“ელექტროენერგიის შეღავათებით მოსარგებლე მოსახლეობის (მ.შ ომის მონაწილეები და მათთან გათანაბრებული პირები) მიერ მოხმარებული ელექტოენერგიის საფასურის კომპენსაციის ოდენობების განსაზღვრისა და გაცემის წესის და უმწეო მდგომარეობაში მყოფი ოჯახების სოციალური დახმარების 2006 წლის პროგრამის და უმწეო მდგომარეობაში მყოფი ოჯახების სოციალური დახმარების გაცემის წესისა და პრონციპების დამტკიცების თაობაზე"

სახელმწიფო სარეგისტრაციო კოდი 280.090.020.22.035.008.151

საქართველოს შრომის, ჯანმრთელობისა და სოციალური დაცვის

მინისტრის ბრძანება №44/ნ

2006 წლის 9 თებერვალი

ქ. თბილისი

ელექტროენერგიის შეღავათებით მოსარგებლე მოსახლეობის (მ.შ. ომის მონაწილეები და მათთან გათანაბრებული პირები) მიერ მოხმარებული ელექტროენერგიის საფასურის კომპენსაციის ოდენობების განსაზღვრისა და გაცემის წესის და უმწეო მდგომარეობაში მყოფი ოჯახების სოციალური დახმარების 2006 წლის პროგრამის და უმწეო მდგომარეობაში მყოფი ოჯახების სოციალური დახმარების გაცემის წესისა და პრინციპების დამტკიცების თაობაზე

„საქართველოს 2006 წლის სახელმწიფო ბიუჯეტის შესახებ” საქართველოს კანონის 50-ე მუხლის მე-4 პუნქტის შესაბამისად, ვბრძანებ:

1. ძალადაკარგულია.

საქართველოს მთავრობის  2007 წლის 11 იანვრის დადგენილება №4-სსმIII, №5, 12.01.2007წ.; მუხ.35

2. უმწეო მდგომარეობაში მყოფი ოჯახების სოციალური დახმარების მიზნით, დამტკიცდეს უმწეო მდგომარეობაში მყოფი ოჯახების სოციალური დახმარების 2006 წლის პროგრამა (დანართი №2) და უმწეო მდგომარეობაში მყოფი ოჯახების სოციალური დახმარების გაცემის წესი და პრინციპები (დანართი №3) და თანდართული ფორმები.

2^​1. ძალადაკარგულად გამოცხადდეს ბრძანების მე-2 პუნქტით დამტკიცებული „უმწეო მდგომარეობაში მყოფი ოჯახების სოციალური დახმარების გაცემის წესითა და პრინციპებით“ (დანართი №3) გათვალისწინებული №5, №6 ფორმები და დამტკიცდეს №1ა №2ა, №3ა, №4ა, №5ა, №6ა №7ა ფორმები.

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

3. ბრძანებით გათვალისწინებული ღონისძიებების დაფინანსება განხორციელდეს საქართველოს შრომის, ჯანმრთელობისა და სოციალური დაცვის სამინისტროსათვის „საქართველოს 2006 წლის სახელმწიფო ბიუჯეტის შესახებ” საქართველოს კანონით აღნიშნული ღონისძიებებისათვის გამოყოფილი ასიგნებების ფარგლებში.

4. საქართველოს სოციალური დაზღვევის ერთიანმა სახელმწიფო ფონდმა (ზ. სოფრომაძე) განახორციელოს შესაბამისი ღონისძიებების გატარება ამ ბრძანების პირველი პუნქტით განსაზღვრული ვალდებულებების შესასრულებლად.

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

4^​1. სსიპ – საქართველოს სოციალური დახმარებისა და დასაქმების სახელმწიფო სააგენტომ     (ლ. ფერაძე) განახორციელოს შესაბამისი ღონისძიებების გატარება ამ ბრძანების მეორე პუნქტით განსაზღვრული ვალდებულებების შესასრულებლად.

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

5. ბრძანება ძალაშია 2006 წლის 1 იანვრიდან.

მინისტრის მოვალეობის

შემსრულებელი  ვ. მეგრელიშვილი

 

შეტანილი ცვლილებები:

1. საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

2. საქართველოს შრომის, ჯანმრთელობისა და სოციალური დაცვის მინისტრის 2006 წლის 22 აგვისტოს ბრძანება №223/ნ-სსმIII, №112, 24.08.2006წ.; მუხ.1543

3. საქართველოს მთავრობის  2007 წლის 11 იანვრის დადგენილება №4-სსმIII, №5, 12.01.2007წ.; მუხ.35

 

 

დანართი №1 (ძალადაკარგულია)

საქართველოს მთავრობის  2007 წლის 11 იანვრის დადგენილება №4-სსმIII, №5, 12.01.2007წ.; მუხ.35

 

დანართი №2

საქართველოს შრომის, ჯანმრთელობისა და სოციალური დაცვის სამინისტრო

პ რ ო გ რ ა მ ა

უმწეო მდგომარეობაში მყოფი ოჯახების სოციალური დახმარება 2006 წლისათვის

    მუხლი 1. აქტუალობა

საქართველოში შექმნილი მძიმე სოციალურ-ეკონომიკური მდგომარეობის ფონზე, მოსახლეობის დიდ ნაწილს უკიდურეს სიღატაკეში უხდება ცხოვრება. ამდენად, უმწეო მდგომარეობაში მყოფი ოჯახების სოციალური დახმარების პროგრამა (შემდგომში – პროგრამა), წარმოადგენს ქვეყანაში სოციალური მდგომარეობის შემსუბუქებისაკენ მიმართულ ღონისძიებას.

    მუხლი 2. მიზანი

პროგრამის მიზანია: 2006 წელს ქვეყნაში მძიმე სოციალური მდგომარეობის გაუმჯობესების ხელშეწყობა.

    მუხლი 3. ამოცანა

პროგრამის ამოცანაა: 2006 წელს სოციალურ რისკ-ჯგუფებს მიკუთვნებული ოჯახებისათვის ფულადი სოციალური დახმარების დანიშვნა-გაგრძელება.

    მუხლი 4. ღონისძიებები

1. საქართველოს შრომის, ჯანმრთელობისა და სოციალური დაცვის სამინისტროს მიერ დადგენილი წესის მიხედვით სოციალური დახმარების მიმღებთა საქმეების შედგენა და ყველა საჭირო საბუთის გაფორმება, სოციალური დახმარების დანიშვნა და გაცემა.

2. პროგრამის შესრულებას უზრუნველყოფენ ადგილობრივი მმართველობის ორგანოების სოციალური დახმარების განყოფილებები (შემდგომში – სოციალური დახმარების განყოფილებები), აგრეთვე აფხაზეთის ავტონომიური რესპუბლიკის შრომის, ჯანმრთელობისა და სოციალური დაცვის სამინისტრო, რომლებიც საქართველოს შრომის, ჯანმრთელობისა და სოციალური დაცვის სამინისტროს მიერ დამტკიცებული „2006 წლის უმწეო მდგომარეობაში მყოფი ოჯახების სოციალური დახმარების გაცემის წესის და პრინციპების“ შესაბამისად ადგენენ დახმარების მიმღებთა საქმეებსა და აფორმებენ ყველა საჭირო საბუთებს თანხის მიზნობრივად გაცემისათვის.

    მუხლი 5. პროგრამის დაფინანსება

1. პროგრამის დაფინანსება ხორციელდება „საქართველოს 2006 წლის სახელმწიფო ბიუჯეტის შესახებ“ საქართველოს კანონის შესაბამისად, სადაც დაფინანსების წყაროდ მითითებულია სახელმწიფო ბიუჯეტი და ქ. თბილისის ადგილობრივი ბიუჯეტი.

