საჰაერო გადაყვანა-გადაზიდვის მოწმობის გაცემის წესის დამტკიცების შესახებ

2. ბრძანებით დამტკიცებული წესის მე-10 მუხლი ამოქმედდეს 2019 წლის 1 იანვრიდან.

2. ამ წესის მოქმედება არ ვრცელდება იმ საწარმოზე, რომელიც საჰაერო გადაყვანა-გადაზიდვას ახორციელებს  ზემსუბუქი საჰაერო ხომალდით ან ძრავას გარეშე საფრენი აპარატით, ან ასრულებს სასწავლო და/ან ლოკალურ ფრენებს.

ა) „საჰაერო გადაყვანა-გადაზიდვის მოწმობა” (შემდგომში მოწმობა) – საჰაერო ხომალდის ექსპლუატანტის მიერ მგზავრების, ბარგის, ტვირთის ან/და ფოსტის კომერციული საჰაერო გადაყვანა-გადაზიდვის განხორციელების უფლების დამადასტურებელი დოკუმენტი;

ბ) „საჰაერო გადაყვანა-გადაზიდვა“ – გარკვეული ანაზღაურების სანაცვლოდ მგზავრების,  ფოსტის და/ან ტვირთის გადაზიდვის მიზნით განხორციელებული ფრენა ან ფრენების თანმიმდევრობა;

გ) „ლოკალური ფრენა”– ფრენა, რომელიც არ მოიცავს მგზავრების, ფოსტის და/ან ტვირთის გადაზიდვას სხვადახვა აეროპორტებს შორის ან სხვა ნებადართულ დასაფრენ პუნქტებში (როდესაც საჰაერო ხომალდის  აფრენისა და დაფრენის პუნქტი არის ერთი და იგივე);

გ​^​1) „ეფექტური კონტროლი“ – პირის  ურთიერთდამოკიდებულება საწარმოსთან, რომელიც გამოიხატება, მათ შორის, უფლებებით, ხელშეკრულებებით ან ნებისმიერი სხვა სახით, რომლებიც ცალ-ცალკე ან ერთობლივად და სათანადო ფაქტობრივი მტკიცებულების ან კანონმდებლობის საფუძველზე, იძლევა საწარმოზე პირდაპირი თუ ირიბი გზით გადამწყვეტი ზეგავლენის განხორციელების შესაძლებლობას, შემდეგი საშუალებებით:

ა) უფლების მოპოვებით საწარმოს ყველა აქტივის ან მათი ნაწილის გამოყენებაზე; ან/და

ბ) გარიგებით ან უფლებით, რის საფუძველზეც გადამწყვეტი ზეგავლენა ხორციელდება საწარმოს სტრუქტურულ შემადგენლობაზე, ხმის მიცემის პროცედურაზე ან საწარმოს სტრუქტურული ერთეულების მიერ გადაწყვეტილების მიღებაზე, ან რის საფუძველზეც სხვაგვარად ხორციელდება საწარმოს მართვაზე გადამწყვეტი ზეგავლენა.

დ) „ავიაგადამზიდველი” – მოწმობის მფლობელი საწარმო;

ე) „ბიზნესგეგმა” – განსახილველი პერიოდის განმავლობაში საწარმოს დაგეგმილი კომერციული საქმიანობის დეტალური აღწერა, კერძოდ,  ბაზრის მოსალოდნელი განვითარების, განსახორციელებელი ინვესტიციების და სავარაუდო შემოსავლების და ხარჯების შესახებ დაწვრილებითი ინფორმაცია და აღნიშნული ინფორმაციის ფინანსური და ეკონომიკური  ანალიზი.

ვ) „რეგულარული საჰაერო მიმოსვლა”– ფრენების ერთობლიობა, რომლებსაც გააჩნია შემდეგი მახასიათებლები:

ვ.ა)  თითოეული ფრენისას ადგილები და/ან კომერციული ტევადობა  ტვირთის და/ან ფოსტის გადაზიდვისათვის ხელმისაწვდომია საზოგადოების მიერ  ინდივიდუალური შესყიდვისათვის (უშუალოდ ავიაგადამზიდისაგან ან უფლებამოსილი აგენტებისაგან);

ვ.ბ) ფრენის შესრულება ხორციელდება ორ ან მეტ ერთსა და იმავე აეროპორტს შორის –    გამოქვეყნებული განრიგის შესაბამისად;

ზ) „საქმიანობის ძირითადი ადგილი” – საწარმოს ძირითადი ადგილსამყოფელი, სადაც ხორციელდება ძირითადი საფინანსო ოპერაციები,  ოპერირების დაგეგმვა და ფრენის ვარგისობის შენარჩუნების მართვა;

