„დოკუმენტის ლეგალიზაციის წესის დამტკიცების შესახებ“

საქართველოს პრეზიდენტის

ბრძანებულება №406

2009 წლის 14 ივლისი

ქ. თბილისი

დოკუმენტის ლეგალიზაციის წესის დამტკიცების შესახებ

1. „ნორმატიული აქტების შესახებ“ საქართველოს კანონის მე-18 მუხლის მე-2 პუნქტის საფუძველზე დამტკიცდეს:

ა) დოკუმენტის ლეგალიზაციის წესი (დანართი №1);

ბ) ლეგალიზაციის I ეტაპის შტამპის ნიმუში (დანართი №2);

გ) ლეგალიზაციის II ეტაპის შტამპის ნიმუში (დანართი №3).

2. საქართველოს საგარეო საქმეთა სამინისტრომ უზრუნველყოს „საკონსულო ლეგალიზაციის წესის დამტკიცების შესახებ“ საქართველოს საგარეო საქმეთა მინისტრის 2007 წლის 2 მაისის №69 ბრძანების ამ წესთან შესაბამისობაში მოყვანა.

3. საქართველოს იუსტიციის სამინისტროს საერთაშორისო კერძო სამართლის დეპარტამენტმა ამ წესის ამოქმედებიდან 5 დღეში უზრუნველყოს ლეგალიზაციით დამოწმების თაობაზე წარმოებაში არსებული საქმეების საქართველოს იუსტიციის სამინისტროს მმართველობის სფეროში შემავალი საჯარო სამართლის იურიდიული პირის – სამოქალაქო რეესტრის სააგენტოსათვის გადაცემა.

4. ეს ბრძანებულება ამოქმედდეს 2009 წლის 15 ივლისიდან.

მ. სააკაშვილი

შეტანილი ცვლილებები:

1.საქართველოს პრეზიდენტის 2010 წლის 23 მარტის ბრძანებულება №185-სსმIII,№31,24.03.2010წ.,

მუხ.451

 2.საქართველოს პრეზიდენტის 2010 წლის 2 3 ივლისის ბრძანებულება №553-სსმIII,№90,26.07.2010წ.,

მუხ.1327

3.საქართველოს პრეზიდენტის 2010 წლის 30 ივლისის ბრძანებულება №5 83-სსმIII,№9 4, 02.0 8.2010წ.,

მუხ.13 87

4 . საქართველოს     პრეზიდენტის 2010 წლის 10 სექტემბრის ბრძანებულება№725- სსმIII,№117,1 5.09. 2010წ.,     მუხ.1728

5. საქართველოს      პრეზიდენტის 2010 წლის 31 დეკემბრის ბრძანებულება№1096-სსმIII,№172,31.12.     2010წ.,მუხ.2529

 

 

 

 

 

 

დანართი №1

დოკუმენტის ლეგალიზაციის წესი

თავი I

ზოგადი დებულებები

    მუხლი 1

1. ეს წესი განსაზღვრავს საქართველოს ტერიტორიაზე შედგენილი დოკუმენტების ლეგალიზაციის განხორციელების წესს.

2. ამ წესის შესაბამისად, ლეგალიზებული დოკუმენტი ექვემდებარება იმ სახელმწიფოებში გამოყენებას, რომლებთანაც საქართველოს არა აქვს დადებული ლეგალიზაციის გამარტივებული პროცედურის ან/და ლეგალიზაციისაგან გათავისუფლების შესახებ საერთაშორისო შეთანხმება.

3. ყველა ადმინისტრაციული ორგანო ვალდებულია უცხო ქვეყანაში გაცემული დოკუმენტები საქმისწარმოებისათვის მიიღოს მხოლოდ მათი ლეგალიზაციის შემთხვევაში, თუ საერთაშორისო ხელშეკრულებით ან საქართველოს კანონმდებლობით სხვა რამ არ არის დადგენილი.

    მუხლი 2

საქართველოში ლეგალიზაციის განხორციელებით დასტურდება საქართველოს ტერიტორიაზე შედგენილ დოკუმენტსა და სალეგალიზაციო შტამპზე არსებული ხელმოწერის ნამდვილობა, ხელმომწერი პირის უფლებამოსილება და ბეჭდის ან შტამპის ავთენტიკურობა.

