საჯარო სამართლის იურიდიული პირის – საქართველოს კულტურული მემკვიდრეობის დაცვის ეროვნული სააგენტოს დებულების დამტკიცების შესახებ

საქართველოს კულტურის, სპორტისა და ახალგაზრდობის მინისტრის 2021 წლის 25 დეკემბრის ბრძანება №05/25 - ვებგვერდი, 25.12.2021წ.

საქართველოს კულტურის, სპორტისა და ახალგაზრდობის მინისტრის 2022 წლის 4 იანვრის ბრძანება №05/01 - ვებგვერდი, 04.01.2022წ.

2. სააგენტო თავის საქმიანობას ახორციელებს საქართველოს კონსტიტუციით, საქართველოს საერთაშორისო ხელშეკრულებებით, საქართველოს კანონმდებლობითა და ამ დებულებით დადგენილ ფარგლებში.

3. სააგენტო, კანონმდებლობით და ამ დებულებით დადგენილი მიზნებისა და დაკისრებული ფუნქციების განსახორციელებლად, იძენს უფლებებსა და მოვალეობებს, დებს გარიგებებს, უფლებამოსილია სასამართლოში გამოვიდეს მოსარჩელედ და მოპასუხედ.

4. სააგენტოს აქვს დამოუკიდებელი ბალანსი, ბეჭედი და შტამპი საკუთარი დასახელებით, საანგარიშსწორებო და სხვა ანგარიშები საბანკო დაწესებულებებში, ასევე იურიდიული პირისათვის დამახასიათებელი სხვა ატრიბუტები და რეკვიზიტები.

5. სააგენტოს აქვს ემბლემა, რომელიც შეიძლება გამოყენებულ იქნეს სააგენტოსა და მისი სტრუქტურული ერთეულების ბლანკებსა და შესასვლელის აბრაზე, ასევე, თანამშრომელთა სავიზიტო ბარათებზე, სუვენირებზე, ბეჭდვით და ელექტრონულ გამოცემებზე.

6. სააგენტოს იურიდიული მისამართია: ქ. თბილისი, თაბუკაშვილის ქუჩა №7.

საქართველოს კულტურის მინისტრის 2025 წლის 19 ივნისის ბრძანება №05/19 - ვებგვერდი, 20.06.2025წ.

ა) კომპეტენციის ფარგლებში, საქართველოს კულტურული მემკვიდრეობის (მატერიალური და არამატერიალური) დაცვა, შესწავლა, კვლევა, გამოვლენა-ინვენტარიზაცია, აღრიცხვა-დოკუმენტირება, მოვლა-პატრონობა და პოპულარიზაცია;

ბ) საქართველოს კულტურული მემკვიდრეობის ძეგლზე და ობიექტებზე ჩასატარებელი საპროექტო, კვლევითი და სარეაბილიტაციო სამუშაოების განხორციელება და სამეცნიერო-კვლევითი და სარეაბილიტაციო სამუშაოების მეთოდოლოგიისა და ტექნოლოგიების სრულყოფისათვის ტექნიკური სიახლეების გამოყენების ხელშეწყობა;

გ) კომპეტენციის ფარგლებში, საქართველოს კულტურული მემკვიდრეობის ძეგლებზე გაცემული სანებართვო დოკუმენტაციის შემოწმება და სანებართვო პირობების დარღვევის, მათ შორის, უნებართვო საქმიანობის გამოვლენის შემთხვევაში, სათანადო რეაგირება;

დ) კულტურული მემკვიდრეობის დაცვის სახელმწიფო პროგრამისა და კულტურული მემკვიდრეობის პოპულარიზაციისა და შემეცნების მიზნით, საინფორმაციო და კულტურულ-საგანმანათლებლო ღონისძიებების შემუშავება და განხორციელება;

ე) საქართველოს კულტურული მემკვიდრეობის ერთიანი საინფორმაციო სისტემის განვითარება და მონაცემთა ბაზის განახლება;

ვ) კულტურული მემკვიდრეობის სფეროში ნორმატიული აქტების პროექტების შემუშავება;

ზ) (ამოღებულია - 19.06.2025, №05/19);

თ) კულტურული მემკვიდრეობის სფეროში ფუნდამენტური და გამოყენებითი კვლევების განხორციელება, სამეცნიერო-კვლევითი, საკონსულტაციო და საექსპერტო საქმიანობის, სამეცნიერო-ტექნიკური პროგრესისა და სამეცნიერო საქმიანობის ხელშეწყობა და ამ მიზნით ადგილობრივ და საერთაშორისო ექსპერტებთან, საერთაშორისო ორგანიზაციებთან თანამშრომლობა;

ი) კულტურული მემკვიდრეობის სფეროში სპეციალისტებისა და ახალი სამეცნიერო კადრების მომზადებაში და გადამზადებაში მონაწილეობა/ხელშეწყობა;

კ) საქართველოს კულტურული მემკვიდრეობის ძეგლების/ობიექტებისა და კულტურული ფასეულობების, მათ შორის, მის სტრუქტურაში შემავალ მუზეუმებსა და მუზეუმ-ნაკრძალებში არსებული სამუზეუმო ექსპონატების შესწავლა, მათი ისტორიული, მეცნიერული და მხატვრული ღირებულებების განსაზღვრა, მოძიებული მასალების დამუშავება;

ლ) კულტურული მემკვიდრეობის დაცვის მიმართულებით სხვა ქვეყნების გამოცდილების შესწავლა და საჭიროებისამებრ მისი პრაქტიკაში დანერგვა;

მ) კულტურული მემკვიდრეობის სფეროში მოქმედი საერთაშორისო კონვენციებითა და ხელშეკრულებებით ნაკისრი ვალდებულებების განხორციელების ხელშეწყობა;

ნ) კულტურული მემკვიდრეობის სფეროში საერთაშორისო და ადგილობრივ ორგანიზაციებთან თანამშრომლობა.

საქართველოს კულტურის მინისტრის 2025 წლის 21 თებერვლის ბრძანება №05/02 - ვებგვერდი, 21.02.2025წ.

საქართველოს კულტურის მინისტრის 2025 წლის 19 ივნისის ბრძანება №05/19 - ვებგვერდი, 20.06.2025წ.

ა) ამ დებულებითა და საქართველოს კულტურის სამინისტროს მიერ (შემდგომ – სამინისტრო) შესაბამისი ადმინისტრაციული ხელშეკრულებით დელეგირებული საქმიანობის განხორციელება;

ბ) კულტურული მემკვიდრეობის დაცვის სახელმწიფო პროგრამისა და კულტურული მემკვიდრეობის პოპულარიზაციის და შემეცნების მიზნით, საინფორმაციო და კულტურულ-საგანმანათლებლო ღონისძიებების შემუშავება და განხორციელება;

გ) საქართველოს კულტურული მემკვიდრეობის (მატერიალური და არამატერიალური) უძრავი და მოძრავი ძეგლებისა და ობიექტის დაცვა, მოვლა-პატრონობა და პოპულარიზაცია;

დ) საქართველოს არამატერიალური და მატერიალური კულტურული მემკვიდრეობის ძეგლებისა და ობიექტების გამოვლენა, შესწავლა, კვლევა, ფიქსაცია და ინვენტარიზაცია (მათ შორის, სააღრიცხვო ბარათებისა და პასპორტების შედგენა), სახელმწიფო და კერძო კოლექციების აღრიცხვასა და შესწავლაში მონაწილეობის მიღება;

ე) კულტურული მემკვიდრეობის ერთიანი საინფორმაციო სისტემისა და მონაცემთა ბაზის განვითარება, კულტურული მემკვიდრეობის შესახებ ინფორმაციისა და დოკუმენტაციის დიგიტალიზაცია, დაკომპლექტება, არქივირება და მოპოვებული (შექმნილი) ინფორმაციის მოვლა-პატრონობა და გავრცელება;

ვ) საქართველოს კულტურული მემკვიდრეობის ძეგლების/ობიექტებისა და კულტურული ფასეულობების, მათ შორის, მის სტრუქტურაში შემავალ მუზეუმებსა და მუზეუმ-ნაკრძალებში არსებული სამუზეუმო ექსპონატების შესწავლა, მათი ისტორიული, მეცნიერული და მხატვრული ღირებულებების განსაზღვრა, მოძიებული მასალების დამუშავება, სახელმწიფო და კერძო კოლექციების აღრიცხვასა და შესწავლაში მონაწილეობა;

ზ) საქართველოს კულტურული მემკვიდრეობის ძეგლების სახელმწიფო რეესტრის წარმოება;

თ) კომპეტენციის ფარგლებში, კულტურული მემკვიდრეობის თვალსაზრისით ღირებული ობიექტებისათვის კულტურული მემკვიდრეობის ძეგლის სტატუსის მინიჭება/მოხსნა, ან ამ მიზნით უფლებამოსილი სახელმწიფო ორგანოებისათვის წინადადებების წარდგენა;

ი) კულტურული მემკვიდრეობის დამცავ ზონებში სამშენებლო დოკუმენტაციის შეთანხმება;

კ) საქართველოს კულტურული მემკვიდრეობის ძეგლზე (ობიექტებზე) ჩასატარებელი კვლევითი და სარეაბილიტაციო სამუშაოების პროექტების მომზადება და ძეგლების სარეაბილიტაციო და არქეოლოგიური სამუშაოების ჩატარება;

ლ) კომპეტენციის ფარგლებში, კულტურული მემკვიდრეობის ძეგლებზე სამუშაოებისა და არქეოლოგიური სამუშაოების ნებართვის გაცემა, სანებართვო პირობების კონტროლი და ნებართვის საფუძველზე შესრულებული სამუშაოების მიღება;