 თ) „საჰაერო ხომალდის იჯარის ხელშეკრულება ეკიპაჟის გარეშე – მშრალი ლიზინგი” – საწარმოებს შორის დადებული ხელშეკრულება, რომლის მიხედვითაც საჰაერო ხომალდის ექსპლუატაცია წარმოებს მოიჯარის ექსპლუატანტის მოქმედი სერტიფიკატის (AOC) შესაბამისად;

ი) ეკიპაჟიანი იჯარა − ავიაგადამზიდველებს შორის დადებული ხელშეკრულება, რომლის მიხედვით, საჰაერო ხომალდის ექსპლუატაცია მეიჯარის საჰაერო ხომალდის მოქმედი ექსპლუატანტის სერტიფიკატის შესაბამისად ხორციელდება;

კ)  „ა“კატეგორიის საწარმო – საწარმო, რომელიც ახორციელებს იმ საჰაერო ხომალდის ექსპლუატაციას, რომლის მაქსიმალური ასაფრენი მასა არის ან აღემატება 10 ტონას და/ან რომლის ადგილების რაოდენობა არის  ან აღემატება 20-ს;

ლ)  „ბ“ კატეგორიის საწარმო – საწარმო, რომელიც ახორციელებს  იმ საჰაერო ხომალდის ექსპლუატაციას, რომლის მაქსიმალური ასაფრენი მასა ნაკლებია 10 ტონაზე და/ან რომლის ადგილების რაოდენობა ნაკლებია 20-ზე;

მ) წმინდა აქტივები – სხვაობა პირის აქტივებსა და მის ვალდებულებებს შორის.

სსიპ – სამოქალაქო ავიაციის სააგენტოს დირექტორის 2020 წლის 30 ოქტომბრის ბრძანება №172 - ვებგვერდი, 03.11.2020წ.

სსიპ – სამოქალაქო ავიაციის სააგენტოს დირექტორის 2021 წლის 3 აგვისტოს ბრძანება №187 - ვებგვერდი, 10.08.2021წ.

1^​​1. ამ მუხლის მიზნებისთვის კომერციული საჰაერო გადაყვანა-გადაზიდვა მოიცავს საქართველოში რეგისტრირებული საჰაერო ხომალდის ექსპლუატანტის მიერ მგზავრების, ბარგის, ტვირთის ან/და ფოსტის საჰაერო გადაყვანა-გადაზიდვის კომერციული მიზნით განხორციელებას, მათ შორის, საჰაერო ხომალდის სხვა ექსპლუატანტისთვის ეკიპაჟიანი იჯარით გადაცემას.

2. მოწმობის გაცემას, გაცემაზე უარის თქმას, მოქმედების ვადის შეჩერებას, განახლებას და გაუქმებას ახორციელებს საქართველოს ეკონომიკისა და მდგრადი განვითარების სამინისტროს საჯარო სამართლის იურიდიული პირი – სამოქალაქო ავიაციის სააგენტო (შემდგომში – სააგენტო).

3. საჰაერო გადაყვანა-გადაზიდვის მოწმობა საქართველოს კანონმდებლობით დადგენილი წესით გაიცემა საქართველოში რეგისტრირებულ იურიდიულ პირზე, რომელიც აკმაყოფილებს შემდეგ მოთხოვნებს:

ა) მისი საქმიანობის ძირითადი ადგილია საქართველო;

ბ) საქართველოს მოქალაქე/მოქალაქეები ან/და საქართველოს სახელმწიფო ან/და საქართველოში დაფუძნებული იურიდიული პირი (რომლის დამფუძნებელი/დამფუძნებლები ან/და ხმის უფლების მქონე წილის ან აქციების 50%-ზე მეტის პირდაპირი ან არაპირდაპირი მფლობელი/მფლობელები არის/არიან საქართველოს მოქალაქე/მოქალაქეები, საქართველოს სახელმწიფო ან თვითმმართველი ერთეული/ერთეულები), საკუთრების უფლებით ფლობს/ფლობენ მასში ხმის უფლების მქონე წილის ან აქციების 50%-ზე მეტს.

შენიშვნა: ამ მუხლის მიზნებისთვის, ხმის უფლების მქონე წილის ან აქციების 50%-ზე მეტის საკუთრების უფლებით ფლობა უნდა ითვალისწინებდეს, მათ შორის, მასზე ეფექტური კონტროლის განხორციელებას.

