საჩხერის მუნიციპალიტეტის ბიუჯეტიდან მოსახლეობის სოციალური დახმარების სახეების ფინანსების გაცემისა და მიღების წესის დამტკიცების შესახებ

1 +

+

+

+

+

 

საჩხერის მუნიციპალიტეტის ბიუჯეტიდან გაიცემა შემდეგი სახის სოციალური დახმარებები:

ა) ვეტერანთა დაკრძალვის ხარჯები;

ბ) უპატრონო მიცვალებულთა დაკრძალვის ხარჯები;

გ) ავადმყოფთა სოციალური დაცვა;

დ) სტიქიური უბედურების შედეგად დაზარალებული მოსახლეობის დახმარება;

ე) ოჯახებისა და ბავშვების სოციალური დაცვა;

ვ) შეზღუდული შესაძლებლობის მქონე პირთა დაცვა;

ზ) ომის, შრომისა და სამხედრო ძალების ვეტერანებზე და მათ ოჯახებზე ფულადი ფორმით გასაცემი დახმარებები;

თ) მარჩენალდაკარგულ პირთა სოციალური დაცვა;

ი) საცხოვრებლით უზრუნველყოფა;

კ) სოციალურად შეჭირვებული მოსახლეობის ,, უფასო სადილით“ უზრუნველყოფა;

ლ) სოციალური საფრთხის წინაშე მყოფი ბავშვიანი ოჯახების დახმარება.

 

1. მუნიციპალიტეტის ბიუჯეტიდან ანაზღაურდება შემდეგი სახის სარიტუალო მომსახურება 500 (ხუთასი) ლარის ოდენობით:

ა) საქართველოს ტერიტორიული მთლიანობისათვის მებრძოლ ვეტერანთა სარიტუალო მომსახურება;

ბ) სხვა ქვეყნის ტერიტორიაზე მებრძოლ ვეტერანთა სარიტუალო მომსახურება;

გ) მეორე მსოფლიო ომის მონაწილე ვეტერანთა სარიტუალო მომსახურება.

2. დახმარების მისაღებად გარდაცვლილის ოჯახის წევრმა მუნიციპალიტეტში უნდა წარმოადგინოს:

ა) განცხადება;

ბ) გარდაცვლილი ომის ვეტერანის გარდაცვალების მოწმობის ასლი;

გ) განმცხადებლის პირადობის მოწმობის ასლი;

დ) ვეტერანის მოწმობის ასლი;

ე) ქორწინების მოწმობის ასლი, შვილის დაბადების მოწმობის ასლი ან პირის კანონისმიერი მემკვიდრეობის დამადასტურებელი საბუთი;

ვ) უფლებამოსილი პირის საბანკო ანგარიში.

1. მუნიციპალიტეტის ბიუჯეტიდან ანაზღაურდება უპატრონო მიცვალებულთა სარიტუალო მომსახურება 500 (ხუთასი) ლარის ოდენობით.

2. თანხის მიღებაზე და განკარგვაზე პასუხისმგებელი პირია შესაბამის ადმინისტრაციულ ერთეულში საჩხერის მუნიციპალიტეტის მერის წარმომადგენელი ან/და მაჟორიტარი დეპუტატი.

3. მუნიციპალიტეტში წარმოდგენილი უნდა იქნეს:

ა) ერთობლივი წერილობითი მომართვა;

ბ) უპატრონო მიცვალებულის გარდაცვალების მოწმობის ასლი;

გ) შესაბამის ადმინისტრაციულ ერთეულში საჩხერის მუნიციპალიტეტის მერის წარმომადგენლის და დეპუტატის პირადობის მოწმობის ასლი;

დ) ერთ-ერთი უფლებამოსილი პირის საბანკო რეკვიზიტი.

1. საჩხერის მუნიციპალიტეტის ტერიტორიაზე რეგისტრირებულ მოქალაქეს, რომელსაც ესაჭიროება გეგმური და გადაუდებელი სტაციონარული – ქირურგიული ოპერაცია და სხვა სამედიცინო მომსახურება მიეცემა დახმარება ერთჯერადად, არაუმეტეს 2000 (ორიათასი) ლარამდე თანხის ოდენობით. ხოლო მოქალაქეს, რომელიც რეგისტრირებულია სოციალურად დაუცველთა ერთიან ბაზაში (150 000 ქულის ჩათვლით), ან აქვს შეზღუდული შესაძლებლობის ან ვეტერანის სტატუსი მიეცემა დახმარება ერთჯერადად, არაუმეტეს 3000 (სამიათასი) ლარამდე თანხის ოდენობით. ბენეფიციარმა, მისი ოჯახის წევრმა ან სამედიცინო დაწესებულებამ მუნიციპალიტეტში უნდა წარმოადგინოს:

ა) განცხადება (წერილი);

ბ) ბენეფიციარის პირადობის მოწმობის ასლი, ხოლო თუ განმცხადებელი ბენეფიციარის ოჯახის წევრია, ასევე განმცხადებლის პირადობის მოწმობის ასლი;

