ქალაქ თბილისის მუნიციპალიტეტის ტერიტორიაზე ავარიული მრავალბინიანი საცხოვრებელი სახლების ჩანაცვლების წესის დამტკიცების შესახებ

2. წესის მიზანია დედაქალაქის ტერიტორიაზე:

ა) ავარიული მრავალბინიანი საცხოვრებელი სახლების ჩანაცვლება ახალი და მდგრადი შენობა-ნაგებობებით;

ბ) ადამიანის სიცოცხლისა და ჯანმრთელობისთვის უსაფრთხო ქალაქთმშენებლობის უზრუნველყოფა;

გ) დედაქალაქის იერსახეზე ზრუნვა.

3. წესის განხორციელების საფუძველია, მათ შორის, ქალაქ თბილისის მუნიციპალიტეტის წლიური ბიუჯეტით გათვალისწინებული „ავარიული სახლების ჩანაცვლების“ პროგრამა/ქვეპროგრამა (პროგრამის/ქვეპროგრამის კოდი 02.12)

4. ეს წესი არ ვრცელდება „კულტურული მემკვიდრეობის შესახებ“ საქართველოს კანონით განსაზღვრულ უძრავ ძეგლზე.

ა) ავარიული სახლი – მრავალბინიანი საცხოვრებელი სახლი ან მრავალბინიანი საცხოვრებელი ფუნქციის შემცველი შენობა-ნაგებობა, მათ შორის ე.წ. ბარაკები, რომელთა ავარიულობის ხარისხი არის V, IV ან III კატეგორია და უშუალო საფრთხეს უქმნის ადამიანის სიცოცხლეს ან/და ჯანმრთელობას და ექვემდებარება დემონტაჟს ან უკვე დემონტირებულია;

ბ) ბარაკი – მარტივი კონსტრუქციის ერთსართულიანი დროებითი ნაგებობა;

გ) დაინტერესებული პირები – ავარიული სახლის ყველა მესაკუთრე/ბინათმესაკუთრეთა ამხანაგობის ყველა წევრი;

დ) ნაგებობა – სამშენებლო მასალებისა და ნაკეთობებისგან შექმნილი კონსტრუქციული სისტემა, რომელიც გრუნტთან უძრავადაა დაკავშირებული;

ე) შენობა – ნაგებობა, რომელიც ქმნის გადახურულ სივრცეს და შემოსაზღვრულია კედლებით ან/და სხვა შემომზღუდავი კონსტრუქციებით;

ვ) ავარიული სახლის ჩანაცვლება – ავარიული სახლის დემონტაჟი და მის ადგილას ახალი და მდგრადი შენობა-ნაგებობის განთავსება ან/და საზოგადოებრივი სივრცის მოწყობა, ისე რომ დაცული იქნას დაინტერესებული პირების საკუთრების უფლება და სხვა კანონიერი ინტერესები;

ზ) რემონტი –  ამ წესის მე-11 მუხლის შესაბამისად განხორციელებული სამუშაოები;

თ) პროექტის განმახორციელებელი – ქალაქ თბილისის მუნიციპალიტეტის არასამეწარმეო (არაკომერციული) იურიდიული პირი ,,თბილისის განვითარების ფონდი“ (ს/ნ 404384974).

2. ავარიული სახლების ჩანაცვლებისას მშენებლობას განახორციელებს პროექტის განმახორციელებლის მიერ სახელმწიფო შესყიდვის საშუალებით შერჩეული შესაბამისი პირ(ებ)ი.

3. ავარიული სახლის ჩანაცვლების შედეგად წარმოშობილი ქალაქ თბილისის მუნიციპალიტეტის საკუთრებად აღრიცხული უძრავი ქონების განკარგვას, პროექტის განმახორციელებლის წერილობითი მიმართვის შემდეგ, კანონმდებლობით განსაზღვრული წესის შესაბამისად, უზრუნველყოფს ქ. თბილისის მუნიციპალიტეტის საჯარო სამართლის იურიდიული პირი –  ქონების მართვის სააგენტო, მოქმედი კანონმდებლობის შესაბამისად.

ქალაქ თბილისის მუნიციპალიტეტის საკრებულოს 2022 წლის 9 აგვისტოს დადგენილება №13-77 - ვებგვერდი, 10.08.2022 წ.

ა) შენობა-ნაგებობა არის ავარიული და ავარიულობის ხარისხი მიეკუთვნება V, IV ან III კატეგორიას;

ბ) შენობა-ნაგებობის ჩანაცვლებაზე არსებობს დაინტერესებული პირების თანხმობა და წარმოდგენილია განცხადება ამ წესის მე-6 მუხლის შესაბამისად.

2. ქალაქ თბილისის მუნიციპალიტეტის მთავრობის თანხმობით, პროექტის განმახორციელებელი უფლებამოსილია ავარიული სახლის ჩანაცვლების საკითხი სხვა მიწის ნაკვეთზე განიხილოს დაინტერესებულ პირთა სრული თანხმობის გარეშე.

3. ამ მუხლის მე-2 პუნქტის შესაბამისად განხორციელებული მშენებლობის შედეგად წარმოშობილი ფართები გამოყენებული იქნება მხოლოდ ამავე მშენებლობის განხორციელების და ავარიული საცხოვრებელი სახლების მესაკუთრეთა დაკმაყოფილების მიზნით.

