სავალდებულო სერტიფიცირებისადმი დაქვემდებარებული სასოფლო-სამეურნეო კულტურათა ჯიშების თესლისა და სარგავი მასალის ეტიკეტირების წესის დამტკიცების შესახებ

1. სავალდებულო სერტიფიცირებისადმი დაქვემდებარებული სასოფლო-სამეურნეო კულტურათა ჯიშების თესლისა და სარგავი მასალის ეტიკეტირების წესი (შემდგომში – წესი) ადგენს სარეალიზაციოდ გამიზნული სერტიფიცირებული თესლისა და სარგავი მასალის შეფუთვისა და ეტიკეტირების პროცედურებს.

2. ამ წესის შესრულება სავალდებულოა ყველა იმ ფიზიკური და იურიდიული პირისათვის, რომლებიც ახორციელებენ სავალდებულო სერტიფიცირებისადმი დაქვემდებარებული სასოფლო-სამეურნეო კულტურათა ჯიშების თესლისა და სარგავი მასალის წარმოებას რეალიზაციის მიზნით ან/და რეალიზაციას.

ამ წესში გამოყენებულ ტერმინებს აქვს შემდეგი მნიშვნელობები:

ა) ეტიკეტი – თესლსა და სარგავ მასალასთან დაკავშირებული ნებისმიერი ინფორმაცია, სავაჭრო ნიშანი, დასახელება, ილუსტრაცია ან სიმბოლო, განთავსებული შეფუთვაზე ან/და მასთან დაკავშირებულ თანდართულ დოკუმენტზე;

ბ) თესლისა და სარგავი მასალის პარტია – წარმომავლობისა და ხარისხის მიხედვით ერთგვაროვანი თესლისა და სარგავი მასალის, აგრეთვე ერთი კულტურის ჯიშის, რეპროდუქციის, ჯიშობრივი სიწმინდის, კატეგორიისა და ერთი და იმავე წლის მასალის განსაზღვრული რაოდენობა, დანომრილი და დამოწმებული შესაბამისი დოკუმენტებით;

გ) თესლის ნარევი – თესლი, რომელიც შექმნილია ორი ან მეტი სახეობის ან/და ჯიშის სერტიფიცირებული თესლის  პარტიიდან;

დ) ტარა – ნებისმიერი სახის მოცულობა (ჭურჭელი, პარკი, ყუთი და  ა. შ.), რომელშიც თავსდება/მოთავსებულია გარკვეული რაოდენობის თესლი ან სარგავი მასალა და რომლის მთლიანობის დარღვევის გარეშე შეუძლებელია შიგთავსის გამოღება და/ან გადმოყრა.

[ ე) მცირე ზომის ტარა :

ე.ა) ბოსტნეული და ბაღჩეული კულტურების თესლისთვის − თესლის ტარა (ეკონომიური შეფუთვა), რომელშიც თესლის მაქსიმალური წონა შეადგენს:

ე.ა.ა) 5 კგ-ს  − პარკოსნებისთვის;

ე.ა.ბ) 500 გ-ს − შემდეგი თესლებისთვის: ხახვი, ჭყიმა, სატაცური, ფოთლოვანი ჭარხალი (მანგოლდი), წითელი ჭარხალი (სუფრის ჭარხალი), ჭარხალი (ჭარხლის ძირხვენა), ტურნეფსი და თალგამი, საზამთრო, გოგრა, ყაბაყი, სტაფილო, ბოლოკი, ძირშავა, ისპანახი, მაშა სალათა;

ე.ა.გ) 100 გ-ს − ბოსტნეულისა და ბაღჩეული კულტურების ყველა სხვა სახეობისთვის;

ე.ბ) შაქრის ჭარხლისა და ცხოველის საკვები  ჭარხლის კულტურისათვის − თესლის ტარა (შეფუთვა), რომელშიც მოთავსებულია  შაქრის ჭარხლისა და ცხოველის საკვები ჭარხლის:

ე.ბ.ა) ერთღივიანი ან პრეცეზიული თესლის ტარა, რომელიც გრანულირებული პესტიციდების,  თესლის დრაჟირებისათვის გამოყენებული ნივთიერებების ან სხვა მყარი დანამატების გარეშე არ აღემატება 2,5 კგ-ს,  ან  100 000 კლასტერს, ან მარცვალს;

ე.ბ.ბ) ერთღივიანი და პრეციზიული თესლის, გარდა სხვა სახის თესლის ტარისა, რომელიც გრანულირებული პესტიციდების, თესლის დრაჟირებისათვის გამოყენებული ნივთიერებების ან სხვა მყარი დანამატების გარეშე არ აღემატება 10 კგ-ს;

ე.გ) საფურაჟე კულტურების თესლის ნარევისთვის:

ე.გ.ა) „ა“  ტარა, რომელიც მოიცავს თესლის ნარევს, რომლიც არ არის განკუთვნილი საფურაჟე კულტურების მოსაყვანად, გრანულირებული პესტიციდების,  თესლის დრაჟირებისათვის გამოყენებული ნივთიერებების ან სხვა მყარი დანამატების გარეშე არ აღემატება 2 კგ-ს;

ე.გ.ბ) „ბ“ ტარა, რომელიც მოიცავს „საბაზისო თესლს“, „სერტიფიცირებულ თესლსა“ და „კომერციულ თესლს“, ან თუ შეფუთვა არ წარმოადგენს მცირე ზომის „ა“ ტარას,  გრანულირებული პესტიციდების,  თესლის დრაჟირებისათვის გამოყენებული ნივთიერებების ან სხვა მყარი დანამატების გარეშე. თესლის ნარევის მასა არ აღემატება 10 კგ-ს.

