საჯარო სამართლის იურიდიული პირის - სახელმწიფო სამხედრო სამეცნიერო-ტექნიკური ცენტრი „დელტას” დებულების დამტკიცების შესახებ

სახელმწიფო სარეგისტრაციო კოდი 040.030.000.22.026.007.869

საქართველოს თავდაცვის მინისტრის

ბრძანება №321

2005 წლის 22 ნოემბერი

ქ. თბილისი

საჯარო სამართლის იურიდიული პირის – სახელმწიფო სამხედრო სამეცნიერო-ტექნიკურ ცენტრ ,,დელტას” დებულების დამტკიცების შესახებ

,,საჯარო სამართლის იურიდიული პირის შესახებ” საქართველოს კანონისა და ,,საჯარო სამართლის იურიდიული პირის – სახელმწიფო სამხედრო სამეცნიერო-ტექნიკურ ცენტრ ,,დელტას” შექმნის შესახებ” საქართველოს პრეზიდენტის 2005 წლის 30 მაისის №394 ბრძანებულების მე-3 პუნქტის შესაბამისად, ვბრძანებ:

1. დამტკიცდეს საჯარო სამართლის იურიდიული პირის – სახელმწიფო სამხედრო სამეცნიერო-ტექნიკურ ცენტრ ,,დელტას” თანდართული დებულება.

2. ბრძანება ძალაშია გამოქვეყნებისთანავე, ხოლო დებულების მე-4 მუხლის მე-4 პუნქტი ამოქმედდეს საკანონმდებლო აქტებში შესაბამისი ცვლილებების ძალაში შესვლისთანავე.

3. ბრძანებას გაეცნონ თავდაცვის მინისტრის მოადგილეები, საქართველოს შეიარაღებული ძალების გენერალური შტაბის უფროსი და მისი მოადგილეები, თავდაცვის სამინისტროს ყველა სტრუქტურული ქვედანაყოფის ხელმძღვანელი და შემსრულებლები.

ი. ოქრუაშვილი

შეტანილი ცვლილებები:

1. საქართველოს თავდაცვის მინისტრის 2008 წლის 10 აპრილი ს ბრძანება №190 - სსმ III, №57, 15.04.2008წ., მუხ.664

2. საქართველოს თავდაცვის მინისტრის 2008 წლის 22 მაისის ბრძანება №273 - სსმ III, №75, 23.05.2008წ., მუხ.816

3. საქართველოს თავდაცვის მინისტრის 2008 წლის 28 ივლისი ს ბრძანება №431 - სსმ III, №106, 28.07.2008წ., მუხ.1185

4. საქართველოს თავდაცვის მინისტრის 2010 წლის 12 ოქტომბრის ბრძანება №695 - სსმ III, №132, 13.10.2010წ., მუხ.1912

5. საქართველოს თავდაცვის მინისტრის 2010 წლის 11 ნოემბრის ბრძანება №762-სსმIII, №150, 13.11. 2010წ., მუხ.2106

6. საქართველოს თავდაცვის მინისტრის 2010 წლის 30 დეკემბრის ბრძანება №897-სსმIII, №171,30.12. 2010წ., მუხ.2465

7. საქართველოს თავდაცვის მინისტრის 2010 წლის 30 დეკემბრის ბრძანება №62 - ვებგვერდი, 31.01.2011წ.

8. საქართველოს თავდაცვის მინისტრის 2011 წლის 16 თებერვლის ბრძანება №105 - ვებგვერდი, 18.02.2011წ.

9. საქართველოს თავდაცვის მინისტრის 2011 წლის 28 აპრილის ბრძანება №294 - ვებგვერდი, 29.04.2011წ.

