მკაცრი აღრიცხვის ფორმების (დოკუმენტების) ნუსხის, მკაცრი აღრიცხვის ფორმების (დოკუმენტების) რეგისტრაციის წესისა და მკაცრი აღრიცხვის ფორმების (დოკუმენტების) რეგისტრაციის ჟურნალის ფორმის დამტკიცების თაობაზე

,,მკაცრი აღრიცხვის ფორმების შესახებ“ საქართველოს კანონის მე-4 და მე-13 მუხლების მოთხოვნათა შესაბამისად, მკაცრი აღრიცხვის ფორმების შემუშავების, დამზადების, შენახვისა და გამოყენების საქმეში სახელმწიფოებრივი წესრიგის დამყარების მიზნით, ვბრძანებ:

მუხლი 1.

დამტკიცდეს მკაცრი აღრიცხვის ფორმების (დოკუმენტების) ნუსხა (დანართი №1).

მუხლი 2.

დამტკიცდეს მკაცრი აღრიცხვის ფორმების (დოკუმენტების) რეგისტრაციის წესი (დანართი №2).

მუხლი 3.

დამტკიცდეს მკაცრი აღრიცხვის ფორმების (დოკუმენტების) რეგისტრაციის ჟურნალის ფორმა (დანართი №3).

მუხლი 4.

ეს ბრძანება ამოქმედდეს გამოქვეყნებისთანავე.

ა. ალექსიშვილი

შეტანილი ცვლილებები:

1. საქართველოს ფინანსთა მინისტრის 2006 წლის 5 იანვრის ბრძანება №13-სსმIII, №4, 11.01.2006წ.; მუხ.25

2. საქართველოს ფინანსთა მინისტრის 2006 წლის 15 მარტის ბრძანება №196-სსმIII, №36, 20.03.2006წ.; მუხ.439

3. საქართველოს ფინანსთა მინისტრის 2006 წლის 17 მარტის ბრძანება №218-სსმIII, №41, 27.03.2006წ.; მუხ.473

დანართი №1

მკაცრი აღრიცხვის ფორმების (დოკუმენტების) ნუსხა

1. წინამდებარე ნუსხით განსაზღვრულია მკაცრი აღრიცხვის ფორმები (დოკუმენტები), რომელთა მიმართ, სახელმწიფო ინტერესებიდან გამომდინარე უნდა გავრცელდეს ,,მკაცრი აღრიცხვის ფორმების შესახებ“ საქართველოს კანონის მოთხოვნები.

2. მკაცრი აღრიცხვის ფორმებს განეკუთვნება შემდეგი ბლანკები და დოკუმენტები:

ა) ვიზა;

ბ) საქართველოში დასაბრუნებელი მოწმობა;

გ) ლტოლვილთა მოწმობა;

დ) დევნილთა მოწმობა;

ე) საგადასახადო ანგარიშ-ფაქტურა;

ვ) კორექტირების საგადასახადო ანგარიშ-ფაქტურა;

ზ) სპეციალური საგადასახადო ანგარიშ-ფაქტურის სერტიფიკატი;

თ) სპეციალური საგადასახადო ანგარიშ-ფაქტურა;

ი) საწარმოს სახელმწიფო რეგისტრაციის (გადასახადის გადამხდელის) მოწმობა;

კ) ნულოვანი განაკვეთის სარეგისტრაციო სერტიფიკატი;

ლ) დამატებული ღირებულების გადასახადის გადამხდელის სარეგისტრაციო სერტიფიკატი;

მ) სათამაშო ბიზნესის გადასახადის გადახდის ნიშნები;

ნ) საბაჟო კონტროლის ქვეშ საქონლისა და სატრანსპორტო საშუალების აღრიცხვის მოწმობა;

ო) ამოღებულია ;

პ) ამოღებულია ;

ჟ) ანგარიშ-ფაქტურა საბაჟო პროცედურების სმ-1;

რ) საბაჟო გადამზიდველის სალიცენზიო მოწმობა;

ს) საბაჟო ბროკერის სალიცენზიო მოწმობა;

ტ) საბაჟო საწყობის საქმიანობის სანებართვო მოწმობა;

უ) უბაჟო საცალო ვაჭრობის ობიექტის საქმიანობის სანებართვო მოწმობა;

ფ) საბაჟო ტერიტორიაზე საქონლის გადამუშავების სანებართვო მოწმობა;

