აკადემიკოს ილია ვეკუას სახელობის სტიპენდიის დაწესებისა და მინიჭების წესის დამტკიცების თაობაზე

აფხაზეთის ავტონომიური რესპუბლიკის მთავრობის

დადგენილება №11

2017 წლის 12  სექტემბერი 

ქ. თბილისი

აკადემიკოს ილია ვეკუას სახელობის სტიპენდიის დაწესებისა და მინიჭების წესის დამტკიცების თაობაზე

მთავრობის თავმჯდომარის

მოვალეობის შემსრულებელი                                                                        ვახტანგ ყოლბაია

დანართი

აკადემიკოს ილია ვეკუას  სახელობის სტიპენდიის მინიჭების წესი

მუხლი 1. ზოგადი დებულებანი

1. აკადემიკოს ილია ვეკუას სახელობის სტიპენდიის მინიჭების წესი (შემდგომში – წესი) განსაზღვრავს სსიპ – სოხუმის სახელმწიფო უნივერსიტეტის ზუსტი და საბუნებისმეტყველო მიმართულების განსაკუთრებული მიღწევებითა და წარმატებებით წარმოჩენილი ბაკალავრიატისა და მაგისტრატურის სტუდენტებისათვის აკადემიკოს ილია ვეკუას სახელობის სტიპენდიის მინიჭების პირობებს და პროცედურებს.

2. აკადემიკოს ილია ვეკუას სახელობის სტიპენდია გამიზნულია ამ მუხლის პირველი პუნქტით გათვალისწინებული:

ა) იმ ბაკალავრიატის აკრედიტებული უმაღლესი საგანმანათლებლო პროგრამის სტუდენტისათვის, რომელსაც აქვს 70% და მეტი აკადემიური მოსწრება, გამოქვეყნებული აქვს სტუდენტური ნაშრომები, მონაწილეობდა  კონფერენციებში და არის საზოგადოებრივად აქტიური;

ბ) იმ მაგისტრატურის აკრედიტებული უმაღლესი საგანმანათლებლო პროგრამის სტუდენტისათვის, რომელსაც აქვს 80% და მეტი აკადემიური მოსწრება, გამოქვეყნებული აქვს სამეცნიერო ნაშრომები, მონაწილეობდა სამეცნიერო კონფერენციებში და არის საზოგადოებრივად აქტიური.

აფხაზეთის ავტონომიური რესპუბლიკის მთავრობის 2017 წლის 22  სექტემბრის დადგენილება №12 - ვებგვერდი, 04.10.2017 წ.

აფხაზეთის ავტონომიური რესპუბლიკის მთავრობის 2018 წლის 12 აპრილის  დადგენილება №6 - ვებგვერდი, 20,04,2018 წ.

1. აკადემიკოს ილია ვეკუას სახელობის სტიპენდია (შემდგომში – სტიპენდია) ენიჭება სსიპ – სოხუმის სახელმწიფო უნივერსიტეტის ზუსტი და საბუნებისმეტყველო მიმართულების განსაკუთრებული მიღწევებითა და წარმატებებით წარმოჩენილ ბაკალავრიატისა და  მაგისტრატურის სტუდენტებს (შემდგომში – სტუდენტი) ინტელექტუალური პოტენციალის განვითარებისათვის.

2. სტიპენდია წესდება ბაკალავრიატის სტუდენტისათვის თვეში 150 ლარის ოდენობით არაუმეტეს 1 სტუდენტისა და მაგისტრატურის  სტუდენტისათვის თვეში 150 ლარის ოდენობით არაუმეტეს 1 სტუდენტისა. სტიპენდიანტს სტიპენდია ეძლევა დანიშვნის დღიდან ყოველთვიურად  ერთი  სასწავლო  წლის  განმავლობაში (ათი თვე).

აფხაზეთის ავტონომიური რესპუბლიკის მთავრობის 2017 წლის 22  სექტემბრის დადგენილება №12 - ვებგვერდი, 04.10.2017 წ.

აფხაზეთის ავტონომიური რესპუბლიკის მთავრობის 2018 წლის 12 აპრილის  დადგენილება №6 - ვებგვერდი, 20,04,2018 წ.

