მიიღოს გადაწყვეტილება ბუნებრივი გაზის ბალანსით გათვალისწინებული ბუნებრივი გაზის იმპორტის საერთო მოცულობის ფარგლებში, მომწოდებელი ქვეყნის მიხედვით წყაროების ჩანაცვლების შესახებ. 

3. ეს ბრძანება ამოქმედდეს 2015 წლის 1 იანვრიდან. 

4. ამ ბრძანების ამოქმედებისთანავე ძალადაკარგულად გამოცხადდეს „2014 წლის ბუნებრივი გაზის ბალანსის დამტკიცების შესახებ” საქართველოს ენერგეტიკის მინისტრის 2014 წლის 26 დეკემბრის №176 ბრძანება.