მ) კულტურული მემკვიდრეობის ძეგლის მესაკუთრესთან/მოსარგებლესთან ძეგლის მოვლა-პატრონობის ხელშეკრულების გაფორმება;

ნ) კულტურული მემკვიდრეობის დამცავი ზონების დადგენის მიზნით, შესაბამისი წინადადებების შემუშავება;

ო) კომპეტენციის ფარგლებში, კულტურული მემკვიდრეობის (მათ შორის, არქეოლოგიური კვლევის) თაობაზე შესაბამისი დასკვნების გაცემა;

პ) კულტურული მემკვიდრეობის სფეროში ნორმატიული აქტების პროექტების შემუშავება და უფლებამოსილი სახელმწიფო ორგანოებისათვის დასამტკიცებლად წარდგენა;

ჟ) კულტურული მემკვიდრეობის სფეროში საკონსულტაციო და საექსპერტო საქმიანობის განხორციელება, ამ მიზნით სამეცნიერო-ტექნიკური პროგრესისა და სამეცნიერო საქმიანობისათვის ყოველმხრივი ხელშეწყობა, ახალი ტექნოლოგიების შექმნა, ანალიზი და დანერგვა;

რ) კულტურული მემკვიდრეობის სფეროში სპეციალისტებისა და ახალი სამეცნიერო კადრების მომზადებასა და გადამზადებაში მონაწილეობა/ხელშეწყობა;

ს) საქართველოს კულტურული მემკვიდრეობის ფუნდამენტური და გამოყენებითი კვლევების განხორციელება და მათი ხელშეწყობა-პოპულარიზაცია, ამ მიზნით ინფორმაციისა და დოკუმენტაციის შეგროვება, სამეცნიერო და პოპულარული ნაშრომების, ასევე ბარათების, ბუკლეტების, გზამკვლევების, ალბომების ქართულ და უცხო ენებზე პუბლიკაციისათვის მომზადება და მათი გამოცემა-გავრცელება;

ტ) კულტურული მემკვიდრეობის დაცვის მეთოდოლოგიის კვლევა, დამუშავება და პრაქტიკაში დანერგვა და ამ მიზნით ადგილობრივ და საერთაშორისო ექსპერტებთან და საერთაშორისო ორგანიზაციებთან თანამშრომლობა;

უ) საგანმანათლებლო-საზოგადოებრივი ჟურნალის მომზადება და გამოცემა-გავრცელება;

ფ) კულტურული მემკვიდრეობის შესახებ ცნობიერების ამაღლებისა და პოპულარიზაციის მიზნით, სხვადასხვა საინფორმაციო კამპანიის ორგანიზება და განხორციელება, მათ შორის, ფორუმების, კონფერენციების და პრეზენტაციების, საქველმოქმედო ღონისძიებების მოწყობა და ბეჭდვითი და ციფრული მედიის საშუალებით შესაბამისი ინფორმაციის გავრცელება;

ქ) საქართველოს კულტურული მემკვიდრეობის დაცვის საკითხებთან დაკავშირებით საერთაშორისო და ადგილობრივი სამეცნიერო-პრაქტიკული კონფერენციების, სესიების, სიმპოზიუმების, თათბირების, სემინარების, კონსულტაციების მოწყობა;

ღ) გაცვლითი პროგრამების, სამუშაო ვიზიტებისა და სასწავლო ტურების ფარგლებში, დაფინანსების შესახებ საერთაშორისო გამოცდილების გაცნობა და შესაბამის სახელმწიფო სტრუქტურებთან თანამშრომლობის გზით აღნიშნული გამოცდილების ადგილობრივ დონეზე დანერგვის ხელშეწყობა;

ყ) კულტურული მემკვიდრეობის პოპულარიზაციის მიზნით საქართველოში და საზღვარგარეთ გამოფენების მომზადება და მოწყობა, მათში მონაწილეობის მიღება;

შ) საქართველოს და საზღვარგარეთის შესაბამის სამთავრობო, სამეცნიერო, სასწავლო და სხვა დაწესებულებებთან თანამშრომლობა;

ჩ) მის სტრუქტურაში არსებული მუზეუმებისა და მუზეუმ-ნაკრძალების მართვა, მოვლა-პატრონობა და შესაბამისი საგანმანათლებლო პროექტების განხორციელება;

ც) მუზეუმებისა და მუზეუმ-ნაკრძალების ტერიტორიების განვითარების გეგმების მომზადება-განხორციელება, ვიზიტორთა მოზიდვისა და მათთვის სათანადო პირობების შექმნის მიზნით, შესაბამისი ინფრასტრუქტურის მოწყობა;

ძ) კვალიფიკაციის ამაღლების მიზნით სტაჟიორების მიღება და სტაჟირების წარმატებით გავლის შემთხვევაში შესაბამისი სერტიფიკატის გაცემა, მოქმედი კანონმდებლობის შესაბამისად;

წ) კომპეტენციის ფარგლებში სახელმწიფო შესყიდვების განხორციელება;

ჭ) საქმიანობის მიზნებისა და ფუნქციების გათვალისწინებით, კანონმდებლობით დადგენილი და ნებადართული სხვა საქმიანობის განხორციელება.

2. სააგენტო უფლებამოსილია:

ა) სამინისტროსთან შეთანხმებით, განსაზღვროს მის სტრუქტურაში არსებული მუზეუმებისა და მუზეუმ-ნაკრძალებში შესასვლელი ბილეთებისა და მომსახურების საფასური;

ბ) სააგენტოს მიზნებისა და ამოცანების შესასრულებლად, კულტურული მემკვიდრეობის სფეროში ცალკეული პროექტების ხელშეწყობისა და დაფინანსების მიზნით, გამოაცხადოს კონკურსები;

გ) კანონმდებლობით დადგენილი წესით, მესამე პირებს, ხელშეკრულების საფუძველზე, გაუწიოს დამატებითი მომსახურება (მათ შორის, არქივში დაცული მასალების მომზადება და ასლების დამზადება, კულტურული მემკვიდრეობის შესახებ კვლევების მომზადება, ძეგლების სარეაბილიტაციო პროექტების მომზადება, საექსპერტო საქმიანობის განხორციელება, კულტურულ-შემეცნებითი მომსახურება, არქეოლოგიური კვლევის ჩატარება და ა.შ.) და სამინისტროსთან შეთანხმებული ტარიფების შესაბამისად, დააწესოს აღნიშნული მომსახურების საფასური;

დ) კანონმდებლობით დადგენილი წესით, განახორციელოს დამხმარე ხასიათის ეკონომიკური საქმიანობა, მაგრამ ისე, რომ არსებითად არ გადავიდეს სამეწარმეო საქმიანობაზე.

საქართველოს კულტურის მინისტრის 2025 წლის 19 ივნისის ბრძანება №05/19 - ვებგვერდი, 20.06.2025წ.

2. სააგენტოს გენერალურ დირექტორს ჰყავს პირველი მოადგილე და სამი მოადგილე, რომლებსაც, მინისტრთან შეთანხმებით, თანამდებობაზე ნიშნავს და თანამდებობიდან ათავისუფლებს გენერალური დირექტორი.

3. სააგენტოს გენერალური დირექტორის მოადგილეები, გენერალური დირექტორის გადაწყვეტილებით, კურირებენ სააგენტოში მათთვის მიკუთვნებულ სფეროებს. მოადგილეთა უფლებამოსილებები განისაზღვრება გენერალური დირექტორის ინდივიდუალური ადმინისტრაციულ-სამართლებრივი აქტით.

4. სააგენტოს გენერალური დირექტორის პირველი მოადგილე/მოადგილე შეიძლება იმავდროულად იყოს სააგენტოს სტრუქტურული ერთეულის ხელმძღვანელი.

5. სააგენტოს გენერალური დირექტორის დროებით არყოფნის ან მის მიერ გენერალური დირექტორის უფლებამოსილების განხორციელების შეუძლებლობის შემთხვევაში, მის მოვალეობას ასრულებს სააგენტოს გენერალური დირექტორის პირველი მოადგილე, ხოლო ამ უკანასკნელის არყოფნის ან მის მიერ უფლებამოსილების განხორციელების შეუძლებლობის შემთხვევაში – სააგენტოს გენერალური დირექტორის ერთ-ერთი მოადგილე.

საქართველოს კულტურის მინისტრის 2025 წლის 21 თებერვლის ბრძანება №05/02 - ვებგვერდი, 21.02.2025წ.