გ) სამკურნალო დაწესებულების ანგარიშფაქტურა, ხოლო გაწეული სამედიცინო მომსახურების შემთხვევაში ბენეფიციარს/ბენეფიციარის ოჯახის წევრს და სამედიცნო დაწესებულებას შორის გაფორმებული შეთანხმების აქტი;

დ) ცნობა ჯანმრთელობის მდგომარეობის შესახებ (ფორმა №100 დედანი ან ასლი);

ე) ინფორმაცია ბენეფიციარის საყოველთაო ჯანდაცვით ან სხვა სადაზღვეო პაკეტით სარგებლობის შესახებ, ასეთის არსებობის შემთხვევაში;

ვ) შშმ პირის შემთხვევაში, შეზღუდული შესაძლებლობის სტატუსის დამადასტურებელი ცნობა;

ზ) ვეტერანის შემთხვევაში, ვეტერანის მოწმობის ასლი;

თ) სოციალურად დაუცველი პირის შემთხვევაში, სოციალურად დაუცველი ოჯახების მონაცემთა ერთიან ბაზაში რეგისტრაციის ამონაწერი;

ი) ანაზღაურება მოხდება უნაღდო ანგარიშსწორების ფორმით სამედიცინო დაწესებულების შესაბამის ანგარიშზე;

კ) დებულების ამ პუნქტით ვერ ისარგებლებს საჩხერის მუნიციპალიტეტის ტერიტორიაზე რეგისტრირებული მოქალაქე, რომლის წლიური შემოსავალიც აღემატება 40000 (ორმოცი ათასი) ლარს, ასევე მოქალაქე, რომელიც აპირებს სამედიცინო მომსახურება მიიღოს ან უკვე მიიღო იმ დაწესებულებაში, რომელიც გასულია საყოველთაო ჯანდაცვის სახელმწიფო პროგრამიდან.

2. საჩხერის მუნიციპალიტეტის ტერიტორიაზე რეგისტრირებულს მოქალაქეს, რომელსაც ესაჭიროება სხვადასხვა სახის კვლევა, მიეცემა დახმარება ერთჯერადად, არაუმეტეს 1000 (ათასი) ლარამდე თანხის ოდენობით, ხოლო მოქალაქეს, რომელიც რეგისტრირებულია სოციალურად დაუცველთა ერთიან ბაზაში (150 000 ქულის ჩათვლით), ან აქვს შეზღუდული შერსაძლებლობის ან ვეტერანის სტატუსი მიეცემა დახმარება ერთჯერადად, არაუმეტეს 1500 (ათასხუთასი) ლარამდე თანხის ოდენობით. ბენეფიციარმა, მისი ოჯახის წევრმა ან სამედიცინო დაწესებულებამ მუნიციპალიტეტში უნდა წარმოადგინოს:

ა) განცხადება (წერილი);

ბ) ბენეფიციარის პირადობის მოწმობის ასლი, ხოლო თუ განმცხადებელი ბენეფიციარის ოჯახის წევრია, ასევე განმცხადებლის პირადობის მოწმობის ასლი;

გ) სამკურნალო დაწესებულების ანგარიშფაქტურა, ხოლო გაწეული სამედიცინო მომსახურების შემთხვევაში ბენეფიციარს/ბენეფიციარის ოჯახის წევრს და სამედიცინო დაწესებულებას შორის გაფორმებული შეთანხმების აქტი;

დ) ცნობა ჯანმრთელობის მდგომარეობის შესახებ (ფორმა №100, დედანი ან ასლი);

ე) შშმ პირის შემთხვევაში, შეზღუდული შესაძლებლობის სტატუსის დამადასტურებელი ცნობა;

ვ) ვეტერანის შემთხვევაში, ვეტერანის მოწმობის ასლი;

ზ) სოციალურად დაუცველი პირის შემთხვევაში, სოციალურად დაუცველი ოჯახების მონაცემთა ერთიან ბაზაში რეგისტრაციის ამონაწერი;

თ) ანაზღაურება მოხდება უნაღდო ანგარიშსწორების ფორმით სამედიცინო დაწესებულების შესაბამის ანგარიშზე.

3. მოქალაქე, რომლის ჩატარებული ან ჩასატარებელი სამედიცინო მომსახურების ღირებულებიდან დარჩენილია 300 (სამასი) ლარზე ნაკლები თანხა (გარდა მოწყვლადი კატეგორიისა, კერძოდ, სოციალურად დაუცველი (150 000 ქულის ჩათვლით), მრავალშვილიანი ოჯახი, შშმ სტატუსის მქონე პირი, ვეტერანი, მარჩენალდაკარგული, მარტოხელა მშობლის სტატუსის მქონე პირის შვილი, დევნილი) მუნიციპალური სოციალური პროგრამით ვერ ისარგებლებს.

