,,შეზღუდული შესაძლებლობის მქონე პირთა საკითხებზე მომუშავე სახელმწიფო საკოორდინაციო საბჭოს შექმნისა და დებულების დამტკიცების შესახებ“

საქართველოს მთავრობის

დადგენილება №231

2009 წლის 15 დეკემბერი

ქ. თბილისი

შეზღუდული შესაძლებლობის მქონე პირთა საკითხებზე მომუშავე სახელმწიფო საკოორდინაციო საბჭოს შექმნისა და დებულების დამტკიცების შესახებ

    მუხლი 1

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 29-ე მუხლის შესაბამისად:

1. შეიქმნას შეზღუდული შესაძლებლობის მქონე პირთა საკითხებზე მომუშავე სახელმწიფო საკოორდინაციო საბჭო (შემდგომში – საბჭო) შემდეგი შემადგენლობით:

 

 

2. საბჭოს მუშაობაში წევრის სტატუსით მონაწილეობის მიღება ეთხოვოთ:

ოთარ თოიძეს – საქართველოს პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარეს

მაგდა ანიკაშვილს – საქართველოს პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის მოადგილეს

ამირან ბატატუნაშვილს – „საქართველოს ყრუთა კავშირის“ წარმომადგენელს

რეზო მაისურაძეს – „საქართველოს უსინათლოთა კავშირის“ წარმომადგენელს

გიორგი ძნელაძეს – „ინვალიდთა ლიგის“ წარმომადგენელს

ზაზა სიხარულიძეს – „ღვთისშვილთა კავშირის“ წარმომადგენელს

ნანა ლომაძეს – „კავშირი ადამიანებისათვის, განსაკუთრებულ საქმიანობას რომ საჭიროებენ“ წარმომადგენელს

მაია ბიბილეიშვილს – „ინვალიდი ბავშვი, ოჯახი, საზოგადოება“ ასოციაციის წარმომადგენელს

მადონა ხარებავას – ასოციაცია „დეას“ წარმომადგენელს.

საქართველოს მთავრობის 2010 წლის 28 სექტემბრის დადგენილება №294-სსმIII,№127, 04.10.2010წ., მუხ.1850

საქართველოს მთავრობის 2011 წლის 8 დეკემბრის დადგენილება №465 - ვებგვერდი, 12.12.2011წ.

    მუხლი 2

დამტკიცდეს საბჭოს თანდართული დებულება.

    მუხლი 3

დადგენილება ამოქმედდეს გამოქვეყნებისთანავე.

პრემიერ-მინისტრი ნ. გილაური

შეტანილი ცვლილებები:

1. საქართველოს მთავრობის 2010 წლის 28 სექტემბრის დადგენილება №294-სსმIII,№127, 04.10.2010წ., მუხ.1850

2. საქართველოს მთავრობის 2011 წლის 8 დეკემბრის დადგენილება №465 - ვებგვერდი, 12.12.2011წ.

შეზღუდული შესაძლებლობის მქონე პირთა საკითხებზე მომუშავე სახელმწიფო საკოორდინაციო საბჭოს დებულება

    მუხლი 1. ზოგადი დებულებანი

საბჭო არის ინვალიდობის სფეროში საქართველოს მთავრობის მუდმივმოქმედი სათათბირო ორგანო.

    მუხლი 2. საბჭოს ძირითადი ფუნქციები და ამოცანები

საბჭოს ძირითადი ფუნქციები და ამოცანებია:

ა) ინვალიდობის სფეროში საქართველოს ერთიანი სახელმწიფო პოლიტიკის განხორციელების კოორდინაცია;

ბ) ინვალიდობის სფეროში სახელმწიფო სამოქმედო სტრატეგიული გეგმის მომზადების ან მასში ცვლილებების შეტანის კოორდინაცია;

გ) ინვალიდობის სფეროში სახელმწიფო პროგრამების შემუშავების კოორდინაცია და განხორციელების ზედამხედველობა (მათ შორის, მონიტორინგისა და შეფასებების ანგარიშების მოსმენა);

დ) ინვალიდობის სფეროში საკანონმდებლო წინადადებებისა და ინიციატივების განხილვა და შესაბამისი დასკვნების მომზადება;

ე) საბჭოს ფუნქციებისა და ამოცანების განხორციელების შედეგად შემუშავებული პროექტების, წინადადებების, დასკვნებისა და ყოველწლიურად გაწეული საქმიანობის ანგარიშის საქართველოს მთავრობისათვის წარდგენა.

