ლაგოდეხის მუნიციპალიტეტის განათლების, კულტურის, სპორტისა და ახალგაზრდობის მხარდაჭერის პროგრამებიდან დაფინანსების/თანადაფინანსების მიზნით გამოყოფილი თანხის გაცემის წესის დამტკიცების შესახებ

ლაგოდეხის მუნიციპალიტეტის საკრებულოს 2024 წლის 25 აპრილის დადგენილება №6 - ვებგვერდი, 25.04.2024წ.

ლაგოდეხის მუნიციპალიტეტის საკრებულოს 2024 წლის 25 აპრილის დადგენილება №6 - ვებგვერდი, 25.04.2024წ.

ლაგოდეხის მუნიციპალიტეტის საკრებულოს 2024 წლის 25 აპრილის დადგენილება №6 - ვებგვერდი, 25.04.2024წ.

ეს წესი არეგულირებს ლაგოდეხის მუნიციპალიტეტის ბიუჯეტით განსაზღვრული ლაგოდეხის მუნიციპალიტეტის განათლების, კულტურისა და ახალგაზრდობის მხარდაჭერის პროგრამების დაფინანსების/თანადაფინანსების მიზნით თანხის გამოყოფის და გაცემის წესს.

ლაგოდეხის მუნიციპალიტეტის საკრებულოს 2024 წლის 25 აპრილის დადგენილება №6 - ვებგვერდი, 25.04.2024წ.

ამ წესში გამოყენებულ ტერმინებს აქვთ შემდეგი მნიშვნელობა:

ა) ჯილდო – ერთჯერადი ფულადი გასაცემელი, ერთი ღონისძიების ფარგლებში  წარმატების მიღწევისას;

ბ) წარმატებული ახალგაზრდა - ლაგოდეხის მუნიციპალიტეტის  საჯარო და კერძო სკოლის, მოსწავლე, რომელიც საბაზო ან საშუალო განათლების საფეხურის დამთავრებისთანავე იმავე წელს ირიცხება საქართველოში აკრედიტირებულ უმაღლეს სასწავლებელში ან საქართველოში აკრედიტებულ პროფესიულ სასწავლებელში, ასევე მაღალი აკადემიული მოსწრების სტუდენტი, რომელიც აგროვებს ორივე სემესტრში ცალკ-ცალკე,  თითოეულ საგანში 91 დან -100 ქულას ან/და თითოეულ სემესტრში GPA რეიტინგის მიხედვით  91 -დან ზემოთ ქულას.

გ) წარმატებული შშმ სტუდენტი – საქართველოში აკრედიტებულ პროფესიულ სასწავლებელში ჩარიცხული, მაღალი აკადემიური  მოსწრების შეზღუდული შესაძლებლობის მქონე სტუდენტი, რომელიც რეგისტრირებული და ამავე დროს მაცხოვრებელია  ლაგოდეხის მუნიციპალიტეტის ტერიტორიაზე;

დ)  წარმატებული პედაგოგი – ლაგოდეხის  მუნიციპალიტეტის საჯარო, კერძო   სკოლის  მოქმედი ან ყოფილი – საქართველოს დამსახურებული მასწავლებელი ან  მენტორი მასწავლებელი;

ე)  წარმატებული ქორეოგრაფიული ანსამბლი ან/და ფოლკლორული სტუდია – ლაგოდეხის მუნიციპალიტეტის ტერიტორიაზე რეგისტრირებული სუბიექტი, რომელიც ბოლო 3 წლის განმავლობაში უწყვეტად ახორციელებს ზ/აღნიშნულ საქმინობას და საქართველოს მასშტაბით ფესტივალ-კონკურსებზე მონაწილეობს ლაგოდეხის მუნიციპალიტეტის სახელით;

თ) ხელმძღვანელი პირი – ამ  მუხლის „თ“ ქვეპუნქტით განსაზღვრული ქორეოგრაფიული ანსამბლი ან/და ფოლკლორული სტუდიის ხელმძღვანელი პირი;

ი) პროექტი – განმცხადებლის მოთხოვნების შესრულებისთვის შექმნილი კომპლექსური, არარუტინული, ერთჯერადი საქმიანობა, რომელიც შემოსაზღვრულია დროით, ბიუჯეტით, რესურსებით, ტექნიკური მახასიათებლებით და პასუხობს საგანმანათლებლო, ინტელექტუალურ-შემეცნებით, კულტულურ და ახალგაზრდულ  პროექტის მიზანს;