საჯარო სამართლის იურიდიული პირის – სახელმწიფო სამხედრო სამეცნიერო-ტექნიკურ ცენტრ ,,დელტას” დებულება

    მუხლი 1. ზოგადი დებულებები

1. სახელმწიფო სამხედრო სამეცნიერო-ტექნიკური ცენტრი ,,დელტა” (შემდგომში – „ცენტრი”) წარმოადგენს ,,საჯარო სამართლის იურიდიული პირის შესახებ” საქართველოს კანონის შესაბამისად, საქართველოს პრეზიდენტის ბრძანებულებით შექმნილ საჯარო სამართლის იურიდიულ პირს, რომლის სრული სახელწოდებაა: ,,საჯარო სამართლის იურიდიული პირი – სახელმწიფო სამხედრო სამეცნიერო-ტექნიკური ცენტრი ,,დელტა”. ,,ცენტრი” წარმოადგენს სახელმწიფო მმართველობის ორგანოებისაგან განცალკევებულ ორგანიზაციას.

2. ,,ცენტრის” საქმიანობის სამართლებრივი საფუძვლებია: საქართველოს კონსტიტუცია, საქართველოს საერთაშორისო ხელშეკრულებები და შეთანხმებები, საქართველოს კანონები და კანონქვემდებარე აქტები, წინამდებარე დებულება.

2^​1. სამეცნიერო-კვლევითი დაწესებულებების – საჯარო სამართლის იურიდიული პირების ბაზაზე  ცენტრთან  შექმნილია შემდეგი სამეცნიერო-კვლევითი დაწესებულებები – საჯარო სამართლის იურიდიული პირები (შემდგომ – სამეცნიერო-კვლევითი დაწესებულება):

ა) სოხუმის ილია ვეკუას ფიზიკა-ტექნიკის ინსტიტუტი;

ბ) ინსტიტუტი „ოპტიკა‘‘;

გ) გრიგოლ წულუკიძის სამთო ინსტიტუტი;

დ) რაფიელ დვალის მანქანათა მექანიკის ინსტიტუტი;

ე) ფერდინანდ თავაძის მეტალურგიისა და მასალათმცოდნეობის ინსტიტუტი.

3. ,,ცენტრი”, როგორც საჯარო სამართლის იურიდიული პირი, ამ დებულებით განსაზღვრული მიზნებისა და დაკისრებული ფუნქციების განსახორციელებლად, საკუთარი სახელით იძენს უფლებებსა და მოვალეობებს, დებს გარიგებებს და უფლებამოსილია სასამართლოში გამოვიდეს მოსარჩელედ და/ან მოპასუხედ.

3^​1. საქართველოს თავდაცვის სამინისტროს თანხმობით, „ცენტრი’’ უფლებამოსილია საქართველოს კანონმდებლობით დადგენილი წესით დააფუძნოს კერძო სამართლის არასამეწარმეო (არაკომერციული) იურიდიული პირი.

4. ,,ცენტრს” აქვს დამოუკიდებელი ბალანსი, საბანკო ანგარიშები (მათ შორის, სავალუტო), მრგვალი ბეჭედი საქართველოს სახელმწიფო გერბისა და თავისი სახელწოდების გამოსახულებით, სატიტულო ბლანკი და შტამპები.

5. ,,ცენტრის” იურიდიული მისამართია:

საქართველო, თბილისი, 0169, მნათობის ქ. № 73

ტელ.: 95-60-80

ფაქსი: 95-60-80; 95-76-59

საქართველოს თავდაცვის მინისტრის 2010 წლის 11 ნოემბრის  ბრძანება №762-სსმIII, №150, 16.11. 2010წ., მუხ.2106

საქართველოს თავდაცვის მინისტრის 2010 წლის 30 დეკემბრის ბრძანება №62 - ვებგვერდი, 31.01.2011წ.

