„ნოტარიუსების მიერ ინფორმაციის მიღების, სისტემატიზაციის, დამუშავებისა და საქართველოს ფინანსური მონიტორინგის სამსახურისათვის გადაცემის წესის შესახებ” დებულების დამტკიცების თაობაზე

„უკანონო შემოსავლის ლეგალიზაციის აღკვეთის ხელშეწყობის შესახებ” საქართველოს კანონის მე-10 და მე-15 მუხლების შესაბამისად, ვბრძანებ:

1. დამტკიცდეს თანდართული დებულება „ნოტარიუსების მიერ ინფორმაციის მიღების, სისტემატიზაციის, დამუშავებისა და საქართველოს ფინანსური მონიტორინგის სამსახურისათვის გადაცემის წესის შესახებ”.

2. დებულება „ნოტარიუსების მიერ ინფორმაციის მიღების, სისტემატიზაციის, დამუშავებისა და საქართველოს ფინანსური მონიტორინგის სამსახურისათვის გადაცემის წესის შესახებ” ამოქმედდეს 2004 წლის 1 სექტემბრიდან.

3. დებულების ამოქმედებიდან ძალადაკარგულად ჩაითვალოს საქართველოს ფინანსური მონიტორინგის სამსახურის უფროსის 2003 წლის 25 დეკემბრის №23 ბრძანება „ნოტარიუსების მიერ ინფორმაციის მიღების, აღრიცხვის, დამუშავებისა და საქართველოს ფინანსური მონიტორინგის სამსახურისათვის გადაცემის წესის შესახებ” დებულების დამტკიცების თაობაზე.

4. საქართველოში მოქმედმა ყველა ნოტარიუსმა:

უზრუნველყონ სანოტარო ბიუროში ელექტრონული ფოსტის ამოქმედება, კლიენტებისა და სხვა შესაბამისი პირების საიდენტიფიკაციო მონაცემებისა და მონიტორინგს დაქვემდებარებული გარიგებების შესახებ მონაცემთა ელექტრონული ბაზის ამოქმედება და დანაწევრების მიზნით განხორციელებული გარიგებების გამოვლენისათვის შესაბამისი პროგრამული სისტემის დანერგვა „უკანონო შემოსავლის ლეგალიზაციის აღკვეთის ხელშეწყობის შესახებ” საქართველოს კანონით დადგენილ ვადებში.

5. ნოტარიუსებმა, რომლებიც დაინიშნებიან თანამდებობაზე ამ ბრძანების ამოქმედების შემდეგ, გაითვალისწინონ „უკანონო შემოსავლის ლეგალიზაციის აღკვეთის ხელშეწყობის შესახებ” საქართველოს კანონისა და ამ ბრძანების მოთხოვნები.

6. ეს ბრძანება ამოქმედდეს გამოქვეყნებისთანავე.

ნ. გეგუჩაძე

შეტანილი ცვლილებები:

1. საქართველოს ფინანსური მონიტორინგის სამსახურის უფროსის 2004 წლის 20 დეკემბრის ბრძანება №162-სსმIII, №151, 23.12.2004წ.; მუხ.1373

2. საქართველოს ფინანსური მონიტორინგის სამსახურის უფროსის 2008 წლის 27 ოქტომბრის ბრძანება №9-სსმIII, №158, 03.11.2008წ.; მუხ.1586

3. საქართველოს ფინანსური მონიტორინგის სამსახურის უფროსის 2010 წლის 2 ივნისის ბრძანება №14-სსმIII, №63, 04.06.2010წ.; მუხ.959

4. საქართველოს ფინანსური მონიტორინგის სამსახურის უფროსის 2011 წლის 1 სექტემბრის ბრძანება №11 - ვებგვერდი, 05.09.2011წ.

5. საქართველოს ფინანსური მონიტორინგის სამსახურის უფროსის 2012 წლის 31 იანვრის ბრძანება №10 - ვებგვერდი, 02.02.2012წ.

დებულება

ნოტარიუსების მიერ ინფორმაციის მიღების, სისტემატიზაციის, დამუშავებისა და საქართველოს ფინანსური მონიტორინგის სამსახურისათვის გადაცემის წესის შესახებ

მუხლი 1. ზოგადი დებულებები

1. წინამდებარე დებულება შემუშავებულია „უკანონო შემოსავლის ლეგალიზაციის აღკვეთის ხელშეწყობის შესახებ“ საქართველოს კანონისა და სხვა ნორმატიული აქტების საფუძველზე.

2. დებულება განკუთვნილია საქართველოს ტერიტორიაზე მოქმედი ნოტარიუსებისათვის.

3. დებულების მოთხოვნები ვრცელდება საქართველოს რეზიდენტ და არარეზიდენტ პირებზე, მათ წარმომადგენლებზე, წარმომადგენლობებსა და ფი-ლიალებზე, აგრეთვე უწყებებზე, დაწესებულებებსა და ორგანიზაციებზე.

4. დებულება არეგულირებს ნოტარიუსების მიერ უკანონო შემოსავლების ლეგალიზაციისა და ტერორიზმის დაფინანსების აღკვეთის ხელშეწყობის მიზნით ფინანსური მონიტორინგის განხორციელების ზოგად პრინციპებსა და წესებს, კერძოდ, ნოტარიუსების კლიენტებისა და სხვა შესაბამისი პირების იდენტიფიკაციის, სათანადო ინფორმაციის მიღების, სისტემატიზაციის, დამუშავების, შენახვისა და საქართველოს ფინანსური მონიტორინგის სამსახურისათვის გადაცემის პირობებსა და წესებს.

საქართველოს ფინანსური მონიტორინგის სამსახურის უფროსის 2008 წლის 27 ოქტომბრის ბრძანება №9-სსმIII, №158, 03.11.2008წ.; მუხ.1586

საქართველოს ფინანსური მონიტორინგის სამსახურის უფროსის 2010 წლის 2 ივნისის ბრძანება №14-სსმIII, №63, 04.06.2010წ.; მუხ.959

მუხლი 2. ტერმინთა განმარტება

ამ დებულებაში გამოყენებულ ტერმინებს აქვთ შემდეგი მნიშვნელობა:

ა) უკანონო შემოსავალი – პირის საკუთრებაში ან მფლობელობაში არსებული უკანონო ან/და დაუსაბუთებელი ქონება;

ბ) ქონება – საქართველოს სამოქალაქო კოდექსით გათვალისწინებული ქონება: ყველა ნივთი (როგორც მოძრავი, ისე უძრავი) და არამატერიალური ქონებრივი სიკეთე, რომელთა ფლობა, სარგებლობა და განკარგვა შეუძლიათ ფიზიკურ და იურიდიულ პირებს;

გ) უკანონო შემოსავლის ლეგალიზაცია – უკანონო შემოსავლისათვის კანონიერი სახის მიცემა (შეძენა, გამოყენება, გადაცემა ან სხვა მოქმედება), აგრეთვე, მისი ნამდვილი წარმოშობის, მესაკუთრის ან მფლობელის ან/და ქონებრივი უფლებების დამალვა ან შენიღბვა, ანდა ასეთი ქმედების ჩადენის მცდელობა;

დ) მონიტორინგი – ნოტარიუსის მიერ მისი კლიენტების იდენტიფიკაცია, პირების მიერ ნოტარიუსის მეშვეობით განხორციელებული, მონიტორინგს დაქვემდებარებული გარიგებების მონაწილე პირების იდენტიფიკაცია, მონიტორინგს დაქვემდებარებული გარიგებების შესახებ ინფორმაციის აღრიცხვა, სისტემატიზაცია, დამუშავება და საქართველოს ფინანსური მონიტორინგის სამსახურისათვის წარდგენა „უკანონო შემოსავლის ლეგალიზაციის აღკვეთის ხელშეწყობის შესახებ“ საქართველოს კანონით, ამ დებულებითა და ზემოაღნიშნული კანონის საფუძველზე მიღებული სხვა ნორმატიული აქტებით განსაზღვრული წესით;

ე) საეჭვო გარიგება – გარიგება (მიუხედავად მისი თანხის ოდენობისა და ოპერაციის სახეობისა), რომელზედაც არსებობს საფუძვლიანი ეჭვი, რომ იგი დაიდო ან შესრულდა უკანონო შემოსავლის ლეგალიზაციის მიზნით ან/და ქონება (მათ შორის, ფულადი სახსრები), რომლის საფუძველზედაც დაიდო ან შესრულდა გარიგება, მოპოვებულია ან წარმოშობილია დანაშაულებრივი საქმიანობიდან, ან/და გარიგება დაიდო ან შესრულდა ტერორიზმის დაფინანსების მიზნით (ეჭვს იწვევს გარიგების მონაწილე პირი ან გარიგების თანხის წარმოშობა, ან არსებობს სხვა საფუძველი, რომლის გამოც გარიგება შეიძლება მიჩნეულ იქნეს საეჭვოდ), ან რომ მისი მონაწილე რომელიმე პირი შეტანილია ტერორისტთა ან ტერორიზმის ხელშემწყობ პირთა სიაში ან/და შესაძლებელია დაკავშირებული იყოს მათთან, ან/და რომ მასში მონაწილე ფულადი სახსრები შესაძლებელია დაკავშირებული იყოს ან გამოყენებულ იქნეს ტერორიზმისათვის, ტერორისტული აქტისათვის ან ტერორისტების მიერ ან ტერორისტული ორგანიზაციის ან ტერორიზმის დამფინანსებლის მიერ, ან რომ მისი მონაწილე რომელიმე პირის იურიდიული ან ფაქტობრივი მისამართი ან საცხოვრებელი ადგილი არის არაკოოპერირებად (არამოთანამშრომლე) ზონაში, ან რომ მისი თანხის გადარიცხვა ხდება ასეთ ზონაში ან ასეთი ზონიდან;

