ადიგენის მუნიციპალიტეტის ტერიტორიაზე ადგილობრივი მოსაკრებლების სახეების და განაკვეთების ოდენობის დამტკიცების შესახებ

მუხლი 1. ადგილობრივი მოსაკრებლები

1. სათამაშო ბიზნესის მოსაკრებელი.

2. მოსაკრებელი მშენებლობის (გარდა განსაკუთრებული მნიშვნელობის რადიაციული ან   ბირთვული ობიექტების მშენებლობისა) ნებართვისათვის.

3. მოსაკრებელი მშენებლობის (გარდა განსაკუთრებული მნიშვნელობის რადიაციული ან   ბირთვული ობიექტების მშენებლობისა) სანებართვო პირობების შესრულების დადასტურების (ექსპლოატაციაში მიღების) თაობაზე აქტის გამოცემის (მასში ცვლილებების შეტანის) დაჩქარებული მომსახურებისათვის.

4. მოსაკრებელი დასახლებული ტერიტორიის დასუფთავებისათვის.

 მუხლი 2. ადგილობრივი მოსაკრებლების განაკვეთები

1. სათამაშო ბიზნესის მოსაკრებელი განისაზღვროს:

ა) თითოეულ სამორინეს  მაგიდაზე – კვარტალში 20 000 (ოცი ათასი) ლარიდან 40 000 (ორმოცი ათასი) ლარის ჩათვლით;

ბ) თითოეულ სათამაშო აპარატზე – კვარტალში  2 000 (ორი ათასი) ლარიდან 4 000 (ოთხი ათასი) ლარის  ჩათვლით;

გ) თითოეულ წამახალისებელ გათამაშებაზე – საპრიზო ფონდის 10%;

დ) სისტემურ-ელექტრონული ფორმით მოწყობილ თამაშობაზე (გარდა წამახალისებელი გათამაშებისა) – კვარტალში 250 000 (ორას ორმოცდაათი ათასი) ლარიდან 300 000 (სამასი ათასი) ლარის ჩათვლით;

ე) ლატარიების მოწყობაზე − ლატარიის რეალიზებული ბილეთების ჯამურ ღირებულებასა და საპრიზო ფონდს შორის სხვაობის 10%;

ვ) აზარტული ან/და მომგებიანი თამაშობის მოწყობის ნებართვით ორგანიზებული ობიექტის გარეთ განთავსებული, სისტემურ-ელექტრონული ფორმით მოწყობილი აზარტული ან/და მომგებიანი თამაშობის თითოეულ სალაროზე − კვარტალში 1 500 (ათას ხუთასი) ლარიდან 20 000 (ოცი ათასი)  ლარის ჩათვლით;

ზ) თითოეულ კლუბის მაგიდაზე – კვარტალში 4 000 (ოთხი ათასი) ლარიდან 14 000 (თოთხმეტი ათასი)  ლარის ჩათვლით.

შენიშვნა: თუ სამორინეს მოწყობის ნებართვის მფლობელი კლუბის მაგიდას მხოლოდ აზარტული ტურნირის ჩატარებისათვის იყენებს, იგი უფლებამოსილია არ გადაიხადოს ამ ქვეპუნქტით გათვალისწინებული სათამაშო ბიზნესის მოსაკრებელი.

2.  მოსაკრებელი მშენებლობის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობისა) ნებართვისათვის განისაზღვროს:

ა) ადიგენის მუნიციპალიტეტის ტერიტორიაზე ახალასაშენებელი ობიექტით გათვალისწინებული განაშენიანების ინტენსივობის კოეფიციენტის (კ-2) საანგარიშო ფართობის თითოეული კვადრატული მეტრისათვის შეადგენს:

ა.ა) დაბა   ადიგენის   და   სოფლების   ტერიტორიაზე – 1 ლარს,   ხოლო   სასოფლო-სამეურნეო დანიშნულების ობიექტებზე – 0.5 ლარს

ბ) დაბა აბასთუმნის ტერიტორიაზე:

ბ.ბ) ინდივიდუალური საცხოვრებელი სახლის მშენებლობისათვის – 1 ლარს. სასოფლო-სამეურნეო დანიშნულების ობიექტებზე – 0.5 ლარს. საცხოვრებელი მრავალსართულიანი სახლის მშენებლობაზე, აგრეთვე კომერციული ხასიათის ნაგებობებზე   4 ლარს. სამრეწველო ობიექტის მშენებლობისას  5(ხუთი) ლარს.

