საჯარო ფასიანი ქაღალდებით არასაბირჟო გარიგების შესახებ წესის დამტკიცების თაობაზე

სახელმწიფო სარეგისტრაციო კოდი 040.230.000.17.014.005.587

საქართველოს ფასიანი ქაღალდების ეროვნული კომისიის

დადგენილება  №25

2002 წლის 2 დეკემბერი

 ქ. თბილისი

„საჯარო ფასიანი ქაღალდებით არასაბირჟო გარიგების შესახებ” წესის დამტკიცების თაობაზე

     „ფასიანი ქაღალდების ბაზრის შესახებ“ საქართველოს კანონის მე-15 და მე-19 მუხლების, ასევე 33-ე მუხლის მე-11 პუნქტის მოთხოვნათა შესაბამისად,

     1. დამტკიცდეს თანდართული წესი „საჯარო ფასიანი ქაღალდებით არასაბირჟო გარიგებების შესახებ“.

     2. ეს წესი ამოქმედდეს გამოქვეყნებისთანავე.

     თავმჯდომარე   მ. ჯიბუტი

 

შეტანილი ცვლილებები:

1. საქართველოს ფასიანი ქაღალდების ეროვნული კომისიის 2003 წლის 23 მაისის დადგენილება №32-სსმIII, №53, 04.06.2003წ.; მუხ. 463

2. საქართველოს ფასიანი ქაღალდების ეროვნული კომისიის 2004 წლის 10 სექტემბრის დადგენილება №40-სსმIII, №102, 20.09.2004წ.; მუხ. 879

3. საქართველოს ფასიანი ქაღალდების ეროვნული კომისიის 2006 წლის 16 მარტის დადგენილება №63-სსმIII, №38, 22.03.2006წ.; მუხ. 450

4. საქართველოს ფასიანი ქაღალდების ეროვნული კომისიის 2006 წლის 11 ოქტომბრის დადგენილება №70-სსმIII, №145, 24.10.2006წ.; მუხ. 2004

5. საქართველოს ფასიანი ქაღალდების ეროვნული კომისიის 2007 წლის 13 ივლისის დადგენილება №73-სსმIII, №105, 25.07.2007წ.; მუხ. 1151

„საჯარო ფასიანი ქაღალდებით არასაბირჟო გარიგებების შესახებ“

 წ ე ს ი

თავი I

ზოგადი ნაწილი

    მუხლი 1. ზოგადი დებულებანი

     1. ეს წესი შემუშავებულია „ფასიანი ქაღალდების ბაზრის შესახებ“ საქართველოს კანონის (შემდგომში – ,,კანონი“) მე-15, მე-18 და მე-19 მუხლების, ასევე 33-ე მუხლის მე-11 პუნქტის მოთხოვნათა თანახმად და განსაზღვრავს საჯარო ფასიანი ქაღალდებით გარიგებების სახეებს, მათი დადების წესებს და საბროკერო კომპანიის სპეციფიკურ პოლიტიკასა და პროცედურებს საჯარო ფასიანი ქაღალდებით არასაბირჟო გარიგებებში და არასაბირჟო ფასიანი ქაღალდებით გარიგებებში შუამავლობასთან დაკავშირებით, ასევე პროცედურებს ფასიანი ქაღალდების რეგისტრატორისათვის, არასაბირჟო ფასიანი ქაღალდებით გარიგებების დაფიქსირებისას.

2. ამ წესის მიზანია საქართველოს ფასიანი ქაღალდების ბაზრის გამჭვირვალობის, ლიკვიდურობის და კონკურენტუნარიანობის, საჯარო ფასიანი ქაღალდების მოთხოვნისა და მიწოდებისას (შეძენისა და გასხვისებისას) სამართლიანი საბაზრო ფასის დადგენის და ფასიან ქაღალდებზე საკუთრების უფლების წარმოშობის, შეცვლისა და შეწყვეტის კანონიერების უზრუნველყოფა.

3. ამ წესის მოთხოვნათა დარღვევისათვის საბროკერო კომპანია და ფასიანი ქაღალდების რეგისტრატორი პასუხს აგებენ მოქმედი კანონმდებლობის შესაბამისად.

საქართველოს ფასიანი ქაღალდების ეროვნული კომისიის 2004 წლის 10 სექტემბრის დადგენილება №40-სსმIII, №102, 20.09.2004წ.; მუხ. 879

საქართველოს ფასიანი ქაღალდების ეროვნული კომისიის 2007 წლის 13 ივლისის დადგენილება №73-სსმIII, №105, 25.07.2007წ.; მუხ. 1151

    მუხლი 2. ტერმინთა განმარტებანი

     ამ წესში გამოყენებულ ტერმინებს კანონით და საქართველოს სამოქალაქო კოდექსით განსაზღვრული მნიშვნელობანი გააჩნია. ამასთან, ქვემოაღნიშნული ტერმინები გამოიყენება შემდეგი მნიშვნელობებით:

ა) „არასაბირჟო გარიგებები“ – ამ წესის მე-3 მუხლის პირველი პუნქტით გათვალისწინებული გარიგებები იმ საჯარო ფასიანი ქაღალდებით, რომლებიც საფონდო ბირჟაზე სავაჭროდ არის დაშვებული და რომლებიც საფონდო ბირჟაზე სავაჭროდ გატანის გარეშე, არაკონკურენტულ გარემოში იდება;

ა^​1) „არასაბირჟო ფასიანი ქაღალდები“ – ის საჯარო ფასიანი ქაღალდები, რომლებიც არ არის დაშვებული სავაჭროდ საფონდო ბირჟაზე;

ბ) „განკარგულება“– ამ წესის მოთხოვნების შესაბამისად შედგენილი და ფასიანი ქაღალდების რეგისტრატორისადმი ან ნომინალური მფლობელისადმი წარსადგენი წერილობითი დოკუმენტი, რომელიც საჯარო ფასიან ქაღალდზე საკუთრების უფლების წარმოშობას, შეცვლას ან/და შეწყვეტას ადასტურებს. განკარგულება სამი სახისაა:

ბ.ა) „გასხვისების განკარგულება“ – რომელიც დგება საბროკერო კომპანიის მეშვეობით იმ არასაბირჟო გარიგების მხარეთა დავალებით, რომლის შედეგადაც ფასიანი ქაღალდების რეგისტრირებული მფლობელი თავის პირად ანგარიშზე არსებულ საჯარო ფასიან ქაღალდებს არასაბირჟო გარიგებით ასხვისებს;

 ბ.ბ) „გირავნობის განკარგულება“ – რომელიც დგება საბროკერო კომპანიის მეშვეობით იმ არასაბირჟო გარიგების მხარეთა დავალებით, როგორიც საჯარო ფასიანი ქაღალდის დაგირავებაა და რომლის შედეგადაც ფასიანი ქაღალდების რეგისტრირებული მფლობელი თავის პირად ანგარიშზე არსებულ საჯარო ფასიან ქაღალდებს აგირავებს;

 ბ.გ) „გადასაცემი განკარგულება“ – რომელიც დგება რეგისტრირებული მფლობელის მიერ თავის პირად ანგარიშზე არსებული ფასიანი ქაღალდების ნომინალურ მფლობელობაში გადაცემის შემთხვევაში, ასევე იმ შემთხვევაში, როდესაც ნომინალური მფლობელი ფასიან ქაღალდებს გადასცემს იმ პირს (კლიენტს), რომლის ინტერესებისთვის და დავალებით იგი ნომინალურად ფლობდა ფასიან ქაღალდებს ან შეიძინა ისინი;

გ) „გაყიდვა“ – გამოყენებულია სამოქალაქო კოდექსით გათვალისწინებული ცნების „ნასყიდობა” შესაბამისი მნიშვნელობით;

დ) „დაკავშირებული პირები“ – კანონის მე-2 მუხლის მე-11 პუნქტით განსაზღვრული პირები;

ე) „საბირჟო ვაჭრობა“ – ფასიანი ქაღალდის ნასყიდობის გარიგების დადება საფონდო ბირჟის სავაჭრო სესიაზე;

ვ) „პირადი ანგარიში“ – ფასიანი ქაღალდების რეგისტრატორთან ფასიანი ქაღალდების რეგისტრირებული მფლობელის სახელზე გახსნილი ფასიანი ქაღალდების ანგარიში;

ზ) „ლისტინგი“ – ფასიანი ქაღალდების სავაჭროდ დაშვება თვითრეგულირებადი ორგანიზაციის მოქმედი წესების მოთხოვნების შესაბამისად;

თ) საერთაშორისო დეპოზიტარული ხელწერილი – საერთაშორისო დეპოზიტარის მიერ გაცემული ფასიანი ქაღალდი, რომელიც ადასტურებს მისი მფლობელის უფლებებს რეზიდენტი ემიტენტის მიერ გამოშვებული ფასიანი ქაღალდების განსაზღვრულ რაოდენობაზე;

ი) „ქართული დეპოზიტარული ხელწერილი – ფასიანი ქაღალდები, რომლებიც ადასტურებენ უფლებებს გარკვეული რაოდენობის ფასიან ქაღალდებზე, რომლებიც გამოშვებულია არარეზიდენტი ემიტენტის მიერ შესაბამისი ქვეყნის კანონმდებლობის შესაბამისად.

საქართველოს ფასიანი ქაღალდების ეროვნული კომისიის 2003 წლის 23 მაისის დადგენილება №32-სსმIII, №53, 04.06.2003წ.; მუხ. 463

საქართველოს ფასიანი ქაღალდების ეროვნული კომისიის 2004 წლის 10 სექტემბრის დადგენილება №40-სსმIII, №102, 20.09.2004წ.; მუხ. 879

საქართველოს ფასიანი ქაღალდების ეროვნული კომისიის 2006 წლის 11 ოქტომბრის დადგენილება №70-სსმIII, №145, 24.10.2006წ.; მუხ. 2004

საქართველოს ფასიანი ქაღალდების ეროვნული კომისიის 2007 წლის 13 ივლისის დადგენილება №73-სსმIII, №105, 25.07.2007წ.; მუხ. 1151

თავი II

საბირჟო ვაჭრობა და არასაბირჟო გარიგებები. საბირჟო ვაჭრობისა და არასაბირჟო გარიგებების შეზღუდვები და გამონაკლისები

    მუხლი 3. საჯარო ფასიანი ქაღალდებით არასაბირჟო გარიგებანი

     1. საჯარო ფასიანი ქაღალდებით შეიძლება დაიდოს შემდეგი სახის არასაბირჟო გარიგებები:

ა)     საჯარო ფასიანი ქაღალდების ჩუქება;

ბ)     საჯარო ფასიანი ქაღალდების დაგირავება;

გ)     საჯარო ფასიანი ქაღალდების გაცვლა;

დ) საჯარო ფასიანი ქაღალდების ნასყიდობა, მათ შორის სატენდერო შეთავაზებით;

ე) ემიტენტის მიერ საჯარო ფასიანი ქაღალდების გამოსყიდვა ,,მეწარმეთა შესახებ“ საქართველოს კანონის 53^​1 მუხლის თანახმად;

ვ) საწესდებო კაპიტალში შეტანის საჯარო ფასიანი ქაღალდებით შესრულებისას;

ზ) სხვა გარიგებები, რომელიც არ ეწინააღმდეგება ამ წესისა და მოქმედი კანონმდებლობის მოთხოვნებს.