     მუხლი 3

ამ წესის მიზნებისათვის ქვემოთ ჩამოთვლილ ტერმინებს აქვთ შემდეგი მნიშვნელობა:

უფლებამოსილი ორგანო – ამ წესის მე-6 მუხლის მე-2 პუნქტით განსაზღვრული ორგანოები;

მონაცემთა ბაზა – ადმინისტრაციული ორგანოებისა და საგანმანათლებლო და სამედიცინო დაწესებულებების მონაცემთა ბაზა.

      საქართველოს    პრეზიდენტის 2010 წლის 10 სექტემბრის ბრძანებულება№725- სსმIII,№117, 1 5. 09.     2010წ.,     მუხ.1728

 

თავი II

ლეგალიზაციას დაქვემდებარებული დოკუმენტები და ლეგალიზაციის განხორციელებისათვის უფლებამოსილი ორგანოები

    მუხლი 4

1. ამ წესის შესაბამისად ლეგალიზაციას ექვემდებარება შემდეგი დოკუმენტები:

ა) საქართველოს განათლებისა და მეცნიერების სამინისტროსა და მის სისტემაში შემავალი ორგანოების მიერ გაცემული დოკუმენტები, ასევე საგანმანათლებლო დაწესებულებების მიერ თავიანთი უფლებამოსილების ფარგლებში გაცემული დოკუმენტები;

ბ) სასამართლო ორგანოების მიერ გაცემული დოკუმენტები;

გ) სანოტარო აქტები;

დ) შრომის, ჯანმრთელობისა და სოციალური დაცვის სფეროში საქართველოს შრომის, ჯანმრთელობისა და სოციალური დაცვის სამინისტროსა და მის სისტემაში შემავალი ორგანოების მიერ გაცემული დოკუმენტები, ასევე სამედიცინო დაწესებულებების მიერ თავიანთი უფლებამოსილების ფარგლებში გაცემული დოკუმენტები;

ე) საქართველოს ადმინისტრაციული ორგანოების მიერ თავიანთი უფლებამოსილების ფარგლებში გაცემული დოკუმენტები;

ვ) ადმინისტრაციული ორგანოების მიერ ასლის დედანთან იგივეობის დამოწმების ფურცელი;

ზ) ლეგალიზაციას დაქვემდებარებული დოკუმენტის ადმინისტრაციული ორგანოს მიერ განხორციელებული თარგმანი.

2. ლეგალიზაციას ექვემდებარება როგორც დოკუმენტის ორიგინალი, ისე ნოტარიულად დამოწმებული ასლი და ადმინისტრაციული ორგანოს მიერ ასლის დედანთან იგივეობის დამოწმების ფურცელი.

3. დოკუმენტის ნოტარიულად დამოწმებული ასლის ლეგალიზაცია გულისხმობს ორიგინალზე არსებული ხელმოწერის ნამდვილობის, ხელმომწერი პირის უფლებამოსილების, ბეჭდის ან შტამპის ავთენტიკურობის დადასტურებას.

4. ადმინისტრაციული ორგანოს მიერ დამოწმებული ასლის ლეგალიზაცია გულისხმობს დოკუმენტის დამოწმების ფურცელზე ან დოკუმენტზე არსებული ხელმოწერის ნამდვილობის, ხელმომწერი პირის უფლებამოსილების, ბეჭდის ან შტამპის ავთენტიკურობის დადასტურებას.

      საქართველოს    პრეზიდენტის 2010 წლის 10 სექტემბრის ბრძანებულება№725- სსმIII,№117, 1 5 .09.     2010წ.,     მუხ.1728

    მუხლი 5

ლეგალიზაციას არ ექვემდებარება შემდეგი დოკუმენტები:

ა) საზღვარგარეთ აკრედიტებული დიპლომატიური წარმომადგენლობისა და საკონსულო დაწესებულების მიერ გაცემული დოკუმენტი;

ბ) კერძო სამართლის იურიდიული პირის მიერ (გარდა სამედიცინო და საგანმანათლებლო დაწესებულებებისა) გაცემული დოკუმენტები;