2. 2006 წლის 1 ივნისამდე საქართველოს სახელმწიფო ბიუჯეტიდან პროგრამის დაფინანსება, გარდა თბილისისა, განისაზღვრება 8 935.0 ათასი ლარით, მათ შორის:

 

 

3. 2006 წლის 1 ივნისიდან პროგრამის დაფინანსება ხორციელდება „საქართველოს 2006 წლის სახელმწიფო ბიუჯეტის შესახებ“ საქართველოს კანონის 50-ე მუხლის შესაბამისად, სადაც დაფინანსების წყაროდ მითითებულია სახელმწიფო ბიუჯეტი და ქ. თბილისის ადგილობრივი ბიუჯეტი.

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

 

    მუხლი 6. მონაწილე დაწესებულებები და სამიზნე ჯგუფი

1. პროგრამის რეალიზაციაზე, როგორც სამთავრობო დაწესებულება, პასუხისმგებელია საქართველოს შრომის, ჯანმრთელობისა და სოციალური დაცვის სამინისტრო.

2. სახელმწიფო ბიუჯეტიდან პროგრამის დაფინანსების წყაროდ 2006 წლის 1 ივნისამდე გამოყენებულია საჯარო სამართლის იურიდიული პირი – სოციალური დაზღვევის ერთიანი სახელმწიფო ფონდის ასიგნებები, ხოლო 2006 წლის 1 ივნისიდან საჯარო სამართლის იურიდიული პირი – სოციალური დახმარებისა და დასაქმების სახელმწიფო სააგენტოს ასიგნებები.

3. „საქართველოს 2006 წლის სახელმწიფო ბიუჯეტის შესახებ” საქართველოს კანონით განსაზღვრულია სოციალურ დახმარებაზე უფლების მქონე უმწეო მდგომარეობაში მყოფი ოჯახების (მათ შორის დევნილთა ოჯახების) შემდეგი კატეგორიები (სამიზნე ჯგუფი) და მათზე ყოველთვიურად გასაცემი თანხის ოდენობა:

ა) მარტოხელა, არამომუშავე პენსიონერთა ერთსულიანი ოჯახები – 22 ლარი, ხოლო არამომუშავე პენსიონერთა ორ- და მეტსულიანი ოჯახები – 35 ლარი;

ბ) დედ-მამით ობოლი ბავშვები – მეურვის შრომისუნარიანობის მიუხედავად, ერთ პირზე – 22 ლარი;

გ) შეზღუდული შესაძლებლობის მქონე, არამომუშავე, პირველი ჯგუფის უსინათლოები, ერთ პირზე – 22 ლარი;

დ) 18 წლამდე ასაკის, შეზღუდული შესაძლებლობის მქონე ბავშვები, ერთ პირზე – 22 ლარი;

ე) მრავალშვილიანი ოჯახები, რომელთაც ჰყავთ 7 და მეტი, 18 წლამდე ასაკის ბავშვი – 35 ლარი.

4. „ყაზბეგის რაიონის სოციალურ-ეკონომიკური განვითარების დროებით ღონისძიებათა შესახებ” საქართველოს პრეზიდენტის 2001 წლის 18 ოქტომბრის №1086 განკარგულების თანახმად, ყაზბეგის რაიონის ერთი ათას და შატილის უმწეო მდგომარეობაში მყოფ ოჯახებს უგრძელდებათ სოციალური დახმარების გაცემა ოჯახზე – 22 ლარის ოდენობით.

პროგრამა ეხება „საქართველოს 2006 წლის სახელმწიფო ბიუჯეტის შესახებ” საქართველოს კანონით განსაზღვრულ კატეგორიებს, გარდა ისეთი შემთხვევებისა, როდესაც პენსიონერს ან მისი ოჯახის ერთ-ერთ წევრს დანიშნული აქვს პენსია, რომელიც აღემატება 45 ლარს.

სოციალური დახმარება ინდივიდუალურად ენიშნება ბენეფიციართა შემდეგ კატეგორიებს: ა) დედ-მამით ობოლ ბავშვებს; ბ) შეზღუდული შესაძლებლობის მქონე, არამომუშავე, პირველი ჯგუფის უსინათლოებს; გ) 18 წლამდე ასაკის, შეზღუდული შესაძლებლობის მქონე ბავშვებს.

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

    მუხლი 7. განხორციელების ვადა

„უმწეო მდგომარეობაში მყოფი ოჯახების სოციალური დახმარების“ პროგრამის განხორციელების ვადა განისაზღვროს 2006 წლის 1 იანვრიდან სოციალური დახმარების პროგრამის ამოქმედებამდე, მაგრამ არა უგვიანეს 2006 წლის 31 დეკემბრისა.

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

    მუხლი 8. შეფასების კრიტერიუმები

კონკრეტული კანონდარღვევის შესახებ არსებულ ინფორმაციაზე დაყრდნობით, სოციალური დახმარების დანიშვნა-გაცემის დადგენილი წესის მოთხოვნების შესრულების შემოწმება.

    მუხლი 9. შედეგი

უმწეო მდგომარეობაში მყოფი ოჯახების სოციალური მდგომარეობის გაუმჯობესება.

დანართი №3

უმწეო მდგომარეობაში მყოფი ოჯახების სოციალური დახმარების გაცემის წესი და პრინციპები

    მუხლი 1. ზოგადი დებულებანი

1. უმწეო მდგომარეობაში მყოფი ოჯახების (მათ შორის, დევნილთა ოჯახების) სოციალური დახმარების (შემდგომში – სოციალური დახმარება) პროგრამით გათვალისწინებული ხარჯების დაფინანსება ხორციელდება „საქართველოს 2006 წლის სახელმწიფო ბიუჯეტის შესახებ“ საქართველოს კანონის 50-ე მუხლის შესაბამისად.

2. ქ. თბილისში უმწეო მდგომარეობაში მყოფ ოჯახთა სოციალური დამხარების პროგრამის დაფინანსება განხორციელდება „საქართველოს 2006 წლის სახელმწიფო ბიუჯეტის შესახებ“ საქართველოს კანონის 50-ე მუხლისა და წინამდებარე წესით განსაზღვრული მოთხოვნების შესაბამისად.

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

    მუხლი 2. სოციალურ დახმარებაზე უფლების მქონე კონტინგენტი და ყოველთვიური დახმარების ოდენობა

1. „საქართველოს 2006 წლის სახელმწიფო ბიუჯეტის შესახებ” საქართველოს კანონის 50-ე მუხლის მე-7 პუნქტით განისაზღვრა 2006 წლის განმავლობაში უმწეო მდგომარეობაში მყოფი ოჯახები (მათ შორის დევნილთა ოჯახები) და მათზე ყოველთვიურად გასაცემი თანხის ოდენობა:

ა) მარტოხელა არამომუშავე პენსიონერთა ერთსულიანი ოჯახებისთვის – 22 ლარით, ხოლო არამომუშავე პენსიონერთა ორ და მეტსულიანი ოჯახებისთვის – 35 ლარით;

ბ) დედ-მამით ობოლი ბავშვებისათვის, მეურვის შრომისუნარიანობის მიუხედავად, ერთ პირზე 22 ლარით;

გ) შეზღუდული შესაძლებლობის მქონე, არამომუშავე, პირველი ჯგუფის ინვალიდ უსინათლოთათვის, ერთ პირზე – 22 ლარით;

დ) 18 წლამდე ასაკის შეზღუდული შესაძლებლობის მქონე ბავშვთათვის, ერთ პირზე – 22 ლარით;

ე) მრავალშვილიანი ოჯახებისთვის, რომელთაც ჰყავთ 7 და მეტი, 18 წლამდე ასაკის ბავშვი – 35 ლარით.

2. „ყაზბეგის რაიონის სოციალურ-ეკონომიკური განვითარების დროებით ღონისძიებათა შესახებ” საქართველოს პრეზიდენტის 2001 წლის 18 ოქტომბრის №1086 განკარგულების თანახმად ყაზბეგის რაიონის ერთი ათას და შატილის უმწეო მდგომარეობაში მყოფ ოჯახებს უგრძელდებათ სოციალური დახმარების გაცემა ოჯახზე – 22 ლარის ოდენობით.