2. არასაბირჟო გარიგება იდება საბროკერო კომპანიის მეშვეობით, საჯარო ფასიანი ქაღალდებით არასაბირჟო გარიგებათა 100 ლარს ზემოთ ღირებულების ფარგლებში საფონდო ბირჟის სავაჭრო სისტემაში დაფიქსირების და საფონდო ბირჟის მიერ მისი განსაჯაროების მოთხოვნის დაცვით, ბირჟის წესების შესაბამისად.

3. საბროკერო კომპანიამ ამ მუხლის მიხედვით დადებული გარიგების დაფიქსირება უნდა მოახდინოს გარიგების დადებიდან არაუგვიანეს მომდევნო სამუშაო დღისა.

4. საფონდო ბირჟის მიერ დაფიქსირებისათვის დაწესებული საკომისიო უნდა იყოს სამართლიანი, ზომიერი და გონივრული.

5. არასაბირჟო გარიგების შედეგად საჯარო ფასიან ქაღალდებზე საკუთრების უფლება წარმოშობილად, შეცვლილად ან/და შეწყვეტილად ჩაითვლება:

ა) ამ გარიგების ფაქტის შესახებ ფასიანი ქაღალდების რეგისტრატორთან სათანადო ჩანაწერის გაკეთების მომენტიდან, რისთვისაც მას უნდა წარედგინოს საბროკერო კომპანიის მეშვეობით შედგენილი განკარგულება;

ბ) ნომინალურ მფლობელთან სათანადო ჩანაწერის გაკეთების მომენტიდან, თუ გარიგების ყველა მხარე ერთი და იმავე ნომინალური მფლობელის კლიენტია და გარიგების საგნად არსებული ფასიანი ქაღალდები ამ ნომინალურ მფლობელს აქვს გადაცემული.

საქართველოს ფასიანი ქაღალდების ეროვნული კომისიის 2003 წლის 23 მაისის დადგენილება №32-სსმIII, №53, 04.06.2003წ.; მუხ. 463

საქართველოს ფასიანი ქაღალდების ეროვნული კომისიის 2004 წლის 10 სექტემბრის დადგენილება №40-სსმIII, №102, 20.09.2004წ.; მუხ. 879

საქართველოს ფასიანი ქაღალდების ეროვნული კომისიის 2006 წლის 16 მარტის დადგენილება №63-სსმIII, №38, 22.03.2006წ.; მუხ. 450

საქართველოს ფასიანი ქაღალდების ეროვნული კომისიის 2007 წლის 13 ივლისის დადგენილება №73-სსმIII, №105, 25.07.2007წ.; მუხ. 1151

    მუხლი 3^​1 . გარიგებები არასაბირჟო ფასიან ქაღალდებზე

1. არასაბირჟო ფასიან ქაღალდებზე დადებული გარიგების შედეგად საკუთრების უფლება წარმოშობილად, შეცვლილად ან/და შეწყვეტილად ჩაითვლება:

ა) ამ გარიგების ფაქტის შესახებ ფასიანი ქაღალდების რეგისტრატორთან სათანადო ჩანაწერის გაკეთების მომენტიდან, რისთვისაც მას უნდა წარედგინოს გარიგების მხარ(ეებ)ის მიერ შედგენილი განკარგულება; ან

ბ) ნომინალურ მფლობელთან სათანადო ჩანაწერის გაკეთების მომენტიდან, თუ გარიგების ყველა მხარე ერთი და იმავე ნომინალური მფლობელის კლიენტია და გარიგების საგნად არსებული ფასიანი ქაღალდ(ებ)ი ამ ნომინალურ მფლობელს აქვს გადაცემული.

2. თუ გარიგება საბროკერო კომპანიის მონაწილეობით დაიდო, იგი ვალდებულია გარიგების დადებიდან არაუგვიანეს მომდევნო სამუშაო დღის ბოლომდე მოახდინოს ფასიანი ქაღალდების რაოდენობისა და ფასის დაფიქსირება საფონდო ბირჟაზე, ბირჟის წესების შესაბამისად, ამ წესის დანართი 6-ით გათვალისწინებული ფორმით.

3. თუ გარიგება საბროკერო კომპანიის მონაწილეობის გარეშე დაიდო, მაშინ ფასიანი ქაღალდების რეგისტრატორი ვალდებულია გარიგების დადებიდან არაუგვიანეს მომდევნო სამუშაო დღის ბოლომდე მოახდინოს ფასიანი ქაღალდების რაოდენობისა და ფასის დაფიქსირება საფონდო ბირჟაზე, ბირჟის წესების და საფონდო ბირჟასა და ფასიანი ქაღალდების რეგისტრატორს შორის გაფორმებული ხელშეკრულებით განსაზღვრული პირობების შესაბამისად, ამ წესის დანართი 6-ით გათვალისწინებული ფორმით.

4. არასაბირჟო ფასიან ქაღალდებზე დადებული გარიგებების დაფიქსირებისათვის საფონდო ბირჟის მიერ დაწესებული საკომისიო უნდა იყოს სამართლიანი, ზომიერი და გონივრული.

5. ამ მუხლის შესაბამისად, დადებული გარიგებები ექვემდებარება საფონდო ბირჟის მიერ განსაჯაროებას, ბირჟის მიერ დადგენილი წესით.

საქართველოს ფასიანი ქაღალდების ეროვნული კომისიის 2007 წლის 13 ივლისის დადგენილება №73-სსმIII, №105, 25.07.2007წ.; მუხ. 1151

    მუხლი 4. საჯარო ფასიანი ქაღალდებით ზოგიერთი გარიგების დადების შეზღუდვები

     1. დაუშვებელია იმ ფასიანი ქაღალდის საფონდო ბირჟაზე სავაჭროდ გატანა, რომლის საფასური მისი ემიტენტისათვის სრულად არ არის დაფარული. თუ ამგვარი აქციის კლასი საფონდო ბირჟაზე სავაჭროდ დაშვებულია, მის გასაყიდად ჯერ საფასურის დაფარვა უნდა მოხდეს, ხოლო შემდეგ გადაცემულ იქნეს ნომინალურ მფლობელობაში.

     2. დაუშვებელია იმ საჯარო ფასიანი ქაღალდების გაცვლა, რომელიც სავაჭროდ საფონდო ბირჟაზეა დაშვებული. ასეთ შემთხვევაში გამოყენებულ უნდა იქნეს საჯარო ფასიანი ქაღალდების ნასყიდობის შესაბამისი წესები. აღნიშნული შეზღუდვა არ ვრცელდება საფონდო ბირჟაზე სავაჭროდ დაშვებული საჯარო ფასიანი ქაღალდების შესაბამისი საერთაშორისო ან ქართული დეპოზიტური ხელწერილის სანაცვლოდ დეპოზიტარისათვის ნომინალურ ან ბენეფიციარულ მფლობელობაში გადაცემისას და ამგვარი ფასიანი ქაღალდების დეპოზიტარული ხელწერილის მფლობელთათვის დაბრუნებისას.

     3. დაუშვებელია ერთი საჯარო ფასიანი ქაღალდის მხოლოდ ნაწილის გადაცემა ნომინალურ მფლობელობაში, მისი გადაცემა უნდა მოხდეს მთლიანად, ყველა თანამესკუთრის თანხმობით.

     4. საფონდო ბირჟის, ცენტრალური დეპოზიტარის და ფასიანი ქაღალდების რეგისტრატორის მიერ გამოშვებული საჯარო ფასიანი ქაღალდებით გარიგებებზე ამ წესის მოქმედება ვრცელდება კანონით და ამ იურიდიულ პირთა წესებით (წესდებით) განსაზღვრულ თავისებურებათა გათვალისწინებით.

     5. ფასიანი ქაღალდების სესხება ექვემდებარება ფასიანი ქაღალდების შესახებ კანონმდებლობის მოთხოვნებს. ამგვარი გარიგების დასადებად გარიგების ერთი მხარე მაინც უნდა ფლობდეს საბროკერო კომპანიის ლიცენზიას.

საქართველოს ფასიანი ქაღალდების ეროვნული კომისიის 2006 წლის 11 ოქტომბრის დადგენილება №70-სსმIII, №145, 24.10.2006წ.; მუხ. 2004

    მუხლი 5. საჯარო ფასიან ქაღალდზე საკუთრების უფლების წარმოშობის, შეცვლისა და შეწყვეტის ისეთი შემთხვევები, რომლებიც ამ წესის მე-3 და 3^​1 მუხლებით გათვალისწინებულ პროცედურებს არ  საჭიროებს

     1. საფონდო ბირჟაზე ვაჭრობას, საბროკერო კომპანიის შუამავლობასა და ამ წესით გათვალისწინებულ განკარგულებათა შედგენას არ ექვემდებარება საჯარო ფასიან ქაღალდზე საკუთრების უფლების წარმოშობა, შეცვლა ან/და შეწყვეტა:

     ა) მემკვიდრეობის საფუძველზე;

     ბ) სასამართლოს გადაწყვეტილების საფუძველზე, გარდა იმ შემთხვევებისა, როდესაც სასამართლოს გადაწყვეტილება საფონდო ბირჟაზე დაშვებული ფასიანი ქაღალდის გაყიდვას ადგენს;

     გ) ამოღებულია;

     გ) საწარმოს საწესდებო კაპიტალის ოდენობას ან/და სტრუქტურასთან დაკავშირებით საქართველოს კანონმდებლობის შესაბამისად ემიტენტის მიერ განხორციელებული კორპორაციული საქმიანობის შედეგად, კერძოდ:

          გ.ა) საწარმოს დაფუძნებისას საჯარო ფასიან ქაღალდზე საკუთრების უფლების წარმოშობა საწარმოს დამფუძნებლისათვის (შენატანის შესრულება);