4. დაინტერესებული პირების თანხმობა არ იქნება მიჩნეული არასრულად, თუ მას არ ახლავს საჯარო რეესტრის ეროვნული სააგენტოს ტექნიკური აღრიცხვის არქივში საკუთრების უფლების დამადასტურებელი დოკუმენტის – პრივატიზაციის ხელშეკრულების მხარედ აღრიცხული იმ პირის წერილობითი ნება, რომელიც არაიდენტიფიცირებადი სუბიექტია.

5. ავარიულ სახლში საჯარო რეესტრში რეგისტრირებული მესაკუთრის ან ტექნიკური აღრიცხვის არქივში საკუთრების უფლების დამადასტურებელი დოკუმენტის – პრივატიზაციის ხელშეკრულების მხარედ აღრიცხული პირის გარდაცვალებისას, კანონით დადგენილი წესით სამკვიდრო მოწმობის გაცემამდე, დასაშვებია  სამკვიდროს მმართველმა გამოხატოს ნება ავარიული მრავალბინიანი საცხოვრებელი სახლის ჩანაცვლების პროექტში მონაწილეობასთან დაკავშირებულ საკითხებზე.

2. განცხადებას თან უნდა დაერთოს:

ა) დაინტერესებული პირების წერილობითი თანხმობა ავარიული სახლის ჩანაცვლების თაობაზე. ამასთან, თუ დაინტერესებულ პირთაგან რომელიმე სახელმწიფო ან მუნიციპალიტეტია, მათი თანხმობა სავალდებულო არ არის;

ბ) ინფორმაცია შესაბამისი მიწის ნაკვეთის საკადასტრო კოდის, ფართობისა და მდებარეობის შესახებ;

გ) შენობა-ნაგებობის ამსახველი ფოტოები.

3. განცხადების მიღების შემდეგ, პროექტის განმახორციელებელი დაინტერესებული პირების ჩართულობით აზუსტებს შემდეგ ინფორმაციას:

ა) დაინტერესებული პირები წარმოადგენენ ჩასანაცვლებელ ავარიული სახლის მესაკუთრეებს;

ბ) ჩასანაცვლებელი ავარიული სახლი ავარიულობის ხარისხის მიხედვით მიეკუთვნება V, IV ან III კატეგორიას, რაც დასტურდება შენობა-ნაგებობის ავარიულობის ხარისხის (შესაბამისი კატეგორიით) დამადასტურებელი დოკუმენტით, გაცემული სსიპ – ლევან სამხარაულის სახელობის სასამართლო ექსპერტიზის ეროვნული ბიუროს, ა(ა)იპ „თბილისის მუნიციპალური ლაბორატორიის“ ან სხვა აკრედიტირებული ექსპერტიზის ორგანოს მიერ;

გ) დაინტერესებული პირების საკუთრების ობიექტის მოცულობას ჩასანცვლებელ ავარიულ სახლში.

4. ამ მუხლის მე-3 პუნქტით გათვალისწინებული ინფორმაციის დაზუსტების შემდეგ, პროექტის განმახორციელებელი უზრუნველყოფს ჩასანაცვლებელი ავარიული სახლის ნაცვლად ახალი შენობა-ნაგებობის კონცეპტუალური დიზაინ-პროექტისა და დეტალური საპროექტო-საინჟინრო მომსახურების შესყიდვას კანონმდებლობით დადგენილი წესით.

5. ამ მუხლის მე-4 პუნქტით გათვალისწინებული მომსახურების საფუძველზე მომზადებული პროექტი, პროექტის განმახორციელებლის მიერ თანხმდება დაინტერესებულ პირებთან. ამასთან, აუცილებელია დაინტერესებული პირების თანხმობა, რომ:

ა)  ავარიული სახლის ჩანაცვლების შედეგად შენობა-ნაგებობის საერთო ფართის გაზრდის შემთხვევაში, თუ გაზრდილი ფართობი იზოლირებულია და შესაძლებელია მისი დამოუკიდებლად ფუნქციონირება, ისინი უარს აცხადებენ და არ ექნებათ პრეტენზია დამატებით ფართზე ან სხვა მოთხოვნაზე (მათ შორის, გაზრდილი ფართის მუნიციპალიტეტის საკუთრებად დარეგისტრირებაზე);

ბ) ამ წესის მე-9 მუხლის მე-3 პუნქტით გათვალისწინებული შემთხვევის დადგომისას, არ წარმოეშობათ რაიმე მოთხოვნის უფლება;

გ) ავარიული სახლის ჩანაცვლების შემდეგ დაინტერესებული პირის მიერ მისაღებ ფართზე (მიუხედავად ფართის სხვაობისა), იპოთეკის უფლება გავრცელდება უცვლელად.

6. პროექტის განმახორციელებელი უფლებამოსილია, დაინტერესებულ პირებს საჭიროების შემთხვევაში მოსთხოვოს დამატებითი დოკუმენტაციის წარდგენა ან შესაბამისი პირობების შესრულება, ავარიული სახლების ჩანაცვლებასთან დაკავშირებით.

7. ავარიული სახლების ჩანაცვლების მიზნით წარდგენილი დოკუმენტების სისწორისთვის პასუხისმგებლობა ეკისრება განაცხადის წარმდგენ პირ(ებ)ს.