ვ) პირი – ნებისმიერი როგორც რეზიდენტი, ისე არარეზიდენტი ფიზიკური და იურიდიული პირი, აგრეთვე, კანონმდებლობით გათვალისწინებული ორგანიზაციული წარმონაქმნი, რომელიც არ წარმოადგენს იურიდიულ პირს (ბინის მესაკუთრეთა ამხანაგობა, არარეგისტრირებული კავშირი და ამხანაგობა);

ზ) ნოტარიუსის კლიენტები – ფიზიკური და იურიდიული პირები (აგრეთვე კანონმდებლობით გათვალისწინებული ორგანიზაციული წარმონაქმნები, რომლებიც არ წარმოადგენენ იურიდიულ პირებს), რომლებიც მიმართავენ ნოტარიუსს საქართველოს კანონმდებლობით გათვალისწინებული სანოტარო მოქმედებების შესასრულებლად;

თ) პირის იდენტიფიკაცია – პირის შესახებ ისეთი ინფორმაციის მოპოვება, რომელიც საჭიროების შემთხვევაში იძლევა პირის მოკვლევისა და მისი სხვა პირებისგან გამორჩევის საშუალებას;

ი) გარიგების მონაწილე პირი – გარიგების მონაწილე ყველა პირი, მათ შორის, გარიგების მხარეები, წარმომადგენლები, მარწმუნებლები, მესამე პირები, რომელთა სასარგებლოდაც იდება გარიგება;

კ) არაკოოპერირებადი (არამოთანამშრომლე) ან საყურადღებო ზონა – საქართველოს ფინანსური მონიტორინგის სამსახურის წარდგინებით საქართველოს ეროვნული ბანკის მიერ განსაზღვრული ქვეყანა ან ქვეყნის ტერიტორიის ნაწილი. აღნიშნული ქვეყანა ან ქვეყნის ტერიტორიის ნაწილი არაკოოპერირებად (არამოთანამშრომლე) ან საყურადღებო ზონად მიიჩნევა კომპეტენტური საერთაშორისო ორგანიზაციის ინფორმაციაზე დაყრდნობით ან თუ არსებობს დასაბუთებული ვარაუდი, რომ მითითებულ ზონაში მოქმედებს უკანონო შემოსავლის ლეგალიზაციის სუსტი მაკონტროლებელი მექანიზმი;

ლ) (ამოღებული);

მ) ბენეფიციარი მესაკუთრე – ფიზიკური პირი, რომელიც არის პირის საბოლოო მფლობელი ან მაკონტროლებელი პირი ან/და რომლის სახელითაც ხორციელდება გარიგება (ოპერაცია); სამეწარმეო იურიდიული პირის (აგრეთვე საქართველოს კანონმდებლობით გათვალისწინებული იმ ორგანიზაციული წარმონაქმნის, რომელიც არ არის იურიდიული პირი) ბენეფიციარი მესაკუთრე არის მისი წილის ან ხმის უფლების მქონე აქციების 25 პროცენტის ან მეტის პირდაპირი ან არაპირდაპირი ფორმით საბოლოო მესაკუთრე, მფლობელი ან/და მაკონტროლებელი ფიზიკური პირი ან ფიზიკური პირი, რომელიც სხვაგვარად ახორციელებს კონტროლს სამეწარმეო იურიდიული პირის მართვაზე;

ნ) კონტროლი – პირდაპირ თუ არაპირდაპირ, უშუალოდ თუ სხვებთან ერთად, ხმის უფლების მქონე აქციების (წილის, პაის) გამოყენებით თუ სხვა გზით ზეგავლენის მოხდენა;

ო) მაკონტროლებელი პირი – კონტროლის განმახორციელებელი პირი;

პ) უჩვეულო გარიგება – რთული, უჩვეულოდ დიდი გარიგება, აგრეთვე გარიგებათა ტიპი, რომელსაც არ აქვს აშკარა ეკონომიკური (კომერციული) შინაარსი ან აშკარა კანონიერი მიზანი, არ შეესაბამება გარიგების მონაწილე პირის ჩვეულებრივ საქმიანობას;

ჟ) პოლიტიკურად აქტიური პირი – უცხო ქვეყნის მოქალაქე, რომელსაც შესაბამისი ქვეყნის კანონმდებლობის მიხედვით უკავია სახელმწიფო (საჯარო) პოლიტიკური თანამდებობა ან/და ეწევა მნიშვნელოვან სახელმწიფოებრივ და პოლიტიკურ საქმიანობას. პოლიტიკურად აქტიური პირები არიან: სახელმწიფოს მეთაური, მთავრობის ხელმძღვანელი და მთავრობის წევრი, აგრეთვე მათი მოადგილეები, სამთავრობო დაწესებულების ხელმძღვანელი, პარლამენტის წევრი, უზენაესი სასამართლოს წევრი, საკონსტიტუციო სასამართლოს წევრი, სამხედრო ძალების ხელმძღვანელი პირი, ცენტრალური (ეროვნული) ბანკის საბჭოს წევრი, ელჩი, სახელმწიფოს წილობრივი მონაწილეობით მოქმედი საწარმოს ხელმძღვანელი პირი, პოლიტიკური პარტიის (გაერთიანების) ხელმძღვანელი, პოლიტიკური პარტიის (გაერთიანების) აღმასრულებელი ორგანოს წევრი, სხვა მნიშვნელოვანი პოლიტიკური მოღვაწე, ასევე მათი ოჯახის წევრები, აგრეთვე მასთან უშუალო საქმიან ურთიერთობაში მყოფი პირი; პირი პოლიტიკურად აქტიურ პირად ითვლება ზემოაღნიშნული თანამდებობის დატოვებიდან ერთი წლის განმავლობაში;

რ) ოჯახის წევრი – პირის მეუღლე, შვილი (მათ შორის, გერი) და მისი მეუღლე, მშობელი, და, ძმა;

ს) პოლიტიკურად აქტიურ პირთან უშუალო საქმიან ურთიერთობაში მყოფი პირი – ფიზიკური პირი, რომელიც ფლობს ან/და აკონტროლებს იმ იურიდიული პირის წილს ან ხმის უფლების მქონე აქციებს, რომლის წილს ან ხმის უფლების მქონე აქციებს ფლობს ან/და აკონტროლებს პოლიტიკურად აქტიური პირი, აგრეთვე მასთან სხვაგვარ მჭიდრო საქმიან ურთიერთობაში მყოფი პირი.

საქართველოს ფინანსური მონიტორინგის სამსახურის უფროსის 2011 1 სექტემბრის ბრძანება №11 - ვებგვერდი, 05.09.2011წ.

საქართველოს ფინანსური მონიტორინგის სამსახურის უფროსის 2012 წლის 31 იანვრის ბრძანება №10 - ვებგვერდი, 02.02.2012წ.

მუხლი 3. მონიტორინგს დაქვემდებარებული გარიგებები

1. ამ დებულების მიზნებისათვის, მონიტორინგს ექვემდებარება პირის მიერ დადებული ან შესრულებული (თუ ნოტარიუსისთვის ამ გარიგების შესახებ ცნობილი გახდა მისი შესრულების შემდეგ) გარიგება ან/და გარიგების (მისი თანხის) დანაწევრების მიზნით დადებულ ან შესრულებულ გარიგებათა ერთობლიობა, თუ:

ა) გარიგების ან გარიგებათა ერთობლიობის თანხა აღემატება 30 000 ლარს (ან მის ეკვივალენტს სხვა ვალუტაში) როგორც ნაღდი, ისე უნაღდო ანგარიშსწორების შემთხვევაში; ან

ბ) გარიგება საეჭვოა ამ დებულების მე-2 მუხლის „ე“ ქვეპუნქტის შესაბამისად (მიუხედავად მისი თანხის ოდენობისა).

2. ამ მუხლის პირველ პუნქტში მითითებული გარიგებების გარდა მონიტორინგს ექვემდებარება ნებისმიერი სახის გარიგება (მიუხედავად თანხის ოდენობისა), თუ არსებობს ვარაუდი, რომ რომელიმე მისი მონაწილე პირი დაკავშირებულია ან შესაძლოა დაკავშირებული იყოს ტერორისტ ან ტერორიზმის ხელშეწმყობ პირებთან ან/და გარიგებაში მონაწილე ფულადი სახსრები, მიუხედავად იმისა კანონიერი თუ უკანონო გზით იქნა იგი მოპოვებული, შესაძლებელია დაკავშირებული იყოს ან გამოყენებულ იქნ ე ს ტერორიზმისთვის, ტერორისტული აქტისთვის ან ტერორისტების მიერ ან ტერორისტული ორგანიზაციის მიერ ან ტერორიზმის დამფინანსებლების მიერ. ტერორისტი და ტერორიზმის ხელშემწყობი პირების სია საქართველოს ფინანსური მონიტორინგის სამსახურის მიერ ქვეყნდება „საქართველოს საკანონმდებლო მაცნეში”.