ქ) საბაჟო კონტროლის ქვეშ საქონლის გადამუშავების სანებართვო მოწმობა;

ღ) დროებითი შენახვის საწყობის სანებართვო მოწმობა;

ყ) ნედლი ნავთობისა და მისი გადამუშავებით მიღებული საქონლის, მისართების, გამხსნელების, ნახშირწყალბადების, თხევადი გაზის და საპოხი საშუალებების (გარდა ნედლი ნავთობისა, რომელიც გადაადგილდება მილსადენის ტრანსპორტით ან ტრანზიტის საბაჟო რეჟიმით), თამბაქოს ნაწარმის სპეციალური სატვირთო საბაჟო დეკლარაცია;

შ) საქართველოს კანონმდებლობით განსაზღვრული ლიცენზიისა და ნებართვის ფორმები;

ჩ) ტყით სარგებლობის ბილეთი (ხე-ტყის დამზადებისთვის);

ც) ტყით სარგებლობის ბილეთი (არამერქნული რესურსებით სარგებლობისთვის);

ძ) ტყით სარგებლობის ბილეთი (ტყის მერქნიანი მცენარეების, პროდუქტებისა და ხის მეორეხარისხოვანი მასალების დამზადებისათვის);

წ) ხე-ტყის კანონიერად დამზადების დამადასტურებელი დოკუმენტი;

ჭ) ხე-ტყის წარმოშობის დამადასტურებელი დოკუმენტი;

ხ) ხე-ტყის კანონიერების დამადასტურებელი დოკუმენტი;

ჯ) ადმინისტრაციული სამართალდარღვევის ოქმი;

ჰ) დაბადების მოწმობა, სააქტო ჩანაწერი;

ჰ.ა) მამობის დადგენის მოწმობა, სააქტო ჩანაწერი;

ჰ.ბ) ქორწინების მოწმობა, სააქტო ჩანაწერი;

ჰ.გ) განქორწინების მოწმობა, სააქტო ჩანაწერი;

ჰ.დ) შვილად აყვანის მოწმობა, სააქტო ჩანაწერი;

ჰ.ე) გარდაცვალების მოწმობა, სააქტო ჩანაწერი;

ჰ.ვ) სახელის, მამის, გვარის შეცვლის მოწმობა, სააქტო ჩანაწერი;

ჰ.ზ) პასპორტი;

ჰ.თ) პირადობის მოწმობა;

ჰ.ი) ჩანართი;

ჰ.კ) სამედიცინო დაწესებულებების სალიცენზიო მოწმობა;

ჰ.ლ) ფარმაცევტული საქმიანობის სალიცენზიო მოწმობა და სალიცენზიო მოწმობის დანართის ფორმები;

ჰ.მ) სამკურნალო საშუალებების სარეგისტრაციო მოწმობა და სარეგისტრაციო მოწმობის დანართის ფორმები;

ჰ.ნ) ნასამართლეობის ან ძებნის ბლანკი;

ჰ.ო) ადმინისტრაციული ჯარიმის გადახდის დამადასტურებელი ქვითარი;

ჰ.პ) ცნობა საგზაო-სატრანსპორტო შემთხვევისა და მათში დაშავებული პირთა შესახებ;

ჰ.ჟ) ადმინისტრაციული დაკავების ოქმი;

ჰ.რ) პირადი გასინჯვისა და ნივთების გასინჯვის ოქმი;

ჰ.ს) ნივთებისა და დოკუმენტების ჩამორთმევის ოქმი;

ჰ.ტ) მძღოლის მოწმობის პლასტიკური ყდა;

ჰ.უ) მძღოლის მოწმობის ბლანკი;

ჰ.ფ) ტრანსპორტის სარეგისტრაციო მოწმობის პლასტიკური ყდა;

ჰ.ქ) ტრანსპორტის სარეგისტრაციო მოწმობის ბლანკი;

ჰ.ღ) სატრანსპორტო საშუალებათა ტექნიკური დათვალიერების გავლის დამადასტურებელი ფირნიში;

ჰ.ყ) საბანკო ლიცენზია;

ჰ.შ) საბანკო ფილიალის გახსნის შესახებ თანხმობა;

ჰ.ჩ) არასაბანკო სადეპოზიტო დაწესებულებებზე (საკრედიტო კავშირები, ვალუტის გადამცველი პუნქტები) გასაცემი სალიცენზიო მოწმობა;

