სენაკის მუნიციპალიტეტის 2024 წლის ბიუჯეტით გათვალისწინებული „სოციალურად დაუცველი ოჯახების საცხოვრებელი პირობების გაუმჯობესების პროგრამიდან“ დახმარების გაცემის წესის დამტკიცების შესახებ

 მუხლი 1. პროგრამის მიზანი

პროგრამის მიზანია სოციალურად დაუცველი ოჯახების საცხოვრებელი პირობების გაუმჯობესება. კერძოდ, ქვეპროგრამა ითვალისწინებს დახმარებას სოციალურად დაუცველთა მონაცემთა ერთიან ბაზაში რეგისტრირებული 65 000 (სამოცდახუთი ათასი) და ნაკლები სარეიტინგო ქულის მქონე ოჯახებისათვის, რომელთაც მცირე შემოსავლების გამო არ აქვთ საშუალება უზრუნველყონ საკუთრებაში/თანასაკუთრებაში/მფლობელობაში არსებული საცხოვრებელი სახლის დაზიანებული სახურავის სრული რეაბილიტაციისათვის საჭირო სამუშაოების ჩატარება.

1. დახმარება გაეწევა შემდეგ ოჯახებს:

ა) მრავალშვილიანი ოჯახი, რომელსაც ჰყავს სამი და მეტი შვილი და სოციალური მომსახურების სააგენტოს სოციალურად დაუცველი ოჯახების მონაცემთა ერთიან ბაზაში მინიჭებული აქვს 65 000 (სამოცდახუთი ათასი) ან ნაკლები სარეიტინგო ქულა;

ბ) ოჯახი, სადაც ცხოვრობს შეზღუდული შესაძლებლობის მქონე პირი ან მარტოხელა პენსიონერი და სოციალური მომსახურების სააგენტოს სოციალურად დაუცველი ოჯახების მონაცემთა ერთიან ბაზაში მინიჭებული აქვს 65 000 (სამოცდახუთი ათასი) ან ნაკლები სარეიტინგო ქულა;

გ) ოჯახი, რომელიც იმყოფება უკიდურეს ეკონომიკურ გასაჭირში და დახმარების გაწევის მომენტში არ აკმაყოფილებს ამ მუხლით გათვალისწინებულ კრიტერიუმებს.

 2. დახმარების გაწევის მიზნით, აუცილებელია საცხოვრებელი სახლი წარმოადგენდეს ფიზიკური პირის საკუთრებას/თანასაკუთრებას/მფლობელობას და მესაკუთრე/თანამესაკუთრე/მფლობელი რეგისტრირებული იყოს სენაკის მუნიციპალიტეტში.

1. პროგრამით გათვალისწინებული მიზნების განსახორციელებლად მუნიციპალიტეტის მერიაში მოქალაქეთა განცხადებების მიღება წარმოებს მიმდინარე წლის 1 მაისამდე.

2. პროგრამით გათვალისწინებული მიზნების განსახორციელებლად მუნიციპალიტეტის მერიაში შემოსული მოქალაქეთა განცხადებებისა და თანდართული დოკუმენტაციის პროგრამის პირობებთან შესაბამისობის დადგენას ახორციელებს მერიის ჯანმრთელობისა და სოციალური დაცვის სამსახური.

3. მერიის ჯანმრთელობისა და სოციალური დაცვის სამსახურიდან მიღებული ინფორმაციის საფუძველზე, უსახლკარო ოჯახების შეფასებას, საჭიროებების ადგილზე შესწავლას უზრუნველყოფს „სოციალურად დაუცველი ოჯახების საცხოვრებელი პირობების გაუმჯობესების პროგრამის“ ფარგლებში შექმნილი კომისია (შემდგომში – კომისია). კომისიის შემადგენლობაში შედიან მერიის შესაბამისი სამსახურისა და საკრებულოს წარმომადგენლები. ასევე კომისიის მუშაობაში მონაწილეობის მიღების მიზნით შეიძლება მოწვეული იქნეს დარგის სპეციალისტი. კომისიის შემადგენლობა მტკიცდება სენაკის მუნიციპალიტეტის მერის მიერ ინდივიდუალურ-სამართლებრივი აქტის საფუძველზე.

4. კომისია მოქმედებს ამ წესის შესაბამისად. ამასთანავე, კომისიის მიერ შეფასებით განისაზღვრება შემოსული განცხადებების განხილვის პრიორიტეტულობა.

5. კომისია უზრუნველყოფს ოჯახების საჭიროებებისა და მდგომარეობის ადგილზე გადამოწმებას, დაზიანებული სახურავების სრული რეაბილიტაციისათვის აუცილებელი ღონისძიებების დადგენას.

6. წარდგენილი ინფორმაციისა და მონიტორინგის საფუძველზე, კომისია განსაზღვრავს წლიური ბიუჯეტით განსაზღვრულ ასიგნებათა ფარგლებში იმ ოჯახთა კონტინგენტს, რომელთა მიმართაც უნდა განხორციელდეს დაზიანებული სახურავების რეაბილიტაციის ღონისძიებები.

7. კომისიის დასკვნის საფუძველზე, დაზიანებული სახურავების რეაბილიტაციისათვის საჭირო ღონისძიებების შესახებ გამოიცემა მუნიციპალიტეტის მერის ინდივიდუალური ადმინისტრაციულ-სამართლებრივი აქტი.

8. შესყიდვები განხორციელდება მერიის შესაბამისი სამსახურის მიერ მოქმედი კანონმდებლობის გათვალისწინებით.

სენაკის მუნიციპალიტეტის საკრებულოს 2024 წლის 22 ნოემბრის დადგენილება №46 - ვებგვერდი, 26.11.2024წ.