საქართველოს ლტოლვილთა და განსახლების მინისტრის აპარატის დებულების დამტკიცების შესახებ

სახელმწიფო სარეგისტრაციო კოდი 010.170.000.22.029.006.895

საქართველოს ლტოლვილთა და განსახლების მინისტრის

ბრძანება №500

2004 წლის 26 ნოემბერი

ქ. თბილისი

საქართველოს ლტოლვილთა და განსახლების მინისტრის აპარატის დებულების დამტკიცების შესახებ

�საქართველოს მთავრობის სტრუქტურის, უფლებამოსილებისა და საქმიანობის წესის შესახებ� საქართველოს კანონისა და საქართველოს მთავრობის 2004 წლის 29 მაისის №43 დადგენილებით დამტკიცებული საქართველოს ლტოლვილთა და განსახლების სამინისტროს დებულების მე-5 მუხლის�� მე-2 პუნქტის �ნ� ქვეპუნქტის შესაბამისად, ვბრძანებ:

1. დამტკიცდეს საქართველოს ლტოლვილთა და განსახლების მინისტრის აპარატის თანდართული დებულება.

2. ეს ბრძანება ამოქმედდეს გამოქვეყნებისთანავე.

ე. ასტემიროვა

შეტანილი ცვლილებები:

1. საქართველოს ლტოლვილთა და განსახლების მინისტრის 2005 წლის 4 ოქტომბრის� ბრძანება №571 � სსმ III, №118, 10.10.2005წ., მუხ.1310

საქართველოს ლტოლვილთა და განსახლების მინისტრის აპარატის დებულება

��� მუხლი 1. ზოგადი დებულებები

1. ეს დებულება (შემდგომში � დებულება) განსაზღვრავს საქართველოს ლტოლვილთა და განსახლების მინისტრის (შემდგომში � მინისტრი) აპარატის სტა-ტუსს, მიზნებსა და ამოცანებს, ფუნქციებს და აწესრიგებს მის საქმიანობასთან დაკავშირებულ სხვა ურთიერთობებს.

2. საქართველოს ლტოლვილთა და განსახლების სამინისტროს (შემდგომში � სამინისტრო) მინისტრის აპარატი (შემდგომში � მინისტრის აპარატი) არის სამინისტროს სტრუქტურული ქვედანაყოფი, რომელიც თავის საქმიანობაში ხელმძღვანელობს საქართველოს კონსტიტუციით, �საქართველოს მთავრობის სტრუქ-ტურის, უფლებამოსილებისა და საქმიანობის წესის შესახებ� და �საჯარო სამსახურის შესახებ� საქართველოს კანონებით, საქართველოს ზოგადი ადმინისტრაციული კოდექსით, სამინისტროს დებულებით, ამ დებულებითა და საქართველოს სხვა ნორმატიული აქტებით.

3. მინისტრის აპარატი უშუალოდ ექვემდებარება მინისტრს.

4. ამ დებულებაში ცვლილებებისა და დამატებების შეტანა ხდება მინისტრის ბრძანებით.

��� მუხლი 2. მინისტრის აპარატის მიზნები და ამოცანები

���� მინისტრის აპარატის მიზნები და ამოცანებია:

ა) თავისი კომპეტენციის ფარგლებში სამინისტროს სტრუქტურული ქვედანაყოფებისა და ტერიტორიული ორგანოების საქმიანობის მინისტრის მიერ კოორდინაციის უზრუნველყოფა;

ბ) მინისტრის უშუალო ორგანიზაციული, საინფორმაციო-ანალიტიკური მომსახურების ორგანიზება;

გ) სამინისტროს საკადრო საქმიანობის ორგანიზება;

დ) მინისტრის მისაღების ორგანიზება და მოქალაქეთა მიღების კოორდინაცია;

ე) მინისტრის დავალებების შესრულებაზე კონტროლის განხორციელება;

ვ) მინისტრის სათათბირო ორგანოების სხდომების ორგანიზება.

