სპეციალური პენიტენციური სამსახურის მოსამსახურეთა და სავალდებულო სამხედრო მოსამსახურეთა მატერიალურ-სასურსათო უზრუნველყოფის ნორმების განსაზღვრის შესახებ

პატიმრობის კოდექსის მე-2 მუხლის მე-4 ნაწილისა და 56-ე მუხლის, „სამხედრო მოსამსახურის სტატუსის შესახებ“ საქართველოს კანონის მე-4 მუხლის მე-4 პუნქტისა და მე-12 მუხლის პირველი პუნქტის, „ნორმატიული აქტების შესახებ“ საქართველოს ორგანული კანონის კანონის 25-ე მუხლის პირველი პუნქტის „ბ“ ქვეპუნქტისა და „პატიმრობის კოდექსში ცვლილების შეტანის შესახებ“ საქართველოს 2018 წლის 5 ივლისის №3128 კანონის მე-2 მუხლის მე-5 პუნქტის შესაბამისად, ვბრძანებ:

1. განისაზღვროს საქართველოს იუსტიციის სამინისტროს მმართველობის სფეროში მოქმედი სახელმწიფო საქვეუწყებო დაწესებულების – სპეციალური პენიტენციური სამსახურის (შემდგომში – სამსახური) პენიტენციური დეპარტამენტის (შემდგომში – დეპარტამენტი) ესკორტირებისა და სპეციალურ ღონისძიებათა მთავარი სამმართველოს მოსამსახურეთა მატერიალური უზრუნველყოფის ნორმები ამ ბრძანების №1 დანართის შესაბამისად.

2. განისაზღვროს დეპარტამენტის გარე დაცვისა და ინფორმაციულ-ტექნიკური უსაფრთხოების მთავარი სამმართველოს მოსამსახურეთა მატერიალური უზრუნველყოფის ნორმები ამ ბრძანების დანართი №2-ის შესაბამისად. 

3. განისაზღვროს სამსახურის პენიტენციური დაწესებულებების მოსამსახურეთა მატერიალური უზრუნველყოფის ნორმები ამ ბრძანების №3 დანართის შესაბამისად.

4. განისაზღვროს სამსახურის სავალდებულო სამხედრო მოსამსახურეთა მატერიალური უზრუნველყოფის ნორმები ამ ბრძანების №4 დანართის შესაბამისად.

5. განისაზღვროს სამსახურის სავალდებულო სამხედრო მოსამსახურეთა მენიუ-განრიგში გამოყენებული რაციონის სასურსათო ნორმები  სეზონის მიხედვით ამ ბრძანების №5 დანართის,  ყოველკვირეული მენიუ-განრიგი სეზონის მიხედვით ამ ბრძანების №6 დანართის, განწესში ყოფნისას მშრალი სასურსათო ნორმა ამ ბრძანების №7 დანართის, საერთო საჯარისო მშრალი სასურსათო ნორმა ამ ბრძანების №8 დანართისა და ერთი პროდუქტის სხვა პროდუქტით ჩანაცვლების ნორმა ამ ბრძანების №9 დანართის შესაბამისად.

6. განისაზღვროს დეპარტამენტის ესკორტირებისა და სპეციალურ ღონისძიებათა მთავარი სამმართველოს მოსამსახურეთა მშრალი საკვებით უზრუნველყოფის სასურსათო ნორმები ამ ბრძანების №10 დანართის შესაბამისად. ამ პუნქტით დადგენილი მშრალი საკვებით უზრუნველყოფის სასურსათო ნორმები ვრცელდება დეპარტამენტის ესკორტირებისა და სპეციალურ ღონისძიებათა მთავარი სამმართველოს იმ მოსამსახურეზე, რომელიც სამსახურებრივ საქმიანობას ახორციელებს 24-საათიან სამორიგეო ცვლაში.

7. განისაზღვროს სამსახურის პენიტენციურ დაწესებულებებსა და მათ ტერიტორიაზე მყოფ და დეპარტამენტის გარე დაცვისა და ინფორმაციულ-ტექნიკური უსაფრთხოების მთავარი სამმართველოს წვევამდელთა მომზადების განყოფილების მოსამსახურეთა ყოველკვირეული მენიუ-განრიგი სეზონის მიხედვით ამ ბრძანების დანართი №11-ის შესაბამისად. 

8. ამ ბრძანების მე-7 პუნქტით განსაზღვრულ იმ მოსამსახურეთათვის, რომლებიც სამსახურებრივ საქმიანობას ახორცილებენ 24-საათიან სამორიგეო ცვლაში, დღიური კვება უნდა იყოს  სამჯერადი. 

9. ამ ბრძანების მე-7 პუნქტით განსაზღვრულ იმ მოსამსახურეთათვის, რომლებიც სამსახურებრივ საქმიანობას ახორციელებენ 8-საათიანი სამუშაო გრაფიკით, დღიური კვება უნდა იყოს ერთჯერადი (სადილი). 

10. ძალადაკარგულად გამოცხადდეს „საქართველოს იუსტიციის სამინისტროს მმართველობის სფეროში მოქმედი სახელმწიფო საქვეუწყებო დაწესებულების – სპეციალური პენიტენციური სამსახურის პენიტენციური დეპარტამენტის სპეციალური დანიშნულების ძალების მთავარი სამმართველოს მოსამსახურეთა, სპეციალური პენიტენციური სამსახურის პენიტენციური დეპარტამენტის გარე დაცვისა და ბადრაგირების მთავარი სამმართველოს მოსამსახურეთა, სპეციალური პენიტენციური სამსახურის სავალდებულო სამხედრო მოსამსახურეთა და სპეციალური პენიტენციური სამსახურის პენიტენციური დაწესებულების მოსამსახურეთა მატერიალურ-სასურსათო უზრუნველყოფის ნორმების განსაზღვრის შესახებ“ საქართველოს სასჯელაღსრულებისა და პრობაციის მინისტრის 2015 წლის 25 ნოემბრის №165 ბრძანება.

11. ბრძანება ამოქმედდეს გამოქვეყნებისთანავე და გავრცელდეს 2019 წლის 22 თებერვლიდან წარმოშობილ ურთიერთობებზე.