3. მონიტორინგს ექვემდებარება, აგრეთვე, საეჭვო გარიგების დადების ან შესრულების მცდელობა და სხვა ფაქტი (გარემოება), რომელიც საქართველოს ფინანსური მონიტორინგის სამსახურის წერილობითი მითითებების შესაბამისად, შეიძლება უკავშირდებოდეს უკანონო შემოსავლის ლეგალიზაციას ან ტერორიზმის დაფინანსებას.

3¹. „უკანონო შემოსავლის ლეგალიზაციის აღკვეთის ხელშეწყობის შესახებ“ საქართველოს კანონის მე-5 მუხლის მე-9 პუნქტის შესაბამისად, ნოტარიუსმა განსაკუთრებული ყურადღება უნდა მიაქციოს უჩვეულო გარიგებებს, შესაძლებლობის ფარგლებში შეისწავლოს ასეთი გარიგების დადების მიზანი და საფუძველი და წერილობით დააფიქსიროს მიღებული შედეგები.

3². ნოტარიუსი „უკანონო შემოსავლის ლეგალიზაციის აღკვეთის ხელშეწყობის შესახებ“ საქართველოს კანონის მიზნებიდან გამომდინარე თავად განსაზღვრავს მასთან საქმიანი ურთიერთობებით დაკავშირებული პირის გარიგების უჩვეულო გარიგებისთვის მიკუთვნების პრინციპებს;

4. „უკანონო შემოსავლის ლეგალიზაციის აღკვეთის ხელშეწყობის შესახებ” საქართველოს კანონის მე-5 მუხლის მე-5 პუნქტის შესაბამისად, საქართველოს ფინანსური მონიტორინგის სამსახურს უფლება აქვს განსაზღვროს კონკრეტული სახის გარიგებათა ჩამონათვალი (ან მათი დამახასიათებელი ნიშნები, როგორიცაა გარიგების მონაწილე პირთა საქმიანობის სფერო, მათი ადგილმდებარეობის (რეგისტრაციის ადგილის) გეოგრაფიული არეალი, გარიგების არსი და სხვა), რომელთა შესახებაც უნდა ეცნობოს საქართველოს ფინანსური მონიტორინგის სამსახურს ანგარიშგების წარდგენის ამ დებულებით განსაზღვრული წესით.

5. ნოტარიუსს უფლება აქვს სამსახურს არ მიაწოდოს ანგარიშგების ფორმა უძრავ ნივთებთან დაკავშირებულ ი გარიგებების თაობაზე, თუ გარიგების თანხა აღემატება 30 000 ლარს, მაგრამ გარიგებას, მისი შინაარსიდან გამომდინარე, შედეგად არ მოჰყვება გარიგების საგნის მესაკუთრის შეცვლა (მათ შორის მოთხოვნის უზრუნველყოფის მიზნით დადებული გარიგებები). აღნიშნული გამონაკლისის გამოყენება დაუშვებელია იმ შემთხვევაში, თუ გარიგება ან მასში მონაწილე რომელიმე პირი ეჭვს იწვევს „უკანონო შემოსავლის ლეგალიზაციის აღკვეთის ხელშეწყობის შესახებ“ საქართველოს კანონისა და ამ დებულების მიზნებიდან გამომდინარე.

მუხლი 4. ნოტარიუსის ვალდებულებანი შიდა კონტროლის განხორციელებასთან დაკავშირებით

„უკანონო შემოსავლის ლეგალიზაციის აღკვეთის ხელშეწყობის შესახებ“ საქართველოს კანონის მე-8 მუხლის შესაბამისად, უკანონო შემოსავლის ლეგალიზაციის ფაქტების თავიდან აცილების მიზნით ნოტარიუსი ვალდებულია განახორციელოს შიდა კონტროლი, საქართველოს იუსტიციის სამინისტროს მიერ „უკანონო შემოსავლის ლეგალიზაციის აღკვეთის ხელშეწყობის შესახებ“ საქართველოს კანონის მე-8 მუხლის მე-7 პუნქტის შესაბამისად გამოცემული ნორმატიული აქტების საფუძველზე.

მუხლი 5. ნოტარიუსის ვალდებულებანი იდენტიფიკაციასა და საიდენტიფიკაციო მონაცემების (დოკუმენტების) აღრიცხვასთან დაკავშირები თ

1. ნოტარიუსი ვალდებულია მოახდინოს თავისი ძირითადი საქმიანობიდან გამომდინარე მასთან საქმიანი ურთიერთობებით დაკავშირებული პირის (მისი წარმომადგენლისა და მარწმუნებლის, აგრეთვე მესამე პირის, თუ გარიგება იდება (დადებულია) მესამე პირის სასარგებლოდ) იდენტიფიკაცია და მიიღოს გონივრული ზომები მისი ვინაობის გადასამოწმებლად სანდო და დამოუკიდებელი წყაროდან მოპოვებული ინფორმაციის (დოკუმენტების) საფუძველზე, როდესაც:

ა) გარიგების (ოპერაციის) თანხა აღემატება 3000 ლარს (ან მის ე კ ვივალენტს სხვა ვალუტაში);

ბ) ე ს გარიგება არის საეჭვო გარიგება ამ დებულების მე-2 მუხლის „ე“ ქვეპუნქტის შესაბამისად;

გ) ჩნდება ეჭვი პირის საიდენტიფიკაციო მონაცემების სიზუსტესა და/ან შესაბამისობაში.

2. ნოტარიუსი ვალდებულია მოახდინოს თავისი ძირითადი საქმიანობიდან გამომდინარე მასთან საქმიანი ურთიერთობებით დაკავშირებული პირის (კლიენტის) ბენეფიციარი მესაკუთრის იდენტიფიკაცია, ასევე მიიღოს გონივრული ზომები მისი ვინაობის გადამოწმების მიზნით სანდო, დამოუკიდებელ წყაროზე დაყრდნობით და დარწმუნდეს, რომ იცის ვინ არის პირის (კლიენტის) ბენეფიციარი მესაკუთრე. ბენეფიციარი მესაკუთრის მიმართ უნდა გატარდეს ფიზიკური პირისთვის გათვალისწინებული საიდენტიფიკაციო პროცედურები.

3. ნოტარიუსი თავისი ძირითადი საქმიანობიდან გამომდინარე მასთან საქმიანი ურთიერთობებით დაკავშირებული პირის (მისი ბენეფიციარი მესაკუთრის) იდენტიფიკაციისას ან/და მისი ვინაობის გადამოწმებისას შეიძლება დაეყრდნოს მესამე პირს/შუამავალს, რომელიც საერთაშორისო სტანდარტების გათვალისწინებით ახორციელებს პირის და მისი ბენეფიციარი მესაკუთრის იდენტიფიკაციას და მათი ვინაობის გადამოწმებას, ამ დებულების მე-7 მუხლით გათვალისწინებული დოკუმენტების შენახვას და ექვემდებარება უკანონო შემოსავლის ლეგალიზაციისა და ტერორიზმის დაფინანსების აღკვეთის შესაბამის ზედამხედველობასა და რეგულირებას. ამასთანავე, ნოტარიუსმა იდენტიფიკაციასთან დაკავშირებული ინფორმაციის (დოკუმენტების ან მათი ასლების) დაუყოვნებლივ ხელმისაწვდომობის უზრუნველსაყოფად უნდა გაატაროს შესაბამისი ღონისძიება. ასეთ შემთხვევაში ამ დებულებით გათვალისწინებული წესით პირის იდენტიფიკაციისა და მისი ვინაობის გადამოწმებისათვის საბოლოო პასუხისმგებლობა ეკისრება ნოტარიუსს.

4. ნოტარიუსი უფლებამოსილია თავისი ძირითადი საქმიანობიდან გამომდინარე მასთან საქმიანი ურთიერთობებით დაკავშირებული პირის (მისი წარმომადგენლის ან მარწმუნებლის, აგრეთვე მესამე პირის, თუ გარიგება იდება მესამე პირის სასარგებლოდ) და მისი ბენეფიციარი მესაკუთრის „უკანონო შემოსავლის ლეგალიზაციის აღკვეთის ხელშეწყობის შესახებ“ საქართველოს კანონითა და ამ დებულებით დადგენილი წესით იდენტიფიკაციის მიზნით ისარგებლოს საქართველოს კანონმდებლობით დადგენილი წესით საქართველოს იუსტიციის სამინისტროს სამოქალაქო რეესტრის სააგენტოს მიერ მოწოდებული საიდენტიფიკაციო დოკუმენტების მონაცემთა ელექტრონული ბაზებით.

5. ნოტარიუსს არა აქვს უფლება დაამოწმოს (დაადასტუროს) გარიგება (დოკუმენტი), შეასრულოს რაიმე სხვა სანოტარო მოქმედება ან დაამყაროს პირთან საქმიანი ურთიერთობა (გაუწიოს მომსახურება კლიენტს), თუ წინასწარ არ მოახდენს მის იდენტიფიკაციას.

6. ნოტარიუსი ვალდებულია კლიენტთან საქმიანი ურთიერთობის დაწყებამდე გამოარკვიოს, თუ რა სახის და რა მიზნით სურს მას ნოტარიუსთან ურთიერთობა, მუდმივად აწარმოოს არსებულ კლიენტებსა და ნოტარიუსს შორის ურთიერთობის შესწავლა.

