საქართველოს თავდაცვის სამინისტროს თავდაცვის ძალების სპეციალური ოპერაციების ძალების დებულების დამტკიცების შესახებ

საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-18 მუხლის მე-2 პუნქტის შესაბამისად, ვბრძანებ:

საქართველოს თავდაცვის 2018 წლის 13 დეკემბრის ბრძანება №123- ვებგვერდი,14.12.2018წ.

საქართველოს თავდაცვის 2018 წლის 13 დეკემბრის ბრძანება №123- ვებგვერდი,14.12.2018წ.

2. ძალები თავის საქმიანობაში ხელმძღვანელობს საქართველოს კანონმდებლობით,  საქართველოს თავდაცვის მინისტრის (შემდგომ – მინისტრი) სამართლებრივი აქტებით და საქართველოს თავდაცვის ძალების მეთაურის (შემდგომ – თავდაცვის ძალების მეთაური) ინდივიდუალური ადმინისტრაციულ-სამართლებრივი აქტებით.

3. ძალები ანგარიშვალდებულია მინისტრისა და თავდაცვის ძალების მეთაურის წინაშე, რომლებიც ახორციელებენ ძალების სამსახურებრივ ზედამხედველობას, საქართველოს კანონმდებლობით დადგენილი წესით.

4. ძალებს აქვს ბეჭედი ქართულ-ინგლისური წარწერით, შტამპი და დროშა, ასევე ბლანკი, საკუთარი სახელწოდებით. ფინანსური ოპერაციების საწარმოებლად ძალებს აქვს დადგენილი ნიმუშის ბეჭედი საიდენტიფიკაციო კოდით.

საქართველოს თავდაცვის 2018 წლის 13 დეკემბრის ბრძანება №123- ვებგვერდი,14.12.2018წ.

მუხლი 2. ძალების ამოცანები

1. ძალების ამოცანაა:

ა) სპეციალური ოპერაციების და სხვა სამხედრო მხარდამჭერი ოპერაციების ჩატარება;

ბ) გაერთიანებული ოპერაციების პროცესში მონაწილეობა;

გ) სპეციალური ოპერაციების ქვედანაყოფების წვრთნა და მომზადება.

მუხლი 3. ძალების კომპეტენცია

1. ძალების კომპეტენციაა:

ა)თავდაცვის ძალებში შემავალ ქვედანაყოფებთან ურთიერთმოქმედებით გაერთიანებული ოპერატიული დაგეგმვის პროცესში მონაწილეობა;

ბ) სრული სპექტრის ოპერაციათა გარემოში, სპეციალური ოპერაციების დავალებათა პირდაპირი მოქმედების, სპეციალური რეკოგნოსცირების და სამხედრო დახმარების, ასევე კონვენციური ოპერაციების  დაგეგმვა-განხორციელება;

გ) ძალების მუდმივი მზადყოფნა მკაცრ და შეზღუდულ გარემოში სპეციალური სადაზვერვო და სხვა სამხედრო ოპერაციების შესრულებისათვის, ასევე სამხედრო-სამოქალაქო მოქმედებებში მხარდამჭერი ქვედანაყოფის სახით მონაწილეობისათვის;

დ) დაქვემდებარებული სტრუქტურული და მიმაგრებული საბრძოლო ქვედანაყოფების ოპერატიულ ტაქტიკური მართვა და კონტროლი;

ე) კომპეტენციის ფარგლებში სამინისტროს ერთიანი ფინანსური პოლიტიკის ძირითადი მიმართულებების განხორციელების უზრუნველყოფა, სახელმწიფო ბიუჯეტის წინაშე ვალდებულებათა დროული შესრულება, სახელმწიფო შესყიდვების განხორციელება და თავდაცვის ბიუჯეტის ფორმირებაში მონაწილეობის მიღება;

ვ) დაკისრებული ამოცანების განსახორციელებლად, ძალების ქვედანაყოფების კვალიფიციური კადრებით დაკომპლექტება და მათი პროფესიული განვითარებისათვის საბრძოლო მომზადების, საბრძოლო მზადყოფნისა და ბრძოლისუნარიანობის დონის შენარჩუნება და ამაღლება;

