წარმატებული სპორტსმენისა და წარმატებული მწვრთნელის, ოქროსა და ვერცხლის მედალოსანი სკოლის მოსწავლეების, წარმატებული ახალგაზრდის, სახელმწიფო სასწავლო გრანტის მფლობელი სტუდენტის დაჯილდოებისა და ახალგაზრდული ინიციატივის დაფინანსების წესი

თერჯოლის მუნიციპალიტეტის საკრებულოს 2019 წლის 6 მარტის დადგენილება №5 – ვებგვერდი, 12.03.2019წ.

თერჯოლის მუნიციპალიტეტის საკრებულოს 2023 წლის 6 სექტემბრის დადგენილება №20 - ვებგვერდი, 07.09.2023წ.

საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-3 და მე-4 ნაწილების, 61-ე მუხლის 1-ლი, მე-2 და მე-4 ნაწილების, „სპორტის შესახებ“ საქართველოს კანონის 23-ე მუხლის მე-2, მე-3 და მე-8 პუნქტების, „ნორმატიული აქტების შესახებ“ საქართველოს ორგანული კანონის მე-20 მუხლის მე-2 ნაწილის შესაბამისად, თერჯოლის მუნიციპალიტეტის საკრებულო ადგენს:

თერჯოლის მუნიციპალიტეტის საკრებულოს 2018 წლის 24 დეკემბრის დადგენილება №49 - ვებგვერდი, 27.12.2018წ.

მუხლი 1

დამტკიცდეს ახალგაზრდული და სპორტული პროგრამების დაფინანსების მიზნით გამოყოფილი თანხების განკარგვის წესი (დანართი №1).

მუხლი 2

დადგენილება ამოქმედდეს 2019 წლის 1 იანვრიდან.

თერჯოლის მუნიციპალიტეტის საკრებულოს თავმჯდომარე ნინო ჯანელიძე

წარმატებული სპორტსმენისა და წარმატებული მწვრთნელის, ოქროსა და ვერცხლისმედალოსანი სკოლის მოსწავლეების, წარმატებული ახალგაზრდის, სახელმწიფო სასწავლო გრანტის მფლობელი სტუდენტის დაჯილდოებისა და ახალგაზრდული ინიციატივის დაფინანსების წესი

მუხლი 1. ზოგადი დებულება

ეს პროგრამა არეგულირებს „წარმატებული სპორტსმენისა და წარმატებული მწვრთნელის, ოქროსა და ვერცხლის მედალოსანი სკოლის მოსწავლეების, წარმატებული ახალგაზრდის, სახელმწიფო სასწავლო გრანტის მფლობელი სტუდენტის დაჯილდოებისა და ახალგაზრდული ინიციატივის დაფინანსების წესს.

მუხლი 2. ტერმინთა განმარტებები

ამ წესში გამოყენებულ ტერმინებს აქვთ შემდეგი მნიშვნელობა:

ა) ჯილდო – ერთჯერადი ფულადი ჯილდო;

ბ) წარმატებული სპორტსმენი – საქართველოს, ევროპის, მსოფლიოს ჩემპიონატსა და ოლიმპიურ თამაშებში თერჯოლის ან საქართველოს სახელით მოასპარეზე 14-დან 30 წლის ჩათვლით (თერჯოლის მუნიციპალიტეტში რეგისტრირებული) ახალგაზრდა სპორტსმენი, რომელმაც დაიკავა I, II, III ადგილი;

გ) წარმატებული მწვრთნელი – ამ მუხლის „ბ“ ქვეპუნქტით განსაზღვრული წარმატებული სპორტსმენის პირველი მწვრთნელი;

დ) წარმატებული ახალგაზრდა – თერჯოლის მუნიციპალიტეტში რეგისტირებული 16-დან 26 წლამდე ახალგაზრდა, რომელიც მონაწილეობას იღებდა საქართველოს ან საერთაშორისო მასშტაბით გამართულ კულტურულ-შემოქმედებით, ინტელექტუალურ კონკურსში და მოიპოვა აღნიშნული კონკურსის დებულებით განსაზღვრული მთავარი პრიზი ან ტიტული;

ე) ოქროსა და ვერცხლისმედალოსანი – თერჯოლის მუნიციპალიტეტის საჯარო ან კერძო სკოლის მიმდინარე წლის ოქროსა და ვერცხლისმედალოსანი;

ვ) ახალგაზრდული ინიციატივა – ახალგაზრდების პროექტი, რომლის ინიციატორიც არის თერჯოლის მუნიციპალიტეტის ტერიტორიაზე რეგისტრირებული 14-დან 29 წლამდე ასაკის ახალგაზრდა ან ახალგაზრდების ჯგუფი და ემსახურება საქართველოს სახელმწიფო ახალგაზრდული პოლიტიკის დოკუმენტით გათვალისწინებული ახალგაზრდული საქმიანობის მიზნებს (საქართველოს სახელმწიფო ახალგაზრდული პოლიტიკის დოკუმენტი – საქართველოს მთავრობის 2014 წლის 2 აპრილის №553 განკარგულებით დამტკიცებული დოკუმენტი).