8. ავარიული სახლების ჩანაცვლებაზე უარის თქმის საფუძველია ამ მუხლით გათვალისწინებული დოკუმენტების წარმოუდგენლობა ან არასწორი დოკუმენტების წარმოდგენა.

ქალაქ თბილისის მუნიციპალიტეტის საკრებულოს 2022 წლის 9 აგვისტოს დადგენილება №13-77 - ვებგვერდი, 10.08.2022 წ.

2. ავარიული სახლების ჩანაცვლებისათვის ხელშემწყობი ღონისძიებების გამოყენების თაობაზე გადაწყვეტილებას იღებს ქალაქ თბილისის მუნიციპალიტეტის მთავრობა (შემდგომში - მთავრობა). გადაწყვეტილების მიღების ვადები არ არის შეზღუდული.

3. თუ ამ მუხლის მე-2 პუნქტით გათვალისწინებული გადაწყვეტილება სრულად არეგულირებს საკითხს, რომელიც საჭიროებს სპეციალურ (ზონალურ) შეთანხმებას, სპეციალური (ზონალური) შეთანხმების მიღებაზე ცალკე ადმინისტრაციულ-სამართლებრივი აქტი აღარ გამოიცემა და სპეციალური (ზონალური) შეთანხმება ჩაითვლება გაცემულად.

2. ავარიული სახლების ჩანაცვლებისას, მუნიციპალიტეტი უფლებამოსილია დაინტერესებული პირების მიმართ გამოიყენოს მუნიციპალიტეტის საკუთრებაში არსებული საბინაო ფონდი ან მიწის რესურსი, კანონმდებლობით დადგენილი წესის შესაბამისად.

3. ავარიული სახლის ჩანაცვლებისას, დაინტერესებული პირების საკუთრებაში, გარდა ამ მუხლის მე-4 პუნქტით გათვალისწინებული შემთხვევისა, არ იანგარიშება:

ა) ბინათმესაკუთრეთა ამხანაგობის წევრთა საერთო ქონება;

ბ) ავტოფარეხი;

გ) სარდაფი;

დ) სხვენის ფართობი;

ე) სხვა ფართები, გარდა საცხოვრებელი ან/და კომერციული სტატუსის მქონე ფართებისა.

4. არსებული ფაქტობრივი გარემოებიდან გამომდინარე, პროექტის განმახორციელებლის გადაწყვეტილებით, დაინტერესებული პირის საკუთრებაში შესაძლებელია ჩაითვალოს ამ მუხლის მე-3 პუნქტის „ბ-ე“ ქვეპუნქტით გათვალისწინებული ფართი ან მისი ნაწილი, თუ იგი კეთილმოწყობილია და ფაქტობრივად გამოიყენება საცხოვრებლად. ამასთანავე, დაინტერესებული პირების საკუთრებაში არ იანგარიშება რეგისტრირებული საცხოვრებელი ან/და კომერციული სტატუსის მქონე ფართები, რომელთა ფაქტობრივი მდგომარეობა არ შეესაბამება სსიპ – საჯარო რეესტრის ეროვნულ სააგენტოში რეგისტრირებული ფართის დანიშნულებას.

5. თუ ამ წესის ამოქმედებამდე დაინტერესებული პირის საკუთრებად აღრიცხულია მხოლოდ სარდაფის ან სხვენის ან სათავსის ფართობი, ავარიული მრავალბინიანი საცხოვრებელი სახლის ჩანაცვლების პროცესის ხელშეწყობის მიზნით, პროექტის განმახორციელებელი, ქ. თბილისის მუნიციპალიტეტის მთავრობასთან შეთანხმებით,  უფლებამოსილია გამოისყიდოს ეს ფართი საბაზრო ღირებულებით. აღნიშნული ქონების ღირებულება უნდა განისაღვროს სსიპ „ლევან სამხარაულის სახელობის ექსპერტიზის ეროვნული ბიუროს” ან სხვა აკრედიტირებული პირის მიერ გაცემული შეფასების საფუძველზე, იმ დათქმით, რომ იგი მდებარეობს არაავარიულ შენობაში.

5^​1. დაინტერესებული პირების საკუთრებაში არ იანგარიშება დამოუკიდებელ ბინად/ერთეულად ან/და კომერციულ ფართად, ამ წესის ამოქმედების შემდეგ, უძრავი ნივთის დაყოფის შედეგად შექმნილი უძრავი ნივთი ან მისი ნაწილი, თუ იგი არ აკმაყოფილებს მე-9 მუხლის 2^​1 პუნქტის მოთხოვნებს.

5^​2. უძრავი ქონების პირდაპირი განკარგვის ფორმით პრივატიზების საფუძველზე ერთი პირის საკუთრებაში გადაცემული უძრავი ნივთები საანგარიშო ფართად განიხილება ერთობლიობაში, მიუხედავად საკადასტრო ერთეულების რაოდენობისა, თუ ინდივიდუალური საკადასტრო კოდი არ აკმაყოფილებს ამავე წესის მე-9 მუხლის 2^​1 პუნქტის მოთხოვნებს.