გ) მისი მთავარი საქმიანობაა კომერციული საჰაერო გადაყვანა-გადაზიდვა, რომელსაც იგი ახორციელებს ცალკე ან კომბინირებულად – საჰაერო ხომალდის სხვა სახის კომერციულ ექსპლუატაციასთან ან მის რემონტსა და ტექნიკურ მომსახურებასთან ერთად;

დ) ფლობს სააგენტოს მიერ გაცემულ მოქმედ ექსპლუატანტის სერტიფიკატს;

ე) გააჩნია საკმარისი ფინანსური რესურსები ავიაკომპანიის არსებული და პოტენციური ფინანსური ვალდებულებების შესასრულებლად საჰაერო ხომალდის ექსპლუატაციის დაწყებიდან 2 წლის განმავლობაში, პირველ 3 თვეში ექსპლუატაციიდან მიღებული შემოსავლის გაუთვალისწინებლად;

ვ) გადაწყვეტილების მიმღებ ხელმძღვანელ პირს არ აქვს ცუდი საქმიანი რეპუტაცია, რომელიც გულისხმობს მძიმე, განსაკუთრებით მძიმე ან ეკონომიკური ქმედებისთვის ან ისეთი ქმედებისთვის ნასამართლობას, რომელმაც მისი მმართველობის დროს საწარმოს გადახდისუუნარობა გამოიწვია.

4. ამ მუხლის მესამე პუნქტის „ვ“ ქვეპუნქტის მოთხოვნებთან შესაბამისობის საკმარის მტკიცებულებად მიიჩნევა ცნობა ნასამართლობის შესახებ, მისი გაცემიდან 3 თვის განმავლობაში.

5. ის საწარმო,  რომელიც ფლობს 2017 წლის 1 ივლისამდე გაცემულ საჰაერო ხომალდების ექსპლუატანტის მოქმედ სერტიფიკატს და მოწმობის მისაღებად განაცხადს წარადგენს 2019 წლის 1 სექტემბრამდე, ვალდებულია მოწმობის მისაღებად წარადგინოს  დოკუმენტაცია იმის დასადასტურებლად, რომ მას აქვს საკმარისი ფინანსური რესურსები ავიაკომპანიის არსებული და პოტენციური ფინანსური ვალდებულებების შესასრულებლად საჰაერო ხომალდის ექსპლუატაციის დაწყებიდან 2 წლის განმავლობაში.“.

6. ამ მუხლის მე-3 პუნქტის „ე“ ქვეპუნქტის მოთხოვნები არ ვრცელდება  „ბ“ კატეგორიის საწარმოზე, იმ პირობით, რომ აღნიშნული საწარმო დაასაბუთებს, რომ მისი წმინდა აქტივების ღირებულება შეადგენს სულ მცირე 100 000 ევროს ეკვივალენტს ეროვნულ ვალუტაში.

7. სააგენტო, იმ  „ბ“ კატეგორიის საწარმოს, რომლის წლიური ბრუნვა აღემატება 3 მილიონ ევროს ეკვივალენტს ეროვნულ ვალუტაში, ან ახორციელებს რეგულარულ საჰაერო მიმოსვლას, მოსთხოვს  ფინანსურ ინფორმაციას, რომლის წარდგენის ვალდებულება გააჩნია  „ა“ კატეგორიის საწარმოს.

8. საჰაერო ხომალდის ექსპლუატანტი, რომელსაც გააჩნია მოწმობა  საჰაერო ხომალდის ექსპლუატაციისთვის,  რომლის მაქსიმალური ასაფრენი მასა ნაკლებია 10 ტონაზე ან/და რომლის ადგილების რაოდენობა ნაკლებია 20-ზე და აპირებს კომერციული საჰაერო გადაყვანა-გადაზიდვის განხორციელებას საჰაერო ხომალდით, რომლის მაქსიმალური ასაფრენი მასა არის ან აღემატება 10 ტონას და/ან რომლის ადგილების რაოდენობა არის  ან აღემატება 20-ს, ვალდებულია მიმართოს სააგენტოს შესაბამისი მოწმობის ასაღებად.

სსიპ – სამოქალაქო ავიაციის სააგენტოს დირექტორის 2019 წლის 21 ივნისის ბრძანება №125 - ვებგვერდი, 25.06.2019წ.

სსიპ – სამოქალაქო ავიაციის სააგენტოს დირექტორის 2020 წლის 30 ოქტომბრის ბრძანება №172 - ვებგვერდი, 03.11.2020წ.

სსიპ – სამოქალაქო ავიაციის სააგენტოს დირექტორის 2021 წლის 3 აგვისტოს ბრძანება №187 - ვებგვერდი, 10.08.2021წ.

2. განცხადება სააგენტოსთვის წარმოადგენს ადმინისტრაციული წარმოების დაწყების საფუძველს.

