1. დამტკიცდეს `ავტოსატრანსპორტო საშუალებებზე სპეციალური სიგნალების დაყენება-გამოყენებისა და ოპერატიული ან სპეციალური სამსახურის ავტომობილებისათვის სპეციალური შეფერილობის გამოყენების წესი” თანახმად დანართისა.

2. ამ წესების შესრულებაზე კონტროლი დაევალოს ავტომაგისტრალების საპატრულო პოლიციის მთავარ სამმართველოს (ი. ბერაძე).

3. ეს ბრძანება ამოქმედდეს გამოქვეყნებისთანავე.

ი. ოქრუაშვილი

შეტანილი ცვლილებები:

1. საქართველოს შინაგან საქმეთა მინისტრის 2005 წლის 7 მარტის ბრძანება №197-სსმIII, №26, 07.03.2005წ., მუხ.243

2. საქართველოს შინაგან საქმეთა მინისტრის 2005 წლის 22 დეკემბრის ბრძანება №1353 - სსმIII, №153, 30.12. 2005წ., მუხ.1712

3. საქართველოს შინაგან საქმეთა მინისტრის 2011 წლის 9 იანვრის ბრძანება №6 - ვებგვერდი, 14.01.2011წ.

4. საქართველოს შინაგან საქმეთა მინისტრის 2011 წლის 2 თებერვლის ბრძანება №75 - ვებგვერდი, 04.02.2011წ.

5. საქართველოს შინაგან საქმეთა მინისტრის 2012 წლის 2 მარტის ბრძანება №171 -ვებგვერდი, 06.03.2012წ.

6. საქართველოს შინაგან საქმეთა მინისტრის 2013 წლის 22 ოქტომბრის ბრძანება №807 -ვებგვერდი, 22.10.2013წ.

7. საქართველოს შინაგან საქმეთა მინისტრის 2013 წლის 31 დეკემბრის ბრძანება №1003 -ვებგვერდი, 31.12.2013წ.

თავი I

ზოგადი დებულებანი

მუხლი 1

ეს წესი განსაზღვრავს საქართველოს ტერიტორიაზე ოპერატიულ ან სპეციალურ სამსახურებზე დადგენილი წესით რეგისტრირებულ სატრანსპორტო საშუალებებზე სპეციალური სიგნალების დაყენება-გამოყენებისა და მათ მიერ სპეციალური შეფერილობის გამოყენების სამართლებრივ მექანიზმებს.

მუხლი 2

ამ წესში გამოყენებულ ტერმინებს აქვთ შემდეგი მნიშვნელობა:

ა) ოპერატიული სამსახურები – საქართველოს შინაგან საქმეთა და სახელმწიფო დაცვის სპეციალური სამსახურების ოპერატიული ორგანოები;

ბ) სპეციალური სამსახურები – საჯარო სამართლის იურიდიული პირი – დაცვის პოლიცია, საქართველოს ფინანსთა სამინისტროს საგამოძიებო სამსახური, საქართველოს ფინანსთა სამინისტროს საჯარო სამართლის იურიდიული პირი – შემოსავლების სამსახური, საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სასჯელაღსრულების დეპარტამენტი, საქართველოს ენერგეტიკისა და ბუნებრივი რესურსების სამინისტროს საჯარო სამართლის იურიდიული პირი – ბუნებრივი რესურსების სააგენტო, ჯანმრთელობის დაცვის (სასწრაფო სამედიცინო დახმარების) სპეციალური სამსახურები, ხანძარსაწინააღმდეგო სამსახურები, საბანკო დაწესებულებების საინკასაციო სამსახურები, ქ. თბილისის მერიის ზედამხედველობის საქალაქო სამსახურის ლანდშაფტურ-სარეკრეაციო ტერიტორიის დაცვის განყოფილება;

გ) სპეციალური სიგნალები – ლურჯი ან ლურჯი და წითელი ფერის შუქურა, სპეციალური ხმამაღლამოლაპარაკე ხელსაწყო ან სპეციალური ხმოვანი სიგნალი.

დ) სპეციალური შეფერილობა – შეფერილობა, რომელსაც იყენებენ ოპერატიული ან სპეციალური სამსახურები მათზე რეგისტრირებულ სატრანსპორტო საშუალებებზე და რომელიც განასხვავებს ასეთ სატრანსპორტო საშუალებებს სხვა სატრანსპორტო საშუალებებისაგან;

ე) ნებართვა – საქართველოს შინაგან საქმეთა სამინისტროს თანხმობა სატრანსპორტო საშუალებებზე სპეციალური სიგნალების დაყენება-გამოყენებასა და ოპერატიული ან სპეციალური სამსახურის ავტომობილისათვის სპეციალური შეფერილობის გამოყენების თაობაზე, რომელიც დასტურდება შესაბამისი დოკუმენტით.