5^​3. ამ წესის ამოქმედების შემდეგ, უძრავი ქონების პირდაპირი განკარგვის ფორმით პრივატიზების საფუძველზე გადაცემული ფართების გასხვისებისას, თუ ეს ფართები ერთმანეთისაგან დამოუკიდებლად  არ აკმაყოფილებენ ამავე წესის მე-9 მუხლის 2^​1 პუნქტის მოთხოვნებს, გადასაცემი ფართი დაინტერესებულ პირებს დაუანგარიშდებათ საერთო ფართად და გადაეცემათ თანასაკუთრებაში.

6. დაინტერესებული პირების საკუთრებაში იანგარიშება კომერციული ფართი, რომელიც ამ წესით დადგენილი პირობების შესაბამისად ექვემდებარება ჩანაცვლებას.

7. უკვე დემონტირებულ ან/და დანგრეულ ავარიულ შენობა-ნაგებობაში, დაინტერესებული პირის საკუთრებად იანგარიშება ფართი, რომელიც ფიქსირდება ამონაწერში საჯარო რეესტრიიდან, ხოლო მისი არარსებობის შემთხვევაში, ტექნიკური ინვენტარიზაციის არქივში აღრიცხული ფართი, რომლის საცხოვრებლად ან კომერციული დანიშნულებით გამოყენება დადასტურებული იქნება ამხანაგობის ყველა წევრის მიერ ერთხმად მიღებული გადაწყვეტილებით.

8. მესაკუთრის თანხმობის შემთხვევაში,  მთავრობის გადაწყვეტილებით, დასაშვებია, ახალი შენობა-ნაგებობის მშენებლობისთვის განკუთვნილი მიწის ნაკვეთის მომიჯნავე/მიმდებარე საკადასტრო ერთეულზე არსებული ავარიული შენობა-ნაგებობ(ებ)ის ჩართვა ავარიული სახლის ჩანაცვლების პროცესში, თუ მიწის ნაკვეთები, რომლებზეც განთავსებულია მომიჯნავე/მიმდებარე შენობა-ნაგებობები, შესაძლებელია ისე გაერთიანდეს სამშენებლოდ განკუთვნილ მიწის ნაკვეთთან, რომ დაცული იქნება მიწის ნაკვეთის მთლიანობა.

9. ამ წესის მიზნებისათვის, ავარიულ სახლად განიხილება და ჩანაცვლებას ექვემდებარება ასევე ამ მუხლის მე-8 პუნქტით გათვალისწინებული მხოლოდ ის მომიჯნავე/მიმდებარე შენობა-ნაგებობები, რომელთა ავარიულობის ხარისხი მიეკუთვნება V, IV ან III კატეგორიას (ან ავარიული სახლის ჩანაცვლების პროცესში გახდა V, IV ან III კატეგორიის ავარიულობის ხარისხის) და გამოიყენება საცხოვრებელი ან/და კომერციული დანიშნულებით, მათ შორის, ერთბინიანი სახლებიც. ამასთან, ავარიული საცხოვრებელი სახლების ჩანაცვლების პროცესში ერთბინიანი საცხოვრებელი სახლების ჩართვა შესაძლებელია მოხდეს მხოლოდ იმ შემთხვევაში, თუ აღნიშნული ავარიული სახლის ჩანაცვლების პროცესი პირდაპირ და უშუალო ზეგავლენას ახდენს საცხოვრებელი სახლის მდგრადობაზე და ქმნის საცხოვრებელი სახლის ავარიულობის ხარისხის ზრდის საფრთხეს, რაც უნდა დადასტურდეს შესაბამისი საექსპერტო დასკვნით.

10. ავარიული სახლის ჩანაცვლების პროცესში ამ მუხლის მე-9 პუნქტით გათვალისწინებული ავარიული სახლის ჩართვისას, უნდა მოხდეს მისი დემონტაჟი, ხოლო მიწის ნაკვეთი, სადაც განთავსებულია ეს ავარიული სახლი, უნდა გაერთიანდეს ახალი შენობა-ნაგებობის მშენებლობისთვის განკუთვნილ მიწის ნაკვეთთან.

11. ამ მუხლის მე-9 პუნქტით გათვალისწინებული ავარიული სახლის მესაკუთრეს, დაინტერესებულ პირს საკუთრებაში გადაეცემა ფართი ამ წესის შესაბამისად.

12. ამ წესის მე-5 მუხლის მე-4 პუნქტით გათვალისწინებულ შემთხვევაში, ავარიული მრავალბიანი საცხოვრებელი სახლის ჩანაცვლებაზე გადაწყვეტილების მიღებისას, მუნიციპალიტეტი ვალდებულია დაიცვას არაიდენტიფიცირებადი სუბიექტის ინტერესები ახალ აშენებულ შენობაში შესაბამისი საცხოვრებელი ფართის გამოყოფის გზით. ამასთან, ქალაქ თბილისის მუნიციპალიტეტის შესაბამისი რაიონული გამგეობა, როგორც პრივატიზაციის ხელშეკრულების მხარე, უფლებამოსილია არაიდენტიფიცირებადი სუბიექტის სასარგებლოდ განახორციელოს საცხოვრებელი ფართის საკუთრების უფლების რეგისტრაცია საჯარო რეესტრში.