          გ.ბ) „მეწარმეთა შესახებ“ საქართველოს კანონის 3.5. მუხლის მიხედვით საზოგადოებიდან პარტნიორის გარიცხვისას საჯარო ფასიან ქაღალდ(ებ)ზე საკუთრების უფლების შეწყვეტა, ასევე საკუთრების უფლების შეწყვეტა, ასევე საკუთრების უფლების წარმოშობა ამ ფასიან ქაღალდ(ებ)ის სხვა პარტნიორ(ებ)ზე გადაცემისას;

          გ.გ) საჯარო ფასიან ქაღალდზე საკუთრების უფლების წარმოშობა, შეცვლა ან შეწყვეტა საწარმოს გარდაქმნის, შერწყმის ან ნატურით გაყოფის შედეგად;

          გ.დ) საჯარო ფასიან ქაღალდზე საკუთრების უფლების წარმოშობა ემიტენტის მიერ საჯარო ფასიანი ქაღალდების ემისიის (მათ შორის, აქციონერთა უპირატესი შესყიდვის უფლების განხორციელების) შედეგად, აგრეთვე, საჯარო ფასიან ქაღალდზე საკუთრების უფლების წარმოშობა, შეცვლა ან შეწყვეტა ფასიანი ქაღალდის მფლობელის თხოვნით მის მფლობელობაში არსებული საჯარო ფასიანი ქაღალდის საჯარო შეთავაზებაში შეტანის შედეგად;

     გ.ე) საჯარო ფასიან ქაღალდზე საკუთრების უფლების წარმოშობა, შეცვლა ან შეწყვეტა საჯარო ფასიანი ქაღალდის დანაწევრების, შერწყმის ან კონვერსიის შედეგად.

     2. ამ წესით არ რეგულირდება სახელმწიფოს საკუთრებაში არსებული საჯარო ფასიანი ქაღალდის „სახელმწიფო ქონების პრივატიზების შესახებ” საქართველოს კანონით დადგენილი წესებით გასხვისება, თუ ეს ფასიანი ქაღალდი მისი მესაკუთრის მიერ ბირჟაზე სავაჭროდ არ არის გამოტანილი.

     3. ხელშეკრულებები, რომლებიც წარმოებულ ფასიან ქაღალდებს წარმოადგენს (ფიუჩერსი, ოფცია და სხვ.) და რომელთა საგანი ამ მუხლის პირველი ან/და მე-2 პუნქტით გათვალისწინებული ფასიანი ქაღალდებია, კანონისა და ამ წესის მოთხოვნებს ექვემდებარება.

     4. საბროკერო კომპანიის მიერ ემიტენტისაგან ფასიანი ქაღალდების შეთავაზების ხელშეკრულებით შესყიდული ფასიანი ქაღალდების შემდგომი გასხვისება ექვემდებარება ფასიანი ქაღალდების შესახებ კანონმდებლობისა და შესაბამისი საფონდო ბირჟის წესების მოთხოვნებს.

     5. ფასიანი ქაღალდის ნომინალურ მფლობელობაში გადაცემა და ნომინალური მფლობელის მიერ ფასიანი ქაღალდის გადაცემა იმ პირისათვის, რომლის ინტერესებისათვის და დავალებით იგი ნომინალურად ფლობდა ფასიან ქაღალდებს ან შეიძინა ისინი. საბირჟო ვაჭრობად და საბროკერო კომპანიის საშუამავლო არასაბირჟო გარიგებად არ ითვლება და რეგულირდება ამ წესის V თავით.

საქართველოს ფასიანი ქაღალდების ეროვნული კომისიის 2004 წლის 10 სექტემბრის დადგენილება №40-სსმIII, №102, 20.09.2004წ.; მუხ. 879

საქართველოს ფასიანი ქაღალდების ეროვნული კომისიის 2006 წლის 16 მარტის დადგენილება №63-სსმIII, №38, 22.03.2006წ.; მუხ. 450

საქართველოს ფასიანი ქაღალდების ეროვნული კომისიის 2007 წლის 13 ივლისის დადგენილება №73-სსმIII, №105, 25.07.2007წ.; მუხ. 1151

თავი III

საბროკერო კომპანიების სპეციფიკური პოლიტიკა და პროცედურები საჯარო ფასიანი ქაღალდებით არასაბირჟო გარიგებებში შუამავლობისას

 

    მუხლი 6. განკარგულების შემდგენი საბროკერო კომპანიის მოვალეობანი

     1. საჯარო ფასიანი ქაღალდების არასაბირჟო გარიგებით შეძენა-გასხვისებისას (ნასყიდობა, ჩუქება, გაცვლა, გამოსყიდვა “მეწარმეთა შესახებ“ საქართველოს კანონის 53^​1 მუხლის თანახმად, საწესდებო კაპიტალში შენატანის საჯარო ფასიანი ქაღალდ(ებ)ით შესრულება) საბროკერო კომპანიის მიერ შედგენილ უნდა იქნეს გასხვისების განკარგულება, ამ წესის დანართი 1-ით გათვალისწინებული ფორმით, ხოლო დაგირავებისას – გირავნობის განკარგულება, დანართი 2-ით გათვალისწინებული ფორმით.

     2. გასხვისებისა და გირავნობის განკარგულებანი უნდა დაიბეჭდოს საბროკერო კომპანიის სატიტულო ფურცელზე, რომელზეც, სულ მცირე, ამ კომპანიის საფირმო სახელწოდება, იურიდიული მისამართი, საკონტაქტო ტელეფონის ნომერი, ლიცენზიის ნომერი და განკარგულების საიდენტიფიკაციო ნომერი უნდა იყოს აღნიშნული.

     3. საბროკერო კომპანია, რომელსაც არასაბირჟო გარიგების შესახებ განკარგულების შედგენა დაევალა, მოვალეა:

     ა) გარიგების მხარეებს ხელი შეუწყოს მათი უფლებების განხორციელებასა და კანონიერი ინტერესების დაცვაში;

     ბ) გარიგების მხარეებს განუმარტოს მათი უფლება-მოვალეობანი და ფასიანი ქაღალდების შესახებ კანონმდებლობით გათვალისწინებული საანგარიშგებო ან სხვა შესაბამისი მოთხოვნები მოცემული გარიგებისადმი;

     გ) გარიგების მხარეებს აცნობოს შესაძენი, გასასხვისებელი ან დასაგირავებელი საჯარო ფასიანი ქაღალდის საფონდო ბირჟაზე დადგენილი უკანასკნელი საშუალო შეწონილი ფასი, ასეთის არსებობის შემთხვევაში;

     დ) უზრუნველყოს, რომ გარიგების მხარეებმა გარიგება მისი დადების მომენტისათვის ობიექტურად შესაძლებელი ყველაზე ხელსაყრელი პირობებით დადონ;

     ე) გარიგების მხარეები გააფრთხილოს შესასრულებელი საშუამავლო მოქმედების იურიდიული შედეგების შესახებ, რათა ინვესტირების საკითხებსა და ფასიანი ქაღალდების შესახებ კანონმდებლობაში მხარეთა გაუთვითცნობიერებლობა მათივე ინტერესების საზიანოდ არ იქნეს გამოყენებული.

     4. თუ გარიგების მხარე წერა-კითხვის უცოდინარი ან უსინათლოა, ბროკერი მოვალეა წაუკითხოს მას განკარგულების ტექსტი. თუ გარიგების მხარე ყრუ ან/და მუნჯია, ბროკერმა განკარგულების შედგენას უნდა დაასწროს შესაბამისი სპეციალისტი ან იგი, ვინც თავისუფლად ამყარებს კონტაქტს ამგვარ პირთან და ვისაც შეუძლია გააგებინოს მას საქმის არსი.

     5. საბროკერო კომპანიამ თავისი საშუამავლო მოქმედება უნდა შეასრულოს იმ თანამშრომლის მეშვეობით, რომელსაც ბროკერის საქმიანობის ლიცენზია გააჩნია და რომლის ლიცენზიის მოქმედება შეჩერებული არ არის.

     6. ბროკერის ბრალეულობის ფარგლებში, საბროკერო კომპანია პასუხისმგებელია მისი ბროკერის მიერ შედგენილი განკარგულების კანონიერებაზე. ამგვარი პასუხისმგებლობა არ დადგება, თუ გარიგების ბათილობა ან უკანონობა გამოწვეულია გარიგების მხარ(ეებ)ის ბრალით.

     7. ყოველი განკარგულებით შემდგარი გარიგება უნდა გატარდეს ოპერაციათა აღრიცხვის ჟურნალში (პირველადი გატარებების დავთარში).

საქართველოს ფასიანი ქაღალდების ეროვნული კომისიის 2004 წლის 10 სექტემბრის დადგენილება №40-სსმIII, №102, 20.09.2004წ.; მუხ. 879

საქართველოს ფასიანი ქაღალდების ეროვნული კომისიის 2006 წლის 16 მარტის დადგენილება №63-სსმIII, №38, 22.03.2006წ.; მუხ. 450

საქართველოს ფასიანი ქაღალდების ეროვნული კომისიის 2007 წლის 13 ივლისის დადგენილება №73-სსმIII, №105, 25.07.2007წ.; მუხ. 1151

    მუხლი 7. მოთხოვნები განკარგულების შედგენისადმი

     1. არასაბირჟო გარიგებისას განკარგულების შესადგენად საბროკერო კომპანიას უნდა წარედგინოს:

     ა) ამონაწერი რეესტრიდან, რომლითაც დადასტურებულია შესაბამისი კლასისა და რაოდენობის ფასიან ქაღალდზე პირის საკუთრების უფლება;

     ბ) ფიზიკური პირის პირადობის დამადასტურებელი დოკუმენტი;

     გ) თანამესაკუთრეობის შემთხვევაში, აგრეთვე ყველა თანამესკუთრის წერილობითი თანხმობა ან სანოტარო წესით დადასტურებული რწმუნებულება, რომ თანამესაკუთრე სხვების სახელით მოქმედებს;

     დ) საწარმოს შესაბამისი ორგანოს (თანამდებობის პირის) თანხმობა მოცემული კლასის ფასიანი ქაღალდების გადაცემაზე, თუ ამ კლასის გადაცემა საწარმოს წესდებით ამგვარ თანხმობას საჭიროებს;

     ე) თუ გარიგებას არასრულწლოვანი ან შეზღუდული ქმედუნარიანი პირი თავად დებს, მაშინ მისი უფლებამოსილი წარმომადგენლის თანხმობა;

     ვ) გარიგების წარმომადგენლის მეშვეობით დადებისას:

     ვ.ა) თუ ფიზიკური პირია წარმოდგენილი – წარმომადგენლობის დამადასტურებელი დოკუმენტი (ამასთან, სამეურვეო ან სამზრუნველო პირის სახელით ჩუქება დაუშვებელია), ან თუ იგი ამ პირის მშობელია – პირადობის და მშობლობის დამადასტურებელი დოკუმენტები;

     ვ.ბ) თუ იურიდიული პირია წარმოდგენილი – იმ პირის უფლებამოსილების დამადასტურებელი დოკუმენტი, რომელსაც კანონით, წესდებით (დებულებით) ან რწმუნებულებით მინიჭებული აქვს გარიგების დადების უფლება წარმოდგენილი იურიდიული პირის სახელით. საბროკერო კომპანია მოვალეა გაეცნოს იურიდიული პირის წესდებას (დებულებას, კანონს, რწმუნებულებას) და შეამოწმოს, შეესაბამება თუ არა შესასრულებელი მოქმედება მისთვის მინიჭებულ უფლებამოსილებას. თუ იურიდიული პირის მართვა კოლეგიური ორგანოს მიერ ხდება, ამ ორგანოს ხელმძღვანელს მოეთხოვება საბუთი თანამდებობაზე არჩევისა და მისთვის მინიჭებული უფლებამოსილების შესახებ.

