ადგილობრივ სამომხმარებლო ბაზარზე ჩამოსასხმელი ღვინის რეალიზაციის წესის დამტკიცების შესახებ

„ვაზისა და ღვინის შესახებ” საქართველოს კანონის 33^​6 მუხლის 1^​2 პუნქტის „ზ“ ქვეპუნქტის საფუძველზე, ვბრძანებ :

ღვინის რეალიზაციის წესი

ა) ჩამოსასხმელი ღვინო – ღვინო, რომელიც არ არის დაფასოებული სამომხმარებლო ტარაში;

ბ) ღვინის კომპანია – „მეწარმეთა შესახებ“ საქართველოს კანონით ან/და იმპორტიორი ქვეყნის კანონმდებლობით განსაზღვრული მეწარმე სუბიექტი (ფიზიკური ან იურიდიული პირი), რომლის სამეწარმეო საქმიანობა უკავშირდება ღვინის, ყურძნისეული წარმოშობის სპირტიანი სასმელის, სპირტის ან/და ვაზის სამყნობი მასალის/ვაზის სარგავი მასალის წარმოებას ან/და რეალიზაციას;

გ) ბითუმად მოვაჭრე – ღვინის კომპანია, რომელიც უშუალოდ არ აწარმოებს ღვინოს და ეწევა მხოლოდ მის რეალიზაციას, გარდა საბოლოო მომხმარებლისთვის რეალიზაციისა;

დ) საცალოდ მოვაჭრე – ღვინის კომპანია, რომელიც ეწევა ღვინის რეალიზაციას საბოლოო მომხმარებელზე;

ე) შესაბამისობის სერტიფიკატი – საჯარო სამართლის იურიდიული პირის – ღვინის ეროვნული სააგენტოს მიერ გაცემული დოკუმენტი, რომელიც ადასტურებს, რომ იდენტიფიცირებული პროდუქცია შეესაბამება საქართველოს კანონმდებლობით დადგენილი წესით მის მიმართ განსაზღვრულ მოთხოვნებს;

ვ) (ამოღებულია - 14.12.2022, №2-914);

ზ) ღვინის თანმხლები დოკუმენტები – სასაქონლო ზედნადები, ლაბორატორიული გამოცდის ოქმი, შესაბამისობის სერტიფიკატი.

საქართველოს გარემოს დაცვისა და სოფლის მეურნეობის მინისტრის 2022 წლის 14 დეკემბრის ბრძანება №2-914 - ვებგვერდი, 15.12.2022წ.

2. საცალოდ მოვაჭრე ვალდებულია:

ა) უზრუნველყოს ღვინის სანიტარიულ-ჰიგიენური მდგომარეობის შესაბამისობა საქართველოს კანონმდებლობით დადგენილ ნორმებთან;

ბ) მომხმარებელს მიაწოდოს უვნებელი პროდუქტი, რომელიც სრულად შეესაბამება მის მიმართ კანონმდებლობით დადგენილ მოთხოვნებს;

გ) უზრუნველყოს ღვინის ხარისხის შენარჩუნება და მისი მაჩვენებლების შესაბამისობა ლაბორატორიული გამოცდის ოქმსა და შესაბამისობის სერტიფიკატში მითითებულთან, ღვინის რეალიზაციის მთელი პერიოდის განმავლობაში;

დ) იქონიოს ღვინის თანმხლები დოკუმენტები;

ე) მოთხოვნის შემთხვევაში წარუდგინოს მომხმარებელს ლაბორატორიული გამოცდის ოქმი და შესაბამისობის სერტიფიკატი და მიაწოდოს სრული ინფორმაცია ღვინის წარმომავლობის შესახებ (პროდუქტის უსაფრთხოებისა და თავისუფალი მიმოქცევის კოდექსის მე-12 მუხლის პირველი ნაწილის მოთხოვნათა შესაბამისად);

ვ) საცალოდ მოვაჭრეს ეკისრება სრული პასუხისმგებლობა სარეალიზაციო ღვინის თანმხლები დოკუმენტების ქონაზე.

საქართველოს გარემოს დაცვისა და სოფლის მეურნეობის მინისტრის 2022 წლის 14 დეკემბრის ბრძანება №2-914 - ვებგვერდი, 15.12.2022წ.