ზ) დაქვემდებარებულ ქვედანაყოფებში დისციპლინის დაცვა და უსაფრთხოების ღონისძიებების გატარება, საბრძოლო ოპერაციების, სასწავლო პროგრამების და გეგმების შემუშავება, ლოგისტიკური, საავტომობილო და სამედიცინო მომსახურება, მატერიალურ-ტექნიკური საშუალებებით დაქვემდებარებული ქვედანაყოფების დაკომპლექტების კონტროლი, დაქვემდებარებული ქვედანაყოფების ინფორმაციული სისტემებით უზრუნველყოფის დაგეგმვა/განხორციელება;

თ)თავდაცვის ძალების, უწყებების და საერთაშორისო პარტნიორების წარმომადგენლობებთან თანამშრომლობა გაერთიანებულ, ერთობლივ და მრავალეროვნულ სამხედრო მოქმედებებში ძალთა მზადყოფნისა და მონაწილეობისათვის;

ი) ძალებისათვის და თავდაცვის ძალებში შემავალ ქვედანაყოფებისათვის სპეციალური სწავლებების დაგეგმვა, ჩატარება, მონიტორინგი და ანალიზის განხორციელება, ასევე ჩატარებული სწავლებების შემდგომ შესაბამისი სერტიფიკატის გაცემა;

კ) წყალზე სამოქმედო არეალში სპეციალური ოპერაციების დავალებათა უზრუნველყოფა, შესაბამისი მოთხოვნის/დავალების საფუძველზე, საძიებო-სამაშველო ოპერაციებში მონაწილეობა, ფეთქებადსაშიში საგნებისაგან/ნივთიერებებისაგან გაწმენდისა და განაღმვითი სამუშაოების ჩატარება, წყლის ფსკერის დათვალიერებისა და შესაბამისი უსაფრთხოების ზომების გატარების ორგანიზება.

ლ) სპეციალური ოპერაციებისათვის საცეცხლე მხარდაჭერის განხორციელების დაგეგმვა, ასევე განსაზღვრულ დავალებათა ოპერატიული შესრულებისთვის სწრაფი რეაგირების ქვედანაყოფთა მზადყოფნის უზრუნველყოფა;

მ) ძალების სადაზვერვო და უსაფრთხოების საქმიანობის დაგეგმვა და განხორციელება, დაქვემდებარებული სადაზვერვო ქვედანაყოფების საქმიანობის ზედამხედველობა, ასევე ძალებზე დაქვემდებარებულ ქვედანაყოფებში დაცვისა და უსაფრთხოების ღონისძიებების კონტროლი; ძალების სტრუქტურული ერთეულების დისლოკაციის ადგილების დაცვა;

ნ) ძალებში საქმისწარმოების (მათ შორის საიდუმლო საქმისწარმოების) განხორციელება/კონტროლი, ასევე საფელდეგერო მომსახურება და დოკუმენტაციის შენახვა/დაარქივება;

ო) ძალების საქმიანობის სამართლებრივი უზრუნველყოფა;

პ) ძალებში საბრძოლო მომზადების ღონისძიებების დაგეგმვა, ასევე სასწავლო პროგრამების, დოქტრინალური და საველე სახელმძღვანელოების შემუშავების ხელშეწყობა და მისი განხორციელების კონტროლი.

საქართველოს თავდაცვის 2018 წლის 13 დეკემბრის ბრძანება №123- ვებგვერდი,14.12.2018წ.

საქართველოს თავდაცვის მინისტრის 2021 წლის 15 დეკემბრის ბრძანება №86 - ვებგვერდი, 16.12.2021წ.

საქართველოს თავდაცვის მინისტრის 2022 წლის 11 თებერვლის ბრძანება №10 - ვებგვერდი, 14.02.2022წ.