     2. ფიზიკური პირის ვინაობა შეიძლება დადგინდეს ძალაში არსებული რომელიმე შემდეგი დოკუმენტით:

     ა) მოქალაქის პირადობის მოწმობით;

     ბ) ბინადრობის მოწმობით;

     გ) 16 წლამდე ასაკის არასრულწლოვნის შემთხვევაში – დაბადების მოწმობით;

     დ) სამხედრო მოსამსახურის შემთხვევაში – სამხედრო ნაწილისა და სამხედრო დაწესებულების სარდლობის მიერ გაცემული პირადობის მოწმობით და სამხედრო ბილეთით.

     3. საბროკერო კომპანიის მიერ განკარგულების შედგენისას დაკმაყოფილებულ უნდა იქნეს შემდეგი მოთხოვნები:

     ა) ტექსტი ნათლად და გარკვევით უნდა ჩაიწეროს;

     ბ) შეძენილ-გასხვისებული ან დაგირავებული ფასიანი ქაღალდების რაოდენობა როგორც რიცხვით, ასევე სიტყვებით უნდა დაიწეროს;

     გ) იურიდიული პირის საფირმო სახელწოდება (დასახელება) შეუმოკლებლად უნდა დაიწეროს;

     დ) იმ ფასიანი ქაღალდების ჩუქების, გაცვლის ან დაგირავებისას, რომლის ფასი ემიტენტისათვის სრულად არ არის დაფარული, საკუთრებაში მიმღებ მხარეს ან მოგირავნეს განკარგულებაზე ხელმოწერამდე უნდა ეცნობოს ფასის არასრულად დაფარვის შესახებ;

     ე) თუ გარიგების მხარე არასრულწლოვანი ან შეზღუდული ქმედუნარიანობის მქონე პირია და იგი გარიგებას თავად, კანონიერი წარმომადგენლის თანხმობით დებს, მაშინ საბროკერო კომპანიას უნდა წარედგინოს ეს თანხმობა. ამასთან, ამგვარმა პირმა სატენდერო შეთავაზება შეიძლება განახორციელოს მხოლოდ თავისი კანონიერი წარმომადგენლის წერილობითი თანხმობით, ხოლო ორმხრივი გარიგება დადოს – ამგვარი თანხმობის გარეშეც, თუ მისთვის ეს გარიგება სარგებლიანია და ეს საფონდო-საბირჟო მონაცემებით დასტურდება. ორმხრივი გარიგების დადებისას კანონიერი წარმომადგენლის თანხმობა შეიძლება წარდგენილ იქნეს წერილობით, ან საბროკერო კომპანიის მიერ მიღებულ იქნეს ზეპირად უშუალოდ წარმომადგენლისაგან.

     4. თუ საჯარო ფასიანი ქაღალდის გაცვლის გარიგების ის მხარე, რომელიც საჯარო ფასიანი ქაღალდს გადასცემს, სანაცვლოდ ისეთ ქონებას იღებს, რომელზედაც საკუთრების უფლება მხოლოდ საქართველოს რომელიმე საკანონმდებლო აქტით დადგენილი ფორმის დაცვით წარმოიშობა (მათ შორის, უსერტიფ ტ იკატოდ გაცემულ არასაჯარო ფასიან ქაღალდს), მაშინ საჯარო ფასიანი ქაღალდის გაცვლის გარიგებისას გასხვისების განკარგულების შესადგენად სავალდებულოა, რომ დაცულ იქნეს აღნიშნული ფორმა.

     5. არასაბირჟო გარიგების მხარეებმა განკარგულებაზე ხელი ბროკერის თანდასწრებით უნდა მოაწერონ (ბლოკირების მოხსნის მოთხოვნისას ხელმოწერების გარდა). თუ იგი ხელმოწერას არ დასწრებია, ხელმომწერმა პირადად უნდა დაუდასტუროს, რომ განკარგულებას ხელი მან მოაწერა. თუ გარიგების მხარე განკარგულებას ხელს თვითონ ვერ აწერს წერა-კითხვის უცოდინარობის, ფიზიკური ნაკლის ან ავადმყოფობის გამო, მას შეუძლია ხელის მოწერა სანოტარო ფორმის დაცვით სხვას მიანდოს.

 

    მუხლი 8. თანამესაკუთრეობა და თანამოგირავნეობა არასაბირჟო გარიგებისას

     1. თუ გასასხვისებელი ან დასაგირავებელი საჯარო ფასიანი ქაღალდ(ებ)ი რამდენიმე პირის საკუთრებაშია (ანუ ერთი პირადი ანგარიში რამდენიმე მფლობელის სახელზეა გახსნილი), მაშინ საბროკერო კომპანიას ყველა თანამესაკუთრის წერილობითი თანხმობა უნდა წარედგინოს, რაც თან უნდა დაერთოს განკარგულებას.

     2. თანამესაკუთრეს გააჩნია წილის უპირატესი შესყიდვის უფლება. წილის უპირატესი შესყიდვის უფლების გამოყენებაზე სურვილის რამდენიმე თანამესაკუთრის მიერ გამოთქმის შემთხვევაში, იგი მათზე თანაბარწილად გადანაწილდება, თუ თანამესაკუთრეები სხვა რამეზე არ შეთანხმდებიან.

     3. თუ საჯარო ფასიანი ქაღალდ(ებ)ის შემძენი ან მოგირავნე რამდენიმე პირია, მაშინ განკარგულებაში უნდა გაკეთდეს მითითება დანართებზე, რომლებშიც ყველა შემძენი ან მოგირავნე უნდა აღინიშნოს.

     4. ამ მუხლის მიზნებისათვის გამოყენებულ უნდა იქნეს ამ წესის მე-4 დანართით გათვალისწინებული ფორმა, საჭიროების შემთხვევაში რამდენიმე დანართი შეივსება.

     5. ამ მუხლით გათვალისწინებული თანამესაკუთრის თანხმობა შეიძლება მიღებულ იქნეს იმ პირისგანაც (მათ შორის, ერთ-ერთი თანამესაკუთრისგანაც), ვისაც სხვა თანამესაკუთრ(ეებ)ის სახელით მოქმედების უფლებამოსილება სანოტარო წესით დადასტურებული რწმუნებულებით აქვს მინიჭებული.

     6. თანამესაკუთრის მიერ თავისი წილის ჩუქებისათვის თანამესაკუთრეთა თანხმობა არ მოითხოვება.

 

    მუხლი 9. არასაბირჟო გარიგებისას საშუამავლო მოქმედების შეჩერება

     საჯარო ფასიანი ქაღალდებით არასაბირჟო  გარიგების შემთხვევაში საბროკერო კომპანიამ საშუამავლო მოქმედების შესრულება უნდა შეაჩეროს:

     ა) თუ არ დაკმაყოფილებულა ამ წესის რომელიმე შესაბამისი მოთხოვნა – ვიდრე ის არ დაკმაყოფილდება;

     ბ) თუ საჭიროა მოცემული საჯარო ფასიანი ქაღალდების საფონდო-საბირჟო ფასის დადგენა.

 

    მუხლი 10.  ამოღებულია

საქართველოს ფასიანი ქაღალდების ეროვნული კომისიის 2007 წლის 13 ივლისის დადგენილება №73-სსმIII, №105, 25.07.2007წ.; მუხ. 1151

თავი IV

სატენდერო შეთავაზება

საქართველოს ფასიანი ქაღალდების ეროვნული კომისიის 2007 წლის 13 ივლისის დადგენილება №73-სსმIII, №105, 25.07.2007წ.; მუხ. 1151

    მუხლი 11. საჯარო ფასიანი ქაღალდების ნასყიდობა სატენდერო შეთავაზების გზით

     1. ამოღებულია.

     2. თუ სატენდერო შემთავაზებელს ანგარიშვალდებული საწარმოს რომელიმე კლასის საჯარო ფასიანი ქაღალდების შესყიდვა სურს იმ რაოდენობით, რომლის შედეგადაც მის საკუთრებაში აღმოჩნდება ამ კლასის ფასიანი ქაღალდების 10%-ზე მეტი, მან სატენდერო შეთავაზების განცხადების გავრცელებამდე კომისიაში უნდა წარადგინოს შეტყობინება სატენდერო შეთავაზების სურვილის შესახებ და თან უნდა დაურთოს შეთავაზების განცხადების პროექტი.