ვ) ჯიშობრივი ასოციაცია – საქართველოს ტერიტორიაზე გასავრცელებლად დაშვებული სასოფლო-სამეურნეო კულტურათა ჯიშების ეროვნულ კატალოგში შესული, სპეციფიკური დამამტვერიანებელ-დამოკიდებული“ ჰიბრიდისა და ერთი ან რამდენიმე დამამტვერიანებლის თესლის ნარევისაგან შემდგარი სერტიფიცირებული კატეგორიის თესლი. ნარევის პროპორცია დგინდება  მისი კომპონენტების შენარჩუნებაზე პასუხისმგებელი პირ(ებ)ის მიერ, რაც ეცნობება სერტიფიცირების ორგანოს.  (ამოქმედდეს 2024 წლის 1 ივნისიდან)]

საქართველოს მთავრობის 2020 წლის 17 იანვრის დადგენილება №39 – ვებგვერდი, 20.01.2020წ.

საქართველოს მთავრობის 2020 წლის 20 ნოემბრის დადგენილება №695 – ვებგვერდი, 24.11.2020წ.

თესლისა და სარგავი მასალის ეტიკეტირების მიზანია მომხმარებლისათვის ზუსტი ინფორმაციის მიწოდება თესლისა და სარგავი მასალის შესახებ.

1. თესლისა და სარგავი მასალის მწარმოებელი/რეალიზატორი ვალდებულია, თავისი საქმიანობის ფარგლებში უზრუნველყოს თესლისა და სარგავი მასალის ეტიკეტირების შესაბამისობა ამ წესის მოთხოვნებთან.

2. თესლისა და სარგავი მასალის მწარმოებელი/რეალიზატორი პასუხისმგებელია თესლის/სარგავი მასალის პარტიის ჯიშობრივი, ხარისხობრივი და სანიტარიული მაჩვენებლების შესაბამისობაზე, ეტიკეტსა და  სერტიფიკატში მინიშნებულ მონაცემებთან.

1. რეალიზაციისათვის გამიზნული სერტიფიცირებული თესლისა და სარგავი მასალის პარტიები ეტიკეტირებული უნდა იქნეს საქართველოს კანონმდებლობით დადგენილი წესით და შეესაბამებოდეს თესლისა და სარგავი მასალის სარეგისტრაციო დოკუმენტების მონაცემებს.

2. თესლისა და სარგავი მასალის ეტიკეტზე გარკვევით უნდა იყოს მითითებული ინფორმაცია თესლისა და სარგავი მასალის წარმოშობისა და ხარისხის შესახებ. ინფორმაცია შეიძლება დატანილ იქნეს გრაფიკული ფორმითაც.

3. თესლისა და სარგავი მასალის ეტიკეტი უნდა იყოს სინთეტური, სპეციალიზებული ელასტიური მასალის, მდგრადი გარემო ფაქტორების ზემოქმედების მიმართ, რომლის ზედაპირზე დაკრობის შემდეგ მისი გადაწებება ან/და დაუზიანებლად აძრობა შეუძლებელი იქნება. თესლისა და სარგავი მასალის ეტიკეტი უნდა უძლებდეს მზის, ნესტისა და ტემპერატურულ (-10°C + 60°C) ზემოქმედებას.

4. ქიმიური და ბიოლოგიური პრეპარატებით დამუშავებული თესლისა და სარგავი მასალის ტარაზე უნდა იყოს შესაბამისი გამაფრთხილებელი წარწერა. ტარას უნდა ახლდეს ინსტრუქცია  იმ პრეპარატის დახასიათებითა და მასთან მოპყრობის წესების მითითებით, რომლითაც დამუშავებულია თესლი და სარგავი  მასალა.

[ 4 ^​1 . ტარა (შეფუთვა) უნდა იყოს ისეთი შემადგენლობის, რომ გავლენა არ იქონიოს თესლის ხარისხობრივ და რაოდენობრივ მაჩვენებელზე და თესლის ქიმიური და ბიოლოგიური საშუალებით დამუშავების შემთხვევაში საფრთხეს არ უნდა უქმნიდეს ადამიანის ჯანმრთელობასა და გარემოს.  (ამოქმედდეს 2024 წლის 1 ივნისიდან)]

5. ეტიკეტზე ინფორმაცია დატანილი  უნდა იყოს ქართულ ენაზე.

[ 6. თესლის ეტიკეტის მინიმალური ზომაა 110 × 67 მმ.  (ამოქმედდეს 2024 წლის 1 ივნისიდან)]

საქართველოს მთავრობის 2020 წლის 17 იანვრის დადგენილება №39 – ვებგვერდი, 20.01.2020წ.