საქართველოს შინაგან საქმეთა მინისტრის 2005 წლის 7 მარტის ბრძანება №197-სსმIII, №26, 07.03.2005წ., მუხ.243

საქართველოს შინაგან საქმეთა მინისტრის 2005 წლის 22 დეკემბრის ბრძანება №1353-სსმIII, №153, 30.12..2005წ., მუხ.1712

საქართველოს შინაგან საქმეთა მინისტრის 2011 წლის 9 იანვრის ბრძანება №6 - ვებგვერდი, 14.01.2011წ.

საქართველოს შინაგან საქმეთა მინისტრის 2011 წლის 2 თებერვლის ბრძანება №75 - ვებგვერდი, 04.02.2011წ.

საქართველოს შინაგან საქმეთა მინისტრის 2012 წლის 2 მარტის ბრძანება №171 -ვებგვერდი, 06.03.2012წ.

საქართველოს შინაგან საქმეთა მინისტრის 2013 წლის 22 ოქტომბრის ბრძანება №807 -ვებგვერდი, 22.10.2013წ.

საქართველოს შინაგან საქმეთა მინისტრის 2013 წლის 31 დეკემბრის ბრძანება №1003 -ვებგვერდი, 31.12.2013წ.

მუხლი 3

1. სპეციალური სიგნალების დაყენება-გამოყენების ნებართვა გაიცემა მთვარობის წევრების, ოპერატიულ, საჯარო სამართლის იურიდიული პირის – დაცვის პოლიციის, ხანძარსაწინააღმდეგო, საბანკო დაწესებულებების საინკასაციო და სასწრაფო სამედიცინო დახმარების განმახორციელებელ სამსახურებზე რეგისტრირებულ ავტოსატრანსპორტო საშუალებებზე.

2. საქართველოს ენერგეტიკისა და ბუნებრივი რესურსების სამინისტროს საჯარო სამართლის იურიდიულ პირზე – ბუნებრივი რესურსების სააგენტოზე, საქართველოს ფინანსთა სამინისტროს საგამოძიებო სამსახურსა და ქ. თბილისის მერიის ზედამხედველობის საქალაქო სამსახურის ლანდშაფტურ-სარეკრეაციო ტერიტორიის დაცვის განყოფილებაზე რეგისტრირებულ ავტოსატრანსპორტო საშულებებზე გაიცემა მხოლოდ ლურჯი ფერის შუქურის დაყენება-გამოყენების ნებართვა.

3. საქართველოს ფინანსთა სამინისტროს საჯარო სამართლის იურიდიულ პირზე – შემოსავლების სამსახურზე რეგისტრირებულ ავტოსატრანსპორტო საშუალებებზე გაიცემა მხოლოდ სპეციალური ხმამაღლამოლაპარაკე ხელსაწყოს დაყენება-გამოყენების ნებართვა.

4 საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სასჯელაღსრულების დეპარტამენტისათვის გაიცემა მხოლოდ სპეციალური ლურჯი ფერის შუქურისა და ხმამაღლამოლაპარაკე ხელსაწყოს დაყენება-გამოყენების ნებართვა.

თავი II

სპეციალური სიგნალებისა და შეფერილობის დაყენება-გამოყენებისა და ნებართვის გაცემის პირობები

მუხლი 4

1. სპეციალური სიგნალების დაყენება ხდება სატრანსპორტო საშუალებაზე ან მის სალონში ისე, რომ იგი შესამჩნევი იყოს საგზაო მოძრაობის სხვა მონაწილეთათვის.

2. სპეციალურ სიგნალებს ოპერატიული ან სპეციალური სამსახურები იყენებენ მხოლოდ სამსახურებრივი დავალების შესრულების დროს.

3. სპეციალური სიგნალების გამოყენება ნიშნავს მათ მოყვანას მუშა მდგომარეობაში.

მუხლი 5

1. ოპერატიული ან სპეციალური სამსახურის სატრანსპორტო საშუალების მძღოლს, რომელსაც სატრანსპორტო საშუალებაზე ჩართული აქვს ლურჯი ფერის შუქურა და ასრულებს სამსახურებრივ დავალებას, შეუძლია მოძრაობის უსაფრთხოების უზრუნველყოფის მიზნით გადაუხვიოს `საგზაო მოძრაობის უსაფრთხოების შესახებ” საქართველოს კანონის 25-ე (მარეგულირებლის სიგნალების გარდა) და 27–37-ე მუხლების მოთხოვნებს. ლურჯი ფერის შუქურასთან ერთად შეიძლება ჩაირთოს წითელი ფერის შუქურაც. საგზაო მოძრაობის სხვა მონაწილეების მიმართ უპირატესობის მისაღებად ამ სატრანსპორტო საშუალების მძღოლი რთავს ლურჯი ფერის შუქურასა და სპეციალურ ხმოვან სიგნალს. პრიორიტეტით სარგებლობა მხოლოდ მაშინ შეიძლება, როცა მძღოლი დარწმუნდება, რომ მას გზას უთმობენ. ასეთივე უფლებით სარგებლობს იმ სატრანსპორტო საშუალების მძღოლი, რომელსაც მიაცილებენ ოპერატიული ან სპეციალური სამსახურის სატრანსპორტო საშუალებები.