ზ) სახელმწიფო გრანტის მფლობელი სტუდენტი – თერჯოლის მუნიციპალიტეტის საჯარო სკოლის კურსდამთავრებული, რომელმაც საბიუჯეტო წელს ერთიანი ეროვნული გამოცდების შედეგების მიხედვით მიიღო სახელმწიფო სასწავლო გრანტი.

თერჯოლის მუნიციპალიტეტის საკრებულოს 2024 წლის 10 იანვრის დადგენილება №2 - ვებგვერდი, 11.01.2024წ.

თერჯოლის მუნიციპალიტეტის საკრებულოს 2024 წლის 15 მაისის დადგენილება №9 - ვებგვერდი, 16.05.2024წ.

მუხლი 3. წარმატებული სპორტსმენისა და წარმატებული მწვრთნელის დაჯილდოება

1. წარმატებული სპორტსმენის ფულადი ჯილდოს ოდენობა განისაზღვროს შემდეგ სახით :

ა) საქართველოს ჩემპიონატის I ადგილი – 600 ლარი: II ადგილი -500; III – 400 ლარი.

ბ ) ევროპის ჩემპიონატის I ადგილი – 2 200 ლარი ; II ადგილი – 1500; III ადგილი – 1000 ლარი ;

გ ) მსოფლიო ჩემპიონატის I ადგილი – 5000 ლარი ; II ადგილი – 4000; III ადგილი – 3000 ლარი ;

დ ) ოლიმპიური თამაშების I ადგილი – 10 000 ლარი ; II ადგილი – 9000; III ადგილი – 8000 ლარი.

2. წარმატებული მწვრთნელის ფულადი ჯილდოს ოდენობა განისაზღვროს შემდეგი სახით :

ა) საქართველოს ჩემპიონატის I ადგილი – 500 ლარი, II ადგილი – 400, III – 300 ლარი;

ბ ) ევროპის ჩემპიონატის I ადგილი – 1000 ლარი ; II ადგილი – 700; III ადგილი – 500 ლარი ;

გ ) მსოფლიო ჩემპიონატის I ადგილი – 2000 ლარი ; II ადგილი – 1500; III ადგილი – 1000 ლარი ;

დ ) ოლიმპიური თამაშების I ადგილი – 3000 ლარი ; II ადგილი – 2000; III ადგილი – 1500 ლარი .

3. წარმატებულმა სპორტსმენმა მუნიციპალიტეტში უნდა წარმოადგინოს :

ა ) წერილობითი განცხადება ;

ბ ) წარმატებული სპორტსმენის პირადობის მოწმობის ასლი ;

გ ) შესაბამისი საპრიზო ადგილის დაკავების დამადასტურებელი დოკუმენტი ;

დ ) სპორტსმენის ანგარიშის ნომრის ამონაწერი საბანკო დაწესებულებიდან .

4. წარმატებულმა მწვრთნელმა /შესაბამისი დაწესებულების ხელმძღვანელმა მუნიციპალიტეტში უნდა წარმოადგინოს :

ა ) წერილობითი განცხადება ;

ბ ) წარმატებული მწვრთნელის პირადობის მოწმობის ასლი ;

გ ) შესაბამისი საპრიზო ადგილის დაკავების დამადასტურებელი დოკუმენტი ;

დ ) მწვრთნელის ანგარიშის ნომრის ამონაწერი საბანკო დაწესებულებიდან .

მუხლი 4. წარმატებული ახალგაზრდის დაჯილდოება

1. წარმატებული ახალგაზრდის ფულადი ჯილდოს ოდენობა განისაზღვროს 500 ლარის ოდენობით.

2. წარმატებულმა ახალგაზრდამ ან კანონიერმა წარმომადგენელმა მუნიციპალიტეტის მერიაში უნდა წარმოადგინოს:

ა) წერილობითი განცხადება:

ბ) პირადობის მოწმობის ასლი;

გ) კონკურსში გამარჯვების დამადასტურებელი დოკუმენტი;

დ) ანგარიშის ნომრის ამონაწერი საბანკო დაწესებულებიდან.

მუხლი 5. ოქროსა და ვერცხლის მედალოსანი სკოლის მოსწავლეების დაჯილდოება

1. საჯარო სკოლის მიმდინარე წლის კურსდამთავრებული ოქროსა და ვერცხლის მედალოსნის ფულადი ჯილდოს ოდენობა განისაზღვროს შემდეგი სახით:

ა) ოქროსმედალოსანი – 200 ლარი;

ბ) ვერცხლისმედალოსანი – 100 ლარი.