3. სოციალური დახმარების მიმღებ ოჯახებში დახმარების ოდენობის განსაზღვრისას ოჯახის წევრთა რაოდენობაში არ გაითვალისწინება:

ა) პატიმრობაში მყოფი პირი;

ბ) იძულებით მკურნალობაზე გაგზავნილი პირი;

გ) ვადიან სამხედრო სამსახურში მყოფი პირი;

დ) ბავშვი, რომელიც იმყოფება სრულ სახელმწიფო კმაყოფაზე.

4. სოციალური დახმარება ინდივიდუალურად ენიშნება ბენეფიციართა შემდეგ კატეგორიებს:

ა) დედ-მამით ობოლ ბავშვებს;

ბ) შეზღუდული შესაძლებლობის მქონე, არამომუშავე, პირველი ჯგუფის უსინათლოებს;

გ) 18 წლამდე ასაკის, შეზღუდული შესაძლებლობის მქონე ბავშვებს.

5. მარტოხელას სტატუსით შეიძლება ისარგებლოს პენსიონერმა (ასაკით ან ინვალიდობით), რომელსაც გააჩნია საცხოვრებელი ფართი და არ ჰყავს საქართველოს სამოქალაქო კოდექსის 1212, 1218, 1223, 1224, 1225, 1226, 1227, 1228, 1229 მუხლებით განსაზღვრული მარჩენალი. ასევე, იმ სუბიექტმა, რომელიც სხვადასხვა მიზეზების გამო დარჩა უბინაოდ, არ გააჩნია საკუთარი საცხოვრებელი ფართი, არის შეკედლებული დამოუკიდებელ ოჯახთან, მაგრამ მათთან ერთად არ ეწევა საერთო ოჯახურ მეურნეობას და საქართველოს სამოქალაქო კოდექსის შესაბამისად არ დგინდება მარჩენალის ფაქტი შემკედლებელ ოჯახთან.

6. სოციალური დახმარების მიმღებ ოჯახში წევრთა რაოდენობის ან კატეგორიის ცვლილების შემთხვევაში, უნდა შეიცვალოს სოციალური დახმარების თანხა შესაბამისი გადაანგარიშების საფუძველზე.

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

    მუხლი 3. სოციალური დახმარების დანიშვნის შემზღუდველი პირობები

1. სოციალური დახმარება არ ინიშნება, თუ:

ა) პენსიონერს ან მისი ოჯახის ერთ-ერთ წევრს დანიშნული აქვს 45 ლარზე მეტი ოდენობის პენსია;

ბ) ოჯახს დანიშნული აქვს მიზნობრივი სოციალური დახმარება.

2. ამ მუხლის პირველი პუნქტის „ა“ ქვეპუნქტით გათვალისწინებული სოციალური დახმარების დანიშვნის შემზღუდველი პირობა არ ვრცელდება ამ წესის მე-2 მუხლის მე-4 პუნქტით განსაზღვრულ ბენეფიციართა კატეგორიებზე.

საქართველოს შრომის, ჯანმრთელობისა და სოციალური დაცვის მინისტრის 2006 წლის 22 აგვისტოს ბრძანება №223/ნ-სსმIII, №112, 24.08.2006წ.; მუხ.1543

    მუხლი 4. სოციალური დახმარების სახელმწიფო პროგრამის რეალიზაციაზე პასუხისმგებელი სუბიექტები

1. პროგრამის რეალიზაციაზე, როგორც სამთავრობო დაწესებულება, პასუხისმგებელია საქართველოს შრომის, ჯანმრთელობისა და სოციალური დაცვის სამინისტრო.

2. სახელმწიფო ბიუჯეტიდან პროგრამის დაფინანსების წყაროდ 2006 წლის 1 ივნისამდე გამოყენებულია საჯარო სამართლის იურიდიული პირი – სოციალური დაზღვევის ერთიანი სახელმწიფო ფონდის ასიგნებები, ხოლო 2006 წლის 1 ივნისიდან საჯარო სამართლის იურიდიული პირი – სოციალური დახმარებისა და დასაქმების სახელმწიფო სააგენტოს ასიგნებები (შემდგომში – სააგენტო).

3. ტერიტორიული ერთეულების მიხედვით უმწეო მდგომარეობაში მყოფი ოჯახებისათვის სოციალური დახმარების ადმინისტრირებაზე (დანიშვნა, შეწყვეტა, შეჩერება, აღდგენა, გადაანგარიშება) პასუხისმგებელ სუბიექტებს წარმოადგენენ ადგილობრივი მმართველობის ორგანოების სოციალური დახმარების განყოფილებები (შემდგომში – სოციალური დახმარების განყოფილება), ხოლო აფხაზეთიდან დევნილი ოჯახებისათვის – აფხაზეთის ავტონომიური რესპუბლიკის შრომის, ჯანმრთელობისა და სოციალური დაცვის სამინისტრო.

4. სოციალური დახმარების დანიშვნა ხორციელდება „საქართველოს 2006 წლის სახელმწიფო ბიუჯეტის შესახებ” საქართველოს კანონის 50-ე მუხლის მე-7 პუნქტის და წინამდებარე წესისა და პრინციპების შესაბამისად.

5. ამოღებულია.

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

    მუხლი 5. სოციალური დახმარების დანიშვნისათვის საჭირო დოკუმენტაცია და დახმარების დანიშვნის წესი

1. სოციალური დახმარების დანიშვნისათვის პრეტენდენტმა განცხადებით უნდა მიმართოს სოციალური დახმარების განყოფილებას რეგისტრაციის ადგილის მიხედვით, ხოლო აფხაზეთიდან დევნილებმა – აფხაზეთის ავტონომიური რესპუბლიკის შრომის, ჯანმრთელობისა და სოციალური დაცვის სამინისტროს.

2. პრეტენდენტმა უნდა წარადგინოს:

ა) პირადობის (ბინადრობის) მოწმობის ან საქართველოს მოქალაქის პასპორტის ასლი;  

ბ) დევნილის მოწმობის ასლი ( თუ პირი დევნილია);

გ) ცნობა საპენსიო განყოფილებიდან საპენსიო საქმის ნომრის და კოდის მითითებით;

დ) მშობლების გარდაცვალების მოწმობის ასლი (საჭიროების მიხედვით);

ე) მეურვის (მზრუნველის) დანიშვნის დოკუმენტის ასლი (საჭიროების მიხედვით);

ვ) ცნობა სასამართლოდან მშობლის პატიმრობის შესახებ;

ზ) ცნობა ადგილობრივი მმართველობის ორგანოს სამხედრო განყოფილებიდან მშობლის სამხედრო სავალდებულო სამსახურში ყოფნის შესახებ;

თ) ცნობა იძულებითი ხასიათის სამკურნალო დაწესებულებიდან მშობლის მკურნალობის შესახებ;

ი) პირის შეზღუდული შესაძლებლობის სტატუსის დამადასტურებელი სამედიცინო ცნობის ასლი.

 3. განცხადების რეგისტრაციიდან ორი კვირის ვადაში სოციალური დახმარების განყოფილება შეისწავლის პრეტენდენტის უფლებრივ საკითხს სოციალურ დახმარებაზე, რის შემდეგაც მოამზადებს დასკვნას (ფორმა №4) პრეტენდენტის სოციალური მდგომარეობის შესახებ გადაწყვეტილების მისაღებად. სოციალური მუშაკის დასკვნის საფუძველზე განყოფილების გამგე ნიშნავს სოციალურ დახმარებას. სოციალური დახმარება ინიშნება მასზე უფლების წარმოშობის დადასტურების მომდევნო თვიდან კალენდარული წლის პროგრამის ფარგლებში.ი.