მუხლი 4. ძალების სტრუქტურული ერთეულები და მათი კომპეტენცია

1. ძალების სტრუქტურული ერთეულებია (შემდგომში –  სტრუქტურული ერთეული):

ა) ბუღალტრული აღრიცხვის სამსახური;

ბ) შტაბი;

გ) სპეციალური ოპერაციების ბატალიონი (აღმოსავლეთი);

დ) სპეციალური ოპერაციების ბატალიონი (დასავლეთი);

ე)  მაიორ გელა ჭედიას სახელობის სპეციალური ოპერაციების საწვრთნელი ცენტრი;

ვ) უზრუნველყოფის ასეული;

ზ) რეინჯერთა ბატალიონი.

2. სტრუქტურული ერთეულების კომპეტენციაა:

ა) ბუღალტრული აღრიცხვის სამსახური:

ა.ა) სამსახურებრივი საქმიანობის განხორციელებისას ხელმძღვანელობს სამინისტროს ფინანსების მართვის დეპარტამენტის მითითებების შესაბამისად და ანგარიშვალდებულია მის წინაშე;

ა.ბ) ახორციელებს ბუღალტრული აღრიცხვის ორგანიზებას;

ა.გ) ახორციელებს ფინანსური და არაფინანსური აქტივების და ვალდებულებების ბუღალტრული აღრიცხვისა და ანგარიშგების სწორად წარმართვას;

ა.დ) უზრუნველყოფს სასაქონლო მატერიალური ფასეულობების და დაფინანსების სწორ და დროულ ასახვას შესაბამის პირველად დოკუმენტებში;

ა.ე) უზრუნველყოფს ხარჯების გაწევის მარეგულირებელი კანონმდებლობის მოთხოვნების შესრულებას;

ა.ვ) ახორციელებს კანონმდებლობით ნებადართულ სახელმწიფო შესყიდვებთან დაკავშირებული ხელშეკრულებების მომზადებასა და შესაბამისი ფინანსური ოპერაციების  წარმოებას;

ა.ზ) მონაწილეობს ბიუჯეტის დაგეგმვის პროცესში და აწარმოებს შესაბამის გათვლებს;

ა.თ) ახორციელებს ქვედანაყოფის შესაბამის ფულად უზრუნველყოფას და სალარო ოპერაციების წარმოებას;

ა.ი) უზრუნველყოფს ანგარიშგების მომზადებას და დადგენილ ვადებში ზემდგომ ორგანოებში წარდგენას;

ბ) შტაბი:

ბ.ა) უზრუნველყოფს ძალებში საქმისწარმოების (მათ შორის საიდუმლო საქმისწარმოების) განხორციელებას და არსებული დოკუმენტაციის შენახვას/დაარქივებას;

ბ.ბ) უზრუნველყოფს ძალებში პირადი შემადგენლობის აღრიცხვას, საშტატო-სტრუქტურული საკითხების დამუშავებას, ადამიანური რესურსებისა და საკადრო საქმიანობის დაგეგმვას და მისი განხორციელების კონტროლს, ახორციელებს პირადი შემადგენლობის შერჩევის, კვალიფიკაციის ამაღლების, შეფასებისა და კარიერული მართვისათვის საჭირო ღონისძიებებს;

ბ.გ) უზრუნველყოფს ძალების სადაზვერვო და უსაფრთხოების საქმიანობის დაგეგმვას და განხორციელებას, სადაზვერვო ქვედანაყოფების საქმიანობის ზედამხედველობას;

ბ.დ) უზრუნველყოფს ძალების მასშტაბით სრული ოპერაციული პროცესის ორგანიზებას და განხორციელებას, ძალების ქვედანაყოფების სამსახურებრივ საქმიანობასთან დაკავშირებული გეგმებისა და დირექტივების შემუშავებას, საბრძოლო და სასწავლო ოპერატიულ-ტაქტიკური ოპერაციების დაგეგმვას;

ბ.ე) ახორციელებს ლოჯისტიკური და სატრანსპორტო საშუალებებით ძალების უზრუნველყოფის დაგეგმვას, ძალებში მატერიალურ-ტექნიკური საშუალებებისა და შენობა-ნაგებობების ექსპლუატაციის კონტროლს;

ბ.ვ) ახორციელებს ძალების მიერ საერთაშორისო ურთიერთობებისა და თანამშრომლობის დაგეგმვისა და განვითარების ხელშეწყობას, ძალების სამომავლო გეგმებისა და პროგრამების შემუშავებას;