ა) ხელმძღვანელობს და წარმართავს სააგენტოს საქმიანობას;

ბ) წარმოადგენს სააგენტოს მესამე პირებთან ურთიერთობაში და სააგენტოს სახელით დებს გარიგებებს;

გ) გასცემს წარმომადგენლობის დამადასტურებელ დოკუმენტს;

დ) თავისი კომპეტენციის ფარგლებში, გამოსცემს ინდივიდუალურ ადმინისტრაციულ-სამართლებრივ აქტებს;

ე) გამოსცემს ძეგლზე სამუშაოებისა და არქეოლოგიური სამუშაოების თაობაზე ბრძანებას და გასცემს შესაბამის სანებართვო მოწმობას;

ვ) „კულტურული მემკვიდრეობის შესახებ“ საქართველოს კანონის შესაბამისად გაცემული ნებართვის ფარგლებში, ძეგლზე სამუშაოებთან და არქეოლოგიურ სამუშაოებთან დაკავშირებით, ნებართვის მფლობელის მხრიდან სანებართვო პირობების დარღვევის გამოვლენის შემთხვევაში, კულტურული მემკვიდრეობის მონიტორინგის სამსახურის დასაბუთებული შუამდგომლობის საფუძველზე, გამოსცემს ბრძანებას ნებართვით განსაზღვრული ქმედებების დაუყოვნებლივ შეჩერების შესახებ და გასცემს აღნიშნული ქმედებების გაგრძელებამდე სავალდებულოდ შესასრულებელ მითითებებს;

ზ) კულტურული მემკვიდრეობის მონიტორინგის სამსახურის დასაბუთებული შუამდგომლობის საფუძველზე, გამოსცემს ბრძანებას ნებართვის გაუქმების შესახებ იმ შემთხვევაში, თუ ნებართვის გაუქმება (შესაბამისად, ნებართვით განსაზღვრული ქმედებების შეწყვეტა) მყისიერ აუცილებლობას წარმოადგენს ან ნებართვის მფლობელის მხრიდან არ იქნა შესრულებული ამ პუნქტის „ვ“ ქვეპუნქტით განსაზღვრული მითითებები, ნებართვით განსაზღვრული ქმედებების გაგრძელების თაობაზე;

თ) ანაწილებს დავალებებს სააგენტოს თანამშრომლებზე და განსაზღვრავს დავალებების შესრულებაზე პასუხისმგებელ პირებს, აკონტროლებს მიღებული გადაწყვეტილებების შესრულების მდგომარეობას;

ი) სამინისტროს თანხმობით, ამტკიცებს სააგენტოს ბიუჯეტს, საშტატო ნუსხასა და სახელფასო ფონდს;

კ) სამინისტროს თანხმობით, განსაზღვრავს სააგენტოში შრომითი ხელშეკრულებით დასაქმებულ პირთა რიცხოვნობის ზღვრულ ოდენობას;

ლ) კანონით დადგენილი წესით განაგებს და განკარგავს სააგენტოს ქონებას და სახსრებს, მასვე ეკისრება პასუხისმგებლობა სააგენტოს საკუთრებაში არსებულ ქონებაზე და ფულადი სახსრების მიზნობრივ და სწორ ხარჯვაზე;

მ) უფლებამოსილია, მოახდინოს კანონმდებლობით მინიჭებული ცალკეული უფლებამოსილების სააგენტოს თანამშრომელზე დელეგირება. დელეგირების ფაქტი გენერალურ დირექტორს არ ათავისუფლებს პასუხისმგებლობისგან დელეგირებული უფლებამოსილების ფარგლებში განხორციელებულ ქმედებებთან და მის შედეგებთან დაკავშირებით;

ნ) საქართველოს შრომის კოდექსით დადგენილი წესით, აფორმებს შრომით ხელშეკრულებებს სააგენტოს თანამშრომლებსა და საჭიროებისამებრ, დროებით მოწვეულ სპეციალისტებთან;

ო) იღებს გადაწყვეტილებებს სააგენტოს თანამშრომელთა წახალისებისა და დისციპლინური პასუხისმგებლობის შესახებ;

პ) სამინისტროსთან შეთანხმებით, განსაზღვრავს სტაჟიორების წლიურ კვოტას და ანაზღაურების ოდენობას. მოქმედი კანონმდებლობით დადგენილი წესის შესაბამისად ნიშნავს და ათავისუფლებს სტაჟიორებს;

ჟ) ამტკიცებს სააგენტოს შინაგანაწესს;

ჟ​^​1) ამტკიცებს სააგენტოს სტრუქტურული ერთეულების დებულებებს;

რ) ადგენს საკვალიფიკაციო მოთხოვნებს სააგენტოს თანამშრომლებისთვის;

ს) მინისტრის თანხმობით, გამოსცემს ინდივიდუალურ ადმინისტრაციულ-სამართლებრივ აქტს, სააგენტოს თანამშრომლისთვის ანაზღაურების გარეშე სასწავლო შვებულების გაცემის შესახებ;

ტ) კულტურული მემკვიდრეობის დაცვის მიზნით, ამტკიცებს შესაბამის პროგრამებს/ქვეპროგრამებს განსახორციელებელი ღონისძიებებისათვის;

უ) მინისტრს წარუდგენს წინადადებებს სააგენტოს დებულებაში ცვლილებების შეტანის, ასევე სააგენტოს რეორგანიზაციისა და ლიკვიდაციის შესახებ;

ფ) მინისტრთან შეთანხმებით, ნიშნავს და ათავისუფლებს სააგენტოს გენერალური დირექტორის მოადგილეებს;

ქ) მოქმედი კანონმდებლობით დადგენილი წესის შესაბამისად ამტკიცებს სააგენტოს ბეჭდების და შტამპების აღწერილობას, ნიმუშებსა და გამოყენების წესს;

ღ) საჭიროების შემთხვევაში, განსაზღვრავს კულტურული მემკვიდრეობის დაცვის საბჭოს წევრების შესაბამისი სექციების მუშაობისთვის საჭირო ანაზღაურების ოდენობასა და გაცემის წესს;

ყ) ამ დებულებითა და სამინისტროს მიერ შესაბამისი ადმინისტრაციული ხელშეკრულებით დელეგირებული საქმიანობის განხორციელების მიზნით, უფლებამოსილია განახორციელოს მოქმედი კანონმდებლობით ნებადართული სხვა მოქმედებები.

2. „კულტურული მემკვიდრეობის შესახებ“ საქართველოს კანონისა და კულტურულ მემკვიდრეობასთან დაკავშირებული სხვა სამართლებრივი აქტების საფუძველზე განსაზღვრული უფლებამოსილებების ფარგლებში, გენერალური დირექტორის მიერ გამოცემული ინდივიდუალური ადმინისტრაციულ-სამართლებრივი აქტები საჩივრდება სასამართლოში, კანონმდებლობით დადგენილი წესით.

საქართველოს კულტურის მინისტრის 2025 წლის 19 ივნისის ბრძანება №05/19 - ვებგვერდი, 20.06.2025წ.

ა) ხელს უწყობენ სააგენტოს გენერალურ დირექტორს მასზე დაკისრებული ფუნქცია-მოვალეობების სათანადოდ შესრულებაში და საქმიანობის ეფექტურად დაგეგმვა-კოორდინაციასა და ორგანიზებაში;

ბ) ხელმძღვანელობენ მათდამი დაქვემდებარებულ სამსახურებს, გენერალური დირექტორის გადაწყვეტილებით, კურირებენ სააგენტოში მათთვის მიკუთვნებულ სფეროებს და პასუხს აგებენ მათ გამართულ საქმიანობაზე;

გ) უზრუნველყოფენ დავალებათა შესრულების ორგანიზებასა და სააგენტოს სხვადასხვა საკითხზე გადაწყვეტილებების პროექტების მომზადებას;

დ) მიმართავენ სააგენტოს გენერალურ დირექტორს სხვადასხვა ინიციატივითა და წინადადებებით;

ე) საკუთარი კომპეტენციის ფარგლებში, ასრულებენ სააგენტოს გენერალური დირექტორის მიერ განსაზღვრულ სხვა დავალებებს/მითითებს.

2. სააგენტოს გენერალური დირექტორის მოადგილის სხვა ფუნქციებს განსაზღვრავს სააგენტოს გენერალური დირექტორი.

2. სტრუქტურული ერთეულის ხელმძღვანელს შეიძლება ჰყავდეს მოადგილე. სტრუქტურული ერთეულების მოადგილეებს თანამდებობაზე ნიშნავს და თანამდებობიდან ათავისუფლებს სააგენტოს გენერალური დირექტორი. მათი უფლებამოსილებები განისაზღვრება სააგენტოს გენერალური დირექტორის ბრძანებით.

3. სტრუქტურული ერთეულის ხელმძღვანელის არყოფნის ან მის მიერ უფლებამოსილების განხორციელების შეუძლებლობის შემთხვევაში, მის უფლებამოსილებებს ასრულებს გენერალური დირექტორის ბრძანებით განსაზღვრული შესაბამისი სტრუქტურული ერთეულის ერთ-ერთი თანამშრომელი ან სტრუქტურული ერთეულის კურატორი მოადგილე.

4. სტრუქტურული ერთეულის ხელმძღვანელი და მისი მოადგილე უფლებამოსილნი არიან, სააგენტოს გენერალური დირექტორის მიერ დელეგირებული უფლებამოსილების ფარგლებში, გამოსცენ ინდივიდუალური ადმინისტრაციულ-სამართლებრივი აქტი.

5. სტრუქტურული ერთეულის ხელმძღვანელი:

ა) ანაწილებს მოვალეობებს მისდამი დაქვემდებარებული სტრუქტურული ერთეულის მოსამსახურეებს შორის და აძლევს მათ მითითებებსა და განკარგულებებს;

ბ) თვალყურს ადევნებს სააგენტოს სტრუქტურული ერთეულის მოსამსახურეების მიერ სამსახურებრივ მოვალეობათა შესრულებას;

გ) ხელს აწერს ან ვიზას ადებს სააგენტოს სტრუქტურული ერთეულის მიერ მომზადებულ დოკუმენტებს;

დ) ანგარიშვალდებულია და პასუხს აგებს სააგენტოს სტრუქტურული ერთეულის გამართულ მუშაობაზე;

ე) წარმოადგენს სააგენტოს სტრუქტურულ ერთეულს თავისი მოვალეობების შესრულებისას და სტრუქტურული ერთეულის სახელით წარუდგენს დასკვნებს სააგენტოს გენერალური დირექტორის მოადგილეს, რომელიც, სააგენტოს გენერალური დირექტორის ბრძანების შესაბამისად, ზედამხედველობს ამ სტრუქტურულ ერთეულს;

ვ) შუამდგომლობს იმ სახსრების გამოყოფის თაობაზე, რომლებიც საჭიროა სტრუქტურული ერთეულის ამოცანათა შესასრულებლად;

ზ) ასრულებს ამ დებულებით, სააგენტოს გენერალური დირექტორის ან/და უშუალო ხელმძღვანელის მიერ განსაზღვრულ ამოცანებს.

