საჯარო სამართლის იურიდიული პირის – შემოსავლების სამსახურის თანამშრომელთა შეფასების მიზნით შეფასების წესისა და პირობების დამტკიცების შესახებ

შემოსავლების სამსახურის უფროსის

ბრძანება №39802

2020 წლის 30 დეკემბერი

ქ. თბილისი

საჯარო სამართლის იურიდიული პირის – შემოსავლების სამსახურის თანამშრომელთა შეფასების მიზნით შეფასების წესისა და პირობების დამტკიცების შესახებ

„საჯარო სამართლის იურიდიული პირის – შემოსავლების სამსახურის დებულების დამტკიცების შესახებ“ საქართველოს ფინანსთა მინისტრის 2011 წლის 23 მაისის №303 ბრძანებით დამტკიცებული დებულების მე-3 მუხლის მე-2 პუნქტის „უ“ ქვეპუნქტისა და საქართველოს ზოგადი ადმინისტრაციული კოდექსის 61-ე მუხლის საფუძველზე,  ვბრძანებ:

1. დამტკიცდეს:

ა) სსიპ - შემოსავლების სამსახურის თანამშრომლის საქმიანობის შეფასების წესი და პირობები (დანართი N1);

ბ) კომპეტენციების ჩარჩო (დანართი N2);

გ) შეფასების კომპონენტების გაცნობის ფორმა (დანართი N3);

დ) შეფასების ფორმა (შუალედური/საბოლოო) (დანართი N4);

ე) თვითშეფასების ფორმა (დანართი N5);

ვ) გამოსაცდელი ვადით მიღებული თანამშრომლის შეფასების ფორმა (დანართი N6);

ზ) შეფასების კომპონენტების ცვლილების ფორმა (7);

თ) შუალედური/საბოლოო შეფასების შედეგების გასაჩივრების ფორმა (დანართი N8);

ი) სსიპ – შემოსავლების სამსახურის თანამშრომელთა შეფასების შედეგების გასაჩივრების კომისიის დებულება (დანართი N9).

2. ძალადაკარგულად გამოცხადდეს „საჯარო სამართლის იურიდიული პირის – შემოსავლების სამსახურის თანამშრომელთა შეფასების მიზნით შეფასების წესისა და პირობების დამტკიცების შესახებ“ შემოსავლების სამსახურის უფროსის 2019 წლის 3 აპრილის N9159 ბრძანება.

3. ეს ბრძანება ამოქმედდეს 2021 წლის 1 იანვრიდან.

სამსახურის უფროსი                                                                         ლევან კაკავა