     3. სატენდერო შეთავაზების განცხადება შემდეგი შემცველობის უნდა იყოს:

     ა) ფასიანი ქაღალდების ის კლასი, რომლის შესყიდვაც სურს შემთავაზებელს;

     ბ) ფასიანი ქაღალდების ის რაოდენობა, რომლის შესყიდვაც სურს შემთავაზებელს;

     გ) ის ფასი, რომლითაც შემთავაზებელს ფასიანი ქაღალდების შესყიდვა სურს;

     დ) მოცემული ანგარიშვალდებული საწარმოს მიერ გამოშვებული ყოველი ფასიანი ქაღალდის კლასი და როგორც პროცენტული, ასევე რიცხობრივი რაოდენობა, რომლის რეგისტრირებული მფლობელიც ან/და მინდობილობით მფლობელიც არის შემთავაზებელი;

     ე) სატენდერო შეთავაზების ვადა;

     ვ) ის პირობა, რომ სატენდერო შეთავაზება შედგება მხოლოდ მაშინ, თუ შემთავაზებელი განცხადებაში აღნიშნული რაოდენობის გაყიდვაზე მიიღებს თანხმობას;

     ზ) ის პირობა, რომ სატენდერო შეთავაზების რომელიმე პირობის შეცვლის შემთხვევაში გაკეთდება შეთავაზების განცხადების განახლებული ვერსია და დადგენილი წესით გავრცელდება;

     თ) ის პირობა, რომ შემთავაზებლისათვის გათვალისწინებულზე მეტი ფასიანი ქაღალდის გაყიდვაზე თანხმობის მიღების შემთხვევაში ფასიანი ქაღალდები შესყიდულ იქნება თანაბარწილად, პროცენტულობის ან რაოდენობის მიხედვით;

     ი) ის პირობა, რომ შესყიდვა მოხდება სატენდერო შეთავაზების ვადის გასვლის შემდეგ;

     კ) შეთავაზების აგენტის საფირმო სახელწოდება, ლიცენზიის ნომერი, იურიდიული მისამართი და საკონტაქტო ტელეფონის ნომერი;

     ლ) თუ შემთავაზებელს სურს, რომ რეგისტრირებულ მფლობელებს რაიმე რეკომენდაცია მისცეს ან თავისი სამომავლო მოქმედების გეგმა აცნობოს, მას შეუძლია ეს განცხადებაში შეიტანოს.

     3^​1. ამ მუხლის მე-3 პუნქტის „ვ“ და „თ“ ქვეპუნქტებით გათვალისწინებული პირობები არ მოითხოვება იმ შემთხვევაში, თუ ხორციელდება “მეწარმეთა შესახებ” საქართველოს კანონის 53^​2 მუხლით განსაზღვრული სავალდებულო სატენდერო შეთავაზება.

     4. სატენდერო შეთავაზების ვადა 2 თვეზე ნაკლები არ უნდა იყოს სატენდერო შეთავაზების განცხადების გავრცელების დღიდან.

     5. სატენდერო შეთავაზების განცხადების გავრცელება უნდა მოხდეს მოცემული ფასიანი ქაღალდების ყველა რეგისტრირებულ მფლობელს შორის ფასიანი ქაღალდების რეგისტრატორის, ემიტენტის, გაზეთის და საფონდო ბირჟაზე დაშვებული ფასიანი ქაღალდების შემთხვევაში – ასევე საფონდო ბირჟის მეშვეობით, ამასთან:

ა) ფასიანი ქაღალდების რეგისტრატორმა განცხადების ასლები შემთავაზებლის ხარჯით დაზღვეული ფოსტით უნდა დაგზავნოს ან/და ფასიანი ქაღალდების რეგისტრირებულ მფლობელებს პირადად გადასცეს, ამ გადაცემის დადასტურებით;

ბ)     ემიტენტმა და საფონდო ბირჟაზე დაშვებული ფასიანი ქაღალდების შემთხვევაში - საფონდო ბირჟამ ყველა დაინტერესებული პირისათვის თვალსაჩინო ადგილას უნდა გამოაქვეყნოს ცნობა სატენდერო შეთავაზების შესახებ და ხელმისაწვდომი გახადოს განცხადების ასლის გადაღება;

გ)     შერჩეული გაზეთი უნდა ვრცელდებოდეს მთელ ტერიტორიაზე, რომელზედაც საქართველოს იურისდიქცია მოქმედებს.

     6. თუ სატენდერო შემთავაზებელი სატენდერო შეთავაზების ვადის გასვლამდე ცვლის სატენდერო შეთავაზების რომელიმე პირობას, მან უნდა მოამზადოს და ამ მუხლით გათვალისწინებული წესით გაავრცელოს სატენდერო შეთავაზების განცხადების განახლებული ვერსია. ამასთან, თუ იგი შეთავაზებულ თანხას ზრდის, მაშინ მან განახლებული ვერსიის გავრცელებამდე დათანხმებულ ყველა რეგისტრირებულ მფლობელებსაც გაზრდილი თანხა უნდა გადაუხადოს. ამ მუხლის მე-2 პუნქტის მოთხოვნა ამ შემთხვევაშიც უნდა იქნეს დაცული.

     7. გაყიდვაზე თანხმობა შეიძლება გაკეთდეს შეთავაზების ვადის გასვლამდე წერილობით ან ზეპირად, მაგრამ მისი მიღების წერილობითი დადასტურებით. თუ თანხმობა გაყიდვაზე ფასიანი ქაღალდების რეგისტრირებული მფლობელისაგან მიღებულ იქნა სატენდერო შეთავაზების ვადის გასვლის შემდეგ,  მაგრამ თანხმობიდან ირკვევა, რომ იგი დროულად არის გამოგზავნილი, თანხმობა დაგვიანებულად ჩაითვლება მხოლოდ მაშინ, თუ სატენდერო შემთავაზებელი ან მისი აგენტი დამთანხმებელს დაუყოვნებლივ აცნობებს ამის შესახებ. შემთავაზებელს უფლება აქვს მისაღებად ჩათვალოს დაგვიანებული თანხმობაც, ამ მუხლის მე-9 პუნქტის გათვალისწინებით.

     8. საჯარო ფასიანი ქაღალდების რეგისტრირებულ მფლობელს, რომელიც შეთავაზების პირობებს დათანხმდა, სატენდერო შეთავაზების ვადის გასვლამდე უფლება აქვს წერილობით უარი განაცხადოს თავის თანხმობაზე.

     9. თუ სატენდერო შემთავაზებელი უფრო მეტი საჯარო ფასიანი ქაღალდის გაყიდვის თანხმობას მიიღებს, ვიდრე ეს შეთავაზების განცხადებაში იყო აღნიშნული, მაშინ მან ფასიანი ქაღალდები შეთავაზებით გათვალისწინებული რაოდენობით თანაბარწილად უნდა შეისყიდოს ყველა დათანხმებული რეგისტრირებული  მფლობელისაგან.

     10. სატენდერო შეთავაზების პერიოდში შემთავაზებელს და მასთან დაკავშირებულ პირს ეკრძალება:

     ა) სატენდერო შეთავაზების გარდა, სხვა ნებისმიერი გზით შეისყიდოს, ან აწარმოოს მოლაპარაკება სატენდერო შეთავაზებაში განხილული ან მათში კონვერსირებადი ფასიანი ქაღალდების შესახებ;

     ბ) გაასხვისოს სატენდერო შეთავაზებაში აღნიშნული საწარმოს ფასიანი ქაღალდები.

     11. საფონდო ბირჟაზე დაშვებული ფასიანი ქაღალდების სატენდერო შემთავაზებელმა უნდა შეარჩიოს საბროკერო კომპანია (შემთავაზებლის აგენტი), რომელმაც უნდა მიიღოს ფასიანი ქაღალდების რეგისტრირებულ მფლობელთა თანხმობები და შეადგინოს ფასიანი ქაღალდების თითოეული შესყიდვის შესახებ ცალკე გასხვისების განკარგულება, სატენდერო შეთავაზებით ნასყიდობის აღნიშვნით. თუ შემთავაზებელი მოცემული საწარმოს ფასიანი ქაღალდების რეგისტრირებული მფლობელია, მაშინ შემთავაზებლის აგენტი შეიძლება მოქმედებდეს კანონის მე-17 მუხლის შესაბამისად გაცემული მინდობილობით.

     12. თუ სატენდერო შეთავაზების განცხადების გავრცელების ან სატენდერო შეთავაზების ვადის გასვლის შემდეგ სატენდერო შემთავაზებელს მოცემული ფასიანი ქაღალდების შესყიდვა აღარ სურს ან სატენდერო შეთავაზების გზით აღარ სურს, მაშინ მას უფლება აქვს გააუქმოს შეთავაზება მხოლოდ იმ შემთხვევაში, თუ ამგვარი პირობა სატენდერო შეთავაზების განცხადებაში აღნიშნული იყო, ან ვადის გასვლის შემდეგ მიღებულ არ იქნება შემთავაზებლისათვის სასურველი რაოდენობის ფასიანი ქაღალდების გაყიდვაზე თახმობები. შემთავაზებელმა გაუქმების თაობაზე ყველა რეგისტრირებულ მფლობელს იმავე წესებით უნდა აცნობოს, რომელიც მან განცხადების გავრცელებისას გამოიყენა, თუ შეთავაზების განცხადებაში სხვა რამ  არ არის გათვალისწინებული.

     13. გასხვისების განკარგულებათა შედგენა შეიძლება მხოლოდ სატენდერო შეთავაზების ვადის გასვლის შემდეგ.

     14. ამოღებულია.

საქართველოს ფასიანი ქაღალდების ეროვნული კომისიის 2003 წლის 23 მაისის დადგენილება №32-სსმIII, №53, 04.06.2003წ.; მუხ. 463

საქართველოს ფასიანი ქაღალდების ეროვნული კომისიის 2007 წლის 13 ივლისის დადგენილება №73-სსმIII, №105, 25.07.2007წ.; მუხ. 1151

    მუხლი 12.  ამოღებულია

საქართველოს ფასიანი ქაღალდების ეროვნული კომისიის 2003 წლის 23 მაისის დადგენილება №32-სსმIII, №53, 04.06.2003წ.; მუხ. 463

საქართველოს ფასიანი ქაღალდების ეროვნული კომისიის 2004 წლის 10 სექტემბრის დადგენილება №40-სსმIII, №102, 20.09.2004წ.; მუხ. 879

საქართველოს ფასიანი ქაღალდების ეროვნული კომისიის 2006 წლის 16 მარტის დადგენილება №63-სსმIII, №38, 22.03.2006წ.; მუხ. 450

საქართველოს ფასიანი ქაღალდების ეროვნული კომისიის 2007 წლის 13 ივლისის დადგენილება №73-სსმIII, №105, 25.07.2007წ.; მუხ. 1151

თავი V

ფასიანი ქაღალდის ნომინალურ მფლობელობაში გადაცემა. ნომინალური მფლობელის მიერ ფასიანი ქაღალდის გადაცემა კლიენტისათვის

 

    მუხლი 13. ამ თავის რეგულირების სფერო

     1. ამ თავით გათვალისწინებული მოთხოვნები ვრცელდება შემდეგ შემთხვევებზე:

     ა) რეგისტრირებული მფლობელის მიერ ფასიანი ქაღალდის ნომინალურ მფლობელობაში გადაცემა, მათ შორის, სასამართლოს გადაწყვეტილების აღსრულების მიზნით;

     ბ) ნომინალური მფლობელის მიერ ფასიანი ქაღალდების გადაცემა იმ პირისათვის (კლიენტისათვის), რომლის ინტერესებისთვის და დავალებით იგი ნომინალურად ფლობდა ფასიან ქაღალდებს ან შეიძინა ისინი.

