სათამაშო ბიზნესის მოსაკრებლის გადახდის ნიშნების შეძენის, რეგისტრაციისა და დამაგრების, დაზიანებული ნიშნების შეცვლის, აგრეთვე უმოქმედო დაბეგვრის ობიექტების დალუქვის წესების დამტკიცების შესახებ

სახელმწიფო სარეგისტრაციო კოდი 210.070.000.22.033.009.866

საქართველოს ფინანსთა

მინისტრის ბრძანება №50

2007 წლის 29 იანვარი

ქ. თბილისი

სათამაშო ბიზნესის მოსაკრებლის გადახდის ნიშნების შეძენის, რეგისტრაციისა და დამაგრების, დაზიანებული ნიშნების შეცვლის, აგრეთვე უმოქმედო დაბეგვრის ობიექტების დალუქვის წესების დამტკიცების შესახებ

„სათამაშო ბიზნესის მოსაკრებლის შესახებ“ საქართველოს კანონის მე-6 მუხლის მე-11 პუნქტის საფუძველზე და საქართველოს მთავრობის 2004 წლის 21 ივნისის №39 დადგენილებით დამტკიცებული საქართველოს ფინანსთა სამინისტროს დებულების მე-4 მუხლის მე-3 პუნქტის „ლ“ ქვეპუნქტის შესაბამისად, ვბრძანებ:

1. დამტკიცდეს „სათამაშო ბიზნესის მოსაკრებლის გადახდის ნიშნების შეძენის, რეგისტრაციისა და დამაგრების, დაზიანებული ნიშნების შეცვლის, აგრეთვე უმოქმედო დაბეგვრის ობიექტების დალუქვის წესები“ თანდართულ დანართებთან ერთად (დანართი №1 და №2).

2. ძალადაკარგულად გამოცხადდეს საქართველოს ფინანსთა მინისტრის 2004 წლის 31 დეკემბრის №896 ბრძანება „სათამაშო ბიზნესის გადასახადის გადახდის ნიშნების შეძენის, რეგისტრაციის, დამაგრებისა და დაზიანებული ნიშნების შეცვლისა და უმოქმედო დაბეგვრის ობიექტების დალუქვის წესების დამტკიცების შესახებ“ (სსმ III, 2004წ., №156, მუხ. 1457).

3. ბრძანება ამოქმედდეს გამოქვეყნებისთანავე.

ა. ალექსიშვილი

 

შეტანილი ცვლილებები:

1. საქართველოს ფინანსთა მინისტრის 2007 წლის 11 მაისის ბრძანება №476-სსმIII, №66, 14.05.2007წ.; მუხ.740

2. საქართველოს ფინანსთა მინისტრის 2010 წლის 17 მაისის ბრძანება №398-სსმIII, №55, 18.05.2010წ.; მუხ.851

 

სათამაშო ბიზნესის მოსაკრებლის გადახდის ნიშნების შეძენის, რეგისტრაციისა და დამაგრების, დაზიანებული ნიშნების შეცვლის, აგრეთვე უმოქმედო დაბეგვრის ობიექტების დალუქვის წესები

წესები შემუშავებულია „სათამაშო ბიზნესის მოსაკრებლის შესახებ“ საქართველოს კანონის მე-6 მუხლის მე-11 პუნქტის საფუძველზე და განსაზღვრავს სამორინეს მაგიდების, სათამაშო აპარატებისა და ტოტალიზატორის, ბინგოსა და ლოტოს სალაროებისათვის სათამაშო ბიზნესის მოსაკრებლის გადახდის დამადასტურებელი ნიშნების შეძენის, რეგისტრაციისა და დამაგრების, დაზიანებული ნიშნების შეცვლის, აგრეთვე უმოქმედო დაბეგვრის ობიექტების დალუქვის წესს.