1. სტიპენდიის მინიჭების ღონისძიებათა უზრუნველყოფის, კონკურსის გამოცხადების, განაცხადების მიღებისა და განხილვის, კანდიდატთა წარდგენისა და სტიპენდიანტის გამოვლენის მიზნით აფხაზეთის ავტონომიური რესპუბლიკის მთავრობის თავმჯდომარესთან იქმნება კომისია.

2. კომისიის საქმიანობას ხელმძღვანელობს  კომისიის თავმჯდომარე.

3. კომისიას  7 (შვიდი) წევრის შემადგენლობით, ყოველი სასწავლო წლის დასრულების შემდგომ, აფხაზეთის ავტონომიური რესპუბლიკის განათლებისა და კულტურის მინისტრის წარდგინებით ამტკიცებს აფხაზეთის ავტონომიური რესპუბლიკის მთავრობის თავმჯდომარე.

4. საჭიროების შემთხვევაში, კომისიის პერსონალურ შემადგენლობაში ცვლილებები შეაქვს აფხაზეთის ავტონომიური რესპუბლიკის მთავრობის თავმჯდომარეს.

5. ამ მუხლის მე-3 პუნქტის შესაბამისად დამტკიცებული კომისიის შემადგენლობა საქმიანობას წყვეტს ამ წესის შესაბამისად სტიპენდიანტის გამოვლენის შემდგომ.

6. კომისიის წევრთა საქმიანობა არ ანაზღაურდება.

7. კომისია მასზე დაკისრებული მოვალეობის შესრულებისათვის ანგარიშვალდებულია აფხაზეთის ავტონომიური რესპუბლიკის მთავრობის თავმჯდომარის წინაშე.

8. კომისიის საქმიანობის ორგანიზაციულ-ტექნიკური უზრუნველყოფის მიზნით, აფხაზეთის ავტონომიური რესპუბლიკის განათლებისა და კულტურის მინისტრის ბრძანებით აფხაზეთის ავტონომიური რესპუბლიკის განათლებისა და კულტურის სამინისტროს არაუმეტეს 3 თანამშრომლისაგან იქმნება კომისიის აპარატი.

აფხაზეთის ავტონომიური რესპუბლიკის მთავრობის 2017 წლის 22  სექტემბრის დადგენილება №12 - ვებგვერდი, 04.10.2017 წ.

1. სტიპენდიის  მისანიჭებლად სტუდენტის  წარდგენის უფლება აქვს სსიპ – სოხუმის სახელმწიფო უნივერსიტეტს.

2. კანდიდატის შესაბამისი დოკუმენტაცია:

ა) ბაკალავრიატის აკრედიტებული უმაღლესი საგანმანათლებლო პროგრამის სტუდენტის შემთხვევაში:  წარდგინება, 1 რეკომენდაცია, პირადობის მოწმობის ასლი, სტუდენტის სასწავლო ბარათი, სტუდენტური ნაშრომების გამოქვეყნებისა და კონფერენციებში მონაწილეობის დამადასტურებელი დოკუმენტაცია, სიგელები და სერტიფიკატები (არსებობის შემთხვევაში), ინფორმაცია საზოგადოებრივი აქტივობის შესახებ წარედგინება აფხაზეთის ავტონომიური რესპუბლიკის განათლებისა და კულტურის მინისტრს, რომელიც აღნიშნულ დოკუმენტაციას გადასცემს კომისიას განსახილველად;

ბ) მაგისტრატურის აკრედიტებული უმაღლესი საგანმანათლებლო პროგრამის სტუდენტის შემთხვევაში: წარდგინება, 1 რეკომენდაცია, პირადობის მოწმობის ასლი, სტუდენტის სასწავლო ბარათი, სამეცნიერო ნაშრომების გამოქვეყნებისა და სამეცნიერო კონფერენციებში მონაწილეობის დამადასტურებელი დოკუმენტაცია, სიგელები და სერტიფიკატები (არსებობის შემთხვევაში), ინფორმაცია საზოგადოებრივი აქტივობის შესახებ წარედგინება აფხაზეთის ავტონომიური რესპუბლიკის განათლებისა და კულტურის მინისტრს, რომელიც აღნიშნულ დოკუმენტაციას გადასცემს კომისიას განსახილველად.

3. განაცხადების წარდგენის ვადას განსაზღვრავს და საჯაროდ აცხადებს სამინისტრო სასწავლო წლის დასრულების შემდგომ.

