“იშვიათი დაავადებების ჩამონათვალის დამტკიცების შესახებ”

სახელმწიფო სარეგისტრაციო კოდი 470.230.000.11.119.004.783

საქართველოს შრომის, ჯანმრთელობისა და სოციალური დაცვის

მინისტრის ბრძანება №199/ნ

2001 წლის 14 მაისი

ქ. თბილისი

იშვიათი დაავადებების ჩამონათვალის დამტკიცების შესახებ

იშვიათი დაავადებების მქონე პაციენტებისათვის, ქვეყანაში აღიარებული და დანერგილი პროფესიული და სამომსახურეო სტანდარტების შესაბამისი სამედიცინო მომსახურეობით უზრუნველყოფის მიზნით, „პაციენტის უფლებების შესახებ” საქართველოს კანონის მე-13 მუხლის, მე-2 პუნქტის შესაბამისად ვბრძანებ:

1. დამტკიცდეს იშვიათი დაავადებების თანდართული ჩამონათვალი.

2. დაევალოს საქართველოს შრომის, ჯანმრთელობისა და სოციალური დაცვის სამინისტროს დროებით საფინანსო კომისიას (ა.გამყრელიძე) იშვიათი დაავადებებით დაავადებულ პაციენტთა მკურნალობის ხარჯების ანაზღაურების საკითხის განხილვა .

3. აფხაზეთის და აჭარის ავტონომიური რესპუბლიკების ჯანმრთელობის დაცვის სამინისტროებმა, ქ. ფოთის და დაბა მესტიის მოსახლეობის შრომის, ჯანმრთელობისა და სოციალური დაცვის სამმართველოებს, ქალაქ თბილისის ჯანმრთელობისა და სოციალური დაცვის საქალაქო სამსახურებმა, შრომის, ჯანმრთელობისა და სოციალური დაცვის რეგიონალური დეპარტამენტებმა დაიყვანონ ბრძანება სამედიცინო დაწესებულებამდე.

4. ეს ბრძანება ამოქმედდეს გამოქვეყნებისთანავე.

ა. ჯორბენაძე

 

შეტანილი ცვლილებები:

 

1. საქართველოს შრომის, ჯანმრთელობისა და სოციალური დაცვის მინისტრის 2004 წლის 7 ივნისის ბრძანება №127/ნ-სსმIII, №63, 22.06.2004წ.; მუხ.548

 

იშვიათი დაავადებების ჩამონათვალი

1. მწვავე ინტერმიტირებადი პორფირია

2. ადისონის დაავადება

3. ალსტრიომის სინდრომი

4. ბარტერის სინდრომი

5. ბეხჩეტის სინდრომი

6. უიპლის დაავადება

7. ბილიარული ატრეზია

8. კონის სინდრომი

9. კრონკჰაიტ-კანადას დაავადება

10. უშაქრო დიაბეტი

11. გარდნერის სინდრომი

12. გლუკოზა 6 ფოსფატდეჰიდროგენაზას დეფიციტი

13. ჰემოქრომატოზი

14. ჰემოფილია

15. ინსულინომა

16. ლაიმის დაავადება

17. ფენილკეტონურია

18. ჰომოცისტინურია

19. ფეოქრომოციტომა

20. ვილმსის სიმსივნე

21. ვულგარული იხთიოზი

22. ჰიპოფიზარული ნანიზმი

23. მუკოვისციდოზი.

საქართველოს შრომის, ჯანმრთელობისა და სოციალური დაცვის მინისტრის 2004 წლის 7 ივნისის ბრძანება №127/ნ-სსმIII, №63, 22.06.2004წ.; მუხ.548

Annotate