საქართველოს კულტურის მინისტრის 2025 წლის 19 ივნისის ბრძანება №05/19 - ვებგვერდი, 20.06.2025წ.

2. სააგენტოს მუზეუმები და მუზეუმ-ნაკრძალებია:

ა) ექვთიმე თაყაიშვილის სახელობის გურიის მხარის არქეოლოგიური მუზეუმ-ნაკრძალი;

ბ) პარმენ ზაქარაიას სახელობის ნოქალაქევის არქიტექტურულ-არქეოლოგიური მუზეუმ-ნაკრძალი;

გ) სტეფანწმინდის ისტორიული მუზეუმი;

დ) ქუთაისის ისტორიულ-არქიტექტურული მუზეუმ-ნაკრძალი;

ე) დიდი მცხეთის არქეოლოგიური სახელმწიფო მუზეუმ-ნაკრძალი;

ვ) სამშვილდის და კლდეკარის ისტორიულ-არქიტექტურული მუზეუმ-ნაკრძალი;

ზ) უფლისციხის ისტორიულ-არქიტექტურული მუზეუმ-ნაკრძალი;

თ) ქსნის ხეობის ისტორიულ-არქიტექტურული მუზეუმ-ნაკრძალი;

ი) დიდი ლიახვის ხეობის სახელმწიფო მუზეუმ-ნაკრძალი;

კ) ვარძიის ისტორიულ-არქიტექტურული მუზეუმ-ნაკრძალი;

ლ) უჯარმისა და დავით-გარეჯის მუზეუმ-ნაკრძალი;

მ) ჩაჟაშის მუზეუმ-ნაკრძალი;

ნ) მირზაანის ნიკო ფიროსმანის სახელმწიფო მუზეუმი;

ო) ბორჯომის მხარეთმცოდნეობის მუზეუმი;

პ) გრემის მუზეუმი;

ჟ) მუცოს მუზეუმ-ნაკრძალი;

რ) დავით და გიორგი ერისთავების სახლ-მუზეუმი;

ს) ნიკო ნიკოლაძის სახლ-მუზეუმი.

3. სააგენტოს სამსახურებია:

ა) ნებართვებისა და ექსპერტიზის სამსახური;

ბ) ძეგლთა რეაბილიტაციის სამსახური;

გ) არქეოლოგიისა და კულტურული მემკვიდრეობის კვლევის სამსახური;

დ) არამატერიალური კულტურული მემკვიდრეობისა და საერთაშორისო ურთიერთობების სამსახური;

ე) კულტურული მემკვიდრეობის მონიტორინგის სამსახური;

ვ) ადმინისტრაცია (სამსახური);

ზ) შიდა აუდიტისა და შრომის უსაფრთხოების სამსახური;

თ) ფინანსური აღრიცხვის სამსახური;

ი) შესყიდვების სამსახური;

კ) ლოგისტიკის სამსახური;

ლ) კულტურული მემკვიდრეობის საინფორმაციო სისტემების მართვის სამსახური;

მ) მუზეუმებისა და მუზეუმ-ნაკრძალების სამსახური;

ნ) საზოგადოებასთან ურთიერთობის სამსახური.

საქართველოს კულტურის, სპორტისა და ახალგაზრდობის მინისტრის 2022 წლის 16 სექტემბრის ბრძანება №05/18 - ვებგვერდი, 19.09.2022წ.

საქართველოს კულტურის მინისტრის 2025 წლის 28 აპრილის ბრძანება №05/07 - ვებგვერდი, 29.04.2025წ.

საქართველოს კულტურის მინისტრის 2025 წლის 19 ივნისის ბრძანება №05/19 - ვებგვერდი, 20.06.2025წ.

საქართველოს კულტურის მინისტრის 2025 წლის 26 ივნისის ბრძანება №05/21 - ვებგვერდი, 27.06.2025წ.

ა) მუზეუმებისა და მუზეუმ-ნაკრძალების მართვაში არსებული კულტურული მემკვიდრეობის მართვა, დაცვა, ექსპონირება და პოპულარიზაცია;
ბ) კულტურული მემკვიდრეობის გამოვლენა, შეგროვება, აღრიცხვა, დაცვა, შესწავლა, ექსპონირება და პოპულარიზაცია;
გ) კულტურული ტურიზმის განვითარების ხელშეწყობა;
დ) სამეცნიერო-კვლევითი და კულტურულ-საგანმანათლებლო საქმიანობის განხორციელება;
ე) სამეცნიერო კვლევების საფუძველზე, ახალი და განახლებული მუზეუმების ან/და მუზეუმ-ნაკრძალებისათვის სამუზეუმო ექსპოზიციათა კონცეფციების შემუშავება;
ვ) სამუზეუმო სფეროს ექსპერტებთან თანამშრომლობა და კვლევითი, საკონსულტაციო, საექსპერტო საქმიანობის განხორციელების ხელშეწყობა;
ზ) მუზეუმებთან და მუზეუმ-ნაკრძალებთან დაკავშირებული შემეცნებითი, სამეცნიერო, სამეცნიერო-პოპულარული, საინფორმაციო ხასიათის გამოცემებისა და ღონისძიებების მომზადება-განხორციელება;
თ) ამ მუხლის „ა“-„ზ“ ქვეპუნქტებით გათვალისწინებული ამოცანების შესრულების მიზნით, შესაბამისი პროგრამების შემუშავება და განხორციელება;
ი) მუზეუმის/მუზეუმ-ნაკრძალის დებულებით განსაზღვრული და სამინისტროსგან შესაბამისი ადმინისტრაციული ხელშეკრულებით დელეგირებული საქმიანობის ფარგლებში სხვა უფლებამოსილებების განხორციელება.

საქართველოს კულტურის, სპორტისა და ახალგაზრდობის მინისტრის 2022 წლის 16 სექტემბრის ბრძანება №05/18 - ვებგვერდი, 19.09.2022წ.

ა) ძეგლზე სამუშაოებისა და არქეოლოგიური სამუშაოების სანებართვო დოკუმენტაციის სისრულისა და კანონმდებლობასთან შესაბამისობის დადგენა და მეთოდოლოგიური გადაწყვეტების შემოწმება;

ბ) ძეგლზე სამუშაოებისა და არქეოლოგიური სამუშაოების თაობაზე გენერალური დირექტორის ბრძანების პროექტებისა და შესაბამისი სანებართვო მოწმობის მომზადება;

გ) ძეგლზე სამუშაოებისა და არქეოლოგიური სამუშაოების სანებართვო რეესტრის წარმოება;

დ) კომპეტენციის ფარგლებში, კულტურული მემკვიდრეობის ძეგლების დამცავ ზონებში დაგეგმილი სამშენებლო სამუშაოების საპროექტო დოკუმენტაციის განხილვა;

ე) კომპეტენციის ფარგლებში, კულტურული მემკვიდრეობის დაცვის საბჭოს შესაბამისი სექციების სხდომების ორგანიზება;

ვ) სამსახურის დებულებით განსაზღვრული და სამინისტროს მიერ შესაბამისი ადმინისტრაციული ხელშეკრულებით დელეგირებული საქმიანობის ფარგლებში სხვა უფლებამოსილებების განხორციელება.

საქართველოს კულტურის მინისტრის 2025 წლის 19 ივნისის ბრძანება №05/19 - ვებგვერდი, 20.06.2025წ.

ძეგლთა რეაბილიტაციის სამსახურის ძირითადი ამოცანებია:

ა) კომპეტენციის ფარგლებში, კულტურული მემკვიდრეობის ძეგლების (ობიექტების) მდგომარეობის შეფასება, საპროექტო და სარეაბილიტაციო სამუშაოების დაგეგმვა, მომზადება და განხორციელების კოორდინაცია;

ბ) კომპეტენციის ფარგლებში, სააგენტოს მიერ განსახორციელებელი პროექტების ფარგლებში შესრულებული საპროექტო დოკუმენტაციის სისრულის, ხარისხისა და მეთოდოლოგიური გადაწყვეტების შემოწმება;

გ) წინადადებების შემუშავება კულტურული მემკვიდრეობის დაცვის სახელმწიფო პროგრამის ფარგლებში შესაბამისი კულტურული მემკვიდრეობის ძეგლების (ობიექტების) საპროექტო და სარეაბილიტაციო სამუშაოების გათვალისწინების მიზნით;

დ) სააგენტოს შესაბამის სტრუქტურულ ერთეულებთან კოორდინაციით, კულტურული მემკვიდრეობის დაცვის სახელმწიფო პროგრამის ფარგლებში კულტურული მემკვიდრეობის ძეგლების რეაბილიტაციის საშუალოვადიანი და ერთწლიანი ღონისძიებების დაგეგმვა, კოორდინაცია, მონიტორინგი, კონტროლი და შეფასება, კომპეტენციის ფარგლებში პერიოდული ანგარიშებისა და ცვლილებების მომზადება;

ე) სამსახურის დებულებით განსაზღვრული და სამინისტროს მიერ შესაბამისი ადმინისტრაციული ხელშეკრულებით დელეგირებული საქმიანობის ფარგლებში სხვა უფლებამოსილებების განხორციელება.

საქართველოს კულტურის მინისტრის 2025 წლის 19 ივნისის ბრძანება №05/19 - ვებგვერდი, 20.06.2025წ.