3. განცხადებას თან უნდა ერთოდეს:

ა) საქართელოს ეკონომიკისა და მდგრადი განვითარების მინისტრის 2012 წლის 20 აპრილის №1-1/1025 ბრძანებით „საჯარო სამართლის იურიდიული პირის – სამოქალაქო ავიაციის სააგენტოს მიერ გაწეული მომსახურების სახეების, ვადების საფასურის განაკვეთების, ასევე საფასურის გადახდისა და გადახდილი საფასურის დაბრუნების წესისა და პირობების დამტკიცების შესახებ“ გათვალისწინებული მომსახურების საფასურის გადახდის დამადასტურებელი დოკუმენტი;

ბ) ინფორმაცია ორგანიზაციის და მისი საქმიანობის შესახებ:

ბ.ა) ორგანიზაციის წესდება;

ბ.ბ) განმცხადებლის ამონაწერი მეწარმეთა და არასამეწარმეო (არაკომერციულ) იურიდიულ პირთა რეესტრიდან;

ბ.გ) განმცხადებლის ორგანიზაციული სტრუქტურა პასუხისმგებელი პირების მითითებით.

გ) ექსპლუატანტის მოქმედი სერტიფიკატის ასლი, ან „საჰაერო ხომალდის ექსპლუატანტის სერტიფიცირების წესის დამტკიცების შესახებ“ სსიპ – სამოქალაქო ავიაციის სააგენტოს დირექტორის 2013 წლის 19 აგვისტოს №142 ბრძანებით გათვალისწინებული სერტიფიცირების პროცესის მიმდინაროების შემთხვევაში,  განმცხადებლის სამუშაო ადგილზე ფაქტობრივი მდგომარეობის შემოწმების ეტაპზე (II ეტაპი) გადასვლის დამადასტურებელი დოკუმენტი;

გ.ა) საჰაერო ხომალდის ნასყიდობის/იჯარის ხელშეკრულება;

გ.ბ) დაზღვევის დამადასტურებელი პოლისები, რომლებიც შეესაბამება ამ წესის და „საჰაერო ხომალდის ექსპლუატანტის/საჰაერო გადაყვანა-გადაზიდვის მოწმობის მფლობელის სამოქალაქო პასუხისმგებლობის დაზღვევის წესის დამტკიცებ“ სსიპ – სამოქალაქო ავიაციის სააგენტოს დირექტორის 2017 წლის 14 ივნისის №95 ბრძანების მოთხოვნებს;

გ.გ) სხ-ის საფრენად ვარგისობის მოწმობის ასლი;

გ.დ) სხ-ის რეგისტრაციის მოწმობის ასლი.

დ) ცნობა ხელმძღვანელი პირის ნასამართლობის შესახებ;

ე) ფინანსური ინფორმაცია ამ წესის დანართი №1-ის შესაბამისად.

სსიპ – სამოქალაქო ავიაციის სააგენტოს დირექტორის 2019 წლის 21 ივნისის ბრძანება №125 - ვებგვერდი, 25.06.2019წ.

2. სააგენტო ახორციელებს  მუდმივ ზედამხედველობას  ამ წესის მოთხოვნების შესრულებაზე, მათ შორის დეტალურ შემოწმებას შემდეგ შემთხვევებში:

ა) მოწმობის გაცემიდან გასულია ორი წელი;

ბ) არსებობს ეჭვი პოტენციური ფინანსური პრობლემის შესახებ;

გ) (ამოღებულია - 21.06.2019, №125);

დ) ავიაგადამზიდველის მიმართ მიმდინარეობს ფინანსური დავა ან გადახდისუუნარობის საქმის წარმოება.

3. ავიაგადამზიდველი ვალდებულია  სააგენტოს წარუდგინოს აუდირებული ფინანსური ანგარიში  შესაბამისი საანგარიშო წლის დასრულებიდან არაუგვიანეს ექვსი თვისა, ასევე დანართი №1-ის მე-2 და მე-3 პუნქტებით გათვალისწინებული ინფორმაცია   სააგენტოს მოთხოვნისთანავე.

4. სააგენტო უფლებამოსილია, სათანადო ინფორმაციის საფუძველზე, ნებისმიერ დროს შეაფასოს ავიაგადამზიდველის ფინანსური მდგომარეობა და გადაამოწმოს მისი ეკონომიკური მდგომარეობა.