13. გარდა მაიდენტიფიცირებელი მონაცემების არარსებობისა, ამ წესის მიზნებისთვის, სუბიექტი არაიდენტიფიცირებადად მიიჩნევა, თუ მისი ავარიულ მრავალბინიან საცხოვრებელ სახლში ცხოვრების ფაქტი ვერ დგინდება ქალაქ თბილისის მუნიციპალიტეტის შესაბამისი რაიონული გამგეობისა და სსიპ – სახელმწიფო სერვისების განვითარების სააგენტოს მიერ წარმოდგენილი ინფორმაციით, ასევე შესაბამისი ბინათმესაკუთრეთა ამხანაგობის ყველა წევრის მიერ შედგენლი კრების ოქმით.

2. ავარიული სახლის ადგილას აშენებულ ახალ შენობა-ნაგებობაში, დაინტერესებულ პირს გადაეცემა არანაკლებ მის საკუთრებაში არსებული (ფაქტობრივი ანაზომის მიხედვით) ფართობის ტოლი ფართობი ამ წესის მე-11 მუხლით გათვალისწინებულ მდგომარეობაში, ჩასანაცვლებელი ფართის სტატუსის შესაბამისად, გარდა ამ წესის მე-8 მუხლის მე-4 პუნქტის მე-2 წინადადებით გათვალისწინებული შემთხვევისა. დასაშვებია ფართის ცდომილება გონივრულ ფარგლებში, რომელიც რეგულირდება მხარეთა შორის გაფორმებული ხელშეკრულებით.

2^​1. იმ შემთხვევაში, თუ დაინტერესებული პირის საკუთრებად აღრიცხული საცხოვრებელი დანიშნულების ფართი ერთობლიობაში არ აკმაყოფილებს ტექნიკური რეგლამენტის „შენობა-ნაგებობის უსაფრთხოების წესების“ დამტკიცების თაობაზე საქართველოს მთავრობის 2016 წლის 28 იანვრის №41 დადგენილების მოთხოვნებსა და გაზიფიცირებისათვის საჭირო რეგულაციებს, დასაშვებია საკუთრებაში გადასაცემი ფართის ზრდა იმ ოდენობამდე, რაც იძლევა შესაბამისი სისტემის ექსპლუატაციის პირობების სრულად დაკმაყოფილების შესაძლებლობას.

3. იმ შემთხვევაში, თუ ახალ შენობა-ნაგებობაში, მისი გეგმარებიდან გამომდინარე შეუძლებელია ზუსტად იმ ფართის გამოყოფა  რა ფართსაც დაინტერესებული პირი ფლობდა ავარიულ შენობა-ნაგებობაში, დაინტერესებულ პირს შესაძლებელია გადაეცეს გაზრდილი ფართი იმ ოდენობამდე, რა ოდენობამდეც შეუძლებელია დამოუკიდებელი საკუთრების გაჩენა, ან შემცირებული ფართი არაუმეტეს 3 კვ.მ-ით, რასთან დაკავშირებითაც დაინტერესებულ პირს არ წარმოეშობა რაიმე მოთხოვნის უფლება.

4. ავარიული სახლის ჩანაცვლების ფარგლებში, დაინტერესებულ მხარესა და პროექტის განმახორციელებელს შორის ხელშეკრულების გაფორმებისა და მას შემდეგ რეგისტრირებულ მონაცემებში ცვლილების რეგისტრაციის, ასევე ვალდებულებებისა და უფლების რეგისტრაციის საფასურს ანაზღაურებს პროექტის განმახორციელებელი.

ა) ამ წესის მე-8 მუხლის პირველი პუნქტით გათვალისწინებულ შემთხვევაში - ავარიული სახლის ადგილას ახალ შენობა-ნაგებობის აშენებისა, ექსპლუატაციაში მიღების და შესაბამისი ფართის გადაცემამდე;

ბ) ამ წესის მე-8 მუხლის მე-2 პუნქტით გათვალისწინებულ შემთხვევაში - სხვა ტერიტორიაზე არსებული მუნიციპალიტეტის საკუთრების გადაცემამდე.

2. ამ მუხლის პირველი პუნქტით გათვალისწინებულ შემთხვევაში, ბინის ქირის კომპენსაციის გაცემას უზრუნველყოფს ქალაქ თბილისის მუნიციპალიტეტის შესაბამისი რაიონის გამგეობა.

3. დაინტერესებული პირის სასარგებლოდ ყოველთვიური კომპენსაციის სახით ფულადი თანხა გაიცემა, თუ დაინტერესებული პირის საკუთრებად საჯარო რეესტრში რეგისტრირებული ფართი გამოიყენება საცხოვრებელი ან/და კომერციული მიზნით.

4. ავარიული საცხოვრებელი სახლის ჩანაცვლებისას დაინტერესებული პირის ან მისი ოჯახის წევრის საკუთრებაში ან მფლობელობაში სხვა საცხოვრებლად ვარგისი უძრავი ქონების და დროებითი საცხოვრებელი ფართით სარგებლობისთვის ქირის გადახდის საშუალების არსებობა, ასევე მისი დაინტერესებული პირის რეგისტრაციის ადგილის საკითხი არ განიხილება კომპენსაციის გაცემის დამაბრკოლებელ გარემოებად.

5. თუ დაინტერესებული პირის მიერ არ იქნა წარმოდგენილი საცხოვრებელი მიზნით გამოყენებული ალტერნატიული ფართის ქირავნობის ხელშეკრულება, ყოველთვიური ბინის ქირის კომპენსაციის სახით ყოველთვიურად გაიცემა ფულადი თანხა 500 (ხუთასი) ლარის ოდენობით.