ა) არქეოლოგიისა და უძრავი კულტურული მემკვიდრეობის დაცვის სფეროში კვლევითი, საკონსულტაციო, საექსპერტო საქმიანობა;

ბ) სახელოვნებათმცოდნეო კვლევების მომზადება;

გ) უძრავი კულტურული მემკვიდრეობის, მათ შორის, არქეოლოგიური ობიექტების გამოვლენა, იდენტიფიცირება და აღრიცხვა/პასპორტიზაცია;

დ) კომპეტენციის ფარგლებში, არქეოლოგიური კულტურული მემკვიდრეობის ძეგლების (ობიექტების) მოვლა-პატრონობა, ასევე, მათი შესწავლა და პოპულარიზაცია;

ე) კულტურული მემკვიდრეობის, მათ შორის, არქეოლოგიური, ობიექტისათვის კულტურული მემკვიდრეობის უძრავი ძეგლის სტატუსის მინიჭებისა და მოხსნის, ასევე, დაცვის ზონების დადგენის თაობაზე წინადადებების მომზადება;

ვ) კომპეტენციის ფარგლებში, კულტურული მემკვიდრეობის დამცავი ზონებისა და ისტორიულ-კულტურული არეალების ინვენტარიზაცია;

ზ) საჭიროების შემთხვევაში, არქეოლოგიური სამუშაოების წარმოება და შესაბამისი დასკვნების მომზადება;

თ) არქეოლოგიურ სამუშაოებთან დაკავშირებით, სატენდერო დოკუმენტაციის მომზადება;

ი) სამსახურის დებულებით განსაზღვრული და სამინისტროსგან შესაბამისი ადმინისტრაციული ხელშეკრულებით დელეგირებული საქმიანობის ფარგლებში სხვა უფლებამოსილებების განხორციელება.

ა) არამატერიალური კულტურული მემკვიდრეობის დაცვა, მისი სიცოცხლისუნარიანობის შენარჩუნების ხელშეწყობა და პოპულარიზაცია ეროვნულ და საერთაშორისო დონეზე;

ბ) არამატერიალური კულტურული მემკვიდრეობის სამეცნიერო-კვლევითი საქმიანობის, მათ შორის, მათი გამოვლენისა და აღნუსხვის ხელშეწყობა და კოორდინაცია;

გ) არამატერიალური კულტურული მემკვიდრეობის რეესტრის წარმოება და პერიოდული მონიტორინგი;

დ) არამატერიალური კულტურული მემკვიდრეობის ინვენტარიზაციისა და შესაბამისი კვლევების მიზნით ადგილობრივ და საერთაშორისო ორგანიზაციებსა და ინსტიტუტებთან თანამშრომლობა;

ე) სააგენტოს საერთაშორისო თანამშრომლობის განვითარების პროცესების უზრუნველყოფა. სააგენტოს კომპეტენციის ფარგლებში, დარგში მოქმედ საერთაშორისო ორგანიზაციებსა და უცხო ქვეყნების შესაბამის უწყებებთან თანამშრომლობის კოორდინაცია;

ვ) სააგენტოს კომპეტენციის ფარგლებში, იუნესკოსა და ევროპის საბჭოს შესაბამისი კონვენციების, ქარტიების, პროგრამებისა და ინიციატივების აღსრულების ხელშეწყობა;

ზ) არამატერიალური და მატერიალური კულტურული მემკვიდრეობის საერთაშორისო ნუსხებში ახალი ნომინაციების წარდგენის ხელშეწყობა და კოორდინაცია;

თ) სააგენტოს შესაბამის სტრუქტურულ ერთეულებთან კოორდინაციით არამატერიალური და მატერიალური კულტურული მემკვიდრეობის დაცვის მიმართულებით საერთაშორისოდ აღიარებული პრინციპებისა და მიდგომების დანერგვისა და ფართო საზოგადოებაში პოპულარიზაციის უზრუნველყოფა;

ი) სააგენტოს კომპეტენციის ფარგლებში, საერთაშორისო ორგანიზაციების წინაშე საქართველოს მიერ ნაკისრი ვალდებულებების შესრულების თაობაზე ინფორმაციის სისტემატიზაცია და ანგარიშების მომზადების კოორდინაცია;

კ) კულტურული მემკვიდრეობის დაცვის საბჭოს არამატერიალური კულტურული მემკვიდრეობის სექციის სამდივნოს ფუნქციის შესრულება, განსახილველი საკითხების მომზადება და სექციის მიერ მიღებული გადაწყვეტილებების შესრულების კოორდინაცია;

ლ) სააგენტოს კომპეტენციის ფარგლებში, საქართველოს საერთაშორისო ორმხრივი ხელშეკრულებების, შეთანხმებებისა და მემორანდუმების პროექტების შემუშავების პროცესში მონაწილეობა, აღნიშნული აქტების საფუძველზე ნაკისრი ვალდებულებების შესრულების მონიტორინგი და შესაბამისი ინფორმაციის სისტემატიზაცია;

მ) საზღვარგარეთ დარგობრივ საერთაშორისო ღონისძიებებში (კონფერენცია, ფორუმი, სიმპოზიუმი და სხვა) სააგენტოს მონაწილეობის უზრუნველყოფა. გენერალური დირექტორისა და მისი მოადგილეების, სააგენტოს თანამშრომლებისათვის საზღვარგარეთ ოფიციალური ვიზიტების, ასევე, უცხო ქვეყნის დელეგაციებისათვის, საქართველოში მოწვეული საერთაშორისო ექსპერტებისათვის ოფიციალური ვიზიტების დაგეგმვა, პროგრამის შედგენა და აღნიშნულთან დაკავშირებული ღონისძიებების უზრუნველყოფა;

ნ) სამსახურის დებულებით განსაზღვრული და სამინისტროს მიერ შესაბამისი ადმინისტრაციული ხელშეკრულებით დელეგირებული საქმიანობის ფარგლებში სხვა უფლებამოსილებების განხორციელება.

საქართველოს კულტურის მინისტრის 2025 წლის 19 ივნისის ბრძანება №05/19 - ვებგვერდი, 20.06.2025წ.

2. კულტურული მემკვიდრეობის მონიტორინგის სამსახურის ძირითადი ამოცანებია:

ა) კულტურული მემკვიდრეობის ძეგლებზე სარეაბილიტაციო და სხვა სამუშაოების სანებართვო პირობებთან შესაბამისობისა და ხარისხის რეგულარული ინსპექტირება და შესაბამისი რეაგირება;

ბ) არქეოლოგიური სამუშაოების სანებართვო პირობებთან შესაბამისობის ზედამხედველობა და შესაბამისი რეაგირება;

გ) ძეგლზე სამუშაოებისა და არქეოლოგიური სამუშაოების სანებართვო მოწმობების შუალედური და საბოლოო ვადების კონტროლი და ვადის დარღვევის შემთხვევაში შესაბამისი რეაგირება;

დ) ობიექტების ადგილზე შემოწმება და შესაბამისი ანგარიშების მომზადება, სააგენტოს სხვა სტრუქტურულ ერთეულებთან კოორდინაციით, არქეოლოგიური სამუშაოებისა და ძეგლზე ჩატარებული სამუშაოების ჩაბარება;

ე) მონიტორინგის პროცესში გამოვლენილ შეუსაბამობებსა და აღმოჩენილ ხარვეზებზე (მათ შორის, საპროექტო დოკუმენტაციაში, მეთოდოლოგიურ გადაწყვეტაში, სანებართვო დოკუმენტაციაში და სხვ.) სწრაფი რეაგირება და საჭიროების შემთხვევაში, სამუშაოების დაუყოვნებლივ შეჩერების/შეწყვეტის ან/და ნებართვის გაუქმების მოთხოვნით, გენერალური დირექტორისათვის დასაბუთებული შუამდგომლობის წარდგენა;

ვ) სააგენტოს მიერ დაფინანსებული სარეაბილიტაციო სამუშაოების სახელშეკრულებო ვადებისა და პირობების კონტროლი, ხელშეკრულებაში შესატანი ცვლილებების ინიციირება, მიღება-ჩაბარების აქტების მომზადება;

ზ) უნებართვოდ მიმდინარე ძეგლზე სამუშაოებთან და არქეოლოგიურ სამუშაოებთან დაკავშირებით გამოვლენილ ფაქტებზე შესაბამისი რეაგირება;

თ) სამსახურის დებულებით განსაზღვრული და სამინისტროს მიერ შესაბამისი ადმინისტრაციული ხელშეკრულებით დელეგირებული საქმიანობის ფარგლებში სხვა უფლებამოსილებების განხორციელება.

საქართველოს კულტურის მინისტრის 2025 წლის 19 ივნისის ბრძანება №05/19 - ვებგვერდი, 20.06.2025წ.