გ) ადმინისტრაციული ორგანოს მიერ გაცემული დოკუმენტები, რომლებიც დაკავშირებულია საბაჟო და კომერციულ ოპერაციებთან;

დ) პირადობის დამადასტურებელი დოკუმენტი, მისი ასლი და ფოტოპირი (გარდა გამცემი ორგანოს მიერ დამოწმებული საქართველოს მოქალაქის პასპორტის ასლისა);

ე) სამხედრო ბილეთი;

ვ) სატრანსპორტო საშუალების სარეგისტრაციო დოკუმენტი (ტექნიკური პასპორტი) და მართვის მოწმობა;

ზ) ადმინისტრაციული ორგანოების მიერ გაცემული ქვითრები;

თ) სანოტარო აქტები – დედანთან ასლის იდენტურობის და თარჯიმნის ხელმოწერის ნამდვილობის დამოწმება;

ი) საქართველოს ნორმატიული აქტების სახელმწიფო რეესტრში რეგისტრირებული საქართველოს ნორმატიულ სამართლებრივი აქტები;

კ) აფხაზეთის ავტონომიური რესპუბლიკის და ყოფილი სამხრეთ ოსეთის ავტონომიური ოლქის დე ფაქტო ხელისუფლების ორგანოებისა და თანამდებობის პირების მიერ გაცემული დოკუმენტები.

      საქართველოს    პრეზიდენტის 2010 წლის 10 სექტემბრის ბრძანებულება№725- სსმIII,№117, 1 5 .09.     2010წ.,     მუხ.1728

    მუხლი 6

1. დოკუმენტის ლეგალიზაცია ხორციელდება ორ ეტაპად: უფლებამოსილი ორგანო ახდენს დოკუმენტზე არსებული ხელმოწერის ნამდვილობის, ხელმომწერი პირის უფლებამოსილებისა და ბეჭდის ან შტამპის ავთენტიკურობის დამოწმებას, რის შემდეგაც საგარეო საქმეთა სამინისტრო ახდენს პირველ ეტაპზე განხორციელებული ლეგალიზაციის შტამპზე არსებული ხელმოწერის ნამდვილობის, ხელმომწერი პირის უფლებამოსილებისა და ბეჭდის ავთენტიკურობის დამოწმებას.

2. ლეგალიზაციის პირველი ეტაპის განხორციელებისათვის უფლებამოსილი ორგანოები არიან:

ა) საქართველოს იუსტიციის სამინისტროს მმართველობის სფეროში შემავალი საჯარო სამართლის იურიდიული პირი – სამოქალაქო რეესტრის სააგენტო;

ბ) საქართველოს განათლებისა და მეცნიერების სამინისტროს მმართველობის სფეროში შემავალი საჯარო სამართლის იურიდიული პირი – განათლების ხარისხის განვითარების ეროვნული ცენტრი;

გ) საქართველოს უზენაესი სასამართლო;

დ) საქართველოს შრომის, ჯანმრთელობისა და სოციალური დაცვის სამინისტრო.

ე) საჯარო სამართლის იურიდიული პირი – საქართველოს შინაგან საქმეთა სამინისტროს მომსახურების სააგენტო.

3. ლეგალიზაციის პირველი ეტაპის განმახორციელებელი ორგანოები ვალდებული არიან საქართველოს საგარეო საქმეთა სამინისტროს საკონსულო დეპარტამენტს თანამდებობაზე დანიშვნის დღესვე წარუდგინონ სალეგალიზაციო შტამპზე ხელმოწერის უფლებამოსილების მქონე პირების ხელმოწერისა და შესაბამისი ბეჭდის ნიმუშები.

4. უფლებამოსილი ორგანოები დოკუმენტების ლეგალიზაციისას იყენებენ ამ ბრძანებულებით დამტკიცებულ ლეგალიზაციის პირველი ეტაპის შტამპს, ხოლო საგარეო საქმეთა სამინისტრო იყენებს ლეგალიზაციის მეორე ეტაპის შტამპს.