4. საჩხერის მუნიციპალიტეტის ტერიტორიაზე რეგისტრირებულ მოქალაქეს, რომელიც თირკმლის უკმარისობის გამო გადის დიალეზით მკურნალობის კურსს სხვადასხვა ქალაქში, მიეცემა დახმარება ყოველთვიურად 100 (ასი) ლარის ოდენობით, ხოლო მაღალმთიან დასახლებაში მუდმივად მცხოვრები პირის სტატუსის მქონე მოქალაქეს 150 (ას ორმოცდაათი) ლარის ოდენობით. ბენიფიციარმა ან მისი ოჯახის წევრმა მუნიციპალიტეტში უნდა წარმოადგინოს:

ა) განცხადება;

ბ) ბენეფიციარის პირადობის მოწმობის ასლი, ხოლო თუ განმცხადებელი ბენეფიციარის ოჯახის წევრია, ასევე განმცხადებლის პირადობის მოწმობის ასლი;

გ) ცნობა ჯანმრთელობის მდგომარეობის შესახებ (ფორმა №100, დედანი ან ასლი);

დ) ცნობა მაღალმთიან დასახლებაში მუდმივად მცხოვრები პირის სტატუსის შესახებ (ასეთის არსებობის შემთხვევაში);

ე) თანხის მიღებაზე პასუხისმგებელი პირის საბანკო ანგარიში.

5. ამ მუხლით გათვალისწინებულ შემთხვევაში, გარდა მე-4 პუნქტისა, ბენეფიციარის დაფინანსების შესახებ საგარანტიო წერილს გასცემს საჩხერის მუნიციპალიტეტის მერი ან მერის მოადგილე.

6. ამ მუხლის მე-4 პუნქტით მოსარგებლე ბენეფიციართა საჩხერის სოციალური მომსახურების სააგენტოში ყოველთვიურად გადამოწმებას უზრუნველყოფს საჩხერის მუნიციპალიტეტის მერიის ჯანმრთელობისა და სოციალური დაცვის სამსახური.

1. საჩხერის მუნიციპალიტეტის ტერიტორიაზე რეგისტრირებულ მოქალაქეს, რომელსაც სტიქიური უბედურების/ხანძრის შედეგად დაეწვა საცხოვრებელი სახლი, მიეცემა დახმარება 10 000 (ათი ათასი) ლარამდე თანხის ოდენობით;

2. დაზარალებულმა სტიქიური უბედურების დადგომიდან ორი თვის ვადაში მუნიციპალიტეტში უნდა წარმოადგინოს:

ა) განცხადება;

ბ) პირადობის მოწმობის ასლი;

გ) ცნობა სშსს იმერეთის, რაჭა-ლეჩხუმის და ქვემო სვანეთის პოლიციის დეპარტამენტის საჩხერის რაიონული სამმართველოდან;

დ) ცნობა სშსს, სსიპ-საგანგებო სიტუაციების მართვის სააგენტოს იმერეთის საგანგებო სიტუაციების მართვის სამმართველოდან;

ე) შესაბამის ადმინისტრაციულ ერთეულში მერის წარმომადგენლის ინფორმაცია ხანძრის შესახებ;

ვ) დაზარალებულის საბანკო ანგარიში.

1. საჩხერის მუნიციპალიტეტის ტერიტორიაზე რეგისტრირებულ მოქალაქეს რომელსაც შეეძინება მეოთხე ან/და მეხუთე შვილი (0-18 წლის ჩათვლით) მიეცემა დახმარება ერთჯერადად 500 (ხუთასი) ლარის ოდენობით, ხოლო მეექვსე და მეტი შვილის შეძენის შემთხვევაში (0-18 წლის ჩათვლით) 1000 (ათასი) ლარის ოდენობით. დაინტერესებულმა პირმა მუნიციპალიტეტში უნდა წარმოადგინოს:

ა) განცხადება;

ბ) პირადობის მოწმობის ასლი;

გ) ბავშვების დაბადების მოწმობის ასლები;

დ) თანხის მიმღები პირის საბანკო ანგარიში.

2. საჩხერის მუნიციპალიტეტის ტერიტორიაზე რეგისტრირებულ ხანდაზმულს (100 წელი და ზევით) მიეცემა დახმარება ერთჯერადად 1000 (ათასი) ლარის ოდენობით. ხანდაზმულის ოჯახის წევრმა მუნიციპალიტეტში უნდა წარმოადგინოს:

ა) განცხადება;

ბ) განმცხადებლის და ხანდაზმულის პირადობის მოწმობის ასლი;

გ) მინდობილი პირის საბანკო ანგარიში.

3. აკრედიტებულ უმაღლეს სასწავლებელში სწავლის საფასურის თანადაფინანსება 700 (შვიდასი) ლარამდე თანხის ოდენობით, ერთჯერადად გაეწევათ: დედით ან მამით ობოლ, მარტოხელა მშობლის სტატუსის მქონე, მრავალშვილიან ოჯახში მცხოვრებ (4 და მეტი შვილი), სოციალურად დაუცველ ოჯახში მცხოვრებ (რომელთაც აქვთ მინიჭებული 100000-მდე სარეიტინგო ქულა), საქართველოს ოკუპირებული ტერიტორიიდან იძულებით გადაადგილებული მშობლის და შეზღუდული შესაძლებლობის სტატუსის მქონე მშობლის სტუდენტებს, ხოლო შეზღუდული შესაძლებლობის სტატუსის მქონე სტუდენტს 1000 (ათასი) ლარამდე თანხის ოდენობით. სტუდენტმა ან მისმა მშობელმა მუნიციპალიტეტში უნდა წარმოადგინოს:

ა) განცხადება;

ბ) ცნობა აკრედიტებული უმაღლესი სასწავლებლიდან მიმდინარე სასწავლო წლის სწავლის საფასურის ოდენობისა და შესაბამისი სასწავლებლის რეკვიზიტების შესახებ;

გ) სტუდენტის პირადობის მოწმობის ასლი, ხოლო თუ განმცხადებელი მშობელია, მშობლის პირადობის მოწმობის ასლიც;

დ) შესაბამისი სტატუსის დამადასტურებელი დოკუმენტი (დაბადების მოწმობის ასლი, გარდაცვალების მოწმობის ასლი, ცნობა მარტოხელა მშობლის სტატუსის შესახებ, ცნობა იძულებით გადაადგილებული პირის შესახებ, ცნობა შეზღუდული შესაძლებლობის სტატუსის შესახებ, სოციალურად დაუცველი ოჯახების მონაცემთა ერთიან ბაზაში რეგისტრაციის ამონაწერი);

ე) ანაზღაურება მოხდება უნაღდო ანგარიშწორების ფორმით აკრედიტებულ უმაღლესი სასწავლებლის საბანკო ანგარიშზე.

4. საჩხერის მუნიციპალიტეტის ტერიტორიაზე რეგისტრირებულ და მუდმივად მცხოვრებ ოჯახს, რომელიც ცხოვრობს სიცოცხლისათვის საფრთხის შემცველ მძიმე საყოფაცხოვრებო პირობებში, იმყოფება სოციალურად დაუცველთა ერთიან ბაზაში (100001 ნაკლები ქულის მქონე ოჯახი), არ აქვს ალტერნატიული საცხოვრებელი ფართი და საკუთარი სახსრებით ეწევა საცხოვრებელი სახლის აღდგენა-გამაგრებით სამუშაოებს, საცხოვრებელი პირობების გაუმჯობესების მიზნით მიეცემა დახმარება ერთჯერადად არაუმეტეს 5000 (ხუთი ათასი) ლარამდე თანხის ოდენობით. ოჯახის საცხოვრებელი მდგომარეობის შესახებ დასკვნას ადგენს ამ მიზნით შექმნილი სამუშაო ჯგუფი. დასკვნა საბოლოო გადაწყვეტილების მისაღებად წარედგინება ამ დებულების მე-15 მუხლით შექმნილ სამუშაო ჯგუფს. დაინტერესებულმა პირმა მუნიციპალიტეტში უნდა წარმოადგინოს:

ა) განცხადება;

ბ) განმცხადებლის პირადობის მოწმობის ასლი;

გ) შესაბამის ადმინისტრაციულ ერთეულში მერის წარმომადგენლის რეკომენდაცია, ოჯახის სოციალურ-ეკონომიკური მდგომარეობის შესახებ;

დ) ცნობა შესაბამის ადმინისტრაციულ ერთეულში მერის წარმომადგენლიდან მასზედ, რომ ოჯახი მუდმივად ცხოვრობს საჩხერის მუნიციპალიტეტის ტერიტორიაზე;

ე) საცხოვრებელი პირობების ამსახველი ფოტომასალა, დამოწმებული შესაბამის ადმინისტრაციულ ერთეულში მერის წარმომადგენლის მიერ;

ვ) ცნობა სოციალური მომსახურების სააგენტოდან სარეიტინგო ქულის შესახებ;

ზ) განმცხადებლის საბანკო ანგარიში.

5. საჩხერის მუნიციპალიტეტის ტერიტორიაზე რეგისტრირებულ მოქალაქეს განსაკუთრებულ შემთხვევაში მიეცემა დახმარება ერთჯერადად, არაუმეტეს 5000 (ხუთი ათასი) ლარამდე თანხის ოდენობით. დაინტერესებულმა პირმა მუნიციპალიტეტში უნდა წარმოადგინოს:

ა) განცხადება;

ბ) განმცხადებლის პირადობის მოწმობის ასლი;

გ) ცნობა სოციალური მომსახურების საგენტოდან სარეიტინგო ქულის შესახებ, ასეთის არსებობის შემთხვევაში;

დ) განსაკუთრებული შემთხვევის დამადასტურებელი დოკუმენტი (დედანი ან ასლი) ყოველ კონკრეტულ შემთხვევაში;

ე) დაინტერესებული პირის საბანკო ანგარიში.

6. ჩერნობილის ატომური ელექტროსადგურის საერთაშორისო დღესთან დაკავშირებით, ჩერნობილის ატომური ელექტროსადგურის ავარიის მონაწილეზე, რომელიც რეგისტრირებულია საჩხერის სოციალური მომსახურების სააგენტოში გაიცეს დახმარება ერთჯერადად 200 (ორასი) ლარის ოდენობით. საჩხერის მუნიციპალიტეტის მერიის ჯანმრთელობისა და სოციალური დაცვის სამსახურმა ჩერნობილის ატომური ელექტროსადგურის ავარიის მონაწილეობის შესახებ ინფორმაცია გადაამოწმოს საჩხერის სოციალური მომსახურების სააგენტოში. დაინტერესებულმა პირმა მუნიციპალიტეტში უნდა წარმოადგინოს:

ა) განცხადება;

ბ) პირადობის მოწმობის ასლი;

გ) დაინტერესებული პირის საბანკო ანგარიში.