კ) კონკურსი – შეჯიბრება, რომელიც ტარდება საუკეთესო მონაწილეების ან საუკეთესო ნამუშევრის გამოვლენის მიზნით, ორგანიზებულია მუნიციპალიტეტის მერიის განათლების, კულტურის, სპორტისა და ახალგაზრდულ საკითხთა სამსახურის მიერ და პასუხობს საგანმანათლებლო, ინტელექტუალურ-შემეცნებითი, კულტურულ და ახალგაზრდული პროექტის მიზანს.

1.  ლაგოდეხის მუნიციპალიტეტის  საჯარო და კერძო სკოლის მოსწავლეებისთვის, რომლებიც  საბაზო ან საშუალო განათლების საფეხურის დამთავრებისთანავე იმავე წელს ჩაირიცხებიან აკრედიტირებულ უმაღლეს სასწავლებლებში, ერთჯერადი ფულადი ჯილდოს ოდენობა განისაზღვროს შემდეგი სახით:

ა) ოქროს მედალოსანი სტუდენტის   ერთჯერადი ფულადი ჯილდო - 600 ლარის ოდენობით,  ერთიან ეროვნულ გამოცდებზე 100% გრანტის მოპოვების შემთხვევაში  –   1 000 ლარით, ხოლო ერთიანი ეროვნული გამოცდების შედეგებიდან გამომდინარე, TOP - 501 საუკეთესო აბიტურიენტს შორის  მოხვედრის შემთხვევაში – 1500 ლარი;

ბ) ვერცხლის მედალოსანი  სტუდენტის ერთჯერადი ფულადი ჯილდო   – 500 ლარის ოდენობით,  ერთიან ეროვნულ გამოცდებზე მოპოვებული 100% გრანტის მოპოვების შემთხვევაში  – 1 000 ლარი, ხოლო ერთიანი ეროვნული გამოცდების შედეგებიდან გამომდინარე, TOP - 501 საუკეთესო აბიტურიენტს შორის  მოხვედრის შემთხვევაში – 1500 ლარი;

გ) უმაღლეს სასწავლებელში ჩარიცხული სტუდენტის ერთჯერადი ფულადი ჯილდო  –  400 ლარის ოდენობით,  ერთიან ეროვნულ გამოცდებზე მოპოვებული 100% გრანტის მოპოვების შემთხვევაში  – 1 000 ლარი, ხოლო ერთიანი ეროვნული გამოცდების შედეგებიდან გამომდინარე, TOP - 501 საუკეთესო აბიტურიენტს შორის  მოხვედრის შემთხვევაში - 1500 ლარი;

2.ლაგოდეხის მუნიციპალიტეტის  საჯარო და კერძო სკოლის მოსწავლეებისთვის, რომლებიც, საბაზო ან საშუალო განათლების საფეხურის დასრულებისთანავე იმავე წელს ჩაირიცხებიან   აკრედიტირებულ  პროფესიულ სასწავლებლებში, ერთჯერადი ფულადი ჯილდოს ოდენობა განისაზღვროს – 300 ლარის ოდენობით.

3. მაღალი აკადემიური მოსწრების სტუდენტებისთვის, რომლებიც აგროვებენ ორივე სემესტრში ცალკ-ცალკე,  თითოეულ საგანში 91 დან -100 ქულას ან/და თითოეულ სემესტრში GPA რეიტინგის მიხედვით  91 -დან ზემოთ ქულას, ერთჯერადი ფულადი ჯილდოს ოდენობა განისაზღვროს – 1000 ლარით.

4. საქართველოში აკრედიტებულ პროფესიულ სასწავლებელში ჩარიცხული, მაღალი აკადემიური  მოსწრების შეზღუდული შესაძლებლობის მქონე (შშმ)სტუდენტებისთვის, რომლებიც რეგისტრირებულნი არიან და ამავე დროს ცხოვრობენ  ლაგოდეხის მუნიციპალიტეტის ტერიტორიაზე, ერთჯერადი ფულადი წახალისება განისაზღვრება – 500 (ხუთასი) ლარის ოდენობით.