7. გარიგების საეჭვოობის შესახებ ვარაუდის არსებობისა და გარიგების თანხის ოდენობის მიუხედავად, ნოტარიუსი არ აჩერებს სანოტარო მოქმედების შესრულებას (მასთან საქმიანი ურთიერთობით დაკავშირებული პირის (კლიენტის) მომსახურებას), გარდა შემდეგი შემთხვევებისა:

ა) თუ ნოტარიუსთან საქმიანი ურთიერთობის დამყარების მსურველი პირის (კლიენტის) იდენტიფიკაცია ვერ ხერხდება;

ბ) თუ გარიგების მონაწილე რომელიმე პირი შეტანილია ტერორისტ ან ტერორიზმის ხელშემწყობ პირთა სიაში;

გ) საქართველოს კანონმდებლობით გათვალისწინებული სხვა შემთხვევებისა.

8. ამ მუხლის მე-7 პუნქტის „ა“ და „ბ“ ქვეპუნქტებში მითითებულ შემთხვევებში ნოტარიუსი ვალდებულია უარი განაცხადოს სანოტარო მომსახურების შესრულებაზე და დაუყოვნებლივ წარუდგინოს საქართველოს ფინანსური მონიტორინგის სამსახურს ანგარიშგების შესაბამისი ფორმა, მის ხელთ არსებული მასალები და ნებისმიერი სხვა ინფორმაცია ამ გარიგების და მისი მონაწილე პირების შესახებ.

9. იდენტიფიკაციის შედეგად უნდა დადგინდეს გარიგების მონაწილე ყველა პირის შემდეგი მონაცემები:

ა) ფიზიკური პირის შემთხვევაში:

ა.ა) სახელი და გვარი;

ა.ბ) მოქალაქეობა;

ა.გ) დაბადების თარიღი;

ა.დ) მუდმივი (რეგისტრირებული) საცხოვრებელი ადგილი;

ა.ე) პირადობის მოწმობის (პასპორტის) ნომერი და მოქალაქის პირადი ნომერი პირადობის მოწმობის (პასპორტის) მიხედვით;

ა.ვ) თუ ფიზიკური პირი რეგისტრირებულია როგორც ინდივიდუალური მეწარმე – შესაბამისი რეგისტრაციის თარიღი, ნომერი, მარეგისტრებელი ორგანო, გადასახადის გადამხდელის საიდენტიფიკაციო ნომერი;

ბ) იურიდიული პირის შემთხვევაში:

ბ.ა) სრული სახელწოდება;

ბ.ბ) საქმიანობის საგანი;

ბ.გ) იურიდიული მისამართი (ფილიალის ან წარმომადგენლობის შემთხვევაში, როგორც მისი მისამართი, ასევე, სათა ვ ო დაწესებულების მისამართი);

ბ.დ) მარეგისტრირებელი ორგანო, რეგისტრაციის თარიღი და ნომერი;

ბ.ე) გადასახადის გადამხდელის საიდენტიფიკაციო ნომერი;

ბ.ვ) ხელმძღვანელობასა და წარმომადგენლობაზე უფლებამოსილი პირების საიდენტიფიკაციო მონაცემები წინამდებარე პუნქტის შესაბამისად (ცალკე ივსება იმ პირის მონაცემები, რომელიც უშუალოდ წარმოადგენს ამ იურიდიულ პირს გარიგებაში);

გ) კანონმდებლობით გათვალისწინებული ისეთი ორგანიზაციული წარმონაქმნის შემთხვევაში, რომელიც არ წარმოადგენს იურიდიულ პირს:

გ.ა) სრული დასახელება (სახელწოდება);

გ.ბ) იურიდიული მისამართი;

გ.გ) სამართლებრივი აქტი ან სხვა დოკუმენტი, რომლითაც შექმნილია (ან რომლის საფუძველზეც მოქმედებს) ეს ორგანიზაციული წარმონაქმნი;

გ.დ) გადასახადის გადამხდელის საიდენტიფიკაციო ნომერი;

გ.ე) ხელმძღვანელობასა და წარმომადგენლობაზე უფლებამოსილი პირების საიდენტიფიკაციო მონაცემები წინამდებარე პუნქტის შესაბამისად (ცალკე ივსება იმ პირის მონაცემები, რომელიც უშუალოდ წარმოადგენს ამ პირს გარიგებაში).

10. იდენტიფიკაციისთვის საჭირო დოკუმენტებია:

ა) თუ ფიზიკური პირი საქართველოს მოქალაქეა – პირადობის მოწმობა, ან პასპორტი, ან საქართველოს კანონმდებლობით მა თ თან გათანაბრებული სხვა ოფიციალური დოკუმენტი, რომელიც შეიცავს სათანადო მონაცემებს, ხოლო, თუ ფიზიკური პირი რეგისტრირებულია როგორც ინდივიდუალური მეწარმე – აგრეთვე მისი რეგისტრაციის დამადასტურებელი დოკუმენტი;

ბ) თუ ფიზიკური პირი უცხო სახელმწიფოს მოქალაქეა – შესაბამისი ქვეყნის კომპეტენტური ორგანოს მიერ გაცემული პასპორტი ან საქართველოს კანონმდებლობით მა ს თან გათანაბრებული სხვა ოფიციალური დოკუმენტი, რომელიც შეიცავს სათანადო მონაცემებს;

გ) რეზიდენტი იურიდიული პირის შემთხვევაში (აგრეთვე, იმ ორგანიზაციული წარმონაქმნის შემთხვევაში, რომელიც არ წარმოადგენს იურიდიულ პირს) – საქართველოს კანონმდებლობით გათვალისწინებული შესაბამისი აქტი მისი შექმნის შესახებ ან ამონაწერი სამეწარმეო (სხვა შესაბამისი) რეესტრიდან და პირის წარმომადგენლობაზე უფლებამოსილების დამადასტურებელი დოკუმენტი;

დ) არარეზიდენტი იურიდიული პირის შემთხვევაში შესაბამისი ქვეყნის კომპეტენტური ორგანოების მიერ გაცემული დოკუმენტები, რომლებიც უნდა იყოს საქართველოს კანონმდებლობით ლეგალიზებული და უნდა იძლეოდეს არარეზიდენტი იურიდიული პირის შექმნისა და მის წარმომადგენელზე (წარმომადგენლებზე) შესაბამისი უფლებამოსილების დადასტურების საშუალებას.

11. თუ ნოტარიუსთან არსებული ან წარმოდგენილი დოკუმენტები (ინფორმაცია) იძლევა საშუალებას, ამ მუხლის მე-9 პუნქტის „ა“ – „გ“ ქვეპუნქტებში მითითებული ინფორმაციის გარდა, უნდა დაფიქსირდეს, აგრეთვე, შემდეგი მონაცემები:

ა) ფიზიკური პირის შემთხვევაში:

ა.ა) მამის სახელი;

ა.ბ) დაბადების ადგილი;

ა.გ) პირადობის მოწმობის (პასპორტის) გაცემის თარიღი და გამცემი ორგანო;

ა.დ) დროებითი (ფაქტობრივი) საცხოვრებელი ადგილი (როგორც საქართველოში, ისე საზღვარგარეთ), თუ იგი არ ემთხვევა რეგისტრირებულ საცხოვრებელ ადგილს;

ა.ე) პროფესია, საქმიანობა და დაკავებული თანამდებობა;

ა.ვ) საბანკო ანგარიშის (ანგარიშების) რეკვიზიტები;

ა.ზ) ტელეფონი, ფაქსი, ელექტრონული ფოსტის მისამართი;

ბ) იურიდიული პირის შემთხვევაში (აგრეთვე, იმ ორგანიზაციული წარმონაქმნის შემთხვევაში, რომელიც არ წარმოადგენს იურიდიულ პირს):

ბ.ა) დამფუძნებელი/პარტნიორი პირების, აქციების, წილის, პაის და ა.შ. 20 და მეტი პროცენტის მფლობელი ფიზიკური და იურიდიული პირების საიდენტიფიკაციო მონაცემები;

ბ.ბ) ხელმძღვანელობასა და წარმომადგენლობაზე უფლებამოსილი პირების თანამდებობაზე დანიშვნის თარიღი;

ბ.გ) საბანკო ანგარიშის (ანგარიშების) რეკვიზიტები.

12. ნოტარიუსი ვალდებულია აწარმოოს კლიენტთან საქმიანი ურთიერთობის მუდმივი მონიტორინგი, რომელიც მოიცავს:

ა) კლიენტისა და მისი ბენეფიციარი მესაკუთრის შესახებ მიმდინარე ინფორმაციისა და ჩანაწერების შენახვას;

ბ) არსებული საიდენტიფიკაციო მონაცემების პერიოდულ განახლებას და მათ მოქმედ ნორმებთან შესაბამისობას;

გ) გარიგების დეტალურ შესწავლას, იმისათვის, რომ დადგინდეს, შეესაბამება თუ არა გარიგება კლიენტის შესახებ მის ცოდნას, კლიენტის კომერციულ ან პირად საქმიანობას, და რისკის ჯგუფს და, საჭიროების შემთხვევაში, ქონების (მათ შორის, ფულადი სახსრების) წარმომავლობას.