ჰ.ც) საკასო კვანძის (კვანძგარეთა სალაროს) შესახებ პასპორტი;

ჰ.ძ) ვალუტის გადამცვლელი პუნქტის მზადყოფნის შესახებ პასპორტი;

ჰ.წ) თანხმობა საინკასაციო მომსახურების შესახებ;

ჰ.ჭ) ბანკომატით სალაროს ოპერაციების წარმოების შესახებ პასპორტი;

ჰ.ხ) მოწმობა ნაღდ ფულთან მუშაობის კვალიფიკაციის შესახებ;

ჰ.ჯ) მოწმობა ინკასატორის კვალიფიკაციის შესახებ;

ჰ.ჰ) საფულე ჩეკი;

ჰ.ჰ.ა) შიდა საბანკო გასავლის ორდერი;

ჰ.ჰ.ბ) შიდა საბანკო შემოსავლის ორდერი;

ჰ.ჰ.გ) სარეზერვო ფონდების აღრიცხვის წიგნი;

ჰ.ჰ.დ) ნაღდი ფულისა და ფასეულობის აღრიცხვის წიგნი;

ჰ.ჰ.ე) ნაღდი ფულის კუპიურული აღრიცხვის წიგნი;

ჰ.ჰ.ვ) საცავის გაღება-დაკეტვისა და დალუქვაზე დასაშვებ პირთა საკონტროლო დავთარი;

ჰ.ჰ.ზ) დანაკლისის, ზედმეტობისა და საეჭვო ფულის გამოვლენის აქტი;

ჰ.ჰ.თ) ნაღდი ფულისა და სხვა ფასეულობის გადაზიდვის შესახებ დავალების აღრიცხვის წიგნი;

ჰ.ჰ.ი) ქვითრების წიგნი №0402004;

ჰ.ჰ.კ) უმაღლესი, საშუალო, დაწყებითი, საბაზო ან სპეციალური განათლების დამადასტურებელი დიპლომი, ატესტატი, სერტიფიკატი;

ჰ.ჰ.ლ) სამგზავრო ავიაბილეთები;

ჰ.ჰ.მ) საბარგო ქვითრები (ავიაგადაზიდვისთვის);

ჰ.ჰ.ნ) სტფ-2 საქალაქთაშორისო სატელეფონო სატელეფონო საუბრის ტალონი;

ჰ.ჰ.ო) სტფ-3 ტალონის ბარათი;

ჰ.ჰ.პ) სტფ-4 შეკვეთა;

ჰ.ჰ.ჟ) სტფ-5 შეკვეთა – კატეგორია შეღავათიანი ტარიფი;

ჰ.ჰ.რ) ფორმა №5 შეკვეთა;

ჰ.ჰ.ს) სტფ-7 ტრანზიტი;

ჰ.ჰ.ტ) სოფლის მეურნეობის სამინისტროს სანაშენე მოწმობა (სერტიფიკატი);

ჰ.ჰ.უ) წყლის რეგისტრაციისათვის ადგილწარმოშობის დასკვნის ფორმა;

ჰ.ჰ.ფ) წყლის სასაქონლო პროდუქციის კატეგორიის ბლანკი;

ჰ.ჰ.ქ) ფიტოსანიტარიული სერტიფიკატი ექსპორტზე;

ჰ.ჰ.ღ) ფიტოსანიტარიული სერტიფიკატი რეექსპორტზე;

ჰ.ჰ.ყ) ავტოსადგომების ქვითრები;

ჰ.ჰ.შ) ლატარიის ბილეთები.