ლაგოდეხის მუნიციპალიტეტის საკრებულოს 2024 წლის 25 დეკემბრის დადგენილება №24 - ვებგვერდი, 27.12.2024წ.

ლაგოდეხის მუნიციპალიტეტის საჯარო და  კერძო სკოლის მოქმედი ან ყოფილი – საქართველოს დამსახურებული ან მენტორი მასწავლებელის ფულადი ჯილდო განისაზღვროს,  2022 წლის შემდგომ პერიოდში ტიტულის მოპოვებისთვის,  მხოლოდ ერთხელ - 500 ლარის ოდენობით.

1. საქართველოს მასშტაბით ფესტივალ -კონკურსებზე გამარჯვებული, ლაგოდეხის მუნიციპალიტეტის სახელით მონაწილე ქორეოგრაფიული ანსამბლი ან/და ფოლკლორული სტუდია, რომელიც რეგისტრირებულია ლაგოდეხის მუნიციპალიტეტის ტერიტორიაზე  და ბოლო 3 წლის განმავლობაში უწყვეტად ახორციელებს ზ/აღნიშნულ საქმინობას, ანსამბლის განვითარებისა და ხელშეწყობის მიზნით,  ფორმების, აქსესუარების, მუსიკალური ინსტრუმენტების ან/და სხვა მსგავსი რეკვიზიტების შესაძენად, წელიწადში ერთხელ, ერთჯერადი თანადაფინანსების სახით, განისაზღვროს – 2000 ლარი.

საგანმანათლებლო, ინტელექტუალურ-შემეცნებითი, კულტურული, ახალგაზრდული პროექტებისა და კონკურსების დაფინანსების/თანადაფინანსების ოდენობა განისაზღვროს არაუმეტეს – 50 000 ლარით.

ლაგოდეხის მუნიციპალიტეტის საკრებულოს 2024 წლის 25 აპრილის დადგენილება №6 - ვებგვერდი, 25.04.2024წ.

1. აკრედიტირებულ უმაღლეს ან პროფესიუალ სასწავლებლებში ჩარიცხული ლაგოდეხის მუნიციპალიტეტის  საჯარო და კერძო სკოლის მოსწავლეებმა  ერთჯერადი ფულადი ჯილდოს მისაღებად ლაგოდეხის მუნიციპალიტეტის მერიას უნდა მიმართონ და წარმოადგინოს შემდეგი დოკუმენტები:

ა) განცხადება;

ბ) განმცხადებლის (სტუდენტის)  პირადობის ასლი;

გ) საბანკო რეკვიზიტი;

დ) ცნობა უმაღლესი  ან პროფესიული სასწავლებლიდან პირის სასწავლებელში ჩარიცხვის თაობაზე;

ე) ცნობა საჯარო სკოლის  საბაზო ან საშუალო განათლების საფეხურის დასრულების შესახებ;

ვ) ლაგოდეხის მუნიციპალიტეტის მერის წარმომადგენლის მიერ გაცემული ცნობა ,,ფაქტობრივი საცხოვრებელი ადგილის შესახებ“. (ზ/ხსენებული დოკუმენტის არ არსებობა, არ შეაფერხებს საკითხის განხილვას, ასეთ შემთხვევაში მუნიციპალიტეტის უფლებამოსილი სამსახური, გამოითხოვს ინფორმაციას მერის წარმომადგენლისგან, შესაბამის ადმინისტრაციულ ერთეულში,  დაინტერესებული პირის ცხოვრების ფაქტის  შესახებ).

2. უმაღლესი სასწავლებლის მაღალი აკადემიური მოსწრების სტუდენტების ერთჯერადი ფულადი ჯილდოს მისაღებად დაინტერესებულმა პირმა ლაგოდეხის მუნიციპალიტეტის მერიას უნდა მიმართოს და წარმოადგინოს შემდეგი დოკუმენტები:

ა) განცხადება;

ბ) განმცხადებლის (სტუდენტის) პირადობის მოწმობის ასლი;

გ) ცნობა შესაბამისი უმაღლესი ან პროფესიული სასწავლებლიდან ორივე სემესტრის (შემოდგომისა და  გაზაფხულის) მაღალი აკადემიური მოსწრების შესახებ;

ე)ლაგოდეხის მუნიციპალიტეტის მერის წარმომადგენლის მიერ გაცემული ცნობა „ფაქტობრივი საცხოვრებელი ადგილის შესახებ“.