2. ამ მუხლის 1-ლი პუნქტით გათვალისწინებული ფულადი ჯილდოს მიღების მიზნით თერჯოლის მუნიციპალიტეტის მერიაში წარდგენილი უნდა იქნეს:

ა) მედალოსანის წერილობითი განცხადება;

ბ) თერჯოლის საგანმანათლებლო რესურსცენტრის მიერ მოწოდებული ოქროსა და ვერცხლის მედალოსანთა სია;

გ) ოქროსა და ვერცხლის მედალოსანთა ან კანონიერი წარმომადგენლის (ასეთის არსებობის შემთხვევაში) პირადობის დამადასტურებელი დოკუმენტი;

დ) ოქროსა და ვერცხლის მედალოსანთა ან კანონიერი წარმომადგენლის (ასეთის არსებობის შემთხვევაში) ანგარიშის ნომრის ამონაწერი საბანკო დაწესებულებიდან.

მუხლი 6. ახალგაზრდული ინიციატივების დაფინანსება

1. ახალგაზრდების ინიციატივის დაფინანსების თანხა განისაზღვრება არაუმეტეს 500 ლარის ოდენობით.

2. ინიციატორმა ან საინიციატივო ჯგუფის წარმომადგენელმა მუნიციპალიტეტში უნდა წარმოადგინოს:

ა) წერილობითი განცხადება;

ბ) პირადობის მოწმობის ასლი/ასლები (ინიციატორის ან საინიციატივო ჯგუფის წარმომადგენელის ცნობა რეგისტრაციის შესახებ);

გ) ინიციირებული პროექტი;

დ) ანგარიშის ნომრის ამონაწერი საბანკო დაწესებულებიდან.

3. ახალგაზრდების ინიციატივის განხილვის მიზნით თერჯოლის მუნიციპალიტეტის მერის ინდივიდუალური სამართლებრივი აქტით იქმნება შესაბამისი კომისია, რომელიც უფლებამოსილი იქნება შეაფასოს და დააფინანსოს წარმოდგენილი პროექტი.

4. ამ მუხლით გათვალისწინებული განცხადებების მიღების ვადები განისაზღვრება თერჯოლის მუნიციპალიტეტის მერის ინდივიდუალური სამართლებრივი აქტით.

მუხლი 6¹

1. სახელმწიფო სასწავლო გრანტის მფლობელი სტუდენტის ფულადი ჯილდოს ოდენობა განისაზღვრება შემდეგი სახით:

ა)100% -იანი სასწავლო გრანტის მფლობელი სტუდენტი – 500 ლარი;

ბ)70 % -იანი სასწავლო გრანტის მფლობელი სტუდენტი – 400 ლარი;

გ) 50 % -იანი სასწავლო გრანტის მფლობელი სტუდენტი – 300 ლარი.

ა) სახელმწიფო სასწავლო გრანტის მფლობელი სტუდენტის წერილობითი განცხადება;

ბ) პირადობის დამადასტურებელი დოკუმენტი;

გ) ანგარიშის ნომრის ამონაწერი საბანკო დაწესებულებიდან;

დ) საქართველოს კანონმდებლობის შესაბამისად, სახელმწიფო სასწავლო გრანტის მიღების დამადასტურებელი დოკუმენტი.

მუხლი 7. თანხის გაცემის წესი

ამ წესით განსაზღვრული თანხის გაცემა მოხდება უნაღდო ანგარიშსწორების ფორმით, განმცხადებლის მიერ წარმოდგენილ საბანკო ანგარიშზე.

გამოსვლა შენახვა

Annotate

როგორ დავიმოწმოთ

მუნიციპალიტეტის საკრებულოს დადგენილება „წარმატებული სპორტსმენისა და წარმატებული მწვრთნელის, ოქროსა და ვერცხლის მედალოსანი სკოლის მოსწავლეების, წარმატებული ახალგაზრდის, სახელმწიფო სასწავლო გრანტის მფლობელი სტუდენტის დაჯილდოებისა და ახალგაზრდული ინიციატივის დაფინანსების წესი“, №44, 07.11.2018, სარეგისტრაციო კოდი 010250000.35.126.016286 (კონსოლიდირებული რედაქცია 15.05.2024). ხელმისაწვდომია: https://legali.ge/law/4360117-5/

შემდგომი ცვლილებები (4)

წინა ცვლილებები (5)

დოკუმენტის ტექსტი

მუხლი 1. ზოგადი დებულება🔗

მუხლი 2. ტერმინთა განმარტებები🔗

მუხლი 3. წარმატებული სპორტსმენისა და წარმატებული მწვრთნელის დაჯილდოება🔗

მუხლი 4. წარმატებული ახალგაზრდის დაჯილდოება🔗

მუხლი 5. ოქროსა და ვერცხლის მედალოსანი სკოლის მოსწავლეების დაჯილდოება🔗

მუხლი 6. ახალგაზრდული ინიციატივების დაფინანსება🔗

მუხლი 61🔗

მუხლი 7. თანხის გაცემის წესი🔗

როგორ დავიმოწმოთ