6. ავარიულ სახლში დაინტერესებული პირის საკუთრების კომერციული მიზნით გამოყენების შემთხვევაში, ყოველთვიურ კომპენსაციას 500 (ხუთასი) ლარის ოდენობით გასცემს პროექტის განმახორციელებელი, ამ მუხლის პირველი პუნქტის „ა“ და „ბ“ ქვეპუნქტებით გათვალისწინებული ვადით.

ქალაქ თბილისის მუნიციპალიტეტის საკრებულოს 2023 წლის 27 იანვრის დადგენილება №21-1 - ვებგვერდი, 30.01.2023 წ.

ა) გაზმომარაგების სისტემის მოწყობას;

ბ) საკომუნიკაციო მილგაყვანილობების (წყალი, საკანალიზაციო წყალარინება) მოწყობას;

გ) წყალმომარაგების ქსელის და საკანალიზაციო მილგაყვანილობის დგარების მოწყობას;

დ) ელექტროგაყვანილობის ქსელის მოწყობას;

ე) ელექტროჩამრთველების, როზეტებისა და სანათების მოწყობას;

ვ) გათბობის მილების მოწყობას;

ზ) სამზარეულოსა და სააბაზანოში კედლებსა და იატაკებზე კერამიკული ფილების გაკვრა-დაგებას, სააბაზანოში ჭერის მოწყობას, სანიტარიული დანიშნულების ფურნიტურის (ნიჟარები, გამწოვები, საშხაპე, უნიტაზი) მონტაჟს;

თ) იატაკების მოჭიმვას ქვიშა-ცემენტის ხსნარით;

ი) ლამინირებული იატაკის დაგებას;

კ) პროექტის შესაბამისად ტიხრების ამოშენებას;

ლ) კედლების შელესვას ან თაბაშირ-მუყაოს ფილებით მოპირკეთებას;

მ) კედლებისა და ჭერის შეღებვას;

ნ) ფართის შიდა ღიობებში კარების ჩასმას;

ო) ფანჯრის რაფების მოწყობას (შიდა მხარეს).

2. ჩანაცვლებულ შენობა-ნაგებობაში დაინტერესებული პირისათვის გადასაცემი  კომერციული და საოფისე ფართი თეთრი კარკასის კონდიციით მოიცავს შემდეგ სამუშაოებს:

ა) ფართის გარე პერიმეტრზე მეტალო-პლასტმასის კარ-ფანჯრის, სტანდარტული მასალით და ფურნიტურით, დამონტაჟებას;

ბ) ფართში შესასვლელი რკინის კარის დამონტაჟებას, საკეტით;

გ) შიდა კედლების სატიხრე ბლოკით ამოყვანასა და გაჯით გალესვას (ან ალტერნატიული სამშენებლო საშუალებით გასწორებას);

დ) იატაკის მოჭიმვას ცემენტის ხსნარით, სველი წერტილების გარდა;

ე) ცენტრალური ელექტროგაყვანილობის ფართში შეყვანას;

ვ) შიდა ელექტროგაყვანილობის სტანდარტული ქსელის მოწყობას;

ზ) გაზის გარე ქსელის მონტაჟს (დგარები) მრიცხველის გარეშე;

თ) წყლისა და კანალიზაციის დგარების მონტაჟს;

ი) როზეტებისა და გადამრთველებისთვის ადგილების გამზადებას.

ა) იპოთეკარი - საქართველოს ორგანული კანონის „საქართველოს ეროვნული ბანკის შესახებ“ შესაბამისად განსაზღვრული კომერციული ბანკი;

ბ) პროექტში იპოთეკის საგანი - ის ბინ(ებ)ი/ერთეული მრავალბინიან სახლში/კორპუსში, რომელიც დატვირთულია იპოთეკის უფლებით იპოთეკარის სასარგებლოდ და რომელიც პროექტის ფარგლებში ექვემდებარება დემონტაჟს და  მის ნაცვლად ახალი ფართის აშენება/გადაცემას მრავალბინიან სახლში;

გ) პროექტი - ამ წესის შესაბამისად, ავარიული სახლის ჩანაცვლების პროცესი;

დ) ლიმიტი - იპოთეკარსა და პროექტის განმახორციელებელს შორის ავარიულ სახლში მდებარე პროექტში იპოთეკის საგნით უზრუნველყოფილი საკრედიტო დავალიანებების მაქსიმალური ოდენობა, რომელიც დაანგარიშდება თითოეული ავარიული სახლის დემონტაჟისთვის ინდივიდუალური თანხმობის (წერილის) გაცემის მომენტისათვის ჯამურად. ამასთან უცხოურ ვალუტაში გაცემული სესხისათვის ლიმიტი დაიანგარიშება თანხმობის გაცემის დღისთვის ეროვნული ბანკის მიერ დადგენილი ოფიციალური გაცვლითი კურსის შესაბამისად ლარში;

ე) აქტიური თანხმობა - ინდივიდუალური თანხმობები ერთობლივად, რომელიც დროის კონკრეტულ მომენტში იპოთეკარის მიერ გაცემულია ავარიული სახლების დემონტაჟზე;

