,,საჯარო სამართლის იურიდიული პირის – უმაღლესი საგანმანათლებლო დაწესებულების – ,,ქ. გორის სულხან ცინცაძის სახელობის სამუსიკო კოლეჯის“ დაფუძნების შესახებ“

საქართველოს მთავრობის

დადგენილება №83

2009 წლის 14 აპრილი

ქ. თბილისი

საჯარო სამართლის იურიდიული პირის – უმაღლესი საგანმანათლებლო დაწესებულების – ,,ქ. გორის სულხან ცინცაძის სახელობის სამუსიკო კოლეჯის“ დაფუძნების შესახებ

მუხლი 1. ,,უმაღლესი განათლების შესახებ“ საქართველოს კანონის მე-8 მუხლის ,,ა“ ქვეპუნქტის, მე-11 მუხლის, 86-ე მუხლის, ,,პროფესიული განათლების შესახებ“ საქართველოს კანონის მე-40 მუხლის მე-4 და მე-5 პუნქტებისა და ,,საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის საფუძველზე:

1. დაფუძნდეს უმაღლესი საგანმანათლებლო დაწესებულება – ,,ქ. გორის სულხან ცინცაძის სახელობის სამუსიკო კოლეჯი“ საჯარო სამართლის იურიდიულ პირად.

2. საჯარო სამართლის იურიდიული პირი – უმაღლესი საგანმანათლებლო დაწესებულება – ,,ქ. გორის სულხან ცინცაძის სახელობის სამუსიკო კოლეჯი“ შექმნილია საჯარო სამართლის იურიდიული პირის – საშუალო პროფესიული სახელოვნებო საგანმანათლებლო დაწესებულების – ,,ქ. გორის სულხან ცინცაძის სახელობის ხელოვნების კოლეჯის“ ბაზაზე და წარმოადგენს მის უფლებამონაცვლეს.

3. ეთხოვოს საქართველოს პრეზიდენტს, საქართველოს კულტურის, ძეგლთა დაცვისა და სპორტის სამინისტროს წარდგინებით  უმაღლესი საგანმანათლებლო დაწესებულების – ,,ქ. გორის სულხან ცინცაძის სახელობის სამუსიკო კოლეჯის“ მართვის ორგანოების კანონმდებლობით დადგენილი წესით არჩევამდე დანიშნოს საჯარო სამართლის იურიდიული პირის – უმაღლესი საგანმანათლებლო დაწესებულების – ,,ქ. გორის სულხან ცინცაძის სახელობის სამუსიკო კოლეჯის“ რექტორის მოვალეობის დროებით შემსრულებელი.

4. საქართველოს კულტურის, ძეგლთა დაცვისა და სპორტის სამინისტრომ ,,უმაღლესი განათლების შესახებ“ საქართველოს კანონის შესაბამისად უზრუნველყოს საჯარო სამართლის იურიდიული პირის – უმაღლესი საგანმანათლებლო დაწესებულების – ,,ქ. გორის სულხან ცინცაძის სახელობის სამუსიკო კოლეჯის“ წესდების დამტკიცება და კანონმდებლობით განსაზღვრული სხვა ღონისძიებების განხორციელება.

5. საქართველოს ეკონომიკური განვითარების სამინისტრომ უზრუნველყოს საჯარო სამართლის იურიდიული პირის – უმაღლესი საგანმანათლებლო დაწესებულების – ,,ქ. გორის სულხან ცინცაძის სახელობის სამუსიკო კოლეჯისათვის“ შესაბამისი ქონების კანონმდებლობით დადგენილი წესით გადაცემა.

6. მართვის ორგანოების არჩევამდე საჯარო სამართლის იურიდიული პირის – უმაღლესი საგანმანათლებლო დაწესებულების – ქ. გორის სულხან ცინცაძის სახელობის სამუსიკო კოლეჯის რექტორის მოვალეობის შემსრულებელი:

ა) უმაღლესი საგანმანათლებლო დაწესებულების უმაღლესი თანამდებობის პირია, რომელიც წარმართავს დაწესებულების საქმიანობას, წარმოადგენს დაწესებულებას სხვა ფიზიკურ და იურიდიულ პირებთან ურთიერთობაში და მოქმედებს დაწესებულების სახელით;

ბ) შეიმუშავებს და ამტკიცებს უმაღლესი საგანმანათლებლო დაწესებულების განვითარების სტრატეგიულ გეგმას;

გ) ხელს უწყობს უმაღლესი განათლების ევროპულ სივრცეში ინტეგრაციას, სასწავლო გეგმებისა და პროგრამების უმაღლეს საგანმანათლებლო დაწესებულებებს შორის თანამშრომლობის, მობილური და ინტეგრირებული სწავლების, სამეცნიერო კვლევების პროგრამების შექმნას;