    მუხლი 2. მიზნები, ფუნქციები და საქმიანობის საგანი

1. ,,ცენტრის” ძირითადი ამოცანები და ფუნქციებია:

ა) ქვეყნის სამხედრო ბაზებში არსებული ვადაგასული, გამოუყენებელი საბრძოლო მასალების, იარაღისა და სამხედრო ტექნიკის:

ა.ა) მიღებისთანავე მეორადი პროდუქციის მიხედვით დახარისხება;

ა.ბ) ღირებულების წინასწარი საექსპერტო შეფასების ორგანიზება;

ა.გ) უტილიზაცია;

ა.დ) რეალიზება.

  ბ) ფეთქებადი ნივთიერებების (მათ შორის უტილიზებული) გადამუშავება სამხედრო და სამრეწველო დანიშნულებისათვის;

 გ) საბრძოლო იარაღის, საბრძოლო მასალების, სამხედრო დანიშნულების ტექნიკისა და აღჭურვილობის შექმნა, აღდგენა, მოდერნიზება, მომსახურება და რემონტი საქართველოს მოქმედი კანონმდებლობის შესაბამისად;

 დ) მრეწველობაში სამხედრო დანიშნულების ნაკეთობების სერიული ათვისების ორგანიზებაში მონაწილეობის მიღება;

 ე) სამხედრო-სამრეწველო დანიშნულების სპეციალური ობიექტების დაპროექტებასა და მშენებლობის ორგანიზებაში მონაწილეობის მიღება;

 ვ) საჯავშნე მასალების შექმნა, ცოცხალი ძალის უსაფრთხოებისა და სპეც.ობიექტების დაცვითი სისტემების სამეცნიერო-ტექნიკური უზრუნველყოფა;

 ზ) სპეციალური სამხედრო-ტექნიკური აღჭურვილობისა და ტექნოლოგიური პროცესების მაკონტროლებელი და მზომი – მეტროლოგიური დანიშნულების ხელსაწყოების შექმნა და წარმოების ორგანიზება;

 თ)    სპეციალური დანიშნულების ოპტიკური და ელექტრონული ხელსაწყოდანადგარების, სისტემებისა და მათი აღჭურვილობის შექმნა-დანერგვა, აღდგენა, მოდერნიზება, მომსახურება და რემონტი;

 ი) სამხედრო ობიექტებისა და შენობა-ნაგებობების დაცვის სპეციალური სისტემების შემუშავება, დანერგვა, მომსახურება და რემონტი;

 კ) სამხედრო-სასწავლო ტრენაჟორების დამუშავება, აღდგენა, მოდერნიზება, მომსახურება და რემონტი;

 ლ) საპოლიგონო გამოცდების მეთოდოლოგიური და აპარატული უზრუნველყოფა;

 მ) ფეთქებადი ნივთიერებების, იარაღის, საბრძოლო მასალების, საბრძოლო ტექნიკის და მათი მაკომპლექტებელი ელემენტების შეძენა-შენახვა, ტრანსპორტირება, რეალიზაცია საქართველოს მოქმედი კანონმდებლობის შესაბამისად;

 ნ) სამხედრო თავდაცვითი დანიშნულების შეკვეთების შესრულების უზრუნველყოფის მიზნით ორგანიზაციების საკვლევი, საცდელ-საკონსტრუქტორო და საწარმოო-ტექნოლოგიური ბაზის შესაძლებლობების შესწავლა და სათანადო წინადადებების მომზადება;

     ნ^​1) ჰუმანიტარული განაღმვითი საქმიანობის განხორციელების უზრუნველყოფა და კოორდინაცია; 

ნ^​2)^​ დებულების პირველი მუხლის 2^​1 პუნქტში მოცემული სამეცნიერო-კვლევითი დაწესებულებების სახელმწიფო კონტროლის განხორციელება;

ო) საქართველოს თავდაცვის სამინისტროს მიერ განსაზღვრული სხვა ამოცანები და ფუნქციები.