ვ) არსებული საკრედიტო დავალიანება/ათვისებული ლიმიტი - იპოთეკარის მიმართ არსებული ვადამოსული და ვადამოუსვლელი დავალიანება (რომელშიც შედის როგორც სესხის ძირი თანხა, ისე დარიცხული პროცენტი და პირგასამტეხლო (არაუმეტეს ძირითადი თანხის 10%-ისა) ან/და სხვა გადასახდელები (ასეთის არსებობის შემთხვევაში) და რომელიც უზრუნველყოფილია რომელიმე იმ ავარიულ სახლში მდებარე პროექტში იპოთეკის საგნით რომელზეც იპოთეკარის მიერ გაცემულია თანხმობა დემონტაჟზე. იმ შემთხვევაში, თუ აღნიშნული დავალიანება ასევე უზრუნველყოფილია სხვა უძრავი ნივთით, რომელიც არ არის პროექტში იპოთეკის საგანი, არსებულ საკრედიტო დავალიანებაში ჩაითვლება ასეთი დავალიანების მხოლოდ ის ნაწილი, რომლის ოდენობაც უდრის იპოთეკარის მიერ შესაბამისი საკრედიტო პროდუქტის გაცემის მომენტში შეფასებული პროექტში იპოთეკის საგნის/საგნების საბაზრო ღირებულებას.

ა) იმ შემთხვევაში, თუ მოხდა  წარსული საკრედიტო დავალიანების ზრდა, ის უცვლელად (წინა თანხმობის გაცემისას არსებული ოდენობით), ზრდის გარეშე დაემატება ყოველი მოდევნო ავარიული სახლის ჭრილში დაანგარიშებულ არსებულ საკრედიტო დავალიანებას;

ბ) იმ შემთხვევაში, თუ მოხდა წარსული საკრედიტო დავალიანების შემცირება, არსებულ საკრედიტო დავალიანების დაანგარიშების მიზნებისთვის გამოყენებული იქნება შემცირებული არსებული საკრედიტო დავალიანება.

2. არსებულ საკრედიტო დავალიანებაში გაითვალისწინება იპოთეკარის მიმართ არსებული ყველა იმ საკრედიტო დავალიანების მოცულობა (ვადამოსული და ვადამოუსვლელი დავალიანება (რომელშიც შედის როგორც სესხის ძირი თანხა, ისე დარიცხული პროცენტი და პირგასამტეხლო (არაუმეტეს ძირითადი თანხის 10%-ისა)), რომელთა დაკავშირებითაც გაცემულია აქტიური თანხმობა, განურჩევლად იმისა დაწყებულია თუ არა აქტიური თანხმობით მოცული ავარიული სახლების დემონტაჟი. ამასთან, უცხოურ ვალუტაში გაცემული სესხისათვის არსებული საკრედიტო დავალიანება დაიანგარიშება თანხმობის გაცემის დღისთვის ეროვნული ბანკის მიერ დადგენილი ოფიციალური გაცვლითი კურსის შესაბამისად ლარში. ამასთან, ათვისებული ლიმიტის გაანგარიშებისას, მხედველობაში არ მიიღება ათვისებული ლიმიტის ის მოცულობა/ნაწილი, რომელიც ისეთი ავარიული სახლის ნაწილში იყო ათვისებული, რომელიც დაექვემდებარა დემონტაჟს და მის ნაცვლად დადგენილი წესის შესაბამისად იქნება დასრულებული და აშენებული ახალი შენობა-ნაგებობა და აღნიშნულის შენობა-ნაგებობა იქნება ექსპლუატაციაში მიღებული.

2. ამ მუხლის პირველი პუნქტით გათვალისწინებული იპოთეკარის თანხმობის საჭიროების შემთხვევაში, პროექტის განმახორციელებელი უზრუნველყოფს, რომ:

ა) თანხმობის მოთხოვნის მომენტისთვის არსებული საკრედიტო დავალიანება არ აღემატებოდეს ლიმიტს, გარდა ამ მუხლის მე-3 პუნქტით გათვალისწინებული შემთხვევისა;

ბ)  იპოთეკარის იპოთეკის უფლება გავრცელდება და მოიცავს დაინტერესებული პირის მიერ ამ წესის მე-9 მუხლის მე-2 და მე-3 პუნქტების შესაბამისად მიღებულ უძრავ ნივთს.

3. იმ შემთხვევაში თუ დგება ამ მუხლის მე-2 პუნქტის „ა“ ქვეპუნქტისაგან განხვავებული პირობა და თუ არსებული საკრედიტო დავალიანების ჯამური ოდენობა აღემატება ლიმიტის ოდენობას, პროექტის განმახორციელებელი წარუდგენს იპოთეკარს, მყარ ფინანსურ გარანტიას, იპოთეკარის ბლოკირებულ ანგარიშზე თანხის განთავსებით და დაგირავებით, რომლითაც უზრუნველყოფილი იქნება იმ ვადაგადაცილებულ საკრედიტო მოთხოვნათა გამოსყიდვა მერიის მიერ, რომლის ვადაგადაცილების ფაქტიც დადგება როგორც მშენებლობის ვადის განმავლობაში, ასევე საცხოვრებელი ბინის მშენებლობის ვადის დარღვევის პირობებში და სადაც იპოთეკარის მოთხოვნა დადასტურებული იქნება შესაბამისი აღსრულებას ქვემდებარე აქტით. ზემოხსენებული დასაგირავებელი თანხის ოდენობა განისაზღვრება შემდეგი წესით: არსებულ საკრედიტო დავალიანებას გამოკლებული ლიმიტის ოდენობა.