     საქართველოს პრეზიდენტის 2010 წლის 30 ივლისის ბრძანებულება №583-სსმIII,№94, 02.08.2010წ.,

მუხ.1387

      საქართველოს    პრეზიდენტის 2010 წლის 10 სექტემბრის ბრძანებულება№725- სსმIII,№117, 1 5 .09.     2010წ.,     მუხ.1728

    მუხლი 7

1. ლეგალიზაციის პირველ ეტაპზე უფლებამოსილი ორგანოების კომპეტენცია განისაზღვრება შემდეგნაირად:

ა) საქართველოს განათლებისა და მეცნიერების სამინისტროს მმართველობის სფეროში შემავალი საჯარო სამართლის იურიდიული პირი – განათლების ხარისხის განვითარების ეროვნული ცენტრი ახდენს საქართველოს განათლებისა და მეცნიერების სამინისტროსა და მის სისტემაში შემავალი ორგანოების მიერ გაცემული დოკუმენტების, ასევე საგანმანათლებლო დაწესებულებების მიერ თავიანთი უფლებამოსილების ფარგლებში გაცემული დოკუმენტების ლეგალიზაციას;

ბ) საქართველოს შრომის, ჯანმრთელობისა და სოციალური დაცვის სამინისტრო ახდენს შრომის, ჯანმრთელობისა და სოციალური დაცვის სფეროში საქართველოს შრომის, ჯანმრთელობისა და სოციალური დაცვის სამინისტროსა და მის სისტემაში გაცემული დოკუმენტების, ასევე სამედიცინო დაწესებულებების მიერ თავიანთი უფლებამოსილების ფარგლებში გაცემული დოკუმენტების ლეგალიზაციას;

გ) საქართველოს უზენაესი სასამართლო ახდენს საქართველოს საკონსტიტუციო სასამართლოს, საერთო სასამართლოებისა და საქართველოს იუსტიციის უმაღლესი საბჭოს მიერ გაცემული დოკუმენტების ლეგალიზაციას;

გ^​1) საჯარო სამართლის იურიდიული პირი – საქართველოს შინაგან საქმეთა სამინისტროს მომსახურების სააგენტო ახდენს საჯარო სამართლის იურიდიული პირის – საქართველოს შინაგან საქმეთა სამინისტროს მომსახურების სააგენტოს მიერ დამზადებული/გაცემული დოკუმენტების ლეგალიზაციას;

დ) საქართველოს იუსტიციის სამინისტროს მმართველობის სფეროში შემავალი საჯარო სამართლის იურიდიული პირის – სამოქალაქო რეესტრის სააგენტო ახდენს ლეგალიზაციას დაქვემდებარებულ ი ყველა დოკუმენტის ლეგალიზებას, რომლებიც არ განეკუთვნება სხვა ორგანოს კომპეტენციას.

2. ადმინისტრაციული ორგანოს მიერ განხორციელებული თარგმანის ლეგალიზებას ახორციელებს ამ ადმინისტრაციული ორგანოს მიერ გაცემული დოკუმენტების ლეგალიზაციისათვის უფლებამოსილი ორგანო.

     საქართველოს პრეზიდენტის 2010 წლის 30 ივლისის ბრძანებულება №583-სსმIII,№94, 02.08.2010წ.,

მუხ.1387

      საქართველოს    პრეზიდენტის 2010 წლის 10 სექტემბრის ბრძანებულება№725- სსმIII,№117, 1 5 .09.     2010წ.,     მუხ.1728

თავი III

დოკუმენტების ლეგალიზაციის განხორციელების წესი

    მუხლი 8

1. ლეგალიზაცია ხორციელდება დაინტერესებული პირის განცხადების საფუძველზე.

2. ლეგალიზაცია ხორციელდება დოკუმენტზე დაცული თვითწებადი ქაღალდის დაკვრით ან შტამპის დასმით.

3. ლეგალიზაციის შტამპზე ტექსტი უნდა იყოს მკაფიოდ და გარკვევით შესრულებული ქართულ და ინგლისურ ენებზე.

     მუხლი 8^​1.