 2. ცენტრი თავისი უფლება-მოვალეობებიდან გამომდინარე:

ა) მონაწილეობს შესაბამისი სამინისტროების, გაერთიანებების, საწარმოების, სამეცნიერო-საკონსტრუქტორო და საპროექტო ორგანიზაციების ქვეყნის თავდაცვისუნარიანობასთან დაკავშირებული წინადადებების განხილვაში;

ბ) მონაწილეობს იმ წინადადებათა შემუშავებაში, რომლებიც ეხება ოპტიკის, ელექტრონიკის, სპეციალური ტექნიკისა და პროგრამული უზრუნველყოფის შექმნას, წარმოებასა და ექსპლუატაციას;

გ) ქვეყნის სამხედრო-სამრეწველო საწარმოებსა და ორგანიზაციებში ახალი ტექნიკის შექმნის საკითხებში შეიმუშავებს პრიორიტეტულ მიმართულებებს და შესაბამის სახელმწიფო პროგრამებს სათანადო უწყებებთან ერთად;

დ)     მონაწილეობს იმ წინადადებათა შემუშავებაში, რომლებიც ეხება შეიარაღების, სამხედრო ტექნიკისა და აღჭურვილობის შექმნის, წარმოებისა და ექსპლუატაციის დარგში სხვა ქვეყნებთან სამხედრო-ტექნიკურ თანამშრომლობას;

ე) შეიმუშავებს წინადადებებს გამოუყენებელი, ვადაგასული ან ექსპლუატაციიდან გამოსული შეიარაღების, სამხედრო ტექნიკის და საბრძოლო მასალების მეორადი გამოყენების (რემონტის, აღდგენის), ლიკვიდირების ან უტილიზაციის შესახებ შესაბამის სტრუქტურებთან შეთანხმებულ და დამტკიცებულ ნომენკლატურასა და სახეობაზე;

ვ) ამტკიცებს და გასცემს ტექნიკურ დავალებებს, გეგმებს სამეცნიერო-კვლევითი და საცდელ-საკონსტრუქტორო სამუშაოების შესრულებაზე;

ზ) ატარებს ,,ცენტრში” შექმნილი და დამზადებული შეიარაღების, სამხედრო ტექნიკის საცდელი ნიმუშების (კომპლექსების, სისტემების), სერიული პროდუქციის, აგრეთვე მაკომპლექტებელი ნაკეთობებისა და მასალების გამოცდებს, მონაწილეობს მათ სახელმწიფო გამოცდებში, ამზადებს ტექნიკურ დოკუმენტაციას მათ მისაღებად შეიარაღებაზე და ახორციე-ლებს სერიულ წარმოებაში დანერგვას მოქმედი კანონმდებლობის შესაბამისად;

თ) უზრუნველყოფს შესრულებული სამუშაოების, დამზადებული საცდელი ნიმუშების და სერიული პროდუქციის შესაბამისობას სახელმწიფო სტანდარტების, სახელმწიფო შემკვეთის ტექნიკური დავალებისა და ტექნიკური დოკუმენტაციის მოთხოვნებთან;

ი) მოქმედი კანონმდებლობის ფარგლებში ახორციელებს ტექნიკურ ზედამხედველობას (შეიმუშავებს რეკომენდაციებს) სამხედრო დანიშნულების ფეთქებად ნივთიერებებთან დაკავშირებული სამუშაოების ტექნოლოგიური უსაფრთხოების უზრუნველსაყოფად;  

კ) ტექნიკური დოკუმენტაციის შემუშავებისა და პროდუქციის სერიულ წარმოებაში გადაცემის შემ-თხვევაში, სახავს და კომპეტენტურ ორგანოებთან ათანხმებს სახელმწიფო საიდუმლოების დაცვასთან დაკავშირებულ სათანადო ღონისძიებებს;

ლ) უზრუნველყოფს ,,ცენტრის” მიერ შემუშავებული სამხედრო დანიშნულების პროდუქციის პატენტუნარიანობას;  

მ) მონაწილეობს ქვეყნის ტერიტორიაზე და მის ფარგლებს გარეთ სამხედრო ტექნიკის, ტექნოლოგიებისა და აღჭურვილობის გამოფენების ორგანიზაციასა და გამართვაში;