ა) სააგენტოს ადამიანური რესურსების ეფექტიანი მართვა;

ბ) კომპეტენტური საკადრო რესურსის მოზიდვაზე ზრუნვა, მათი შერჩევა/დაქირავებისა და სტაჟირების პროცესის ორგანიზება და მართვა;

გ) (ამოღებულია - 28.04.2025, №05/07);

დ) (ამოღებულია - 28.04.2025, №05/07);

ე) (ამოღებულია - 28.04.2025, №05/07);

ვ) (ამოღებულია - 28.04.2025, №05/07);

ზ) ოფიციალური და სამუშაო ვიზიტების ორგანიზება, სააგენტოსა და მისი ხელმძღვანელი პირების საქმიანობის საპროტოკოლო უზრუნველყოფა;

თ) კანონმდებლობით დადგენილი წესით საქმისწარმოების (მათ შორის, საიდუმლო საქმისწარმოების) პროცესის წარმართვა და ორგანიზება, ასევე, საარქივო საქმიანობა;

ი) (ამოღებულია - 19.06.2025, №05/19);

ი^​1) (ამოღებულია - 19.06.2025, №05/19);

ი^​2) (ამოღებულია - 28.04.2025, №05/07);

კ) სააგენტოს სისტემის საქმიანობის სამართლებრივი უზრუნველყოფა;

ლ) სააგენტოს კომპეტენციას მიკუთვნებულ საკითხებზე შესაბამისი ინდივიდუალური ადმინისტრაციულ-სამართლებრივი აქტების პროექტების მომზადება, ექსპერტიზა და ვიზირება;

მ) სააგენტოს სახელით მომზადებული დოკუმენტების და სააგენტოს გადაწყვეტილებების კანონმდებლობასთან შესაბამისობის უზრუნველყოფა;

ნ) კომპეტენციის ფარგლებში, სასამართლო დავებზე სააგენტოს წარმომადგენლობის უზრუნველყოფა და სააგენტოს კომპეტენციას მიკუთვნებულ საკითხებთან დაკავშირებული ადმინისტრაციული საჩივრების განხილვა;

ო) საჯარო ინფორმაციის ხელმისაწვდომობის უზრუნველყოფა;

პ) სამსახურის დებულებით განსაზღვრული და სამინისტროსგან შესაბამისი ადმინისტრაციული ხელშეკრულებით დელეგირებული საქმიანობის ფარგლებში სხვა უფლებამოსილებების განხორციელება.

საქართველოს კულტურის, სპორტისა და ახალგაზრდობის მინისტრის 2022 წლის 16 სექტემბრის ბრძანება №05/18 - ვებგვერდი, 19.09.2022წ.

საქართველოს კულტურის მინისტრის 2025 წლის 28 აპრილის ბრძანება №05/07 - ვებგვერდი, 29.04.2025წ.

საქართველოს კულტურის მინისტრის 2025 წლის 19 ივნისის ბრძანება №05/19 - ვებგვერდი, 20.06.2025წ.

ა) ფინანსური მართვისა და კონტროლის სისტემის ადეკვატურობისა და ეფექტიანობის, ფინანსური და სხვა ინფორმაციის სანდოობის, სიზუსტისა და სისრულის შეფასება;

ბ) სააგენტოს წინაშე არსებული რისკების მართვის ხარისხის შეფასება;

გ) აქტივების, სხვა რესურსებისა და ინფორმაციის ადეკვატურად დაცულობის შეფასება;

დ) აუდიტორული შემოწმების შედეგების ანგარიშში ასახვა, ასევე სააგენტოს საქმიანობის ეკონომიურობის, ეფექტიანობისა და პროდუქტიულობის გაზრდის მიზნით რეკომენდაციების შემუშავება;

ე) სააგენტოს საფინანსო-სამეურნეო საქმიანობის შემოწმება, საბიუჯეტო და არასაბიუჯეტო სახსრების განაწილებისა და ხარჯვის კანონიერების კონტროლი, შედეგების შესახებ დასკვნის შედგენა და გენერალური დირექტორისთვის წარდგენა, შიდა აუდიტორული საქმიანობისა და სააგენტოს მდგომარეობის შესახებ გენერალური დირექტორის პერიოდული ინფორმირება;

ვ) მოქალაქეთა განცხადებების, საჩივრებისა და შეტყობინებების, სხვა ნებისმიერი გზით მიღებული ინფორმაციის, ასევე, გენერალური დირექტორის დავალების საფუძველზე, სააგენტოს თანამშრომელთა მიერ სამსახურებრივი დისციპლინის, ეთიკის ნორმებისა და საქმიანობის კანონიერების დაცვის თაობაზე სამსახურებრივი შემოწმების განხორციელება;

ზ) სააგენტოში ინტერესთა კონფლიქტის ფაქტების გამოვლენა და შესაბამისი რეაგირება;

თ) სააგენტოში სამართალდარღვევის ფაქტის, სამსახურებრივი გადაცდომის ან/და სააგენტოს მიზნებთან შეუსაბამო ქმედების პროაქტიული გამოვლენა და შესაბამისი რეაგირება;

ი) სააგენტოს თანამშრომელთა მიერ ტექნიკური და სხვა მატერიალური ფასეულობების მართლზომიერი გამოყენების კონტროლი;

კ) სამსახურებრივი შემოწმების შედეგად დასკვნის შედგენა, საჭირო ღონისძიებების განხორციელება და დისციპლინური პასუხისმგებლობის ზომების გამოყენების თაობაზე გადაწყვეტილების მიღების მიზნით დასკვნის გენერალური დირექტორისათვის წარდგენა;

ლ) გამოვლენილი დისციპლინური გადაცდომების გამომწვევი მიზეზებისა და წინაპირობების შესწავლა/ანალიზი, სათანადო რეკომენდაციების შემუშავება და ხელმძღვანელობისათვის წარდგენა;

მ) სააგენტოს საქმიანობაში შრომის უსაფრთხოების მოთხოვნებისა და გასატარებელი პრევენციული ღონისძიებების ზოგადი პრინციპების შემუშავება, დანერგვა და მონიტორინგი;

ნ) შრომის უსაფრთხოების რისკების იდენტიფიკაცია და რეკომენდაციების შემუშავება მათი თავიდან აცილების მიზნით;

ო) დასაქმებულთა სწავლება, მათთვის ინფორმაციის მიწოდება შრომის უსაფრთხოების საკითხებზე;

პ) სამსახურის დებულებით განსაზღვრული და სამინისტროს მიერ შესაბამისი ადმინისტრაციული ხელშეკრულებით დელეგირებული საქმიანობის ფარგლებში სხვა უფლებამოსილებების განხორციელება.

2. შიდა აუდიტისა და შრომის უსაფრთხოების სამსახური უფლებამოსილია, სააგენტოს სტრუქტურული ერთეულებიდან გამოითხოვოს საჭირო ინფორმაცია და დოკუმენტაცია, გამოკითხოს ცალკეული თანამშრომლები, მოითხოვოს მათგან ახსნა-განმარტებები, ურთიერთობა დაამყაროს მესამე პირებთან, გამოიყენოს კანონით ნებადართული სხვა საშუალებები, რაც აუცილებელია მისთვის განსაზღვრული ფუნქციების ეფექტიანად შესრულებისთვის.

3. შიდა აუდიტისა და შრომის უსაფრთხოების სამსახური ფუნქციურად დამოუკიდებელია და ანგარიშვალდებულია მხოლოდ გენერალური დირექტორის წინაშე. დაუშვებელია შიდა აუდიტისა და შრომის უსაფრთხოების სამსახურის საქმიანობაში ჩარევა ან მასზე სხვაგვარი ზემოქმედება საქმიანობის დაგეგმვის, განხორციელებისა და ანგარიშგების ნებისმიერ ეტაპზე.

საქართველოს კულტურის მინისტრის 2025 წლის 19 ივნისის ბრძანება №05/19 - ვებგვერდი, 20.06.2025წ.

ა) სააგენტოს საბუღალტრო აღრიცხვის ორგანიზება თანამედროვე სტანდარტების შესაბამისად. ყოველკვარტალური და წლიური ბუღალტრული ანგარიშგების მომზადება და წარდგენა. სააგენტოს კონსოლიდირებული ფინანსური ანგარიშგების (ბალანსის) შედგენა და დანიშნულების შესაბამისად წარდგენა;

ბ) სააგენტოს და შესაბამისი სტრუქტურული ერთეულების თანამშრომლების შრომის ანაზღაურების უზრუნველყოფა;

გ) მატერიალური მარაგების ხარჯვის კონტროლი დადგენილი წესისა და დამტკიცებული ლიმიტების გათვალისწინებით;

დ) შესაბამისი დოკუმენტების საფუძველზე საქართველოს ფინანსთა სამინისტროს სახაზინო სამსახურის ელექტრონულ პორტალზე ფინანსური ოპერაციების/ტრანზაქციების წარმოება;

ე) ძირითადი აქტივებისა და მატერიალური მარაგების აღრიცხვა და დამუშავება, აგრეთვე, მიზნობრივი მოხმარება-განკარგვისათვის გადაცემული მატერიალური ფასეულობების აღრიცხვა;

ვ) მკაცრი აღრიცხვის დოკუმენტების მონიტორინგი და მართვა;

ზ) სააგენტოს საშუალოვადიანი და გრძელვადიანი ფინანსური პროექტების დაგეგმვა და საპროგნოზო მაჩვენებლების მომზადება;

თ) სააგენტოს ბიუჯეტიდან გამოყოფილი ასიგნებების და საკუთარი შემოსავლების მართვა, ეკონომიკური კლასიფიკაციის მუხლების შესაბამისად განაწილება და შესრულების კონტროლი, დამტკიცებული ბიუჯეტის შესრულების კვარტალური და წლიური ანგარიშის მომზადება/წარდგენა, ბიუჯეტის კორექტირების მიზნით შესაბამისი წინადადების მომზადება და განხორციელება;

ი) სააგენტოს ყოველწლიური ბიუჯეტის ფორმირების მიზნით საჭირო ინფორმაციის შეგროვება, პროგნოზირება, ეკონომიკური კლასიფიკაციის მუხლების შესაბამისად ფინანსური გეგმის შედგენა, ბიუჯეტის პროექტის მომზადება და დასამტკიცებლად წარდგენა;

კ) სახელმწიფო შესყიდვების გეგმის მომზადებასა და კორექტირებაში ჩართულობა, საბიუჯეტო ეკონომიკური კლასიფიკაციის მუხლების სწორი გადანაწილების უზრუნველყოფის მიზნით;

ლ) სააგენტოს ქონების მოთხოვნებისა და ვალდებულებების ყოველწლიური სავალდებულო ინვენტარიზაციის დაგეგმვა და მონაწილეობის მიღება;

მ) სააგენტოში ფინანსური დოკუმენტაციის მომზადებაში მონაწილეობის მიღება და კომპეტენციის ფარგლებში მართვა;

ნ) კომპეტენციის ფარგლებში, სააგენტოში შემოსული კორესპონდენციის განხილვა, სამსახურის დებულებით განსაზღვრული და სამინისტროს მიერ შესაბამისი ადმინისტრაციული ხელშეკრულებით დელეგირებული საქმიანობის ფარგლებში სხვა უფლებამოსილებების განხორციელება;

ო) სამსახურის დებულებით განსაზღვრული და სამინისტროს მიერ შესაბამისი ადმინისტრაციული ხელშეკრულებით დელეგირებული საქმიანობის ფარგლებში სხვა უფლებამოსილებების განხორციელება.