1. საზღვარგარეთ მყოფი პირი უფლებამოსილია განცხადება საქართველოს იუსტიციის სამინისტროს მმართველობის სფეროში შემავალი საჯარო სამართლის იურიდიული პირის – სამოქალაქო რეესტრის სააგენტოს მიერ გაცემული დოკუმენტის აპოსტილით დამოწმების შესახებ წარადგინოს ელექტრონული ფორმით, ამ მუხლით დადგენილი წესით.

2. დოკუმენტის ლეგალიზაციის შესახებ ელექტრონული ფორმით წარდგენილი განცხადების მიღება დასაშვებია იმ შემთხვევაში, თუ ელექტრონული კომუნიკაცია იძლევა განმცხადებლისა და განცხადების მიღებაზე უფლებამოსილი პირის პირდაპირი ვიზუალური კონტაქტის საშუალებას და განმცხადებლის იდენტიფიცირება და პირადობის დადასტურება შესაძლებელია საქართველოს იუსტიციის სამინისტროს მმართველობის სფეროში შემავალი საჯარო სამართლის იურიდიული პირის – სამოქალაქო რეესტრის სააგენტოს ელექტრონულ მონაცემთა ბაზაში არსებული ინფორმაციის გამოყენებით.

3. საქართველოს იუსტიციის სამინისტროს მმართველობის სფეროში შემავალი საჯარო სამართლის იურიდიული პირი – სამოქალაქო რეესტრის სააგენტო უზრუნველყოფს ვიზუალური კონტაქტის ამსახველი ჩანაწერის ელექტრონული ფორმით შენახვას.

4. ამ მუხლით დადგენილი წესით წარდგენილი განცხადების საფუძველზე დოკუმენტის ლეგალიზაციისათვის გათვალისწინებული საფასურის გადახდა დასტურდება საქართველოს საბანკო დაწესებულების მიერ გაცემული ქვითრით.

5. ქვითრის წარდგენა საჭირო არ არის, თუ მომსახურების საფასურის გადახდა განხორციელდა უნაღდო ანგარიშსწორებით და საქართველოს იუსტიციის სამინისტროს მმართველობის სფეროში შემავალ საჯარო სამართლის იურიდიულ პირს – სამოქალაქო რეესტრის სააგენტოს აქვს შესაძლებლობა კომუნიკაციის ელექტრონული საშუალებებით შეამოწმოს ანგარიშსწორების განხორციელების ფაქტი.

6. ამ მუხლის მე-4 პუნქტით გათვალისწინებული  ქვითრის წარუდგენლობის შემთხვევაში, მის წარსადგენად განმცხადებელს განესაზღვრება დამატებითი ვადა არა უმეტეს ერთი თვისა, რის თაობაზეც ეცნობება ელექტრონული ფოსტის საშუალებით, განცხადებაში მითითებულ ელექტრონულ მისამართზე. ქვითრის წარდგენამდე განცხადების განხილვის ვადის დინება შეჩერებულად ითვლება.        

7. ამ მუხლის მე-6 პუნქტით გათვალისწინებულ ვადაში ქვითრის წარუდგენლობის შემთხვევაში, საქართველოს იუსტიციის სამინისტროს მმართველობის სფეროში შემავალი საჯარო სამართლის იურიდიული პირი – სამოქალაქო რეესტრის სააგენტო უფლებამოსილია მიიღოს გადაწყვეტილება განცხადების განუხილველად დატოვების შესახებ.

8. განმცხადებლის მოთხოვნით ლეგალიზებული დოკუმენტი გაიცემა განცხადებაში მის მიერ მითითებულ პირზე.

 საქართველოს   პრეზიდენტის 2010 წლის 31 დეკემბრის ბრძანებულება№1096-სსმIII,№172,31.12.      2010წ.,მუხ.2529

    მუხლი 9

დოკუმენტის ლეგალიზაციისათვის უნდა იქნეს წარმოდგენილი:

ა) დოკუმენტი, რომლის ლეგალიზაციაც უნდა მოხდეს;