1. თესლისა და სარგავი მასალის ყოველი პარტია, რომელიც განკუთვნილია რეალიზაციისათვის, უნდა იყოს დაფასოებული ტარაში, რომელიც იქნება დალუქული. ტარას უნდა ჰქონდეს მიმაგრებული ეტიკეტი, რომელზეც დატანილი იქნება შესაბამისი ინფორმაცია სათესლე/სარგავი მასალის შესახებ. ასევე შესაძლებელია სარგავი მასალის (მრავალწლოვანი კულტურების) ცალობით რეალიზაცია, ამ წესის მოთხოვნების დაცვით.

[ 1. თესლისა და სარგავი მასალის ყოველი პარტია, რომელიც განკუთვნილია რეალიზაციისათვის, უნდა იყოს დაფასოებული ტარაში, საკმარისად ერთგვაროვან პარტიებად,  რომელიც იქნება დალუქული, ისე რომ შეუძლებელი იყოს მისი გახსნა დაზიანების გარეშე. ტარას უნდა ჰქონდეს მიმაგრებული ეტიკეტი, რომელზეც დატანილი იქნება შესაბამისი ინფორმაცია სათესლე/სარგავი მასალის შესახებ. ასევე შესაძლებელია სარგავი მასალის (მრავალწლოვანი კულტურების) ცალობით რეალიზაცია, ამ წესის მოთხოვნების დაცვით.

1 ^​1 . „საბაზისო თესლის“,  „სერტიფიცირებული თესლის“,  „კომერციული თესლის“, „არასრულად სერტიფიცირებული თესლისა“ და თესლის ნარევების ტარა (შეფუთვა) უნდა იყოს შეფუთული და ეტიკეტირებული სერტიფიცირების ორგანოს მიერ ან მისი მეთვალყურეობით. ეტიკეტი უნდა იყოს მიმაგრებული გარეთა მხარეს ან შეიძლება, მოთავსდეს გამჭვირვალე ტარის (შეფუთვის) შიგნით, ისე რომ შესაძლებელი იყოს მასზე მოცემული ინფორმაციის წაკითხვა. დასაშვებია მისაწებებელი ეტიკეტი, როდესაც გამოყენებულია ნახვრეტიანი ეტიკეტი, ის მიმაგრებული უნდა იყოს ლუქით. საბაზისო თესლსა და სერტიფიცირებულ თესლს ასევე უნდა ჰქონდეს თანმხლები დოკუმენტი ეტიკეტის ფერში. თანმხლები დოკუმენტი უნდა მომზადდეს იმგვარად, რომ არ მოხდეს მისი ოფიციალურ ეტიკეტში არევა.           

1 ^​2 . „სტანდარტული თესლის“, „სერტიფიცირებული თესლისა“ და „კომერციული თესლის“ მცირე ზომის ტარასა და თესლის ნარევების მცირე ზომის ტარას უნდა ჰქონდეს მიმწოდებლის ეტიკეტი, ან დაბეჭდილი ან დაშტამპული ინფორმაცია.

1 ^​3 . ტარის (შეფუთვის), გარდა მცირე ზომის ტარისა,  ხელმეორედ შეფუთვა შესაძლებელია მხოლოდ სერტიფიცირების ორგანოს მეთვალყურეობით. ხელმეორედ შეფუთვის თარიღი და შეფუთვაზე პასუხისმგებელი ორგანო უნდა მიეთითოს ეტიკეტზე.

1 ^​4 . სერტიფიცირების ორგანოს უნდა ჰქონდეს წვდომა, შეამოწმოს „სერტიფიცირებული თესლის“ მცირე ზომის ტარის იდენტურობა.

1 ^​5 . „საბაზისო თესლის“, „სერტიფიცირებული თესლის“ ან „სტანდარტული თესლის“ ნებისმიერი ქიმიური დამუშავების შესახებ ინფორმაცია მითითებული უნდა იყოს ეტიკეტზე, ან მიმწოდებლის ეტიკეტსა  და შეფუთვაზე, ან შეფუთვის შიგნით. მცირე ზომის ტარის  შემთხვევაში ინფორმაცია შეიძლება, დაიბეჭდოს უშუალოდ ტარაზე (შეფუთვაზე).  (ამოქმედდეს 2024 წლის 1 ივნისიდან)]

2. საქართველოში თესლისა და სარგავი მასალის რეალიზაციისას მწარმოებელი/რეალიზატორი ვალდებულია, მომხმარებელს მიაწოდოს თესლისა და სარგავი მასალის შესახებ აუცილებელი და უტყუარი ინფორმაცია, კერძოდ:

ა) მწარმოებლის/რეალიზატორის დასახელება და მისამართი;

ბ) კულტურის/კულტურათა ნარევების ქართული და ლათინური დასახელება;

გ) ჯიშის/ჰიბრიდის/მშობელი ფორმების/თესლის ნარევის სახელწოდება ან სინონიმი;

დ) პარტიის ნომერი;

ე) სერტიფიკატის ნომერი;

ვ) თესლის/ნერგის კატეგორია;

ზ) გასამრავლებელი მასალის სახე (თესლი, კალამი, კვირტი, ნერგი და ა. შ.);