საქართველოს კულტურის მინისტრის 2025 წლის 19 ივნისის ბრძანება №05/19 - ვებგვერდი, 20.06.2025წ.

შესყიდვების სამსახურის ძირითადი ამოცანებია:

ა) მოქმედი კანონმდებლობის შესაბამისად სახელმწიფო შესყიდვების განხორციელება;

ბ) დადგენილი წესით სახელმწიფო შესყიდვების გეგმის შედგენა, დამტკიცება და კორექტირება, სსიპ – სახელმწიფო შესყიდვების სააგენტოს ელექტრონულ პლატფორმაზე განთავსება;

გ) წლიური სახელმწიფო შესყიდვის გეგმის შემუშავების მიზნით სააგენტოს ცენტრალური აპარატის, ასევე, შესაბამისი სტრუქტურული ერთეულების მოთხოვნის საფუძველზე, მატერიალურ-ტექნიკური უზრუნველყოფის წლიური სავარაუდო საპროგნოზო მოცულობების განსაზღვრა;

დ) სააგენტოს ფინანსური აღრიცხვის სამსახურთან კოორდინაციით, საბიუჯეტო ეკონომიკური კლასიფიკაციის მუხლების სწორი გადანაწილების უზრუნველყოფის მიზნით წლიური სახელმწიფო შესყიდვის გეგმის შემუშავება და კორექტირება;

ე) სახელმწიფო შესყიდვების პროცედურების განხორციელება, მათ შორის, მოსამზადებელი სამუშაოების ჩატარება, სავარაუდო ფასების განსაზღვრა, შესყიდვის საშუალების შერჩევა და შესაბამისი დოკუმენტაციის შედგენა;

ვ) სახელმწიფო შესყიდვებთან დაკავშირებული ხელშეკრულებისა და საჭიროების შემთხვევაში, მათში განსახორციელებელი ცვლილებების პროექტების მომზადება, გაფორმებული ხელშეკრულების მონიტორინგი და შესრულების კონტროლი, ასევე, დადგენილი ფორმით და ვადებში სახელმწიფო შესყიდვების შესახებ შესაბამისი ანგარიშების მომზადება და წარდგენა;

ზ) სატენდერო პროცედურების წარმართვა, სატენდერო დოკუმენტაციისა და წინადადებების დადგენილი წესით და ვადებში სსიპ – სახელმწიფო შესყიდვების სააგენტოს ელექტრონულ პლატფორმაზე ატვირთვა;

თ) სააგენტოში ფინანსური დოკუმენტაციის მომზადებაში მონაწილეობის მიღება, სახელმწიფო შესყიდვების გეგმის მიღმა ხელშეკრულებების გაფორმება და მართვა;

ი) კომპეტენციის ფარგლებში, სააგენტოში შემოსული კორესპონდენციის განხილვა, სამსახურის დებულებით განსაზღვრული და სამინისტროს მიერ შესაბამისი ადმინისტრაციული ხელშეკრულებით დელეგირებული საქმიანობის ფარგლებში სხვა უფლებამოსილებების განხორციელება;

კ) სამსახურის დებულებით განსაზღვრული და სამინისტროს მიერ შესაბამისი ადმინისტრაციული ხელშეკრულებით დელეგირებული საქმიანობის ფარგლებში სხვა უფლებამოსილებების განხორციელება.

საქართველოს კულტურის მინისტრის 2025 წლის 19 ივნისის ბრძანება №05/19 - ვებგვერდი, 20.06.2025წ.

ლოგისტიკის სამსახურის ძირითადი ამოცანებია:

ა) სააგენტოს ბალანსზე რიცხული მატერიალურ-ტექნიკური ბაზის დაცვის, შენახვისა და მოვლა-პატრონობის, მათი გამართული ფუნქციონირების უზრუნველყოფა;

ბ) სასაწყობე მეურნეობის სწორად წარმართვის ორგანიზება და სასაწყობე მარაგების შევსების მიზნით წინადადებების შემუშავება;

გ) სააგენტოს სტრუქტურული ერთეულების ყველა საჭირო საქონლითა და ინვენტარით, სამუშაო პირობებით უზრუნველყოფა;

დ) მატერიალური მარაგების ხარჯვის კონტროლი, დადგენილი წესისა და დამტკიცებული ლიმიტების გათვალისწინებით;

ე) სააგენტოს ბალანსზე რიცხული ავტოსატრანსპორტო საშუალებების ექსპლუატაციის კონტროლი, მათი ტექნიკური გამართულობისა და სათანადო მომსახურებით უზრუნველყოფა;

ვ) სააგენტოს ბალანსზე რიცხული მატერიალური ფასეულობების ინვენტარიზაციის პროცესის დაგეგმვასა და მის განხორციელებაში მონაწილეობის მიღება;

ზ) კომპიუტერული ტექნიკის, ვიდეოსამეთვალყურეო სისტემისა და ქსელის გამართული ფუნქციონირების უზრუნველყოფა;

თ) კომპეტენციის ფარგლებში, სააგენტოში შემოსული კორესპონდენციის განხილვა, სამსახურის დებულებით განსაზღვრული და სამინისტროს მიერ შესაბამისი ადმინისტრაციული ხელშეკრულებით დელეგირებული საქმიანობის ფარგლებში სხვა უფლებამოსილებების განხორციელებას;

ი) სამსახურის დებულებით განსაზღვრული და სამინისტროს მიერ შესაბამისი ადმინისტრაციული ხელშეკრულებით დელეგირებული საქმიანობის ფარგლებში სხვა უფლებამოსილებების განხორციელება.

საქართველოს კულტურის მინისტრის 2025 წლის 19 ივნისის ბრძანება №05/19 - ვებგვერდი, 20.06.2025წ.

ა) თანამედროვე საინფორმაციო-საკომუნიკაციო ტექნოლოგიების დანერგვა, ინფორმაციული ტექნოლოგიებისა და კომუნიკაციების საშუალებით სააგენტოს გამართული ფუნქციონირების ხელშეწყობა;

ბ) პროგრამული ხარვეზების/ინციდენტების გამოვლენა და მათი აღმოფხვრის მიზნით შესაბამისი რეაგირება;

გ) კულტურული მემკვიდრეობის ძეგლების საინფორმაციო სივრცის ჩამოყალიბება, მონაცემთა დამუშავება, საინფორმაციო სივრცეში განთავსება, შესაბამისი ბაზების განვითარება და მართვა;

დ) კულტურული მემკვიდრეობის მონაცემთა მართვის „გეოსაინფორმაციო სისტემის“ და „გის“ პორტალის მართვა, განვითარება და სტრუქტურულ-ფუნქციური განახლება, მონაცემთა განახლების პროცესის კოორდინირება;

ე) სააგენტოს კულტურული მემკვიდრეობის მასალათა საცავში არსებული დოკუმენტაციის გრაფიკული და ტექსტური მასალის დიგიტალიზაცია და დამუშავება, დიგიტალიზირებული მასალის სისტემატიზაცია და მონაცემთა ბაზაში შეტანა, საცავის მონაცემთა ბაზიდან მომხმარებელთა მოთხოვნით დოკუმენტაციის გაცემა ელექტრონულ ფორმატში;

ვ) კომპეტენციის ფარგლებში, კულტურული მემკვიდრეობის ძეგლის/ობიექტის ადგილმდებარეობისა და საზღვრების დაზუსტება და შესაბამისი ტოპოგრაფიული მასალის მომზადება;

ზ) სამსახურის დებულებით განსაზღვრული და სამინისტროს მიერ შესაბამისი ადმინისტრაციული ხელშეკრულებით დელეგირებული საქმიანობის ფარგლებში სხვა უფლებამოსილებების განხორციელება.

საქართველოს კულტურის მინისტრის 2025 წლის 19 ივნისის ბრძანება №05/19 - ვებგვერდი, 20.06.2025წ.