    მუხლი 1. ტერმინთა განმარტებები

1. სათამაშო ბიზნესის მოსაკრებლის გადახდის დამადასტურებელი ნიშანი – მოსაკრებლის გადახდის ნიშანში იგულისხმება თამაშების მოწყობის დროს სათამაშო მაგიდებსა და სათამაშო აპარატებზე, ტოტალიზატორის, ბინგოს, ლოტოს სალაროებზე მისამაგრებელი ნიშანი, რომელიც ადასტურებს მოსაკრებლის გადახდას და თამაშების მომწყობის უფლებას თამაშების მოწყობის ადგილებზე სათამაშო მაგიდებისა და აპარატების დადგმასა და ტოტალიზატორის, ბინგოს, ლოტოს სალაროების მოწყობაზე.

2. სამორინეს მაგიდა – სამორინეში განთავსებული სპეციალურად მოწყობილი მაგიდა, რომელზეც სამორინეს წარმომადგენელსა და მოთამაშეს (მოთამაშეებს) შორის, აგრეთვე მოთამაშეებს შორის მიმდინარეობს ერთი კონკრეტული თამაშობა სათამაშო ბორბლის (რულეტის), ბანქოს, კამათლებისა და სხვა საშუალებებით ფულადი მოგების გათამაშებისათვის.

3. ლოტო – ჯგუფური თამაშობა, რომელის მონაწილე ირჩევს რიცხვით ან სიმბოლოების კომბინაციებს და მოგება დამოკიდებულია რიცხვითი ან სიმბოლოების კომბინაციების მთლიან ან ნაწილობრივ დამთხვევაზე და მოგება განისაზღვრება საპრიზო ფონდის ოდენობიდან. ლოტო ტარდება სპეციალურად მოწყობილ შენობაში და მასში მონაწილეთა მაქსიმალური რაოდენობა განისაზღვრება შენობაში არსებული სათამაშო ადგილების რაოდენობით.

4. ტოტალიზატორი – თამაშობა, რომელიც იმართება მოთამაშეების მიერ შეჯიბრების მიმდინარეობისა ან/და თამაშობის შედეგის პროგნოზზე ფსონების დადებით, ხოლო მოგება დამოკიდებულია ფსონის მოცულობაზე.

5. ბინგო – ჯგუფური თამაშობა, რომელშიც რიცხვითი ბარათების ან ელექტროტაბლოს მეშვეობით ფიქსირდება მოგება სპეციალური მოწყობილობიდან ამოსული რიცხვითი კომბინაციების დამთხვევით და მოგება განისაზღვრება საპრიზო ფონდის ოდენობიდან. ბინგო ტარდება სპეციალურად მოწყობილ შენობაში და მასში მონაწილეთა მაქსიმალური რაოდენობა განისაზღვრება შენობაში არსებული სათამაშო ადგილების რაოდენობით.

6. სათამაშო აპარატი – მექანიკური ან ელექტრონული მექანიზმები, რომლებიც მოქმედებაში მოჰყავთ მონეტებით, ჟეტონებით ან სხვა საშუალებით და მოგება განისაზღვრება ციფრების, სიმბოლოების ან მათი კომბინაციის მთლიანი ან ნაწილობრივი დამთხვევით.

7. სალარო – სპეციალურად მოწყობილი ადგილი, სადაც მოლარის ან/და სპეციალური აპარატის ან სხვა საშუალებით ხორციელდება ფსონის მიღება ან/და მოგების გაცემა.

    მუხლი 2. სათამაშო ბიზნესის მოსაკრებლის გადახდის ნიშნების გაცემის წესი

1. სათამაშო ბიზნესის მოსაკრებლის გადახდის ნიშნების შესაძენად სათამაშო ბიზნესის მომწყობი პირი საქართველოს ფინანსთა სამინისტროს მმართველობის სფეროში შემავალი საჯარო სამართლის იურიდიული პირის – შემოსავლების სამსახურის (შემდგომში – შემოსავლების სამსახური) ტერიტორიულ ორგანოში (შემდგომში – ტერიტორიული ორგანო) წარადგენს განაცხადს მოსაკრებლის გადახდის ნიშნების მოთხოვნაზე, სადაც მითითებული უნდა იყოს მოქმედი და სარეზერვო (გამოუყენებელი) სათამაშო მაგიდებისა და აპარატების, აგრეთვე ტოტალიზატორის, ბინგოს, ლოტოს სალაროების რაოდენობა. განაცხადს თან უნდა ერთოდეს სათამაშო ბიზნესის ორგანიზებაზე დადგენილი წესით აღებული ლიცენზიის ან ნებართვის ასლი და სათამაშო ბიზნესის მოსაკრებლის გადახდის დამადასტურებელი დოკუმენტი.