ნ) ძირითადი ამოცანების განხორციელებისას, დადგენილი წესის შესაბამისად, იყენებს ქვეყნის სამეცნიერო-კვლევითი და საკონსტრუქტორო ორგანიზაციების პოტენციალს;    

ო) მონაწილეობს ქართული სამხედრო და სპეციალური ტერმინოლოგიის შემუშავებაში, სახელმწიფო სტანდარტების ნატო-ს სტანდარტებთან შესაბამისობაში მოყვანაში, ნორმატიული დოკუმენტაციის შემუშავებასა და პრაქტიკაში დანერგვაში;

პ) გამოსცემს პერიოდულ სამხედრო-ტექნიკურ ჟურნალსა და სპეციალურ ლიტერატურას;

ჟ) სახელშეკრულებო საწყისებზე ღებულობს მონაწილეობას სახელმწიფო პროგრამების შესრულებაში;       

რ) ორგანიზებას უწევს და მონაწილეობას იღებს სამეცნიერო ფორუმებში (კონფერენცია, სემინარი, კონგრესი, ყრილობა), მათ შორის ქვეყნის ფარგლებს გარეთ;

ს) ასრულებს საქართველოს თავდაცვის სამინისტროს მიერ განსაზღვრულ დავალებებს.

ტ) თავისი უფლებამოსილების ფარგლებში, „ცენტრი’’ ახორციელებს სპორტულ-გამაჯანსაღებელ საქმიანობას;

უ ) ამ დებულებით გათვალისწინებული ამოცანების განხორციელების და სამხედრო მრეწველობის განვითარების უზრუნველსაყოფად, საქართველოს თავდაცვის სამინისტროსთან შეთანხმებით, საკუთარი ქონების ბაზაზე , ისე , რომ არსებითად არ გადავიდეს სამეწარმეო საქმიანობაზე , აფუძნებს „მეწარმეთა შესახებ“ საქართველოს კანონით გათვალისწინებულ კერძო სამართლის იურიდიულ პირს , იძენს წილს /აქციებს საწარმოში .

3. „ცენტრი“ კანონმდებლობით დადგენილი წესით მიღებული შემოსავლებითა და სახსრებით წარმოებულ პროდუქციას და მომსახურებას საქართველოს თავდაცვის სამინისტროს აწვდის ანაზღაურების გარეშე.

საქართველოს თავდაცვის მინისტრის 200 8 წლის 22 მაისი ს ბრძანება № 273 - სსმ III, № 75 , 23 . 05 .200 8 წ.,მუხ. 816

საქართველოს თავდაცვის მინისტრის 2010 წლის 12 ოქტომბრის ბრძანება №695 - სსმ III, №132, 13.10.2010წ., მუხ.1912

საქართველოს თავდაცვის მინისტრის 2010 წლის 11 ნოემბრის  ბრძანება №762-სსმIII, №150, 16.11. 2010წ., მუხ.2106

საქართველოს თავდაცვის მინისტრის 2010 წლის 30 დეკემბრის ბრძანება №897-სსმIII, №171,30.12. 2010წ., მუხ.2465

საქართველოს თავდაცვის მინისტრის 2010 წლის 30 დეკემბრის ბრძანება №62 - ვებგვერდი, 31.01.2011წ.

საქართველოს თავდაცვის მინისტრის 2011 წლის 16 თებერვლის ბრძანება №105 - ვებგვერდი, 18.02.2011წ.

    მუხლი 3. ,,ცენტრის” მართვა

1. ,,ცენტრის” განვითარების მიმართულებებს, სამუშაო გეგმებს, წლიური ბიუჯეტის პროექტს და/ან მათში შესატან ცვლილებებსა და ანგარიშებს ამტკიცებს ცენტრის დირექტორი თავდაცვის მინისტრთან შეთანხმებით.