დ) ხელმძღვანელობს უმაღლესი საგანმანათლებლო დაწესებულების ადმინისტრაციას;

ე) ამტკიცებს უმაღლესი საგანმანათლებლო დაწესებულების სტრუქტურას;

ვ) საქართველოს კანონმდებლობით დადგენილი წესით ამტკიცებს უმაღლესი საგანმანათლებლო დაწესებულების საშტატო ნუსხას;

ზ) საქართველოს კანონმდებლობით დადგენილი წესით სამსახურში იღებს და ათავისუფლებს მუშაკებს;

თ) საქართველოს კანონმდებლობით დადგენილი წესით ამტკიცებს აკადემიური, ადმინისტრაციული და დამხმარე პერსონალის სამსახურში მიღების ერთიან წესს, შრომის ანაზღაურების ოდენობასა და პირობებს;

ი) განსაზღვრავს პროფესორის პედაგოგიური დატვირთვის ზღვრულ ოდენობას;

კ) შეიმუშავებს და ამტკიცებს უმაღლესი საგანმანათლებლო დაწესებულების ბიუჯეტს;

ლ) საქართველოს კანონმდებლობით დადგენილი წესით განკარგავს უმაღლესი საგანმანათლებლო დაწესებულების ფინანსებსა და ქონებას;

მ) უფლებამოსილია, საქართველოს კანონმდებლობით დადგენილი წესით, უმაღლესი საგანმანათლებლო დაწესებულების სახელით, უმაღლესი საგანმანათლებლო დაწესებულების ბიუჯეტის შესაბამისად დადოს გარიგებები;

ნ) სასწავლო წლის დასაწყისში ამტკიცებს კოეფიციენტებს ერთიანი ეროვნული გამოცდებისათვის, აგრეთვე მისაღებ სტუდენტთა რაოდენობას;

ო) ამტკიცებს სასწავლო და სამეცნიერო-კვლევითი მუშაობის შეფასების წესს;

პ) ნიშნავს უმაღლესი საგანმანათლებლო დაწესებულების ბიბლიოთეკის ხელმძღვანელებს;

ჟ) ამტკიცებს სასწავლო, კვლევითი და შემოქმედებითი საქმიანობის ძირითად მიმართულებებს;

რ) ამტკიცებს ერთიანი ეროვნული გამოცდების გარეშე დაწესებულებაში მისაღები უცხო ქვეყნის მოქალაქეთათვის გამოყოფილი ადგილების რაოდენობას;

ს) „უმაღლესი განათლების შესახებ“ საქართველოს კანონის შესაბამისად ადგენს საგანმანათლებლო პროგრამების საფასურის ოდენობის ჩამონათვალს;

ტ) ამტკიცებს სასწავლო და სამეცნიერო-კვლევით პროგრამებს;

უ) „უმაღლესი განათლების შესახებ“ საქართველოს კანონით დადგენილი წესის შესაბამისად ამტკიცებს პროფესორ-მასწავლებელთა აკადემიურ თანამდებობებზე აყვანის წესს;

ფ) თავისი კომპეტენციის ფარგლებში გამოსცემს ინდივიდუალურ ადმინისტრაციულ-სამართლებრივ აქტებს;

ქ) პასუხისმგებელია უმაღლესი განათლების სფეროში მოქმედი ნორმატიული აქტების შესრულებისათვის;

ღ) პასუხისმგებელია უმაღლესი საგანმანათლებლო დაწესებულების ფინანსური და ეკონომიკური საქმიანობის კანონიერებისა და ეფექტიანობისათვის;

ყ) უფლებამოსილია, საკუთარი კომპეტენციის ფარგლებში, შექმნას კომისიები და საბჭოები სათათბირო უფლებით და განსაზღვროს მათი უფლება-მოვალეობანი და საქმიანობის წესი;

შ) ამტკიცებს სტუდენტური თვითმმართველობის პირველი არჩევნების ჩატარების დებულებას და უზრუნველყოფს სტუდენტური თვითმმართველობის პირველი არჩევნების ჩატარებას;

ჩ) ახორციელებს საქართველოს კანონმდებლობით მინიჭებულ სხვა უფლებამოსილებებს.

საქართველოს მთავრობის 2010 წლის 11 მაისის დადგენილება №134 - სსმ III, №54, 13.05.2010წ., მუხ.834

მუხლი 2. დადგენილება ამოქმედდეს გამოქვეყნებისთანავე.

პრემიერ-მინისტრი            ნ. გილაური

შეტანილი ცვლილებები:

1. საქართველოს მთავრობის 2010 წლის 11 მაისის დადგენილება №134 - სსმ III, №54, 13.05.2010წ., მუხ.834

Annotate