1. საჩხერის მუნიციპალიტეტის ტერიტორიაზე რეგისტრირებულ შეზღუდული შესაძლებლობის სტატუსის მქონე არასრულწლოვან მოქალაქეს მიეცემა დახმარება ერთჯერადად 200 (ორასი) ლარის ოდენობით. შშმ პირის კანონიერმა წარმომადგენელმა მუნიციპალიტეტში უნდა წარმოადგინოს:

ა) განცხადება;

ბ) განმცხადებლის პირადობის მოწმობის ასლი;

გ) შშმ პირის დაბადების მოწმობის ასლი;

დ) ცნობა სოციალური მომსახურების სააგენტოდან შეზღუდული შესაძლებლობის სტატუსის შესახებ;

ე) უფლებამოსილი პირის საბანკო ანგარიში.

2. საჩხერის მუნიციპალიტეტის ტერიტორიაზე რეგისტრირებულ შეზღუდული შესაძლებლობის სტატუსის მქონე პირს, რომელსაც ესაჭიროება ინდივიდუალური დამხმარე საშუალება და რომელიც არ ფინანსდება ან ნაწილობრივ ფინანსდება სახელმწიფო პროგრამის ფარგლებში, მიეცემა დახმარება ერთჯერადად, არაუმეტეს 500 (ხუთასი) ლარის ოდენობით. შშმ პირმა ან მისმა კანონიერმა წარმომადგენელმა მუნიციპალიტეტში უნდა წარმოადგინოს:

ა) განცხადება;

ბ) შშმ პირის დაბადების მოწმობის ასლი;

გ) არასრულწლოვანის შემთხვევაში არასრულწლოვნის დაბადების მოწმობის ასლი;

დ) კანონიერი წარმომადგენლის არსებობის შემთხვევაში, წარმომადგენლის პირადობის მოწმობის ასლი;

ე) ცნობა სოციალური მომსახურების სააგენტოდან შეზღუდული შესაძლებლობის სტატუსის შესახებ;

ვ) ცნობა ჯანმრთელობის მდგომარეობის შესახებ (ფორმა №100 დედანი ან ასლი), სადაც განსაზღვრული იქნება შშმ პირის კონკრეტული დამხმარე საჭიროება;

ზ) შესაბამისი სერვისის მიმწოდებელი დაწესებულების ანგარიშ-ფაქტურა (დედანი ან ელექტრონული ვერსია);

თ) ანაზღაურება მოხდება უნაღდო ანგარიშსწორების ფორმით, სერვისის მიმწოდებელი დაწესებულების შესაბამის ანგარიშზე.

3. საჩხერის მუნიციპალიტეტში რეგისტრირებულ, საპენსიო ასაკს მიუღწეველ, შეზღუდული შესაძლებლობის მქონე და ასაკით პენსიონერ (ეტლით მოსარგებლე, საწოლს მიჯაჭვული) პირს, ჰიგიენური საშუალებებით უზრუნველსაყოფად მიეცემა დახმარება ერთჯერადად არაუმეტეს 500 (ხუთასი) ლარის ოდენობით. შშმ პირმა ან მისმა კანონიერმა წარმომადგენელმა მუნიციპალიტეტში უნდა წარმოადგინოს:

ა) განცხადება;

ბ) შშმ პირის პირადობის მოწმობის ასლი;

გ) არასრულწლოვნის შემთხვევაში არასრულწლოვნის დაბადების მოწმობის ასლი;

დ) კანონიერი წარმომადგენელის არსებობის შემთხვევაში, წარმომადგენლის პირადობის მოწმობის ასლი;

ე) ცნობა სოციალური მომსახურების სააგენტოდან შეზღუდული შესაძლებლობის სტატუსის შესახებ;

ვ) ცნობა ჯანმრთელობის მდგომარეობის შესახებ (ფორმა №100 დედანი ან ასლი), სადაც განსაზღვრული იქნება ჰიგიენური საშუალებების გამოყენების საჭიროება;

ზ) შესაბამისი სერვისის მომწოდებელი დაწესებულების ანგარიშფაქტურა;

თ) ანაზღაურება მოხდება უნაღდო ანგარიშსწორების ფორმით სერვისის მიმწოდებელი დაწესებულების შესაბამის ანგარიშზე.