2. ,,ცენტრს” უშუალოდ და ერთპიროვნულად მართავს ,,ცენტრის” დირექტორი, რომელიც ინიშნება და თავისუფლდება საქართველოს თავდაცვის მინისტრის ბრძანებით. იგი არის სამოქალაქო პირი, რომელიც თავისი კომპეტენციის ფარგლებში მოქმედებს დამოუკიდებლად.

3. ,,ცენტრის დირექტორი:

ა) ასრულებს ,,ცენტრის“ წარმომადგენლობით ფუნქციას და პერსონალურად აგებს პასუხს ცენტრის საქმიანობის სწორი წარმართვისათვის, ანაწილებს ფუნქციებს სტრუქტურულ ქვედანაყოფებსა და თანამშრომლებს შორის;

ბ) წარმოადგენს ,,ცენტრს” სხვა ფიზიკურ და იურიდიულ პირებთან ურთიერთობაში, მოქმედებს ცენტრის სახელით, კანონმდებლობით დადგენილი წესით განაგებს ცენტრის ქონებასა და ფინანსურ სახსრებს, დებს ხელშეკრულებებს, გასცემს მინდობილობებს, ხსნის ანგარიშებს ბანკში, ასრულებს საქართველოს კანონმდებლობითა და ამ დებულებით დადგენილ ფუნქციებს;

გ) საქართველოს შრომის კოდექსის შესაბამისად, თანამდებობაზე ნიშნავს და ათავისუფლებს „ცენტრის” სტრუქტურული ქვედანაყოფის უფროსებსა და სხვა თანამშრომლებს, ხოლო დირექტორის მოადგილეებს, რომლებიც წარმოადგენენ სამოქალაქო პირებს , – საქართველოს თავდაცვის მინისტრთან შეთანხმებით. „ცენტრის ” დირექტორის მოადგილეებს, რომლებიც წარმოადგენენ სამხედრო მოსამსახურეებს, ნიშნავს და ათავისუფლებს საქართველოს თავდაცვის მინისტრ ი ან მის მიერ უფლებამოსილი პირი;

გ^​1) ახორციელებს „ცენტრის” მოსამსახურეების, მათ შორის სამხედრო მოსამსახურეების:

 გ^​1.ა) ქვეყნის შიგნით მივლინებაში წარგზავნას;

 გ^​1.ბ) შვებულებაში გაშვებას;

 გ^​2) ახორციელებს „ცენტრის” მოსამსახურეების, გარდა სამხედრო მოსამსახურეებისა, ქვეყნის ფარგლებს გარეთ მივლინებაში წარგზავნას;

გ^​3) სამინისტროს უფლებამოსილ თანამდებობის პირს წარუდგენს „ცენტრის” სამხედრო მოსამსახურეებს, ქვეყნის ფარგლებს გარეთ მივლინებაში წარგზავნის მიზნით;

დ) ეკისრება პასუხისმგებლობა ,,ცენტრის” ქონებისა და ფულადი სახსრების მიზნობრივ და სწორ გამოყენებაზე. იგი ანგარიშვალდებულია საქართველოს თავდაცვის მინისტრის წინაშე;

ე) გამოსცემს ინდივიდუალური ხასიათის სამართლებრივ აქტებს, რომლებიც სავალდებულოა შესასრულებლად ყველა თანამშროლისათვის;

ვ) ამტკიცებს ,,ცენტრის” სტრუქტურასა და საშტატო ნუსხას თავდაცვის მინისტრთან შეთანხმებით;

ზ) პასუხს აგებს ,,ცენტრის” ძირითადი ამოცანების შესრულებაზე, საქმიანობაში სახელმწიფო საიდუმლოების სათანადო რეჟიმის უზრუნველყოფაზე;

თ) სპეციალური დავალებების შესასრულებლად ,,ცენტრში” ქმნის დროებით მიზნობრივ ჯგუფებს და იწვევს ამ ჯგუფებში სამუშაოდ სპეციალისტებს დადგენილი წესით;