     2. ეს თავი არ არეგულირებს ნომინალური მფლობელების მიერ თავიანთ ნომინალურ მფლობელობაში არსებული საჯარო ფასიანი ქაღალდებით საბირჟო ვაჭრობას ან არასაბირჟო გარიგებების დადებას, რაც ექვემდებარება კანონის, ამ წესისა და იმ საფონდო ბირჟისა და ცენტრალური დეპოზიტარის წესების მოთხოვნებს, რომელთა მეშვეობითაც ხორციელდება საბირჟო ვაჭრობა.

 

    მუხლი 14. გადასაცემი განკარგულება

     1. ფასიანი ქაღალდი იმ მომენტიდან ჩაითვლება გადაცემულად მისი რეგისტრირებული მფლობელის მიერ ნომინალურ მფლობელობაში, აგრეთვე ნომინალური მფლობელის მიერ იმ პირისათვის (კლიენტისათვის), რომლის ინტერესებისათვის და დავალებით იგი ნომინალურად ფლობდა ფასიან ქაღალდებს ან შეიძინა ისინი, როდესაც დადგენილი წესით გაკეთდება რეგისტრატორთან ჩანაწერი ფასიანი ქაღალდების გადაცემის შესახებ.

     2. თუ ნომინალურ მფლობელობაში გადასაცემი ფასიანი ქაღალდ(ებ)ი რამდენიმე პირის საკუთრებაშია (ანუ ერთი პირადი ანგარიში რამდენიმე რეგისტრირებული მფლობელის სახელზეა გახსნილი), მაშინ გადაცემისათვის საჭიროა ყველა თანამესაკუთრის წერილობითი თანხმობა, რაც თან უნდა დაერთოს გადასაცემ განკარგულებას. ამ თანხმობებისათვის გამოყენებულ უნდა იქნეს ამ წესის მე-5 დანართით გათვალისწინებული ფორმა. საჭიროების შემთხვევაში რამდენიმე დანართი უნდა შეივსოს.

     3. ამ მუხლის პირველი პუნქტით გათვალისწინებულ გადაცემათა შესახებ სათანადო ჩანაწერების გასაკეთებლად ფასიანი ქაღალდების რეგისტრატორს უნდა წარედგინოს გადასაცემი განკარგულება გადაცემის იმ მხარის (მისი წარმომადგენლის) მიერ, რომლის პირადი ანგარიშიდანაც ხდება ფასიანი ქაღალდების გადატანა.

     4. გადასაცემი განკარგულება შედგენილ უნდა იქნეს ამ წესის მე-3 დანართით განსაზღვრული ფორმით.

საქართველოს ფასიანი ქაღალდების ეროვნული კომისიის 2003 წლის 23 მაისის დადგენილება №32-სსმIII, №53, 04.06.2003წ.; მუხ. 463

თავი VI

განკარგულებები

 

    მუხლი 15. განკარგულების შინაარსი და დანიშნულება

     1. განკარგულება და მისი დანართები არ წარმოადგენს თავად ამ გარიგებისა და მისი პირობების შესახებ წერილობით შეთანხმებას, არამედ:

     ა) ფასიანი ქაღალდებით გარიგების მხარეთა, ხოლო არასაბირჟო გარიგებისას, აგრეთვე, საბროკერო კომპანიის მიერ იმის დადასტურება, რომ გადაცემა (გასხვისება, ნომინალურ მფლობელობაში გადაცემა ან დაგირავება) ფასიანი ქაღალდების შესახებ კანონმდებლობის მოთხოვნათა დაცვით განხორციელდა;

     ბ) ამ განკარგულების ფასიანი ქაღალდების რეგისტრატორისათვის წარდგენა წარმოადგენს ფასიან ქაღალდებზე საკუთრების უფლების წარმოშობის, შეცვლის ან/და შეწყვეტის ფაქტების თაობაზე სათანადო ჩანაწერების გაკეთების საფუძველს.

     2. ფასიანი ქაღალდის არასაბირჟო გარიგებით შეძენა-გასხვისების, დაგირავების ან ნომინალურ მფლობელობაში გადაცემა-მიღების ფაქტები შესაბამის პირად ანგარიშ(ებ)ში დადგენილი წესით უნდა აისახოს სათანადო ჩანაწერების სახით:

     ა) თუ ფასიანი ქაღალდების გამსხვისებლის (ან მისი წარმომადგენლის) მიერ წარდგენილია ამ წესით გათვალისწინებული მოთხოვნების დაცვით შედგენილი გასხვისების განკარგულება;

     ბ) თუ ფასიანი ქაღალდების დამრიგებლის ან/და მოგირავნის ( ან მისი წარმომადგენლის) მიერ წარდგენილია ამ წესით გათვალისწინებული მოთხოვნების დაცვით შედგენილი გირავნობის განკარგულება;

     გ) თუ ფასიანი ქაღალდების ნომინალურ მფლობელობაში გადამცემის ( ან მისი წარმომადგენლის) მიერ წარდგენილია ამ წესით გათვალისწინებული მოთხოვნების დაცვით შედგენილი ნომინალურ მფლობელობაში გადაცემის განკარგულება;

     დ) თუ განკარგულება მისი შემდგენი საბროკერო კომპანიისაგან განკარგულების წარდგენაზე უფლებამოსილი პირის მიერაა წარდგენილი და ამ განკარგულებაში აღნიშნულია, რომ მისი წარდგენა ამ საბროკერო კომპანიას აქვს დავალებული.

საქართველოს ფასიანი ქაღალდების ეროვნული კომისიის 2003 წლის 23 მაისის დადგენილება №32-სსმIII, №53, 04.06.2003წ.; მუხ. 463

საქართველოს ფასიანი ქაღალდების ეროვნული კომისიის 2004 წლის 10 სექტემბრის დადგენილება №40-სსმIII, №102, 20.09.2004წ.; მუხ. 879

    მუხლი 16. განკარგულების შემცველობა

     1. განკარგულება შემდეგ მონაცემებს უნდა შეიცავდეს:

     ა) გამსხვისებლის, ნომინალურ მფლობელობაში გადამცემის ან დამგირავებლის შესახებ:

     ა.ა) ფიზიკური პირის შემთხვევაში:

–   სახელი, გვარი და მოქალაქეობა;

–   პირადობის დამადასტურებელი დოკუმენტის სახე, სერია და ნომერი;

– საცხოვრებელი ადგილის მისამართი და საკონტაქტო ტელეფონის ნომერი;

–   პირადი ანგარიშის ნომერი;

– თუ ამ პირის სახელით მოქმედებს მისი უფლებამოსილი წარმომადგენელი, უნდა აღინიშნოს ამ უკანასკნელის სახელი, გვარი, წარმომადგენლობის სახე და ვინაობის დამადასტურებელი დოკუმენტის სახე, სერია და ნომერი;

     ა.ბ) იურიდიული პირის შემთხვევაში:

–   საფირმო სახელწოდება (დასახელება);

– რეგისტრაციის ადგილი, თარიღი, ნომერი და მარეგისტრირებელი ორგანოს დასახელება;

–   იურიდიული მისამართი და საკონტაქტო ტელეფონის ნომერი;

–   პირადი ანგარიშის ნომერი;

– იმ უფლებამოსილი წარმომადგენლის სახელი, გვარი, წარმომადგენლობის სახე (თანამდებობა) და ვინაობის დამადასტურებელი დოკუმენტის სახე, სერია და ნომერი, ვინც წარმოდგენილი იურიდიული პირის სახელით მოქმედებს;

     ბ) მონაცემები გასხვისების, ნომინალურ მფლობელობაში გადაცემის ან გირავნობის და გასხვისებული, ნომინალურ მფლობელობაში გადაცემული ან დაგირავებული ფასიანი ქაღალდის შესახებ:

     ბ.ა) ფასიანი ქაღალდის ემიტენტის საფირმო სახელწოდება (დასახელება);

     ბ.ბ) ფასიანი ქაღალდის კლასი;

     ბ.გ) ფასიანი ქაღალდის საერთაშორისო საიდენტიფიკაციო ნომერი (ფქსსნ), თუ მინიჭებული აქვს;

     ბ.დ) შეძენილ-გასხვისებული, ნომინალურ მფლობელობაში გადაცემული ან დაგირავებული ფასიანი ქაღალდების რაოდენობა;

     ბ.ე) გასხვისების შემთხვევაში: მითითება გარიგების სახეზე (ნასყიდობა, ნასყიდობა სატენდერო შეთავაზების გზით, ჩუქება, გაცვლა), ემიტენტის მიერ საჯარო ფასიანი ქაღალდების გამოსყიდვა „მეწარმეთა შესახებ“ საქართველოს კანონის 53^​1 მუხლის თანახმად); გადაცემის შემთხვევაში: მითითება გადაცემის სახეზე (მესაკუთრის მიერ ნომინალურ მფლობელობაში გადაცემა, ნომინალური მფლობელის მიერ მესაკუთრისათვის გადაცემა); ხოლო გირავნობის შემთხვევაში: უზრუნველსაყოფი მოთხოვნის მოცულობა, სარგებლის ოდენობა, მოთხოვნის დაკმაყოფილების ვადა, შესაძლო მესამე მოვალის ვინაობა);

     გ) შემძენის, ნომინალურ მფლობელობაში ან ნომინალური მფლობელობიდან მიმღების ან მოგირავნის შესახებ;

     გ.ა) ფიზიკური პირის შემთხვევაში:

–   სახელი, გვარი და მოქალაქეობა;

–   პირადობის დამადასტურებელი დოკუმენტის სახე, სერია და ნომერი;

– საცხოვრებელი ადგილის მისამართი და საკონტაქტო ტელეფონის ნომერი;

–   პირადი ანგარიშის ნომერი, თუ გახსნილი აქვს;

– თუ ამ პირის სახელით მოქმედებს მისი უფლებამოსილი წარმომადგენელი, უნდა აღინიშნოს ამ უკანასკნელის სახელი, გვარი, წარმომადგენლობის სახე და ვინაობის დამადასტურებელი დოკუმენტის სახე, სერია და ნომერი;

–   გ.ბ) იურიდიული პირის შემთხვევაში:

–   საფირმო სახელწოდება (დასახელება);

–   იურიდიული მისამართი და საკონტაქტო ტელეფონის ნომერი;

– რეგისტრაციის ადგილი, თარიღი, ნომერი და მარეგისტრირებელი ორგანოს დასახელება;

–   პირადი ანგარიშის ნომერი, თუ გახსნილი აქვს;