13. ნოტარიუსი ვალდებულია ჰქონდეს რისკების მართვის სათანადო სისტემა ისეთი კლიენტის იდენტიფიკაციის და მისი ვინ ა ობის გადამოწმების მიზნით, რომლის საქმიანობამ შესაძლებელია შექმნას უკანონო შემოსავლის ლეგალიზაციის ან/და ტერორიზმის დაფინანსების მაღალი რისკი, და აწარმოოს მის მიმართ გაძლიერებული იდენტიფიკაციისა და ვინაობის გადამოწმების და გაძლიერებული მონიტორინგის პროცესი. იდენტიფიკაციისა და ვინაობის გადამოწმების პროცედურები უნდა განხორციელდეს რისკებზე დამყარებული მიდგომის საფუძველზე, კლიენტის ტიპისა და სახის, საქმიანი ურთიერთობის, მომსახურების ან გარიგების გათვალისწინებით. ნოტარიუსი ვალდებულია, განსაზღვროს უკანონო შემოსავლის ლეგალიზაციისა ან/და ტერორიზმის დაფინანსების მაღალი რისკი ს კატეგორიას მიკუთვნებული კლიენტები. შესაბამისი კლიენტისათვის მაღალი რისკის კატეგორიის მიკუთვნების შემთხვევაში, ნოტარიუსი უფლებამოსილია გამოიყენოს ამ დებულების 5¹ მუხლით გათვალისწინებული მოთხოვნები.

14. ნოტარიუსმა განსაკუთრებული ყურადღება უნდა მიაქციოს რისკებს დაკავშირებულს ისეთი ახალი ტექნოლოგიების, პროდუქტებისა და მომსახურების დანერგვასთან, რომლებიც ხელს უწყობს ანონიმურობას მომსახურებისას, და ყველა ზომა უნდა მიიღოს უკანონო შემოსავლის ლეგალიზაციისა და ტერორიზმის დაფინანსების მიზნებისთვის მათი გამოყენების აღსაკვეთად. ნოტარიუსს უნდა ჰქონდეს იდენტიფიკაციისა და ვინაობის გადამოწმების ისეთი პოლიტიკა და პროცედურები, რომლებიც უზრუნველყოფს საქართველოს კანონმდებლობით გათვალისწინებული წესით პირის დისტანციურ მომსახურებასთან დაკავშირებული რისკების შემცირებას. ამ პუნქტში მითითებული პოლიტიკა და პროცედურები გამოყენებული უნდა იქნეს საქმიანი ურთიერთობის დამყარებისა და მისი მუდმივი მონიტორინგის დროს.

მუხლი 5¹. ნოტარიუსის ვალდებულებანი პოლიტიკურად აქტიურ პირებთან დაკავშირებით

1. ნოტარიუსი ვალდებულია გამოარკვიოს, მიეკუთვნება თუ არა მასთან საქმიანი ურთიერთობებით დაკავშირებული პირი და მისი ბენეფიციარი მესაკუთრე პოლიტიკურად აქტიურ პირთა კატეგორიას.

2. თუ ნოტარიუსთან საქმიანი ურთიერთობებით დაკავშირებული პირი ან/და მისი ბენეფიციარი მესაკუთრე წარმოადგენს პოლიტიკურად აქტიურ პირს, გარდა კანონით და დებულებით გათვალისწინებულისა, ნოტარიუსმა დამატებით უნდა განახორციელოს შემდეგი ღონისძიებები:

ა) მიიღოს გონივრული ზომები ასეთი პირის ფულადი სახსრების, ქონების წარმომავლობის დასადგენად;

ბ) განახორციელოს ასეთ პირთან თავისი საქმიანი ურთიერთობების გაძლიერებული მონიტორინგი.

3. თუ პირი (მისი ბენეფიციარი მესაკუთრე) ნოტარიუსთან საქმიანი ურთიერთობების დამყარების შემდეგ გახდა პოლიტიკურად აქტიური პირი, ნოტარიუსი ვალდებულია ასეთი ინფორმაციის ხელმისაწვდო-მობისთანავე გაატაროს მის მიმართ ამ მუხლის მე-2 პუნქტით გათვალისწინებული ზომები.

მუხლი 6. ნოტარიუსის ვალდებულებანი მონიტორინგს დაქვემდებარებული გარიგებების შესახებ ინფორმაციის (დოკუმენტების) აღრიცხვასთან დაკავშირებით

1. „უკანონო შემოსავლის ლეგალიზაციის აღკვეთის ხელშეწყობის შესახებ“ საქართველოს კანონის მე-6 მუხლის მე-6 პუნქტის შესაბამისად, ნოტარიუსი ვალდებულია აღრიცხოს ინფორმაცია გარიგების შესახებ.

2. ნოტარიუსი ვალდებულია აღრიცხოს მონიტორინგს დაქვემდებარებული გარიგების შესახებ შემდეგი ინფორმაცია (დოკუმენტები):

ა) გარიგების სახე, საგანი და მიზანი (ანუ რა სახის გარიგებასთან გვაქვს საქმე – მაგ., ნასყიდობა, გაცვლა და ა.შ.; რა არის გარიგების საგანი – მაგ., ფულადი თანხა, ნივთი და ა.შ.; ასევე აღინიშნება გარიგების მიზანი, რომლის მიღწევაც სურთ მხა-რეებს – მაგ., მოგების მიღება, ვალის გადახდა, ქველმოქმედება და ა.შ.);

ბ) გარიგების დადების თარიღი და ადგილი, აგ-რეთვე გარიგების თანხის ოდენობა და ვალუტა, რომელშიც გარიგება უნდა შესრულდეს;

გ) ნოტარიუსის მიერ შესრულებული სანოტარო მოქმედების შინაარსი (გარიგების (ხელშეკრულების, ანდერძის) დამოწმება, ხელმოწერის დადასტურება და სხვა);

დ) გარიგების მონაწილე პირის იდენტიფიკაციისათვის წარმოდგენილი, ამ დებულების მე-5 მუხლის მე-9 და მე-10 პუნქტებით განსაზღვრული ინფორმაცია (დოკუმენტები), მათ შორის იმ პირის იდენტიფიკაციისათვის საჭირო ინფორმაცია (დოკუმენტები), რომლის დავალებითაც იდება ან სრულდება გარიგება და იმ პირის იდენტიფიკაციისათვის საჭირო ინფორმაცია (დოკუმენტები), რომელიც დავალების საფუძველზე დებს ან ასრულებს გარიგებას.

3. ნოტარიუსი ვალდებულია აღრიცხოს ამ მუხლის მე-2 პუნქტში მითითებული ინფორმაცია უკლებლივ ყველა იმ გარიგებასთან დაკავშირებით, რომელიც ექვემდებარება მონიტორინგს „უკანონო შემოსავლის ლეგალიზაციის აღკვეთის ხელშეწყობის შესახებ” საქართველოს კანონის მე-5 მუხლისა და ამ დებულების მე-3 მუხლის შესაბამისად.

4. ნოტარიუსის მიერ ამ მუხლის მე-2 პუნქტში მითითებული ინფორმაციის დოკუმენტურად დაფიქსირების, სისტემატიზაციისა და შენახვისას გამოყენება კანონმდებლობით დადგენილი ნორმები. ,

მუხლი 7. ნოტარიუსის ვალდებულებანი გარიგების შესახებ ინფორმაციის (დოკუმენტების) შენახვასთან დაკავშირებით

1. ნოტარიუსი ვალდებულია პირის იდენტიფიკაციისათვის წარმოდგენილი ინფორმაცია (დოკუმენტები) შეინახოს სანოტარო მოქმედების შესრულებიდან არანაკლებ 6 წლის განმავლობაში, ასევე გარიგების შესახებ სხვა ინფორმაცია (დოკუმენტები) და ამ დებულების მე-3 მუხლის 3¹ პუნქტით განსაზღვრული ჩანაწერები, ასევე კლიენტთან საქმიანი კორესპონდენცია – გარიგების დამოწმების (დადასტურების) დღიდან არანაკლებ 6 წლის განმავლობაში, თუ შესაბამისი საზედამხედველო ორგანოს მიერ არ არის მოთხოვნა უფრო მეტი ვადით შენახვაზე ან/და საქართველოს კანონმდებლობით ასეთი ინფორმაციის (დოკუმენტებისა და მე-3 მუხლის 3¹ პუნქტით გათვალისწინებული ჩანაწერების) შენახვისათვის უფრო მეტი ვადა არ არის დაწესებული. ამასთან, ინფორმაცია უნდა იყოს შენახული დოკუმენტური ან ელექტრონული სახით.

2. გარიგების შესახებ, მათ შორის, პირის იდენტიფიკაციისათვის წარმოდგენილი ინფორმაცია (დოკუმენტები) ინახება ორიგინალის სახით, ხოლო თუ ეს შეუძლებელია – ასლების სახით.

3. ამ მუხლის პირველ პუნქტში მითითებული ინფორმაციის გარდა, აგრეთვე 6 წლის ვადით (თუ შესაბამისი საზედამხედველო ორგანოს მიერ არ არის მოთხოვნა უფრო მეტი ვადით შენახვაზე) ნოტარიუსთან ინახება „უკანონო შემოსავლის ლეგალიზაციის აღკვეთის ხელშეწყობის შესახებ“ საქართველოს კანონის მე-9 მუხლისა და დებულების მე-8 მუხლის შესაბამისად საქართველოს ფინანსური მონიტორინგის სამსა-ხურისთვის წარდგენილი ანგარიშგების ელექტრონული ფორმები. ანგარიშგების ნაბეჭდი სახით წარდგენის შემთხვევაში, 6 წლის ვადით ინახება საქართველოს ფინანსური მონიტორინგის სამსახურისთვის წარდგენილი მათი ხელმოწერილი და ბეჭედდასმული ეგზემპლარები.