,,ჰ.ჰ.ჩ)	ღია ნავთობპროდუქტის გადასაგზავნი ზედნადები (გუ №27დს);
ჰ.ჰ.ც)	მუქი ნავთობპროდუქტების გადასაგზავნი ზედნადები (გუ №27დტ);
ჰ.ჰ.ძ)	ცარიელი ვაგონების გადასაგზავნი ზედნადები (გუ 27-სპ);
ჰ.ჰ.წ)	ტვირთის გადაზიდვის საგზაო უწყისი (გუ-29);
ჰ.ჰ.ჭ)	ცარიელი სპეციალური მოძრავი შემადგენლობის გადასაგზავნი უწყისი (გუ-33);
ჰ.ჰ.ხ)	საგზაო უწყისი მარშუტზე ან ვაგონთა ჯგუფზე (გუ-29ბ);
ჰ.ჰ.ჯ)	კომბინირებული ქვითარი (გუ-57);
ჰ.ჰ.ჰ)	სამგზავრო პარკის ვაგონების გარბენაზე საგზაო უწყისი (მგ. №12-ვგ);
ჰ.ჰ.ჰ.ა)	საბარგო ქვითარი (მგ. №12-ბ);
ჰ.ჰ.ჰ.ბ)	ტვირთბარგის ქვითარი (მგ. №12-ტბ);
ჰ.ჰ.ჰ.გ)	კომერციული აქტი (კა);
ჰ.ჰ.ჰ.დ)	სსმშ-მცირე სიჩქარის ზედნადები;
ჰ.ჰ.ჰ.ე)	კომბინირებული სამგზავრო დოკუმენტი (შიფრი 11);
ჰ.ჰ.ჰ.ვ)	საბავშო კომბინირებული დოკუმენტი (შიფრი 12);
ჰ.ჰ.ჰ.ზ)	შეღავათიანი სამგზავრო 50% დოკუმენტი (შიფრი 21);
ჰ.ჰ.ჰ.თ)	საერთო კომბინირებული სამგზავრო დოკუმენტი (შიფრი 301);
ჰ.ჰ.ჰ.ი)	თეთრეულის ტალონი;
ჰ.ჰ.ჰ.კ)	სამგზავრო მუყაოს დოკუმენტი (ს/ჩ – საერთო ჩქარი);
ჰ.ჰ.ჰ.ლ)	სამგზავრო მუყაოს დოკუმენტი (პ/ჩ – პლაცკარტ ჩქარი);
ჰ.ჰ.ჰ.მ)	სამგზავრო მუყაოს დოკუმენტი (კ/ჩ – კუპე ჩქარი);
ჰ.ჰ.ჰ.ნ)	სამგზავრო მუყაოს დოკუმენტი (რ/ს – რბილი სამგზავრო);
ჰ.ჰ.ჰ.ო)	სამგზავრო მუყაოს დოკუმენტი (პ – პლაცკარტ სამგზავრო);
ჰ.ჰ.ჰ.პ)	სამგზავრო მუყაოს დოკუმენტი (კ – კუპე სამგზავრო);
ჰ.ჰ.ჰ.ჟ)	სამგზავრო მუყაოს დოკუმენტი (ს – საერთო);
ჰ.ჰ.ჰ.რ)	ელექტრომატარებლის სამგზავრო საბუთი;
ჰ.ჰ.ჰ.ს)	ავტომატიზირებული სისტემის ,,სამგზავრო დოკუმენტი”;
ჰ.ჰ.ჰ.ტ)	,,ექსპრესი” სამგზავრო დოკუმენტი;
ჰ.ჰ.ჰ.უ)	კომპიუტერული სამგზავრო დოკუმენტი;
ჰ.ჰ.ჰ.ფ)	შპს ,,საქართველოს რკინიგზის” მოწმობა;
ჰ.ჰ.ჰ.ქ)	შპს ,,საქართველოს რკინიგზის” სერტიფიკატი;
ჰ.ჰ.ჰ.ღ)	საშეშე მერქნის კანონიერების დამადასტურებელი დოკუმენტი;
ჰ.ჰ.ჰ.ყ)	„იმედი L lnternational“-ის სალაროს შემოსავლის ორდერი;
ჰ.ჰ.ჰ.შ)	„„იმედი L lnternational“-ის სალაროს გასავლის ორდერი;
ჰ.ჰ.ჰ.ჩ)	,,ჯორჯიან ეარვეისის” სხვადასხვა მოსაკრებლის ქვითარი;
ჰ.ჰ.ჰ.ც)	,,ჯორჯიან ეარვეისის” ზენორმატიული ბარგის ქვითარი;
ჰ.ჰ.ჰ.ძ)	სანოტარო მოქმედებათა რეგისტრაციის საერთო რეესტრი;
ჰ.ჰ.ჰ.წ)	სამემკვიდრეო საქმეთა საერთო რეესტრი;
ჰ.ჰ.ჰ.ჭ)	ანდერძების საერთო რეესტრი;
ჰ.ჰ.ჰ.ხ)	თამასუქებისა და ჩეკების გაპროტესტების რეესტრი;
ჰ.ჰ.ჰ.ჯ)	ფულისა და სხვა ფასიანი ქაღალდებიის რეესტრი;
ჰ.ჰ.ჰ.ჰ)	შპს ,,საქართველოს ფოსტის” საქვითრო რვეული ფ. №1 (მიღებული საფოსტო ამანათების, ფასგამოცხადებული, შეკვეთილი წერილებისა და ბანდეროლების ჩასაწერად (20 და 50 ქვითრიანი))
ჰ.ჰ.ჰ.ჰ.ა)	შპს ,,საქართველოს ფოსტის” საქვითრო რვეული ფ. №2 (სხვადასხვა სახის მომსახურების ჩასაწერად (20 და 50 ქვითრიანი))
ჰ.ჰ.ჰ.ჰ.ბ)	შპს ,,საქართველოს ფოსტის” საქვითრო რვეული ფ. №3 (ელ.ენერგიის, წყლის, გაზის და სხვა გადასახადებისათვის (20 და 100 ქვითრიანი))
ჰ.ჰ.ჰ.ჰ.გ)	შპს ,,საქართველოს ფოსტის” საქვითრო რვეული ფ. №4 (რეალიზებული საფოსტო ნიშნების ჩასაწერად (20 ქვითრიანი))
ჰ.ჰ.ჰ.ჰ.დ)	შპს ,,საქართველოს ფოსტის” საქვითრო რვეული ფ. №5 (მიღებული ფულადი გზავნილების ჩასაწერად (4 და 20 ქვითრიანი))