თ) საძირის სახელწოდება და მყნობის წელი (ნერგის შემთხვევაში);

ი) თესლის აღმოცენების უნარი (%-ში);

კ) თესლის ანალიზური სიწმინდე (%-ში);

ლ) თესლის 1000 მარცვლის მასა (გრ-ში);

მ) წონა ან/და მოცულობა ან/და რაოდენობა;

ნ) თესლის პროცენტული შემადგენლობა (თესლის ნარევების შემთხვევაში);

ო) მოსავლის წელი;

პ) მწარმოებელი ქვეყანა;

ჟ) წარმოების თარიღი, შენახვის ვადა და პირობები (საჭიროების შემთხვევაში);

რ) ქიმიური ან ბიოლოგიური პრეპარატის სახელწოდება (მასალის დამუშავების შემთხვევაში);

ს) სერტიფიცირების ორგანოს სახელწოდება.

[ 2 ^​1 . მარცვლეულის, ბოსტნეულისა და ბაღჩეულის, შაქრის ჭარხლისა და ცხოველის საკვები ჭარხლის, კარტოფილისა და საფურაჟე კულტურების „წინასაბაზისო თესლის“ ეტიკეტზე ან ტარაზე (შეფუთვაზე) დატანილ უნდა იქნეს შემდეგი სახის ინფორმაცია: 

ა) ქვეყანა, სერტიფიცირების ორგანო ან მისი განმასხვავებელი აბრევიატურა;

ბ) პარტიის სერიული ნომერი;

გ) სახეობის ქართული და ბოტანიკური დასახელება (ლათინური დასახელება სრულად ან ავტორების მითითების გარეშე);

დ) შეფუთვის თვე და წელი ან სერტიფიცირებისათვის ბოლო ოფიციალური ნიმუშის აღების თვე და წელი;

ე) „წინასაბაზისო თესლი“;

ვ) ანალიზური სიწმინდე;

ზ) ჯიშის/ჰიბრიდის/კომპონენტის დასახელება;

„თ) „სერტიფიცირებული თესლის“ ან „პირველი თაობის სერტიფიცირებული თესლის“  წინა თაობათა რაოდენობა;

ი) საზეთე და საბოჭკოე კულტურები.

2 ^​2 . მარცვლეულის, ბოსტნეულისა და ბაღჩეულის, შაქრის ჭარხლისა და ცხოველის საკვები ჭარხლის, საზეთე და საბოჭკოე კულტურების, კარტოფილისა და საფურაჟე კულტურების საბაზისო და სერტიფიცირებული თესლის (გარდა ბოსტნეულის, შაქრის ჭარხლისა და ცხოველის საკვები  ჭარხლის, საფურაჟე კულტურების თესლის მცირე ზომის ტარისა) ოფიციალურ ეტიკეტზე ან ტარაზე (შეფუთვაზე) დატანილ უნდა იქნეს შემდეგი სახის ინფორმაცია:

ა) ქვეყანა, სერტიფიცირების ორგანოს დასახელება ან მათი ინიციალები;

ბ) ოფიციალურად მინიჭებული სერიული ნომერი;

გ) პარტიის საიდენტიფიკაციო ნომერი;

დ) შეფუთვის  თვე და წელი ან სერტიფიცირებისათვის ნიმუშის ბოლო ოფიციალური აღების თვე და წელი. მითითებულია შემდეგნაირად: „შეფუთულია“... (თვე და წელი) ან „ნიმუში აღებულია“....(თვე და წელი);

ე) სახეობა − ქართული და ბოტანიკური დასახელება (ლათინური დასახელება სრულად ან ავტორების გარეშე);

ვ) საფურაჟე კულტურების x Festulolium-ის შემთხვევაში, Festuca და Lolium გვარების შიგნით სახეობების დასახელება;

ზ) ჯიშის დასახელება;

თ) თესლის კატეგორია;

ი) თესლის დეკლარირებული წონა ან რაოდენობა;

კ) ქვეყანა, სადაც დამზადებულია თესლი;

ლ) იმ შემთხვევაში, თუ მითითებულია თესლის წონა და გამოყენებულია გრანულირებული პესტიციდები, თესლი დრაჟირებულია ან მოიცავს სხვა მყარ დანამატებს, უნდა მიეთითოს დანამატის ხასიათი და თესლისა და ამ ნივთიერებების წონათა თანაფარდობა;

მ) ბოსტნეული და ბაღჩეული კულტურებისა და მარცვლეული კულტურების ჰიბრიდების ან ინბრედ ხაზების:

მ.ა) „საბაზისო თესლისათვის“ ჰიბრიდის ან ინბრედ ხაზის დასახელება, რომელიც გამოიყენება კომპონენტად საბოლოო ჰიბრიდის მისაღებად. საჭიროების შემთხვევაში, მისაღები საბოლოო ჰიბრიდის მითითებით. ჰიბრიდების ან ინბრედ ხაზების შემთხვევაში, რომლებიც განკუთვნილია მხოლოდ კომპონენტებად საბოლოო ჰიბრიდის მისაღებად, მიეთითოს სიტყვა  − „კომპონენტი“;