4. ნოტარიუსის მიერ შენახული ინფორმაცია (დოკუმენტები) სრულად უნდა ასახავდეს შესრულებულ ოპერაციას და/ან გარიგებას და მის მონაწილე პირებს. გარდა ამისა, იგი უნდა იყოს აღრიცხული, სისტემატიზირებული და შენახული იმგვარად, რომ საჭიროების შემთხვევაში (მათ შორის, საზედამხედველო ორგანოებისთვის მათი სწრაფად წარდგენის, ასევე სისხლისსამართლებრივი დევნისას მტკიცებულებების სახით გამოყენების აუცილებლობის შემთხვევაში) შესაძლებელი იყოს მისი მოძიება და ამოღება უმოკლეს ვადაში.

5. ინფორმაცია (დოკუმენტები) უნდა იყოს შენახული იმგვარად, რომ მასზე წვდომის შესაძლებლობა ჰქონდეს მხოლოდ ნოტარიუსსა და მოქმედი კანონმდებლობით უფლებამოსილ პირებს.

მუხლი 8. ნოტარიუსის ვალდებულებანი მონიტორინგს დაქვემდებარებულ გარიგებათა შესახებ ანგარიშგების ფორმების წარდგენასთან დაკავშირებით

1. „უკანონო შემოსავლის ლეგალიზაციის აღკვეთის ხელშეწყობის შესახებ“ საქართველოს კანონის მე-9 მუხლის შესაბამისად ნოტარიუსი ვალდებულია მიაწოდოს საქართველოს ფინანსური მონიტორინგის სამსახურს ცნობები ზემოაღნიშნული კანონის მე-5 და ამ დებულების მე-3 მუხლით გათვალისწინებულ მონიტორინგს დაქვემდებარებულ გარიგებათა (ოპერაციების) შესახებ, ასევე არსებული საიდენტიფიკაციო მონაცემების უტყუარობაში ნოტარიუსის მხრიდან ეჭვის გაჩენის შემთხვევაში.

2. (ამოღებულია - 31.01.12 №10).

3. ანგარიშგების ფორმები უნდა მიეწოდოს საქართველოს ფინანსური მონიტორინგის სამსახურს ელექტრონული ფორმით ამ მუხლის მე-7 პუნქტით დადგენილი წესით. სამსახურს, ამ დებულებით გათვალისწინებული წესით, ანგარიშგების ნაბეჭდი ფორმა მიეწოდება გამონაკლის შემთხვევაში, ანგარიშგების ელექტრონული ფორმით გაგზავნის შეუძლებლობის ას.

4. ანგარიშგების ფორმების მიწოდება საქართველოს ფინანსური მონიტორინგის სამსახურისათვის უნდა განხორციელდეს შემდეგ ვადებში:

ა) თუ გარიგების ან მისი დანაწევრების მიზნით დადებულ (შესრულებულ) გარიგებათა ერთობლიობის თანხა აღემატება 30 000 ლარს, ან მის ეკვივალენტს სხვა ვალუტაში – გარიგების დადებიდან ან შესრულებიდან (ან ასეთი გარიგების, გარიგებათა ერთობლიობის არსებობის შესახებ ინფორმაციის მიღებიდან) არა უგვიანეს 5 სამუშაო დღისა;

ბ) თუ გარიგება ან საიდენტიფიკაციო მონაცემები მიჩნეულია საეჭვოდ – შესაბამისი ეჭვის ან ვარაუდის წარმოშობი ს დღესვე;

გ) თუ გარიგების მონაწილე რომელიმე პირი შეტანილია ტერორისტი ან ტერორიზმის ხელშემწყობი პირების სიაში ან/და შესაძლებელია დაკავშირებული იყოს მათთან ან/და გარიგებაში მონაწილე ფულადი სახსრები, შესაძლებელია, დაკავშირებული იყოს ან გამოყენებულ იქნ ე ს ტერორიზმისთვის, ტერორისტული აქტისთვის ან ტერორისტების მიერ ან ტერორისტული ორგანიზაციის მიერ ან ტერორიზმის დამფინანსებლების მიერ – შესაბამისი ინფორმაციის მიღების დღესვე. ამასთან, ამ უკანასკნელ შემთხვევაში, ანგარიშგების ფორმასთან ერთად საქართველოს ფინანსური მონიტორინგის სამსახურს უნდა მიეწოდოს ნოტარიუსის ხელთ არსებული ყველა სათანადო მასალა და დოკუმენტი.

5. თუ ანგარიშგების სპეციალური ფორმის წარდგენა ობიექტური მიზეზების გამო ვერ ხერხდება ამ მუხლის მე-4 პუნქტში მითითებულ ვადებში, ნოტარიუსის ხელთ არსებული ინფორმაცია უნდა მიეწოდოს საქართველოს ფინანსური მონიტორინგის სამსახურს კომუნიკაციის არსებული საშუალებით (ტელეფონით, ფაქსით, ელექტრონული ფოსტით). ზემოაღნიშნული საშუალებით ინფორმაციის მიწოდების მიუხედავად, ნოტარიუსი ვალდებულია, ინფორმაციის მიწოდებიდან არა უგვიანეს 3 სამუშაო დღისა, გაუგზავნოს საქართველოს ფინანსური მონიტორინგის სამსახურს სათანადოდ შევსებული ანგარიშგების სპეციალური ფორმა, რომელშიც უნდა აღინიშნოს ინფორმაციის მიწოდების საშუალება, ზუსტი დრო, გამგზავნი და მიმღები პირები, აგრეთვე ანგარიშგების სპეციალური ფორმის დაგვიანებით გაგზავნის მიზეზები.

6. ანგარიშგების სპეციალური ფორმის ნაბეჭდი სახით საქართველოს ფინანსური მონიტორინგის სამსახურისათვის მიწოდება ხდება საიმედოდ დაბეჭდილი კონვერტით, ნოტარიუსის მიერ პირადად ან უფლებამოსილი თანამშრომლის მიერ (ამ უკანასკნელს კონვერტი გადაეცემა დაბეჭდილი და მას არა აქვს უფლება იცოდეს მისი შინაარსი), ან ფოსტის საშუალე-ბით შეკვეთილი საფოსტო გზავნილის სახით. კონვერტზე უნდა აღინიშნოს მისი გამომგზავნი ნოტარიუსის სახელი, გვარი და მისამართი, ადრესატი („საქართველოს ფინანსური მონიტორინგის სამსახური“), მისი მისამართი – 0105, საქართველო, ქ. თბილისი, გ. ლეონიძის ქ. №3/5 და გრიფი „კონფიდენციალური“.

7. საქართველოს ფინანსური მონიტორინგის სამსახურისთვის ანგარიშგების ფორმის, აგრეთვე მონიტორინგს დაქვემდებარებული გარიგებების შესახებ სხვა კონფიდენციალური ინფორმაციის მიწოდება ხდება ელექტრონულად საქართველოს ფინანსური მონიტორინგის სამსახურის ოფიციალურ ვებგვერდზე (www.fms.gov.ge) განთავსებული ვებპორტალის მეშვეობით შესაბამისი ვებ-გარსითა და/ან თანმხლები ვებსერვისის გამოყენებით.

8. ინფორმაცია მონიტორინგს დაქვემდებარებული გარიგებების შესახებ (მათ შორის, ამ მუხლის მე-5 პუნქტით გათვალისწინებულ შემთხვევებში) უნდა მიეწოდოს საქართველოს ფინანსური მონიტორინგის სამსახურს ტელეფონისა და ფაქსის შემდეგ ნომერზე: ტელეფონი/ფაქსი: (+995 32) 243 88 03.

9. ანგარიშგების ელექტრონული ფორმის ყველა გვერდზე მითითებული უნდა იყოს ნოტარიუსის სახელი და გვარი. ამ მუხლის მე-3 პუნქტით გათვალისწინებულ შემთხვევაში ნაბეჭდი ანგარიშგების ფორმის გაგზავნისას ანგარიშგების ფორმა უნდა დაიბეჭდოს ორ ეგზემპლარად, რომელთაგან თითოეული უნდა დამოწმდეს ნოტარიუსის ხელმოწერით და ბეჭდით. ფორმის ერთი ეგზემპლარი წარედგინება საქართველოს ფინანსური მონიტორინგის სამსახურს, ხოლო მეორე რჩება ნოტარიუსს და ექვემდებარება შენახვას არანაკლებ 6 წლის განმავლობაში.

10. ნოტარიუსი ვალდებულია აწარმოოს საქართველოს ფინანსური მონიტორინგის სამსახურისათვის წარდგენილი ანგარიშგების სპეციალური ფორმების რეესტრი, რომელიც უნდა ითვალისწინებდეს ანგარიშგების თითოეული ფორმისათვის ინდივიდუალური ნომრის მინიჭებას. ანგარიშგების სპეციალური ფორმების ნუმერაცია უნდა იყოს თანმიმდევრული ყოველი კალენდარული წლის განმავლობაში და უნდა აისახებოდეს სპეციალურ ჟურნალში, რომლის გვერდები უნდა იყოს დანომრილი.