ბ.ზ) ახორციელებს ძალების სტრუქტურული ერთეულების სატელეფონო, მართვის ავტომატიზებული სისტემების, კომპიუტერული ქსელების, რადიოკავშირებისა და კავშირგაბმულობის საშუალებების განაწილებას და ექსპლუატაციის კონტროლს; ინფორმაციული სისტემების უსაფრთხოების ორგანიზების კონტროლს;

ბ.თ) ახორციელებს ძალებში საბრძოლო მომზადების ღონისძიებების დაგეგმვას, სასწავლო პროგრამების, დოქტრინალური და საველე სახელმძღვანელოების შემუშავების ხელშეწყობას, ასევე წვრთნების მონიტორინგს და შეფასებას;

გ) სპეციალური ოპერაციების ბატალიონი (აღმოსავლეთი):

გ.ა) ახორციელებს ძალებისათვის დაკისრებული სპეციალური ოპერაციების, მათ შორის, პირდაპირი მოქმედების, სპეციალური რეკოგნოსცირების და სამხედრო დახმარების დავალებების სრული სპექტრით შესრულებას;

გ.ბ) უზრუნველყოფს ძალთა მზადყოფნას სხვა სამხედრო მოქმედებებში სპეციალური ოპერაციების დავალებების შესრულებისათვის მხარდამჭერი ქვედანაყოფის სახით მონაწილეობისათვის;

გ.გ) ახორციელებს ამ მუხლის პირველი პუნქტით განსაზღვრული სტრუქტურული ერთეულების (გარდა „დ“ ქვეპუნქტით განსაზღვრული ქვედანაყოფისა)  ლოჯისტიკურ უზრუნველყოფას, სატრანსპორტო მომსახურებას და სამედიცინო მხარდაჭერას, ასევე  ოპერატიული და ხარისხიანი კავშირის უზრუნველყოფას;

გ.დ) შესაბამისი მოთხოვნის/დავალების საფუძველზე, საძიებო-სამაშველო ოპერაციებში მონაწილეობა.

დ) სპეციალური ოპერაციების ბატალიონი (დასავლეთი):

დ.ა) ახორციელებს ძალებისათვის დაკისრებული სპეციალური ოპერაციების, მათ შორის, პირდაპირი მოქმედების, სპეციალური რეკოგნოსცირებისა და სამხედრო დახმარების დავალებების სრული სპექტრით შესრულებას;

დ.ბ) უზრუნველყოფს ძალთა მზადყოფნას სხვა სამხედრო მოქმედებებში სპეციალური ოპერაციების დავალებების შესრულებისათვის მხარდამჭერი ქვედანაყოფის სახით მონაწილეობისათვის;

დ.გ) წყალზე სამოქმედო არეალში სპეციალური ოპერაციების დავალებათა უზრუნველყოფა, შესაბამისი მოთხოვნის/დავალების საფუძველზე, საძიებო-სამაშველო ოპერაციებში მონაწილეობა, ფეთქებადსაშიში საგნებისაგან/ნივთიერებებისაგან გაწმენდისა და განაღმვითი სამუშაოების ჩატარება, წყლის ფსკერის დათვალიერებისა და შესაბამისი უსაფრთხოების ზომების გატარების ორგანიზება;

ე) მაიორ გელა ჭედიას სახელობის სპეციალური ოპერაციების საწვრთნელი ცენტრი:

ე.ა) უზრუნველყოფს სპეციალური ქვედანაყოფების სამხედრო მოსამსახურეთა განვითარებისათვის პროგრამების შექმნას, დაგეგმვას, შესაბამისი ტექნიკური და პრაქტიკული ღონისძიებების განხორციელებას;

ე.ბ) ახორციელებს სპეციალობების მიხედვით შესაბამისი სპეციალური სამხედრო მომზადების ძირითადი პროგრამების ორგანიზებას და ჩატარებას;

ე.გ) კომპეტენციის ფარგლებში, უზრუნველყოფს ინდივიდუალურად ან/და კოლექტიურად სამხედრო მოსამსახურეთა შესაბამისი კვალიფიკაციით გაწვრთნას და შემდგომ გადამზადებას;