მ.ბ) „საბაზისო თესლისათვის“ სხვა შემთხვევაში კომპონენტის დასახელება სრულად ან უფლებამოსილი ორგანოს მიერ მინიჭებული კოდური ნომრით, საჭიროების შემთხვევაში, მათი ფუნქციების (მამა ფორმა ან დედა ფორმა) ან/და მისაღები ჰიბრიდის მითითებით. კომპონენტის დასახელებას თან უნდა ახლდეს სიტყვა − „კომპონენტი“;

მ.გ) „სერტიფიცირებული თესლისთვის“ ჰიბრიდის დასახელება, რომელსაც თან უნდა ახლდეს სიტყვა − „ჰიბრიდი“;

ნ) თუ აღმოცენების უნარზე ხელმეორედ არის თესლი შემოწმებული, მიეთითოს: „ხელმეორედ შემოწმებული“ (თვე, წელი). ინფორმაცია შესაძლებელია, დამატებით განთავსდეს მისაწებებელი დამატებითი ეტიკეტის სახით;

ო) შაქრის ჭარხლისა და ცხოველის საკვები ჭარხლის კულტურისათვის:

ო.ა) კლასტერების ან სუფთა თესლის დეკლარირებული წონა ან რაოდენობა;

ო.ბ) ერთღივიანი თესლისათვის: „ერთღივიანი თესლი“;

ო.გ) პრეციზიული თესლისათვის: „პრეციზიული თესლი“;

პ) საფურაჟე კულტურების მეორე და შემდგომი თაობების სერტიფიცირებული თესლისათვის თაობათა რაოდენობა „საბაზისო თესლის შემდეგ“;

ჟ) საფურაჟე კულტურების ჯიშებისათვის, რომლებიც არ ექვემდებარება გამოცდას, სასოფლო-სამეურნეო სარგებლიანობაზე მიეთითება სიტყვები − „არ არის განკუთვნილი საფურაჟე მიზნებისათვის“;

რ) ჯიშობრივი ასოციაციის სერტიფიცირებული თესლისთვის, გარდა  იმ შემთხვევისა, როდესაც ჯიშის სახელის ნაცვლად გამოყენებულია   ჯიშური ასოციაციის სახელი, თან  უნდა  ახლდეს (ინფორმაცია ჯიშური ასოციაციისა და მისი სახელის შესახებ) და სახეობის სხვადასხვა სახის კომპონენტების პროცენტული მაჩვენებელი წონის მიხედვით; ჯიშობრივი ასოციაციის სახელი  საკმარისია, თუ წონის მიხედვით პროცენტული მაჩვენებელი წერილობით ეცნობება მყიდველს, მისი თხოვნის საფუძველზე და იქნება ოფიციალურად ჩაწერილი.

2​ ^​3 . საფურაჟე და საზეთე და საბოჭკოე კულტურების კომერციული თესლის ოფიციალურ ეტიკეტზე ან ტარაზე (შეფუთვაზე) დატანილ უნდა იქნეს შემდეგი ინფორმაცია:

ა) „კომერციული თესლი“ (რომელიც არ არის სერტიფიცირებული ჯიშების შემთხვევაში);

ბ) ქვეყანა და ორგანო, რომლის მეთვალყურეობითაც მზადდება თესლი;

გ) ოფიციალურად მინიჭებული სერიული ნომერი;

დ) პარტიის საიდენტიფიკაციო ნომერი;

ე) შეფუთვის თვე და წელი ან სერტიფიცირებისათვის ნიმუშის ბოლო ოფიციალური აღების თვე და წელი. მითითებულია შემდეგნაირად: „შეფუთულია“... (თვე და წელი) ან „ნიმუში აღებულია“....(თვე და წელი);

ვ)  სახეობა − ქართული და ბოტანიკური დასახელება (ლათინური დასახელება სრულად ან ავტორების გარეშე). ხანჭკოლის შემთხვევაში,   დამატებით უნდა მიეთითოს მწარეა ის თუ ტკბილი;

ზ) თესლის დამზადების ადგილმდებარეობა;

თ) სუფთა თესლის დეკლარირებული წონა ან რაოდენობა;

ი) იმ შემთხვევაში, თუ მითითებულია თესლის წონა და გამოყენებულია გრანულირებული პესტიციდები, თესლი დრაჟირებულია ან მოიცავს სხვა მყარ დანამატებს, უნდა მიეთითოს თესლისა და ამ ნივთიერებების წონათა თანაფარდობა;

კ) თუ აღმოცენების უნარზე ხელმეორედ არის თესლი შემოწმებული,  მიეთითოს: „ხელმეორედ შემოწმებული“ (თვე, წელი). ინფორმაცია შესაძლებელია, დამატებით განთავსდეს მისაწებებელი დამატებითი ეტიკეტის სახით.