5. ავიაგადამზიდველი ვალდებულია წინასწარ შეატყობინოს სააგენტოს:

ა) ახალი ავიაგადაზიდვის განხორციელების გეგმების შესახებ იმ რეგიონში, სადაც ავიაგადაზიდვებს აქამდე არ აწარმოებდა, ან მისი საქმიანობის მოცულობის ნებისმიერი მნიშვნელოვანი ცვლილების შესახებ, მათ შორის გამოყენებული საჰაერო ხომალდების ტიპის ან/და რაოდენობის ცვლილების შესახებ;

ბ) საწარმოში დაგეგმილი რეორგანიზაციის შესახებ;

გ) მესაკუთრის და/ან მესაკუთრის წილის  (აქციათა) ცვლილების შესახებ, ცვლილებიდან 14 დღის განმავლობაში, თუ ცვლილება შეადგენს ავიაგადამზიდველის, მისი მშობელი საწარმოს ან  ჰოლდინგის აქციათა საერთო რაოდენობის 10%-ს  ან მეტს.

6. თუ სააგენტო მიიჩნევს, რომ ამ მუხლის მე-5 პუნქტით გათვალისწინებული ნებისმიერი ქმედება მნიშვნელოვან ზეგავლენას მოახდენს ავიაგადამზიდველის ფინანსურ მდგომარეობაზე, შესაბამის ავიაგადამზიდველს მოსთხოვს ამ წესის დანართი №1-ის მე-2 პუნქტით განსაზღვრულ ინფორმაციას, რომელსაც განიხილავს და მიიღებს გადაყვეტილებას, განსახორციელებელი ცვლილების მიზანშეწონილობის შესახებ, შესაბამისი ინფორმაციის მიწოდებიდან არაუგვიანეს სამი თვის ვადაში. 

7. ამ მუხლის მე-5 და მე-6 პუნქტების მოთხოვნები არ ვრცელდება  „ბ“კატეგორიის საწარმოზე, იმ პირობით, რომ აღნიშნული საწარმო დაასაბუთებს, რომ მისი წმინდა აქტივების ღირებულება შეადგენს მინიმუმ 100 000 ევროს ეკვივალენტს ეროვნულ ვალუტაში, გარდა იმ შემთხვევისა, თუ იგი  ახორციელებს რეგულარულ ავიაგადაზიდვებს ან მისი წლიური ბრუნვა აღემატება 3 მილიონ ევროს ეროვნულ ვალუტაში. 

სსიპ – სამოქალაქო ავიაციის სააგენტოს დირექტორის 2019 წლის 21 ივნისის ბრძანება №125 - ვებგვერდი, 25.06.2019წ.

ა) შეფასებისას დადგინდა, რომ  12-თვიანი პერიოდის განმავლობაში ავიაგადამზიდველი ვერ ასრულებს თავის არსებულ და პოტენციურ ფინანსურ ვალდებულებებს, გარდა იმ შემთხვევისა, როდესაც სააგენტო მიიჩნევს, რომ საფრთხე არ შეექმნება საავიაციო უსაფრთხოებას და არსებობს დამაკმაყოფილებელი  საფინანსო რეორგანიზაციის განხორციელების რეალური შესაძლებლობა;

ბ) ავიაგადამზიდველს შეუჩერდა საჰაერო ხომალდის ექსპლუატანტის სერტიფიკატი;

გ) არ იქნა წარმოდგენილი ამ წესის მე-5 მუხლის მე-3 პუნქტით გათვალისწინებული დოკუმენტაცია;

დ) ავიაგადამზიდველს არ დაუწყია კომერციული საჰაერო გადაყვანა-გადაზიდვის განხორციელება მოწმობის გაცემიდან 6 თვის განმავლობაში;

ე) ავიაგადამზიდველს შეწყვეტილი აქვს კომერციული საჰაერო გადაყვანა-გადაზიდვა ექვს თვეზე მეტი პერიოდის განმავლობაში;

ვ) ავიაგადამზიდველი ვეღარ აკმაყოფილებს ამ წესის მე-3 მუხლის მე-3 პუნქტის „ვ“ ქვეპუნქტით გათვალისწინებულ მოთხოვნას;

ზ) ავიაგადამზიდველი მნიშვნელოვან საკითხთან დაკავშირებით, სააგენტოში გაუფრთხილებლობით  წარადგენს მცდარ ინფორმაციას;

თ) მოითხოვს ავიაგადამზიდველი.

2. მოწმობის მოქმედება შეჩერდება იმ დრომდე, ვიდრე არ გამოსწორდება დარღვევა, მაგრამ გადაწყვეტილების მიღებიდან არაუმეტეს 60  დღით.

3. ნაკლოვანებების აღმოფხვრის თაობაზე ავიაგადამზიდველი წერილობით აცნობებს სააგენტოს, რომელიც შეტყობინების მიღებიდან 20 დღის ვადაში განიხილავს წარმოდგენილ დოკუმენტაციას. მოწმობის მოქმედების ვადა აღდგება, თუ სააგენტო დარწმუნდება ნაკლოვანების გამოსწორებაში.                 