    მუხლი 3. საბჭოს უფლებამოსილებანი

საბჭო უფლებამოსილია:

ა) კანონმდებლობით დადგენილი წესით გამოითხოვოს ინვალიდობის სფეროში საქართველოს ერთიანი სახელმწიფო პოლიტიკის განხორციელების კოორდინაციისა და საბჭოს სხვა ფუნქციების შესრულებისათვის საჭირო ნებისმიერი ინფორმაცია;

ბ) კონკრეტული საკითხების გადასაწყვეტად შესაბამისი სფეროებიდან მოიწვიოს სპეციალისტები;

გ) ცალკეული საკითხების მომზადებისა და შემუშავების მიზნით შექმნას სამუშაო ჯგუფები.

    მუხლი 4. საბჭოს ხელმძღვანელობა, დაკომპლექტებისა და მუშაობის წესი

1. საბჭოს შემადგენლობაში თანამდებობრივად შედიან საქართველოს პრემიერ-მინისტრი, საქართველოს რეგიონული განვითარებისა და ინფრა სტრუქ ტურის სამინისტროს წარმომადგენელი, საქართველოს შრომის, ჯან მრ თელობისა და სოციალური დაცვის სა მინისტრ ოს წარმომადგენელი , სა ქარ თველოს ფინანსთა სამინისტროს წარმომადგენელი , საქართველოს ეკო ნო მიკისა და მდგრადი განვითარების სამინისტროს წარმომადგენელი , სა ქართველოს განათლებისა და მეცნიერების სამინისტროს წარმომადგენელი , სა ქართველოს კულტურისა და ძეგლთა დაცვის სამინისტროს წარმომადგენელი, საქართველოს პარლამენტის ჯანმრთელობის დაცვისა და სო ცია ლურ საკითხთა კომიტეტის თავმჯდომარე და მისი მოადგილე, ასევე ინ ვალიდობის სხვადასხვა სახეობის უფლებათა დამცველი 7 არასამთავრობო ორგანიზაციის წარმომადგენელი.

2. ამ მუხლის პირველი პუნქტით გათვალისწინებული საქართველოს შესაბამისი სამინისტროს წარმომადგენელი შესაძლოა იყოს აღნიშნული დაწესებულების ხელმძღვანელი (მინისტრი) ან ხელმძღვანელის რომელიმე მოადგილე (მინისტრის პირველი მოადგილის ან მინისტრის მოადგილის სახით), რომელიც საბჭოს წევრის სტატუსით უფლებამოსილია დაესწროს საბჭოს სხდომებს. 

3 . საბჭო იკრიბება საჭიროებისამებრ, მაგრამ არანაკლებ წელიწადში ერთხელ .

4 . საბჭოს ხელმძღვანელობს თავმჯდომარე, რომელიც:

ა) უძღვება საბჭოს საქმიანობას;

ბ) ამტკიცებს საბჭოს სამუშაო განრიგს;

გ) იწვევს და წარმართავს საბჭოს სხდომებს.

5 . საბჭოს თავმჯდომარ ის არყოფნის შემთხვევაში, საბჭოს ხელმძღვანელობს საბჭოს თავმჯდომარის მოადგილე .

6 . საბჭოს სხდომაზე დგება ოქმი, რომელიც ასახავს სხდომის დროს გან ხილულ ყველა საკითხსა და მიღებულ გადაწყვეტილებას. საბჭოს თითოეულ წევრს უფლება აქვს მოითხოვოს საბჭოს სხდომის მოწვევა (სხდომის მოწვე ვის თაობაზე გადაწყვეტილებას იღებს საბჭოს თავმჯდომარე ან თავმჯდომარის მოადგილე ), აგრეთვე თავისი მოსაზრების აღნიშვნა სხდომის ოქმში.

7. საბჭოს სხდომის ოქმის შედგენასა და საბჭოს მოწვევის ორგანიზა ციულ‑ტექნიკურ უზრუნველყოფას ახორციელებს საბჭოს მდივანი, რომლის ფუნქციაც შეიძლება დაეკისროს ნებისმიერ პირს, რომელიც არ არის საბჭოს წევრი.

საქართველოს მთავრობის 2010 წლის 28 სექტემბრის დადგენილება №294-სსმIII,№127,04.10.2010წ., მუხ.1850

საქართველოს მთავრობის 2011 წლის 8 დეკემბრის დადგენილება №465 - ვებგვერდი, 12.12.2011წ.

    მუხლი 5. საბჭოს გადაწყვეტილების მიღების წესი

1. საბჭოს გადაწყვეტილებები მიიღება საბჭოს სხდომებზე.

2. საბჭო უფლებამოსილია მიიღოს გადაწყვეტილება, თუ მას ესწრება საბჭოს წევრთა ნახევარზე მეტი.

3. საბჭოს სხდომაზე გადაწყვეტილება მიიღება დამსწრეთა ხმების უბრალო უმრავლესობით.

4. ხმების თანაბრად გაყოფის შემთხვევაში გადამწყვეტია თავმჯდომარის ხმა.

5. საბჭოს შეკრებისა და სხდომის ორგანიზების წესს განსაზღვრავს საბჭოს თავმჯდომარე.

Annotate