– იმ უფლებამოსილი წარმომადგენლის სახელი, გვარი, წარმომადგენლობის სახე (თანამდებობა) და ვინაობის დამადასტურებელი დოკუმენტის სახე, სერია და ნომერი, ვინც წარმოდგენილი იურიდიული პირის სახელით მოქმედებს;

დ) განკარგულების დანართთა რაოდენობის აღნიშვნა, თუ მას დანართები ერთვის;

ე) მითითება იმ ფაქტზე, თუ განკარგულების ფასიანი ქაღალდების რეგისტრატორისათვის წარდგენა მის შემდეგ საბროკერო კომპანიას დაევალა;

ვ) იმ ფასიანი ქაღალდების რეგისტრატორის საფირმო სახელწოდება, რომელსაც განკარგულება უნდა წარედგინოს;

ზ) მოთხოვნა, რომ:

ზ.ა) გასხვისების ან ნომინალურ მფლობელობაში გადაცემის შემთხვევაში – განკარგულებაში აღნიშნული კლასის და რაოდენობის ფასიანი ქაღალდები გამსხვისებლის პირადი ანგარიშიდან გადატანილ იქნეს შემძენის პირად ანგარიშზე;

     ზ.ბ) გირავნობის შემთხვევაში – განკარგულებაში აღნიშნული კლასის და რაოდენობის ფასიანი ქაღალდების ბლოკირება (გასხვისების შეზღუდვა) მოხდეს დამგირავებლის ანგარიშზე;

თ) გამსხვისებელი, ნომინალურ მფლობელობაში გადამცემი ან დამგირავებელი და შემძენი, ნომინალურ მფლობელობაში მიმღები ან მოგირავნე პირის (ან მათი უფლებამოსილი წარმომადნგენლების) ხელმოწერები, თარიღი;

ი) არასაბირჟო გარიგებისას, ასევე, გარიგების შუამავალი საბროკერო კომპანიის საფირმო სახელწოდება და ლიცენზიის ნომერი; განკარგულების შემდგენი ბროკერის სახელი, გვარი, ლიცენზიის ნომერი, ხელმოწერა, თარიღი;

კ) ფასიანი ქაღალდების რეგისტრატორის უფლებამოსილი პირის ხელმოწერა და განკარგულებაში მითითებული მოთხოვნის შესრულების თარიღი;

ლ) გირავნობის შემთხვევაში, ასევე, მოთხოვნა, რომ ბლოკირება მოხსნილ იქნეს:

ლ.ა) რომელიც დადასტურებულ უნდა იქნეს დამგირავებლის და მოგირავნის (ან მათი წარმომადგენლების) ხელმოწერებით, მოთხოვნის თარიღის აღნიშვნით;

ლ.ბ) რომლის შესრულებაც, შესრულების თარიღის აღნიშვნით, დადასტურებულ უნდა იქნეს ფასიანი ქაღალდების რეგისტრატორის უფლებამოსილი პირის ხელმოწერით.

2. გასხვისების და გირავნობის განკარგულებათა მონაცემები ივსება განკარგულების შემდგენი საბროკერო კომპანიის მიერ ან მისი თანდასწრებით, გარდა:

ა) ამ მუხლის პირველ პუნქტის „კ“ და „ლ.ბ“ ქვეპუნქტებით გათვალისწინებული მონაცემებისა, რომლებიც ივსება იმ ფასიანი ქაღალდების რეგისტრატორის მიერ, რომელსაც შესაბამისი მოთხოვნა წარედგინა;

ბ) ამ მუხლის პირველი პუნქტის “ლ.ა” ქვეპუნქტით გათვალისწინებული მონაცემებისა, რომლებიც ივსება მოგირავნის (კრედიტორის) და დამგირავებლის მიერ მაშინ, როდესაც ფასიანი ქაღალდების რეგისტრატორს განკარგულებაში აღნიშნული ბლოკირების მოხსნა მოეთხოვება.

3. თუ საჯარო ფასიანი ქაღალდის გირავნობის გარიგების მხარეები მოთხოვნის უზრუნველყოფის იმ ვადის გადავადებაზე შეთანხმდებიან, რაც აღნიშნული იყო გირავნობის განკარგულებაში, ეს ამ განკარგულებაში ცვლილების შეტანას არ საჭიროებს.

საქართველოს ფასიანი ქაღალდების ეროვნული კომისიის 2003 წლის 23 მაისის დადგენილება №32-სსმIII, №53, 04.06.2003წ.; მუხ. 463

საქართველოს ფასიანი ქაღალდების ეროვნული კომისიის 2004 წლის 10 სექტემბრის დადგენილება №40-სსმIII, №102, 20.09.2004წ.; მუხ. 879

საქართველოს ფასიანი ქაღალდების ეროვნული კომისიის 2007 წლის 13 ივლისის დადგენილება №73-სსმIII, №105, 25.07.2007წ.; მუხ. 1151

 

 

 

 

 

„საჯარო ფასიანი ქაღალდებით არასაბირჟო გარიგებების შესახებ”

წესის დანართი 1

 

გასხვისების განკარგულება N.........................

1. გამსხვისებელი: •    სახელი, გვარი და მოქალაქეობა ..................................................................... •    (სახელწოდება): ......................................... •    პდდ-ის სახე, სერია და ნომერი (რეგისტრაციის თარიღი, ნომერი, მარეგისტრირებელი ორგანოს დასახელება); ................................................................................................ •    მისამართი და საკონტაქტო ტელეფონის ნომერი ........................................................ •    პირადი ანგარიშის ნომერი: ......................................................................................... •    წარმომომადგენლობისას – მისი სახელი, გვარი, წარმომადგენლობის სახე და პდდ-ის სახე, სერია და ნომერი: ...............................................................................................

2. მონაცემები გასხვისებისა და გასხვისებული ფასიანი ქაღალდების შესახებ: •    ემიტენტის სახელწოდება: ______________________________________ •    კლასი: _____________________________________________________ •    ფქსსნ (თუ მინიჭებული აქვს): ____________________________________ •    რაოდენობა: _________________________________________________ •    გარიგების სახე: _______________________________________________ - ჩუქება - გაცვლა - სესხება - ნასყიდობა. - საწესდებო კაპიტალში შენატანის საჯარო ფასიანი ქაღალდ(ებ)ით შესრულება ამასთან, თუ ნასყიდობა შემდეგი სახით ხდება შესაბამისი უჯრედი აღინიშნოს: ნასყიდობა სატენდერო შეთავაზებით  გამოსყიდვა (“მეწარმეთა შესახებ” საქართველოს კანონის 531 მუხლის მიხედვით)

3.  შემძენი: •    სახელი, გვარი და მოქალაქეობა ..................................................................... •    (სახელწოდება): ......................................... •    პდდ-ის სახე, სერია და ნომერი (რეგისტრაციის თარიღი, ნომერი, მარეგისტრირებელი ორგანოს დასახელება);............................................................................................... •    მისამართი და საკონტაქტო ტელეფონის ნომერი ........................................................ •    პირადი ანგარიშის ნომერი: ......................................................................................... •    წარმომადგენლობისას – მისი სახელი, გვარი, წარმომადგენლობის სახე და პდდ-ის სახე, სერია და ნომერი: .................................................................................................................

4.  განკარგულებას თან ერთვის: .......................................................................................

5.  განკარგულების წარდგენის თაობაზე: ___ განკარგულებას გამსხვისებელი ____ განკარგულების წარდგენა საბროკერო წარადგენს კომპანიას დაევალოს

6. ფ/ქ რეგისტრატორის ან ნომინალური მფლობელის საფირმო სახელწოდება, რომელსაც განკარგულება წარედგინება: ..........................................................................................................

7.  გთხოვთ, განკარგულებაში აღნიშნული კლასის და რაოდენობის ფასიანი ქაღალდები გამსხვისებლის პირადი ანგარიშიდან შემძენის პირად ანგარიშზე გადაიტანოთ: გამსხვისებელი: შემძენი: ხელმოწერა: ........................................... ხელმოწერა .......................................... თარიღი: “........”...................................... თარიღი: “........”......................................  20 ............ წ. 20 ............. წ.

8. გარიგების შუამავალი საბროკერო კომპანიის საფირმო სახელწოდება და ბროკერის ხელმოწერა: საბროკერო კომპანიის საფირმო სახელწოდება და ლიცენზიის N: ........................................... ბროკერის სახელი, გვარი ................................................................................. ბროკერის ხელმოწერა: ................................................................................................ თარიღი: “........”...................................... 20 ............. წ.

9. მოთხოვნა შესრულებულია: მარეგისტრირებელის ხელმოწერა: .................................................................. თარიღი: “........”...................................... 20 ............. წ.

 

საქართველოს ფასიანი ქაღალდების ეროვნული კომისიის 2003 წლის 23 მაისის დადგენილება №32-სსმIII, №53, 04.06.2003წ.; მუხ. 463

საქართველოს ფასიანი ქაღალდების ეროვნული კომისიის 2004 წლის 10 სექტემბრის დადგენილება №40-სსმIII, №102, 20.09.2004წ.; მუხ. 879

საქართველოს ფასიანი ქაღალდების ეროვნული კომისიის 2006 წლის 16 მარტის დადგენილება №63-სსმIII, №38, 22.03.2006წ.; მუხ. 450

საქართველოს ფასიანი ქაღალდების ეროვნული კომისიის 2007 წლის 13 ივლისის დადგენილება №73-სსმIII, №105, 25.07.2007წ.; მუხ. 1151

„საჯარო ფასიანი ქაღალდებით არასაბირჟო გარიგებების შესახებ”

წესის დანართი 2

 

გირავნობის განკარგულება N .........................

1.  დამგირავებელი: •    სახელი, გვარი და მოქალაქეობა ..................................................................... •    (სახელწოდება): ......................................... •    პდდ-ის სახე, სერია და ნომერი (რეგისტრაციის თარიღი, ნომერი, მარეგისტრირებელი ორგანოს დასახელება)..................................................................................................................... •    მისამართი და საკონტაქტო ტელეფონის ნომერი ........................................................ •    პირადი ანგარიშის ნომერი: ......................................................................................... •    წარმომადგენლობისას – მისი სახელი, გვარი, წარმომადგენლობის სახე და პდდ-ის სახე, სერია და ნომერი:.............................................................................................................