4. სააგენტო იღებს გადაწყვეტილებას საჰაერო გადაყვანა-გადაზიდვის მოწმობის გაუქმების თაობაზე შემდეგ შემთხვევებში:

ა) თუ ავიაგადამზიდველი ვეღარ აკმაყოფილებს ამ წესის მე-3 მუხლის მე-3 პუნქტის  „ა“ – „ე“  ქვეპუნქტებით გათვალისწინებულ ნებისმიერ მოთხოვნას;

ბ) თუ გავიდა სერტიფიკატის მოქმედების შეჩერების ვადა და ამ ვადის განმავლობაში არ აღმოიფხვრა  შეჩერების საფუძველი;

გ) თუ ავიაგადამზიდველი,  მნიშვნელოვან საკითხთან დაკავშირებით, სააგენტოში განზრახ წარადგენს მცდარ ინფორმაციას;

დ) კანონით გათვალისწინებული სხვა საფუძველი.

სსიპ – სამოქალაქო ავიაციის სააგენტოს დირექტორის 2019 წლის 24 ივლისის ბრძანება №150 - ვებგვერდი, 25.07.2019წ.

სსიპ – სამოქალაქო ავიაციის სააგენტოს დირექტორის 2021 წლის 3 აგვისტოს ბრძანება №187 - ვებგვერდი, 10.08.2021წ.

2. სააგენტოს გადაწყვეტილება ეცნობება განმცხადებელს და ქვეყნდება სააგენტოს ოფიციალურ ვებ-გვერდზე. გადაწყვეტილება გაცემაზე უარის შესახებ უნდა იყოს დასაბუთებული და მითითებული იყოს უარის შესაბამისი მიზეზი.

3. სააგენტო, მოწმობის მფლობელის განაცხადის საფუძველზე მოწმობის დაკარგვის ან დაზიანების შემთხვევაში 3 (სამი) სამუშაო დღის ვადაში გასცემს მოწმობის დუბლიკატს.

2. სამოქალაქო პასუხისმგებლობის დაზღვევის დამადასტურებელი პოლის(ებ)ი შესაძლო ზიანის საკომპენსაციოდ, რომელიც შეიძლება მიადგეს მგზავრს, ბარგის და/ან ტვირთის  გამგზავნს ან მიმღებს, ან/და მესამე პირს და პასუხისმგებლობის დაზღვევის ფარგლები უნდა შეესაბამებოდეს „საჰაერო ხომალდის ექსპლუატანტის/საჰაერო გადაყვანა-გადაზიდვის მოწმობის მფლობელის სამოქალაქო პასუხისმგებლობის დაზღვევის წესის დამტკიცება“ სსიპ – სამოქალაქო ავიაციის სააგენტოს დირექტორის 2017 წლის 14 ივნისის №95 ბრძანებით დადგენილ მოთხოვნებს.

სსიპ – სამოქალაქო ავიაციის სააგენტოს დირექტორის 2019 წლის 21 ივნისის ბრძანება №125 - ვებგვერდი, 25.06.2019წ.

1. პირველად განცხადების შეტანისას ფინანსური საიმედოობის დადასტურების მიზნითწარმოსადგენი ინფორმაცია:

1.1 „ა“კატეგორიის საწარმოსთვის:

ა) საწარმოს მენეჯმენტის ბოლო ანგარიში და არსებობის შემთხვევაში გასული წლის აუდირებულიფინანსური ანგარიში;

ბ) პირველი სამი წლის ბიზნესგეგმა;

გ) დაგეგმილი საბალანსო და მოგება-ზარალის უწყისები მომდევნო სამი წლისათვის;

დ) დეტალური ინფორმაცია მოსალოდნელი შემოსავლების და ხარჯების შესახებ, კერძოდ: საწვავთან, ბილეთებთან და ტარიფებთან, ხელფასებთან, მომსახურებასთან, ამორტიზაციასთან, სავალუტოკურსის ცვლილებებთან, აეროპორტების გადასახადებთან, საჰაერო ნავიგაციის გადასახადებთან, მიწაზე მომსახურებასთან, დაზღვევასთან და სხვ. დაკავშირებით, გადაზიდვების, შემოსავლებისპროგნოზები;

ე) ინფორმაცია ავიაგადაზიდვების დაგეგმილი მოცულობის შესახებ, რომელიც წარმოდგენილი უნდაიყოს ფრენის რაიონების გეოგრაფიული კოორდინატების მიხედვით, ბაზირების ქვეყნებისმითითებით;

ვ) დაწვრილებითი ინფორმაცია ავიაგადაზიდვების წარმოების დაწყებასთან დაკავშირებულიხარჯების შესახებ;