2 ^​4 . ბოსტნეული და ბაღჩეული კულტურების სტანდარტული თესლის ნარევების მცირე ზომის ტარაზე (შეფუთვა), შაქრის ჭარხლისა და ცხოველის საკვები ჭარხლის, საფურაჟე და მარცვლეული კულტურების, თესლის ნარევების ეტიკეტზე ან ტარაზე (შეფუთვაზე) დატანილი უნდა იქნეს შემდეგი ინფორმაცია:

ა) „ჯიშების ნარევი“ ან „სახეობების ნარევი“;

ბ) თესლის ნარევი, განკუთვნილია − (დანიშნულება) (საფურაჟე კულტურებისათვის);

გ) ქვეყანა და ორგანო, რომლის მეთვალყურეობითაც მზადდება თესლი;

დ) ოფიციალურად მინიჭებული სერიული ნომერი;

ე) პარტიის საიდენტიფიკაციო ნომერი;

ვ) შეფუთვის თვე და წელი ან სერტიფიცირებისათვის ნიმუშის ბოლო ოფიციალური აღების თვე და წელი. მითითებულია შემდეგნაირად: „შეფუთულია“... (თვე და წელი) ან „ნიმუში აღებულია“....(თვე და წელი);

ზ) სახეობების ან ჯიშების, როგორც კომპონენტების დასახელება და მათი პროცენტული შემცველობა წონის მიხედვით. სახეობების შემთხვევაში,  ქართული და ბოტანიკური დასახელება (ლათინური დასახელება სრულად ან ავტორების გარეშე). x Festulolium-ის შემთხვევაში, Festuca და Lolium გვარების შიგნით სახეობების დასახელება;

თ) სუფთა თესლის დეკლარირებული წონა ან რაოდენობა;

ი) იმ შემთხვევაში, თუ მითითებულია თესლის წონა და გამოყენებულია გრანულირებული პესტიციდები, თესლი დრაჟირებულია ან მოიცავს სხვა მყარ დანამატებს, უნდა მიეთითოს თესლისა და ამ ნივთიერებების წონათა თანაფარდობა;

კ) თუ აღმოცენების უნარზე ხელმეორედ არის ცალკეული კომპონენტების თესლი შემოწმებული, მიეთითოს: „ხელმეორედ შემოწმებული“  (თვე, წელი). ინფორმაცია შესაძლებელია, დამატებით განთავსდეს მისაწებებელი დამატებითი ეტიკეტის სახით. 

2 ^​5 . საფურაჟე კულტურების თესლის ნარევების მიმწოდებლის ეტიკეტზე ან ტარაზე (შეფუთვაზე) დატანილი უნდა იქნეს შემდეგი ინფორმაცია:

ა) „მცირე ზომის „ა“ ტარა“ ან „მცირე ზომის „ბ“ ტარა“;

ბ)  მიმწოდებლის, რომელიც პასუხისმგებელია ბაზარზე თესლის განთავსებაზე,  მისამართი და  საიდენტიფიკაციო ნიშანი;

გ) „მცირე ზომის „ბ“ ტარა“: ოფიციალურად მინიჭებული სერიული ნომერი;

დ) „მცირე ზომის „ბ“ ტარა“: სამსახურის დასახელება, რომელმაც მიანიჭა სერიული ნომერი;

 ე) პარტიის საიდენტიფიკაციო ნომერი;

 ვ) თესლის ნარევი განკუთვნილია ... (დანიშნულება);

ზ) სუფთა თესლის დეკლარირებული წონა ან რაოდენობა;

თ) იმ შემთხვევაში, თუ მითითებულია თესლის წონა და გამოყენებულია გრანულირებული პესტიციდები, თესლი დრაჟირებულია ან მოიცავს სხვა მყარ დანამატებს, უნდა მიეთითოს თესლისა და ამ ნივთიერებების წონათა თანაფარდობა;

ი) თესლის ნარევებში ცალკეული კომპონენტების დასახელება სახეობების, საჭიროების შემთხვევაში, ჯიშების მიხედვით.

2 ^​6 . ბოსტნეულისა და ბაღჩეულის, შაქრის ჭარხლისა და ცხოველის საკვები ჭარხლის, საფურაჟე კულტურების „სერტიფიცირებული თესლისა“ და  „კომერციული თესლის“ მცირე ზომის ტარის (შეფუთვის), ასევე ბოსტნეული და ბაღჩეული კულტურების „სტანდარტული თესლის“ ეტიკეტირებისას, რომელიც ხდება მიმწოდებლის მიერ, თესლის ეტიკეტზე ან ტარაზე (შეფუთვაზე) დატანილი უნდა იქნეს შემდეგი სახის ინფორმაცია:

ა) „მცირე ზომის ტარა“; 

ბ)  მიმწოდებლის, რომელიც პასუხისმგებელია ბაზარზე თესლის განთავსებაზე,  მისამართი და  საიდენტიფიკაციო ნიშანი;

გ) შეფუთვის წელი, ბაზარზე განთავსების წელი ან აღმოცენების უნარზე შემოწმების ბოლო წელი;

დ) საფურაჟე კულტურების „სერტიფიცირებული თესლის“ ოფიციალურად მინიჭებული სერიული ნომერი;

ე)  ორგანოს დასახელება, რომელმაც მიანიჭა სერიული ნომერი;

ვ) პარტიის საიდენტიფიკაციო ნომერი;