2. სათამაშო ბიზნესის მოსაკრებლის გადამხდელის მიერ გადახდის დამადასტურებელი ნიშნების მიღება ხდება ტერტორიულ ორგანოებში დაბეგვრის ობიექტის ფაქტობრივი განთავსების ტერიტორიაზე ადგილობრივი თვითმმართველობის ორგანოების მიერ მიღებული მოსაკრებლის განაკვეთების მიხედვით.

3. სათამაშო ბიზნესის მოსაკრებლის გადახდის ნიშნების მიღება თამაშების მომწყობ პირთა მიერ უნდა მოხდეს ყოველი საანგარიშო პერიოდის (კვარტალის) დაწყებამდე, წინა კვარტალის განმავლობაში. თუ თამაშის მომწყობი (ორგანიზატორი) პირი საქმიანობას იწყებს საანგარიშო პერიოდის (კვარტალის) განმავლობაში ან კვარტალის განმავლობაში გადამხდელს ემატება დაბეგვრის ახალი ობიექტი, მაშინ მოსაკრებლის გადახდის ნიშნები გაიცემა მიმდინარე საანგარიშო კვარტალზე, ამასთან, მოსაკრებელი საანგარიშო პერიოდზე გადახდილ უნდა იქნეს სრულად. სათამაშო ბიზნესის მოსაკრებლის გადახდის ახალი ნიშნების დამტკიცებამდე, გამოყენებულ იქნეს ძველი ნიშნები. იმ პირობით, რომ აღნიშნული ნიშნების სანაცვლოდ გადახდილი იქნება შესაბამისი მოსაკრებელი.

4. ტერიტორიული ორგანოს მიერ სათამაშო ბიზნესის მოსაკრებლის გადახდის დამადასტურებელი ნიშნის გაცემის დროს ამოჭრილ უნდა იქნეს შესაბამისი მიმდინარე აღმნიშვნელი ციფრი (ციფრები ნიშანზე განთავსებულია კვარტალების მიხედვით I-დან IV-ის ჩათვლით).

5. სათამაშო ბიზნესის მოსაკრებლის გადახდის ნიშნები ტერიტორიული ორგანოს მიერ თამაშების მომწყობ პირებზე გაიცემა უფასოდ.

საქართველოს ფინანსთა მინისტრის 2010 წლის 17 მაისის ბრძანება №398-სსმIII, №55, 18.05.2010წ.; მუხ.851

    მუხლი 3. სათამაშო ბიზნესის მოსაკრებლის გადახდის ნიშნების რეგისტრაცია

1. სათამაშო ბიზნესის მოსაკრებლის გადახდის ნიშნების დაბეჭდვისა და უტილიზაციის წესი განისაზღვრება არსებული კანონმდებლობის შესაბამისად.

2. ტერიტორიულ ორგანოებზე სათამაშო ბიზნესის მოსაკრებლის გადახდის დამადასტურებელი ნიშნების გაცემის აღრიცხვას აწარმოებს შემოსავლების სამსახური, ტერიტორიულ ორგანოებზე სათამაშო ბიზნესის მოსაკრებლის გადახდის ნიშნების გაცემის აღრიცხვის ჟურნალის მიხედვით (დანართი №1), ან/და მისი ელექტრონული ვერსიით, რომლის ამობეჭდვა და დაარქივება ხდება ყოველი წლის ბოლოს.