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

    მუხლი 6. სოციალური დახმარების ადმინისტრირებაზე პასუხისმგებელი სუბიექტის უფლება-მოვალეობანი

1. სოციალური დახმარების ადმინისტრირებაზე პასუხისმგებელმა სუბიექტმა უნდა უზრუნველყოს:

ა) სოციალური დახმარების პრეტენდენტთა განცხადებების რეგისტრაციაში გატარება ზონარგაყრილ ჟურნალში ქრონოლოგიის ზუსტი დაცვით;

ბ) სოციალური დახმარების მიმღები პრეტენდენტის მიერ წარმოდგენილ პირადობის დამადასტურებელ საბუთში რეგისტრაციის ადგილის გადამოწმება საქართველოს იუსტიციის სამინისტროს სამოქალაქო რეესტრის დეპარტამენტიდან მოწოდებულ ინფორმაციაზე დაყრდნობით;

გ) სოციალური დახმარების მიმღები პრეტენდენტის მიერ წარმოდგენილი პირადობის დამადასტურებელი საბუთის, საპენსიო წიგნაკის, პიროვნების შეზღუდული შესაძლებლობების დამადასტურებელი სამედიცინო საბუთის, დაბადებისა და გარდაცვალების მოწმობების ასლების შედარება დედანთან, რაც მოწმდება დოკუმენტის მიმღები მუშაკის ხელმოწერით;

დ) სოციალური დახმარების მიმღებ ოჯახებში მომხდარი ცვლილებების სისტემატური შემოწმება, რის საფუძველზეც სოციალური დახმარების მიმღებთა საქმეებში შეაქვთ შესაბამისი შესწორებები – დახმარების დანიშვნის შეჩერება, შეწყვეტა, აღდგენა, გადაანგარიშება;

ე) სოციალური დახმარების დანიშვნის შესახებ დროული გადაწყვეტილების მიღება;

ვ) სოციალური დახმარების მიმღების პირადი საქმის (ფორმა №1) საფუძველზე, მისი პირადი ბარათის (ფორმა №2) შედგენა, სადაც აისახება სოციალური დახმარების მდგომარეობა;

ზ) სოციალური დახმარების მიმღებთა სიისა და რეესტრის (ფორმა №3) შედგენა ორ ეგზემპლარად მათი საცხოვრებელი ადგილის საბანკო-საფოსტო განყოფილებების მიხედვით.

თ) სოციალური დახმრების მიმღები ოჯახის მიერ საცხოვრებელი ადგილის შეცვლის შემთხვევაში, სოციალური დახმარების გაგრძელება ახალი რეგისტრაციის ადგილის მიხედვით;

თ.ა) სოცილური დახმარების მიმღებს ხელზე ეძლევა მოთხოვნა წინა საცხოვრებელი ადგილის მიხედვით სოციალური დახმარების განყოფილებიდან პირადი საქმისა და სოციალური დახმარების გაცემის შეწყვეტის (თვის მითითებით) შესახებ ცნობის გამოთხოვისათვის;

თ. ბ.) სოციალური დახმარების მიღების წინა რეგისტრაციის ადგილის მიხედვით სოციალური დახმარების განყოფილება მოთხოვნის საფუძველზე ხელზე აძლევს განმცხადებელს შესაბამის დოკუმენტაციას, აღრიცხვის ჟურნალში მისი ხელმოწერის დაფიქსირების შემდეგ;

ი) ყოველი თვის 15 რიცხვამდე სააგენტოში წარადგინოს საჭირო ინფორმაცია და დოკუმენტები, ამ წესის 6^​1 მუხლით გათვალისწინებული ფორმების შესაბამისად;

კ) მორიგ კალენდარულ წელს სოციალური დახმარების პროგრამის გაგრძელების შემთხვევაში, სოციალური დახმარების გაგრძელების თაობაზე გადაწყვეტილების მიღება სოციალური დახმარების მიმღების სოციალური მდგომარეობის მოკვლევის შესახებ დასკვნის საფუძველზე (ამასთან, აფხაზეთის ავტონომიური რესპუბლიკის სოციალური დაცვის სამინისტრო აფხაზეთიდან დევნილი შესაბამისი კონტინგენტის მიმართ დასკვნას აგზავნის ადგილობრივ სოციალური დახმარების განყოფილებაში);

ლ) იმ შემთხვევაში, თუ მოქალაქემ მიმართა სოციალური დახმარების განყოფილებას მარტოხელობის მოტივით სოციალური დახმარების დანიშვნის თაობაზე, სოცმუშაკის მიერ (პირადი პასუხისმგებლობის ქვეშ) უნდა მოხდეს ადგილზე მოკვლევა რეალური სიტუაციის. სამი ან მეტი მეზობლის და სოცმუშაკის ხელმოწერით დადასტურებული დასკვნა კი წარედგინოს სოციალური დახმარების განყოფილების უფროსს დამტკიცებისთვის;

მ) სოციალური დახმარების განყოფილების თანამშრომლები თავის მხრივ ვალდებულნი არიან პერიოდულად გადაამოწმონ მარტოხელა პენსიონერთა ოჯახებში არსებული მდგომარეობა და ცვლილებების შემთხვევაში შეიტანონ სათანადო დირექტივები ბენეფიციარის პირად საქმეში. მაგ., იმ შემთხვევაში, თუ მარტოხელა პენსიონერს გამოუჩნდა შრომისუნარიანი მარჩენალი მზრუნველის სახით, მას სოციალური დახმარება უნდა შეუწყდეს მზრუნველის დანიშვნის მომდევნო თვიდან;

ნ) სოციალური დახმარების მიმღებთა „პერსონიფიცირებული აღრიცხვის რეესტრის“ (ფორმა №1ა) შევსება და სააგენტოში წარდგენა.

2. ამ მუხლის პირველი პუნქტის „ზ“ ქვეპუნქტით გათვალისწინებული ვალდებულება ვრცელდება მხოლოდ ქ. თბილისის ადგილობრივ ორგანოებზე, რომლებიც სოციალური დახმარების დაფინანსებას ახორციელებენ ადგილობრივი ბიუჯეტით გათვალისწინებული ასიგნებებით.

3. ქ. თბილისის ადგილობრივი ორგანოები, რომლებიც ახორციელებენ სოციალური დახმარების გაცემას ადგილობრივი ბიუჯეტიდან, ვალდებულნი არიან არ გასცენ სოციალური დახმარება ამ მუხლის პირველი პუნქტის „ნ“ ქვეპუნქტითა და 6^​1 მუხლის მე-2, მე-5 და მე-6 პუნქტებით გათვალისწინებული რეესტრების (ფორმების) სააგენტოში წარმოდგენამდე.

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

    მუხლი 6^​1. ანგარიშგება

1. სოციალური დახმარების გაცემის უზრუნველსაყოფად სოციალური დახმარების განყოფილება ვალდებულია, დადგენილი პერიოდულობით, მიაწოდოს სააგენტოს სოციალური დახმარების „სოციალური დახმარების დანიშვნის რეესტრი“ (ფორმა №2ა), „სოციალური დახმარების შეჩერების რეესტრი“ (ფორმა №3ა), „სოციალური დახმარების აღდგენის რეესტრი“ (ფორმა №4ა), „გადაანგარიშებული ოდენობით სოციალური დახმარების გაცემის რეესტრი“ (ფორმა №5ა) ან/და „სოციალური დახმარების შეწყვეტის რეესტრი“ (ფორმა №6ა).