ვ) საბანკო რეკვიზიტი

3. საქართველოში აკრედიტებულ პროფესიულ სასწავლებელში  მაღალი აკადემიური  მოსწრების შეზღუდული შესაძლებლობის მქონე (შშმ) სტუდენტებისთვის ერთჯერადი ფულადი ჯილდოს მისაღებად დაინტერესებულმა პირმა ლაგოდეხის მუნიციპალიტეტის მერიას უნდა მიმართოს და წარმოადგინოს შემდეგი დოკუმენტები:

ა) განცხადება;

ბ) განმცხადებლის (სტუდენტის) პირადობის მოწმობის ასლი;

გ) ცნობა შესაბამისი უმაღლესი ან პროფესიული სასწავლებლიდან ორივე სემესტრის (შემოდგომისა და  გაზაფხულის) მაღალი აკადემიური მოსწრების შესახებ;

დ) ლაგოდეხის მუნიციპალიტეტის მერის წარმომადგენლის მიერ გაცემული ცნობა „ფაქტობრივი საცხოვრებელი ადგილის შესახებ“.

ე) შეზღუდული შესაძლებლობის მდგომარეობის დამადასტურებელი ცნობა,

ვ ) საბანკო რეკვიზიტი

4. საქართველოს დამსახურებული ან მენტორი მასწავლებელის ფულადი ჯილდოს მისაღებად ლაგოდეხის მუნიციპალიეტეტის საჯარო და  კერძო სკოლის მოქმედმა ან  ყოფილმა პედაგოგმა ლაგოდეხის მუნიციპალიტეტის მერიას უნდა მიმართოს და წარმოადგინოს შემდეგი დოკუმენტები:

ა) განცხადება;

ბ) განმცხადებლის  პირადობის მოწმობის/პასპორტის  ასლი;

გ) შესაბამისი  საპატიო წოდების/სტატუსის დაკავების დამადასტურებელი დოკუმენტი;

დ) ლაგოდეხის მუნიციპალიტეტის მერის წარმომადგენლის მიერ გაცემული ცნობა „ფაქტობრივი საცხოვრებელი ადგილის შესახებ“.

ე) ცნობა – ლაგოდეხის მუნიციპალიტეტის საჯარო, კერძო სკოლის მოქმედი ან ყოფილი პედაგოგის დადასტურების შესახებ.

ვ) საბანკო რეკვიზიტი

5. წარმატებული ქორეოგრაფიული ანსამბლი ან/და ფოლკლორული სტუდია თანადაფინანსების მისაღებად, ხელმძღვანელმა პირმა ლაგოდეხის მუნიციპალიტეტის მერიას უნდა მიმართოს და წარმოადგინოს შემდეგი დოკუმენტები:

ა) წერილობითი განცხადება;

ბ)  ხელმძღვანელი პირის   პირადობის მოწმობის ასლი;

გ) ამონაწერი სამეწარმეო პირთა რეესტრიდან, ლაგოდეხის მუნიციპალიტეტის ტერიტორიაზე   ქორეოგრაფიული ანსამბლის ან/და ფოლკლორული სტუდიის   რეგისტრაციის შესახებ;

დ) ცნობა – ქორეოგრაფიული ანსამბლის ან/და ფოლკლორული სტუდიის საქმიანობის დასადასტურებლად,  შესაბამისი  უფლებამოსილი ორგანოდან.

ე) ქორეოგრაფიული ანსამბლის ან/და ფოლკლორული სტუდიის სადამფუძნებლო დოკუმენტი, არსებობის შემთხვევაში;

ვ)  ქვეყნის ფარგლებში ან მის გარეთ, საპრიზო ადგილის/საპატიო წოდების ჯილდოს ან სხვა წარმატების მოპოვების  დამადასტურებელი  მინიმუმ ერთი დოკუმენტი, არსებობის შემთხვევაში;

ზ)  ქორეოგრაფიული ანსამბლის ან/და ფოლკლორული სტუდიის ოფიციალური საბანკო რეკვიზიტები;