გ)  ისეთი შენობა ნაგებობის (გარდა ხაზობრივი ნაგებობისა) მშენებლობისათვის, რომელსაც არ გააჩნია განაშენიანების ინტენსიობის კოეფიციენტის (კ-2)-ს საანგარიშო ფართობი, II კლასის ობიექტებისთვის მოსაკრებლის ოდენობა შეადგენს – 50 ლარს; III კლასის ობიექტებისათვის – 200 ლარს; IV კლასის ობიექტებისათვის 400 ლარს.

დ) ხაზობრივი ნაგებობისათვის გადასახადის ოდენობა განისაზღვროს შემდეგი კლასიფიკაციის მიხედვით:

დ.ა) გაზსადენი, ნავთობსადენი  – ერთ გრძივ მეტრზე 0,8 ლარი;

დ.ბ) წყალარინები  – 0,8 ლარი;

დ.დ) საჰაერო  ხაზობრივ ნაგებობებზე კავშირგაბმულობისა და ელექტროგადამცემ ხაზებზე 0-5 კმ-ის ჩათვლით ერთ გრძივ მეტრზე 0,8 ლარი, ხოლო 5 კილომეტრიდან ზევით 0.5 ლარი;

ე) გათავისუფლდეს მოსაკრებლის გადასახადისგან სტიქიური უბედურების შედეგად დაზიანებული  ობიექტის მშენებლობა;

ვ) მშენებლობის სანებართვო მოსაკრებლის გადასახადისგან გათავისუფლდნენ მშენებლობის ნებართვის მაძიებელი ადიგენის მუნიციპალიტეტი თავის ტერიტორიაზე ან „საქართველოს მთავრობის სტრუქტურის უფლებამოსილებისა და საქმიანობის წესის შესახებ“ საქართველოს კანონით გათვალისწინებული სამინისტრო ან მის გამგებლობაში არსებული სახელმწიფო საქვეუწყებო დაწესებულება.

3. მშენებლობის (გარდა განსაკუთრებული მნიშვნელობის რადიაციული ან ბირთვული ობიექტის მშენებლობისა) სანებართვო პირობების შესრულების დადასტურების (ექსპლოატაციაში მიღების) თაობაზე აქტის გამოცემის (მასში ცვლილებების შეტანა) დაჩქარებული მომსახურების მოსაკრებლის განაკვეთი განისაზღვროს:

ა) II  და III კლასის შენობა-ნაგებობის შემთხვევაში:

ა. ა) განცხადების წარდგენიდან სამ სამუშაო დღეში – 500 (ხუთასი) ლარი;

ა.ბ) განცხადების წარდგენიდან ხუთ სამუშაო დღეში – 300 (სამასი) ლარი;

ა.გ) განცხადების წარდგენიდან ათ სამუშაო დღეში   – 200 (ორასი) ლარი;

ბ. IVკლასის  შენობა-ნაგებობის შემთხვევაში;

ბ.ა) განცხადების წარდგენიდან სამ სამუშაო დღეში – 1500 (ერთი ათას ხუთასი) ლარი;

ბ.ბ) განცხადების წარდგენიდან ხუთ სამუშაო დღეში – 1000 (ერთი ათასი) ლარი;

ბ.გ) განცხადების წარდგენიდან ათ სამუშაო დღეში – 700 (შვიდასი) ლარი.

4.  მოსაკრებელი დასახლებული ტერიტორიის დასუფთავებისათვის განისაზღვროს:

ა) დასახლებული ტერიტორიის დასუფთავებისათვის ერთ სულ მოსახლეზე   0,50 ლარის ოდენობით თვეში, ოჯახის წევრთა რაოდენობის მიუხედავად, სულადობის მაქსიმალური ზღვრული ოდენობა განისაზღვროს 4 სულით, ხოლო იურიდიული პირების, ორგანიზაციებისა და დაწესებულებებისათვის – 25 (ოცდახუთი) ლარის ოდენობით ერთ კუბურ მეტრ ნარჩენებზე.

ბ) დასუფთავების მოსაკრებელი არ დაერიცხება იმ ოჯახებს, რომელთა სოციალური სარეიტინგო ქულა 65001-ზე ნაკლებია.

გ) ადიგენის მუნიციპალიტეტში დასახლებული ტერიტორიის დასუფთავებისათვის გასაწევი მომსახურების გადასახადი საყოფაცხოვრებო ნარჩენების გატანაზე ობიექტების მიხედვით შემდეგი ცხრილის შესაბამისად: