კოდი საბიუჯეტო პროგრამა 2016 წლის ფაქტი 2017 წლის გეგმა 2018 წლის გეგმა სულ მათ შორის სულ მათ შორის სულ მათ შორის სახელმწიფო ბიუჯეტის ფონდებიდან გამოყოფილი ტრანსფერები საკუთარი შემოსავლები სახელმწიფო ბიუჯეტის ფონდებიდან გამოყოფილი ტრანსფერები საკუთარი შემოსავლები სახელმწიფო ბიუჯეტის ფონდებიდან გამოყოფილი ტრანსფერები საკუთარი შემოსავლები

მუხლი 1.  ვანის მუნიციპალიტეტის ბიუჯეტის ბალანსი

განისაზღვროს ვანის მუნიციპალიტეტის ბიუჯეტის ბალანსი თანდართული რედაქციით:

ათას ლარებში

განისაზღვროს ვანის მუნიციპალიტეტის ბიუჯეტის შემოსულობები, გადასახდელები და ნაშთის ცვლილება თანდართული რედაქციით:

ათას ლარებში

განისაზღვროს ვანის მუნიციპალიტეტის ბიუჯეტის შემოსავლები 10600,8 ათასი ლარის ოდენობით, თანდართული რედაქციით:

ათას ლარებში

განისაზღვროს ვანის მუნიციპალიტეტის ბიუჯეტის გადასახადები 500,0 ათასი ლარის ოდენობით, თანდართული რედაქციით:

ათას ლარებში

განისაზღვროს ვანის მუნიციპალიტეტის ბიუჯეტის გრანტები 9675,1 ათასი ლარის ოდენობით, თანდართული რედაქციით:

ათას ლარებში

განისაზღვროს ვანის მუნიციპალიტეტის ბიუჯეტის სხვა შემოსავლები 425.7 ათასი ლარის ოდენობით, თანდართული რედაქციით:

ათას ლარებში

განისაზღვროს ვანის მუნიციპალიტეტის ბიუჯეტის ხარჯები 6064.8 ათასი ლარის ოდენობით, თანდართული რედაქციით:

ათას ლარებში

განისაზღვროს ვანის მუნიციპალიტეტის ბიუჯეტის არაფინანსური აქტივების ცვლილება 7393.7 ათასი ლარის ოდენობით, თანდართული რედაქციით:

ათას ლარებში

განისაზღვროს ვანის მუნიციპალიტეტის ბიუჯეტის ხარჯები და არაფინანსური აქტივების ზრდა ფუნქციონალურ ჭრილში, თანდართული რედაქციით:

ათას ლარებში

განისაზღვროს ვანის მუნიციპალიტეტის ბიუჯეტის მთლიანი სალდო -2857,7 ათასი ლარის ოდენობით.

განისაზღვროს ვანის მუნიციპალიტეტის ბიუჯეტის ფინანსური აქტივების ცვლილება -2857,7  ათასი ლარის ოდენობით.

განისაზღვროს ვანის მუნიციპალიტეტის ბიუჯეტის ვალდებულებების კლება 0,0  ათასი ლარის ოდენობით.

ვანის მუნიციპალიტეტის ბიუჯეტით გაუთვალისწინებელი გადასახდელების დაფინანსების მიზნით ბიუჯეტში შეიქმნას სარეზერვო ფონდი 70,0 ათასი ლარის ოდენობით და მისი განკარგვა განხორციელდეს მუნიციპალიტეტის საკრებულოს დადგენილი წესისა და მუნიციპალიტეტის მერის ბრძანების საფუძველზე.

დელეგირებული უფლებამოსილების განსახორციელებლად სახელმწიფო ბიუჯეტიდან მიღებული მიზნობრივი ტრანსფერი 145.0 ათასი ლარი მიიმართოს: ა) ,,საზოგადოებრივი ჯანმრთელობის შესახებ”  საქართველოს კანონით განსაზღვრული უფლებამოსილების განსახორციელებლად – 65.0 ათასი ლარი. ბ) ,,სამხედრო ვალდებულებისა და სამხედრო სამსახურის შესახებ” და ,,სამხედრო სარეზერვო სამსახურის შესახებ” საქართველოს კანონებით განსაზღვრული უფლებამოსილებათა განსახორციელებლად 80.0 ათასი ლარი.

მოსახლეობის სოციალური უზრუნველყოფის პროგრამისათვის გამოყოფილი ასიგნებების განკარგვა განხორცილდეს საქართველოს კანონმდებლობისა და ვანის მუნიციპალიტეტის საკრებულოს მიერ დადგენილი წესის შესაბამისად.

განისაზღვროს ვანის მუნიციპალიტეტის ბიუჯეტის ძირითადი პრიორიტეტები (პროგრამული კლასიფიკაციის პირველი დონე), მათ ფარგლებში განსახორციელებელი პროგრამები (მეორე დონე) და ქვეპროგრამები (მესამე დონე) შემდეგი რედაქციით:

1. ინფრასტრუქტურის მშენებლობა , რეაბილიტაცია და ექსპლოატაცია ( პროგრამული კოდი 03 00)

მუნიციპალიტეტის ეკონომიკური განვითარების   აუცილებელ პირობას წარმოადგენს მუნიციპალური ინფრასტრუქტურის გაუმჯობესება და იგი ვანის მუნიციპალიტეტისათვის ერთ-ერთი მთავარი პრიორიტეტია. აქედან გამომდინარე, 2018 წლის განმავლობაში გაგრძელდება მუნიციპალური ინფრასტრუქტურის გაუმჯობესება, გზების მშენებლობა, რეკონსტრუქცია და მოვლა შენახვა, სანიაღვრე-საწრეტი არხებისა და ნაპირსამაგრი ნაგებობების მშენებლობა და რეაბილიტაცია, დასუფთავების ღონისძიებები, გარე განათებისა და წყლის სისტემის მშენებლობა და რეაბილიტაცია, ურბანული ტერიტორიის კეთილმოწყობა.

1.2 გზების მშენებლობა , რეკონსტრუქცია და მოვლა - შენახვა ( პროგრამული კოდი 03 01)

მგზავრთა შეუფერხებელი, კომფორტული და უსაფრთხო გადაადგილების, სტანდარტებით გათვალისწინებულ მოთხოვნებთან შესაბამისობის მიღწევის მიზნით მუნიციპალიტეტი განაგრძობს საგზაო ინფრასტრუქტურის მოწესრიგების ღონისძიებებს. 2018 წლის განმავლობაში განხორციელდება ქალაქ ვანში ვაჟა-ფშაველას ქუჩაზე, სალხინო-ზენობნის და ისრითის გზების რეაბილიტაცია, სულორის ადმინისტრაციულ ერთეულში დავითაშვილების უბანში ხიდის მშენებლობა. თანადაფინანსება გაეწევა რეგიონებში განსახორციელებელი პროექტების ფონდიდან გამოყოფილი თანხებით საგზაო ინფრასტრუქტურის მოწესრიგების მიზნით შესასრულებელ სამუშაოებს. დაფინანსდება სამუშაოების ტექნიკური ზედამხედველობის მომსახურება. დასრულდება საქართველოს მთავრობის 2017 წლის 27 დეკემბრის №2712 და 2016 წლის 18 ივლისის №1409 განკარგულებებით სტიქიის შედეგები სალიკვიდაციო ღონისძიებების განსახორციელებლად გამოყოფილი თანხებიდან შესასრულებელი სამუშაოები. საქართველოს მთავრობის 2018 წლის 18 იანვრის №136 განკარგულებით საქართველოს რეგიონებში განსახორციელებელი პროექტების ფონდიდან გამოყოფილი თანხებით შესრულდება ტობანიერი-ყუმურის, ამაღლება-საპრასიის (კოპიტნარისა და ინაშაურის მიმართულებით), გორა-უხუთის, ზედავანი-გადიდის, ბზვანის თემიდან დაფნარი-ვანი-ბაღდათის მაგისტრალთან დამაკავშირებელი, ქალაქ ვანში 26 მაისის პირველი შესახვევის, წერეთლის, გიორგაძის, წმინდა ნინოს და ერისთავის ქუჩებზე საავტომობილო გზების რეაბილიტაცია.

1.2 კომუნალური ინფრასტრუქტურის მშენებლობა , რეაბილიტაცია და ექსპლოატაცია ( პროგრამული კოდი 03 02)

პროგრამის ფარგლებში განხორციელდება ღონისძიებები, რომლითაც გაუმჯობესდება მოსახლეობის საყოფაცხოვრებო, სანიტარიული და ჰიგიენური პირობები. დაფინანსდება სანიაღვრე საწრეტი არხების, გარე განათების ქსელის და წყლის სისტემის რეაბილიტაცია და ექსპლოატაცია,  დასუფთავების ღონისძიებები.

1.2.1 სანიაღვრე - საწრეტი არხებისა და ნაპირსამაგრი ნაგებობების მოწყობა , რეაბილიტაცია და ექსპლოატაცია ( პროგრამული კოდი 03 02 01) პროგრამის ფარგლებში განხორციელდება საქართველოს მთავრობის 2017 წლის 27 დეკემბრის №2712 და 2016 წლის 18 ივლისის №1409 განკარგულებებით სტიქიის შედეგები სალიკვიდაციო ღონისძიებების განსახორციელებლად გამოყოფილი თანხებიდან შესარულებელი სამუშაოები და ქალაქ ვანში სააკაძის ქუჩაზე რკინა ბეტონის კიუეტის მოწყობა.

1.2.2   დასუფთავების ღონისძიებები ( პროგრამული კოდი 03 02 02)

მუნიციპალიტეტის ერთ-ერთ მთავარ ფუნქციას წარმოადგენს კეთილსაიმედო სანიტარიული და ჰიგიენური მდგომარეობის უზრუნველყოფა. სანიტარიული წესრიგის შენარჩუნებისა და გაუმჯობესების მიზნით გათვალისწინებულია მუნიციპალიტეტის ტერიტორიის ყოველდღიური დაგვა-დასუფთავება და ნარჩენების გატანა. მუნიციპალიტეტში მაწანწალა ცხოველების არსებობა სხვადასხვა ვირუსული დაავადების და ცოფის გავრცელების ძირითად საფრთხეს წარმოადგენს, რისი გათვალისწინებითაც განხორციელდება ცხოველების დაჭერა და მათი გადაყვანა სპეციალიზებულ თავშესაფარში, რითაც უზრუნველყოფილი იქნება მათი რაოდენობის მინიმუმამდე დაყვანა და შესაძლო საფრთხეების თავიდან აცილება.

1.2.3  წყლის სისტემის რეაბილიტაცია და ექსპლოატაცია ( პროგრამული კოდი 03 02 03)

წყლის სისტემების გამართული ფუნქციონირების მიზნით განხორციელდება სასმელი წყლის სათავე ნაგებობების სათანადო წესით და მეთოდებით დამუშავება, შუამთის ადმინისტრაციულ შენობაში აჭარლების დასახლებაში სასმელი წყლის რეზერვუარის რეაბილიტაცია, ქალაქ ვანში წმინდა ნინოს ქუჩაზე თვითდინებითი წყალსადენი სისტემის მოწყობისათვის მასალების შეძენა.

1.2.4 გარე განათების   რეაბილიტაცია და ექსპლოატაცია ( პროგრამული კოდი 03 02 04)

გარე განათება წარმოადგენს ღამის პერიოდში საზოგადოების კომფორტული და უსაფრთხო გადაადგილების აუცილებელ პირობას. გარე განათების ქსელის გამართული ფუნქციონირების მიზნით დაფინანსდება ქსელში მოხმარებული ელექტროენერგიის ხარჯების ანაზღაურება. განხორციელდება შუამთისა და დიხაშხოს ადმინისტრაციულ ერთეულებში გარე განათების სანათების მოწყობა.

1.3 ურბანული ტერიტორიის კეთილმოწყობა ( პროგრამული კოდი 03 03)

პროგრამის ფარგლებში განხორციელდება ქ. ვანში 26 მაისის და სოლომონ მეორის ქუჩების კვეთაზე,  თავისუფლების ქუჩაზე ეპარქიის მიმდებარედ და ცენტრალური მოედნის ჩრდილოეთით სკვერების რეაბილიტაციის სამუშაოები. თავისუფლებისა და სანაპიროს ქუჩაზე მდებარე მრავალბინიანი საცხოვრებელი სახლების გზებისა და ბილიკების რეაბილიტაციის საპროექტო-სახარჯთაღრიცხვო დოკუმენტაციის მომზადება. თავისუფლების ქუჩა №64; №66; №68 მრავალბინიან საცხოვრებელ სახლებზე წყალმიმღები ღარებისა და წყალდამშვები მილების შეცვლის სამუშაოები.

1.4 სოფლის მხარდაჭერის პროგრამა ( პროგრამული კოდი 03 04)

1.5 სოფლის მეურნეობის მხარდაჭერა ( პროგრამული კოდი 03 05)

2. განათლება ( პროგრამული კოდი 04 00)

მომავალი თაობების აღზრდის მიმართულებით დაწყებითი და ზოგადი განათლების გარდა, მნიშვნელოვანი როლი ენიჭება სკოლამდელ განათლებას, რაც თვითმმართველი ერთეულის საკუთარ უფლებამოსილებებს განეკუთვნება და შესაბამისად მუნიციპალიტეტის ერთ-ერთ პრიორიტეტს წარმოადგენს, რომლის ფარგლებში   განხორციელდება საბავშვო ბაღების ფუნქციონირებისათვის საჭირო ხარჯების დაფინანსება, არსებული შენობების რეაბილიტაცია და ინვენტარით უზრუნველყოფა.

2.1 სკოლამდელი განათლება ( პროგრამული კოდი 04 01)

პროგრამა გულისხმობს ა(ა)იპ – ვანის საბავშვო ბაღების გაერთიანების დაფინანსებას. გაერთიანება სასწავლო-აღმზრდელობით პროცესს წარმართავს საქართველოს განათლებისა და მეცნიერების სამინისტროს მიერ დამტკიცებული სახელმწიფო პროგრამების სტანდარტების და განათლების სფეროს ნორმატიული აქტების შესაბამისად. გაერთიანების მიზანია ხელი შეუწყოს სკოლამდელი ასაკის ბავშვთა ნორმალურ აღზრდას, მათ ჰარმონიულ განვითარებას და სკოლისთვის მომზადებას, ბავშვთა აზროვნების, ემოციური სამყაროს და ნებისყოფის ფორმირებას, ფიზიკურ, გონებრივ, ზნეობრივ და ესთეტიკურ აღზრდას. მუნიციპალიტეტში ფუნქციონირებს 24 საბავშვო ბაღი, სადაც სკოლამდელ განათლებას იღებს 700-მდე ბავშვი. მუნიციპალიტეტი მთლიანად აფინანსებს საბავშვო ბაღების ფუნქციონირებისათვის საჭირო ყველა ხარჯს, უზრუნველყოფს საბავშვო ბაღების მატერიალური ბაზის გაუმჯობესებას.

2.2   სკოლამდელი დაწესებულებების მშენებლობა და რეაბილიტაცია ( პროგრამული კოდი 04 02)

საბავშვო ბაღების გამართულად და სათანადო დონეზე ფუნქციონირების მიზნით მუნიციპალიტეტი აგრძელებს საბავშვო ბაღების მშენებლობას და რეაბილიტაციას. პროგრამის ფარგლებში განხორციელდება შუამთის და   მთისძირის საბავშვო ბაღების მშენებლობა და რეაბილიტაცია.

3. კულტურა , რელიგია , ახალგაზრდული და სპორტული ღონისძიებები ( პროგრამული კოდი 05 00)

მუნიციპალიტეტის ინფრასტრუქტურული და ეკონომიკური განვითარების პარალელურად   აუცილებელია ხელი შეეწყოს კულტურული ტრადიციების დაცვას და მათ ღირსეულ გაგრძელებას. ამასთანავე, ერთ-ერთი პრიორიტეტია ახალგაზრდების მრავალმხრივი განვითარების ხელშეწყობა და მათში ცხოვრების ჯანსაღი წესის დამკვიდრება. შესაბამისად, მუნიციპალიტეტი განაგრძობს კულტურის და სპორტის   დაწესებულებების ფინანსურ მხარდაჭერას, კულტურისა და სპორტის სფეროს ინფრასტრუქტურის რეაბილიტაციას და გაუმჯობესებას. გაგრძელდება ვანისა და ბაღდათის ეპარქიის ფინანსური მხარდაჭერა.

3.1 სპორტის განვითარების ხელშეწყობა ( პროგრამული კოდი 05 01)

პროგრამის ფარგლებში განხორციელდება სარაგბო კლუბ „ვანის აიეტის“, სასპორტო დაწესებულებების გაერთიანების, სპორტული ღონისძიებების, სპორტული ინფრასტრუქტურის მშენებლობის და რეაბილიტაციის დაფინანსება.

3.1.1 სპორტული ღონისძიებების დაფინანსება ( პროგრამული კოდი 05 01 01)

ჯანსაღი ცხოვრების წესის დამკვიდრების პოპულარიზაციის და ხელშეწყობის მიზნით დაფინანსდება ფეხბურთში, მძლეოსნობაში, ჭადრაკში, ჭიდაობასა და სპორტის სხვადასხვა სახეობაში მუნიციპალიტეტის მიერ ორგანიზებული სპორტული ღონისძიებები.

3.1.3 საფეხბურთო კლუბი „სულორი ვანი “ ( პროგრამული კოდი 05 01 03)

3.1.4   სპორტული ინფრასტრუქტურის მშენებლობა და რეაბილიტაცია ( პროგრამული კოდი 05 0104)

ახალგაზრდა თაობაში ჯანსაღი ცხოვრების წესის დამკვიდრების პოპულარიზაციის   და ხელშეწყობის მიზნით მუნიციპალიტეტი კვლავ გააგრძელებს სპორტული ინფრასტრუქტურის მოწესრიგების ღონისძიებებს.  ქვეპროგრამის ფარგლებში განხორციელდება ქალაქ ვანში საავადმყოფოსთან, შუამთის, ზეინდრის, ტობანიერის და დიხაშხოს ადმინისტრაციულ ერთეულებში მინი ფეხბურთის სტადიონების რეაბილიტაცია, საჭადრაკო სკოლის რეაბილიტაციის საპროექტო-სახარჯთაღრიცხვო დოკუმენტაციის მომზადება.

3.1.5 სარაგბო კლუბი „ვანის აიეტი “ ( პროგრამული კოდი 05 01 05)

ქვეპროგრამა გულისხმობს სარაგბო კლუბ „ვანის აიეტის“ რაგბის ეროვნულ ჩემპიონატში მონაწილეობასთან დაკავშირებული ხარჯების დაფინანსებას. კლუბის მიზანია იზრუნოს რაგბის, როგორც მნიშვნელოვანი სპორტული ფენომენის, პოპულარიზაციისათვის.

3.1.6 სასპორტო დაწესებულებების გაერთიანება ( პროგრამული კოდი 05 01 06)

ქვეპროგრამა მოიცავს ა(ა)იპ – ვანის მუნიციპალიტეტის სასპორტო დაწესებულებების გაერთიანების დაფინანსებას. გაერთიანებაში ფუნქციონირებს ფეხბურთის, ჭიდაობის, ძიუდოს, სამბოს, მძლეოსნობის, რაგბის, ველოსპორტის, კალათბურთის, ჭადრაკის და საბრძოლო ხელოვნების სექციები. ქვეპროგრამის მიზანია ბავშვთა და მოზარდთა მაქსიმალური რაოდენობის ჩაბმა სისტემატურ სპორტულ-გამაჯანსაღებელ მოძრაობაში, სკოლის პროფილის შესაბამისად მათი მეთოდური აღზრდა და დაოსტატება, მასობრივი სპორტის განვითარება, სასპორტო   სკოლის მოსწავლეთათვის   შესაბამისი სპორტის სახეობათა მიხედვით მატერიალურ-ტექნიკური და საწვრთნელი ბაზის შექმნა.

3.2. კულტურის განვითარების ხელშეწყობა ( პროგრამული კოდი 05 02)

კულტურის განვითარების ხელშეწყობის პროგრამის ფარგლებში მუნიციპალიტეტი აგრძელებს   კულტურის დაწესებულებების ფინანსურ მხარდაჭერას და ამ სფეროს ინფრასტრუქტურის მოწესრიგებას.  

3.2.1 კულტურული ღონისძიებების ორგანიზებისა და მართვის ცენტრი ( პროგრამული კოდი 05 0201)

ქვეპროგრამა გულისხმობს ა(ა)იპ – კულტურული ღონისძებების ორგანიზებისა და მართვის ცენტრის დაფინანსებას, რომლის მიზანია ითანამშრომლოს ხელოვნების სხვადასხვა დარგის მოღვაწეებთან, კულტურის სფეროს დაწესებულებებთან, შემოქმედებით კოლექტივებთან და ცალკეულ ხელოვანებთან. შეიმუშაოს კულტურული პროგრამები თავისი საქმიანობის სფეროში, უზრუნველყოს სადღესასწაულო დღეებში სხვადასხვა კულტურული ღონისძიებების ჩატარება. ქართული ხალხური სიმღერის პოპულარიზაციისა და შენარჩუნების მიზნით დააფინანსოს ხალხური სიმღერის ანსამბლები.

3.2.2 კულტურის სფეროს ინფრასტრუქტურის მშენებლობა და   რეაბილიტაცია  ( პროგრამული კოდი 05 02 02)

ქვეპროგრამის ფარგლებში განხორციელდება ქ.ვანში ჭავჭავაძის ქუჩა №42-ში მდებარე ცენტრალური ბიბლიოთეკის რეაბილიტაციის საპროექტო-სახარჯთაღრიცხვო დოკუმენტაციის მომზადება.

3.2.3   სახელოვნებო ,   განათლებისა და ტურიზმის განვითარების ცენტრი ( პროგრამული კოდი 05 0201)

ქვეპროგრამა გულისხმობას ა(ა)იპ სახელოვნებო, განათლებისა და ტურიზმის განვითარების ცენტრის დაფინანსებას. ორგანიზაცია აერთიანებს სამუსიკო სკოლას, მოსწავლე-ახალგაზრდობის სახლს, ბიბლიოთეკებს, კორნელი კეკელიძის, კალისტრატე ცინცაძის, გიორგი ძიგვაშვილისა და სახვითი ხელოვნების მუზეუმებს, ვანის ისტორიის, ეთნოგრაფიისა და ფოლკლორის კვლევის ცენტრს. ქვეპროგრამის მიზანია მიეცეს სამუსიკო სკოლის მოსწავლეებს შესაბამისი საფეხურისა და სახელოვნებო პროფილის განათლება, ხელი შეუწყოს პიროვნების ინდივიდუალურ შემოქმედებითი მიდრეკილებების განვითარებას, კულტურული მემკვიდრეობის შესწავლას და ამ გზით შენარჩუნებას. ხელი შეუწყოს მოსწავლე-ახალგაზრდობის სახლში გაერთიანებულ მოსწავლეებში პიროვნების ინდივიდუალური შემოქმედებითი მიდრეკილების განვითარებას, ისტორიული კულტურული მემკვიდრეობის შესწავლას და ამ გზით მის შენარჩუნებას, ხელოვნების საფუძვლების ზიარებას, ეროვნული მემკვიდრეობის შესწავლას, ესთეტიკური გემოვნების ჩამოყალიბებას. ხელი შეუწყოს ხალხური ხელოვნების ყველა დარგის განვითარებას, მივიწყებული, ტრადიციული დარგების აღორძინებას, ხალხური მთქმელების, ნიჭიერი ინდივიდუალური შემსრულებლების და შემოქმედებითი კოლექტივების საქმიანობას. უზრუნველყოფს ყოფიდან გამქრალი, მიტოვებული ფოლკლორის ნიმუშების გაცოცხლებას, აღდგენასა და კვლავ ხალხისათვის უკან დაბრუნებას. სამუზეუმო ფონდის შევსებისა და სრულყოფის მიზნით, შეიძინოს ან შემოწირულობა-საჩუქრის სახით, შეკრიბოს ნივთები, კულტურის საქმიანობასთან დაკავშირებული დოკუმენტალური, ეთნოგრაფიული მასალები, სახვითი და გამოყენებითი ხელოვნების ნიმუშები, ფოტოები და სხვა. ფართო საზოგადოებას გააცნოს სახვითი ხელოვნების მუზეუმში დაცული ხელოვნების ნიმუშები. მოქმედი კანონმდებლობის შესაბამისად, უზრუნველყოს ყველა ასაკის მკითხველი საინფორმაციო და ბიბლიოგრაფიული მომსახურეობით. იზრუნოს საბიბლიოთეკო ფონდების დაკომპლექტებასა და ბიბლიოთეკებთან წიგნგაცვლითი ურთიერთობის დამყარებაზე.

3.3 ახალგაზრდული , კულტურული და ტურიზმის ღონისძიებების ხელშეწყობა ( პროგრამული კოდი 05 03)

პროგრამის ფარგლებში დაიგეგმება და განხორციელდება ახალგაზრდებისთვის   გასართობი, შემეცნებითი და სხვადასხვა სახის კულტურული ღონისძიებები. აღნიშნული მიმართულებით აქტიური მუშაობა ხელს შეუწყობს   ახალგაზრდების ჩართულობას მუნიციპალიტეტის ყოველდღიურ საქმიანობაში.

3.4 ეპარქიის მხარდაჭერა ( პროგრამული კოდი 05 04)

პროგრამის ფარგლებში განხორციელდება ვანისა და ბაღდათის ეპარქიის ფინანსური მხარდაჭერა.

4. ჯანმრთელობის დაცვა და სოციალური უზრუნველყოფა ( პროგრამული კოდი 06 00)

საყოველთაო ჯანდაცვისა და სხვა სახელმწიფო პროგრამების განხორციელების პარალელურად, ვანის მუნიციპალიტეტი კვლავ უზრუნველყოფს ჯანმრთელობის დაცვისა და სოციალური დახმარებების   მიწოდებას მოსახლეობისთვის.  ჯანმრთელობის დაცვის ხელშეწყობა და სოციალური დაცვა მუნიციპალიტეტისათვის   ერთ-ერთი უმთავრესი პრიორიტეტია. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობისა და სოციალური დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს მოსახლეობის სოციალურ დაცვას.

 4.1 ჯანმრთელობის დაცვის პროგრამები ( პროგრამული კოდი 06 01)

პროგრამა გულისხმობს ქვეპროგრამების,  ა(ა)იპ – საზოგადოებრივი ჯანდაცვის ცენტრისა და ჯანდაცვის სფეროს ინფრასტრუქტურის მშენებლობისა და რეაბილიტაციის დაფინანსებას.

4.1.1 საზოგადოებრივი ჯანდაცვის   ცენტრი ( პროგრამული კოდი 06 01 01)

ქვეპროგრამა ითვალისწინებს სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში „საზოგადოებრივი ჯანმრთელობის შესახებ“ საქართველოს კანონით განსაზღვრული ფუნქციების შესრულების მიზნით ა(ა)იპ – ვანის საზოგადოებრივი ჯანდაცვის ცენტრის დაფინანსებას, რომელიც უზრუნველყოფს: გადამდებ დაავადებათა ეპიდზედამხედველობას და კონტროლის ღონისძიებებს, იმუნოპროფილაქტიკის დაგეგმვას და განხორციელებას, საინფორმაციო სისტემის უზრუნველყოფას, იმუნოპროფილაქტიკის ლოჯისტიკის უზრუნველყოფას, მუნიციპალიტეტის ტერიტორიაზე გადამტანების ფაუნის გავრცელების შესწავლას და დადგენას, პრევენციულ და კონტროლის ღონისძიებებს, პარაზიტული დაავადებების პირველად კვლევას, დაავადებების დიაგნოსტიკას, პროფილაქტიკურ მკურნალობას, სანიტარიულ ღონისძიებებს, მოსახლეობის ჯანმრთელობის მდგომარეობის ზედამხედველობას და ხელშეწყობას.

4.1.2 ჯანდაცვის ინფრასტრუქტურის მშენებლობა და რეაბილიტაცია ( პროგრამული კოდი 06 01 02)

პროგრამის ფარგლებში დასრულდება ქალაქ ვანში სასწრაფო სამედიცინო დახმარების ცენტრის მშენებლობა.

4.2  სოციალური პროგრამები ( პროგრამული კოდი 06 02)

პროგრამა ითვალისწინებს მუნიციპალიტეტის ტერიტორიაზე მცხოვრები მოსახლეობის სხვადასხვა ფენებისათვის გარკვეული სოციალური დახმარებებით უზრუნველყოფას, რომლებიც მთლიანობაში უზრუნველყოფენ მუნიციპალიტეტის   მოსახლეობის სოციალური მდგომარეობის გაუმჯობესებას.

4.2.1 მზრუნველობამოკლებულთა კვებით უზრუნველყოფა   ( პროგრამული კოდი 06 02 01)

ქვეპროგრამა ითვალისწინებს შეჭირვებულ მდგომარეობაში მყოფი პირების (34 ბენეფიციარი) ყოველდღიური კვებით უზრუნველყოფას.

4.2.2    სარიტუალო დახმარება ( პროგრამული კოდი 06 02 02)

ქვეპროგრამის ფარგლებში გათვალისწინებულია: ა) გარდაცვლილი ომის ვეტერანის   ოჯახის დახმარება  500 ლარის ოდენობით. ბ) გარდაცვლილი იძულებით გადაადგილებული პირის – დევნილის ოჯახის დახმარება 200 ლარის ოდენობით,  70 000-მდე სარეიტინგო ქულის შემთხევაში – 500 ლარის, ხოლო 70 000 დან 100 000-მდე ქულის შემთხვევაში – 300 ლარის ოდენობით. გ) სოციალურად დაუცველი (სარეიტინგო ქულა 1-70000-ის ჩათვლით, ხოლო არასრულწლოვან გარდაცვლილზე 1-100000-ის ჩათვლით) გარდაცვლილის ოჯახის დახმარება – 500 ლარის ოდენობით. დ) ჩერნობილის ავარიის მონაწილის გარდაცვალების შემთხვევაში 500 ლარის ოდენობით.

 4.2.3 ახალშობილთა ოჯახების დახმარება ( პროგრამული კოდი 06 02  03)

ქვეპროგრამის ფარგლებში დახმარება გაეწევა ახალშობილთა ოჯახებს: პირველი შვილის შეძენისას  300  ლარის, მეორე შვილის შეძენის შემთხვევაში 350  ლარის,  მესამე და მომდევნო შვილის შეძენისას 500 ლარის, ხოლო ტყუპების შეძენისას   თითოეულ ახალშობილზე 500 ლარის ოდენობით.

4.2.4 სტიქიით დაზარალებულთა დახმარება ( პროგრამული კოდი 06 02 04)

ქვეპროგრამა ითვალისწინებს ერთჯერადი ფულადი დახმარების გაწევას დაზარალებული ოჯახებისთვის, რომელთაც ხანძრის შედეგად დაეწევათ საცხოვრებელი სახლი ან სტიქიური მოვლენების შედეგად (მეწყერი, ღვარცოფი, კლდეზვავი, ქვათა ცვენა, წყალდიდობა, ძლიერი ქარი) დაზარალდნენ. დახმარების ოდენობა განისაზღვრება ხანძრის შედეგად დაზარალებულ ოჯახზე არაუმეტეს 3000 ლარის, ხოლო სტიქიის შედეგად დაზარალებულ ოჯახზე არაუმეტეს 2000 ლარისა, კომისიის გადაწყვეტილების საფუძველზე.

ქვეპროგრამის ფარგლებში საამშენებლო მასალების გადაცემით დახმარება გაეწევა 2017 წლის ოქტომბრისა და ნოემბრის თვეებში სტიქიის შედეგად დაზარალებულ ოჯახებს.

4.2.5 სამედიცინო დახმარება ( პროგრამული კოდი 06 02 05)

ქვეპროგრამის ფარგლებში გათვალისწინებულია მუნიციპალიტეტში მცხოვრები მოქალაქეების   სამედიცინო მომსახურების   ღირებულების თანადაფინანსება. დახმარების მოცულობა განისაზღვრება 700-ლარიანი ლიმიტით, პაციენტმა შეიძლება ისარგებლოს წლის განმავლობაში ლიმიტით გათვალისწინებული თანხის ამოწურვამდე შემდეგ შემთხვევაში: ა) მოქალაქეებმა, რომლებიც რეგისტრირებული არიან სოციალურად დაუცველთა ერთიან ბაზაში და მინიჭებული აქვთ 1-დან- 65 000-ის ჩათვლით სარეიტინგო ქულა; ბ)18 წლამდე ასაკის ბავშვებმა, რომელთა სარეიტინგო ქულაა 1-დან 100 000-ის ჩათვლით; გ) ონკოლოგიური (მხოლოდ ავთვისებიანი სიმსივნე) დაავადების მქონე პაციენტებმა; დ) გულის დაავადებათა მქონე პაციენტებმა;  ე) C ქრონიკული ჰეპატიტით დაავადებულებმა.

სხვა დანარჩენი კატეგორიის მოქალექეების დაფინანსება განისაზღვრება პაციენტის გადასახდელი თანხის 50 %-ის და არაუმეტეს 500 ლარის ოდენობით. პროგრამა არ ითვალისწინებს   მშობიარეთა სამედიცინო მომსახურების დაფინანსებას, აგრეთვე იმ პეციენტების დაფინანსებას, რომელთაც გადახდილი აქვთ სამედიცინო მომსახურების თანხა და კლინიკაში დავალიანება არ ერიცხებათ, ასევე იმ პაციენტების დაფინანსებას, რომელთაც გადასახდელი აქვთ 200 ლარზე ნაკლები ღირებულების სამედიცინო მომსახურების თანხა.

4.2.6   დიალიზის პროგრამაში ჩართულთა დახმარება ( პროგრამული კოდი 06 02 06)

 ქვეპროგრამის ფარგლებში გათვალისწინებულია დიალიზის და თირკმლის ტრანსპლანტაციის სახელმწიფო პროგრამაში ჩართული ვანის მუნიციპალიტეტში მცხოვრები და რეგისტრირებული ბენეფიციარების ტრანსპორტის ხარჯის შემცირების მიზნით ყოველთვიური ფულადი დახმარება 200 ლარის ოდენობით.

4.2.7   საბრძოლო მოქმედებების შედეგად დაღუპულთა ოჯახების დახმარება ( პროგრამული კოდი 06 02 07)

ქვეპროგრამის ფარგლებში გათვალისწინებულია საქართველოს ტერიტორიული მთლიანობისათვის და სხვა სახელმწიფოთა ტერიტორიაზე საბრძოლო მოქმედების შედეგად დაღუპულთა ოჯახებისათვის ერთჯერადი ფინანსური დახმარების გაცემა 500  ლარის ოდენობით.

4.2.8 პირველი ჯგუფის ინვალიდთა და ჯანმრთელობის პრობლემების მქონე ბავშვთა ოჯახების დახმარება ( პროგრამული კოდი 06 02 08)

ქვეპროგრამის ფარგლებში გათვალისწინებულია 18 წლამდე ასაკის არომატული ამინომჟავების მეტაბოლიზმის დარღვევებით დაავადებული ბავშვთა ოჯახებისათვის ყოველთვიურად დახმარების გაწევა 200 ლარის, შეზღუდული შესაძლებლობის სტატუსის მქონე 18 წლამდე ასაკის ბავშვებისათვის   ერთჯერადი ფულადი დახმარების გაწევა 500 ლარის, და პირველი ჯგუფის ინვალიდებისათვის  200 ლარის ოდენობით.

4.2.9 დღეგრძელთა დახმარება ( პროგრამული კოდი 06 02 09)

ქვეპროგრამის ფარგლებში გათვალისწინებულია ასი და მეტი წლის უხუცესთათვის ერთჯერადი ფინანსური დახმარების გაწევა, თითოეულ ბენეფიციარზე 1000 ლარის ოდენობით.

4.2.10 მეორე მსოფლიო ომისა და ჩერნობილის ავარიის მონაწილეთა დახმარება ( პროგრამული კოდი 06 02 10)

ქვეპროგრამის ფარგლებში გათვალისწინებულია 9 მაისს   მეორე მსოფლიო ომის ვეტერანებისათვის 500 ლარის, ჩერნობილის ტრაგედიის თარიღთან დაკავშირებით სალიკვიდაციო სამუშაოებში მონაწილეთათვის  300  ლარის და 1989 წლის 9 აპრილს დაზარალებულთათვის 500 ლარის ოდენობით ერთჯერადი ფულადი დახმარების გაწევა.

4.2.11 მრავალშვილიანი ოჯახების დახმარება ( პროგრამული კოდი 06 02 11)

 ქვეპროგრამის ფარგლებში გათვალისწინებულია მუნიციპალიტეტის ტერიტორიაზე მცხოვრები მრავალშვილიანი ოჯახების, რომელთაც   ჰყავთ ოთხი ან მეტი არასრულწლოვანი შვილი, ერთჯერადი ფინანსური დახმარების გაწევა თითოეულ ბავშვზე 100 (ასი) ლარის ოდენობით.

4.2.12 მარჩენალგარდაცვლილ პირთა დახმარება ( პროგრამული კოდი 06 02 12)

 ქვეპროგრამის ფარგლებში გათვალისწინებულია ერთჯერადი ფინანსური დახმარების გაცემა: ა) სოციალურად დაუცველ მარჩენალგარდაცვლილ ოჯახებზე, რომლებიც იღებენ მარჩენალის გარდაცვალების გამო სოციალურ პაკეტს, ამავე დროს რეგისტრირებული არიან სოციალურად დაუცველთა ერთიან ბაზაში და მინიჭებული აქვთ  100 000-მდე სარეიტინგო ქულა, ერთ ბენეფიციარზე 250 ლარის ოდენობით; ბ) მარჩენალგარდაცვლილ ოჯახებზე, რომლებიც ღებულობენ მარჩენალის გარდაცვალების გამო სოციალურ პაკეტს, ერთ ბენეფიციარზე 150 ლარის ოდენობით;  გ) დედ-მამით ობლებს, რომლებიც ღებულობენ მარჩენალის გარდაცვალების გამო სოციალურ პაკეტს, ერთ ბენეფიციარზე 500 ლარის ოდენობით.

4.2.13 სხვა სოციალური ღონისძიებები ( პროგრამული კოდი 06  02 13)

ქვეპროგრამის ფარგლებში განხორციელდება შეზღუდული შესაძლებლობის მქონე პირთა მომსახურების დღის ცენტრის ფინანსური მხარდაჭერა.

4.2.14   სოციალურად დაუცველი ოჯახების სტუდენტთა დახმარება ( პროგრამული კოდი 06  02 14)

ქვეპროგრამის ფარგლებში ერჯერადი ფინანსური დახმარება გაეწევა ვანის მუნიციპალიტეტის ტერიტორიაზე რეგისტრირებულ სტუდენტებს, რომელთა ოჯახები მიეკუთვნება სოციალურად დაუცველთა კატეგორიას და სარეიტინგო ქულა არის 1-დან – 100000-ის ჩათვლით. დახმარების მოცულობა განისაზღვრება თითოეულ სტუდენტზე 500 ლარის ოდენობით. დახმარებით ასევე ისარგებლებენ პირველი ჯგუფის ინვალიდი სტუდენტები, მიუხედავად სარეიტინგო ქულისა, 1000 ლარის ოდენობით.

5. თავდაცვა

ქვეყნის თავდაცვისუნარიანობის ამაღლების ხელშეწყობის მიზნით მუნიციპალიტეტი დელეგირებული უფლებამოსილების ფარგლებში ახორციელებს წვევამდელთა და რეზერვისტთა   მობილიზებას და მათი გაწვევის პუნქტებამდე გადაყვანას.

5.1 ქვეყნის თავდაცვისუნარიანობის ამაღლების ხელშეწყობა ( პროგრამული კოდი 02 01)

ქვეყნის თავდაცვისუნარიანობის ამაღლების ხელშეწყობის მიზნით მუნიციპალიტეტი დელეგირებული უფლებამოსილების ფარგლებში ახორციელებს წვევამდელთა და რეზერვისტთა   მობილიზებას და მათი გაწვევის პუნქტებამდე გადაყვანას.

განისაზღვროს ვანის მუნიციპალიტეტის ბიუჯეტის ასიგნებები  13558,5 ათასი ლარის ოდენობით, თანდართული რედაქციით:

ათას ლარებში