ზ) სახეობა − ქართული და ბოტანიკური დასახელება (ლათინური დასახელება სრულად ან ავტორების გარეშე). ხანჭკოლის შემთხვევაში,  დამატებით უნდა მიეთითოს მწარეა ის თუ ტკბილი. შაქრის ჭარხლისა და ცხოველის საკვები ჭარხლის შემთხვევაში, უნდა მიეთითოს შაქრის არის თუ საკვები. x Festulolium-ის შემთხვევაში, Festuca და Lolium გვარების შიგნით სახეობების დასახელება;

თ) ჯიშის/ჰიბრიდის სრული დასახელება ან სინონიმი (გარდა საფურაჟე კულტურების კომერციული თესლისა). ჰიბრიდის შემთხვევაში, მიეთითოს სიტყვა − „ჰიბრიდი“;

ი) კატეგორია. ბოსტნეული და ბაღჩეული კულტურებისათვის „სერტიფიცირებული თესლის“ მცირე ზომის ტარის (შეფუთვის) შემთხვევაში, მითითებული უნდა ჰქონდეს − „C“, ხოლო „სტანდარტული თესლისათვის“ − „ST“;

კ) ქვეყანა, სადაც დამზადებულია თესლი;

ლ) სუფთა თესლის დეკლარირებული წონა ან რაოდენობა (გარდა ბოსტნეული და ბაღჩეული კულტურების  500 გრ-მდე თესლის მცირე ზომის ტარისა (შეფუთვისა)) ან კლასტერების რაოდენობა;

მ) იმ შემთხვევაში, თუ მითითებულია თესლის წონა და გამოყენებულია გრანულირებული პესტიციდები, თესლი დრაჟირებულია ან მოიცავს სხვა მყარ დანამატებს, უნდა მიეთითოს დანამატის ხასიათი და თესლისა და ამ ნივთიერებების წონათა თანაფარდობა;

ნ) შაქრის ჭარხლისა და ცხოველის საკვები ჭარხლის კულტურის ერთღივიანი თესლისათვის: „ერთღივიანი თესლი“;

ო) შაქრის ჭარხლისა და ცხოველის საკვები ჭარხლის კულტურის პრეციზიული თესლისათვის: „პრეციზიული თესლი“;

პ) საფურაჟე კულტურების ჯიშებისათვის, რომლებიც არ ექვემდებარება გამოცდას სასოფლო-სამეურნეო სარგებლიანობაზე, მიეთითება სიტყვები: „არ არის განკუთვნილი საფურაჟე მიზნებისათვის“. 

2 ^{​​ ​7} . მარცვლეულის, ბოსტნეულისა და ბაღჩეულის, შაქრის ჭარხლისა და ცხოველის საკვები ჭარხლის, საზეთე და საბოჭკოე და საფურაჟე კულტურების „არასრულად სერტიფიცირებული თესლის“ ეტიკეტზე დატანილ უნდა იყოს შემდეგი ინფორმაცია:

ა) საველე ინსპექტირებაზე პასუხისმგებელი ორგანოს დასახელება ან მისი ინიციალები;

ბ) ოფიციალურად მინიჭებული სერიული ნომერი;

გ) სახეობა − ქართული და ბოტანიკური დასახელება (ლათინური დასახელება სრულად ან ავტორების გარეშე);

დ) ჯიშის/ჰიბრიდის დასახელება. თუ ჰიბრიდი ან ხაზი გამოიყენება საბოლოო ჰიბრიდის მისაღებად, როგორც კომპონენტი, მიეთითოს სიტყვა − „კომპონენტი“. ჰიბრიდის შემთხვევაში მიეთითოს სიტყვა − „ჰიბრიდი“;

ე) კატეგორია;

ვ) მიეთითოს სიტყვები – „არასრულად სერტიფიცირებული თესლი“;

ზ) თესლის დეკლარირებული წონა ან რაოდენობა;

თ) სათესლე ნაკვეთის ან პარტიის საიდენტიფიკაციო ნომერი.

2 ^​8 . „არასრულად სერტიფიცირებული თესლის“ თანმხლებ დოკუმენტზე მოცემული უნდა იყოს  შემდეგი ინფორმაცია:

ა) დოკუმენტის გამცემი ორგანო;

ბ) ოფიციალურად მინიჭებული სერიული ნომერი;

გ) სახეობა − ქართული და ბოტანიკური დასახელება (ლათინური დასახელება სრულად ან ავტორების გარეშე);

დ) ჯიშის/ჰიბრიდის დასახელება, თუ ჰიბრიდი ან ხაზი გამოიყენება საბოლოო ჰიბრიდის მისაღებად, როგორც კომპონენტი, მიეთითოს სიტყვა − „კომპონენტი“;

ე) იმ თესლის საიდენტიფიკაციო ნომერი, რომელიც გამოიყენეს დასათესად და ქვეყნ(ებ)ის სახელწოდება, სადაც ჩატარდა დასათესად გამოყენებული თესლის სერტიფიცირება;

ვ) სათესლე ნაკვეთის ან პარტიის საიდენტიფიკაციო ნომერი;

ზ) ადგილის დასახელება, სადაც ამ დოკუმენტით განსაზღვრული თესლი იქნა მოყვანილი;

თ) მოყვანილი თესლისა და ტარის (შეფუთვის) რაოდენობა;