1. საჩხერის მუნიციპალიტეტის ტერიტორიაზე რეგისტრირებულ ომის მონაწილე ვეტერანს, რომელიც ასევე არის შეზღუდული შესაძლებლობის სტატუსის მქონე, მიეცემა დახმარება ერთჯერადად 200 (ორასი) ლარის ოდენობით. დაინტერესებულმა პირმა მუნიციპალიტეტში უნდა წარმოადგინოს:

ა) განცხადება;

ბ) პირადობის მოწმობის ასლი;

გ) ომის მონაწილის (ვეტერანის) დამადასტურებელი მოწმობის ასლი;

დ) ცნობა სოციალური მომსახურების სააგენტოდან შეზღუდული შესაძლებლობის სტატუსის შესახებ;

ე) მინდობილი პირის საბანკო ანგარიში.

1. საჩხერის მუნიციპალიტეტის ტერიტორიაზე რეგისტრირებულ დედით ან მამით ობოლ არასრულწლოვან მოქალაქეს მიეცემა დახმარება ერთჯერადად 200 (ორასი) ლარის ოდენობით. არასრულწლოვნის კანონიერმა წარმომადგენელმა მუნიციპალიტეტში უნდა წარმოადგინოს:

ა) განცხადება;

ბ) პირადობის მოწმობის ასლი;

გ) ცნობა გარდაცვალების შესახებ;

დ) ბავშვის (ბავშვების) დაბადების მოწმობის ასლი (ასლები);

ე) უფლებამოსილი პირის საბანკო ანგარიში.

2. საჩხერის მუნიციპალიტეტის ტერიტორიაზე რეგისტრირებულ მარტოხელა მშობლის სტატუსის მქონე მოქალაქეს მიეცემა დახმარება ერთჯერადად 200 (ორასი) ლარის ოდენობით. დაინტერესებულმა პირმა მუნიციპალიტეტში უნდა წარმოადგინოს:

ა) განცხადება;

ბ) პირადობის მოწმობის ასლი;

გ) ბავშვის (ბავშვების) დაბადების მოწმობის ასლი (ასლები);

დ) ცნობა მარტოხელა მშობლის სტატუსის შესახებ;

ე) დაინტერესებული პირის საბანკო ანგარიში.

1. საჩხერის მუნიციპალიტეტის ტერიტორიაზე რეგისტრირებულ მოქალაქეს რომელსაც არ აქვს თავშესაფარი, საცხოვრებლით უზრუნველყოფის მიზნით, ბინის დაქირავებისათვის მიეცემა დახმარება ყოველთვიურად 250 (ორას ორმოცდაათი) ლარამდე თანხის ოდენობით. ბინის დაქირავება მოქალაქემ უნდა უზრუნველყოს მუნიციპალიტეტის იმ ადმინისტრაციულ ერთეულში, სადაც თვითონ არის რეგისტრირებული. დაინტერესებულმა პირმა მუნიციპალიტეტში უნდა წარმოადგინოს:

ა) განცხადება;

ბ) პირადობის მოწმობის ასლი (დამქირავებლის და გამქირავებლის);

გ) შესაბამის ადმინისტრაციულ ერთეულში მერის წარმომადგენლის რეკომენდაცია როგორც ოჯახის სოციალურ-ეკონომიკური მდგომარეობის შესახებ, ასევე განმცხადებლის თავშესაფრის არქონის შესახებ;

დ) ხელშეკრულება ქირავნობის შესახებ (ნოტარიუსის მიერ დამოწმებული), სადაც მითითებული იქნება ქირავნობის თანხა (ასლი);

ე) დაინტერესებული პირის საბანკო ანგარიში.

2. სტიქიური მოვლენების შედეგად დაზარალებულ და გადაადგილებას დაქვემდებარებულ, საჩხერის მუნიციპალიტეტის ტერიტორიაზე რეგისტრირებულ ოჯახებს (ეკომიგრანტებს) ბინის დაქირავებისათვის მიეცემათ დახმარება ყოველთვიურად 600 ლარამდე თანხის ოდენობით (თანხის ოდენობა განისაზღვრება სამუშაო ჯგუფის მიერ ოჯახში ფაქტობრივად მცხოვრებ წევრთა რაოდენობის მიხედვით). ბინის დაქირავება მოქალაქემ უნდა უზრუნველყოს მუნიციპალიტეტის იმ ადმინისტრაციულ ერთეულში, სადაც თვითონ არის რეგისტრირებული, გარდა ისეთი გამონაკლისისა, როდესაც კონკრეტულ ადმინისტრაციულ ერთეულში ფიზიკურად არ მოიძებნება გასაქირავებელი ფართი. ეკომიგრანტ ოჯახებზე, მუნიციპალიტეტის მიერ ბინის დაქირავებისათვის დახმარების მიცემა განხორციელდება დევნილთა, ეკომიგრანტთა და საარსებო წყაროებით უზრუნველყოფის სააგენტოს მიერ დადებითი გადაწყვეტილების მიღებიდან 6 თვის განმავლობაში. დაინტერესებულმა პირმა მუნიციპალიტეტში უნდა წარმოადგინოს:

ა) განცხადება;

ბ) სტიქიური მოვლენების შედეგად დაზარალებული და გადაადგილებას დაქვემდებარებული ოჯახების (ეკომიგრანტები) განსახლების საკითხების მარეგულირებელი კომისიისა და სსიპ – დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორის გადაწყვეტილება სტიქიური მოვლენების შედეგად დაზარალებულ და გადაადგილებას დაქვემდებარებულ ოჯახთა (ეკომიგრანტთა) განცხადების დაკმაყოფილების თაობაზე;

გ) პირადობის მოწმობის ასლი (დამქირავებლის და გამქირავებლის);

დ) შესაბამის ადმინისტრაციულ ერთეულში მერის წარმომადგენლის ცნობა ოჯახში ფაქტობრივად მცოხვრებ წევრთა რაოდენობის შესახებ;

ე) დაინტერესებული პირის საბანკო ანგარიში.