საქართველოს ფინანსთა მინისტრის 2006 წლის 5 იანვრის ბრძანება №13-სსმIII, №4, 11.01.2006წ.; მუხ.25

საქართველოს ფინანსთა განვითარების მინისტრის 2006 წლის 15 მარტის ბრძანება №196-სსმIII, №36, 20.03.2006წ.; მუხ.439

საქართველოს ფინანსთა მინისტრის 2006 წლის 17 მარტის ბრძანება №218-სსმIII, №41, 27.03.2006წ.; მუხ.473

3. სამართალსუბიექტებს უფლება აქვთ საქართველოს ფინანსთა სამინისტროს რეგისტრაციისათვის წარუდგინონ სხვა განსაზღვრული შინაარსის, ფორმისა და ზომის ბლანკი, ბილეთი ან საბუთი, რომელიც გამიზნულია სხვადასხვა სფეროში საქმიანობასთან დაკავშირებული ანგარიშსწორების, ანგარიშგების, იურიდიული ან სხვა ფაქტის დაფიქსირებისათვის საქართველოს ფინანსთა სამინისტროს მიერ აღნიშნული ფორმების რეგისტრაციის შემთხვევაში ისინი აისახება წინამდებარე ნუსხაში.

საქართველოს ფინანსთა მინისტრის 2006 წლის 15 მარტის ბრძანება №196-სსმIII, №36, 20.03.2006წ.; მუხ.439

4. ეკონომიკური საქმიანობის განმახორციელებელი პირის განცხადებას (წერილს) ნაღდი ფულით ანგარიშწორების ფაქტის დამადასტურებელი ფორმების (დოკუმენტების) რეგისტრაციის თაობაზე, გარდა ამავე ბრძანებით დამტკიცებული ,,მკაცრი აღრიცხვის ფორმების რეგისტრაციის წესის“ (დანართი №2) მე-2 მუხლით გათვალისწინებული მოთხოვნებისა, თან უნდა დაერთოს წერილობითი დასაბუთება. კერძოდ, განცხადება უნდა შეიცავდეს:

ა) სათანადო არგუმენტაციას, თუ რატომ ვერ გამოიყენებს ეკონომიკური საქმიანობის განმახორციელებელი პირი საკონტროლო-სალარო აპარატს;

ბ) შესაბამის დასაბუთებას, თუ რატომ უნდა იქნას წარმოდგენილი ნიმუში მიკუთვნებული მკაცრი აღრიცხვის ფორმებზე.

დანართი №2

მკაცრი აღრიცხვის ფორმების რეგისტრაციის წესი

მუხლი 1. ზოგადი დებულებანი

1. მკაცრი აღრიცხვის ფორმების რეგისტრაციას ,,მკაცრი აღრიცხვის ფორმების შესახებ“ საქართველოს კანონის შესაბამისად მკაცრი აღრიცხვის ფორმების (დოკუმენტების) განმხილველი კომისიის მიერ მიღებული დასკვნის საფუძველზე ახორციელებს საქართველოს ფინანსთა სამინისტრო.