ზ) არსებული და მოსალოდნელი საფინანსო წყაროების შესახებ მონაცემები;

თ) საბანკო ამონაწერი (რომელიც დაადასტურებს, რომ ავიაგადამზიდველს გააჩნია საკმარისიფინანსური რესურსი რომ დაფაროს ბიზნესგეგმის შესაბამისად გაწერილი პირველი სამი თვისხარჯები, ექსპლუატაციიდან მიღებული შემოსავლის გაუთვალისწინებლად);

კ) დაგეგმილი ფულადი სახსრების მოძრაობის უწყისი და ლიკვიდურობის გეგმები პირველი სამიწლისათვის.

1.2. „ბ“ კატეგორიის საწარმოსათვის;

აუდირებული ფინანსური ანგარიში, რომელიც დაადასტურებს, რომ ავიაგადამზიდველის წმინდააქტივების ღირებულება შეადგენს მინიმუმ 100 000 ევროს ეკვივალენტს ეროვნულ ვალუტაში;

1.3. დანართი №1-ის 1.1 პუნქტის „ა“ და „თ“ ქვეპუნქტებით გათვალისწინებული მოთხოვნა არვრცელდება იმ საწარმოზე, რომელიც ფლობს 2017 წლის 1 ივლისამდე გაცემულ ექსპლუატანტისმოქმედ სერტიფიკატს და მოწმობის მისაღებად განაცხადს წარადგენს 2019 წლის 1 სექტემბრამდე.

2. ინფორმაცია, რომელიც მიწოდებული უნდა იქნეს მოწმობის მფლობელების ფინანსურისტაბილურობის შენარჩუნების შეფასებასთან დაკავშირებით, რომლებიც აპირებენ ცვლილებებისშეტანას საწარმოს სტრუქტურაში ან საქმიანობაში, რაც მნიშვნელოვან ზეგავლენას მოახდენს მათფინანსურ მდგომარეობაზე:

ა) საჭიროების შემთხვევაში საწარმოს მენეჯმენტის ბოლო ანგარიში და გასული წლის აუდირებულიფინანსური ანგარიში;

ბ) ყველა განსახორციელებელი ცვლილების ზუსტი დეტალები, მაგ.: მომსახურების ტიპის ცვლილება, საწარმოთა შერწყმის შესახებ, სააქციო კაპიტალის ცვლილებები და სხვ;

გ) დაგეგმილი საბალანსო და მოგება-ზარალის უწყისები, რომელშიც გათვალისწინებული უნდა იყოსგანსახორციელებელი ცვლილებები, რომლებიც მნიშვნელოვან ზეგავლენას მოახდენს საწარმოსფინანსურ მდგომარეობაზე;

დ) წარსული და მოსალოდნელი ხარჯების და შემოსავლის ციფრები საწვავთან, ბილეთებთან დატარიფებთან, ხელფასებთან, მომსახურებასთან, ამორტიზაციასთან, სავალუტო კურსისცვლილებებთან, აეროპორტების გადასახადებთან, საჰაერო ნავიგაციის გადასახადებთან, მიწაზემომსახურებასთან, დაზღვევასთან და სხვ. დაკავშირებით, ავიაგადაზიდვების, შემოსავლებისპროგნოზები;

ე) შემდეგი წლისათვის ფულადი სახსრების მოძრაობასა და ლიკვიდურობასთან დაკავშირებულიგეგმების შესახებ ანგარიშები, მათ შორის სტრუქტურაში ან საქმიანობაში დაგეგმილი ცვლილებები, რაც მნიშვნელოვან ზეგავლენას მოახდენს საწარმოს ფინანსურ მდგომარეობაზე;

ვ) საჰაერო ხომალდების ნასყიდობის/იჯარის ხელშეკრულებები;

ზ) მოდევნო 12-თვიანი პერიოდის ამსახველი განახლებული ბიზნესგეგმა.

3. ინფორმაცია რომელიც წარდგენილი უნდა იქნეს საჰაერო გადაყვანა-გადაზიდვის მოქმედიმოწმობის მფლოებელების ფინანსური სტაბილურობის შენარჩუნების შესწავლასთან დაკავშირებით:

3.1. „ა“კატეგორიის საწარმოსთვის:

ა) აუდირებული ფინანსური ანგარიში შესაბამისი საანგარიშო წლის ბოლო დღიდან არაუგვიანესექვსი თვისა, გარდა იმ შემთხვევისა, თუ ეს სხვაგვარად არის გათვალისწინებული ეროვნულიკანონმდებლობით და საწარმოს მენეჯმენტის ანგარიშები;