ი) დოკუმენტი, რომელიც ადასტურებს, რომ სათესლე ნაკვეთი, საიდანაც თესლია მიღებული, აკმაყოფილებს დადგენილ მოთხოვნებს;

კ) საჭიროების შემთხვევაში, თესლის წინასწარი ანალიზის შედეგები;

ლ) „სერტიფიცირებული თესლის“ შემთხვევაში, თაობათა რაოდენობა „საბაზისო თესლის“ შემდეგ;

მ) კატეგორია. (ამოქმედდეს 2024 წლის 1 ივნისიდან)]

3. სხვადასხვა კატეგორიის სათესლე და სარგავი მასალის ეტიკეტის ფერი უნდა იყოს:

ა) წინასაბაზისო თესლის/სარგავი მასალის – თეთრი, დიაგონალზე იისფერი ზოლით;

ბ) საბაზისო თესლის/სარგავი მასალის – თეთრი;

გ) სერტიფიცირებული თესლის I თაობა – ლურჯი;

დ) სერტიფიცირებული თესლის II თაობა – წითელი;

ე) სერტიფიცირებული კატეგორიის  სარგავი  მასალის – ლურჯი;

ვ) თესლის ნარევების – ლურჯი, დიაგონალზე თეთრი ზოლით;

ზ) სტანდარტული კატეგორიის სარგავი მასალის – ყვითელი.

[ ვ) თესლის ნარევების – მწვანე;

ზ) სტანდარტული კატეგორიის თესლის/სარგავი მასალის − მუქი ყვითელი;

თ) არასრულად სერტიფიცირებული თესლის − ნაცრისფერი;

ი) კომერციული თესლის − ყავისფერი;

კ) ჯიშების   ასოციაციის მიერ დამოწმებული სერტიფიცირებული თესლის – ლურჯი დიაგონალური მწვანე ხაზით.  (ამოქმედდეს 2024 წლის 1 ივნისიდან)]

საქართველოს მთავრობის 2020 წლის 17 იანვრის დადგენილება №39 – ვებგვერდი, 20.01.2020წ.

საქართველოს მთავრობის 2020 წლის 20 ნოემბრის დადგენილება №695 – ვებგვერდი, 24.11.2020წ.

[მუხლი 6 ^​1 . ზოგიერთი სათესლე მასალისთვის ერთჯერადი გამოყენების შეფუთვის სისტემები

1. ზოგიერთი სათესლე მასალისთვის შეფუთვის სისტემა უნდა იყოს ერთჯერადი გამოყენების. აღნიშნული მოთხოვნა ეხება:

ა) საფურაჟე კულტურებს:

ა.ა) Lupinus albus – თეთრი ხანჭკოლა;

ა.ბ) Lupinus angustifolius – ლურჯი ხანჭკოლა;

ა. გ) Lupinus luteus – ყვითელი ხანჭკოლა;

ა.დ) Pisum sativum – ჩვეულებრივი ბარდა;

ა.ე) Vicia faba – ცერცვი;

ა.ვ) Vicia pannonica – უნგრული  ცერცველა;

ა.ზ) Vicia sativa – ჩვეულებრივი ცერცველა;

ა.თ) Vicia villosa – ბანჯგვლიანი ცერცველა;

ბ) მარცვლოვან კულტურებს.

2. ქაღალდის ან პლასტიკურ ტარას არ უნდა ჰქონდეს არანაირი ღია ჭრილი, გარდა სათესლე მასალით შესავსები მოწყობილობისა, რომელიც იფუთება შევსების შემდეგ თვითწებვადი ან თერმოდამლუქი სისტემით ისე, რომ  შეუძლებელი იყოს მისი დაზიანების გარეშე გახსნა.

3.  უქსოვადი მასალისაგან დამზადებული ტომრები იფუთება გაკერვით, იმ პირობით, რომ გასახსნელის,  სულ მცირე,  ერთ მხარეს იყოს ციფრული შკალის ანაბეჭდი, რომლის წაშლაც შეუძლებელია,  ან მსგავსი  ანაბეჭდები (ასოები, ესკიზი), რომელიც გვიჩვენებს, რომ ტომრებმა შეინარჩუნეს მათი  თავდაპირველი ზომები.

4. Helianthus annuus – მზესუმზირის  ქაღალდის ან პლასტიკური ტარისთვის, რომელსაც არ აქვს არანაირი ჭრილი, გარდა შესავსები მოწყობილობისა, რომელიც იკეტება იმ ზეწოლით, რომელიც გამოწვეულია შევსებული თესლის წონით, შესავსები მოწყობილობის სიგრძე არ უნდა იყოს ტომრის სიგანის 22%-ზე ნაკლები.  (ამოქმედდეს 2024 წლის 1 ივნისიდან)]

საქართველოს მთავრობის 2020 წლის 20 ნოემბრის დადგენილება №695 – ვებგვერდი, 24.11.2020წ.

პასუხისმგებლობა სერტიფიცირებული ჯიშების თესლისა და სარგავი მასალის ეტიკეტირების წესის დარღვევისთვის ან/და მათი ეტიკეტის გარეშე რეალიზაციისთვის განისაზღვრება საქართველოს კანონმდებლობით.