საქართველოს ლტოლვილთა და განსახლების მინისტრის 2005 წლის 4 ოქტომბრის� ბრძანება №571 � სსმ III, №118, 10.10.2005წ., მუხ.1310

��� მუხლი 3. მინისტრის აპარატის ფუნქციები

მინისტრის აპარატის ფუნქციებია:

ა) მინისტრის ბრძანების შესრულებაზე კონტროლი;

ბ) სამინისტროს ტერიტორიული ორგანოების, სტრუქტურული ქვედანაყოფებისა და თანამდებობის პირებისადმი მინისტრის დავალებებისა და მითითებების შესრულებაზე კონტროლი;

გ) სამინისტროს ტერიტორიულ ორგანოებზე და სტრუქტურულ ქვედანაყოფებზე დაკისრებული ფუნქციების ან ცალკეულ დავალებათა შერულების მდგომარეობის შესწავლა და შედეგების მინისტრისათვის მოხსენება;

დ) მინისტრის შეხვედრების განრიგის დაგეგმვა და მომზადება; მინისტრის სტუმრების მიღების უზრუნველყოფა; მინისტრის მივლინებების ორგანიზება;

ე) მინისტრის მიერ მოქალაქეთა მიღების საკითხების რეგულირება; მინისტრისა და მინისტრის მოადგილეების მისაღების ორგანიზება;

ვ) მინისტრის სახელზე შემოსული განსაკუთრებით მნიშვნელოვანი მასალებისა და ინფორმაციის მინისტრისათვის ოპერატიულად მოხსენება;

ზ) მინისტრის მოხსენებების, საჯარო გამოსვლებისა და ანგარიშების მომზადება;

თ) მინისტრის საინფორმაციო მომსახურების უზრუნველყოფა; სამინისტროს საქმიანობიდან გამომდინარე მინისტრისათვის ანალიტიკური ხასიათის ცნობებისა და მასალების მომზადება;

ი) მინისტრის სათათბირო ორგანოების საქმიანობის ორგანიზაციული საკითხების მოწესრიგება;

კ) სამინისტროს საკადრო რესურსების მართვის ოპტიმიზაციის მიზნით რეკომენდაციების შემუშავება;

ლ) სამინისტროს საჯარო მოსამსახურეთა დადგენილი წესის შესაბამისად დანიშვნის, სამსახურებრივი გადაადგილების (გადაყვანის), გათავისუფლების, დისციპლინარული პასუხისმგებლობის ზომის დაკისრებისა და წახალისების, შვებულებისა და მივლინების შესახებ ბრძანებების პროექტების მომზადება;

მ) თავისი კომპეტენციის ფარგლებში სამინისტროს სისტემის მოხელეთა და მოსამსახურეთა პირადი საქმეების შედგენა; შრომის წიგნაკების, ჩანართი ფურცლების აღრიცხვა-წარმოება; სამინისტროს სისტემის მოსამსახურეთათვის სამსახურებრივი მოწმობების გაცემა და აღრიცხვა;

ნ) სამინისტროს სისტემის მოსამსახურეთათვის დადგენილი წესით ატესტაციების ორგანიზების ხელშეწყობა; სამინისტროს სისტემის მოსამსახურეთა პროფესიული მომზადების, გადამზადებისა და ვაკანტური თანამდებობის დასაკავებლად კონკურსის ორგანიზება;

ო) დადგენილი წესით მოსამსახურეთა რეზერვის ერთიანი ბანკის შექმნა და რეზერვისტთა მიზნობრივი გამოყენება; სამინისტროს საჯარო მოსამსახურეთა პერსონალური მონაცემების შეგროვება, დამუშავება და შენახვა;

პ) სამინისტროს სისტემაში სტაჟირების ორგანიზება; სტაჟირების გავლის კონტროლი;

ჟ) სამინისტროში შინაგანაწესის შესრულებაზე კონტროლის განხორციელება, შრომის დისციპლინის განმტკიცების ხელშეწყობა;

რ) კომპეტენციის ფარგლებში შემავალ საკითხებზე განცხადებების და წერილების დადგენილი წესით განხილვა და მათზე რეაგირება;

ს) მინისტრის ცალკეულ დავალებათა შესრულების უზრუნველყოფა;

ტ) თავისი კომპეტენციის ფარგლებში სახელმწიფო დაწესებულებებთან, საერთაშორისო და ადგილობრივ არასამთავრობო ორგანიზაციებთან, სამინისტროს ურთიერთობის კოორდინაციის უზრუნველყოფა;

უ) სამინისტროს სტრუქტურული ქვედანაყოფებისა და ტერიტორიული ორგანოებისათვის სამუშაო პირობების შექმნის ორგანიზება;

ფ) მოსამსახურეთა სამსახურებრივი ინსტრუქციების მომზადება; სამსახურებრივი მოვალეობებისა და სამუშაოს შესრულების შეფასების კრიტერიუმების დადგენა.