2. მძღოლი გზას უთმობს ლურჯი ფერის შუქურით მოძრავ სატრანსპორტო საშუალებას, აგრეთვე გასაცილებელ სატრანსპორტო საშუალებას, რომელზედაც ჩართულია ახლო განათების ფარები მისი შეუფერხებელი მოძრაობის უზრუნველსაყოფად.

3. ჩართული ლურჯი ფერის შუქურით მდგომ სატრანსპორტო საშუალებასთან მიახლოებისას მძღოლი ანელებს სიჩქარეს, რათა აუცილებლობის შემთხვევაში ჰქონდეს ტრანსპორტის დაუყოვნებელი გაჩერების შესაძლებლობა.

მუხლი 6

1. სპეციალური შეფერილობა კეთდება იმ სატრანსპორტო საშუალებებზე, რომლებიც რეგისტრირებულნი არიან ოპერატიულ ან სპეციალურ სამსახურებზე.

2. სპეციალური შეფერილობა კეთდება იმ სტანდარტებით დადგენილ ფარგლებში, რომელსაც განსაზღვრავს საქართველოს შინაგან საქმეთა სამინისტრო.

მუხლი 7

1. ოპერატიული ან სპეციალური სამსახურის ავტომობილებისათვის სპეციალური სიგნალების დაყენება-გამოყენებისა და სპეციალური შეფერილობის გამოყენებაზე ნებართვა გაიცემა საქართველოს შინაგან საქმეთა სამინისტროს საპატრულო პოლიციის დეპარტამენტის მიერ.

2. ნებართვის გაცემა ხდება ოპერატიული ან სპეციალური სამსახურების ხელმძღვანელთა წერილობითი მომართვის საფუძველზე:

3. მომართვას თან უნდა დაერთოს:

ა) მონაცემები იმ სატრანსპორტო საშუალების (სატრანსპორტო საშუალების მარკა, სახელმწიფო ნომერი და მისი გამოყენების დანიშნულება) შესახებ, რომლებიც ისარგებლებენ სპეციალური სიგნალებითა და სპეციალური შეფერილობის მქონე სატრანსპორტო საშუალებებით;

ბ) ავტოსატრანსპორტო საშუალების სარეგისტრაციო მოწმობის ასლი;

გ) წერილობითი დასაბუთება სპეციალური სიგნალების გამოყენების აუცილებლობის შესახებ.

4. ნებართვის გაცემა ხდება შუამდგომლობის დაყენებიდან 10 დღის ვადაში. ნებართვის გაცემაზე უარი უნდა იქნეს დასაბუთებული შესაბამისი პოლიციის ადგილობრივი სანებართვო სამსახურების მიერ. ნებართვები გაიცემა ერთი კალენდარული წლის ვადით.

მუხლი 8

1. იმ სატრანსპორტო საშუალების გასხვისების ან დანიშნულების შეცვლის შემთხვევაში, რომლებზეც გაცემული იყო სპეციალური სიგნალების დაყენება-გამოყენებისა ან სპეციალური შეფერილობის გამოყენების ნებართვა, დაუყოვნებლივ ეცნობება პოლიციის შესაბამის სანებართვო სამსახურებს.

2. ავტოსატრანსპორტო საშუალების მფლობელი ახორციელებს სპეციალური სიგნალების დემონტაჟს და სპეციალური შეფერილობის გაუქმებას, რის შესახებაც დგება ერთობლივი ოქმი პოლიციის შესაბამისი სანებართვო სამსახურების და შესაბამისი ოპერატიული ან სპეციალური სამსახურის წარმომადგენლების მონაწილეობით.

თავი III

პასუხისმგებლობა ამ წესების დარღვევისათვის

მუხლი 9

ამ წესების დარღვევისათვის პასუხისმგებლობა განისაზღვრება მოქმედი კანონმდებლობით დადგენილი წესით.

თავი IV

დასკვნითი დებულებანი

მუხლი 10

ამ წესებში ცვლილებებისა და დამატებების შეტანა ხდება მოქმედი კანონმდებლობით დადგენილი წესით.

გამოსვლა შენახვა

Annotate

როგორ დავიმოწმოთ

საქართველოს მინისტრის ბრძანება „ავტოსატრანსპორტო საშუალებებზე სპეციალური სიგნალების დაყენება-გამოყენებისა და ოპერატიული ან სპეციალური სამსახურის ავტომობილებისათვის სპეციალური შეფერილობის გამოყენების წესის დამტკიცების შესახებ“, №589, 02.11.2004, სარეგისტრაციო კოდი 140.130.000.22.034.006.796 (კონსოლიდირებული რედაქცია 31.12.2013). ხელმისაწვდომია: https://legali.ge/law/58864-7/

შემდგომი ცვლილებები (1)

წინა ცვლილებები (7)

დოკუმენტის ტექსტი

მუხლი 1🔗

მუხლი 2🔗

მუხლი 3🔗

მუხლი 4🔗

მუხლი 5🔗

მუხლი 6🔗

მუხლი 7🔗

მუხლი 8🔗

მუხლი 9🔗

მუხლი 10🔗

როგორ დავიმოწმოთ