ვ) ინვოისი, პოტენციური მიმწოდებლისგან,  შესაძენი რეკვიზიტების მახასიათებლისა და ფასების მითითებით;

ზ) ქორეოგრაფიული ანსამბლის ან/და ფოლკლორული სტუდიის წევრების  (მოსწავლეების) არანაკლებ 15 მშობელის ,,თანხმობის წერილი“, თანადაფინანსების შესახებ;

თ) ქორეოგრაფიული ანსამბლი ან/და ფოლკლორული სტუდია  ვალდებულია, თანხის მიზნობრივად გახარჯვის  დასადასტურებლად, წარმოადგინოს ანგარიშწორების დოკუმენტი (ხელშეკრულება, მიღება-ჩაბარების აქტი, ზედნადები, საგადასახადო მოთხოვნა და ა.შ).

1. ლაგოდეხის მუნიციპალიტეტის  განათლების,  კულტურისა  და ახალგაზრდობის მხარდაჭერის  პროგრამების დაფინანსება/თანადაფინანსება/დაჯილდოება განხორციელდეს, ამ წესისა და ადგილობრივი ბიუჯეტის  შესაბამისად.

2. დაინტერესებული პირი მუნიციპალიტეტის მერიას  მომართვას დაფინანსების/ თანადაფინანსების/ჯილდოს გაცემის თაობაზე განიხილავს ლაგოდეხის მუნიციპალიტეტის მერიის განათლების, კულტურის, სპორტისა და ახალგაზრდულ საქმეთა სამსახური, ამზადებს დასკვნას მიზანშეწონილობის თაობაზე და წარუდგენს ლაგოდეხის  მუნიციპალიტეტის მერს, რომელიც იღებს გადაწყვეტილებას და გამოსცემს შესაბამის ინდივიდუალურ სამართლებრივ აქტს (ბრძანებას) დაფინანსების/ თანადაფინანსების/ჯილდოს გაცემის შესახებ.

3. ამ მუხლის მე-2 პუნქტით განსაზღვრული პროცედურის გარდა, წარმატებული ქორეოგრაფიული ანსამბლის ან/და ფოლკლორული სტუდიის თანადაფინანსების   შემთხვევაში, დამატებით გაფორმდება სუფსიდირების ხელშეკრულება  მუნიციპალიტეტის მერიასა და ქორეოგრაფიულ ანსამბლის ხელმძღვანელ პირს შორის.

4. სამმხრივი ურთიერთშეთანხმების აქტის საფუძველზე, მუნიციპალიტეტის მერია იკისრებს პროგრამით გათვალისწინებული  თანხის ჩარიცხვის ვალდებულებას, ხელმძღვანელი პირი – თანადაფინანსების მიზნით გამოყოფილი ფულადი რესურსის მიზნობრივად ქორეოგრაფიული ანსამბლის ან/და ფოლკლორული სტუდიის განვითარების და ხელშეწყობის (ფორმების, აქსესუარების, მუსიკალური ინსტრუმენტების და სხვა მსგავსი რეკვიზიტების) შესაძენის ვალდებულებას, ხოლო არანაკლებ 15 მშობელი – თანადასაფინანსებელი თანხის დაფარვის ვალდებულებას. 

5. ამ წესით განსაზღვრული ფულადი დაფინანსების/თანადაფინანსების/ჯილდოს გაცემა მოხდება უნაღდო ანგარიშსწორების წესით, განმცხადებლის მიერ წარმოდგენილ საბანკო ანგარიშზე, საქართველოს საგადასახადო კოდექსით დადგენილი გადასახადის გათვალისწინებით.

6. ამ წესით განსაზღვრული ფულადი დაფინანსების/თანადაფინანსების/ჯილდოს გასაცემად, პროგრამით გათვალისწინებული კრიტერიუმების გარდა, საგამონაკლისო შემთხვევა განიხილება და გადაწყვეტილება მიიღება, მუნიციპალიტეტის მერის დისკრეციული უფლებამოსილების ფარგლებში, შესაბამისი ინდივიდუალური ადმინისტრაციული სამართლებრივი აქტის (ბრძანების) საფუძველზე.

ლაგოდეხის მუნიციპალიტეტის საკრებულოს 2024 წლის 25 დეკემბრის დადგენილება №24 - ვებგვერდი, 27.12.2024წ.