თ^​1) საქართველოს განათლებისა და მეცნიერების სამინისტროსთან შეთანხმებით, ინდივიდუალურ ი ადმინისტრაციულ -სამართლებ რ ივი აქტით ამტკიცებს სამეცნიერო-კვლევითი დაწესებულებების დებულებებს;

თ^​2) უფლებამოსილია „ცენტრის” ბიუჯეტის ფარგლებში, საქართველოს თავდაცვის სამინისტროსთან შეთანხმებით, „ცენტრის” საწარმოო პროცესში ჩართული თანამშრომლებისათვის, გარდა სამხედრო მოსამსახურეებისა, განსაზღვროს საათობრივი ან ნორმირებული ანაზღაურება;

  ი) ახორციელებს ,,ცენტრის” საქმიანობასთან დაკავშირებულ სხვა უფლებამოსილებას.

4. ,,ცენტრთან” სათათბირო ორგანოს სტატუსით, მოქმედებს სამეცნიერო-ტექნიკური საბჭო, რომლის წევრები არიან ,,ცენტრის” წამყვანი სპეციალისტები.

5. საბჭოს მუშაობაში შეიძლება მონაწილეობა მიიღონ ქვეყნის ძალოვანი სტრუქტურების წარმომადგენლებმა სათანადო უწყებების ხელმძღვანელებთან შეთანხმებით, მოწვეულმა მეცნიერებმა და სპეციალისტებმა.

6. ,,ცენტრის” სამეცნიერო-ტექნიკურ საბჭოს ჰყავს სწავლული მდივანი.

7. ცენტრის” სამეცნიერო-ტექნიკური საბჭოს შემადგენლობას ყოველწლიურად ამტკიცებს მინისტრი.

8. ,,ცენტრის” დირექტორის არყოფნის შემთხვევაში დირექტორის მოვალეობას ასრულებს მისი ერთ-ერთი მოადგილე დირექტორის სამართლებრივი აქტის საფუძველზე.

საქართველოს თავდაცვის მინისტრის 200 8 წლის 10 აპრილი ს ბრძანება № 190 - სსმ III, № 57 , 15 . 04 .200 8 წ., მუხ. 664

საქართველოს თავდაცვის მინისტრის 200 8 წლის 28 ივლისი ს ბრძანება № 431 - სსმ III, № 106 , 28 . 07 .200 8 წ., მუხ. 1185

საქართველოს თავდაცვის მინისტრის 2010 წლის 30 დეკემბრის ბრძანება №62 - ვებგვერდი, 31.01.2011წ.

საქართველოს თავდაცვის მინისტრის 2011 წლის 28 აპრილის ბრძანება №294 - ვებგვერდი, 29.04.2011წ.

    მუხლი 4. ,,ცენტრის” საქმიანობის სახელმწიფო კონტროლი

1. ,,ცენტრის” სახელმწიფო კონტროლი გულისხმობს მისი საქმიანობის კანონიერების, მიზანშეწონილობის, ეფექტიანობისა და საფინანსო-ეკონომიკური საქმიანობის ზედამხედველობას.

2. ,,ცენტრის” სახელმწიფო კონტროლის განმახორციელებელი ორგანო კანონმდებლობით არის საქართველოს თავდაცვის სამინისტრო, რომელიც ზედამხედველობას უწევს ,,ცენტრის” საქმიანობის კანონიერებასა და საფინანსო-ეკონომიკურ საქმიანობას.

 3. თავდაცვის სამინისტრო უფლებამოსილია შეაჩეროს ან გააუქმოს ,,ცენტრის” არამართლზომიერი გადაწყვეტილება.

4. ,,ცენტრის” ყოველწლიურ ანგარიშს იხილავს საქართველოს თავდაცვის სამინისტრო. ანგარიშის შესახებ ინფორმაცია წარედგინება საქართველოს თავდაცვის სამინისტროს სამხედრო-ტექნიკურ საკითხთა მუდმივმოქმედ კომისიას.