ბ) დოკუმენტის ლეგალიზაციის განხორციელებისათვის უფლებამოსილი ორგანოების მიხედვით – საქართველოს იუსტიციის სამინისტროს მმართველობის სფეროში შემავალი საჯარო სამართლის იურიდიული პირის – სამოქალაქო რეესტრის სააგენტოს მიერ გაწეული მომსახურებისათვის დაწესებული საფასურის, საჯარო სამართლის იურიდიული პირის – საქართველოს შინაგან საქმეთა სამინისტროს მომსახურების სააგენტოს მიერ გაწეული მომსახურებისათვის დაწესებული საფასურის, საქართველოს განათლებისა და მეცნიერების სამინისტროს მმართველობის სფეროში შემავალი საჯარო სამართლის იურიდიული პირის – განათლების ხარისხის განვითარების ეროვნული ცენტრის მიერ გაწეული მომსახურებისათვის დაწესებული საფასურის, აგრეთვე კანონმდებლობით გათვალისწინებულ შემთხვევებში – სახელმწიფო ბაჟის გადახდის დამადასტურებელი ქვითარი.

     საქართველოს პრეზიდენტის 2010 წლის 30 ივლისის ბრძანებულება №583-სსმIII,№94, 02.08.2010წ.,

მუხ.1387

      საქართველოს    პრეზიდენტის 2010 წლის 10 სექტემბრის ბრძანებულება№725- სსმIII,№117, 1 5 .09.     2010წ.,     მუხ.1728

    მუხლი 10

1. უფლებამოსილი ორგანოები ამოწმებენ ექვემდებარება თუ არა დოკუმენტი ლეგალიზებას.

2. თუ დოკუმენტი ექვემდებარება ლეგალიზებას, უფლებამოსილი ორგანოები ადგენენ დოკუმენტზე არსებული ხელმოწერის ნამდვილობას, ხელმომწერი პირის უფლებამოსილებას და დოკუმენტზე დასმული ბეჭდის ან შტამპის ავთენტიკურობას.

3. ლეგალიზაციის პირველი ეტაპის განმახორციელებელი ორგანოები დოკუმენტის ლეგალიზაციას ახდენენ განცხადების წარდგენიდან არა უგვიანეს 10 (ათი) დღეში, ხოლო საგარეო საქმეთა სამინისტრო ლეგალიზაციის მეორე ეტაპს ახორციელებს განცხადების წარდგენის დღესვე.

    მუხლი 11

1. უფლებამოსილი ორგანოს პასუხისმგებელი პირი ადარებს დოკუმენტებზე შესრულებულ ხელმოწერას და ამ დოკუმენტზე არსებულ ბეჭედს ან შტამპს მონაცემთა ბაზაში არსებული ბეჭდების, შტამპებისა და ხელმოწერების ნიმუშებთან.

2. იმ შემთხვევაში, თუ მონაცემთა ბაზაში არ ინახება შესაბამისი ბეჭდის, შტამპისა და ხელმოწერის ნიმუში, ლეგალიზება შეიძლება განხორციელდეს მხოლოდ სათანადო ნიმუშების მიღების შემდეგ.

3. თუ ლეგალიზაციისათვის წარმოდგენილ დოკუმენტზე არსებული ხელმოწერა არ შეესაბამება მონაცემთა ბაზაში არსებულ შესაბამისი ხელმოწერის ნიმუშს, მისი ლეგალიზაცია შეიძლება განხორციელდეს დოკუმენტის გამცემი ადმინისტრაციული ორგანოს ან საგანმანათლებლო და სამკურნალო დაწესებულების მიერ ხელმოწერის ნამდვილობის დადასტურების შემთხვევაში.

4. თუ შესაბამისი დაწესებულებიდან ვერ იქნა მოპოვებული ლეგალიზაციისათვის წარდგენილ დოკუმენტზე არსებული ხელმოწერის, ბეჭდის ან შტამპის ნიმუშის ან/და ხელმომწერი პირის უფლებამოსილების შესახებ ინფორმაცია, უფლებამოსილი ორგანო უფლებამოსილია შესაბამისი მტკიცებულებების არსებობის შემთხვევაში დაადგინოს დოკუმენტებზე არსებული ხელმოწერის ნამდვილობა, ხელმომწერი პირის უფლებამოსილება, ბეჭდის ან შტამპის ავთენტიკურობა და განახორციელოს დოკუმენტის ლეგალიზაცია, რის შესახებაც გამოაქვს დასაბუთებული წერილობითი გადაწყვეტილება.