3. სათამაშო ბიზნესის მოსაკრებლის გადახდის დამადასტურებელი ნიშნების მიღებისა და სათამაშო ბიზნესის მომწყობ პირებზე ნიშნების გაცემის აღრიცხვას აწარმოებენ ტერიტორიული ორგანოები სათამაშო ბიზნესის ორგანიზატორებზე მოსაკრებლის გადახდის ნიშნების გაცემის აღრიცხვის ჟურნალის მიხედვით (დანართი №2), ან/და მისი ელექტრონულ ვერსიით, რომლის ამობეჭდვა და დაარქივება ხდება ყოველი წლის ბოლოს.

საქართველოს ფინანსთა მინისტრის 2007 წლის 11 მაისის ბრძანება №476-სსმIII, №66, 14.05.2007წ.; მუხ.740

საქართველოს ფინანსთა მინისტრის 2010 წლის 17 მაისის ბრძანება №398-სსმIII, №55, 18.05.2010წ.; მუხ.851

    მუხლი 4. სათამაშო ბიზნესის მოსაკრებლის გადახდის დამადასტურებელი ნიშნების დამაგრების წესი

1. სათამაშო ბიზნესის მომწყობი პირის მიერ მოსაკრებლის გადახდის დამადასტურებელი ნიშნების დამაგრება წარმოებს სათამაშო მაგიდებზე, სათამაშო აპარატებზე, რულეტზე (სათამაშო ბორბალი), ტოტალიზატორის, ბინგოსა და ლოტოს სალაროებზე – თვალსაჩინო ადგილას.

2. ყოველი საანგარიშო კვარტალისათვის განკუთვნილი ნიშნების დამაგრება ხდება თამაშების დაწყების კალენდარული კვარტალის პირველ დღეს და იხსნება საანგარიშო პერიოდის (კვარტალის) ბოლო დღეს.

    მუხლი 5. სათამაშო ბიზნესის მოსაკრებლის გადახდის ნიშნების დაზიანების ან დაკარგვის შემთხვევაში შეცვლის წესი

1. სათამაშო ბიზნესის მოსაკრებლის გადახდის ნიშანი დაზიანების ან დაკარგვის შემთხვევაში ექვემდებარება ახლით შეცვლას.

2. სათამაშო ბიზნესის მოსაკრებლის გადახდის ნიშანი ითვლება დაზიანებულად, თუ მასზე დატანილი ინფორმაცია ან მისი ნაწილი არ იკითხება და არ იძლევა ნიშნის იდენტიფიცირების საშუალებას.

3. მოსაკრებლის გადახდის დაზიანებული ნიშნის მოხსნა დაბეგვრის ობიექტიდან ხდება სათანადო აქტის გაფორმების საფუძველზე, რომელსაც ხელს აწერს თამაშების ორგანიზატორი პირი და შესაბამისი ტერიტორიული ორგანო. აქტში მითითებულ უნდა იქნეს დაზიანების მიზეზი, თარიღი და დაზიანების ხარისხი.

4. დაზიანებული ნიშნები გადასაცვლელად წარედგინება იმ ტერიტორიულ ორგანოს, რომლის მიერ გაცემულია აღნიშნული ნიშანი, მაგრამ არა უგვიანეს დაზიანებიდან მეორე დღისა.

5. ტერიტორიული ორგანო მოსაკრებლის გადახდის ნიშნის შეცვლის შესახებ გადაწყვეტილებას იღებს დაზიანებული ნიშნების წარმოდგენიდან არა უგვიანეს მომდევნო სამუშაო დღისა.

6. ტერიტორიული ორგანოები მოსაკრებლის გადახდის დაზიანებულ ნიშნებს წარადგენენ შემოსავლების სამსახურში არა უგვიანეს შესაბამისი პერიოდის მომდევნო თვის 10 რიცხვისა.