 5. ,,ცენტრმა” თავდაცვის სამინისტროს თანხმობით და კანონით გათვალისწინებული წესით შეიძლება განახორციელოს შემდეგი საქმიანობა:

ა) უძრავი ქონების შეძენა, გასხვისება და დატვირთვა;

ბ) სესხის აღება;

გ) თავდებობა;

დ) სხვა გადაწყვეტილების მიღება ,,ცენტრის” ქონებასთან დაკავშირებით, თუ ისინი სცილდება ჩვეულებრივი საქმიანობის ფარგლებს.

6. ამ მუხლის მე-5 პუნქტის ,,ბ” და ,,გ” ქვეპუნქტების განსახორციელებლად აუცილებელია აგრეთვე, საქართველოს ფინანსთა სამინისტროს თანხმობა.

7. ამ მუხლის მე-5 პუნქტის ,,ა)” ქვეპუნქტით გათვალისწინებული ქმედების განხორციელება საჭიროებს ეკონომიკური განვითარების სამინისტროს თანხმობას.

    მუხლი 5. ,,ცენტრის” ქონება და სახსრები

1. ,,ცენტრის” ქონება არის ძირითადი და საბრუნავი საშუალებები, რომლებიც წარმოადგენს სახელმწიფო საკუთრებას და რომლის მართვას ,,ცენტრი” ახორციელებს ფლობის, სარგებლობის და განკარგვის უფლებით, საქართველოს მოქმედი კანონმდებლობის შესაბამისად.

2. ,,ცენტრის” შემოსავლის წყარო შეიძლება იყოს:

ა) სახელმწიფო ბიუჯეტიდან გამოყოფილი მიზნობრივი სახსრები;

ბ) სახელმწიფო შეკვეთის შესრულების შედეგად მიღებული შემოსავალი;

გ) ხელშეკრულებისა და გრანტების საფუძველზე შესრულებული სამუშაოდან მიღებული შემოსავალი;

დ) საინფორმაციო, საკონსულტაციო-კვლევითი და სხვა სახის მომსახურებით მიღებული შემოსავლები;

ე) საქველმოქმედო შემოწირულობები;

ვ) საქართველოს კანონმდებლობით ნებადართული სხვა შემოსავალი.

3. მიღებული შემოსავლები მთლიანად ხმარდება ,,ცენტრის” დებულებით განსაზღვრული მიზნებისა და ფუნქციების შესრულებას. სხვა მიზნით მათი გამოყენება აკრძალულია.

4. ,,ცენტრი” ვალდებულია საქართველოს კანონმდებლობით დადგენილი წესით აწარმოოს საფინანსო-ეკონომიკური საქმიანობის აღრიცხვა-ანგარიშგება, შეადგინოს ბალანსი და დასამტკიცებლად წარუდგინოს თავდაცვის სამინისტროს.

5. ,,ცენტრის” წლიურ ბალანსს ამოწმებს სახელმწიფო კონტროლის განმახორციელებელი ორგანოს მიერ დანიშნული დამოუკიდებელი აუდიტორი.

    მუხლი 6. საქმიანობის შეწყვეტა, ლიკვიდაცია

1. ,,ცენტრის” რეორგანიზაცია ან ლიკვიდაცია ხდება კანონმდებლობით დადგენილი წესით.

2. ,,ცენტრის” ლიკვიდაციის შედეგად დარჩენილი ქონება გადადის სახელმწიფოს საკუთრებაში.

    მუხლი 7. ,,ცენტრის” დებულებაში ცვლილებებისა და დამატებების შეტანის წესი

,,ცენტრის” დებულებაში ცვლილებებისა და დამატებების შეტანა ხორციელდება საქართველოს თავდაცვის მინისტრის ბრძანებით.

 

Annotate