4. გამოცხადებული ვადის გასვლის შემდეგ წარდგენილი განაცხადები არ განიხილება.

5. სტიპენდიის თაობაზე განცხადებას კომისია განიხილავს ახალი სასწავლო წლის დადგომამდე და გადაწყვეტილებას იღებს ფარული კენჭისყრით.

6. კომისიის სხდომა უფლებამოსილია გამოიტანოს გადაწყვეტილება აკადემიკოს ილია ვეკუას  სახელობის სტიპენდიის  მინიჭების შესახებ, თუ სხდომას ესწრება კომისიის წევრთა ნახევარზე მეტი.

7. სტიპენდიის მოსაპოვებლად კანდიდატურების განხილვა მიმდინარეობს ღია წესით.

8. კომისიის წევრს უფლება აქვს მოითხოვოს სხდომაზე კანდიდატის დასწრება ან დამატებითი ინფორმაციის მიღება.

9. კომისია სტიპენდიის მინიჭების თაობაზე გადაწყვეტილებას იღებს დამსწრე წევრთა ხმების უმრავლესობით ფარული კენჭისყრით, ხმათა თანაბარი რაოდენობის შემთხვევაში გადამწყვეტია კომისიის თავმჯდომარის ხმა. სხდომაზე მიღებული გადაწყვეტილება ფორმდება შესაბამისი ოქმით.

10. კომისიის მიერ სტიპენდიის მინიჭების შესახებ  გადაწყვეტილების მიღების შემდეგ სხდომის ოქმი წარედგინება აფხაზეთის ავტონომიური რესპუბლიკის მთავრობის თავმჯდომარეს.

11. კომისიის გადაწყვეტილების მოწონების შემთხვევაში სტიპენდიის  დანიშვნა ხორციელდება აფხაზეთის ავტონომიური რესპუბლიკის მთავრობის თავმჯდომარის ბრძანებით.

12. აფხაზეთის ავტონომიური რესპუბლიკის მთავრობის თავმჯდომარე,  სტიპენდიის  დანიშვნამდე კომისიის საქმიანობაში ისეთი ხარვეზის აღმოჩენის შემთხვევაში, რამაც შედეგებზე შესაძლო გავლენა მოახდინა, უფლებამოსილია უარი თქვას კომისიის გადაწყვეტილების მოწონებაზე და მისცეს კომისიას 10 დღის ვადა ხარვეზების აღმოსაფხვრელად და სტიპენდიის  მინიჭების შესახებ საბოლოო ოქმის წარმოსადგენად. ხარვეზის აღმოუფხვრელობის შემთხვევაში საბოლოო გადაწყვეტილებას იღებს აფხაზეთის ავტონომიური რესპუბლიკის მთავრობის თავმჯდომარე.

13. სტიპენდიანტს გადაეცემა შესაბამისი სტიპენდიანტის დიპლომი.

14. აფხაზეთის ავტონომიური რესპუბლიკის მთავრობის თავმჯდომარეს უფლება აქვს სტიპენდიანტს ვადაზე ადრე მოუხსნას სტიპენდია, თუკი სტუდენტს სტატუსი შეუჩერდება ან შეუწყდება. აფხაზეთის ავტონომიური რესპუბლიკის მთავრობის თავმჯდომარე ამ გადაწყვეტილებას იღებს სტიპენდიაზე წარმდგენი საგანმანათლებლო დაწესებულების ან/და აფხაზეთის ავტონომიური რესპუბლიკის განათლებისა და კულტურის სამინისტროს მიერ შესაბამისი ინფორმაციის მიწოდების  შემდეგ.

აფხაზეთის ავტონომიური რესპუბლიკის მთავრობის 2018 წლის 12 აპრილის  დადგენილება №6 - ვებგვერდი, 20,04,2018 წ.

1. ამ წესის მე-4 მუხლის მე-5 პუნქტი ამოქმედდეს 2018 წლის 1 იანვრიდან.

2. 2017 წელს სტიპენდიის თაობაზე განცხადებას კომისია განიხილავს ოქტომბერში და გადაწყვეტილებას იღებს ფარული კენჭისყრით.

აფხაზეთის ავტონომიური რესპუბლიკის მთავრობის 2017 წლის 22  სექტემბრის დადგენილება №12 - ვებგვერდი, 04.10.2017 წ.