2. სოციალური დახმარების დანიშვნის შესახებ გადაწყვეტილების მიღების შემდეგ სოციალური დახმარების განყოფილება ავსებს „სოციალური დახმარების დანიშვნის რეესტრს“ (ფორმა №2ა). რეესტრში შეტანილ უნდა იქნეს შემდეგი მონაცემები:

ა) სოციალური დახმარების დანიშვნაზე პასუხისმგებელი ორგანოს სრული დასახელება;

ბ) სოციალური დახმარების მიმღები იმ ოჯახის წევრის პირადი მონაცემები, რომელზეც ირიცხება დახმარება, კერძოდ:

ბ.ა. გვარი და სახელი;

ბ.ბ. დაბადების თარიღი (რიცხვი, თვე და წელი);

ბ.გ. პირადობის (ბინადრობის) მოწმობის ან საქართველოს მოქალაქის პასპორტის ნომერი;

ბ.დ. პირადი ნომერი.

გ) მონაცემები სოციალური დახმარების მიმღები იმ ოჯახის წევრის მუდმივი საცხოვრებელი ადგილის შესახებ, რომელზეც ირიცხება დახმარება, კერძოდ:

გ.ა. საფოსტო ინდექსი;

გ.ბ. რაიონი (ქალაქი);

გ.გ. სოფელი;

გ.დ. მისამართი (ეს გრაფა არ ივსება, თუ პირი ცხოვრობს სოფელში და არ გააჩნია მისამართი).

დ) ოჯახის წევრთა რაოდენობა;

ე) სოციალური დახმარების დანიშვნის თარიღი (რიცხვი, თვე და წელი);

ვ) სოციალური დახმრების სახე – კატეგორია. ამ გრაფაში უნდა მიეთითოს თითოეული კატეგორიისათვის გათვალისწინებული შესაბამისი კოდი, კერძოდ:

 

 

ზ) დანიშნული სოციალური დახმარების ყოველთვიური ოდენობა;

თ) სოციალური დახმარების გაცემის თვე, ანუ რომელი საანგარიშო თვიდან უნდა მოხდეს სოციალური დახმარების გაცემა.

3. სოციალური დახმარების შეჩერების შესახებ გადაწყვეტილების მიღების შემთხვევაში სოციალური დახმარების განყოფილება ავსებს „სოციალური დახმარების შეჩერების რეესტრს“ (ფორმა №3ა). რეესტრში შეტანილ უნდა იქნეს შემდეგი მონაცემები:

ა) სოციალური დახმარების მიმღები იმ ოჯახის წევრის გვარი, სახელი და პირადი ნომერი, რომელზეც ირიცხებოდა დახმარება;

ბ) სოციალური დახმარების შეჩერების თვე, ანუ რომელი საანგარიშო თვიდან არ უნდა გაიცეს დახმარება.

4. სოციალური დახმარების აღდგენის შესახებ გადაწყვეტილების მიღების შემთხვევაში სოციალური დახმარების განყოფილება ავსებს „სოციალური დახმარების აღდგენის რეესტრს“ (ფორმა №4ა). რეესტრში შეტანილ უნდა იქნეს შემდეგი მონაცემები:

ა) სოციალური დახმარების მიმღები იმ ოჯახის წევრის გვარი, სახელი და პირადი ნომერი, რომელზეც გაგრძელდება დახმარების დარიცხვა;

ბ) სოციალური დახმარების აღდგენის თვე, ანუ რომელი თვიდან აღუდგა სოციალური დახმარება;

გ) აღდგენილი სოციალური დახმარების გაცემის თვე, ანუ რომელი საანგარიშო თვიდან უნდა გაგრძელდეს აღდგენილი სოციალური დახმარების გაცემა.

5. სოციალური დახმარების გადაანგარიშების შესახებ გადაწყვეტილების მიღების შემთვევაში სოციალური დახმარების განყოფილება ყოველ კონკრეტულ შემთხვევაზე – ინდივიდუალურად თითოეული დახმარების მიმღებზე ავსებს „გადაანგარიშებული ოდენობით სოციალური დახმარების გაცემის რეესტრს“ (ფორმა №5ა). რეესტრი შედგება ორი ნაწილისაგან. პირველ ნაწილში მოცემული უნდა იყოს გადაანგარიშებამდე სოციალური დახმარების მიმღები პირის გვარი, სახელი და პირადი ნომერი; ხოლო მეორე ნაწილში შეტანილ უნდა იქნეს შემდეგი მონაცემები:

ა) სოციალური დახმარების მიმღები იმ ოჯახის წევრის პირადი მონაცემები, რომელზეც ირიცხება დახმარება, კერძოდ:

ა.ა. გვარი და სახელი;

ა.ბ. დაბადების თარიღი (რიცხვი, თვე და წელი);

ა.გ. პირადობის მოწმობის ან საქართველოს მოქალაქის პასპორტის ნომერი;

ა.დ. პირადი ნომერი.

ბ) სოციალური დახმარების მიმღები ოჯახის წევრთა რაოდენობა სოციალური დახმარების გადაანგარიშების შემდეგ;

გ) გადაანგარიშების შემდეგ სოციალური დახმრების სახე – კატეგორია. ამ გრაფაში უნდა მიეთითოს ამ მუხლის მე-2 პუნქტის „ვ“ ქვეპუნქტით თითოეული კატეგორიისათვის გათვალისწინებული შესაბამისი კოდი;

დ) გადაანგარიშებული სოციალური დახმარების ყოველთვიური ოდენობა;

ე) გადაანგარიშებული სოციალური დახმარების გაცემის თვე.

6. სოციალური დახმარების შეწყვეტის შესახებ გადაწყვეტილების მიღების შემთხვევაში სოციალური დახმარების განყოფილება ავსებს „სოციალური დახმარების შეწყვეტის რეესტრს“ (ფორმა №6ა). რეესტრში შეტანილ უნდა იქნეს შემდეგი მონაცემები:

ა) სოციალური დახმარების მიმღები იმ ოჯახის წევრის გვარი, სახელი და პირადი ნომერი, რომელზეც ხორციელდებოდა დახმარების დარიცხვა;

ბ) სოციალური დახმარების შეწყვეტის თვე, ანუ რომელი საანგარიშო თვიდან არ უნდა დაერიცხოს დახმარება.

7. ამ მუხლის მე-2, მე-3 მე-4, და მე-6 პუნქტებით გათვალისწინებულ რეესტრებში შეტანილი უმწეო მდგომარეობაში მყოფი ოჯახის სოციალური დახმარების მიმღები წევრის მონაცემები დანომრილ უნდა იქნეს უწყვეტი ნუმერაციით. ამ მუხლით გათვალისწინებულ ყველა ფორმაზე მითითებულ უნდა იყოს რეესტრის შევსების თარიღი და სოციალური დახმარების განყოფილების უფროსის ხელმოწერა და ბეჭედი. თუ რომელიმე რეესტრი რამდენიმე გვერდისაგან შედგება, მის თითოეულ გვერდზე მითითებულ უნდა იყოს ამ პუნქტით გათვალისწინებული რეკვიზიტები.

8. სოციალური დახმარების განყოფილება აგრეთვე ვალდებულია მიაწოდოს სააგენტოს სოციალური დახმარების მიმღებ იმ პირთა რეესტრი (ფორმა №7ა), რომლებზედაც სოციალური დახმარების გაცემა მოხდება ბინაზე მიტანით. რეესტრში შეტანილ უნდა იქნეს სოციალური დახმარების მიმღები პირის გვარი, სახელი, პირადი ნომერი და საცხოვრებელი ადგილის მისამართი. რეესტრზე აგრეთვე მითითებულ უნდა იყოს ამ მუხლის მე-7 პუნქტით გათვალისწინებული რეკვიზიტები.

9. ქ. თბილისის სოციალური დახმარების ორგანოებზე არ ვრცელდება ამ მუხლის მე-3, მე-4 და მე-8 პუნქტებით გათვალისწინებული ფორმების სააგენტოში წარდგენის ვალდებულება.