2. სამართალსუბიექტები განურჩევლად საკუთრებისა და ორგანიზაციულ-სამართლებრივი ფორმისა, ვალდებულნი არიან რეგისტრაციისათვის საქართველოს ფინანსთა სამინისტროს წარუდგინონ მათ მიერ გამოყენებული ან გამოსაყენებელი მკაცრი აღრიცხვის ფორმების ნიმუშები (პროექტები) დამოწმებული საქართველოს განათლებისა და მეცნიერების სამინისტროს ენის სახელმწიფო პალატის მიერ.

მუხლი 2. მკაცრი აღრიცხვის ფორმების რეგისტრაციის ეტაპები

1. საქართველოს ფინანსთა სამინისტრო მკაცრი აღრიცხვის ფორმების რეგისტრაციას ახორციელებს სამართალსუბიექტების მიერ წარმოდგენილი განცხადების საფუძველზე. განცხადება უნდა შეიცავდეს:

ა) საქართველოს ზოგადი ადმინისტრაციული კოდექსის 78-ე მუხლში მითითებულ მოთხოვნებს;

ბ) ინფორმაციას მკაცრი აღრიცხვის ფორმის სახელწოდებისა და მიზნობრივი დანიშნულების შესახებ.

2. განცხადებას მკაცრი აღრიცხვის ფორმის რეგისტრაციის შესახებ თან უნდა ერთვოდეს:

ა) რეგისტრაციისათვის წარმოდგენილი მკაცრი აღრიცხვის ფორმის აღწერილობა გაყალბებისაგან დამცავი ყველა ნიშნის აღნიშვნით;

ბ) დოკუმენტი სამართალსუბიექტის მიერ მკაცრი აღრიცხვის ფორმის გამოსაყენებლად შემოღების, აღრიცხვა-ანგარიშგების წესის და მისი ნიმუშის (პროექტის) დამტკიცების შესახებ.

3. განცხადება მკაცრი აღრიცხვის ფორმების რეგისტრაციის შესახებ შესაბამისი დასკვნის მიღების მიზნით წარედგინება მკაცრი აღრიცხვის ფორმების (დოკუმენტების) განმხილველ კომისიას.

4. მკაცრი აღრიცხვის ფორმების (დოკუმენტების) განმხილველი კომისიის მიერ მიღებული დასკვნის საფუძველზე საქართველოს ფინანსთა სამინისტრო განცხადების მიღებიდან ერთი თვის ვადაში რეგისტრაციაში ატარებს მკაცრი აღრიცხვის ფორმას ან კანონმდებლობის მოთხოვნებიდან გამომდინარე მოტივირებულ უარს ამბობს რეგისტრაციაზე. რეგისტრაციაზე უარის თქმის საფუძველი მათ შორის შეიძლება გახდეს წარმოდგენილი მკაცრი აღრიცხვის ფორმის დამცავი ნიშნების არასაკმარისი რაოდენობა, მათი რეგისტრაციაში გატარების და შესაბამისად მკაცრი აღრიცხვის ფორმების ნუსხაში შეტანის მიზანშეუწონლობა (კერძოდ, საკონტროლო-სალარო აპარატების გამოყენებისაგან თავის არიდება).

5. საქართველოს ფინანსთა სამინისტრო წერილობით აცნობებს განმცხადებელს მკაცრი აღრიცხვის ფორმის რეგისტრაციაში გატარების ან რეგისტრაციაზე უარის თქმის შესახებ.

მუხლი 3. მკაცრი აღრიცხვის ფორმის რეგისტრაციის ნომერი

1. მკაცრი აღრიცხვის ფორმის რეგისტრაციაში გატარების შემთხვევაში საქართველოს ფინანსთა სამინისტრო მკაცრი აღრიცხვის ფორმას (ბლანკს) ანიჭებს რეგისტრაციის ნომერს.