2. იპოთეკარის მოთხოვნის გამოსყიდვის ფასი განისაზღვრება შემდეგი ოდენობით/ღირებულებით:

ა) სასამართლოს კანონიერ ძალაში შესული გადაწყვეტილების საფუძველზე გაცემული სააღსრულებო ფურცლის შემთხვევაში, სააღსრულებო ფურცლით დადასტურებული მოთხოვნისა (ძირი თანხა, პროცენტი და პირგასამტეხლო) და ხარჯების ჯამური ოდენობით ლარში, თუ არსებული საკრედიტო დავალიანების უზრუნველსაყოფად იპოთეკის უფლებით არ არის დატვირთული სხვა უძრავი ნივთი გარდა პროექტში იპოთეკის საგნისა;

ბ) ნოტარიუსის მიერ გაცემული სააღსრულებო ფურცლის შემთხვევაში, სააღსრულებო ფურცლით დადასტურებული მოთხოვნისა (ძირი თანხა, პროცენტი და პირგასამტეხლო (არაუმეტეს ძირი თანხის არაუმეტეს 10%-ისა)) და ხარჯების ჯამური ოდენობით ლარში, თუ არსებული საკრედიტო დავალიანების უზრუნველსაყოფად იპოთეკის უფლებით არ არის დატვირთული სხვა უძრავი ნივთი გარდა პროექტში იპოთეკის საგნისა;

3. ამ მუხლის მე-2 პუნქტის შესაბამისად გამოსყიდვის შემთხვევაში პროექტის განმახორციელებელი შეიძენს პროექტში იპოთეკის საგნით უზრუნველყოფილ პროპორციულ მოთხოვნას. დარჩენილ სხვა ვალდებულებებზე იპოთეკარი დარჩება უზრუნველყოფილი კრედიტორი პროექტში იპოთეკის საგნის გამოკლებით, ხოლო პროექტის განმახორციელებელი იქნება უზრუნველყოფილი კრედიტორი მხოლოდ პროექტში იპოთეკის საგანზე.

4. იმ შემთხვევაში, თუ არსებული საკრედიტო დავალიანება პროექტში იპოთეკის საგანთან ერთად უზრუნველყოფილია სხვა უძრავი ნივთის იპოთეკით, მაშინ მერიის მიერ კლიენტის მიმართ მოთხოვნის გამოსყიდვა ხდება არსებული საკრედიტო დავალიანების შემდეგი პროპორციით: პროექტში იპოთეკის საგნის იპოთეკარის მიერ შეფასებული საბაზრო ღირებულების დავალიანების უზრუნველსაყოფად არსებული სხვა იპოთეკების საგნების იპოთეკარის მიერ შეფასებული საბაზრო ღირებულებასთან პროპორციის შესაბამისად, თუმცა, ნებისმიერ შემთხვევაში, არანაკლებ იპოთეკარის მიერ განსაზღვრული პროექტში იპოთეკის საგნის საბაზრო ღირებულებისა, რომელიც განისაზღვრება იპოთეკარის შეფასების საფუძველზე, რომელიც შედგენილი იყო პროექტში იპოთეკის საგნით უზრუნველყოფილი მოთხოვნის გაცემისას/წარმოშობისას.

5. იმ შემთხვევაში, თუ იპოთეკარის მიერ დასაკუთრებულ იქნა პროექტში იპოთეკის საგანი (მათ შორის შეუზღუდავად კერძო აუქციონით ან დასაკუთრებით), პროექტის განმახორციელებელი ვალდებული იქნება იპოთეკარისაგან დასაკუთრების ღირებულებას დამატებული დღგ მოცულობით გამოისყიდოს პროექტში იპოთეკის საგანი, თუმცა ნებისმიერ შემთხვევაში არაუმეტეს პროექტში იპოთეკის საგნით უზრუნველყოფილი არსებული საკრედიტო დავალიანების (რომელშიც შედის როგორც სესხის ძირი თანხა, ისე დარიცხული პროცენტი და პირგასამტეხლო (არაუმეტეს ძირითადი თანხის 10%-ისა) ოდენობისა, იპოთეკარის მიმართვიდან 90 (ოთხმოცდაათი) კალენდარული დღის ვადაში.

ა) გამოიყენოს ამ წესის მე-16 მუხლით გათვალისწინებული უფლებები, ან/და;

ბ) ამ წესის მე-16 მუხლით გათვალისწინებული რომელიმე გარემოების დადგომის შემთხვევაში, გამოიყენოს ამ წესის მე-15 მუხლის მე-3 პუნქტით გათვალისწინებული გარანტია პროექტის განმახორციელებლის მიმართ იპოთეკარის მოთხოვნის დასაკმაყოფილებლად.

2. ავარიული სახლის ჩანაცვლებისას ახალი შენობა-ნაგებობის ექსპლუატაციაში მიღებით, უქმდება პროექტის განმახორციელებლის ვალდებულებები იპოთეკარის მიმართ.