საქართველოს ფინანსთა მინისტრის 2007 წლის 11 მაისის ბრძანება №476-სსმIII, №66, 14.05.2007წ.; მუხ.740

საქართველოს ფინანსთა მინისტრის 2010 წლის 17 მაისის ბრძანება №398-სსმIII, №55, 18.05.2010წ.; მუხ.851

    მუხლი 6. უმოქმედო დაბეგვრის ობიექტების დალუქვისა და ლუქის ახსნის წესი

1. სარეზერვო სათამაშო მაგიდების, ავტომატების და ტოტალიზატორის, ბინგოსა და ლოტოს სალაროების დალუქვა ხდება იმ ფორმით, რომელიც გამორიცხავს ლუქის დაზიანების გარეშე მათი გამოყენების (ექსპლუატაციის) შესაძლებლობას.

2. დაბეგვრის უმოქმედო ობიექტების (სამორინეს სათამაშო მაგიდები და ავტომატები, ბინგოსა და ტოტალიზატორების სალაროები) დალუქვას ახდენენ ტერიტორიული ორგანოები შესაბამისი აქტის შედგენით.

3. დალუქულ ობიექტებზე ლუქის ახსნას ახდენენ ტერიტორიული ორგანოები სათამაშო ბიზნესის მომწყობი პირის განცხადების საფუძველზე. ტერიტორიული ორგანოების მიერ ლუქის ახსნა ხდება შესაბამისი აქტის შედგენის გზით.

4. სათამაშო მაგიდები და ავტომატები, რომლებიც ითვლებიან სარეზერვოდ და არ არის დალუქული, გატანილ უნდა იქნეს სათამაშო დარბაზიდან. წინააღ-მდეგ შემთხვევაში ისინი ითვლებიან როგორც მოქმედი და გადახდილ უნდა იქნეს მოსაკრებელი არსებული წესის შესაბამისად.

5. სათამაშო ბიზნესის მოსაკრებლის გადახდის ნიშნის გარეშე და დაზიანებული ლუქისა ან დაულუქავი დაბეგვრის ობიექტების არსებობის შემთხვევაში სათამაშო ბიზნესის მომწყობთა მიმართ გამოიყენება საგადასახადო კოდექსის 133-ე მუხლით განსაზღვრული სანქციები.

საქართველოს ფინანსთა მინისტრის 2010 წლის 17 მაისის ბრძანება №398-სსმIII, №55, 18.05.2010წ.; მუხ.851

 

 

 

 

 

 

 

 

დანართი 1

ტერიტორიულ ორგანოებზე სათამაშო ბიზნესის მოსაკრებლის

გადახდის ნიშნების გაცემის აღრიცხვის ჟურნალი

 

ტერიტორიული ორგანო _____________

 

 

№

გაცემის თარიღი

სათამაშო მაგიდა

სათამაშო ავტომატები

ტოტალიზატორი

ბინგო

ლოტო

რაოდენობა

სერია

ნომერი

რაოდენობა

სერია

ნომერი

რაოდენობა

სერია

ნომერი

რაოდენობა

სერია

ნომერი

რაოდენობა

სერია

ნომერი

 

 

 

ნიშნების მიმღების გვარი, სახელი	მინდობი-ლობის № და თარიღი	პირადობის მოწმობის №	მიმღების ხელმოწერა	გამცემის ხელმოწერა	შენიშვნა (ნიშნების დაბრუნების აღნიშვნა)

საქართველოს ფინანსთა მინისტრის 2010 წლის 17 მაისის ბრძანება №398-სსმIII, №55, 18.05.2010წ.; მუხ.851

 

დანართი 2

სათამაშო ბიზნესის ორგანიზატორებზე მოსაკრებლის

გადახდის ნიშნების გაცემის აღრიცხვის ჟურნალი

გადამხდელის დასახელება ––––––––––

 

საიდენტიფიკაციო № – – – – – – – – – შემთხვევითობის თამაშ. მოწყობის ადგილი

 

ლიცენზია –––––––––––––––––––––––––––––––––––––––––––

                     რეგისტ. № გაცემ. თარიღი მოქმედების პერიოდი

ტელეფონი–––––––––––

 

 

გაგრძელება

 

 

Annotate