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

    მუხლი 7. სოციალური დახმარების გაცემა

1. ადგილობრივი ბიუჯეტით დაფინანსებული სოციალური დახმარება შესაძლებელია გაიცეს დახმარების მიმღების სურვილის გათვალისწინებით – სოციალური დახმარების პროგრამის მომსახურე ბანკში ანაბარზე ან საფოსტო განყოფილების მიერ, რაზედაც სოციალური დახმარების მიმღებმა პირმა წერილობით უნდა აცნობოს შესაბამის სოციალური დახმარების განყოფილებას, ხოლო სახელმწიფო ბიუჯეტით დაფინანსებული სოციალური დახმარების გაცემა ხორციელდება საბანკო დაწესებულების მეშვეობით „სახელმწიფო შესყიდვების შესახებ“ საქართველოს კანონის შესაბამისად სააგენტოსა და მომსახურე კომერციულ საბანკო დაწესებულებასთან გაფორმებული ხელშეკრულების პირობებით.

2. სახელმწიფო ბიუჯეტით დაფინანსებული სოციალური დახმარების გაცემა, დახმარების მიმღების თხოვნის გათვალისწინებით, შეიძლება განხორციელდეს ბინაზე მიტანით.

3. დახმარების მიმღები პირის გარდაცვალების შემთხვევაში გარდაცვალებამდე მიუღებელი თანხა გაიცემა საქართველოს მოქმედი კანონმდებლობის შესაბამისად.

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

    მუხლი 8. სოციალური დახმარების შეჩერება

1. სოციალური დახმარების დამნიშვნელი სუბიექტი სისტემატურად ამოწმებს დახმარების მიმღებ ოჯახებში მომხდარ ცვლილებებს და აჩერებს დანიშნულ სოციალურ დახმარებას, თუ სოციალური დახმარების მიღების უფლებრივი საკითხი იმ დროისათვის წარმოშობილ გარემოებათა გამო საჭიროებს დამატებით შესწავლა-შემოწმებას.

2. სოციალური დახმარების შეჩერების გარემოებები შეიძლება იყოს:

ა) თუ არასრულწლოვანი ბავშვებიდან ერთ-ერთი გახდა 18 წლის, გარდა მე-2 მუხლის 1-ლი პუნქტის „ე” ქვეპუნქტში მითითებული კონტინგენტისა;

ბ) თუ სოციალური დახმარების მიმღებ ოჯახის წევრთა შემადგენლობაში მომხდარი ცვლილებები აღარ მიაკუთვნებს მას მე-2 მუხლის 1-ლი პუნქტის „ა” და „ე” ქვეპუნქტებით განსაზღვრულ კონტინგენტებს;

გ) თუ სოციალური დახმარების მიმღებ ოჯახის წევრთა შემადგენლობაში მომხდარი ცვლილებები განაპირობებს სოციალური დახმარების დანიშვნის მე-3 მუხლით გათვალისწინებულ შეზღუდვებს.

    მუხლი 9. სოციალური დახმარების შეწყვეტა-აღდგენა

1. სოციალური დახმარების დამნიშვნელი სუბიექტი სოციალური დახმარების შეჩერების შესახებ გადაწყვეტილების მიღების შემდეგ, შეისწავლის და მოიკვლევს დამატებით ინფორმაციას, რის საფუძველზეც იღებს გადაწყვეტილებას:

ა) სოციალური დახმარების შეწყვეტის შესახებ, თუ საკითხის შესწავლისა და დამატებითი ინფორმაციის მოკვლევის შედეგად სოციალური დახმარების დამნიშვნელი სუბიექტის მიერ დადასტურდება სოციალური დახმარების შეჩერების საფუძვლიანობა;

ბ) სოციალური დახმარების აღდგენის შესახებ, თუ შეჩერებული სოციალური დახმარების აღსადგენად წარმოდგენილი იქნება სათანადო დოკუმენტაცია (საავადმყოფო დაწესებულების მიერ გაცემული ცნობა, დროებით საცხოვრებლად სხვაგან გადასვლა, ჯანმრთელობის ან სხვა სოციალური მდგომარეობის გამო).

2. გაყალბებული საბუთების აღმოჩენის შემთხვევაში სოციალური დახმარების გაცემა წყდება დაუყოვნებლივ და საქმე გადაეცემა შესაბამის ორგანოებს.

3. სოციალური დახმარება წყდება, თუ სოციალური დახმარების მიმღები საკუთარი სურვილით გახდება მიზობრივი სოციალური დახმარების მიმღები. სააგენტო უზრუნველყოფს მიზნობრივი სოციალური დახმარების მიმღებ პირთა სიის მიწოდებას სოციალური დახმარების განყოფილებებისათვის.

საქართველოს შრომის, ჯანმრთელობისა და სოციალური დაცვის მინისტრის 2006 წლის 22 აგვისტოს ბრძანება №223/ნ-სსმIII, №112, 24.08.2006წ.; მუხ.1543

    მუხლი 10. სოციალური დახმარების მიმღები პირის ვალდებულება

სოციალური დახმარების მიმღები პირი ვალდებულია ოჯახის წევრთა შემადგენლობაში მომხდარი ცვლილებების შესახებ დროულად აცნობოს სოციალური დახმარების დამნიშვნელ სუბიექტს.

    მუხლი 11. ამოღებულია

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

    მუხლი 12. სოციალური დახმარების დაფინანსებაზე უარის თქმის საფუძველი

1. წინამდებარე წესის 6^​1 მუხლით გათვალისწინებული ანგარიშგების ფორმების (რეესტრების) სააგენტოში დროულად წარმოუდგენლობა ან წარმოდგენილ დოკუმენტებში (რეესტრების) დაშვებული შეცდომა არის სოციალური დახმარების დაფინანსებაზე უარის თქმის საფუძველი საჭირო ანგარიშგების ფორმების სააგენტოში სრულფასოვან წარმოდგენამდე.

2. სოციალური დახმარების დაფინანსებაზე უარის თქმის საფუძველს აგრეთვე წარმოადგენს სოციალური დახმარების მიმღები პირის საქართველოს მოქალაქის პირადობის (ბინადრობის) მოწმობის ან საქართველოს მოქალაქის პასპორტის არქონა, მიუხედავად იმისა, დანიშნული აქვს თუ არა პირს სოციალური დახმარება.

3. ამ მუხლის პირველი და მე-2 პუნქტით გათვალისწინებულ შემთხვევებში სოციალური დახმარების დაუფინანსებლობის მიზეზ(ებ)ის აღმოფხვრის შემდეგ, დაუფინანსებელი თვეების სოციალური დახმარება ანაზღაურდება სრულად.

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

    მუხლი 13. სოციალური დახმარებისა და დასაქმების სახელმწიფო სააგენტოს უფლებამოსილება

1. სოციალური დახმარებისა და დასაქმების სახელმწიფო სააგენტო უზრუნველყოფს:

ა) სოციალური დახმარების მიმღებთა სიების ელექტრონულ დამუშავებასა და პერსონიფიცირებული მონაცემთა ბაზის ფორმირებას;

ბ) სოციალური დახმარების პროგრამის დაფინანსებისათვის სათანადო საბუღალტრო დოკუმენტაციის მომზადებას (გარდა ადგილობრივი ბიუჯეტით დაფინანსებული დახმარებისა);

გ) სოციალური დახმარების პროგრამის დაფინანსებას საქართველოს სახელმწიფო ბიუჯეტიდან მიღებული პროგრამული თანხებიდან, სოციალური დახმარების განყოფილების მიერ მოწოდებული მონაცემების (რეესტრების) საფუძველზე;

დ) სოციალური დახმარების არგაცემას, სოციალური დახმარების განყოფილების მიერ მონაცემების (რეესტრები) დროულად წარმოუდგენლობის ან წარმოდგენილ მონაცემებში (რეესტრ(ებ)ი) შეცდომების არსებობის შემთვევაში;

ე) ითანამშრომლოს სოციალური დახმარების განყოფილებებთან სოციალური დახმარების მიმღებ პირთა ბაზის სრულყოფილი ფორმირები მიზნით.

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

    მუხლი 14. დასკვნითი დებულებები

1. სოციალური დახმარების განყოფილებები ვალდებულია სააგენტოს მიაწოდოს შევსებული უმწეო მდგომარეობაში მყოფი ოჯახების სოციალური დახმარების მიმღებთა „პერსონიფიცირებული აღრიცხვის რეესტრი“ (ფორმა 1ა). „პერსონიფიცირებულ აღრიცხვის რეესტრში“ შეტანილ უნდა იქნეს შემდეგი მონაცემები:

ა) სოციალური დახმარების განყოფილებების სრული დასახელება, რომელიც ახორციელებს დახმარების დანიშვნას, გაცემას, შეჩერებას, შეწყვეტასა და აღრიცხვა-ანგარიშგებას;

ბ) რეესტრის შევსების თარიღი (რიცხვი, თვე და წელი). რეესტრის თითოეულ გვერდზე შევსების თარიღად უნდა მიეთითოს ის რიცხვი, როდესაც მოხდა რეესტრის თითოეული გვერდის ბოლომდე შევსება;

გ) სოციალური დახმარების მიმღები იმ ოჯახის წევრის პირადი მონაცემები, რომელზეც ირიცხება დახმარება, კერძოდ:

გ.ა. გვარი და სახელი;

გ.ბ. დაბადების თარიღი (რიცხვი, თვე და წელი);

გ.გ. პირადობის (ბინადრობის) მოწმობის ან საქართველოს მოქალაქის პასპორტის ნომერი;

გ.დ. პირადი ნომერი.

დ) მონაცემები სოციალური დახმარების მიმღები იმ ოჯახის წევრის მუდმივი საცხოვრებელი ადგილის შესახებ, რომელზეც ირიცხება დახმარება, კერძოდ:

დ.ა. საფოსტო ინდექსი;

დ.ბ. რაიონი (ქალაქი);

დ.გ. სოფელი;

დ.დ. მისამართი (ეს გრაფა არ ივსება, თუ პირი ცხოვრობს სოფელში და არ გააჩნია მისამართი).

ე) ოჯახის წევრთა რაოდენობა;

ვ) სოციალური (საოჯახო) დახმარების დანიშვნის თარიღი (რიცხვი, თვე და წელი);

ზ) სოციალური დახმარების სახე – კატეგორია. ამ გრაფაში უნდა მიეთითოს 6^​1 მუხლის მე-2 პუნქტის „ვ“ ქვეპუნქტით თითოეული კატეგორიისათვის გათვალისწინებული შესაბამისი კოდი;

თ) დანიშნული სოციალური დახმარების ყოველთვიური ოდენობა;

ი) მიმდინარე თვეში დახმარების დარიცხვის მდგომარეობა. ამ გრაფაში მონიშნულ უნდა იქნეს უჯრა, რომელიც შეესაბამება დახმარების დარიცხვის მდგომარეობას (ერიცხება ან შეჩერებულია).

2. ამ მუხლის პირველი პუნქტით გათვალისწინებულ რეესტრში შეტანილი უმწეო მდგომარეობაში მყოფი ოჯახის სოციალური დახმარების მიმღები წევრის მონაცემები დანომრილ უნდა იქნეს უწყვეტი ნუმერაციით. რეესტრის თითოეულ გვერდზე მოცემულ უნდა იქნეს პასუხისმგებელი პირის სახელი, გვარი, ხელმოწერა და დამოწმებულ უნდა იქნეს სოციალური (საოჯახო) დახმარების ადმინისტრირების ორგანოს ბეჭდით.

3. ამ წესის 6^​1 და მე-12 მუხლის პირველი პუნქტით გათვალისწინებული ფორმების დამზადება უზრუნველყოს სააგენტომ ადმინისტრაციული ხარჯებიდან.

4. ამ პროგრამის ფარგლებში, 2006 წლის 1 იანვრიდან 2006 წლის 1 ივნისამდე წარმოშობილი ვალდებულებების უზრუნველყოფა, გარდა ადგილობრივი ბიუჯეტით დასაფინანსებელი ვალდებულებებისა, განახორციელოს სააგენტომ „საქართველოს 2006 წლის სახელმწიფო ბიუჯეტის შესახებ“ საქართველოს კანონით პროგრამისათვის გამოყოფილი ასიგნებების ფარგლებში, მოქმედი კანონმდებლობის შესაბამისად.

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

 

ფორმა №1

 

------ - - - - - - - - (რაიონის, ქალაქის)

სოციალური დახმარების განყოფილების გ ა მ გ ი ს

---     - - - - - - - - - - - - - -

     (თარიღი, ნომერი)

 

დაენიშნოს მოქ.  .  - - - - - - - - - - - - - - - - - - - - - - - - - - - - - -

- - - - - - - - - - - - - - - - - - - - - - - - - - - - - - - - - - - - - - -

           (დახმარების სახე, სულთა რაოდენობა)

 

200  წ. „- - - -“ - - - - - - - - - დან   200  წ. „- - - - “ - - - - - - - მდე

 

- - - - - - -  (თანხა)  განყოფილების გამგის ხელმოწერა - - - - - - - -------- - - -   

                                                                                                              ბ.ა.

                       

                   გ ა ნ კ ა რ გ უ ლ ე ბ ა 

 დახმარების შეწყვეტის ან გადაანგარიშების შესახებ

1.  სოციალური დახმარება შეუწყდეს (გადაუანგარიშდეს)

200  წ. „-------“ ------------------- დან   200  წ. „------“ --------------------- მდე

-----------------------------------------------------------------------------------------------------

                                 (სულთა რაოდენობა, თანხის ოდენობა)

 

განყოფილების გამგის ხელმოწერა -------------------------

                                                                                             ბ.ა.   

 

                             გ ა ნ კ ა რ გ უ ლ ე ბ ა 

დახმარების შეწყვეტის ან გადაანგარიშების შესახებ

1.  სოციალური დახმარება შეუწყდეს (გადაუანგარიშდეს)

200  წ. „-------“ ------------------- დან   200  წ. „------“ --------------------- მდე

-----------------------------------------------------------------------------------------------------

                              (სულთა რაოდენობა, თანხის ოდენობა)

 

განყოფილების გამგის ხელმოწერა -------------------------

                                                                                             ბ.ა.   

                        

                        გ ა ნ კ ა რ გ უ ლ ე ბ ა 

დახმარების შეწყვეტის ან გადაანგარიშების შესახებ

1.  სოციალური დახმარება შეუწყდეს (გადაუანგარიშდეს)

200  წ. „-------“ ------------------- დან   200  წ. „------“ --------------------- მდე

-----------------------------------------------------------------------------------------------------

                                 (სულთა რაოდენობა, თანხის ოდენობა)

 

განყოფილების გამგის ხელმოწერა -------------------------

                                                                                             ბ.ა.   

I განყოფილება

 

-   - - - - - - - - - (რაიონის, ქალაქის)

სოციალური დახმარების განყოფილების

გ ა მ გ ე ს - - - - - - - - - - - - - -

 

მოქ. - - - - - - - - - - - - - - - - - - - - - - - - - -

           (გვარი, სახელი, მამის სახელი)

 

მცხ. - - - - - - - -- - - - - - - - - - - - - -

               (სრული მისამართი)

 

გ ა ნ ც ხ ა დ ე ბ ა

 

გთხოვთ დამინიშნოთ - - - - - - - - - - - - - - -

                                       (დახმარების სახე)

 

               - - - - - - - - - - - - - - -  - - - - - - -

               (ოჯახის წევრთა რაოდენობა)

 

„- - - “ - - - - - - - -“ 200  წ.