ე.დ) ახორციელებს წარმატებულ კურსდამთავრებულთა და ქვედანაყოფთა სერტიფიცირებას;

ვ) უზრუნველყოფის ასეული:

ვ.ა) ახორციელებს ძალების მმართველობისა და შტაბის დისლოკაციის ადგილების დაცვისა და უსაფრთხოების ღონისძიებებს;

ვ.ბ) ახორციელებს ძალების ლოჯისტიკურ უზრუნველყოფას;

ვ.გ) უზრუნველყოფს ძალების მმართველობისა და შტაბის სატრანსპორტო მომსახურებას;

ვ.დ) კომპეტენციის ფარგლებში, უზრუნველყოფს აღმოსავლეთ საქართველოში განთავსებულ ძალების ქვედანაყოფების სამედიცინო მხარდაჭერას;

ვ.ე) კომპეტენციის ფარგლებში, ახორციელებს ძალების ოპერატიული და ხარისხიანი კავშირის უზრუნველყოფას;

ზ) რეინჯერთა ბატალიონი:

ზ.ა) უზრუნველყოფს სპეციალური ოპერაციების დავალების პირდაპირი მოქმედების ჩატარებას, ასევე სხვა სპეციალური ოპერაციების ამოცანათა უზრუნველყოფისათვის მზადყოფნას;

ზ.ბ) კომპეტენციის ფარგლებში, ახორციელებს სწრაფი რეაგირების ქვედანაყოფის ფუნქციას;

ზ.გ) ახორციელებს მკაცრ და შეზღუდულ გარემო პირობებში ინდივიდუალურად, ასევე მხარდამჭერი ქვედანაყოფის სახით, საბრძოლო და სხვა სახის მოქმედებებში მონაწილეობას;

ზ.დ) მონაწილეობს კონვენციური ოპერაციების წარმოებაში როგორც დამოუკიდებლად, ასევე ძალების ქვედანაყოფებთან და/ან  თავდაცვის ძალების სხვა ქვედანაყოფებთან ერთად;

ზ.ე) შესაბამისი მოთხოვნის/დავალების საფუძველზე, საძიებო-სამაშველო ოპერაციებში მონაწილეობა.

საქართველოს თავდაცვის მინისტრის 2018 წლის 2018 წლის 26 დეკემბრის ბრძანება №141 - ვებგვერდი, 26.12.2018წ.

საქართველოს თავდაცვის მინისტრის 2021 წლის 15 დეკემბრის ბრძანება №86 - ვებგვერდი, 16.12.2021წ.

საქართველოს თავდაცვის მინისტრის 2022 წლის 11 თებერვლის ბრძანება №10 - ვებგვერდი, 14.02.2022წ.

მუხლი 5. ძალების ხელმძღვანელობა და მათი უფლებამოსილება

1. ძალებს ხელმძღვანელობს სპეციალური ოპერაციების ძალების მეთაური (შემდგომში – ძალების მეთაური), რომელსაც კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს მინისტრი.

2. ძალების მეთაური საქართველოს კანონმდებლობით დადგენილი წესით ძალებზე დაკისრებული სამსახურებრივი ამოცანების შესრულებისათვის ანგარიშვალდებულია სამინისტროს და თავდაცვის ძალების ხელმძღვანელობის წინაშე.

3. ძალების მეთაური, ძალებზე დაკისრებული ამოცანების შესრულების მიზნით:

ა) ახორციელებს ძალების საქმიანობის საერთო ხელმძღვანელობას;

ბ) ხელმძღვანელობს საქართველოს კანონმდებლობით, მათ შორის, ამ დებულებით მინიჭებული უფლებამოსილების ფარგლებში;

გ) წყვეტს ძალების გამგებლობას მიკუთვნებულ საკითხებს და პასუხისმგებელია ძალებზე დაკისრებული ამოცანების სრულფასოვნად შესრულებაზე;

გ^​1) მართავს ძალების საქმიანობასთან დაკავშირებულ რისკებს;