2.  მონაცემები გირავნობასა და დაგირავებულ ფასიან ქაღალდებზე: •    ემიტენტის სახელწოდება ................................................................................................ •    კლასი: ............................................................................................................................. •    ფქსსნ (თუ მინიჭებული აქვს) .......................................................................................... •    რაოდენობა: ................................................................................................................... •    მოთხოვნის მოცულობა ................................................................................................. •    სარგებელი .................................................................................................................... •    გირავნობის ვადა:........................................................................................................... •    მესამე მოვალე: ...........................................................................................................

3.  მოგირავნე (კრედიტორი): •    სახელი, გვარი და მოქალაქეობა ..................................................................... •    (სახელწოდება): ......................................... •    პდდ-ის სახე, სერია და ნომერი (რეგისტრაციის თარიღი, ნომერი, მარეგისტრირებელი ორგანოს დასახელება);................................................................................................. •    მისამართი და საკონტაქტო ტელეფონის ნომერი ........................................................ •    პირადი ანგარიშის ნომერი: ......................................................................................... •    წარმომადგენლობისას – მისი სახელი, გვარი, წარმომადგენლობის სახე და პდდ-ის სახე, სერია და ნომერი: ...................................................................................................................................

განკარგულებას თან ერთვის: .......................................................................................

5.  განკარგულების წარდგენის თაობაზე: -განკარგულება წარედგინება მხარეე(ეებ)ის -განკარგულების წარდგენა საბროკერო  მიერ კომპანიას დაევალოს

6.  ფ/ქ რეგისტრატორის ან ნომინალური მფლობელის საფირმო სახელწოდება, რომელსაც განკარგულება წარედგინება: .................................................................................................

7.  გთხოვთ, განკარგულებაში აღნიშნული კლასის და რაოდენობის ფასიანი ქაღალდების ბლოკირება (გასხვისების შეზღუდვა) მოახდინოთ დამგირავებლის ანგარიშზე:   მოგირავნე: დამგირავებელი: ხელმოწერა: ........................................... ხელმოწერა .......................................... თარიღი: “........”...................................... თარიღი: “........”......................................  20 ............ წ. 20 ............. წ.

8. გარიგების შუამავალი საბროკერო კომპანიის საფირმო სახელწოდება და ბროკერის ხელმოწერა: საბროკერო კომპანიის საფირმო სახელწოდება და ლიცენზიის N .......................................... ბროკერის სახელი, გვარი................................................................................ ბროკერის ხელმოწერა: ................................................................................................ თარიღი: “........”...................................... 20 ............. წ.

9.  ბლოკირების მოთხოვნა შესრულებულია: მარეგისტრირებელის ხელმოწერა: .................................................................. თარიღი: “........”...................................... 20 ............. წ.

10. გთხოვთ, ამ განკარგულებაში აღნიშნული ბლოკირება მოხსნათ: მოგირავნე დამგირავებელი ხელმოწერა: ........................................... ხელმოწერა .......................................... თარიღი: “........”...................................... თარიღი: “........”.....................................  .20 ............. წ. 20 ............. წ.

11 . ბლოკირების მოხსნის მოთხოვნა შესრულებულია: მარეგისტრირებელის ხელმოწერა: .................................................................. თარიღი: “........”...................................... 20 ............. წ

საქართველოს ფასიანი ქაღალდების ეროვნული კომისიის 2003 წლის 23 მაისის დადგენილება №32-სსმIII, №53, 04.06.2003წ.; მუხ. 463

საქართველოს ფასიანი ქაღალდების ეროვნული კომისიის 2007 წლის 13 ივლისის დადგენილება №73-სსმIII, №105, 25.07.2007წ.; მუხ. 1151

 

„საჯარო ფასიანი ქაღალდებით არასაბირჟო გარიგებების შესახებ”

წესის დანართი 3

 

გადასაცემი განკარგულება N .........................

1.  გადამცემი: ●  სახელი, გვარი და მოქალაქეობა ..................................................................... ●  (სახელწოდება): ......................................... ●  პდდ-ის სახე, სერია და ნომერი (რეგისტრაციის თარიღი, ნომერი, მარეგისტრირებელი ორგანოს დასახელება);................................................................................................. ●  მისამართი და საკონტაქტო ტელეფონის ნომერი ........................................................ ●  პირადი ანგარიშის ნომერი: ......................................................................................... ●  წარმომადგენლობისას – მისი სახელი, გვარი, წარმომადგენლობის სახე და პდდ-ის სახე, სერია და ნომერი: ....................................................................................................................

2.  მონაცემები გადასაცემი ფასიანი ქაღალდების შესახებ: ●  ემიტენტის სახელწოდება ................................................................................................ ●  კლასი: ............................................................................................................................. ●  ფქსსნ (თუ მინიჭებული აქვს) .......................................................................................... ●  რაოდენობა: ................................................................................................................... ●  გადაცემის სახე: ●  კლიენტის მიერ ნომინალურ მფლობელობაში _ ნომინალური მფლობელის მიერ ● გადაცემა კლიენტისათვის გადაცემა

3.  მიმღები: ●  სახელი, გვარი და მოქალაქეობა ..................................................................... ●  (სახელწოდება): ......................................... ●  პდდ-ის სახე, სერია და ნომერი (რეგისტრაციის თარიღი, ნომერი, მარეგისტრირებელი ორგანოს დასახელება);.................................................................................................. ●  მისამართი და საკონტაქტო ტელეფონის ნომერი ........................................................ ●  პირადი ანგარიშის ნომერი: ......................................................................................... ●  წარმომადგენლობისას – მისი სახელი, გვარი, წარმომადგენლობის სახე და პდდ-ის სახე, სერია და ნომერი: ..............................................................................................................

4. განკარგულებას თან ერთვის: .......................................................................................

5. ფასიანი ქაღალდების რეგისტრატორის საფირმო სახელწოდება, რომელსაც განკარგულება წარედგინება:......................................................................................................................

6. გთხოვთ, განკარგულებაში აღნიშნული კლასის და რაოდენობის ფასიანი ქაღალდები გადამცემის პირადი ანგარიშიდან გადაიტანოთ მიმღების პირად ანგარიშზე:    გადამცემის ხელმოწერა .............................................  თარიღი: “........”...................................... 20 ........ წ.

7. მოთხოვნა შესრულებულია: მარეგისტრირებელის ხელმოწერა: ..................................................................... თარიღი: „........”...................................... 20 ............. წ

  საქართველოს ფასიანი ქაღალდების ეროვნული კომისიის 2003 წლის 23 მაისის დადგენილება №32-სსმIII, №53, 04.06.2003წ.; მუხ. 463

საქართველოს ფასიანი ქაღალდების ეროვნული კომისიის 2007 წლის 13 ივლისის დადგენილება №73-სსმIII, №105, 25.07.2007წ.; მუხ. 1151

 

                                     

„საჯარო ფასიანი ქაღალდებით არასაბირჟო გარიგებების შესახებ” წესის

დანართი 4

 

№ .............. განკარგულების დანართი N .......................

1. ___ გამსხვისებლის თანამესაკუთრე ___ შემძენის თანამესაკუთრე  ___ დამგირავებლის თანამესაკუთრე ____ თანამოგირავნე

2. ●  სახელი, გვარი და მოქალაქეობა ..................................................................... ●  (სახელწოდება): ......................................... ●  პდდ-ის სახე, სერია და ნომერი (რეგისტრაციის თარიღი, ნომერი, მარეგისტრირებელი ორგანოს დასახელება);............................................................................................. ●  მისამართი და საკონტაქტო ტელეფონის ნომერი ........................................................ ●  პირადი ანგარიშის ნომერი: ......................................................................................... ●  წარმომადგენლობისას – მისი სახელი, გვარი, წარმომადგენლობის სახე და პდდ-ის სახე, სერია და ნომერი:................................................................................................................ ●  ხელმოწერა

3.  ბროკერის ხელმოწერა: ..................................................................... დანართის შევსების თარიღი: “........”...................................... 20 ............. წ.

საქართველოს ფასიანი ქაღალდების ეროვნული კომისიის 2007 წლის 13 ივლისის დადგენილება №73-სსმIII, №105, 25.07.2007წ.; მუხ. 1151

„საჯარო ფასიანი ქაღალდებით არასაბირჟო გარიგებების  შესახებ” წესის

დანართი 5

 

N .............. განკარგულების დანართი N.........................

ნომინალურ მფლობელობაში გადაცემული ფასიანი ქაღალდების თანამესაკუთრე: ●  სახელი, გვარი და მოქალაქეობა ..................................................................... ●  (სახელწოდება): ......................................... ●  პდდ-ის სახე, სერია და ნომერი (რეგისტრაციის თარიღი, ნომერი, მარეგისტრირებელი ორგანოს დასახელება);............................................................................................. ●  მისამართი და საკონტაქტო ტელეფონის ნომერი ........................................................ ●  პირადი ანგარიშის ნომერი: ......................................................................................... ●  წარმომადგენლობისას – მისი სახელი, გვარი, წარმომადგენლობის სახე და პდდ-ის სახე, სერია და ნომერი:................................................................................................................ ●  ხელმოწერა.....................................................................  თარიღი: “........”...................................... 20 ............. წ

საქართველოს ფასიანი ქაღალდების ეროვნული კომისიის 2007 წლის 13 ივლისის დადგენილება №73-სსმIII, №105, 25.07.2007წ.; მუხ. 1151

 

„საჯარო ფასიანი ქაღალდებით არასაბირჟო გარიგებების  შესახებ” წესის

დანართი 6

 

ივსება ბირჟის უფლებამოსილი თანამშრომლის მიერ
არასაბირჟო ფასიანი ქაღალდებით გარიგების დაფიქსირების განაცხადი N __________ ხელმოწერა მიღების თარიღი ”_______” ______________ 200 წ

 

ივსება საბროკერო კომპანიის ან რეგისტრატორის მიერ
დამფიქსირებელი პირი     (საბროკერო კომპანია ან ფასიანი ქაღალდების რეგისტრატორი) გთხოვთ საქართველოს საფონდო ბირჟაზე დააფიქსიროთ შემდეგი გარიგება: ემიტენტის სახელწოდება  ფასიანი ქაღალდის კლასი
ერთი ცალი ფასიანი ქაღალდის ფასი (ლარებში)
ფასიანი ქაღალდების რაოდენობა
გარიგების ღირებულება (ლარებში)
გარიგების დადების თარიღი
შენიშვნები:
საბროკერო კომპანიის ან ფასიანი ქაღალდების რეგისტრატორის უფლებამოსილი წარმომადგენელი         /			ბ.ა.

 

საქართველოს ფასიანი ქაღალდების ეროვნული კომისიის 2007 წლის 13 ივლისის დადგენილება №73-სსმIII, №105, 25.07.2007წ.; მუხ. 1151

 

Annotate