დახმარების მთხოვნელის ხელმოწერა - - - - - - - - - - -

 

სოციალური დახმარების წესის შესაბამისად ვალდებული ვარ ოჯახის შემადგენლობაში მომხდარ ცვლილებებზე, მუშაობის დაწყებაზე შევატყობინო სოციალური დახმარების განყოფილებას, წინააღმდეგ შემთხვევაში ვკისრულობ სრულ მატერიალურ პასუხისმგებლობას

 

რაზეც ხელს ვაწერ  - - - - - - - - - - - - - - - -

 

სოცდახმარების განყოფილებაში განცხადება

რეგისტრირებულია  №- - - - - - - - -

 

„- - - “ - - - - - - - - 200  წ.

 

საბუთები შედარებულია დედანთან

საბუთების მიმღები პირის ხელმოწერა - - - - - - - - - - - - - -

 

 

 

სოციალური დახმარების მიმღების

 

პირადი საქმე № - - - -

 

----------------------------------------------------------------------------------

(გვარი, სახელი, მამის სახელი)

 

------------------------------------------------------------------------------

(მისამართი)

 

საპენსიო საქმის №- - - - -

 

II განყოფილება                                                            ივსება უფასოდ

 

შტამპის                              მოქ. - - - - - - - - - - - - - - - - - - - - - - - - - -

ადგილი                                       (გვარი, სახელი, მამის სახელი)

 

                                      მცხ. - - - - - - - -- - - - - - - - - - - -

                                                     (სრული მისამართი)

 

განმცხადებლის ოჯახის წევრთა რაოდენობა

 

 

სოფლის საკრებულოს გამგებელი

 

–––––––––––––––––––––––––  200   წ.

 

                   პირადი ანგარიშის №                                     ფ.№2-დ

–––––––––––––––––––––––––––––

სოცდახმარების ორგანოს დასახელება

 

I განაყოფი: ზოგადი ცნობები მიმღებზე

 ––––––––––––––––––––––––––––––

თანხის გამცემი ორგანოს ინდექსი

 

გადახდის თარიღი  ––––––––––––––––––

 

II განაყოფი: ოჯახის წევრების

–––––––––––––––––––––––––––––––––

     (განმცხადებლის ჩათვლით)

 

სოციალური დახმარების მიმღების ––––––––––––––––––––––––––––––––

                                                                    (გვარი, სახელი, მამის სახელი)

 

მისამართი ––––––––––––––––––––––––––––––––––––––––––

 

პ/ანგარიშის გახსნის სისწორე შევამოწმე განყ. გამგე:  –––––––––––

                  

                                ბ.ა.

 

ბუღ. ––––––––––––––––– მთავარი სპეციალისტი ––––––––––––

 

 

III განაყოფი: დახმარების დანიშვნა, ცვლილება, გაგრძელება

 

 

 

 

 

 

 

 

 

 

IV განაყოფი: გაცემული თანხების აღრიცხვა

 

     გაგრძელება

         

ფორმა №3

რეესტრი №----------

                      თარიღი  ------------------

კავშირგაბმულობის საწარმოდან დახმარების გაცემის (შეწყვეტის) დავალებების შესახებ

----------------------------------------------------------------------------------------------------------------

(სოციალური დახმარების ორგანოს დასახელება)  (კავშირგაბმულობის საწარმოს დასახელება)

                                                                                                       

 

 

თანხა სულ  (ციფრებით) -------------------------------------------------------------------------------

                                                                              თანხა სიტყვიერად

დახმარების განყოფილების გამგე ------------------------------------------------------- (ხელმოწერა)

განყ. მთავარი  ბუღალტერი -------------------------------------------------------------- (ხელმოწერა)

მთავარი სპეციალისტი  ----------------------------------- (ხელმოწერა) კალენდარული შტემპელი

კავშირგაბმულობის კვანძის მუშაკი ----------------------------------------------------- (ხელმოწერა)

 

ფორმა №4

დასკვნა №

პრეტენდენტების სოციალური მდგომარეობის შემოწმების შესახებ

1. გვარი ---------------------------- სახელი------------------ მამის სახელი -----------------------------

 

2. მისამართი  -----------------------------------------------------------------------------------------------

                              ქალაქი, რაიონი, სოფელი (დაბა) ქუჩა, კვარტალი, კორპუსი, ბინა, ტელეფონი

 

3. დაბადების წელი ------------------- თვე------------------ რიცხვი

 

4. პენსიის სახე----------------------------- ოდენობა ------------------------

 

5. ოჯახის შემადგენლობა (ყოველი წევრის მითითებით)

 

    

6. ოჯახის სოციალურ-საყოფაცხოვრებო პირობები

 

7. ძირითადი შემოსავალი

8. დამატებითი შემოსავლის წყარო

  (მიწის ნაკვეთი, კერძო მეურნეობა, კერძო ბიზნესი, ავტომანქანა  და ა. შ.)

 

დახმარების მიღების პრეტენდენტის 

ხელმოწერა (გარკვევით)

 

სოცმუშაკის დასკვნა:

სოცმუშაკის ხელმოწერა (გარკვევით)

ფორმა №5  (ძალადაკარგულია)

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028                                                                            

ფორმა №6  (ძალადაკარგულია)

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

 

ფორმა 1ა

 

უმწეო მდგომარეობაში მყოფი ოჯახების სოციალური (საოჯახო) დახმარების სახელმწიფო პროგრამა

პერსონიფიცირებული აღრიცხვის რეესტრი

 

სოციალური დახმარების დანიშვნაზე პასუხისმგებელი ორგანო

––––––––––––––––––––––––––––––––––––––––––––––––––––––––––––––––––––––

 

 

სოციალური დახმარების

განყოფილების უფროსი  _{––––––––––––––––––––––––––––––                                         ––––– ––––––––––––––} 2006წ.

^​                                                                                               ხელმოწერა                   (ბ.ა.)

 

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

ფორმა №2ა

 

 

 

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

 

 

ფორმა №3ა

 

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

 

 

 

ფორმა №4ა

უმწეო მდგომარეობაში მყოფი ოჯახების სოციალური (საოჯახო) დახმარების სახელმწიფო პროგრამა

სოციალური დახმარების გაცემის აღდგენის რეესტრი

 

სოციალური დახმარების დანიშვნაზე პასუხისმგებელი ორგანო

––––––––––––––––––––––––––––––––––––––––––––––––––––

 

 

 

სოციალური დახმარების

განყოფილების უფროსის _{––––––––––––––––––––––––                       ––––– ––––––––––––––} 2006წ.

^​                                                                                       ხელმოწერა                            ბ. ა.

 

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

ფორმა №5ა

 

უმწეო მდგომარეობაში მყოფი ოჯახების სოციალური დახმარების სახელმწიფო პროგრამა

გადაანგარიშებული ოდენობით სოციალური დახმარების გაცემის რეესტრი

 

  სოციალური დახმარების დანიშვნაზე პასუხისმგებელი ორგანო

 _{–––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––}

 

 

   პასუხისმგებელი პირი _{––––––––––––––––––––––––––––––––––––}

                                               ხელმოწერა                  ბ.ა.

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

 

^​ 

^​ 

^​ 

^​ 

 

 

 

 

 

 

 

 

 

 

 

ფორმა №6ა

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

 

ფორმა №7ა

უმწეო მდგომარეობაში მყოფი ოჯახების სოციალური (საოჯახო) დახმარების სახელმწიფო პროგრამა

სოციალური დახმარების ბინაზე გაცემის რეესტრი

 

 

 

სოციალური დახმარების

განყოფილების უფროსის _{––––––––––––––––––––––––                    ––––– ––––––––––––––} 2006წ.

                                                 ხელმოწერა                  ა.ბ.

საქართველოს შრომის, ჯანმრთელობისა და სოციალური დაცვის მინისტრის 2006 წლის 9 ივნისის ბრძანება №158/ნ-სსმIII, №78, 12.06.2006წ.; მუხ.1028

 

Annotate