დ) კონტროლს უწევს ხელმძღვანელობის ბრძანებების, მითითებებისა და ინსტრუქციების შესრულებას ძალების კომპეტენციას მიკუთვნებულ საკითხებზე;

ე) ითანხმებს ძალების მოსამსახურეთა მიერ სამსახურის გავლის საკითხებს;

ვ) ახორციელებს კონტროლს ძალების სტრუქტურული ერთეულების მუშაობაზე, ანაწილებს მოვალეობებს ძალების მოსამსახურეებს შორის, ზედამხედველობს მათ მიერ სამსახურებრივი მოვალეობის შესრულებას და შრომის დისციპლინის დაცვას;

ზ) უზრუნველყოფს დაქვემდებარებული პირადი შემადგენლობის საბრძოლო  მზადყოფნას, საბრძოლო მომზადების დაგეგმვას და აღსრულებას,  წვრთნებისა და სწავლებების ჩატარებას, ახორციელებს მაღალი საბრძოლო მზადყოფნის მიღწევისათვის საჭირო ღონისძიებებს;

თ) ძალებში შემოსულ კორესპონდენციას ანაწილებს ძალების  მოსამსახურეებზე;

ი) აანალიზებს ძალების საქმიანობას და თავდაცვის ძალების ხელმძღვანელობას წარუდგენს წინადადებებს ძალების მუშაობის გაუმჯობესების შესახებ;

კ) კანონმდებლობით დადგენილი წესით ახორციელებს ძალების მოსამსახურეთა წახალისებას და მათ მიმართ დისციპლინური ზომების გამოყენებას;

ლ) თავდაცვის ძალების ხელმძღვანელობას წარუდგენს წინადადებებს იმ სახსრების, მოწყობილობებისა და ინვენტარის გამოყოფის თაობაზე, რომლებიც საჭიროა ძალების ამოცანების შესასრულებლად;

მ) პერიოდულად ისმენს ანგარიშს ძალების სტრუქტურული ერთეულების უფროსებისა და მოსამსახურეების მიერ გაწეული საქმიანობის შესახებ;

ნ) შუამდგომლობს ძალების მოსამსახურეთა კვალიფიკაციის ამაღლებისა და გადამზადების შესახებ;

ო) კომპეტენციის ფარგლებში ხელმძღვანელობს ძალების მიერ განხორციელებული საერთაშორისო ურთიერთობებისა და საერთაშორისო ვალდებულებების შესრულებას;

პ) ახორციელებს ძალებში  მომზადებული დოკუმენტაციის ვიზირებას ან/და ხელმოწერას;

ჟ) წარადგენს დასამტკიცებლად ძალების საშტატო ნუსხას;

რ) ძალებში საყარაულო და შინაგანი სამსახურის ორგანიზების, ლოგისტიკური და სამედიცინო უზრუნველყოფის საკითხებთან დაკავშირებით, ასევე კანონმდებლობის შესაბამისად დელეგირებული უფლებამოსილების ფარგლებში გამოსცემს ინდივიდუალურ ადმინისტრაციულ-სამართლებრივ აქტებს;

ს) გამოითხოვს საჭირო ინფორმაციას სამინისტროს სტრუქტურული ქვედანაყოფებიდან ან კომპეტენციის ფარგლებში სხვა ორგანოებიდან;

ტ) კომპეტენციის ფარგლებში, ხელმძღვანელობს ძალებში სპეციალური სასწავლო და საწვრთნელი პროგრამების შემუშავებას, უზრუნველყოფს მათ დამტკიცებას, სპეციალური პროგრამების გავლას და წარმატებულ კურსდამთავრებულთა შესაბამის სერტიფიცირებას;

უ) მინისტრისა და თავდაცვის ძალების მეთაურის მიერ დამტკიცებული გეგმების შესაბამისად ახორციელებს ძალების ოპერატიულ და საბრძოლო უზრუნველყოფას;

ფ) ხელმძღვანელობს ძალების მასშტაბით მიმდინარე სასწავლო და საბრძოლო ოპერაციებს;

ქ)ახორციელებს საქართველოს კანონმდებლობით გათვალისწინებულ სხვა უფლებამოსილებებს.