ბ) საბანკო ამონაწერი;

გ) საგადასახადო დეკლარაციები;

დ) მომდევნო წლისათვის დაგეგმილი საბალანსო და მოგება-ზარალის უწყისები;

ე) ინფორმაცია ავიაგადაზიდვების დაგეგმილი მოცულობის შესახებ, რომელიც წარმოდგენილი უნდაიყოს ფრენის რაიონების გეოგრაფიული კოორდინატების მიხედვით, ბაზირების ქვეყნებისმითითებით;

ვ) დეტალური ინფორმაცია მოსალოდნელი შემოსავლების და ხარჯების შესახებ, კერძოდ: საწვავთან, ბილეთებთან და ტარიფებთან, ხელფასებთან, მომსახურებასთან, ამორტიზაციასთან, სავალუტოკურსის ცვლილებებთან, აეროპორტების გადასახადებთან, საჰაერო ნავიგაციის გადასახადებთან, მიწაზე მომსახურებასთან, დაზღვევასთან და სხვ. დაკავშირებით, გადაზიდვების, შემოსავლებისპროგნოზები;

ზ) ანგარიში საკრედიტო და სადებეტო დავალიანებების შესახებ;

თ) დაგეგმილი ფულადი სახსრების მოძრაობის უწყისი და ლიკვიდურობის გეგმები მომდევნოსანგარიშო წლისათვის.

3.2. „ბ“ კატეგორიის საწარმოსთვის:

აუდირებული ფინანსური ანგარიში, რომელიც დაადასტურებს, რომ ავიაგადამზიდველის წმინდააქტივების ღირებულება შეადგენს მინიმუმ 100 000 ევროს ეკვივალენტს ეროვნულ ვალუტაში.“.

დანართი №2

განაცხადის ფორმა

განაცხადი საჰაერო გადაყვანა-გადაზიდვის მოწმობის მიღებაზე

□ „ა“ კატეგორიის საწარმო  (ავიაგადამზიდველი, რომელსაც ექსპლუატაციაში ჰყავს საჰაერო ხომალდი, რომლის მაქსიმალური ასაფრენი მასა არის ან აღემატება 10 ტონას და/ან რომლის ადგილების რაოდენობა არის  ან აღემატება 20-ს)

□ „ბ“ კატეგორიის საწარმო  (ავიაგადამზიდველი, რომელსაც ექსპლუატაციაში ჰყავს საჰაერო ხომალდი, რომლის მაქსიმალური ასაფრენი მასა ნაკლებია 10 ტონაზე და/ან რომლის ადგილების რაოდენობა არ აღემატება 20-ს)

განაცხადის ფორმა

საჰაერო გადაყვანა-გადაზიდვის მოწმობის მიღებაზე განაცხადი იმ საწარმოსთვის, რომელიც ფლობს 2017 წლის 1 ივლისამდე გაცემულ ექსპლუატანტის მოქმედ სერთიფიკატს.

□ „ა“ კატეგორიის საწარმო (ავიაგადამზიდველი, რომელსაც ექსპლუატაციაში ჰყავს საჰაერო ხომალდი, რომლის მაქსიმალური ასაფრენი მასა არის ან აღემატება 10 ტონას და/ან რომლის ადგილების რაოდენობა არის  ან აღემატება 20-ს)

□ „ბ“ კატეგორიის საწარმო (ავიაგადამზიდველი, რომელსაც ექსპლუატაციაში ჰყავს საჰაერო ხომალდი, რომლის მაქსიმალური ასაფრენი მასა ნაკლებია 10 ტონაზე და/ან რომლის ადგილების რაოდენობა არ აღემატება 20-ს)

დანართი  №3

საჰაერო გადაყვანა-გადაზიდვის მოწმობა

Operating Licence N ---

ავიაგადამზიდველი:

The air carrier :

სათავო ოფისი:

Headquarters in:

უფლებამოსილია განახორციელოს

Herewith shall be authorized

კომერციული საჰაერო ტრანსპორტით მგზავრის, ფოსტის და ტვირთის გადაზიდვა

To carry passengers, mail and/or freight in commercial air traffic

გადამზიდველი უფლებამოსილია გამოიყენოს საჰაერო ხომალდი, რომელიც არის მითითებული მოქმედი ექსპლუატანტის სერტიფიკატში.

Within the scope of this licence the air carrier shall be authorized to use those aircraft listed in the

Air Operator Certificate (AOC) in force.

აღნიშნული მოწმობა ძალაშია გაუქმებამდე.

The operating licence shall be valid untill revoked.

გაცემის თარიღი:

Date of issue:

სააგენტოს დირექტორი                                ----------------------  

Director of Agency