      საქართველოს    პრეზიდენტის 2010 წლის 10 სექტემბრის ბრძანებულება№725- სსმIII,№117, 1 5 .09.     2010წ.,     მუხ.1728

    მუხლი 12

დაუშვებელია ლეგალიზაციის ტექსტში ცვლილების შეტანა.

    მუხლი 13

დოკუმენტის ლეგალიზებაზე უარი შეიძლება ითქვას, თუ:

ა) დოკუმენტზე ტექსტის ამოკითხვა შეუძლებელია (ძნელად გასარკვევია);

ბ) დოკუმენტები ხელმოწერილია ფანქრით;

გ) დოკუმენტის ასლები დაუმოწმებელია;

დ) დოკუმენტებში დაფიქსირებულია დაუმოწმებელი შესწორებები ან შეინიშნება გაყალბების ნიშნები;

ე) ვერ ხერხდება საჭირო ხელმოწერის, ბეჭდის ან შტამპის ნიმუშის მოძიება ან ვერ დგინდება დოკუმენტებზე არსებული ხელმოწერის ნამდვილობა, ხელმომწერი პირის უფლებამოსილება და ბეჭდის ან შტამპის ავთენტიკურობა;

ვ) დოკუმენტზე შეინიშნება მასთან კავშირის არმქონე მინაწერი, ბეჭედი ან შტამპი;

ზ) დოკუმენტი ფორმით ან შინაარსით არსებითად ეწინააღმდეგება საქართველოს კანონმდებლობას ან/და გამოცემულია არაუფლებამოსილი ორგანოს ან პირის მიერ.

    მუხლი 14

1. ლეგალიზაციის ფაქტი რეგისტრირდება ელექტრონული ან მატერიალური ფორმით არსებულ სარეგისტრაციო ჟურნალში, სადაც აღინიშნება:

ა) რიგითი ნომერი, რომელსაც პასუხობს ლეგალიზაციის შტამპი;

ბ) ლეგალიზაციის განმახორციელებელი ორგანოს დასახელება და ლეგალიზაციის განხორციელების თარიღი;

გ) ლეგალიზებულ დოკუმენტზე ხელმომწერი პირის ვინაობა და თანამდებობა.

2. მატერიალური ფორმით არსებული სარეგისტრაციო ჟურნალი უნდა იყოს აკინძული, დანომრილი, პასუხისმგებელი პირის მიერ ხელმოწერილი და ბეჭდით დამოწმებული.

3. ელექტრონული ფორმით არსებულ სარეგისტრაციო ჟურნალს უნდა ჰქონდეს სათანადო პროგრამული მხარდაჭერა, რომელიც უზრუნველყოფს მის გამართულ წარმოებას, მონაცემთა ავთენტიკურობას, უსაფრთხოებასა და დაცვას არასანქცირებული წვდომისაგან.

4. დაინტერესებული პირის მოთხოვნის შემთხვევაში უფლებამოსილი ორგანო ვალდებულია გასცეს ინფორმაცია, შეესაბამება თუ არა დოკუმენტზე ლეგალიზაციის შტამპში აღნიშნული მონაცემები სარეგისტრაციო ჟურნალში არსებულ მონაცემებს.

მუხლი 15

ლეგალიზაციის ელექტრონული ან მატერიალური სარეგისტრაციო ჟურნალების წარმოებისა და შენახვის წესს თავიანთი კომპეტენციის ფარგლებში განსაზღვრავენ ლეგალიზაციის განხორციელებისათვის უფლებამოსილი ორგანოები და საქართველოს საგარეო საქმეთა სამინისტრო.

     საქართველოს პრეზიდენტის 2010 წლის 23 ივლისის ბრძანებულება №553-სსმIII,№90,26.07.2010წ.,

მუხ.1327

თავი IV

ლეგალიზაციის შტამპის ფორმა და მისი დასმის წესი

    მუხლი 16

1. ლეგალიზაციისას პირველი ეტაპის განხორციელებისას დოკუმენტზე დაიკრობა თვითწებადი ქაღალდი ან დაისმება 10X10 ზომის შტამპი, რომელზეც დაიტანება შესაბამისი ტექსტი (დანართი №2).