ა) სააგენტოს სტრუქტურაში შემავალი მუზეუმებისა და მუზეუმ-ნაკრძალების საქმიანობის საერთო კოორდინაცია;

ბ) სააგენტოს სტრუქტურაში შემავალი მუზეუმებისა და მუზეუმ-ნაკრძალების საგამოფენო და საექსპოზიციო საქმიანობის ხელშეწყობა, საჭირო კონცეფციების შემუშავებისა და განხორციელების კოორდინაცია;

გ) სააგენტოს სტრუქტურაში შემავალი მუზეუმებისა და მუზეუმ-ნაკრძალების საჭიროებებისა და განვითარების პერსპექტივების გათვალისწინებით, საჭირო ინფორმაციის მოძიება, დამუშავება და სააგენტოს ხელმძღვანელობისთვის შესაბამისი წინადადებების წარდგენა;

დ) სააგენტოს სტრუქტურაში შემავალი მუზეუმებისა და მუზეუმ-ნაკრძალების ინფრასტრუქტურის განვითარებისათვის აუცილებელი წინადადებების შემუშავება;

ე) სააგენტოს სტრუქტურაში შემავალ მუზეუმებსა და მუზეუმ-ნაკრძალებში დაცული მოძრავი კულტურული ფასეულობების ინვენტარიზაციისა და კულტურული მემკვიდრეობის გამოვლენის კოორდინაცია;

ვ) სააგენტოს სტრუქტურაში შემავალ მუზეუმებსა და მუზეუმ-ნაკრძალების, ასევე, მათთან დაცული კოლექციების პოპულარიზაციის მიზნით წინადადებების შემუშავება;

ზ) კომპეტენციის ფარგლებში, ობიექტებისათვის კულტურული მემკვიდრეობის მოძრავი ძეგლის სტატუსის მინიჭებასთან დაკავშირებით წინადადებების შემუშავება;

თ) სამსახურის დებულებით განსაზღვრული და სამინისტროს მიერ შესაბამისი ადმინისტრაციული ხელშეკრულებით დელეგირებული საქმიანობის ფარგლებში სხვა უფლებამოსილებების განხორციელება.

საქართველოს კულტურის მინისტრის 2025 წლის 19 ივნისის ბრძანება №05/19 - ვებგვერდი, 20.06.2025წ.

ა) სააგენტოს კომპეტენციას მიკუთვნებული საქმიანობის განხორციელების თაობაზე საზოგადოების ინფორმირება, საინფორმაციო მხარდაჭერის უზრუნველყოფა და აღნიშნული პროცესების მართვა;

ბ) სააგენტოს ოფიციალური ვებგვერდისა და სოციალურ ქსელებში სააგენტოს სხვა ოფიციალური გვერდების მართვა;

გ) სააგენტოს მიერ ჩასატარებელი სხვადასხვა ღონისძიებების დაგეგმვა/ორგანიზება;

დ) სააგენტოს საგამომცემლო საქმიანობის უზრუნველყოფა;

ე) კულტურული მემკვიდრეობის შესახებ ცნობიერების ამაღლებისა და პოპულარიზაციის მიზნით საკომუნიკაციო სტრატეგიის შემუშავება და განხორციელება;

ვ) კულტურული მემკვიდრეობის პოპულარიზაციასთან დაკავშირებული შემეცნებითი, სარეკლამო-საინფორმაციო პროდუქციის (ბეჭდვითი, ვიდეო, ციფრული და ა.შ.) მომზადება, მომზადების კოორდინაცია და გავრცელება;

ზ) სააგენტოს საქმიანობის შესახებ საინფორმაციო მასალების მომზადება და ინფორმაციის გაშუქება (სააგენტოს საინფორმაციო არხებზე განთავსება/მედიით გავრცელება);

თ) საქართველოს კულტურული მემკვიდრეობის პოტენციალის წარმოჩენისა და პოპულარიზაციის მიზნით სააგენტოს მონაწილეობის უზრუნველყოფა საქართველოს ფარგლებს გარეთ მოწყობილ გამოფენებსა და ღონისძიებებში; 

ი) სააგენტოს მუზეუმებისა და მუზეუმ-ნაკრძალების მარკეტინგული სტრატეგიის შემუშავება;

კ) სააგენტოს მუზეუმებისა და მუზეუმ-ნაკრძალების მასობრივი ინფორმაციის საშუალებებთან თანამშრომლობის ხელშეწყობა და კოორდინაცია;

ლ) სამსახურის დებულებით განსაზღვრული და სამინისტროსგან შესაბამისი ადმინისტრაციული ხელშეკრულებით დელეგირებული საქმიანობის ფარგლებში სხვა უფლებამოსილებების განხორციელება.

საქართველოს კულტურის მინისტრის 2025 წლის 28 აპრილის ბრძანება №05/07 - ვებგვერდი, 29.04.2025წ.

2. თანამშრომელს, რომელიც სააგენტოს სახელით შეიმუშავებს, ან განახორციელებს პროექტს სააგენტოს მიერ განსახორციელებელი სარეაბილიტაციო და სხვა სახის სამუშაოების ფარგლებში, არ აქვს უფლება, მოითხოვოს მესამე პირებისაგან რაიმე ტიპის ანაზღაურება.

3. თანამშრომელს არ აქვს უფლება, სამსახურებრივი უფლებამოსილება ან მასთან დაკავშირებული შესაძლებლობა გამოიყენოს სააგენტოს ინტერესების საწინააღმდეგოდ ან თავისი კერძო საქმიანობის მიზნებისათვის ან კიდევ ისეთი კერძო საკითხის გადასაწყვეტად, რომელიც მის სამსახურებრივ უფლებამოსილებას არ განეკუთვნება.

4. (ამოღებულია - 19.06.2025, №05/19).

5. მინისტრის ბრძანებით დამტკიცებული წესის შესაბამისად, სააგენტოში სტაჟიორები შეირჩევიან მხოლოდ კონკურსის საფუძველზე.

საქართველოს კულტურის მინისტრის 2025 წლის 19 ივნისის ბრძანება №05/19 - ვებგვერდი, 20.06.2025წ.

2. სააგენტოს ფინანსებსა და ქონებას, საქართველოს კანონმდებლობის შესაბამისად, განაგებს სააგენტოს გენერალური დირექტორი.

3. სახელმწიფო კონტროლის განმახორციელებელი ორგანოს თანხმობით, სააგენტოს შეუძლია განახორციელოს შემდეგი ქმედებები:

ა) უძრავი ქონების შეძენა, გასხვისება და დატვირთვა;

ბ) სესხის აღება;

გ) თავდებობა;

დ) სხვა გადაწყვეტილებები სააგენტოს ქონებასთან დაკავშირებით, თუ ისინი სცილდება ჩვეულებრივი საქმიანობის ფარგლებს.

4. სახელმწიფო კონტროლის განმახორციელებელი ორგანოს უარი ამ მუხლის მე-3 პუნქტით განსაზღვრული ქმედებების განხორციელებაზე შეიძლება გასაჩივრდეს სასამართლოში.

5. ამ მუხლის მე-3 პუნქტის „ბ“ და „გ“ ქვეპუნქტებით გათვალისწინებულ ქმედებათა განსახორციელებლად, აუცილებელია საქართველოს ფინანსთა სამინისტროს თანხმობა.

საქართველოს კულტურის მინისტრის 2025 წლის 19 ივნისის ბრძანება №05/19 - ვებგვერდი, 20.06.2025წ.

ა) შესაბამისი ბიუჯეტიდან გამოყოფილი მიზნობრივი სახსრები;

ბ) სააგენტოს მიერ მომსახურების გაწევით მიღებული შემოსავლები;

გ) მუზეუმებისა და მუზეუმ-ნაკრძალებიდან მიღებული შემოსავლები;

დ) გრანტებით მიღებული შემოსავლები;

ე) ხელშეკრულების საფუძველზე შესრულებული სამუშაოდან მიღებული შემოსავალი;

ვ) შემოწირულობები;

ზ) საქართველოს კანონმდებლობით ნებადართული სხვა შემოსავლები.

2. სააგენტოს ყველა შემოსავალი და ხარჯი აისახება მის ანგარიშგებაში.

3. სააგენტოს შემოსული სახსრები და შემოსავლები მთლიანად ხმარდება სააგენტოს მიზნებისა და ფუნქციების განხორციელებას.

4. სამინისტროსთან შეთანხმებით, სააგენტოს სახსრები და შემოსავლები შეიძლება გამოყენებულ იქნეს სამინისტროს მმართველობის სფეროში მოქმედი სხვა საჯარო სამართლის იურიდიული პირის მიერ განსახორციელებელი პროექტის დასაფინანსებლად, თუ ეს პროექტი შეესაბამება სააგენტოს მიზნებსა და ამოცანებს.

5. სააგენტო უფლებამოსილია, სამინისტროსთან შეთანხმებით, სააგენტოს მიზნებისა და ფუნქციების გათვალისწინებით, საკუთარი სახსრები გადასცეს შესაბამის საჯარო სამართლის იურიდიულ პირს ან მის მიერ დაფუძნებულ არასამეწარმეო (არაკომერციული) იურიდიულ პირს.

საქართველოს კულტურის, სპორტისა და ახალგაზრდობის მინისტრის 2023 წლის 20 მარტის ბრძანება №05/26 - ვებგვერდი, 20.03.2023წ.

2. სააგენტოს ლიკვიდაციის შედეგად დარჩენილი ქონება გადადის სახელმწიფო საკუთრებაში.

2. ეს დებულება, გარდა მე-2 მუხლის „ზ“ ქვეპუნქტისა და 21-ე მუხლის მე-4 პუნქტისა, ამოქმედდეს 2022 წლის 15 იანვრიდან. 

3. ამ დებულების მე-2 მუხლის „ზ“ ქვეპუნქტი და 21-ე მუხლის მე-4 პუნქტი ამოქმედდეს 2022 წლის 1 მაისიდან.

საქართველოს კულტურის, სპორტისა და ახალგაზრდობის მინისტრის 2021 წლის 25 დეკემბრის ბრძანება №05/25 - ვებგვერდი, 25.12.2021წ.

საქართველოს კულტურის, სპორტისა და ახალგაზრდობის მინისტრის 2022 წლის 4 იანვრის ბრძანება №05/01 - ვებგვერდი, 04.01.2022წ.