საჩხერის მუნიციპალიტტეის ტერიტორიაზე რეგისტრირებულ სოციალურად შეჭირვებული მოქალაქეს „უფასო სადილით“ უზრუნველყოფის მიზნით გაეწევა დახმარება და დღეში ერთჯერ მიეცემა უფასო სადილი (მენიუს შესაბამისად). ბენეფიციარმა მუნიციპალიტეტში უნდა წარმოადგინოს:

ა) განცხადება;

ბ) პირადობის მოწმობის ასლი;

გ) არასრულწლოვნის შემთხვევაში დაბადების მოწმობის ასლი.

1. საჩხერის მუნიციპალიტეტის ტერიტორიაზე რეგისტრირებულ და მუდმივად მცხოვრებ ბავშვიან ოჯახს, რომელიც ცხოვრობს სოციალური საფრთხის წინაშე და ესაჭიროება დაცვა, მხარდაჭერა და გაძლიერება, ბავშვისა და ოჯახის სოციალური მუშაკის შეფასების დოკუმენტის ინტერდისციპლინარული განხილვის საფუძველზე შედგენილი სამოქმედო გეგმის შესაბამისად მიეცემა დახმარება ერთჯერადად არაუმეტეს 3000 (სამი ათასი) ლარამდე თანხის ოდენობით.

2. ბავშვისა და ოჯახის სოციალური მუშაკის შეფასების დოკუმენტის ინტერდისციპლინარული განხილვის საფუძველზე წარმოდგენილი სამოქმედო გეგმის განხილვა-გადაწყვეტილების მიღების მიზნით ხორციელდება საჩხერის მუნიციპალიტეტის ბიუჯეტიდან მოსახლეობის სოციალური დახმარების გაცემის მიზნით შექმნილი სამუშაო ჯგუფის სხდომაზე.

3. პროგრამაში ჩართვის კრიტერიუმი:

ა) სოციალურად დაუცველი ოჯახი (სარეიტინგო ქულა 120 000-ის ჩათვლით);

ბ) მშობლის/მშობლების/მეურვის/მარჩენალის გარდაცვალება;

გ) ოჯახის შემოსავლის წყაროს დაკარგვა (მშობლებმა დაკარგეს სამსახური);

დ) ბავშვის/მშობლის ჯანმრთელობის მკვეთრი გაუარესება;

ე) ოჯახს მოეხსნა/შეუჩერდა სოციალური დახმარება და ოჯახი აღმოჩნდა ეკონომიკური კრიზისის წინაშე ან ოჯახს უწევს მძიმე სოციალურ და ეკონომიკურ პირობებში ცხოვრება;

ვ) ძალადობის მსხვერპლი მშობელი/არასრულწლოვანი;

ზ) მარტოხელა მშობელი;

თ) შეზღუდული შესაძლებლობის მქონე არასრულწლოვანის ოჯახი;

ი) მრავალშვილიანი (0-18 წლის ჩათვლით) ოჯახი.

4. დახმარების მიღებისათვის საჭირო დოკუმენტაცია:

ა) არასრულწლოვნის მშობლის/კანონიერი წარმომადგენლის განცხადება;

ბ) არასრულწლოვნის მშობლის/კანონიერი წარმომადგენლის პირადობის დამადასტურებელი დოკუმენტის ასლი;

გ) ბავშვის დაბადების მოწმობის ან პირადობის დამადასტურებელი დოკუმენტის ასლი;

დ) ცნობა ჯანმრთელობის მდგომარეობის შესახებ ფორმა №100 დედანი ან ასლი (საჭიროების შემთხვევაში);

ე) ამონაწერი სოციალურად დაუცველი ოჯახების მონაცემთა ერთიანი ბაზიდან (საჭიროების შემთხვევაში);

ვ) სამედიცინო მომსახურების დამადასტურებელი ანგარიშფაქტურა, ინვოისი (საჭიროების შემთხვევაში);

ზ) ცნობა შეზღუდული შესაძლებლობის მქონე არასრულწლოვანის სტატუსის შესახებ (საჭიროების შემთხვევაში);

თ) მარტოხელა მშობლის საბუთი (საჭიროების შემთხვევაში);

ი) უფლებამოსილი პირის საბანკო ანგარიში;

კ) შესაბამის ადმინისტრაციულ ერთეულში მერის წარმომადგენლის რეკომენდაცია ოჯახის სოციალურ-ეკონომიკური მდგომარეობის შესახებ ან/და საჯარო დაწესებულების მიერ გაცემული დოკუმენტი, რომელიც ადასტურებს დასახმარებელი ოჯახის მძიმე სოციალურ მდგომარეობას.