11. ანგარიშგების სპეციალური ფორმა ივსება სრულად. თუ ფორმით გათვალისწინებული რომელიმე მონაცემი ნოტარიუსს არ გააჩნია, შესაბამის გრაფაში უნდა ჩაიწეროს: „ინფორმაცია არ გაგვაჩნია”, ხოლო, თუ კონკრეტული გარიგების თავისებურებებიდან გამომდინარე, ფორმის რომელიმე გრაფის შევსება არ არის საჭირო, შესაბამისი გრაფა უნდა შეივსოს „——” სიმბოლოებით.

12. თუ ანგარიშგების ფორმის რომელიმე გრაფაში არ არის საკმარისი ადგილი ნოტარიუსის ხელთ არსებული ინფორმაციის სრულად ჩასაწერად, ფორმას უნდა დაერთოს დამატებითი ფურცელი (ფურცლები), რომელშიც დაწვრილებით აისახება საჭირო ინფორმაცია. თითოეული დამატებითი ფურცლის თავში უნდა მიეთითოს იმ ფორმის და გრაფის ნომრები, რომლის დანართსაც იგი წარმოადგენს. თითოეულ დამატებით ფურცელზე მიეთითება იმ ნოტარიუსის სახელი და გვარი. (ანგარიშგების ნაბეჭდი ფორმის დამატებითი ფურცლები უნდა იყოს დამოწმებული ნოტარიუსის ხელმოწერითა და ბეჭდით).

13. კანონმდებლობით გათვალისწინებული იმ ორგანიზაციული წარმონაქმნების შესახებ, რომლებიც არ წარმოადგენენ იურიდიულ პირებს ივსება ფორმის ის გრაფები, რომლებიც განკუთვნილია იურიდიული პირებისათვის.

14. საეჭვო გარიგების გამოვლენისა და მასთან დაკავშირებით საქართველოს ფინანსური მონიტორინგის სამსახურისათვის ანგარიშგების სპეციალური ფორმის მიწოდების შემთხვევაში, ნოტარიუსი ვალდებულია განსაკუთრებული ყურადღება დაუთმოს ამ გარიგების მონაწილე პირების მიერ განხორციელებულ/განსახორციელებელ სხვა გარიგებებს.

15. „უკანონო შემოსავლის ლეგალიზაციის აღკვეთის ხელშეწყობის შესახებ” საქართველოს კანონის მე-10 მუხლის მე-4 პუნქტის „ა” ქვეპუნქტის შესაბამისად, საქართველოს ფინანსური მონიტორინგის სამსახურს უფლება აქვს მოითხოვოს ნოტარიუსისგან დამატებითი ინფორმაცია და მის ხელთ არსებული დოკუმენტები (კონფიდენციალურის ჩათვლით) ნებისმიერ გარიგებასთან და მის მონაწილე პირებთან დაკავშირებით, მათ შორის იმ გარიგებების თაობაზე, რომელთა შესახებაც ანგარიშგების სპეციალური ფორმა არ იყო წარდგენილი საქართველოს ფინანსური მონიტორინგის სამსახურში. ნოტარიუსი ვალდებულია მიაწოდოს საქართველოს ფინანსური მონიტორინგის სამსახურს მის მიერ მოთხოვნილი ინფორმაცია მოთხოვნის მიღებიდან არა უგვიანეს 2 სამუშაო დღის ვადაში.

16. თუ ანგარიშგების სპეციალური ფორმის გაგზავნის შემდეგ ნოტარიუსი შეიტყობს (ან მის ხელთ აღმოჩნდება) შესაბამის გარიგებასთან ან მის მონაწილე პირებთან დაკავშირებულ რაიმე დამატებით ინფორმაციას, ნოტარიუსი ვალდებულია დაუყოვნებლივ გადაუგზავნოს ეს ინფორმაცია საქართველოს ფინანსური მონიტორინგის სამსახურს. ამასთან, დამატებით ინფორმაციაზე უნდა აღინიშნოს იმ ანგარიშგების სპეციალური ფორმის ნომერი და წარდგენის თარიღი, რომლის დამატებასაც იგი წარმოადგენს. საჭიროების შემთხვევაში, დამატებითი ინფორმაცია უნდა იყოს წარმოდგენილი ანგარიშგების სპეციალური ფორმის სახით.

17. ნოტარიუსი ვალდებულია მკაცრად დაიცვას ანგარიშგების სპეციალური ფორმის შევსებისა და საქართველოს ფინანსური მონიტორინგის სამსახურისათვის წარდგენის ფაქტისა და მასთან დაკავშირებული სხვა ინფორმაციის კონფიდენციალურობა. ინფორმაცია გარიგებასთან ან მის მონაწილე პირებთან დაკავშირებით ეჭვის წარმოშობის, ანგარიშგების სპეციალური ფორმის შევსებისა და საქართველოს ფინანსური მონიტორინგის სამსახურისათვის წარდგენის შესახებ, არ უნდა ეცნობოს შესაბამისი გარიგების მონაწილე პირებს, მათ წარმომადგენლებს და ნებისმიერ სხვა პირს.

საქართველოს ფინანსური მონიტორინგის სამსახურის უფროსის 2004 წლის 20 დეკემბრის ბრძანება №162-სსმIII, №151, 23.12.2004წ.; მუხ.1373

საქართველოს ფინანსური მონიტორინგის სამსახურის უფროსის 2011 წლის 1 სექტემბრის ბრძანება №11 - ვებგვერდი, 05.09.2011წ.

მუხლი 9. მონიტორინგის განხორციელებასთან დაკავშირებული პასუხისმგებლობა

1. ზედამხედველობას ნოტარიუსის მიერ „უკანონო შემოსავლის ლეგალიზაციის აღკვეთის ხელშეწყობის შესახებ“ საქართველოს კანონითა, ამ დებულებით და იუსტიციის სამინისტროს მიერ გამოცემული ნორმატიული აქტებით დადგენილი ნორმებისა და მოთხოვნების დაცვაზე ახორციელებს საქართველოს იუსტიციის სამინისტრო.

2. „უკანონო შემოსავლის ლეგალიზაციის აღკვეთის ხელშეწყობის შესახებ“ საქართველოს კანონითა და ამ დებულებით დადგენილი ნორმებისა და მოთხოვნების დარღვევისათვის ნოტარიუსის მიმართ გამოყენებული იქნება სანქციები „ნოტარიატის შესახებ“ საქართველოს კანონისა და საქართველოს იუსტიციის სამინისტროს მიერ დადგენილი წესით.

კონფიდენციალური ნაწილი 1

საქართველოს ფინანსური

მონიტორინგის სამსახურის უფროსის

2004 წლის 27 ივლისის №93 ბრძანებით

დამტკიცებული დებულების დანართი №1

ნოტარიუსის მონიტორინგს დაქვემდებარებული

გარიგების ანგარიშგების ფორმა (№ 3)

ნოტარიუსის სააღრიცხვო კოდი ______

პირველადი

დამატები-თი

შეცვ-

ლილი

ნოტარიუსის მიერ მინიჭებული №________

ფმს-ში გამოგზავნის თარიღი ___________

ფმს-ის მიერ მინიჭებული №_____________

ინფორმაცია გარიგების შესახებ

ზღვარს ზემოთ

საეჭვო

1.1. სანოტარომოქმედების შინაარსი

1.2. გარიგების სახე

1.3. გარიგების საგანი

1.4. გარიგების თანხა

ციფრებით

სიტყვიერად

1.5. გარიგების ვალუტა

1.6. გარიგების დადების თარიღი

1.7. გარიგების დადების ადგილი (კოდი, ქვეყანა, დასახლებული პუნქტი)

1.8. გარიგების დაწყების თარიღი

1.9. გარიგების დასრულების თარიღი

1.10. გარიგების მიზანი

მონაცემები გარიგების რეგისტრაციის

(დამოწმების) შესახებ:

1.11. გარიგების რეგისტრაციის თარიღი

1.12. გარიგების რეგისტრაციის ნომერი

1.13. დრო, როდესაც ნოტარიუსისთვის ცნობილი გახდა ინფორმაცია გარიგების შესახებ

1.14. ანგარიშგების ფორმის შემადგენლობა

რაოდენობა

ნაწილი 1

ნაწილი 2

ნაწილი 3

ნაწილი 4

ნაწილი 5

სულ ფურცლები

1.15. ფორმის შევსების თარიღი

1.16. ხელმოწერა

კონფიდენციალური ნაწილი 2

საქართველოს ფინანსური

მონიტორინგის სამსახურის უფროსის

2004 წლის 27 ივლისის №93 ბრძანებით

დამტკიცებული დებულების დანართი №1

ნოტარიუსის მონიტორინგს დაქვემდებარებული

გარიგების ანგარიშგების ფორმა (№3)

ნოტარიუსის სააღრიცხვო კოდი ______

პირველა-

დი

დამატე-

ბითი

შეცვ-

ლილი

ნოტარიუსის მიერ მინიჭებული №________

ფმს-ში გამოგზავნის თარიღი____________

ფმს-ს მიერ მინიჭებული________________

მონაცემები ფიზიკური პირის შესახებ

2,1. გარიგებაში

მონაწილეობის ფორმა

2.2. პირადი ნომერი

23. პირადობის დამადასტურებელი

დოკუმენტის სახეობა

2.4. პირადობის დამადასტურებელი

დოკუმენტის ნომერი

2.5. სახელი

2.6. გვარი

2.7. მამის სახელი

2.8. სქესი:

მამ.