4. ძალების მეთაურს ჰყავს მოადგილე, რომელსაც კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს მინისტრი.

5. ძალების მეთაურის დროებით არყოფნის შემთხვევაში მის უფლება-მოვალეობებს ახორციელებს ძალების მეთაურის მოადგილე, ხოლო მისი არყოფნის შემთხვევაში, მინისტრის ინდივიდუალური ადმინისტრაციულ-სამართლებრივი აქტის საფუძველზე  განსაზღვრული ძალების სტრუქტურული ერთეულის უფროსი.

6. ძალების მეთაურის მოადგილე საქართველოს კანონმდებლობით დადგენილი წესით ძალებზე დაკისრებული სამსახურებრივი ამოცანების შესრულებისათვის ანგარიშვალდებულია ძალების მეთაურის, სამინისტროს და  თავდაცვის ძალების ხელმძღვანელობის წინაშე.

7. ძალების მეთაურის მოადგილე ძალებზე დაკისრებული ამოცანების შესრულების მიზნით:

ა)ხელს უწყობს ძალების მეთაურს მასზე დაკისრებული მოვალეობების განხორციელებაში;

ბ)ძალების მეთაურის დავალების შესაბამისად განიხილავს ძალებში შესულ კორესპონდენციას;

გ) ზედამხედველობს ძალების მოსამსახურეების მიერ სამსახურებრივი მოვალეობის შესრულებას და შრომის დისციპლინის დაცვას;

დ) კოორდინაციას უწევს ძალების სტრუქტურული ერთეულების მუშაობას, აძლევს მათ შესაბამის მითითებებსა და დავალებებს;

ე) ახორციელებს ძალებში მომზადებული დოკუმენტაციის ვიზირებას ან ხელმოწერას;

ვ) აანალიზებს ძალების საქმიანობას და ძალების მეთაურს წარუდგენს წინადადებებს ძალების საქმიანობის გაუმჯობესების შესახებ;

ზ) შუამდგომლობს ძალების მეთაურთან მოსამსახურეთა კვალიფიკაციის ამაღლებისა და გადამზადების შესახებ;

თ)ასრულებს ძალების მეთაურის, სამინისტროს და თავდაცვის ძალების ხელმძღვანელობის დავალებებსა და მითითებებს;

ი)ახორციელებს საქართველოს კანონმდებლობით გათვალისწინებულ სხვა უფლებამოსილებებს.

7^​​1.ძალების სერჟანტთა შემადგენლობას ხელმძღვანელობს და ძალების სამხედრო მოსამსახურეთა ( გარდა ოფიცრებისა ) დისციპლინის განმტკიცების , ფიზიკური მზადყოფნის , ინდივიდუალური საბრძოლო მომზადების , სამხედრო - პროფესიული განათლებისა და კარიერული განვითარების საკითხებს უფლებამოსილების ფარგლებში კოორდინაციას უწევს ძალების სერჟანტი , რომელსაც დადგენილი წესით   თანამდებობაზე ნიშნავს და თანამდებობიდან ათავისუფლებს მინისტრი.

8. ძალების სტრუქტურულ ერთეულებს ხელმძღვანელობს სტრუქტურული ერთეულის ხელმძღვანელი, რომელსაც საქართველოს კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს მინისტრი.

9.სტრუქტურული ერთეულის ხელმძღვანელი საქართველოს კანონმდებლობით დადგენილი წესით სტრუქტურულ ერთეულზე დაკისრებული სამსახურებრივი ამოცანების შესრულებისათვის ანგარიშვალდებულია თავდაცვის ძალების ხელმძღვანელობის, ძალების მეთაურისა და ძალების მეთაურის მოადგილის წინაშე.