2. ლეგალიზაციის მეორე ეტაპზე საგარეო საქმეთა სამინისტრო ახორციელებს 55X58 მმ ზომის შტამპის დასმას დოკუმენტზე (დანართი №3).

    მუხლი 17

1. ლეგალიზაციის შტამპი დაისმება დოკუმენტზე არსებულ თავისუფალ ადგილზე, ან მის მეორე გვერდზე, ან მასზე დამაგრებულ ჩანართზე.

2. ჩანართი მიკერებული უნდა იქნეს დოკუმენტზე ლენტით, რომელთა განცალკევება დაზიანების გარეშე შეუძლებელი იქნება. აღნიშნული წესი გამოიყენება მაშინაც, თუ დოკუმენტს მყარი გარეკანი აქვს.

3. ჩანართზე ლეგალიზაციის შტამპი დაისმება ისე, რომ შტამპის ერთი ნაწილი იყოს თვით დოკუმენტზე, ხოლო მეორე _ ჩანართზე.

4. ამ წესის მე-6 მუხლის მე-2 პუნქტით განსაზღვრულ ორგანოებს უფლება აქვთ ჩანართისათვის გამოიყენონ სპეციალური ქაღალდი.

თავი V

დასკვნითი დებულებები

    მუხლი 18

1. ლეგალიზაციის შემსრულებელი პირი პასუხისმგებელია ლეგალიზაციის არასწორად შესრულების ან ამ წესის რაიმე ფორმით დარღვევისათვის მოქმედი კანონმდებლობის შესაბამისად.

2. ამ წესის მოთხოვნათა დარღვევით ლეგალიზებულ დოკუმენტს არ გააჩნია იურიდიული ძალა.

დანართი №2

ლეგალიზაციის I ეტაპის შტამპის ნიმუში

1. ქვეყანა/Count ry: საქართველო /Georgia     მოცემული ოფიციალური დოკუმენტი/This public document 2. ხელმოწერილია/has been signed by:---------------------------------------------------- ------------------/------------------------------------------------------------------------------------ 3. რომლის თანამდებობაც არის/ acting in the capacity of: ------------------------ ------------------------------------------------------------------------------------------------------ ---------------/---------------------------------------------------------------------------------------- ------------------------------- 4. დამტკიცებულია/ bears the seal/stamp of --------------------------------------------- --------------------------/------------------------------------------------------------------------------ --------------------------------------------------------------------------------------------------------- – ბეჭდით/შტამპით დამოწმებული/Certიfied 5. ადგილი/  at:                              6. თარიღი/ the ------------------------ 7. დამოწმებულია/by: 8. № ------------- 9. ბეჭდის/შტამპის ადგილი/Seal/stamp   10. ხელმოწერა/ signature“.

 

თვითწებადი ქაღალდის აღწერილობა

თვითწებადი ქაღალდი დაფარულია ოთხი სხვადასხვა ტიპის ექსკლუზიური, გილიოშური დამცავი ბადით, რომლის ხაზების ნაწილი მიკროტექსტია. დამცავი ბადე შესრულებულია ასლის გადაღების საწინააღმდეგო და მანათობილი საღებავით.

წარწერები „საქართველო“ და „Georgia“ შესრულებულია უხილავი საღებავით.

         საქართველოს პრეზიდენტის 2010 წლის 23 მარტის ბრძანებულება №185-სსმIII,№31,24.03.2010წ.,

მუხ.451

 დანართი №3

ლეგალიზაციის II ეტაპის შტამპის ნიმუში

საქართველოს საგარეო საქმეთა სამინისტროს საკონსულო დეპარტამენტი ადასტურებს სალეგალიზაციო შტამპზე ხელმომწერი პირის უფლებამოსილებას, მისი ხელმოწერისა და უფლებამოსილი ორგანოს ბეჭდის ნამდვილობას. The Consular Department of The Ministry of Foreign Affairs of Georgia certifies capacity (authority) of signer on legalization stamp, authenticity of his/her signature and the seal/stamp of the authorized affixed.  № ––––––––– „–––––“ ––––––––––– 200 ––––––– ხელმოწერა Signature

 

Annotate