 

1. სოციალური დახმარების მისაღებად ბენეფიციარი წერილობითი განცხადებით მიმართავს და შესაბამის დოკუმენტაციას წარუდგენს საჩხერის მუნიციპალიტეტის მერიას.

2. მუნიციპალიტეტის მერიის ადმინისტრაციული სამსახური უზრუნველყოფს სოციალური დახმარების მთხოვნელთა განცხადებების რეგისტრაციას.

3. მუნიციპალიტეტში შემოსული ყველა განცხადება თანდართული დოკუმენტაციით შესასწავლად და სამუშაო ჯგუფის სხდომაზე განსახილველად წარსადგენად ეგზავნება საჩხერის მუნიციპალიტეტის მერიის ჯანმრთელობისა და სოციალური დაცვის სამსახურს.

ჯანმრთელობისა და სოციალური დაცვის სამსახური ამოწმებს მუნიციპალიტეტში შემოსულ განცხადებებს, თანდართულ დოკუმენტებთან ერთად და ამზადებს სამუშაო ჯგუფის სხდომის დღის წესრიგს, თუ განცხადება და თანდართული დოკუმენტები ხარვეზიანია მიმართავს განმცხადებელს ხარვეზის შესავსებად.

1. ჯანმრთელობისა და სოციალური დაცვის სამსახურის მიერ მომზადებულ დღის წესრიგს თანდართული დოკუმენტებით განიხილავს სამუშაო ჯგუფი, რომელსაც ქმნის საჩხერის მუნიციპალიტეტის მერი ინდივიდუალურ ადმინისტრაციულ– სამართლებივი აქტით.

2. სამუშაო ჯგუფის შემადგენლობა განისაზღვრება არანაკლებ 5 წევრისაგან. სამუშაო ჯგუფი გადაწყვეტილებას იღებს სხდომაზე დამსწრე წევრთა უმრავლესობით, არანაკლებ საერთო შემადგენლობის 1/3-ისა. ხმათა თანაბარი რაოდენობის შემთხვევაში თავჯდომარეს აქვს გადამწყვეტი ხმა.

3. სამუშაო ჯგუფის მიერ მიღებული გადაწყვეტილების შესაბამისად სამსახური ამზადებს ბრძანების და საგარანტიო წერილის პროექტებს.

1. სამუშაო ჯგუფის ყოველი სხდომის შემდეგ დგება შესაბამისი ოქმი, რომელსაც ხელს აწერს სამუშაო ჯგუფის თავმჯდომარე და სხდომაზე დამსწრე ყველა წევრი.

2. სამუშაო ჯგუფის ოქმის სათანადო წესით გაფორმებას უზრუნველყოფს სამუშაო ჯგუფის მდივანი, რომელიც პასუხისმგებელია ასევე ოქმის სათანადო წესით შენახვასა და დაცვაზე.

3. სამუშაო ჯგუფის ოქმები იკერება ცალკე საქაღალდეში რიგითობის მიხედვით.

ჯანმრთელობისა და სოციალური დაცვის სამსახური სამუშაო ჯგუფის მიერ მიღებული გადაწყვეტილების საფუძველზე ამზადებს ბრძანების პროექტს და წარუდგენს საჩხერის მუნიციპალიტეტის მერს ხელმოსაწერად, ხოლო საგარანტიო წერილის არსებობის შემთხვევაში წარუდგენს საჩხერის მუნიციპალიტეტის მერის მოადგილეს ხელმოსაწერად.

1. სოციალური დახმარების შესახებ საჩხერის მუნიციპალიტეტის მერის ბრძანება ეგზავნება მერიის საფინანსო- საბიუჯეტო სამსახურს.

2. დახმარება გაიცემა უნაღდო ანგარიშსწორების ფორმით.

3. აღნიშნული წესის საფუძველზე გაცემული საგარანტიო წერილის ანაზღაურებას საჩხერის მუნიციპალიტეტის მერია განახორციელებს მომსახურების მიმწოდებელი დაწესებულების მიერ შესრულებული სამუშაოს დამადასტურებელი ფინანსური დოკუმენტაციის წარმოდგენის შემდეგ.

4. მომსახურების მიმწოდებელი დაწესებულება ვალდებულია შესრულებული სამუშაოს დამადასტურებელი დოკუმენტაცია საჩხერის მუნიციპალიტეტის მერიას წარმოუდგინოს საგარანტიო წერილის გაცემიდან არაუგვიანეს 60 კალენდარული დღის ვადაში. დაავადების სპეციფიკიდან გამომდინარე საგარანტიო წერილის ვადის განსზღვარა შეიძლება მოხდეს ინდივიდუალურადაც, სამუშაო ჯგუფის მიერ. საგარანტიო წერილში მითითებული ვადის დარღვევის შემთხვევაში თანხის ანაზღაურება არ განხორციელდება.

 

წინამდებარე წესში ცვლილებებისა და დამატებების შეტანა ხდება მოქმედი კანონმდებლობით დადგენილი წესით.

გამოსვლა შენახვა