10.სტრუქტურული ერთეულის ხელმძღვანელი, სტრუქტურულ ერთეულზე დაკისრებული ამოცანების შესრულების მიზნით:

ა) ხელმძღვანელობს  სტრუქტურული ერთეულის  საქმიანობას;

ბ) ანაწილებს  კორესპონდენციას  სტრუქტურული ერთეულის  მოსამსახურეებს შორის;

გ)უზრუნველყოფს სტრუქტურული ერთეულის მუშაობის ორგანიზებას და ზედამხედველობს სტრუქტურული ერთეულის მოსამსახურეთა მიერ სამსახურებრივი მოვალეობის შესრულებას;

დ) ახორციელებს სტრუქტურულ ერთეულში მომზადებული დოკუმენტაციის ვიზირებას;

ე) კომპეტენციის ფარგლებში, კონტროლს უწევს სამინისტროსა და თავდაცვის ძალების ხელმძღვანელობის ბრძანებების, მითითებების, დავალებების, ძალების მეთაურისა და ძალების მეთაურის  მოადგილის დავალებების შესრულებას;

ვ)ახორციელებს საქართველოს კანონმდებლობით გათვალისწინებულ სხვა უფლებამოსილებებს.

11. ძალების საშტატო ნუსხით გათვალისწინებულ შემთხვევაში, ძალების სტრუქტურულ ერთეულებს შეიძლება გააჩნდეს დაქვემდებარებული სტრუქტურული ქვედანაყოფები, რომლებსაც ხელმძღვანელობენ მეთაურები ან უფროსები, რომლებიც:

ა) ანაწილებენ სტრუქტურულ ქვედანაყოფში შესულ დავალებებს;

ბ)ახორციელებენ დაქვემდებარებულ მოსამსახურეთა მიერ სამსახურებრივი მოვალეობების შესრულების კონტროლს, აძლევენ მათ დავალებებსა და მითითებებს;

გ) შესაბამისი სტრუქტურული ქვედანაყოფის ხელმძღვანელს წარუდგენენ ანგარიშს დაქვემდებარებული ქვედანაყოფის მიერ გაწეული მუშაობის თაობაზე.

12. ძალებს აქვს საშტატო ნუსხით გათვალისწინებული საჯარო თანამდებობები, რომელთა  სამუშაო აღწერილობებს და უფლებამოსილებას კომპეტენციის ფარგლებში განსაზღვრავს ძალების მეთაური.

საქართველოს თავდაცვის მინისტრის 2018 წლის 27 თებერვლის ბრძანება №18 - ვებგვერდი, 28.02.2018წ.

საქართველოს თავდაცვის 2018 წლის 13 დეკემბრის ბრძანება №123- ვებგვერდი,14.12.2018წ.

საქართველოს თავდაცვის მინისტრის 2021 წლის 15 დეკემბრის ბრძანება №86 - ვებგვერდი, 16.12.2021წ.

საქართველოს თავდაცვის მინისტრის 2023 წლის 14 სექტემბრის ბრძანება №61 - ვებგვერდი, 15.09.2023წ.

მუხლი 6. სასწავლო პროცესის ორგანიზება

1. ძალებში სასწავლო პროცესების ორგანიზება და შესაბამის წვრთნებზე/სწავლებებზე/პროგრამებზე მოსამსახურეების ჩარიცხვა/ამორიცხვა, ხორციელდება ძალების მეთაურის ინდივიდუალური ადმინისტრაციულ-სამართლებრივი აქტით.

2. ძალები უზრუნველყოფს პროგრამაგავლილ პირთა სიების მიწოდებას თავდაცვის ძალების გენერალური შტაბის სამხედრო პერსონალის მართვის ცენტრისათვის.

3. თავდაცვის ძალებში შემავალ ქვედანაყოფებს ევალებათ შესაბამისი მოთხოვნის საფუძველზე, ძალებს გაუწიონ ლოჯისტიკური და სხვა სახის უზრუნველყოფა (მათ შორის სატრანსპორტო საშუალებებისა და ტექნიკის დროებით გადაცემა ან მომსახურება), ასევე  განახორციელონ წვრთნებზე/სწავლებებზე/პროგრამებზე პირადი შემადგენლობის წარგზავნა.

საქართველოს თავდაცვის მინისტრის 2018 წლის 2018 წლის 26 დეკემბრის ბრძანება №141 - ვებგვერდი, 26.12.2018წ.

საქართველოს თავდაცვის მინისტრის 2021 წლის 15 დეკემბრის ბრძანება №86 - ვებგვერდი, 16.12.2021წ.