2. მკაცრი აღრიცხვის ფორმის რეგისტრაციაში გატარება და სარეგისტრაციო ნომრის მინიჭება ხდება სპეციალურ ჟურნალში, რომელსაც უნდა ჰქონდეს შემდეგი რეკვიზიტები:

ა) ჩანაწერის რიგითი ნომერი;

ბ) ფორმის დასახელება;

გ) საქართველოს ფინანსთა სამინისტროს მიერ მინიჭებული რეგისტრაციის ნომერი;

დ) რეგისტრაციის თარიღი;

ე) ფორმის კატეგორია;

ვ) მკაცრი აღრიცხვის ფორმების (დოკუმენტების) განმხილველი კომისიის სხდომის ოქმის ნომერი;

ზ) სამართალსუბიექტის რეკვიზიტები;

თ) შენიშვნა.

3. მკაცრი აღრიცხვის ფორმის რეგისტრაციის ნომერში აისახება მკაცრი აღრიცხვის ფორმების (დოკუმენტების) განმხილველი კომისიის სხდომის ოქმის ნომერი, რასაც ტირეს შემდეგ მოსდევს რეგისტრაციის ოთხნიშნა რიგითი ნომერი მკაცრი აღრიცხვის ფორმების რეგისტრაციის ჟურნალის შესაბამისად.

4. ფინანსთა სამინისტროში რეგისტრირებულ მკაცრი აღრიცხვის ფორმებზე, პოლიგრაფიული წესით აღნიშნული უნდა იყოს რეგისტრაციის ნომერი და საქართველოს ფინანსთა სამინისტროს ინიციალები – ,,სფს“.

მუხლი 4. მკაცრი აღრიცხვის ფორმის რეგისტრაციის გაუქმება, ხელახალი რეგისტრაცია

1. მკაცრი აღრიცხვის ფორმების რეგისტრაციის გაუქმებას ახორციელებს საქართველოს ფინანსთა სამინისტრო მკაცრი აღრიცხვის ფორმების (დოკუმენტების) განმხილველი კომისიის მიერ მიღებული დასკვნის საფუძველზე.

2. მკაცრი აღრიცხვის ფორმის რეგისტრაციის გაუქმების საფუძლებია:

ა) მკაცრი აღრიცხვის ფორმის ნუსხიდან ამოღება;

ბ) სამართალსუბიექტის წერილობითი განცხადება;

გ) რეგისტრირებულ მკაცრი აღრიცხვის ფორმაში ცვლილებების შეტანა.

2. რეგისტრირებულ მკაცრი აღრიცხვის ფორმაში ცვლილებების (გარკვეული რეკვიზიტების, ფორმის, ზომის, დამცავი ნიშნების რაოდენობის და სხვა) შეტანის შემთხვევაში საქართველოს ფინანსთა სამინისტრო აუქმებს შესაბამისი მკაცრი აღრიცხვის ფორმის წინა რეგისტრაციას და წინამდებარე წესის საფუძველზე ახორციელებს მკაცრი აღრიცხვის ფორმის ხელახალ რეგისტრაციას.

(დანართი №3)

რიგითი #

ფორმის დასახელება

რეგისტრაციის ნომერი

რეგისტრაციის თარიღი

ფორმის კატეგორია

ოქმის ნომერი

სამართალ სუბიექტის რეკვიზიტები

შენიშვნა

გამოსვლა შენახვა

Annotate

როგორ დავიმოწმოთ

საქართველოს მინისტრის ბრძანება „მკაცრი აღრიცხვის ფორმების ნუსხის, მკაცრი აღრიცხვის ფორმების რეგისტრაციის წესისა და მკაცრი აღრიცხვის ფორმების რეგისტრაციის ჟურნალის ფორმის დამტკიცების თაობაზე“, №669, 02.08.2005, სარეგისტრაციო კოდი 140.010.000.22.033.007.593 (კონსოლიდირებული რედაქცია 17.03.2006). ხელმისაწვდომია: https://legali.ge/law/61024-3/

შემდგომი ცვლილებები (82)

წინა ცვლილებები (3)

დოკუმენტის ტექსტი

მუხლი 1.🔗

მუხლი 2.🔗

მუხლი 3.🔗

მუხლი 4.🔗

მუხლი 1. ზოგადი დებულებანი🔗

მუხლი 2. მკაცრი აღრიცხვის ფორმების რეგისტრაციის ეტაპები🔗

მუხლი 3. მკაცრი აღრიცხვის ფორმის რეგისტრაციის ნომერი🔗

მუხლი 4. მკაცრი აღრიცხვის ფორმის რეგისტრაციის გაუქმება, ხელახალი რეგისტრაცია🔗

როგორ დავიმოწმოთ