საქართველოს ლტოლვილთა და განსახლების მინისტრის 2005 წლის 4 ოქტომბრის� ბრძანება №571 � სსმ III, №118, 10.10.2005წ., მუხ.1310

��� მუხლი 4. მინისტრის აპარატის უფლებამოსილება და პასუხისმგებლობა

1. მინისტრის აპარატი თავისი ამოცანების და ფუნქციების შესრულებისას უფლებამოსილია:

ა) შეიმუშაოს საქმიანობის გეგმები; სამინისტროს სტრუქტურული ქვედანაყოფებიდან და ტერიტორიული ორგანოებიდან მოითხოვოს საჭირო ინფორმაცია და დოკუმენტაცია;

ბ) განსაზღვროს და დაგეგმოს მინისტრის უშუალო ორგანიზაციული, საინფორმაციო-ანალიტიკური მომსახურების, სამინისტროს საკადრო საქმიანობისა და მინისტრის მისაღების ორგანიზებისათვის საჭირო ღონისძიებები;

გ) კომპეტენციის ფარგლებში შეიმუშაოს ნორმატიული აქტების პროექტები;

დ) მოითხოვოს სამინისტროს თანამშრომლებისაგან მინისტრის ბრძანებებისა და დავალებების შესრულების თაობაზე ინფორმაციის წარმოდგენა; კომპეტენციის ფარგლებში მისცეს მათ შესაბამისი მითითებები და ამ მიმართებით არსებული მდგომარეობის თაობაზე დასვას საკითხი სამინისტროს ხელმძღვანელობის წინაშე.

2. მინისტრის აპარატი პასუხისმგებელია თავისი ამოცანებისა და ფუნქციების შესრულებაზე.

��� მუხლი 5. მინისტრის აპარატის ხელმძღვანელობა

1. მინისტრის აპარატს ხელმძღვანელობს უფროსი, რომელსაც თანამდებობაზე ნიშნავს და თანამდებობიდან ათავისუფლებს მინისტრი. იგი უშუალოდ ექვემდება-რება მინისტრს.

2. მინისტრის აპარატის უფროსი:

ა) ხელმძღვანელობს და წარმართავს მინისტრის აპარატის საქმიანობას;

ბ) ანაწილებს მოვალეობებს მინისტის აპარატის საჯარო მოსამსახურეებს შორის და აძლევს მათ მითითებებს და განკარგულებებს;

გ) თვალყურს ადევნებს მინისტრის აპარატის მოსამსახურეების მიერ სამსახურებრივი მოვალეობების შესრულებას;

დ) ხელს აწერს ან ვიზას ადებს მინისტის აპარატში მომზადებულ დოკუმენტებს;

ე) ანგარიშვალდებულია მინისტრის წინაშე;

ვ) წარმოადგენს მინისტრის აპარატს საკუთარი მოვალეობების შესრულებისას და მინისტრის აპარატის სახელით წარუდგენს დასკვნებს მინისტრს;

ზ) წარუდგენს სამინისტროს ხელმძღვანელობას წინადადებებს მინისტრის აპარატის სტრუქტურის, შტატების, მუშაობის ორგანიზაციის, მინისტრის აპარატის საჯარო მოსამსახურეების წახალისების ან დისციპლინური პასუხისმგებლობის დაკისრების თაობაზე;

თ) შუამდგომლობს მინისტრის აპარატის მოსამსახურეთა კვალიფიკაციის ამაღლების შესახებ;

ი) შუამდგომლობს იმ სახსრების გამოყოფის თაობაზე, რომლებიც საჭიროა მინისტრის აპარატის ამოცანებისა და ფუნქციების შესასრულებლად;

კ) ასრულებს სამინისტროს დებულებით, ამ დებულებითა და მინისტრის მიერ განსაზღვრულ ამოცანებს.

3. აპარატის უფროსს ჰყავს მოადგილე, რომელსაც თანამდებობაზე ნიშნავს და თანამდებობიდან ათავისუფლებს მინისტრი.

��� მუხლი 6. მინისტრის აპარატის საჯარო მოსამსახურეები

1. მინისტრის აპარატის საჯარო მოსამსახურეებს თანამდებობაზე ნიშნავს და თანამდებობიდან ათავისუფლებს მინისტრი.

2. მინისტრის აპარატის საჯარო მოსამსახურეთა ფუნქციები განისაზღვრება მინისტრის მიერ დამტკიცებული თანამდებობრივი ინსტრუქციებით.

შეტანილი ცვლილებები:

1. საქართველოს ლტოლვილთა და განსახლების მინისტრის 2005 წლის 4 ოქტომბრის� ბრძანება №571 � სსმ III, №118, 10.10.2005წ., მუხ.1310

Annotate