მდ.

2.9. დაბადების ადგილი (კოდი, ქვეყანა, დასახლებული პუნქტი) და თარიღი

2.10. მუდმივი (რეგისტრირებული) მისამართი (კოდი, ქვეყანა, მისამართი)

2.11. დროებითი მისამართი (კოდი, ქვეყანა, მისამართი)

2.12. დოკუმენტის გამცემი ორგანო

2.13. დოკუმენტის გაცემის თარიღი

2.14. მოქალაქეობა (კოდი, ქვეყანა)

2.15. ძირითადი საქმიანობა (კოდი, დარგი, ქვედარგი ან ორგანიზაციის სახელწოდება)

2.16. თანამდებობა

საბანკო რეკვიზიტები:

2.17. საბანკო დაწესებულების

სახელწოდება

2.18. საბანკო დაწესებულების

ადგილმდებარეობა

(კოდი, ქვეყანა, დასახლებული

პუნქტი)

2.19. ბანკის საიდენტიფიკაციო კოდი (BIC კოდი)

SWIFT-ის სისტემის მიხედვით

2.20. ანგარიშის

სახეობა

2.21. ანგარიშის

ნომერი

2.22. ანგარიშის

გახსნის თარიღი

2.23. ანგარიშის

დახურვის თარიღი

ინდივიდუალური მეწარმის მონაცემები:

2.24. მარეგისტრირებელი ორგანო

2.25. რეგისტრაციის თარიღი და ნომერი

2.26. გადასახადის გადამხდელის საიდენტიფიკაციო ნომერი

საკონტაქტო ინფორმაცია:

2.27. ტელეფონი

2.28. ფაქსი

2.29. ელ-ფოსტა

2.30. ფორმის შევსების თარიღი

2.31. ხელმოწერა

კონფიდენციალური ნაწილი 3

გვერდი 1

საქართველოს ფინანსური

მონიტორინგის სამსახურის უფროსის

2004 წლის 27 ივლისის №93 ბრძანებით

დამტკიცებული დებულების დანართი №1

ნოტარიუსის მონიტორინგს დაქვემდებარებული

გარიგების ანგარიშგების ფორმა (N 3)

ნოტარიუსის სააღრიცხვო კოდი ______

პირვე- ლადი		დამატე- ბითი		შეცვლი- ლი

ნოტარიუსის მიერ მინიჭებული №________

ფმს-ში გამოგზავნის თარიღი____________

ფმს-ის მიერ მინიჭებული № ____________

მონაცემები იურიდიული პირის შესახებ

3.1. გარიგებაში მონაწილეობის ფორმა

3.2. სრული სახელწოდება

3.3. ორგანიზაციულ-სამართლებრივი ფორმა

3.4. გადასახადის გადამხდელის საიდენტიფიკაციო ნომერი

3.5. მარეგისტრირებელი ორგანო

3.6. რეგისტრაციის თარიღი

3.7. რეგისტრაციის ნომერი

3.8. იურიდიული მისამართი (კოდი, ქვეყანა, მისამართი)

3.9. ფაქტობრივი მისამართი (კოდი, ქვეყანა, მისამართი)

3.10. საქმიანობის საგანი (დარგის კოდი, ქვედარგი)

საბანკო რეკვიზიტები:

3.11. საბანკო დაწესებულების სახელწოდება

3.12. საბანკო დაწესებულების ადგილმდებარეობა (კოდი, ქვეყანა, დასახლებული პუნქტი)

3.13. ბანკის საიდენტიფიკაციო

კოდი (BIC კოდი) SWIFT-is სისტემის მიხედვით

3.14. ანგარიშის სახეობა

3.15. ანგარიშის ნომერი

3.16. ანგარიშის გახსნის თარიღი

3.17. ანგარიშის დახურვის თარიღი

საკონტაქტო ინფორმაცია:

3.18. ტელეფონი

3.19. ფაქსი

3.20. ელ-ფოსტა

ნაწილი 3

გვერდი 2

აქციების, წილის, პაის და ა.შ. 20 და მეტი პროცენტის მფლობელი პირები:

3.21. ფიზიკური პირის სახელი, გვარი

სახელი

გვარი

ა

ბ

გ

დ

ე

3.22. იურიდიული პირის სახელწოდება და გადასახადის გადამხდელის საიდენტიფიკაციო ნომერი

ა

ბ

გ

დ

ე

ხელმძღვანელობასა და წარმომადგენლობაზე უფლებამოსილი პირები:

3.23. სახელი, გვარი

სახელი

გვარი

ა

ბ

გ

დ

ე

3.24. დაბადების ადგილი (კოდი, ქვეყანა, დასახლებული პუნქტი) და თარიღი

ა

ბ

გ

დ

ე

3.25. საცხოვრებელი ადგილი (კოდი, ქვეყანა, მისამართი)

ა

ბ

გ

დ

ე

3.26. პირადი ნომერი

ა

ბ

გ

დ

ე

3.27. პირადობის დამადასტურებელი დოკუმენტის სახეობა და ნომერი

ა

ბ

გ

დ

ე

3.28. თანამდებობა და დანიშვნის თარიღი

ა

ბ

გ

დ

ე

3.29. ფორმის შევსების თარიღი

3.30. ხელმოწერა

კონფიდენციალური ნაწილი 4

საქართველოს ფინანსური

მონიტორინგის სამსახურის უფროსის

2004 წლის 27 ივლისის №93 ბრძანებით

დამტკიცებული დებულების დანართი № 1

ნოტარიუსის მონიტორინგს დაქვემდებარებული

გარიგების ანგარიშგების ფორმა (№ 3)

ნოტარიუსის სააღრიცხვო კოდი ______

პირველადი

დამატებითი

შეცვლილი

ნოტარიუსის მიერ მინიჭებული №________

ფმს-ში გამოგზავნის თარიღი____________

ფმს-ის მინიჭებული № _____________

ინფორმაცია ფორმის წარდგენის მიზეზებისა და ნოტარიუსის ხელთ არსებული დამატებითი მონაცემების (დოკუმენტების) შესახებ

4.1. გარიგების და მასში მონაწილე პირების საეჭვოდ მიჩნევის საფუძველი

4.2. დამატებითი ინფორმაცია (შეიტანეთ ამ გარიგებასთან და მასში მონაწილე პირებთან დაკავშირებული ნოტარიუსის ხელთ არსებული ყველა ის მონაცემი, რომელიც ვერ მოხვდა ანგარიშგების სხვა გრაფაში)

4.3. დოკუმენტები, რომლებიც (რომელთა ასლებიც) ინახება ნოტარიუსთან გარიგებასთან და მასში მონაწილე პირებთან დაკავშირებით

4.4 ფორმის შევსების თარიღი

4.5. ხელმოწერა

კონფიდენციალური ნაწილი 5

საქართველოს ფინანსური

მონიტორინგის სამსახურის უფროსის

2004 წლის 27 ივლისის №93 ბრძანებით

დამტკიცებული დებულების დანართი №1

ნოტარიუსის მონიტორინგს დაქვემდებარებული

გარიგების ანგარიშგების ფორმა (№ 3)

ნოტარიუსის სარეგისტრაციო კოდი ______

პირველადი

დამატებითი

შეცვლილი

ნოტარიუსის მიერ მინიჭებული №_______

ფმს-ის მიერ მინიჭებული______________

ფმს-ში შემოსვლის თარიღი____________

დამატებითი ფურცელი

5.1 ფორმის შევსების თარიღი

5.2. ხელმოწერა

გამოსვლა შენახვა

Annotate

როგორ დავიმოწმოთ

ფინანსური მონიტორინგის სამსახურის უფროსის ბრძანება „ნოტარიუსების მიერ ინფორმაციის მიღების, სისტემატიზაციის, დამუშავების და საქართველოს ფინანსური მონიტორინგის სამსახურისათვის გადაცემის წესის შესახებ” დებულების დამტკიცების თაობაზე”, №93, 27.07.2004, სარეგისტრაციო კოდი 170.050.000.141.224.006.593 (კონსოლიდირებული რედაქცია 31.01.2012). ხელმისაწვდომია: https://legali.ge/law/58282-5/

შემდგომი ცვლილებები (4)

წინა ცვლილებები (5)

დოკუმენტის ტექსტი

მუხლი 51. ნოტარიუსის ვალდებულებანი პოლიტიკურად აქტიურ პირებთან დაკავშირებით🔗

მუხლი 1. ზოგადი დებულებები🔗

მუხლი 2. ტერმინთა განმარტება🔗

მუხლი 3. მონიტორინგს დაქვემდებარებული გარიგებები🔗

მუხლი 4. ნოტარიუსის ვალდებულებანი შიდა კონტროლის განხორციელებასთან დაკავშირებით🔗

მუხლი 51. ნოტარიუსის ვალდებულებანი პოლიტიკურად აქტიურ პირებთან დაკავშირებით🔗

მუხლი 7. ნოტარიუსის ვალდებულებანი ინფორმაციის (დოკუმენტების) შენახვასთან დაკავშირებით🔗

მუხლი 9. მონიტორინგის განხორციელებასთან დაკავშირებული პასუხისმგებლობა🔗

როგორ დავიმოწმოთ